[1928-4 台灣教會報 文類-小說 作者-周天來/Chiu Thian-lâi]
故事 [ Kò͘-sū ]
故事 心心，念念 周天來 1928.04.01 517卷p.8-10 (這篇無論大人，囡仔來看攏會明)。 捌有一擺佇某所在，有一個女學學生佮伊一个小弟，兩个相chhoā出門；坐火車去到屏東的所在揣伊的窗友thit-thô。彼日in到屏東拄拄3點半，也彼个學生的窗友有來到車頭等接in；大家見面真歡喜，相佮講話；就chhoā in到伊的厝。彼暗就辦腥臊請in。食飽了停霎仔久，in就出去門口埕歇睏；有時坐--teh，有時起來；行來行去，講東講西講真久，是因為太久罕得相拄；又閣歇熱的時間已經欲過，大家相揣坐；險險就無通相探的機會，所以大家談話真濟；到真暗才無閣hoē；大家歡喜到極，...

[1930-9 台灣教會報 文類-小說 作者--/-]
母囝攏認錯 [ Bó-kiáⁿ lóng jīn chhò ]
母囝攏認錯1930年9月546卷p.8-9 梅蘭的老母提1塊布，想欲共in查某子梅蘭鉸衫褲；總--是佇遐無鉸刀，就叫梅蘭趕緊將鞋kám仔的鉸刀攑--來。梅蘭做伊恬恬，若親像無聽見一樣。老母就閣叫講：「梅蘭--ah！你有聽--見無？趕緊攑鉸刀來予--我。」梅蘭照舊毋振毋動，家己專心做伊teh 畫伊的圖畫。老母受氣了！閣叫講：「梅蘭--ah！你無聽見--mah？叫你共我攑鉸刀，且放下你的圖畫，趕緊去攑，按怎教攏袂振袂動--ah ！」梅蘭照舊無去攑，若親像無代誌的款，做伊蹛遐畫。老母大受氣，走到梅蘭的面前，就對梅蘭的手 ńg khiú teh，講：「趕緊去共我攑。」梅蘭驚一下，攑頭對伊的老母看看-...

[1955-1 台灣教會報 文類-小說 作者-賴仁聲/Loā Jîn-seng]
倍加運動：一杯冷水 [ Poē-kāun-tōng：Chi̍t-poeléng-chuí ]
一杯冷水
當Eńg-chím-á去河loā久，tú有一個醫生騎一隻o-to-bái (オ-トバイ)真緊tuì in門口過， hit條路真坎坷，真tǹg。 Chhe̍k了後面ê 貨物架頂 ê物縛無tiâu ka-la̍uh去，醫生攏m̄知，做伊直直走去。Hit時Ki-hoâ忽然想著伊有機會thang做「一杯冷水」ê好事lah。趕緊出來，khiā tiàm所ka-lauh3 ê物ê邊仔，大聲hoah-hiu hit個醫生。Hit個醫生是一個基督徒，是家裡真出名ê醫生，因為真趕緊beh去庄裡，有一個婦人人難產，性命真危險。伊所chhe̍k ka-la̍uh用布包真sù-sī ê物就是助產...

[1955-9 台灣教會報 文類-小說 作者-柯設偕/Koa Siat-kai]
雜錄：羊九十九 [ Cha̍p-lio̍k：Iûⁿ káu-cha̍p-káu ]
羊九十九 出名ê聖詩ê故事 柯設偕羊九十九， 這首聖詩(第 117首) ê話，是一個蘇格籣ê小姐， Miss. Elizabeth. C. Clephane-寫-ê。是根據路加第 15章， 第3節到第 7節，來寫-ê。1874. Moody先生kap Sankey先生， tuì美國去英國佈道ê時， in坐火車， tī一個火車站， tú beh開車 ê時，有接著 in ê郵件。Tī火車內， Moody致意讀家內寄來ê批， Sankey tī報紙ê一角有看著 羊九十九這首詩。 Sankey讀了就kā Moody講：這首詩是咱所teh希望-ê，牧者ê詩。 Hit時Moody因為讀濟濟批，soà無注意...

[1956-2 台灣教會報 文類-小說 作者-廖得/Liāu Tit]
雜錄：台灣聖神 [ Cha̍p-lio̍k Tâi-oân Sèng Sîn ]
台灣聖神 廖得作牧師ê內助約tī 70左右年前， tī 東港地方有一個出名ê 黃法官， khiā 桌頭ê時，法術多端!後來為著囝一ê生一ê死！！到尾無法度，就來信主！！！後來受派去Lâm-á-kheⁿ (楠梓) 做傳道。Hit時教會少人;照裡Goân長老teh講：主日禮拜bat 3名，會友只有伊一人。但--是黃傳道是法官底，講道有權威斬截! Koh傳道娘，前死hiah濟囝也就"去疼知趣疼人！」"久長病成醫生！」也前ê 宋牧師娘是女醫，有教伊產婆法kap 囡仔症。傳道娘也兼做先生媽; tuì án-ni主日去禮拜ê姐妹，有細囝破病gâu哮ê時，伊抱過手即時乖乖！會友起落冬無閒ê時，傳道娘就去幫贊...

[1956-4 台灣教會報 文類-小說 作者-廖得/Liāu Tit]
雜錄台灣聖神 [ Cha̍p-lio̍k Tâi-oân Sèng Sîn ]
台灣聖神 廖得作改造靈魂ê房間。黃 Lêng-kia̍t牧師ê大囝婿tī旗後辭職,soah toà-hia 做事業。光復tuì so͘-khai-tē 轉來，就toà tī鹽埕埔.有一暝黃牧師ê大查某囝伊莉莎白,眠夢去天堂！講看見choat-loē ê房間真suí！iā 家治ê房間非常bái！！精神ê時，老母ê 牧會心;拾-chiá-母 (宋牧師娘伊莉莎白) ê宣教師精神，kap行洗禮約翰ê內母 (伊莉莎白) ê靈感;總著火tī伊莉莎白姊仔 (洪先生娘) ê身上！！！Tī日--時，主釘十字架ê 圖the̍h--teh,單身獨馬去街頭巷尾，偏僻開闊肅靜 ê所在; 圖吊--teh,就吟詩;即時人山...

[1956-6 台灣教會報 文類-小說 作者-廖得/Liāu Tit]
台灣聖神 [ Tâi-oân Sèng Sîn ]
台灣聖神(廖得) 天國ê 特攻隊台灣ê媽祖信徒講約有兩百萬人，廟宇有三百 goā 間；其中北港 朝天宮是廟頭， 逐年tuì全省去行香--ê，有三，四十萬人；開費約三 千萬 kho͘。也講北港媽，新港媽，彰化南門媽是三姊妹，叫做大媽， 二媽， 三媽。本年舊曆 3月20日彰化媽去訪問北港媽 kap新港媽；作伙去ê香客講約有4萬人。 刺桐ê 鄉民有thâi 倚 100 隻豬做牲禮kap請香客。二一暝 轉到西螺， 鎮民講有thâi 百-goā 隻 豬祭獻kap請隨香--ê。轉到員林ê時，參加ê 善男信女講約有10萬人， 各款ê車講約有8000張。 這擺 ê割香，講是20年來最鬧熱--ê；費用約開 6 ...

[1956-7 台灣教會報 文類-小說 作者-廖得/Liāu Tit]
雜錄：台灣聖神 [ Cha̍p-lio̍k Tâi-oân Sèng Sîn ]
台灣聖神(廖得) 世間攏總m̄-值耶穌Tī 77年前， pè地方西螺有Chiu Ú 伯， in kuí-nā人去嘉義禮拜，每禮拜往回 tio̍h行12 鋪路， 費了3日工ê為難，就tī 茄苳仔設禮拜堂。Hit時pè tông 叔公 teh 教學仔，有財產； hiah ê跋-kiáu，食阿片ê 歹 叔孫仔， ta̍uh-ta̍uh ài 鬥外人來kā伊掠去摃翻頭。 Tuì án-ni pè tông叔公就入基督教； chū án-ni hiah-ê 歹仔就m̄敢koh掠--伊。有一日pè tông叔出去， hiah-ê 歹囝仔看tio̍h講："入教仔囝" Pè tông叔應講， "我m̄是入教仔...

[1956-9 台灣教會報 文類-小說 作者-廖得/Liāu Tit]
歷史故事：台灣聖神 [ Le̍k-sú Kò͘-sū Tâi-oân Sèng Sîn ]
台灣聖神(廖得) 虎某變福母。約tī 80年前， tī 東港地方，有一個無信主ê人，做定tio̍h一個新婦，後來hō͘人算命，講是帶 "鉸刀柄，鐵掃帚。"真煩惱！有一個姓 吳 ê會友kā伊講， "你若驚， hō͘伊來配我ê 囝，做傳道娘，"後來果然成事。吳傳道結婚後，兩人去toà道會， 新金每月三 幾 kho͘ 銀。傳道娘真gâu生育，直直生到十goā ê，日時無食到飽，穿到燒；日暗，大漢細漢，東倒西歪，有ê倒tī nî-chîⁿ腳，有ê仆tī 戶碇頭，有ê睏tī 灶前，大人beh睏ê時， kia̍h 燈仔火去揣，一個一個， 拎拎掠掠去眠床；最後chiah算一，兩，三，看有chiâu tī-t...

[1955-9 台灣教會報 文類-小說 作者-吳瓊英/Gô͘ Khêng-eng]
受chhoā去看ê事記tī下面 [ Siū chhoā khì khoàⁿ ê sū kì tī ē-bīn ]
受chhoā去看的事記佇下面1955.09 801號 p.27(吳瓊英)(接舊年8月號25面)。1953年4月23日，主的使者閣來對這个姊妹講：「起--來，毋通睏，我chhoā你出來去看看--lè。」兩人就去到一个所在，就放伊家己一人到兩choā親像石頭所疊、烏烏bái-bái欲倒欲倒的厝。伊就對中央直直共伊行--入去，彼內面烏暗，閣親像罩濛霧霧無看著頭前，佇兩爿的房間攏有聲teh喝講：「揪--lè，掠--lè毋通予伊走--去，較緊較緊共伊掠--lè，毋通予走--去，桌仔腳揣看覓--lè，眠床腳揣看--lè。」 掠--lè掠--lè，伊聽著這个聲驚到走無路，直直愛走出去，總--是內面攏烏天地暗...

[1955-10 台灣教會報 文類-小說 作者-吳瓊英/Gô͘ Khêng-eng]
受chhoā去看ê事記tī下面 [ Siū chhoā khì khoàⁿ ê sū kì tī ē-bīn ]
受chhoā去看的事記佇下面1955.10 802號 p.27-28(接9月號27面).今咱閣進前來去，到一个斡角，有看一个查某人，探一下，勼--入去，伊就問講：「彼啥貨？」伊應講：「彼个人teh看人的心內，若無主的神，伊就欲入--去。」後來閣行到一所在，看見一人手提聖經佮詩欲去禮拜，閣看一个鬼來teh共伊揪，伊就佮伊拍，較停閣一个鬼來，閣佮伊teh拍，後來就予in中間一个揪--去，閣進前teh行，閣看見一人手提聖經佮詩，閣看見兩个鬼倚來teh共伊揪，彼人看拍袂贏--伊，就祈禱：「主--ah，救我。」 主倚來，彼兩个鬼就走，進前閣行，看見一个人身邊有一人攑一枝枴仔企--leh，閣較停兩个鬼來t...

[1956-3 台灣教會報 文類-小說 作者-廖得/Liāu Tit]
台灣聖神 [ Tâi-oân Sèng Sîn ]
台灣聖神 廖得作牧師變作宣教師再來有一個橋仔頭分7等 ê 代理傳道，有bái土地幾十甲， 稅期若到，常常無夠錢thang la̍p， tio̍h走去匿。 Hit ê人ta̍uh-ta̍uh ài 來kā牧師借錢，若借無ê時，禮拜坐toà 台仔前 chhoē曠隙，牧師落台ê時，當眾會友ê面前獻駁;好德牧師娘thang kap 伊抵水，有時責備到hō͘ 伊 ma-ma哭。牧師娘過身了，忽然間koh有別個會友ê非常壓迫教; 黃牧師就想著先妻ê吩咐！俗語講："識時務者為俊傑，」(黃牧師ê人名叫做‘能傑' (能傑)，"知進退者為英雄，」也"大丈夫能屈能伸，」taⁿ tio̍h「三十...

[1956-5 台灣教會報 文類-小說 作者-廖得/Liāu Tit]
雜錄台灣聖神 [ Cha̍p-lio̍k Tâi-oân Sèng Sîn ]
台灣聖神(廖得) 台灣ê牧者Tī德國最文明ê時代， in 逐戶ê基督徒攏teh希望tī in ê家庭， ē出兩個犧牲者:一個做傳教--ê，犧牲家己 ê物質，來救人ê靈魂。一個做醫生--ê，犧牲家己 ê精神，來醫治人ê肉體。現時德國70 goā 歲 ê Ngāi-tek-lok 總理，也獻伊ê獨生囝 teh做傳教者。倚 50年前， N̂g Lêng-kia̍t牧師ê大囝Sū-bēng， tī公學校teh 助教 ê時，有續teh準備beh 考醫學；總是N̂g牧師ē-記得"紅柿好食tuì tó位起 tì。"也"橋過，柺仔 m̄敢放hiat-ka̍k。" ài將大囝頭水ê 果子， 先奉獻hō͘主用，...

[1956-10 台灣教會報 文類-小說 作者-廖得/Liāu Tit]
台灣聖神 [ Tâi-oân Sèng Sîn ]
台灣聖神(廖得) 吞忍到boē得tio̍h救清朝尾 ê時， tī台南府城有一個姓 郭 ê大刺仔頭， hêng-hêng sù-chì，連班頭衙役也hō͘伊凌遲。實在是親像虎狼毒蛇ê強惡！後來得tio̍h主救，就變做"純良親像鴿仔，" kap親像一隻乖乖ê綿羊子囝，日暝熱心愛 chio放蕩ê散羊 轉來羊寮內！伊也將讀女學ê 查某囝 嫁落庄腳， hō͘作穡會友做新婦， beh培養in ê道理kap信心！伊ê 千金也有孝順趁老父主意；雖然嫁-tio̍h無學問ê丈夫，也是暝日循循善誘，揣機會來教夫君讀冊。無拍算丈夫bat淡薄字，soà去kap人學做苦力頭； tuì án-ni墮落，所有幾甲 ê園so...

[1956-11 台灣教會報 文類-小說 作者-廖得/Liāu Tit]
台灣聖神 [ Tâi-oân Sèng Sîn ]
台灣聖神(廖得) 囡仔救大人早tī pè地方有一個姓 Cheng ê 有力者，所khiā是瓦厝古，頭前魚池，後壁果子，好園幾十甲；歸庄 ê人khah濟頭tì伊ê天， 腳踏伊ê地；伊ê 阿片塗kûn 歸鼎， 逐暝濟濟友--ê來伊hia結黨食阿片。後來伊聽tio̍h道理，去茄苳仔禮拜，就去邪歸正，日暝食真大ê 阿片也改起來！Tī pè-鎮， Cheng， Liāu，李 三姓有財勢力ê人khah濟無囝 kap少囝。 Taⁿ 這個 姓 Cheng ê 財勢力者也是無囝；所以伊有養兩個螟蛉子，大--ê氣浮， 細--ê 乖巧。 翁某疼這個 細 ê 養囝親像親生--ê。認真kā伊教育， hō͘伊讀教會ê小...

[1933-11 台灣教會公報/芥菜子 文類-小說 作者--/-]
Sīm-chiok的祈禱 [ Sīm-chiok ê Kî-tó ]
Sīm-chiok的祈禱 1933.11 (芥菜子第 94號) P.26 瑞芳教會有這个主日學的查某囡仔，名叫Sīm-chiok。今年七歲，猶未讀公學校，因為年尾囡仔。所以真細漢，跤手也真細支；總是記持真好，真賢讀冊，真好膽。若做救主誕的時，攏有peh去台頂唱歌，比遊戲，念救主的來歷，念真長；致到予聽的人攏著驚，講彼个查母囡仔是啥物人的，kán 遐賢。 Taⁿ這个查某囡仔Sīm-chiok 毋若gâu，閣真乖，真溫柔，予逐人真疼伊。這pang有拄著破病真傷重，伊的父母有chhoā伊去入台北市林外科病院。對入院大概經過倚一禮拜久，熱攏無退攏是39 度外。伊的父母心肝真...

[1934-8 台灣教會公報/芥菜子 文類-小說 作者-林清潔/Lîm Chheng-kiat]
守錢奴變做慈善翁 [ Siú-chîⁿ-lô͘ pìⁿ-choè Chû-siān-ong ]
守錢奴變做慈善翁 (林清潔) 1934.8，no.593，pp.26-27 佇外國有一个人，伊的性情kian-liān，伊只有對重錢，較無要緊人，伊有賰薄錢，總是真儉，連家己的某破病，都袂出得開淡薄錢共伊醫治，後來伊的某死，伊也無甚物煩惱，反轉暗靜歡喜，teh想講伊今賰家己一个，所費較省，錢就會閣賰較濟。 伊有飼一隻鵁鴒，伊常常門關teh，就提伊所有的錢出來算，將錢排佇桌頂，伊teh算錢的時，彼隻鵁鴒佮伊佇teh，用喙共伊鬥咬錢，用跤共伊鬥抓錢；按呢親像共伊鬥歡喜的款。總是伊逐擺算錢的時，就有phàng見幾若箍，對按呢伊的錢就漸漸較少。有一擺袂記得關門就teh算伊的錢，彼時忽然...

[1933-9 台灣教會公報 文類-小說 作者-楊士養/Iûⁿ Sū-ióng]
光輝的故事 [ Kong-hui ê Kò͘-sū ]
光輝的故事 (楊士養對蘭醫生娘的More stories from Formosa翻譯) 1933.09 582卷 p.14 光輝出世佇彰化一位信徒的家庭。伊的老爸是做木工，名叫歹錢，老母是真誠實深信的女徒。光輝6 歲的時，伊的老母chhoā伊去讀主日學；坐佇椅條，跤tin-tin來聽先生的教示。有一個禮拜日，先生共伊講，「佮阮阿爸相siāng」。八歲的時，伊去入公學校。伊對起頭就真愛讀冊；真敏捷，也巧，厝裡的工課也做真好勢。佇主日學逐个真疼伊，常常予人揀佇祝聖誕的時，來吟詩抑是越念。 佇1922年4月尾，就是光輝10歲的時，伊有拄著破病。伊的老爸請蘭醫生...

[1933-10 台灣教會公報 文類-小說 作者-楊士養/Iûⁿ Sū-ióng]
光輝的故事 [ Kong-hui ê kò͘-sū ]
光輝的故事 1933.10 (583卷) p.13 (接前號第14面) (楊士養對蘭醫生娘的More stories from Formosa翻譯) 佇1924年，醫生娘 in 倒去英國歇睏；有一暝昏佇一間拜堂講起光輝遐的少年人連鞭邊咧問愛出伊的學費。對彼時以後，in有看伊做好朋友來出伊的 學費到出業，(就是1928年4月)。醫生娘有落去赴出業式。學生排列佇大間講堂，青暝的，一爿；啞口佮臭耳人的一爿。人對台頂講話欲予青暝的聽，也一个賢的日本呂先生通譯用指頭仔比予臭耳人佮啞口的看。台南州佇事佮其餘的大官也出席，閣有真濟內台的紳士淑女去赴。 光輝做學生的總代讀國語的答詞，也續做代表領出業...

[1933-11 台灣教會公報 文類-小說 作者-楊士養/Iûⁿ Sū-ióng]
光輝的故事 [ Kong-hui ê Kò͘-sū ]
光輝的故事楊士養對蘭醫生娘的More stories from Formosa翻譯1933.11, no. 584, pp. 14 （接前號第13面）恁減采會淡薄奇怪，伊對in老父所講的話；總是伊的老父攏無受氣。 光輝是in父母的目睭的光，也in老父不止識，知受迷惑致到bē記得祈禱的事。 伊幾若擺共醫生娘講：伊基督徒的生活，對伊的囝的模範，有得著真大幫贊。 論伊的老母卻是真深信，真堅固的人。 伊的大囝光輝有toè伊的腳步。 光輝的祈禱有得著允准。 佇英國的朋友用疼的犧牲，有募集250箍欲予伊買一張做的的針車，siāng彼時英國主日學也寄200箍來欲予光輝。 伊用真歡喜，真感謝的心承受遮的賞賜...