[1926-9 芥菜子 文類-散文 作者-陳清忠/Tân Chheng-tiong ]  (2)
本身 [ Pún- sin ]
本身 咱袂得通信用本身傷過頭，因為咱較常有欠缺濟濟的美德，閣再無十分知識家己的因端。 咱的知識本身是到極小可，尚且對佇咱的貧惰隨時失落袂記得。 咱常常，猶原毋知咱家己心內的青盲到偌傷重。 咱時常做歹家己來赦免。咱有時對佇感情來振動，也想做是熱心。 咱嫌別人佇小可的事，家己的大事放予伊過去。 咱對別人受著的苦痛隨時感著，也想是傷重；總是予人的艱苦攏放做袂要緊。 咱所做的事業欲照起工閣斟酌來想，但是判斷別人的事業攏袂出--得。 叫做真實的基督徒--的，猶未想別人的代先，是較愛省察家己。 Kut力閣gâu省察本身的人，快快會守恬靜關係佇別人的行為。 若毋是會守沉默佇...

[1926-9 芥菜子 文類-散文 作者-陳清忠/Tân Chheng-tiong ]  (2)
名人的祈禱 [ Bêng-jîn ê kî-tó ]
名人的祈禱 (IV) J.Norden (1548－1625) 善良的爸ah，我逐日求揣你，你逐日顯現佇我；我若求你，無論佇啥物時，我會看著你，－無論佇家內，無論佇野外，佇神殿抑是佇街路是按呢。我無論欲做啥物，你佮我saⁿ-kap佇teh；無論佇lim食的時，giâ筆抑是做工的時，騎馬抑是讀冊的時，默想抑是祈禱的時，你不時佮我saⁿ-kap佇teh，我無論佇啥物所在，做啥物事，我時常感著你的恩愛。我若受壓迫的時，你替我持防；人若怨恨我，你保護我；我若腹肚枵，你養飼我；我所祈願的，無論啥物，你賞賜我。Ah，求你永遠賞賜這个恩愛予我，通予通世間的人來知識你所保護我的氣力，你的恩...

[1926-10 芥菜子 文類-散文 作者-陳清忠/Tân Chheng-tiong ]  (3)
抵抗誘惑 [ Tí-khòng iú-he̍k ]
抵抗誘惑 咱人活佇這地上的中間，咱袂免得無試煉佮誘惑。 照約伯記內面所記，「人佇地上的生活酒惑的生活。」 所以逐人應該著警戒佇伊的誘惑，謹慎來祈禱，免得魔鬼利用機會來欺騙--伊；因為魔鬼無暝無日，四界揣所欲吞咬的人。 無人遐完全，遐神聖，通免受誘惑，免受魔鬼的攻擊。 雖然誘惑oh抵抗，尚且是悲慘，iáu-kú伊的利益是真大；因為人對誘惑會成謙遜，成清氣，閣再會得受訓練。 濟濟聖徒經過濟濟的試煉佮誘惑，來得著濟濟的利益。 袂堪得受誘惑的人，teh欲跋落佇自暴自棄的陷坑。 世間無有一所在夠額神聖通閃避誘惑佮逆境的襲擊，嘛無彼款的 ún-ka通bih。 有活命的中間無一人免受誘惑...

[1926-11 芥菜子 文類-散文 作者-陳清忠/Tân Chheng-tiong ]  (4)
聽候主閣來 [ Thèng-hāu Chú koh lâi ]
聽候主閣來。 基督教信仰的基礎是真單純，親像囡仔款，若將教理抑是神學上的裝飾共伊提開，就按呢提出佇理智抑是常識的面前來看，實在是親像一款的神話，抑是一款的故事而已。 佮上帝saⁿ-kap佇teh，尚且有份佇創造萬有的耶穌，來化做人，來成人的聖，人的肉；伊做一个平常的人，行佇湖邊，食麵包；後來流血，死了三日復活，四十日就上天；後來欲閣來。信者忍受萬項的艱苦，teh向望伊閣來；所以世間的學者，有智識的人teh袂了解，算是無奇怪的事。 若是將基督的昇天佮再臨，想做是kan-ta 的形容，抑是夢想；教會隨時失力，信者就tuh-bîn，佇遐就加添地上佮肉體的向望。 若是將這个信做親像加利利討海...

[1926-11 芥菜子 文類-散文 作者-陳清忠/Tân Chheng-tiong ]  (2)
人生的五不足 [ Jîn-seng ê Ngó͘-put-chiok ]
人生的五不足 古早有一个學者叫做皆川淇園，伊有按呢講：－ 1、 「衣服。」啥物因端人著穿衫？是因為欲持防寒熱的緣故。若是按呢予身軀袂寒，予身軀袂熱彼款素素的衫，人應該著滿足才著。愛穿媠的衫是因為寒熱猶未入身軀的證據。寒熱若入身軀，就thǹg pak-theh 抑是捲草蓆也無嫌。 2、 「食物。」人怎樣著食？是因為欲充滿空腹的緣故。若是按呢毋免山珍海味著會做得才著。Teh講，－ 「無好mih-phè，食袂落」 的中間，通知伊的腹肚猶未枵。實在腹肚若枵，就米糠嘛無嫌。 3、 「家屋。」人怎樣著起厝？是因為愛預防雨露的緣故。若是按呢，高廈大閣毋免徛會做得。為著火災-害來失落厝的時，就...

[1926-12 芥菜子 文類-散文 作者-陳清忠/Tân Chheng-tiong ]  (4)
世界教化的使命 [ Sè-kài kàu-hoà ê sú-bēng ]
世界教化的使命。 若讀馬太二十八章最後的記事，就通看著復活的主佇加利利湖邊的一个小山頂，親身出現予伊的學生看，紲將世界教化的大命予--in。 耶穌傳命令的山，無tú-tú知是啥物山，kiám-chhái是san-siōng說教的山；保羅佇哥林多前書第十五章六節所講「閣一擺出現予五百外的兄弟siâng-時看見」，無定著是siâng這个時。 抹大拉的馬利亞佮別的馬利亞佇墓前看見主的時，主講，「莫得驚，」去報我的兄弟，kah in去加利利，佇遐欲看見我。」kiám-chhái佇加利利，有比驢太較濟共鳴者佇teh 的因端。除去猶太以外十一个學生攏轉去佇遐見主。 有人講主的復活，毋是一般客觀的...

[1926-12 芥菜子 文類-散文 作者-陳清忠/Tân Chheng-tiong ]  (3)
閣活的力 [ Koh-oa̍h ê la̍t ]
閣活的力 保羅有看見主，主有顯現伊本身予保羅看見。伊的先輩，溫厚的君主巴拿巴有紹介這个迫害者，loān-bō͘ 的人Tāi-sò͘的掃羅，現時叫做保羅，予眾使徒，講伊佇路中有看見主，也主有佮伊講話。(使徒 9：27) 閣活的力的大，伊的強，若愛知，請看伊受召了後的一世人！這个力就是予對敵變做同僚，予怨恨變做疼的力lah！這个力就是予獅變做牛，予豺狼變做羊仔囝的力！ 若無閣活就無保羅，無保羅就無今旦日的異邦的教會；使徒行傳以下，新約的大部分也是無！！ 主的閣活，予萬人化做靈的閣活。肉體的閣活成做思想的閣活。－冷淡感情的閣活，化做強的意志的閣活。 I、閣活的力，予人信耶穌是上帝...

[1927-1 芥菜子 文類-散文 作者-陳清忠/Tân Chheng-tiong ]  (2)
死！ [ Sí ! ]
死！ 人應該著死！ 早前出世的人有拄著死的款式，現時teh活的人也著經過彼條死河；後來閣出世的人也是親像為著死來出世一樣。 人生有死，宛然是親像太陽有落山。對東爿上出來的日頭定著一擺著對西爿落--去。人對出世了後，就隨時有死的運命來交纏。人會得通閃避sàn-hiong 的艱苦，lîn-iū 的歹款待；總是袂得通脫離死的手頭。死是人生不能免得，遐確實的事，iáu-kú人無teh想死的事，實在真奇怪。人人宛然 teh想欲活到永遠來經過這世間的款式。若看見序大人的墓，拄著囝兒的大病，朋友葬式的時，彼時就會想出家己的運命；總是若過了就隨時袂記得。 死毋但是佇人生做確實的事實，尚且是最壓制的最有...

[1927-1 芥菜子 文類-散文 作者-陳清忠/Tân Chheng-tiong ]  (4)
十字架的路 [ Si̍p-jī-kè ê Lō͘ ]
十字架的路 十字架的死，贖罪的血，任你按怎想，佇這个以外無有真的宗教。基督教的根底是血，是犧牲的死lah！上帝的囝為著咱死，咱猶原著為著伊佮伊所疼的靈魂來死！ 希臘式的生活，今旦日所叫做文化的生活袂得通飽足的因端，是因為無死lah！In 的生活，的眼目就是秋天的花，秋天的日，情的滿足，肉的（jio̍k-tek）快樂。佇啥物所在有犧牲的死，對信的服從ah！In kan-ta求爽快來活，無愛死了來得著活。In無了解犧牲生活的尊貴，也無了解伊的氣力的大。 雖然講死，iáu-kú毋是自然tek 的死。佇上帝的bīn-bêng，為著上帝來thâi死家己的心肝，釘家己的意志佇十字架，撲殺(phok-...

[1927-1 芥菜子 文類-散文 作者-陳清忠/Tân Chheng-tiong ]  (2)
信仰的問答--論活基督 [ Sìn-gióng ê Būn-tap--Lūn oa̍h Ki-tok ]
信仰的問答--論活基督 A、先生，你teh 講活基督，彼到底是啥物意思。請指教。 B、活基督就是佇2000年前予人thâi死彼个基督現時猶活，無變換teh活動的意思。 A、基督敢毋是已經予人釘佇十字架死mah，是閣還魂對墓裡出來mah？ B、毋是，毋是按呢，還魂來活的，會閣照舊來死；總是基督是真實死也真實閣活；無變換伊生前的聲音抑是形狀，iáu-kú伊會得自由出入佇關密的門。 A、彼敢毋是基督的陰魂mah？ B、基督的學生起頭嘛是拍算是伊的陰魂，總是基督問in看有啥物通食--無，的時，in予伊一尾魚，伊隨時佇 in 的面前來食；閣再共 in講伊毋是陰魂，陰魂無跤手，伊報in看伊的跤...

[1927-1 芥菜子 文類-散文 作者-陳清忠/Tân Chheng-tiong ]  (3)
桌上談 [ Toh-siōng-tâm ]
桌上談 以下所譯--的，是印度的大宗教家(Sat-hu Sun-tāi)。Sadhu Sundar Singh所講的斷片。 (I) 說教者。 「我欲寫說教的時，無坐teh，佇祈禱的詩來得著本文，題佮引例」。 「說教者所欲傳--的，應該著對上帝來受才著。設使伊若是對冊來得著，就毋是伊本身的福音，是別人的福音。彼款的說教者就是坐佇別人的卵的頂面來孵，也掠遐个卵做家己的」。 「聽的人靈的 (lêng-tek)所要求--的是啥物，我會感著，tú-tú是親像狗比學者較有鼻味的力」。 伊佇公會的面前欲說教的代先，著久久的中間內祈禱佮冥想，後來揀一句的聖言，也特別揀會合佇彼个時陣的...

[1927-2 芥菜子 文類-散文 作者-陳清忠/Tân Chheng-tiong ]  (2)
兩个異端 [ Nn̄g ê ĪN-toan ]
兩个異端 基督教信仰的基礎就是聖經。上帝有顯現伊本身佇聖經內，也宣言永遠的疼佮拯救佇彼中間。論信仰的枝葉kiám-chhái佮時代有變遷，默示論贖罪的大根本，是phoâⁿ過時代有超越變遷，宛然親像高山，雖罔世移人變 iáu-kú無一屑仔的振動。咱的信仰也著親像按呢。 信仰是事實。神學是說明。所以神學有變遷，總是信仰的事實是永袂變。星辰燦爛佇大的空中，雖罔天文學有進步，但是星本身是無變。紅、白的花參插teh開，雖罔植物學的學說有變遷，但是花彼項物雖罔開佇ái-tiân 的樂園，大概無啥物精差。神學 teh變遷，思想teh進步，總是人猶kú是罪人，著欠用救主，若無贖罪的血，chiong-kó...

[1927-2 芥菜子 文類-散文 作者-陳清忠/Tân Chheng-tiong ]  (3)
基督的無聊「孤單」 [ Ki-tok ê bô-liâu [ko͘-toaⁿ] ]
基督的無聊「孤單」 孤單有兩款：一款是為著家己的歹，致到予朋友無愛來，sak--伊的孤單；閣一款是為著想高尚，想好，平常的人oh得了解的因端，致到來無朋友的孤單。基督的孤單就是屬佇路尾這款。 天物的主，現時佇爸的厝，予千千萬萬的天使聖徒圍teh，無親像伊佇地裡的時的孤單。會了解伊的心肝，會知捌伊的精神，佮伊相佮講話，佮伊相佮歡喜，彼款的神靈拍算袂少。總是oa̍t頭看落來世間的時，記得伊做人的奴僕，予人拍，予人phuì涎的時，敢毋是猶原真孤單，真無聊mah！ 伊的目睭若看到圖利的巴黎、不信的北京的時，伊的心肝敢會得著慰安mah！人口幾若百萬的大都市；有拜堂、有說教，總是彼中間到底有幾个真...

[1927-2 芥菜子 文類-散文 作者-陳清忠/Tân Chheng-tiong ]  (2)
「Hiat 你的米糧佇水裡」！ [ “Hiat lí ê bí-niû tī chuí-ni̍h”! ]
「Hiat 你的米糧佇水裡」！ 「Hiat你的米糧佇水裡，濟濟日了後你欲閣得著」。這句是希伯來出名的哲學者所講的話。這句的意思，Ná想是ná深，伊的教示是真大。Hiat你的米糧佇水裡！人毋通想報仇，著hiat你的活命的米糧！人kiám-chhái欲講是拍損，你本身kiám-chhái也欲想是無效的所做。總是著毋通惜來hiat 你的米糧佇無人看見池內的水面，按呢就你佇濟濟日了後欲閣揣出！ 愛是啥物？愛是無向望欲對人得著報仇，歡喜來做的親切。世上有濟濟彼款的人將少少予人，就隨時欲要求人的答禮，向望人用加倍還--伊。實在in 的心肝真劣等！ 彼款的人是kan-ta掠對人得著物來做福氣。真...

[1927-2 芥菜子 文類-散文 作者-陳清忠/Tân Chheng-tiong ]  (2)
桌上談 [ Toh-siōng-tâm ]
桌上談 (續接前號)。 (IV) 宗教 有人問講，所有的宗教，佇苦勸人做好彼層事，敢毋是差不多攏相同 mah？」伊應講。「是，總是有大差別。別的宗教教示人講「照恁所會來行好，後來恁就成做好人。」基督教是教示弄人講，「著成做好人，彼時恁就會行好。」心肝的變化是著代先才著。」 學者問講，「論佛陀你想怎樣？」應講，「伊毋是神秘的人，是kan-ta一个道德tek的先生nā-tiāⁿ。因為佇伊的教示的中間，全然無論神的事。這款的人論神的事反轉是傷奇怪。伊所教示--的，就是盤涅抑是絕滅要求的事。總是拯救毋是要求的絕滅，是要求滿足。 治療喙焦得當的方法，毋是予伊死，著予伊lim夠額。」 ...

[1927-2 芥菜子 文類-散文 作者-陳清忠/Tân Chheng-tiong ]  (2)
一滴一滴的水 [ Chi̍t tih chi̍t tih ê chuí ]
一滴一滴的水 (24) 人一日所suh空氣的份量佮肺的闊。 咱平常teh喘氣，逐擺suh入sûn出空氣的份量，約略是2合。一暝一日肺所喘入歕出空氣的量大概是50石。若將遮个空氣入佇4 斗的酒桶，就會入得百外桶的額。 Suh遮爾濟空氣的肺，伊的面積也是真大。肺是對至細的肺的氣胞集合來成--的，伊的闊若用坪數來比較，差不多是25 坪的闊。 實在無有一項物比人的身軀較奧妙。對按呢通知上帝的智識到佗位！ (25) 長命國佮短命國。 人愛長歲壽，這是人的情。所以若愛長歲壽的人，較好著去長歲壽的國。若是按呢長歲壽的國是佇佗位？若看下面的統計表就會知：－ suī-...

[1927-3 芥菜子 文類-散文 作者-陳清忠/Tân Chheng-tiong ]  (3)
內面的生活 [ Lāi-bīn ê Seng-oa̍h ]
內面的生活 「上帝的國是佇恁的中間」。主有按呢講，獻你的全心予主，放sak這个罪惡的世間，就你的靈魂欲得著平安。 著學看輕外界的事物，也留心佇內界的事情，就恁會得曉悟上帝的國臨到佇恁(的中間)。 「因為上帝的國是和平，是對聖神來歡喜」。無清氣的人袂得通享受。 你若是備辦tú好的王位佇你的心內，基督就欲來揣你。也欲將伊的慰安賞賜--你。 所有伊的媠佮榮光攏是對心內發出，佇遐伊teh欲歡喜快樂。 靈tek 的人基督常常來訪問；若來逐擺有帶歡喜的話，快樂的慰安，滿滿的平和，尚且帶真通驚惶的友情來。 Ah篤信的靈魂，ah著備辦你的心肝來予這个新囝婿，伊穩當欲來揣--你，欲來踮佇你的內面...

[1927-4 芥菜子 文類-散文 作者-陳清忠/Tân Chheng-tiong ]  (2)
特別的青年 [ Te̍k-pia̍t ē chheng-liân ]
特別的青年 路加2章。41-51節。 讀這10節的聖經，會發見一个特別的青年出來，kiám-chhái有人 teh奇怪講，青年就是青年，thài有一个特別的？實在有。 人出世佇這个世間，若無拄著夭壽，卻逐个會經過一擺偕叡廉的時期，佇彼个時期無攏相同，有的較有智慧，有的較戇，有的較gâu，有的較頇慢，總是遐的較出tioh 的人物，佇青年的時期，有顯出較特別的款，有的特別較gâu講話，有的特別較gâu想，有的特別gâu寫字，有的特別gâu辦事。遮个通講是平常青年的特別，袂得通講是，對古早以來，未捌有的青年，特別今愛求對古早以來，未捌有的青年特別者，有彼个人無？有，彼个是啥物人。耶穌，耶穌怎樣...

[1927-4 芥菜子 文類-散文 作者-陳清忠/Tân Chheng-tiong ]  (2)
一滴一滴的水 [ Chi̍t tih chi̍t ti̍h ê chuí ]
「一滴一滴的水」 (26) 靈魂佮感情的重量 A、靈魂的重： 美國有一个博士名叫Má Lō͘-ka。伊佇幾若年前有真斟酌研究論人的靈魂的重，也發表講伊有用真精密的法度檢定靈魂的重約略有6 錢外。 伊將一个真傷重teh欲死的肺病患者，參伊的眠床 hē佇真精密的天秤的頂面，也徛teh注目斟酌共伊檢查伊的體量。彼个患者，為著伊的呼吸中的濕氣佮h發汗的因端，每時間有減伊的重約略8錢。 過 3點閣40分彼个患者的靈魂走出伊的身軀，死去，tú-tú 過氣的時陣天秤忽然一時閣減 6錢外。這个6錢外，Má Lō͘-ka斷定就是靈魂的重量。 Tāi-liân博士是美國人，伊有予一个查埔人坐佇椅裡...

[1927-8 芥菜子 文類-散文 作者-陳清忠/Tân Chheng-tiong ]  (6)
五旬節前的聖神佮以後的聖神 [ Gō͘-sûn-choeh chêng ê Sèng-sîn kap Í-āu ê Sèng-sîn ]
五旬節前的聖神佮以後的聖神 無論甚物時代，無論甚物所在，聖神無有兩个，是kan-ta一个nā-tiāⁿ。 總是若讀聖經咱就會知。五旬節前的聖神佮五旬節後的聖神有各樣，宛然ná 別物的各樣，伊的實質(實質)請這邊，若論伊的活動，伊的氣力實在有天地雲泥(天地雲泥) 的差。主講「人若嘴乾著就近我啉，信我的人，teh欲照聖經所講，成做活的水泉，對內面直直chhèng出--來」。這句話是指起信伊的人所欲得著的聖神，總是主袂受榮光，所以聖神袂降臨」。 佇舊約書中，無論佇甚物所在，通看見聖神的活動，主落世間以後閣較是按呢。若是按呢啥事講「聖神猶未臨到？」這不過是指舊約時代的聖神，若佮五旬節的...