[1949-10 台灣教會公報 文類-散文 作者-謝經/Chiā Keng]
白話字的問題 [ Pe̍h-oē-jī ê būn-tê ]
白話字的問題1949.10 第730卷 p.3(南投：謝經)青年團契的代表對台南的夏令會倒--來，有teh報告講，關係白話字的問題，有一部份的人teh主張講：「白話字是無必要。」我聽了不止艱苦。講「白話字無必要」就是講「台灣話無必要」。因為白話字佮台灣是袂通分離--得的。（請看台南冊房所發行巴博士的傳記《バアクレイ博士の面影》）。 以前我也捌聽見有台灣的青年teh講：「白話字的聖經無合用；因為讀了較袂通明白彼的意思。」我聽也不止gông-ngia̍h，因為伊毋知，袂通明白意思的原因，是因為毋捌台灣話的緣故。伊也毋知，白話字的聖經是台灣話最好的文學。 實在今仔日的台灣，普遍的現象；就是台灣人袂曉...

[1949-10 台灣教會公報 文類-傳記 作者-楊天豪/Iûⁿ Thian-hô]
洪金先生的天路歷程 [ Âng Kim Sian-siⁿ ê Thian-lō͘ Le̍k-thêng ]
洪金先生的天路歷程1949.10 第730號 p.15(楊天豪寫)(紲接8月第12面)後--來閣轉來彰化的時，林學恭先生看著我有聖經佮聖詩，也會讀，就真歡喜；共我引佮蘭醫生蹛，發籤仔佮顧門。彼時有蘭醫生的學生高載德、吳希陽、劉振昌佮Ka-lēng先，以及醫館的工人逐家做伙，逐日真心適。暗時我就招工人去附近的田庄講道理。閣有一个老進伯（許進長老），五日賣茶箍，六日講耶穌，七日守禮拜，我也常常佮伊出去到草屯、二水遮的田庄講道理。猶未有車，攏是步行。 也我佇醫館的工那做那慣勢，因為粗工只有我一人，毋若發籤仔佮顧門，也著管顧病室，設法病人的入院，棧藥間，藥局的鎖匙也我teh交。醫館的頭前管顧到後爿，天...

[1949-11 台灣教會公報 文類-傳記 作者-楊天豪/Iûⁿ Thian-hô]
洪金先生的天路歷程 [ Âng Kim Sian-siⁿ ê Thian-lō͘ Le̍k-thêng ]
洪金先生的天路歷程1949.11 第731號 p.16(楊天豪寫)(接10月15面)彼時吳秋微也佇遐，伊是台北卒業--的，聽著就講：「你敢有愛去？若愛，我明仔再欲去台南共阮哥仔講。」伊彼時拄才做秀圓定著若定。我就應伊好。蘭醫生、醫生娘也歡喜。吳秋微來回答講好，我就去太平境講習40日，有高lò頭、洪朝抽、許振芳同學。後--來就蹛教會--新市、阿里港、鹽埔、嘉義過溝、林杞埔、山霸、Lo̍k-moâ-sán、集集到水裡坑、竹山。 這中間有起3間拜堂；閣Lo̍k-moâ-sán的拜堂，對田庄設法移轉來街市。到今做信者16年，做傳道35年久。閣3日就72歲。上帝賜我勇健，猶會四界走，現時一日行兩舖 猶會...

[1949-11 台灣教會公報 文類-散文 作者-鄭兒玉/Tēⁿ Jî-gio̍k]
T.K.C.羅馬字推行部會籌備委員會 [ T.K.C. Lô-má-jī Chhui-hêng Pō͘-hoē Tiû-pī Uí-oân-hoē ]
T.K.C.羅馬字推行部會籌備委員會1949.11 第731期 p.6(鄭兒玉報)這pang T. K. C.夏令會，有得著議長以及籌備委員會的好意，為特別開關係羅馬字的集會三擺，予咱通知陳議長以及籌備委員會的諸位先生有「先見之明。」佇這三擺討論會的結果，羅馬字是對台灣教會的將來真有重要性，所以著愛佇T. K. C.佇內面組一個羅馬字推行部會。 (詳細請看董教授所報--的)。因為欲應這個聲的關係，佇七月30日13點，佇台南神學院的講堂，有開T.K.C.羅馬字推行部會籌備委員會。這個部會的主旨是：1.佇全台的教會推行羅馬字的教育，予凡若屬佇台灣基督長老教會的人，無一人袂曉讀經，詩。2.計劃欲發行...

[1949-12 台灣教會公報 文類-傳記 作者-楊天豪/Iûⁿ Thian-hô]
洪金先生的天路歷程 [ Âng Kim Sian-siⁿ ê Thian-lō͘ Le̍k-thêng ]
洪金先生的天路歷程1949.12 第732號 p.14(接11月16面)信主50年間，毋捌借一sián五厘。無好額，也無欠缺；上帝予我夠額，也予我袂貪心。「按呢好，請你歇睏，我著落--去，約束的 時間7點半已經到。穆Sek-in先生若來，就欲佇下面做禮拜。」「真多謝，真好，予我紲通得著知早時信徒的事情。Se̍k-lîm這choā過--來有佇遐幫贊你的工抑無？」「有--ah。」 講兩擺，「23坐飛機閣去--lah，有閩南的教會請伊聖誕節前轉--去通計劃明年的工。」「閣去廈門--lah ò͘?」「是--lah，佇 鼓浪嶼。樓梯崎崎，請勻仔行。」「好。」 洪--先生出--去了後，筆者那想這個故事，愈...

[1950-8 台灣教會公報 文類-小說 作者-古樓主人/-]
我想攏無 [ Goá siūⁿ lóng bô ]
我想攏無1950.08 740號 p.15古樓主人作一隻蜜蜂佮蚊仔teh談論。蚊仔問蜜蜂講：「蜜蜂兄！我有幾若項佮你真相像，你有翼，會飛，我也會；你是蟲豸的一項，我也是；閣你會叮--人，我也會。毋過一項我想攏無！按怎我飛到遐，人共我趕到遐；我若叮人，人欲共我拍。因何你猶原會叮人，閣人若予你叮--著，比我較食力，按怎人遐疼你，遐保惜你，起厝予你蹛，寒天時閣用糖水予你啉，這是按怎？我想攏無！」蜜蜂講：「Hió͘！我chēng到今卻也毋捌想對遐去，若共想真，大概是按呢。你佮我雖然平平會叮--人，猶過你teh叮人佮我無像款；你是為著欲suh人的血來飽你的腹肚，為著顧家己teh叮人。我是暝日為著人類造福...

[1950-11 台灣教會公報 文類-散文 作者-胡文池/Ô͘ Bûn-tî]
研究：Bunun聖經翻譯的經過 [ GIÁN-KIÙ：Bunun Sèng-keng hoan-e̍k ê keng-kè ]
研究Bunun（ブヌン）聖經翻譯的經過1950.11 743號 p.8-9(胡文池)Bunun(布農族)是踮佇台灣山地的一族，原早佇新高山的附近，現在遷徙到台中、高雄、花蓮、台東的山地。In是文化最低的人，到3年前無有入中等學校的人。In雖然會講日本話，總--是袂曉讀日本話的聖經到明白。若愛引chhoā這款的人來信主，著愛用聖經來翻譯做in的話，閣用甚物來予in徛在佇四正的信仰。所以佇三年前，山地宣道會長孫雅各牧師，用這个翻譯Bunun聖經的工交代我的時，我隨時歡喜承受，總--是一方面也驚了擔當這个工袂起。這霎簡單報告彼个經過予恁知。一、準備1947年的9--月，我有對大甲教會來關山。因為遮有...

[1947-4 台灣教會公報 文類-散文 作者--/-]
無講，無人知 [ Bô kóng, bô lâng chai ]
無講，無人知1947.04 第700號 p.1-2欲講甚物？光復印書局的事業。這間啥人設--的？原本是巴克禮博士。伊家己會曉抾字，印冊，就買遮的印冊的器具種種來下佇新樓。差一人名Sa-á去廈門學印冊；以後得著一人孫耀雲來學習，對按呢起工印報紙。印冊的所在號名聚珍堂。到佇有一cha毋，幾若个報紙聯合做一个，這間才稱做台灣教會公報社。佇1941年4月，受日本人禁止，停刊，到1945年，11月2日，閣開辦，就改名光復印書局；對遮發刊的報紙，猶原名台灣教會公報。現在是甚物人teh料理這間？是高金聲，個人。教會有偌濟資本助贊--伊？無，常置委員會kan-ta講，將公報社印冊的ke-si佮厝，借某人，來發...

[1947-10 台灣教會公報 文類-散文 作者--/-]
見學：地球 [ Kiàn-ha̍k：Tē-kiû ]
見學地球1947.10 第706號 p.12古早人teh想咱這個世界有幾若款，今記一兩項就好。有的講，咱所徛起的地，親像海嶼浮佇水面，四圍攏是水，地形屈曲。所排列遮的海嶼造做福氣的海嶼。踮遐徛起的人，有極大漢的人，也有極細漢的人。有女人國、大耳國、穿胸坎的國，閣有鬼怪佇遐。這是西洋的思想；東洋猶原有佮這大同小異。 印度人講，地有12枝柱thuh--teh，才袂lap--落去。佛教的人，就用按呢來勸人著做好。人若做好，無厭siān，柱就歷過久久，袂朽爛。人若做毋好，地的柱teh欲倒，對一人予眾人受災禍，按呢敢通？主後700外年，有一出名的讀冊人，名彼得，講，咱所徛起的地，形親像雞卵；踮佇天地的中...

[1947-12 台灣教會公報 文類-散文 作者--/-]
見學：田嬰你有常看著無？ [ Kiàn-ha̍k：Chhân-eⁿ lí ū siông khoàⁿ tio̍h bô? ]
見學田嬰你有常看著無？1947.12 第708號 p.11常，無規年攏有。不論佇台灣，抑是唐山都攏有看著。身軀有六枝跤，兩對翅，大閣薄tiah。色緻有的赤、有的綠。飛的力真大、緊親像風。頭殼有兩蕊目睭膨出閣通光。這目睭是假--的，創按呢，是欲扑生驚別物的活物。真目睭佇喙phoé--裡，真細。喙闊，喙phoé硬，所以gâu咬物。伊所食的物，是蠓仔、胡蠅、尾蝶，彼款的蟲thoā。性情貪食，一點鐘久，會食幾若十隻。囡仔常常愛拈田嬰，著勸伊毋通。因為田嬰是teh食害蟲，有利益咱。咱捌看著田嬰teh飛，近水面，身軀拗曲，用尾仔tam水。彼是teh生卵。伊秋天放卵，到明年春天才孵出。卵落佇水內，或是黏佇石...

[1954-4 台灣教會公報 文類-散文 作者--/-]
東門教會葬 [ Tang-mn̂g Kàu-hoē-chòng. ]
東門教會葬1954. 04, no. 784, pp. 16-17教界的元老，故鄭德和長老佇1月4日，在東門教會主理祈禱會中發病（腦溢血），雖然療養3禮拜久，猶過上帝的旨意成，佇24日禮拜下晡6點30分別世。為著等候佇泰國行醫的第3公子回國，到佇3月12日下晡2點，佇東門教會舉行葬式。陳Huī-chhiong牧師司式，黃Bú-tong牧師主理，用「長生不朽」的題講道，來舉行非常嚴肅的典禮。對黃牧師的講道，到佇各教會，各機關代表的弔辭都講起鄭長老生前佇家庭、教會、社會，伊的信仰生活，伊的德行，伊的做人,有予約500名的會葬者得著大感激,無毋流毋甘的目屎。也當日南對泰國，北對日本以及島內有濟濟弔電...

[1954-5 台灣教會公報 文類-散文 作者-明有德/Bêng Iú-tek]
老母佮囝 [ Lāu-bú kap kiáⁿ ]
老母佮囝(牧師：明有德)。1954. 05, no. 785, pp. 8-9五月的第二禮拜，逐年佇台灣教會佮濟濟別位的教會有迎接「老母的日。」這擺寫遮的來落佇公報5月號，毋過較無欲對重彼个 「日」的意思，á是kan-ta關係做老母的意義。主筆叫我寫的題目毋是彼个意思的款。因為是講，「老母佮囝。」這个題目實在是較佮基督教所著參考的。按呢共伊想，有4項的關係通講：-(1) 老母佮囝的宗教關係。佇西洋，佈道家常常愛引例，講起人離開教會，後來反悔轉來的事。親像路加15章的放蕩囝離開家己的厝，去海外做歹，後來反悔轉來in兜。佈道家較常講這款人會轉來老母的所在。對按呢通知老母佮囝有特別深佮奧妙的關係。對...

[1954-5 台灣教會公報 文類-散文 作者-陳溪圳/Tân Khe-chùn]
上帝是疼 [ Siōng-tè sī thiàⁿ ]
上帝是疼（牧師：Tân Khoe-chùn）1954. 05, no. 785, pp. 9宗教是teh論起神佮人的關係，也彼个關係是甚物款來決定。閣彼个宗教的教義也是根據佇信上帝是甚物的信仰出來的；所以神的教義若錯，所有的教義就錯，神的教義若對，就所有ê教義是真。若是咱所信的神是獨一的主宰，全能，全智，至聖，公義，疼痛的天父。疼的概念是佔基督教全體，á是聖經全部的中心地位。聖經講，「現今所存三項其中第一大的是仁愛。」閣講，「無疼的毋捌上帝，因為上帝是疼。」總是這个疼(性愛)，á是肉親的的疼(情愛)，á是彼款社會的的疼(友愛)。「上帝是疼，」是屬佇宗教的，聖義的，包含神聖公義的疼。實在無話通說...

[1954-6 台灣教會公報 文類-散文 作者--/-]
設教紀念佮台南永樂教會 [ Siat-kàu kì-liām kap Tâi-lâm Eńg-lo̍k kàu-hoē ]
設教紀念佮台南永樂教會1954. 06, no. 786, pp. 16-17這間教會是佇看西街，現時改做仁愛街。咱俗語講，「食果子拜樹頭，挽瓜揪藤。」今仔日福音遍傳佇台灣南部逐所在，彼个起頭就是對看西街傳起。按呢現時永樂教會是咱台灣基督教的發祥地。欲寫台灣基督教史，的確著對遮寫起的。八十九年前的6月16日起，老馬醫生佮杜嘉德牧師，以及廈門三个同工的兄弟佇 遮開始醫療傳道，暝日為主做工，宣講福音。In至誠的心感動天，無久就得著故高長先生來信主(這是高金生牧師對我講--的)。後來教會受窘逐，才徙去旗後。高先生就佮in去旗後幫贊in。通講伊是台灣頭一粒的果子。又閣廈門三个同工佮馬醫生做陣來台灣的中...

[1954-6 台灣教會公報 文類-散文 作者--/-]
甘牧師遭難紀念碑 [ Kam Bo̍k-su chô-lān(sic) kì-liām-pi. ]
甘牧師遭難紀念碑1954. 06, no. 786, pp. 14-151875年，甘為霖牧師佇台南縣白水溪教會予Gô͘-á-chhiûⁿ放火燒無死的遭難事蹟，是一个真大的神蹟，也是甘牧師真出名的功蹟。這个事蹟毋若佇台灣受人數念，連佇母會英國也不止teh數念。十九年前，台灣南部教會設教70週年記念ê時，有徛紀念碑佇彼个所在，予閣較濟人通看著來數念(請看記念寫真帖)。可惜當時所徛的紀念碑毋是真堅固，所以到現在已經歹--去，無通閣看著。光陰親像流水，今年是甘牧師遭難80週年，所以閣一擺數念上帝的盡忠工人為主苦戰的情境。今嘉義中會感覺有需要重建立一个真堅固，就是用鐵筋khōng-ku-lí的，通永遠...

[1954-6 台灣教會公報 文類-散文 作者--/-]
鹿滿教會 [ Lo̍k-boán kàu-hoē. ]
鹿滿教會1954. 06, no. 786, pp. 15-16對嘉義坐車入山內30分鐘，有一个鄉社叫做鹿滿sán。卻交通真利便，總是是山內小細的街路。佇較頂勢，後面向山，前面看落街路，光景好閣清休的所在，有一間木造的教會堂，古早叫做鹿滿sán，現時換做鹿滿教會。這間教會已經有46年的歷史，總是可惜無甚麼特色，到今仔日猶過是東門教會的支會。禮拜堂的壁枋予白蟻食到真傷重，有一部分修理，總是也是真歹看。佇兩年前Peng Bêng-chhiong先生受派來遮，到現在不止進步。In的長老按呢講，Peng先生真勇健閣gâu牧會。所以有加幾nā戶，現時已經有30外戶，60个會員，總人數200外人，每禮拜有...

[1954-1 台灣教會公報 文類-散文 作者--/-]
南大 [ LÂM-TĀI ]
南大常委公告1954.01，no.781，pp.05-06十二月15日有開常委。將所辨理的報佇下面。1.恒春風災慰問金共Y5103.20。2.中學紀念日的獻金，事務所取扱的額有Y4834.40。3.傳教者體質給與金的規則，依照前次常委所決議：(三個月的給與金是彼間教會，彼个中會佮大會各負擔1/3)。今加添，若屬佇大會á是機關的，是彼个機關佮大會各負擔1/2 (大會的額是對4中會均分)。4.自動辭職的傳教者的旅費是歸屬彼个教會負擔，教會若袂通負擔，彼个中會著負責設法。5.交代財務局研究自動辭職的旅費支給，著應該服務偌濟年才通合理支給。6.通過選送委員會條例，紲准實施。7.通過事務處理規桯，紲准實...

[1954-1 台灣教會公報 文類-散文 作者--/-]
消息 [ Siau-sit ]
消息1954.01，no.781，pp.25-26T.K.C.欲派代表去赴世界總會á無？近來有收著世界長老會總幹事的 批，問看台灣T.K.C.欲派人去赴第17回的總會(7月27-8月5日，佇美國Princeton神學院) á無？猶原對普世聯盟的總幹事收著批，問看咱T.K.C.欲派代表去赴第二回的總會(8月14-31日，佇美國Evanaton) á無？收著這兩張批，咱袂免得著想看有法度通去赴á無？毋免講，咱攏知這是真必要的事；若有法度，對台灣派去是第一理想；若無，撿彩通派一个台灣人現時佇美國teh讀冊的，去赴亦是會用得。總是無論甚物人欲去，...

[1954-1 台灣教會公報 文類-散文 作者--/-]
傳道局 [ Thoân-tō-kio̍k ]
傳道局1954.01，no.781，pp.06各位傳道局員，各位中委，各教會以及傳教師平安。聖誕恭喜，新年恭喜。願主祝福大家，得著新的能力，會得加倍為主勤勞。1.第94次的傳道局會，決定佇1954年1月7號(拜四)頂晡10點30分，欲聚集佇南大事務所議事。2.各中委，各教會，á是傳教師，若有關係傳教師欲異動的事，á是其他的thêng-chhéng事項，限到1月5日(拜二)以前，對該屬的中委 (常設部)經由，送交本局。3.請各位傳道局員，到期準時撥假出席。緊用按呢通知，順筆請安大家。A.D 1953年，12月15日。南大傳道局，局長：An Bō͘-lí。書記：許水露。...

[1954-2 台灣教會公報 文類-散文 作者--/-]
竹中的危機 [ Tek Tiong ê guî-ki ]
竹中的危機
頭序
1954.02，no.782，pp.13-15
(Tīⁿ Chìn-teng)
編輯竹中通訊一年久，得著十二位主的工人鬥執筆，分擔寫出新鮮的消息，予我通盡每月的責任，是真感謝。
今愛歇筆的時，將心中難告常常掛慮的竹中危機寫淡薄來數念早的聖徒，呼籲大家的關心，通相佮警醒，也同時懇求天父憐憫。
迮四兔的竹中
日本的俗語講，迮兩隻兔的，連一隻也袂得著。
若是竹中有(1)山地。(2)客莊。(3)Hō-ló。(4)外省，四方面的工著做，閣是攏著做成功才會用得。
竹中的人口有百外萬，也面積鎮三縣...