[1916-5 台灣教會報 文類-散文 作者--/-]
廈門女學 [ Ē-mn̂g Lú-o̍h ]
廈門女學。 1916.5，no.374，pp.6-8 阮接著廈門一位姑娘的批講，阮愛將這冬所得著的好消息報予你知，就是舊年11月9號有一个女青年會的安姑娘到廈門，愛勉勵青年的女學生歸主，成做基督徒。這个姑娘專專料理女青年會的事。中國濟濟所在行來，行去，到濟濟學堂攏是咧做這號工。是真熱心祈禱，有受聖神大充滿。不論甚物所在攏有得著上帝的恩賜。 今伊佇11月9號就是拜二到鼓浪嶼，就代先佮懷仁女學的學生聚集。有三日久，逐日有兩擺，有得著上帝的恩賜，阮聽見不止歡喜，向望咱的學也會得著。 佇未來的代先一日，本學學生有做祈禱會，專專求上帝備辦安姑娘佮學生的心，予人除去攏總不法的事，到過日通便便聽好...

[1916-5 台灣教會報 文類-散文 作者--/-]
焦吧年近況 [ Ta-pa-nî Kīn-hóng ]
焦吧哖近況。 1916.5，no.374，pp.9 焦吧哖的會友現時真艱苦。舊年擾亂彼霎in的厝佮家私攏燒了了。後來in搭草寮仔佇in所共人贌的園地。今遐的園主看是干焦婦人人佮囡仔就毋准in作，草寮仔著紲拆去別位。按呢艱苦。 閣舊年地方擾亂彼時拄仔咧種作。有會友為著衙門公事無通作，有的種了就拄著擾亂。民家的精牲幾若月日久無人通約束，放據在伊去食五穀，致到所有種作的物件攏予in食到無半項通收成。對按呢欠缺米糧。 照看毋是干焦一半人拄著這號淒慘，較濟攏有。頭社的會友已經贊淡薄，總是無夠額氣力。阮咧想佇教會內若有甚物朋友愛贊成淡薄，通寄交頭社的傳道先生賴林，抑是交代宋牧師替列位轉寄也會做得。...

[1916-5 台灣教會報 文類-散文 作者--/-]
建築部 [ Kiàn-tio̍k-pō͘ ]
建築部。 1916.5，no.374，pp.10-11 兄弟--啊！這幫中會佇烏牛欄有議論一層要緊的事，就是欲設一个建築部。因為現時教會那久那闊大；逐年常常有起禮拜堂，傳道先生佮兄弟沓沓出門題捐。現時卻無甚物錯誤的代誌，不過驚了後來那混雜，紲生出弊病。 又閣咱教會現時咧起禮拜堂，攏是彼所在的兄弟佮傳道先生常常設法，無別人通鬥拍算，致到常常有起了無衛生，厝tat拍了毋好看；抑是有時兄弟意見無相合，對按呢有時生起毋好的感情。抑是有時無斟酌拍算，無量教會的氣力，譬論教會有1000銀的力nā-tiāⁿ，大家就譀譀起3000，致到起了真荏，開兄弟的錢真濟，毋免一兩年的中間攏歹了了。 頂面所講遮的...

[1916-6 台灣教會報 文類-散文 作者--/-]
捾鐵鍊 [ Koāⁿ Thih-liān ]
捾鐵鏈。 1916.6，no.375，pp.5 早年有一个印度和尚，伊所捾的鐵鏈差不多一百斤重，鐵鏈一條有大塊鐵，因為遐重才著不時跔跔。頷頸，跤手有遐重，遐墜的鐵鏈到袂會行，三頓著人捀予伊食。二十外年久攏是捾遐的重鍊。想到伊的形狀實在通可憐。怎樣欲按呢？伊講，少年的時無論甚物歹伊真愛做；後來就想，若捾遐的重鍊也鍊伊的跤手，看會予伊罪罫無--去袂。那久捾那濟條，到路尾捾無法得。這个人的頷頸，跤手有遐重的鐵鏈鍊咧，是向望會脫離罪，會得著救。伊按呢刑罰家己到真艱苦，實實是歸空空無路用。 要緊是伊的心著換做新，毋是著鍊伊的跤手。親像佇詩篇有講，「上帝啊！求你共我創造清氣的心；予我的心志換新堅...

[1916-6 台灣教會報 文類-散文 作者--/-]
婦人人的佈道所 [ Hū-jîn-lâng ê Pò͘-tō-só͘ ]
共進會佈道。 婦人人的佈道所。 1916.6，no.375，pp.6-7 佇婦人人的佈道所逐日亦有演說，頂晡，下晡佮ê昏。逐日有幾若百人來聽。三十三日的中間來聽的婦人人總共敢有萬外人。逐日有姑娘，牧師娘，醫生娘，女傳道以及教會的姊妹幾若人佇咧來鬥招呼人，鬥教示，鬥演說。台南有派兩个姑娘佮三个女傳道來鬥幫贊。北部的教會姊妹有不止濟甘願盡in的力來鬥相仝。南部的姊妹亦有幾若-的歡喜來獻in的工。大家真出力。這陣順機會共列位說謝。 本地的教會姊妹亦有的題捐寄附來幫贊所費。南部的姊妹有幫贊Y78.03，北部的姊妹有幫贊Y73.21。北部有16間拜堂的姊妹寄附：大稻埕，艋舺，三角埔，三角湧，新莊...

[1916-6 台灣教會報 文類-散文 作者--/-]
台南女士會 [ Tâi-lâm Lú-sū-hoē ]
台南女士會。 1916.6，no.375，pp.7-8 新曆4月10號的昏設歡迎會，宋牧師娘主理。隔日11號女士會聚集佇台南女學校。赴會的人：西國姑娘5个，牧師娘3个，醫生娘一个，北部的Lê姑娘也來；本島牧師娘，傳道先生娘佮姊妹攏總倚70人。 頂晡9點開會，Lô͘姑娘主理，讀以賽亞52：11；提摩太後書2：21；詩篇51；用認罪祈禱做題目，勸勉會眾。人欲做主的工著清氣相，合主的路用；若有毋著著認罪祈禱，予上帝赦免才會替主做工教示別人。後來議論守安息日，李Tong-kia̍t先生娘讀論。 下晡2點半接紲議論安息日的工，聽讀Siau-lâng林先生娘寄來的論，講起禮拜的時要緊著肅靜。然後論...

[1916-6 台灣教會報 文類-散文 作者--/-]
共進會佈道 [ Kiōng-chìn-hoē Pò͘-tō ]
共進會佈道。 查埔人的佈道所。 1916.6，no.375，pp.6 這幫順共進會的機會，咱教會有設佈道所佇第2會場的正面，大家卻已經知影了。今愛將所經過的狀況大略來寫幾句予大家知影。 這个佈道所對開-予到閉會有33日的久。逐日較常是對頂晡10點起，到暝時11點止。每日平均演說10點鐘久。來聽的人額總共有三萬外人，就是每日平均千外人。婦人人無算在內。可惜遐的團體的人無機會通來聽，設使若會來聽，就會加不止濟。這款的機會，對台灣設教以來敢猶未捌有。今向望有好的結果。佇遮的來聽的人的中間，有的來聽真濟擺。到欲閉會彼日有一个講伊有來聽29擺，今約伊欲來禮拜。閣有一个對頂晡10點鐘來聽，到下晡6...

[1916-6 台灣教會報 文類-散文 作者--/-]
北港的消息 [ Pak-kángêSiau-sit ]
北港的消息。 (洪Tek-sin記)。 1916.6，no.375，p.10 北港教會的事由拍算列位敢真愛知。今講淡薄予恁通明白。 北港通講通台灣迷信地的浮華市，陷害神靈界的魔鬼國。因為遮的人攏是倚靠這間朝天宮，來製造銀紙香燭店，趁錢不少。(行傳19：24)。有銀紙店佇每年二三月間，趁銀成萬，做一世人免趁有通食，穿，用，夠額。對按呢利權那久那大，銀紙香燭店，愈久愈坐坎，實在是趁錢的時勢。又閣1-3月將有幾若十萬人迷信，無嫌艱苦來到北港 燒金的時，銀紙攏是用規綑，人離金爐真遠才敢用按呢抌落去燒，是為著真燒的緣故，有當時燒到金爐迸開。香teng客來到北港買無銀紙通燒，就用銀票歸把抌...

[1916-7 台灣教會報 文類-散文 作者--/-]
台北基督教會的歷史 [ Tâi-pak Ki-tok Kàu-hoē ê Le̍k-sú ]
台北基督教會的歷史。 (吳威廉寫)。 1916.7，no.376，pp.6-9 主了後1871年6月14日加拿大長老教會的總會順主耶穌的命令，有擬定著派教師偕睿理去外邦傳耶穌的道理佇毋捌聽道理的人的中間。有定規派伊去中國；不過毋敢講佗一省。 彼年10月19日偕牧師有離開祖家，毋知欲去中國的甚物所在；獨獨有求聖神著替伊設法，日日共伊chhoā路。 同年12月尾伊有到台南的打狗欲揣李牧師。佇台南英吉利長老教會的宣教師有較早來設教，就是主了後1865年馬醫生有到台南報揚基督的道理。閣無偌久李牧師有來鬥幫贊。偕牧師到台南彼年Tek醫生，甘牧師猶原已經佇咧。遮的宣教師真歡喜接納偕牧師。 ...

[1916-7 台灣教會報 文類-散文 作者--/-]
歐洲戰事 [ Au-chiu Chiàn-sū ]
歐洲戰事。 1916.7，no.376，pp.10-11 佇6月第5號英國陸軍Kiat元帥搭戰船欲去俄國參詳交戰的代誌。到蘇格蘭北爿磕著水雷紲沉落去。元帥果然有死去。論英國對交戰所拄著的陷害這算是差不多第一傷重。 在6月11號佇德國的眾議院有報告講佇5月間in的陸軍的兵戰死2,2431，受掠7961，著傷6,3391。又閣報告對起交戰到5月尾戰死73,4412，著傷172,2961。海軍死傷-的無在內。 久久德國戰船走去覕佇港內毋敢出來佮英國戰船相刣。所以英國戰船常常駛倚德國咧聽候看in欲出來抑無。到5月31號號下晡in果然出來相刣。起頭德國船嶄然較濟也較大隻，致到咱這爿予in拍沉幾若...

[1916-8 台灣教會報 文類-散文 作者--/-]
拜上帝的國相交戰 [ Pài Siōng-tè ê kok saⁿ Kau-chiàn ]
拜上帝的國相交戰 1916.8，no.377，pp.1-2 兩年久佇歐羅巴洲，有真濟大小國咧相刣。除日本佮土耳其國以外，其餘遐的交戰的國攏算是拜上帝的國。通講日本是屬佛教，也土耳其是回回教。總是其餘-的親像俄羅斯，法蘭西，奧國，以大利，德國，白耳義，Sek-hui-a，He̍k-san，Po-tô-gâ，英國，人講遐的攏是拜上帝的國。有的屬希臘教，有的天主教，也有的屬基督教。論遐的國從中有的所用的方法來交戰是狠惡到極。有的犯著萬國公法佮人道的規矩。In所做的歹代比拜佛的國通講是閣較見笑。猶過人講in是拜上帝的國。 對按呢生旁邊的人講，拜上帝有甚物路用？拜上帝的國若遐爾惡，不如毋免拜上...

[1916-8 台灣教會報 文類-散文 作者--/-]
論奧國 [ Lūn Ò-kok ]
論奧國 1916.8，no.377，pp.5 佇歐羅巴洲遮的有勢力的國奧國對真早算不止要緊的國。較早奧國比德國較有力。佇主後1866年德國有佮奧國相刣。德國代先備辦相刣逐項真工夫。相刣六禮拜的久就德國較贏，奧國著降服。對彼霎到今德國比奧國較有力。 奧國的百姓有幾若个種類。有的德國種，有的俄羅斯種，有的以大利種，有的Sek-hui-a種，亦有別的種類。對按呢奧國常常拄著擾亂的事，因為有遐濟的種類；有的常常相怨妒。德國種類怨妒俄羅種類--的，以大利種類怨妒德國種類--的等等，致到予官府真僫得辦國家的事。奧國現今的皇帝已經有坐位68年的久。伊坐位遐久，伊的百姓真尊敬伊，較甘願降服。驚了別日皇帝...

[1916-8 台灣教會報 文類-散文 作者--/-]
嫁娶的事 [ Kè-chhoā ê Sū ]
嫁娶的事。 1916.8，no.377，pp.5 台灣北部中會有決定教會毋通佮教會外的人相嫁娶。毋過教會逐所在無偌濟，袂得拄好，欲嫁的人毋知欲娶的佇佗位？對按呢眾傳道師有不止咧掛慮著怎樣來設法，才會完滿通予教會對教會相配婚。所以台北傳道會有稟中會准台北傳道會揀一人來擔當彼層事。 今有得著中會的允准紲台北的傳道會有揀我來做通知者。向望眾傳教師以及眾兄姊若有欲娶，欲嫁的，就緊報我知，我就會替恁通知相當的人。順筆請安。 陳春生， 桃園禮拜堂。...

[1916-8 台灣教會報 文類-散文 作者--/-]
約翰 12：24 [ Iok-hān 12：24 ]
約翰12：24 1916.8，no.377，pp.9-10 一粒麥猶未化，猶原是一粒，若化就結麥濟濟。拄拄是佮32節所講siāng意思：我若予人舉起離開地就引chhoā眾人就近我。對按呢通知佇遮所講「麥」--字是欲表明救主替人贖罪的代誌。不論甚物種子若也塗裡的確著代先變化，才會發芽發穎規叢，生湠出子幾若倍較濟。耶穌家己比並伊來出世做人佇這世間猶未死，是親像麥種猶未化。救主咧講彼時伊知時到應該著予人舉起佇十字架，來擔當世間人的罪。救主所講的話盡在壯膽有向望的款式。伊講我若予人舉起會引chhoā眾人就近我。今咱今仔日的題目是著議論十字架的道理。 咱若讀四福音傳較倚尾章，就實實知咱的主果然受克...

[1916-9 台灣教會報 文類-散文 作者--/-]
Ka-thiat Pa-nî-a [ Ka-thiat Pa-nî-a ]
Ka-thiat Pa-nî-a。 1916.9，no.378，pp.1-2 以色列對出埃及到迦南地有經過40年。從中38年久in設營盤佇Ka-thiat Pa-nî-a。Bí-lí-àm佇遐過身。Ko-hat佮伊的黨類佇遐悖逆摩西紲拄著重的刑罰。上帝佇遐行權能予百姓得著有水通食。對遐摩西派12个探偵去到迦南探彼个土地。除西奈山以外Ka-thiat Pa-nî-a算是以色列蹛佇曠野第一出名的所在。 遐的探偵倒轉來較多數回覆講土地真好，總是本地人，亞衲的囝，阿瑪力人彼號是真大漢真勇猛，穩當袂得較贏in；又閣講in的城有圍牆，設使攻也袂破。總是探偵的小數猶原有看著遐的大勇猛的對敵以及遐的所圍...

[1916-9 台灣教會報 文類-散文 作者--/-]
土耳其 [ Thó͘-ní-kî ]
土耳其。 1916.9，no.378，pp.7-8 土耳其國有真濟種類的人佇咧，閣宗教有幾若款。土耳其種的人本對中亞西亞來。救主降生了後第十三世紀in的祖有徙來小亞西亞，佇遐徛起。愛得著回回教的教示封回回教做in的宗教。論相刣in對起頭不止勇敢。有拍贏幾若族的人，佔in的地。彼時小亞西亞的人不止濟是希利尼種類的人。後來土耳其的人那佔in的地，毋但佇小亞西亞nā-tiāⁿ，土耳其亦是有入歐羅巴洲，拍贏羅馬東爿的國。1453年有拍Kun-su-tan-teng，就是羅馬東爿的國的京城。城有陷落，皇帝予土耳其的兵刣死，規國攏予土耳其佔領。後來土耳其有佔希利尼，Bu̍t-gê-lī-a，Sek-h...

[1916-9 台灣教會報 文類-散文 作者--/-]
除譴損 [ Tû Khiàn-sńg ]
除譴損。 1916.9，no.378，pp.4 佇太平洋就是日本到美國差不多半路有幾若个海島，叫做Pò͘-oa (Hawaii)。攏共有15个海嶼，從中有人徛起--的8个。近來台灣作穡人所插的改良蔗較濟攏對遐來。佇1898年美國佔遐的海嶼了後做美國的屬地，總是早年in有家己的王咧該管。 佇遐的海嶼的中間有天下萬國第一大猶咧出火的火山。彼个火山叫做Ki-láu-iâ。百姓有大譴損，拍算in所服侍彼个出名的女神Pi-lī，tiàm佇火山的空內。彼个火山，Ki-láu-iâ，佮女神，Pi-lī，算是眾百姓受把縛大譴損e根源。 佇19世紀的頂半葉有一个女王，名叫Ka-pió-la-ni̍h，咧...

[1916-9 台灣教會報 文類-散文 作者--/-]
學道理的法度 [ o̍h tō-lí ê Hoat-tō͘ ]
學道理的法度。 (約翰7：17；14：26)。 1916.9，no.378，pp.5 咱咧講究聖經有時僫得明彼个意思。對按呢是真要緊咱著有法度予咱講究聖經的時較會明真的意思。今佇約翰7：17；14：26咱的Tsú耶穌基督有講起兩款的法度。這兩个法度就是，(1)甘願趁上帝的旨意，(2)得著聖神的指示。咱若無趁這兩款的法度，就定著袂會明真的道理。雖罔真gâu，真有智識，若毋甘願趁上帝的旨意，無得著上帝的聖神的指示，就咱的gâu，咱的智識無夠額通予咱捌真的道理。比並保羅彼霎佇亞基帕王的面前講起伊所拄著的代誌，保羅講上帝召伊做差用，伊毋敢違逆。「我無違逆對天所顯現。」照按呢來看保羅已經捌上帝的旨...

[1916-9 台灣教會報 文類-散文 作者-陳清忠/Tân Chheng-tiong ]
神(上帝)佮囝 [ Sîn (Siōng-tè) kap kiáⁿ ]
神(上帝)佮囝。 (陳清忠記的。) 1916.9，no.378，pp.5-7 聖句。「恁遮的信基督耶穌，攏總做上帝的囝 (加拉太3：26)。 有時有一款的意思佇咧，就是世間人攏總是上帝的囝，無論有信基督抑是無信基督，平平是受上帝創造，受上帝的養育，不管有孝抑是不孝攏是囝。雖然是按呢，總是保羅佇這个所在共加拉太的人講-的，毋是干焦這款一般的意思是一款特別的意思佇咧，就是講，「恁遮的信基督耶穌，攏總做上帝的囝」，就是對信靠來做上帝的囝。佇約翰一書3章10節，約翰有講，「無行好，無相疼的人，毋是對上帝出」。按呢共伊想--起-來，就是佇世間有的毋是上帝的囝的意思佇咧。保羅寄批予羅馬的教會也有講...

[1916-9 台灣教會報 文類-散文 作者-偕叡廉/Kai Jōe-liâm]
歐洲戰爭 [ Au-chiu Chiàn-cheng ]
歐洲戰爭。 (偕叡廉記)。 1916.9，no.378，pp.7 歐洲開戰到這霎已經兩年久。彼時德國佮奧國同盟，然後閣加添兩國倚in，就是土耳其佮Bu̍t-gâ-lī。這4國大出力來攻擊聯合軍。對按呢法國，白耳義，俄羅佮Sek-hui-a的土地予in佔不止濟。起頭德國佮奧國的兵馬，以及銃，炮子真充足，所以in常常贏。舊年俄羅大失敗，予德國佮奧國拍真忝。In會輸到按呢是因為銃子無夠額。彼時有人拍算聯合軍的確輸。總是佇今年的中間俄羅的炮子對美國，英國，日本買真濟。閣再英國以前兵少，是幾十萬nā-tiāⁿ，今已經操練到五百萬便便。對按呢聯合軍的氣力真大加添。本咱若讀新聞較常攏是聽德國咧拍法國，...