[1905-2 台南府城教會報 文類-散文 作者-高金聲/Ko Kim-seng]
余先生 [ Î Sian-siⁿ ]
余先生1905.02 239卷 p.19(高金聲記)余饒理先生，lín bat 伊--mah？ Bat 伊，21年來台灣開設中學，培養學生。起頭中學設tī 許--厝，後--來學內學生宿舍beh倒，就來建置1間新中學tī新樓內。阮向望伊會thang 久長 toà台灣栽培中學ê 學生，不幸tī 9年前先生娘破病，無合水土，就搬徙去汕頭ê內山五更舖，tiàm hia 設中學，教示客人ê子弟。也bat聽著伊有患著piàn-suī ê 病，tī英國調養hō͘ 醫生醫治，總--是無齊備好，若是伊疼著這東爿ê人，所以phoe命koh過來五更舖教學生。 今余--先生in現時àn-choáⁿ？Hāi!真可惜！T...

[1910-10 台南府城教會報 文類-散文 作者-高金聲/Ko Kim-seng]
敗壞時日ê蟲 [ Pāi-hoāi Sî-ji̍t ê Thâng ]
敗壞時日ê蟲1910.10 307卷 p.78-80(高金聲牧師記--ê.)蟲有真濟種，大概來講有2類。親像水雞食稻仔蟲，tō͘-kún 會hō͘ 土鬆，蠶會吐絲，蜂會放蜜，chiah ê 號做有利益ê 蟲。草蜢會害所種ê 五穀，白蟻會車柴，chián-hî食冊，蚊仔會釘人，chiah ê 號做害蟲。論時日 ê 中間kiám也有害蟲？細膩來想，m̄-nā 一種；排列 tī 下面。 1.破病。病痛m̄是咱所ài,總--是人bē 免tit 會病。早時孟擭雖然猛，孔明7 擺放伊去，猶原koh掠著。崑崙關卻堅固，更鼓扑3下hit時，就hō͘ Te̍k-chheng 佔去。若是破病一下到，隨是有智識 ê...

[1910-11 台南府城教會報 文類-散文 作者-高金聲/Ko Kim-seng]
敗壞時日ê蟲 [ Pāi-hoāi Sî-ji̍t ê Thâng ]
敗壞時日ê蟲1910.11 308卷 p.89-91(高金聲記--ê).(接前張第80面).6.做工無定著ê 心。Bat看著學仔ê 學生teh 讀冊，tiap仔久仔so腳pê手，tiap仔久仔iúⁿ 水灌tō͘猴，tiap仔久仔hiat 球鬥輸贏，tiap仔久仔樹腳拾果子，延chhiân真久，一本冊讀才會熟。Koh有人bat 學國語，半路煞去，倒去作穡。到後--來kap 日本人交陪，嘴開thi̍h-thu̍h哮，才反悔beh koh 學國語。總--是前所學ê,今bē 記tit，不得已著tuì 初學扑起。又koh咱若做工無定著ê 心，自然無定著ê 工，歸日所做無次無序，不tap不chhi̍t,l...

[1911-6 台南府城教會報 文類-散文 作者-甘為霖/Kam Uî-lîm]
論白話字 [ Lūn Pe̍h-oē-jī ]
論白話字。 1911.06 315卷 p.47-48 (甘為霖記--ê。) 前卷ê報有講咱ê漢字kap日本字是無甚mih合庄社人ê路用，反轉教會內teh用ê外國字真正會做tit。講起了，hit篇論有舉議咱著將先生ê氣力kap教會ê錢財設一個外國字ê新聞報，也有請看報ê列位著罔來參詳這層事。*今我ài講幾句。 I.論漢字。(1)英國人iáu做生番ê時陣，這號字已經有大功效；(2)現今tī歐羅巴kap大美洲ê大學有差不多30個博學先生teh教漢文；(3)清國近來ê大興較大半是出tuì百姓真保惜in本地ê學校，的確m̄是因為外國字有開路來牽伊。設使會友ài辯駁講，屬漢文無甚mih利便ê字...

[1921-2 台南府城教會報 文類-散文 作者-杜雪雲/Tō͘ Soat-hûn]
仁德ê題目 [ Jîn-tek ê Tê-ba̍k ]
仁德ê題目1921.02 431卷 p.12(杜--氏雪雲記。)Bat有1日teh落大雨，致到濟濟gín-ná bē-thang出去，tio̍h tī內面chhit-thô。某口灶有7個囡仔，大漢--ê 號做仁德，就叫伊ê 小弟小妹tī in 兜用禮拜ê 法度做chhit-thô ，in 有備辦所在親像禮拜堂ê 款，tī hia有排兩三choā ê 椅，也將一塊the椅做台仔，用腳踏椅thang hō͘人peh上台頂。In 看台仔創到hiah 好勢，就逐家相爭beh 做牧師，總是仁德講牧師應該著hō͘伊做，因為伊會曉唸聖經ê 節第一濟，算是較合宜。囡仔ê 阿姑坐tī 邊仔teh聽，略仔teh ...

[1934-9 台灣教會公報 文類-散文 作者-鄭溪泮/Tēⁿ Ke-phòan]
澎湖訪問記 [ Phêⁿ-ô͘ Hóng-mn̄g-kì ]
澎湖訪問記 (鄭溪泮) 1934.9，no.594，pp.14-15 澎湖教會有4个，就是馬公，瓦硐，花宅，大嶼；以外Tang-kiat佮西嶼的竹篙灣兩个所在，也有兄弟佇遐。 澎湖的教會，算是靈界西爿的戰線。逐年大中會負責任teh關心；眾兄弟姊妹moé聖餐的時，永有數念in，紲為著澎湖宣道會來獻金。 今年宣道會派鄙人著去巡遮的教會。就佇7月13日出發，到高雄拄著風雨，紲延期，14暝(拜6)到馬公。工程就對遮做起。今將各教會消息，大略記佇下底：- 1. 馬公：這月14拜6暝到位，問道理，隔早起小會。這幫准5人入教，彼早起有共in行洗禮；也行洗禮予一个小兒。長老3名，執...

[1934-10 台灣教會公報 文類-散文 作者-鄭溪泮/Tēⁿ Ke-phòan]
芳味滿厝 [ Phang-bī Moá-chhù ]
芳味滿厝 (約翰12：3) (嘉義鄭溪泮) 1934. 10，no. 595，pp. 7-8 盤過節的六日前，耶穌到伯大尼，受癩ko西門的招待，拉撒路陪席，馬大來伺候，馬利亞暗靜備辦一斤極貴氣，真的ná-ta̍t芳油，來抹耶穌「芳味滿厝。」這層事過一禮拜，耶穌就受難釘死。 彼霎學生有看見，也有鼻見，其中有的就念，猶大貪心，就嫌。主講，「這个婦人人所做，是為著我埋葬的路用。普天下，不論甚物所在傳福音，的確著講起這个婦人人的所行，予人紀念。」講按呢大大呵咾--伊。這層顯明馬利亞3層的可取。 I. 盡心敬主。 II. 盡意疼主。 III. 盡力服事主。 為著...

[1920-11 台南府城教會報 文類-散文 作者-鄭溪泮/Tēⁿ Ke-phòan]
問症發藥 [ Būn-chèng Hoat-io̍h ]
問症發藥1920.11 428卷 p.9-10(鄭溪泮記。)10外年前我bat入台南醫館看見禮拜廳ê 大柱有貼一張白紙寫烏字，題目是講「問症發藥」，實在真好聽。 有一擺我去chhoē 醫生，kā 伊講：「醫生啊，平安。」伊講：「平安，你有甚物病？」我應講：「正手ê 指頭仔hō͘ teh滾ê 牛乳燙--著，teh phòng-phā,bē 摸得。」醫生問了做伊--去，攏無藥hō͘我，hit時我ê 心大艱苦。 這兩層ê 事隱密真久，到這tia̍p 就鑽出 Kok-kok-thaⁿ愛講幾句分lín聽。醫生一個，患者講百，若無詳細研究，就oh得知伊ê 病原。既然m̄ 知，就診斷差錯。醫生teh 看病有...

[1907-5 台南府城教會報 文類-散文 作者-林燕臣/Lîm Iàn-sîn]
遊歷漳泉教會 [ Iû-le̍k Chiang-choân Kàu-hoē ]
遊歷漳泉教會1907.05 266卷 p.37Tī舊年秋會ê時，有派我kap劉牧師過去廈門赴in ê總會；到今年舊曆正月1日就搭船過去，遊歷逐所在ê教會，受in西國幾若個先生以及本地眾當職ê人好款待講bē了。聖經講：「Lín若相疼，眾人bat你是我ê學生。」(翰13:35)；thang知救主ê話有應驗。到2月8日4點鐘，tuì滬尾上山；感謝上帝，大家身軀攏平安；koh得臺北柯維思先生kap陳清義牧師迎接去in厝，好禮款待；這也是上帝ê恩典。 今ài將唐山教會ê情形，大略記 tī下底，hō͘列位知：------ 論外國來漳泉設教3個公會：1.美國長老教，2.英國長老教(kap咱chit爿像公會)...

[1907-6 台南府城教會報 文類-散文 作者-林燕臣/Lîm Iàn-sîn]
遊歷漳泉教會 [ Iû-le̍k Chiang-choân Kàu-hoē ]
遊歷漳泉教會1907.06 267卷 p.45-46(接前張第37面)。(林燕臣記--ê。)論泉州城內有兩間禮拜堂，一間tī南街，牧師陳宣寧；拜堂容允300外人；也有起樓hō͘牧師toà。Koh一間tī西街，牧師吳風波；拜堂容允兩三百人；Chit-ê吳牧師有設一個法度號做巡街佈道會，每拜三暝昏7點半，兄弟輪流請牧師去in厝講道理，牧師著照in hit暝所讀ê聖經開拆淡薄，來苦勸勉勵in，hō͘ 兄弟姊妹較知影道理。Koh拜四kap拜六做祈禱會。 若是陳宣寧牧師ê堂會亦真活動。拜二設一個救親會；每禮拜到hit暝昏一點半鐘，牧師就招幾若個兄弟作伙去in厝，hit時主人有請 in ê親人厝邊朋友濟濟...

[1907-7 台南府城教會報 文類-散文 作者-林燕臣/Lîm Iàn-sîn]
遊歷漳泉教會 [ Iû-le̍k Chiang-choân Kàu-hoē ]
遊歷漳泉教會1907.07 268卷 p.54-55(接前張第46面)。(林燕臣記--ê。)論廈門ê教會不止興旺；有幾若間拜堂真大koh suí。本地牧師有幾若；是外國3個公會來設ê。親像新街ê堂會屬tī美國ê長老教， 這間拜堂真好看hit時起好，通中國iáu-boē有拜堂；到今 58年久。早前tú-tú起好，kan-ta 3人入教nā-tiāⁿ；現今聚集有300外人。有起一座牧師樓 hō͘本地牧師黃和成toà,伊今年倚60 liân歲。 Koh一間tī竹樹腳，hit間拜堂也真 suí koh大間；有起一間樓teh 囥大鐘，hit ê鐘ê聲聽真遠；Koh起一間樓hō͘牧師toà,hit ê牧師...

[1907-8 台南府城教會報 文類-散文 作者-林燕臣/Lîm Iàn-sîn]
遊歷漳泉教會 [ Iû-le̍k Chiang-choân Kàu-hoē ]
遊歷漳泉教會1907.08 269卷 p.61-62(接前張第55面)。(林燕臣記--ê。)論漳州城ê教會，是美國ê長老教設ê。Tī東poaⁿ後街有一間拜堂，tú好kap天主教對面。本底牧師王林覺是少年人，拜堂容允400外人，內面有一間小學堂，教員3人、傳道2人、長老4人，執事5、6人。中間有一個長老姓陳名啟裕，伊ê小弟是舉人，伊本身做醫生，tī禮拜日伊ê工做不止齊到，照所聽tī逐禮拜日，tuì 9點來到12點；e晝tuì 2點來到4點；e昏koh tuì 7點半來到9點。伊做長老ê模樣，濟濟人敬服伊。 照看這個教會真活動，tī頂晡9點半做小禮拜，到10點大禮拜；e晡2點做主日學；兄弟姊妹分做...

[1915-7 台灣教會報 文類-散文 作者-林燕臣/Lîm Iàn-sîn]
論嫁娶 [ Lūn Kè-chhoā ]
論嫁娶1915.07 364卷 p.9-10(林燕臣記)。論嫁娶ê風俗，照古早ê例，男30歲才娶，女20歲才嫁，這是周公所定著ê例。Koh文中子ê冊有講：「婚姻論財夷虜之道，君子不入其中。」解說就是講，嫁娶若計較聘金是蕃邦ê法度，君子ê人m̄入in ê所在；意思是看輕嫁娶beh收聘金偌濟，若準做買賣一樣。可惜今不同古，風俗ná變ná歹，一項是早嫁娶ê m̄好。bat看見查甫人tī 18、19歲ê時就娶，查某人tī15、16歲ê時就嫁，致到無幾歲就死，設使若無短歲壽，就所生ê子兒也m̄成物，親像果子叢愈幼嫩，就所結ê果子真細粒，人早娶也是án-ni。 Koh一項，嫁娶ê m̄好就是代先品聘金偌濟...

[1928-2 台灣教會報 文類-散文 作者-林燕臣/Lîm Iàn-sîn]
守主日 [ Siú Chú-ji̍t ]
守主日 林燕臣 1928.02.01 515卷p.6-8 論人愛做基督徒著做真基督徒，毋通有名無實才會通得著真的福氣。俗語講，「裝神成神。」咱已經信基督是神，就咱所想所講，一舉一動，應該著親像基督本身；抑是伊所傳的教示，著遵趁來行才是屬佇神的人。主講，恁若常常佇我的道理，就真正是我的學生(翰8：31)。閣講，恁若疼我。就欲守我的命令(翰14：15)。所以信徒著守主日；這是一項的命令。 人欲入léng-sián 的時，佇牧師佮眾人的面前有入約，phín欲守主日；立這个約，毋是佮人立約，是佮上帝立。論主日這兩字的原來，使徒約翰講，我佇主的日，我予神感動，聽見佇我的後面有大聲親像號頭，...

[1928-7 台灣教會報 文類-散文 作者-林燕臣/Lîm Iàn-sîn]
感想 [ Kám-sióng ]
感想 林燕臣 1928.07.01 520卷p.4-5 我的拄著患難，是做我的利益(詩篇119：71)。 論人會知天頂的主的旨意，實在無hiah快。東方朔捌講，「用竹管teh看天；用鱟殼 teh khat海水。」這是比並人的見識極小可；人teh測度上帝的心也是按呢。除起古早先知以外，的確無人會知上帝的心。所以為著按呢，若拄著富貴平安無境遇就恬恬無話，不過干焦歡喜唯是。若拄著破病，了錢，死失等等的歹境遇對按呢就怨身chheh命，指天指地，搥胸大哭，講我攏無做毋著，啥事予我拄著chiah大的艱苦，就煩惱那深，那大失志。雖然有親戚朋友來苦勸安慰伊，總是伊毋受安慰，那久那絕望，到路尾有的...

[1933-2 台灣教會公報 文類-散文 作者-林燕臣/Lîm Iàn-sîn]
台南中會：癸酋年感想 [ Tâi-lâm Tiong-hoē: Kuì-iú nî Kám-sióng ]
台南中會 癸酉年感想 1933.02 575 卷 p.8-9 (林燕臣) 今年是癸酉年，代先愛將癸酉兩字來開拆。論癸字的解說，是測度，就是講萬物通測度。論酉字，一說，是成熟；閣一說，是媠；這兩字合做伙說，是講萬物成熟閣媠。按呢通講是好收成的年冬。總是鄙人的感想，毋是欲kan-ta開拆這兩字的意思，是欲講今年的 kah-chí屬癸酉，就是肖雞，我有感想雞--字。論韓文公著冊，論雞有5項的德行：- (1)頭殼有紅的雞koè，親像戴媠帽真好看，號做文雅。 (2)雞跤爪真硬，敢踏刺phè，號做武藝高強。 (3)好膽佮對敵相扑，雖然流血亦無走，號做勇敢。 (4)看見有食物毋...

[1933-10 台灣教會公報 文類-散文 作者-林燕臣/Lîm Iàn-sîn]
平民的基督傳 [ Pêng-bîn ê Ki-tok-toān ]
平民的基督傳 林燕臣 1933.10 583卷 p.2-3 Ⅰ、讀了的感想 咱做基督徒毋通無讀冊，總是著揀好的冊來讀，毋若會加添咱的智識，也會加添咱的信仰。 現在有讀著司馬斯博士所著的基督傳，讀到耶穌成年的時，佇家庭生活。看博士的思想，理論，袂禁得感嘆現今的社會中，人的所做有無拄好佇咧。人若學問深，地位懸，伊的序大人若是粗夫俗子，伊的囝愛藐視伊，失落孝敬的態度，較濟是按呢。抑是見著做粗工的人，就看伊毋上耳目。所以拿撒勒人看耶穌雖然有超越的智慧，毋過知伊是木匠的囝，in就厭賤伊(馬太13：55─57)。古今人干焦看外皮，大概是按呢。這pang讀博士所講，耶穌佇家庭生活，不止心適...

[1914-11 台灣教會報 文類-散文 作者-林燕臣/Lîm Iàn-sîn]
追悼傳 [ Tui-tō-toān ]
追悼傳1914.11 356卷 p.2-3林燕臣記。廖君三仲，字名Tō-siu，就是我所疼所向望ê賢友。「語云知弟莫若師，」解說講，知學生ê款式，獨獨是先生。對明治30年教士會請我入中學助教，伊就屬二年生，hit時差不多13歲，資質聰明，亦奮志勤讀，真欣慕漢學，見若所考ê攏是3名內。Tī中學讀到卒業，hit時費先生有請伊幫贊教一年久，後來立志beh做傳教ê工，就入神學校，時間內勤勤講究逐項ê學問，時間外真熱心佈道，真好口才，讀到卒業然後koh去東京入明治學院做四年生，卒業了koh入早稻田大學，可惜讀無偌久舊時ê腦病koh起，就轉來台灣歇睏。到這 pang koh去日本調養，無扑算去大阪ê海面洗...

[1916-4 台灣教會報 文類-散文 作者-柯維思/Koa Î-su]
天然瓦斯 [ Thian-jiân oá-su ]
天然瓦斯。 1916. 4，no. 373，pp. 6 新曆正月27日佇台北廳芝蘭一堡溪州底庄665番地離三角埔拜堂里外路，楊厝倩人開天井。開到28丈外有拄著石iân，所以鐵枝有khong-khong吼的聲；以後閣開，鐵枝予瓦斯歕上空中，聽見講鐵枝lak落來有拍曲。彼个氣歕出的力嶄然大，hū-hū吼，予彼所在的人驚到欲死，所以緊用土來坉，總是無夠額的力通予伊密密，因為附近的所在猶原咧出瓦斯的氣，是因為彼所在是沙地的緣故。 彼霎厝邊所有的gâu人出所有的gâu話就講；講是鑿著龍穴；有的講是鑿著龍目。離彼空約有丈五遠有一个舊鼓井，內面亦紲有出煙。In就講是舊井的神受氣，所以緊緊備辦牲禮金紙佇...

[1934-3 台灣教會公報/芥菜子 文類-散文 作者-柯維思/Koa Î-su]
馬偕紀念病院的由來 [ Má-kai Kì-liām Pīⁿ-īⁿ ê iû-lâi ]
馬偕紀念病院的由來 (柯維思) 1934. 3，no. 588，pp. 25 台北雙連(宮前町) 「馬偕紀念病院」的由來，我愛寫淡薄：- 這幫馬偕紀念病院，是佇1912年，拄拄是北部教會設教40週年禧年會有開佇馬偕病院，就是做北部設教40週年的紀念事業。 宋醫生佮教士會員，有對加拿大母會秉請愛起一間病院，通來紀念偕牧師。所以母會有歡喜贊成，就寄付五萬銀來起。稱做「馬偕紀念病院。」所以咱通記得，就是台北這間「馬偕紀念病院」，是設教40週年禧年會的時開--的。亦是咧記念偕牧師-馬偕博士。 論淡水拜堂邊彼間舊的「偕醫館」的由來佮台北馬偕紀念病院無相同。 偕牧師起頭來淡水，佇18...