[1915-7 台灣教會報 文類-散文 作者-何希仁/Hô Hi-jîn]
以利亞上天 [ Í-lī-a chiūⁿ Thiⁿ ]
以利亞上天。 II 王 1-18 (何希仁記--的)。 1915.7，no.364，pp.1-2 以利亞知影無偌久上帝欲召伊倒轉去天--裡。愛佮伊的學生相離別，就招以利沙佮伊做陣去巡幾若間的學校。早時神學校設佇幾若位，學生蹛佇遐逐个有伊的事業。有的做木工，有的剉柴，有的作田，有的拍鐵，兼讀冊研究神學。做先生著愛去巡，佮in交陪紲開講上帝奧妙的道理。以利亞的時陣學校有設立佇Ka-bi̍t山，Kiat-kap，伯特利，耶利哥chiah 的所在攏有。略仔會比得孔子，孟子招學生做陣出門周遊四方教示百姓，諫諍皇帝。 以利沙佮以利亞比chiah 的眾學生較親密。以利亞招伊出門，親像後來保羅招提摩...

[1915-6 台灣教會報 文類-散文 作者-何希仁/Hô Hi-jîn]
A-khap-siā [ A-khap-siā ]
A-khap-siā (接前月2面) (何希仁記的) 1915.6，no.363，pp.1-2 A-khap-siā 的代誌按怎樣通做咱後世代的勉勵 1.拜上帝著專心。 A-khap-siā名號做拜上帝的國王。照以色列的律例國王是上帝的代表。伊著做前引chhoā百姓服事主。A-khap-siā反轉引chhoā百姓服事改神。上帝就無歡喜，因為伊無容允別的神來匹配伊。伊講「我以外毋通有別的上帝。」親像世俗人心分做幾若面，服事神無定無著，卻是莫怪。若是拜上帝的人，按呢做，對上帝攏袂得過。若無專心服事主毋達著攏無服事伊較好。無專心的人攏無得著天頂的福氣。捌有人來禮拜，經過幾若年...

[1915-5 台灣教會報 文類-散文 作者-何希仁/Hô Hi-jîn]
A-khap-siā [ A-khap-siā ]
A-khap-siā。 I 王。I 章。 (何希仁記的)。 1915.5，no.362，pp.1-2 A-khap做王名聲真歹，親像中國桀王紂王的歹款。伊的囝A-khap-siā佮伊的老父無各樣，行歹佇主的面前，學伊的老父老母的所做。(I王22.53)。俗語講，龍生龍子，虎生pà-jî。老父若歹，囝較常學老父。罕得拄著歹老父生有好的囝。這通警戒咱做父母的人，教示培養囡仔欲予伊敬老父，第一要緊就是家己有好德。 至懸hông-hông上帝坐天頂鑑察四方，àⁿ落來看A-khap-siā 的歹德，無毋是因為伊傷心。隨時降落災禍兩項逼伊的心反悔來服事伊。代先予伊拄著隔壁國，名號做Mô͘...

[1913-6 台南府城教會報 文類-散文 作者-何希仁/Hô Hi-jîn]
北港ê Tí-bí-tiu搖chhoah [ Pak-káng ê Tí-bí-tiu iô-choah ]
北港ê Tí-bí-tiu 搖-chhoah何希仁--ê1913.06 P.4-6 敝人對英國宣道會稟請建置一領布棚 thang 做咱台灣佈道ê路用。前一月日就到位。因為北港是出名ê hu-hoa-市，又koh tī 4月間對南對北 e-e tīn-tīn，來燒金還香，有時一日所燒 ê 金紙值有幾若千箍。隔壁庄來買賣 ê人也是真鬧熱，就預備對支廳長稟， 準咱搭布棚tī廟口市場三禮拜久，就是新曆 4月初8 到 30日(3: 2--23)，tī-hia全工佈道。得著伊歡喜鼓舞 kap市長參詳好勢，阮就去募集傳道師 8人kap會友幾若人鬥佈道，也新港ê兄弟歡喜輪流顧布棚 chhòng 東 chhò...

[1910-3 台南府城教會報 文類-散文 作者-廖道修/Liāu Tō-siu]
棄惡歸善 [ Khì-ok Kui-siān ]
棄惡歸善1910.03 300卷 p.22(廖道修記--ê.)舊年中大日本製糖會社食錢 ê 事件，致到社長農學博士Chiú-ko͘ Siông-bêng﹙J.Sakow﹚用六轉仔銃家己扑死；社腳偌濟代議士﹙就是國會議員﹚受罪關監賠銀，一時真亂看報ê 人量必iáu會記得。Hit中間受警戒悔悟--ê 幾若人；親像bat 做過同志社長ê Hêng-chéng Sî-hiông﹙T.Yokoi ﹚代議士tī 監--ni̍h 才提聖冊去讀，大懺悔所行ê m̄著，hō͘ 上主教示。 今ài beh講起一個代議士，姓Chhoan-siông﹙Matsumura ﹚名ài-chông,猶原為著這層事受關； t...

[1903-9 台南府城教會報 文類-散文 作者-吳道源/Gô͘ Tō-goân]
東洋記錄 [ Tang-iûⁿ Kì-lio̍k ]
東洋記錄1903.09 222卷 p.71(接前月教會報64面。)(吳道源記ê.)第二个tuì七歲起到15歲讀冊，每年開費40 kho͘，8年久共開320箍，koh納利息128箍，總共開費448箍。Tuì 16歲起到27歲，hō͘ 生理人倩，每年平均thàn 60箍；12年久共趁 720箍，koh得著利息432箍，總共有得著1，152箍。除還前所開ê母利銀448箍；iáu-kú有chhun 740箍。第3 个tuì 7歲到15歲，每年讀冊開費40箍，8年久共開 320箍。Koh tuì 16歲到20歲入神學ê學堂讀冊5年久，共開500箍；koh攏總著納利息496箍。總共開費1，316箍。Tuì...

[1903-8 台南府城教會報 文類-散文 作者-吳道源/Gô͘ Tō-goân]
東洋記錄 [ Tang-iûⁿ Kì-lio̍k ]
東洋記錄1903.08 221卷 p.62-64(吳道源記ê.)第13號有落雨，所以我kap一個朋友坐火車去神戶[Kobe] 探朋友。秋山善一先生kap伊ê家後，也攏tī-hia。Tī 14 e晡koh倒轉來大阪。 第15號去Kài市看水族館，水中所有ê魚鱉有鱗無鱗ê攏有。Koh入博覽會機器館，內面逐等號製造ê機器真濟。也有製紙--ê,也有製電氣車--ê,也有製茶--ê,製麵線--ê,織布--ê,製印字--ê,製雪文--ê,無牛家己會挨磨--ê,造火車--ê;真濟款，看bē盡，記bē了。Koh有灌溉ê水龍，thang汲水30丈深，一點鐘久出水千外石；價錢2，250箍。我看這等號ê器具不止有合台...

[1903-7 台南府城教會報 文類-散文 作者-吳道源/Gô͘ Tō-goân]
東洋記錄 [ Tang-iûⁿ Kì-lio̍k ]
東洋記錄1903.07 220卷 p.55-56(吳道源記-ê.)我tī新曆5月3號，早起5點鐘，kap台南廳內beh 去日本觀光ê人，10外人，聚集tī台南廳事務系。稅務課長講明內地ê風俗，kap幾若項要緊ê事；講明白大家相辭，就起身。各區長kap稅務課長kap幾若個官，送阮到安平搭台北丸ê貨船。山本總務課長kap台南廳ê通譯通口做伴相kap去。 第4號到基隆；e晡開船，tī海面兩暝日，風靜海平。到6號就看見五島山kap中島；tī chiah-ê所在是出珍珠、珊瑚、土炭ê 所在。 日暗到長崎港[Nagasaki]；這個港天然港四面有山；所以hit暝昏船pha-teh，聽候天光，醫生kap警察...

[1903-6 台南府城教會報 文類-散文 作者-周耀彩/Chiu iāu-chhái]
痟狗 [ Siáu-káu ]
痟狗1903.06 219卷 p.47-48(周耀彩記--ê.)論台灣人愛飼狗，是因為驚有賊仔，若有飼狗賊來就thang吠，hō͘ 主人知醒精神，thang持防有歹人beh來取偷。濟濟人m̄知痟狗病，若咬著人會hiah厲害。日本人敢是有學西學才知續將狗tu̍h-lu̍h扑獵--死。Tī 台北大稻埕我有看見teh扑死狗，我攏 m̄ 知是甚物意思。 前無幾日也有聽見人講，嘉義城內日本人teh扑死狗，創車仔車去埋。台灣人有ê m̄ 知是甚物事誌，續有人teh僥疑暗靜teh講，日本人第先除chiahê狗，後--來beh thâi人，才無狗thang吠。台灣人ê生命是食到十數月nā-tiāⁿ，會hō͘日...

[1900-12 台南府城教會報 文類-散文 作者-王培英/Ông Poê-eng]
縛跤ê論(4) [ Pa̍k-kha ê Lūn(4) ]
縛跤ê論1900.12 189卷 p.98（接前卷第90面）IV. 縛跤的確著除 論到改除縛跤這層代誌照我舊底teh拍算，咱教會佮世俗cheng差真濟；因為看見有ê甘願無共伊ê查某囝縛跤，也有ê本身甘願liû跤。總是到後來將教會內ê人家己相比，chiàⁿ知其實cheng差無偌濟；因為無縛跤ê查某囡仔較濟是屬傳道先生ê家，本身甘願liû跤--ê較濟是傳道娘á是老姐妹，屬佇兄弟ê家--ê也有，總是較少。論到兄弟ê查某囝猶原teh縛跤ê因端，較大面是因為草地所在無赤跤ê伴，無人出力teh chhoā頭。總是濟濟因為姐妹無明白道理，固執。In拍算縛跤是風俗無縛袂做得，所以無論大雙細雙攏好。設使有人勸伊...

[1900-11 台南府城教會報 文類-散文 作者-王培英/Ông Poê-eng]
縛跤ê論(3) [ Pa̍k-kha ê Lūn(3) ]
縛跤ê論1900.11 188卷 p.89-90 4.傷人倫。論到一家ê內面姑嫂協力，tâng-sāi和平，翁某相疼，ka koaⁿ公平，母囝慈孝，這是人倫要緊ê道理。人若無按呢，就是傷著家內ê恩義。Taⁿ對重這號縛跤ê人kiámē免得傷著這幾項ê恩義mah？我拍算斷斷是袂ē。且就母囝一兩項ê恩義來論伊就好。聖人講：「做人ê父著有慈愛ê心。」這句毋免講逐人也ē曉行。常常看見囡仔佇手裡抱ê時，若拄著頭燒耳熱，做老母ê人就青狂走chông，目澹目滴。到ē行ē走ê時，人若小可共伊kāng著，連鞭就嚷噴噴，心肝niû疼tiuh-tiuh。獨獨佇這個縛跤ê時陣，就甘願家己殘害攏無憐憫ê心；雖然囡仔好嘴...

[1900-10 台南府城教會報 文類-散文 作者-王培英/Ông Poê-eng]
縛跤ê論(2) [ Pa̍k-kha ê Lūn(2) ]
縛跤ê論1900.10 187卷 p.72-74 II.縛跤ê損害論到縛跤ê損害卻也算袂得了，講袂得盡，taⁿ免詳細，不過大略舉起5項就好：－1.損身體。咱知查某囡仔較常拄仔 3, 4歲á是5, 6歲ê時，伊ê老母，嬸，姆就用跤帛共伊縛跤。當粗粗縛ê時卻小可ân，總是漸縛漸ân，ná縛ná ân，意思是的確beh縛到予伊細細chiah beh放伊煞。當起頭催ân ê時，穩當痛疼難堪，致到查某囡仔伸勻挽頷袂食袂睏得。閣催落去破皮流血，致到查某囡仔啼哭哀叫。又閣chàn落去筋khiû骨折，致到查某囡仔東倒西歪袂行袂走。親像按呢無偌久就將一雙生成媠媠ê跤變做破相ê跤lah。毋-nā按呢，咱知人ê身...

[1900-9 台南府城教會報 文類-散文 作者-王培英/Ông Poê-eng]
縛跤ê論 [ Pa̍k-kha ê Lūn ]
縛跤ê論王培英記--ê。1900.09 186卷 p.72-74天下歹ê風俗極濟算袂了。親像印度有看輕查某人，就是款待查某人做親像禽獸，無掠in佮查甫人仝類。雖然已經嫁丈夫，不過也是款待伊做親像女婢nā-tiāⁿ；到丈夫一下死，hit個婦人人就著慘lah，因為較大面會拄著燒死。這是in較早ê 惡俗。西國有sǹg腰，中國有害死查某囡仔；á是親像西國ê食酒，中國ê食鴉片hit一類。論到這號ê惡俗，知識，出名ê人攏 ta̍uh-ta̍uh 著出議論痛切teh 勸解。總是縛跤這一項ê風俗，伊ê殘忍無較輸佇燒死寡婦害死查某囡仔；伊ê酷毒無較choa̍h佇斬斷人ê跤骨；伊ê關係無較各樣佇酒痟佮 giàn薰...

[1900-4 台南府城教會報 文類-散文 作者-陳本來/Tân Pún-lâi]
論風俗 [ Lūn Hong-sio̍k ]
論風俗1900.04 181卷 p.33-34(陳本來記--ê)。（接前卷第28面）節氣人常tī 這個3月初三teh守節；這個久續成自然，m̄ 知tuì佗位設起，kan-ta世傳世nā-tiāⁿ。究勘 這個節，是tuì tī 漢朝ê時有1個人，姓芒名得功，伊因為老辭官倒來厝--ni̍h。到這個清明日伊有chhoā伊ê 某子去塚山，有續帶物食；總--是伊beh食ê第先有先祭祖先，祭了就toà hia做夥lim食。總--是後來ê人煞看hit個樣，就加創chiah-ê牲禮、金、香、紙、燭來teh祭墓。Koh tī 晉朝ê時，有一人姓介名子推，伊服事晉文公。照冊--ni̍h講晉文公出外有10外年抵著無...

[1900-12 台南府城教會報 文類-散文 作者-萬姑娘/Bāng Ko͘-niû]
火車ê起因 [ Hoé-chhia ê Khí-in ]
火車ê起因萬姑娘記--ê1900.12 189卷 p.96-97 台灣算是有一項ê福氣；有火薰車通坐，ē得通省時，省工，省所費。這是台灣人久久所向望--ê。 佇十外年前有得著銅線批；hit-tia̍p有ê望火薰車也會連鞭設。卻北路著有，南路等到taⁿ目睭chiàⁿ看會著。濟濟人有出來看，毋知捌想hit个器具原本佇tó位出。卻論逐項ê大代誌較常有小可ê起因；火薰車也是按呢。照阮祖家逐間厝有煙筒通予灶腳ê火薰透出。 灶ê款式佮恁無siāng，是煙筒內有一支鐵橫桿連佇hit支鐵有鐵鏈仔墮落來縛吊鈎通掛烘爐ê茶kó͘，鼎，鍋仔，逐項ê器具攏有圈通掛佇hit个鉤--裡。有一日有一个查某囡仔teh備辦滾...

[1914-3 台灣教會報 文類-散文 作者-萬姑娘/Bāng Ko͘-niû]
失落的聖冊 [ Sit-lo̍h ê Sèng-chheh ]
失落的聖冊。 1914.03 348卷P.1 萬姑娘 看報的會友ah ！恁捌讀約西亞王的代誌mah？伊的事前有記佇列王下卷。論起伊細漢的時陣爸就死；後來著予伊老母照顧。 皇后是拜上帝的人gâu雕琢囝兒；囡仔也是gâu學習母親的教育。八歲nā-tiāⁿ著登極擔當國家逐項的事理，雖罔是幼chíⁿ iáu-kú ē曉祈禱揣上帝，耶和華就允准開伊的心竅，予伊有才能會辨理逐項好勢。 約西亞名字的解說是耶和華的醫治，ná親像醫生的佇病一樣。彼時國的罪過貫滿，宛然是歹王坐位，所以放拺上帝趁自己的私慾，攏無聚集禮拜讀聖冊。毋若按呢紲廢無耶和華的戒律，造偶像去服事。 約西亞坐位12年久遐的偶...

[1901-8 台南府城教會報 文類-散文 作者-萬姑娘/Bāng Ko͘-niû]
論猶太人 [ Lūn Iû-thài lâng ]
論猶太人1901.08 197卷 p.62-63(萬姑娘記--ê。)聖經幾若位有講，猶太人著掠做代先。救主本身也是吩咐伊ê 學生著代先去耶路撒冷傳福音。保羅是不止明白耶穌ê意思，所以要緊代先家己趁，講hō͘ in聽。今驚了咱異邦人較常bē記得；bē記得咱ê 主是猶太人；bē記得聖經是對猶太人ê手出。咱較濟所有--ê是對in m̄-tihN8--ê 續到tī 咱；m̄ 是咱較會堪--得，是恩典白白hō͘ 咱。聖經有講：「因為in m̄ 信hō͘ 上帝at折，lín 因為信來留存，著細膩驚惶莫得有自高ê心肝 ( 羅馬11：20 ) 。Koh講：「In若信耶穌，會那親像對死koh活ê人。」祖家教會m...

[1900-4 台南府城教會報 文類-散文 作者-萬姑娘/Bāng Ko͘-niû]
Bú-tī先生 [ Bú-tī Sian-seⁿ ]
Bú-tī先生1900.04 181卷 p.32-33(萬姑娘記--ê.)「今仔日tī以色列族中，元帥死，lín kiám m̄ 知？」II撒母耳 3:38 年內12 月Bú-tī先生hō͘上帝召離開世間。Hit時東西南北ê人四界若tú著頭就講起。你kiám m̄知第一大傳道先生已經過往？ 伊真正會堪tit號做大，平素bat到逐所在遍遍傳福音；罕tit有人親像伊致到hō͘ hiah 濟人聽，hiah gâu 感激人ê心。 論伊ê 信極大，所以有時別位ê牧師ài請去hia 幾日久講道理。伊就代先寄批來問：「看tī lín hia ê拜堂偌大間，有thang 坐tit偌濟人？」牧師接著批大家就失望...

[1900-1 台南府城教會報 文類-散文 作者-余饒理/Î Jiâu-lí]
數念潘牧師 [ Siàu-liām Phoaⁿ Bo̍k-su ]
數念潘牧師1900.01 178卷 p.9(余饒理記--ê.)我近日tuì台灣接著一張憂悶ê批，就知平素所欣慕ê潘牧師已經過往。論到潘牧師實在是我不得不著用全心來疼痛欣慕，尊敬伊親像我ê親兄一般--lah。我也的確知tī 台灣眾教會kap基督徒無 m̄ 為著伊過往來傷悲。想潘牧師在生有濟濟好德行。伊ê 存心時常的確beh chhoē逐個機會來利益教會內外ê 人。Koh伊好德行中間kài 顯明--ê,就是誠心祈禱濟濟時；別人已經睏，伊iáu-kú teh祈禱。Che 代誌實在是芳芳thang chhèng到天頂，上帝定著歡喜接納，因為伊有hit號敬虔ê心--lah。但是伊又koh時時專務學習上帝...

[1899-5 台南府城教會報 文類-散文 作者-黃茂盛/N̂g Bō͘-sēng]
彰化醫館ê消息 [ Chiang-hoà I-koán ê Siau-sit ]
彰化醫館ê消息1899.05 170卷 p.36-37黃茂盛記--ê.Tī 西曆1897年頭蘭醫生tī彰化設立醫館，到今有兩年外。可惜tī 彰化iáu-boē有所在thang hō͘ 病人toà,不過暫且用拜堂邊ê厝做逐日看症發藥ê路用nā-tiāⁿ。也tī 大社有創一個所在thang hō͘ 30外個破病人toà,是因為彰化熱天真翕，先生愛避暑hia,也thang續醫病來利益人。差不多thong年8月日tī chia,4月日tī 大社。我有聽見醫生講這兩年外除出去看--ê以外，來就醫ê人tī 彰化有2291人，tī大社有1358人；計共3649人。Chiah ê 人扯勻 逐個有來差不多4、5...