[1939-1 台灣教會公報/北部教會 文類-散文 作者--/-]
同行活路 [ Tâng kiâⁿ oa̍h-lō͘ ]
同行活路 張長川(Tiuⁿ Tiông-chhoan) 1939.01 646期 24-26頁 人類會通各樣佇禽獸，查考彼个特殊點的一項，就是有宗教信仰。總是這个特殊點的問題，咱應該著研究予伊明白，若無，驚了這个第一尊貴的宗教性致到受塞密，若按呢，就佮禽獸無各樣。進化論者講，人對猴進化來的。破迷信家講，人無有靈魂，不過動物中做高等的智能者nā-定。這款的主張，攏是屬佇無吹毛根本，干焦淡論枝葉的胡言亂語。干焦對肉眼的觀察，物質的體驗，紲致到自棄自賤，佮禽獸品等，來失落第一高尚的靈界活路，敢毋是可惜嗎？ 人的格，咱著認予伊真，人攏著較贏禽獸，若無，人的性無通自存，靈界無所向望。傳道3：21...

[1939-1 台灣教會公報/北部教會 文類-散文 作者--/-]
替人祈禱 [ Thoè lâng kî-tó ]
替人祈禱 (路加11：1-13) (謝福元) 1939.01 646期 26-28頁 祈禱是基督徒的特權。不論甚物時，甚物所在，攏總通祈禱。無祈禱的基督徒是親像無呼吸的人。祈禱是佮上帝交通的路。也魔鬼真驚咱這項。咱對聖冊通知祈禱的必要佮彼个氣力。對這个，基督徒有好的籐牌。論祈禱的事，佇聖冊中至少有記600擺以上。其中得著應驗的祈禱，至少有記400擺以上。怎樣會記遐濟擺？這个無毋是咧講基督徒著對重祈禱，也咧表示祈禱著真心，熱切，著有信仰。替別人祈禱，這个就是祈禱中一項要緊的事。請看以賽亞59：16「伊看無人拯救，無人替求，不止gông-ngia̍h......」所以通知替人祈禱的要緊。為...

[1939-1 台灣教會公報/北部教會 文類-散文 作者-明有德/Bêng Iú-tek]
牛津基督教會議 [ Giû-tin Ki-tok-kàu hoē-gī ]
牛津基督教會議(4) (明有德) 1939.01 646期 29-30頁 III. 基督教佮經濟 咱來研究這个問題，就是信上帝對耶穌來啟示咱的立場來研究。佇主的全生涯佮伊的死所啟示的上帝；就是正義的上帝，定罪的上帝，以及慈悲滿滿致到來拯救罪人的上帝。這款關係上帝的性質佮意志，會做人生存在的地基佮行為的標準。 人的第一目的，就是著榮光上帝，著敬畏上帝，疼上帝。佇人逐日的生活佮工作，宛然顯出親像咧敬拜上帝一樣。這个疼痛，有關係咱的厝邊，就是著疼in親像家己。這个就是主所教示咱第2大的誡命。 這个疼厝邊的本份，對一方面來想，就是因為上帝創造人親像伊本身一樣，所以疼上帝的人應該著疼厝邊。毋...

[1939-2 台灣教會公報/北部教會 文類-散文 作者-蔡受恩/Chhoà Siū-un]
你的奴僕咧聽 [ Lí ê lô͘-po̍k teh thiaⁿ ]
你的奴僕咧聽 北部中會的準備 (蔡受恩) 1939.02 647期 22-23頁 教會渾沌混雜的原因，攏是對聽家己的聲佮環境的聲，來叫起私慾佮感情，致到拍亂教會運行的秩序，這攏是過去的事。咱迎接新年已經有徛佇主的面前來出發新的立約，也有信仰的決斷。清算人佮家己的話，決意欲聽上帝的話。撒母耳會成做上帝的使者，是對聽耶和華的聲來應答去行。伊講，「耶和華啊，請講，你的奴僕咧聽。」咱受揀做伊的差用人，是對聽伊的話來出發做工，才會成就伊的旨意。愛解決教會過渡期的危機，只有是著對聽上帝的話來出發，毋通閣聽家己的話佮人的聲。 北部中會佇舊年分做三个，猶偆真濟重要的問題，佇咧欲來的原北中召集的時...

[1940-1 台灣教會公報/北部教會 文類-散文 作者-蔡長義/Chhoà Tiông-gī]
年頭的反省 [ Nî-thâu ê Hoán-séng ]
年頭的反省 蔡長義 194001 658號 p.22-23 1940年的年頭已經到啦。佇這個年頭應該著照新計畫來進行。總是若無反省就無計畫。曾子的反省一日3擺，咱至少一年嘛著一擺的反省。應當是佇年尾來反省，毋過年尾逐人較無閒，年頭較閒，辛勞萬象換新；這陣來反省，也真有意義。欲反省啥物？算袂了，講袂盡；寫幾項做參考材料。 I. 讀聖經。 宋尚節博士來台灣的時有講，伊讀新舊約全書幾若遍。伊的頭腦遐好，尚且讀幾若遍；咱檢毋著讀幾若十遍嘛？！Lī-bîn-su-tùn傳道理佇亞非利加州一世人的中間。彼時交通非常不便；伊破病傷重的時，予人(番仔)用轎(番仔轎)扛出來的...

[1940-1 台灣教會公報/北部教會 文類-散文 作者-蕭樂善/Siau Lo̍k-siān]
新年的光 [ Sin-nî ê Kng ]
新年的光 蕭樂善 路加11：33-36 194001 658號 p.23-24 「無人點燈下佇隱密的所在，抑是斗下，就是下佇燈台等......身軀的燈就是你的目睭......」 今年是特別的年，向望對頂面有特別的光。人攏有經過濟濟新年的；總是毋知有幾人實在知伊新年的頭一步。若毋知伊的頭一步就袂知伊一年中的跤步。毋知伊的頭一步，就是對佇無明白伊所著行的路，致到罔過，罔行，罔歡喜，別人譀譀過，咱也譀譀過。這是信徒所著警kái的。耶穌講，「我就是路」應該咱著知咱的路。對這chām的聖經咱通掠著項： 1. 咱著gâu用信仰的光佮特權。 上帝用萬物予咱有真gâu用仔無？通知真濟人袂...

[1940-1 台灣教會公報/北部教會 文類-散文 作者-劉約翰/Lâu Iok-hān]
新的曙光 [ Sin ê Sū-kong ]
新的曙光 劉約翰 194001 658號 p.24-25 日子真快過，舊年連鞭過了，新年閣來。「啊！時間啊！！你怎樣遐緊，攏無聽候咧，做你直直走，直直去，濟濟人予你逼到欲佮你絕交，實在你真正無情。」這是我對時間的緊的卑感來對時間講的話。冊裡講，「日月如梭，光陰似箭」。日月親像經布的梭仔，光陰親像箭咧射遐爾緊。記得舊年一年宛然是凊凊經過一日若定。總是咱若回顧佇舊年一年間的經過，就會知咱有虛度濟濟的光陰。上帝賞賜咱逐人的時間，有的較長，有的較短，這通講是做咱的寶貝，也是做咱的活命。人無保惜伊的寶貝，仔是活命是到極的殘念。今舊年已經過去了袂通閣得著，若是新的年閣咧來，咱佇這個新年頭時間是新的，...

[1940-1 台灣教會公報/北部教會 文類-散文 作者-溫榮春/Un En̂g-chhun]
對廣東 [ Tuì Kńg-tang ]
對廣東 溫榮春 194001 658號 p.25-27 鄙人佇舊年5月，有拜命東亞傳道會的牧師，佇東京佮台灣受著真大的歡迎佮激勵，實在是鄙人的光榮佮感激。為著種種的準備佮都合，延延到7月9日，才對高雄坐船出發來廣東，欲出發的時，閣受著格外的送行真道謝。 七月13日，有夠廣東市，真濟人聽候阮，就是有早阮一禮拜代先來的Kūn-sim先生以及對前幫就來的I-kang牧師，以外有青年會的Kong-pō͘。先生佮中國的兄弟十數名，以及台灣來的兄弟幾若個。到位隨時開歡迎的晚餐會，予阮非常感激。彼時我有感覺著主的福音的威力。踮佇主的疼的內面攏無分別猶太，希利尼。彼暗受著李Kong先生的好意，有踮佇i...

[1940-1 台灣教會公報 文類-散文 作者--/-]
Am-sū tek-lám的消息 [ Am-sū tek-lám ê siau-sit ]
Am-sū-tek-lám 的消息(3) (世界基督教青年大會) (S.L.S.) 1940.01 658號 p.27 1.指導者的準備會。為著這个大會有用濟濟時間來準備。大會的 2日前有開指導者會佇Wo͘dschoten。有兩百名聚集，是各團的 chō長，書記佮助手。Netherland基督教學生運動的役員，也對真早就備辦in所欲做的工。遐的指導者倚90%是佇一年前就託好勢。通知in有用濟濟時間，用祈禱來準備大會的工作。 2.大會冒險的點。對全世界聚集1600名的代表者，毋是容易的事。著冒險來開這个會；因為現在國際間是佇緊張的時。若毋是基督教的會的確袂會開，佇這个時陣。閣逐...

[1940-1 台灣教會公報/北部教會 文類-散文 作者--/-]
新生活佮經濟 [ Sin seng-oa̍h kap keng-chè ]
新生活佮經濟 ( S.L.S.) 194001 658號 p.28-28 1. 近來攏是經濟問題的聲。信仰佮經濟毋知著怎樣想。用錢買賣是社會的規矩。基督徒也是社會一員，猶原著照彼個制度來活。著共人買才有通用，所以著趁錢。 2. 金錢做世間人真大路用，猶原做上帝真大的路用。上帝用財寶來試驗咱的信仰。拄著這款的試驗，就咱的信仰是啥款欲真明佇上帝的面前。 3. 欠用錢佮趁濟濟錢猶原會受魔鬼試。欠錢用的人會跋倒，有錢的人也平平會跋倒犯罪。人有趁錢，魔鬼即時來欲共伊用錢，天使也來欲共伊用錢。人忽然趁錢濟濟，有人招伊啉，跋也有聖徒招伊獻金佇教會內做聖的路用。佗一款的路較有價值？ 4. 耶穌教示...

[1940-1 台灣教會公報/北部教會 文類-散文 作者--/-]
好用的牛 [ Hó-ēng ê gû ]
好用的牛 石安慎 1940.01 658號p.29 牛是做清氣的家畜，不止有力，不止忍耐艱苦佇耕田，拖車，磨(bō)五穀，不止有路用，閣做人的食料的滋養品 ：牛肉汁，牛奶，牛奶粉，牛肉罐頭等等。牛是上主所造化動物中的一項真有路用的動物(創2 ：19)。人著會曉感謝主，gâu利用。若有人專門飼牛肥肥，夠水夠水，才來刣，百姓食了較勇壯，百姓若勇壯，國就勇壯，這是愛國心，愛國精神的一部分(太6：33)。閣一款做工的牛，逐日飼到飽飽，顧到勇勇，禮拜日人佮牛攏歇睏，載貨拖車的時，無過重，牛較袂瘦，較袂破病，耕田的時食有飽，農夫gâu利用，無常常拍，予牛較無艱苦，也做較有工。做工的牛，到袂做工的時，...

[1940-1 台灣教會公報/北部教會 文類-散文 作者-柯維思/Koa Î-su]
溫故知新 [ Un-kò͘ ti-sin ]
溫故知新 (柯維思) 1940.01 658號 p.30-31 溫故知新-溫習舊的(過去的)就知新的 (現在的)事。讀冊亦是按呢，講究事務，省察史記亦是按呢。教會的事亦是按呢。 咱讀福音段，就知主耶穌當時傳福音受濟濟艱苦，濟濟人毋承受；讀使徒行傳，就知使徒傳教受濟濟窘逐，陷害。 對早到今，歷代傳教，攏是拄著艱難，窘逐，阻擋......通知現今傳教若有拄著阻礙，亦是無奇怪。 (對創世記到啟示錄，魔鬼不時無閒咧做魔工，欲陷害上主的聖工)。所以傳教拄著艱難，窘逐，毋免掠做奇怪，著益發出力進前。咱著知傳教的工毋是快快的事，是不止為難的工。不過咱著進前就是。對早到今，逐所在傳福音設...

[1940-1 台灣教會公報/北部教會 文類-散文 作者--/-]
牛津運動 [ Giû-tin ūn-tōng ]
牛津運動 第2回世界大會 1940.01 658號 p.31 佇逐時代上帝有揀召拄好的人來做伊的差用。佇現代伊有揀召ブックﾏソ博士閣一擺來傳極簡單，亦是極要緊的道理，就是鼓舞逐人的生活著徹底佇誠實，純潔，無私佮疼痛。這个運動已經遍傳佇全世界，濟濟人有對這个來聽著上帝的聲。 佇舊年這个運動有開第2回世界大會佇美國。彼个大概親像下面。 七月13-20日，全世界的代表約1500名，有佇ロスアソゼルス佮パサデナ 的所在代先備辦心，分團訓練，就中佇7月19日暗，有佇ホリウツトボール大會場開見證會。有30000人入場，亦約10000人袂通入。代表者攏坐佇台頂，亦十外人干證上帝有怎樣變換in...

[1940-2 台灣教會公報/北部教會 文類-散文 作者-蕭樂善/Siau Lo̍k-siān]
喙焦佇真理 [ Chhuì-ta tī Chin-lí ]
喙焦佇真理 蕭樂善 194002 169號 p.22-23 佇英國有一個墓牌刻一本掀開的聖經，也刻字佇遐，「草焦，花謝，獨獨上帝的話永遠佇咧。」這是Mary Jones。伊食82歲，佇76年前別世。 佇140年前這骨個織布的查某囝Mary Jones有去主日學，也讀真濟聖經的教示。總是彼時聖經真少，也真貴；著有錢的家庭才會通買來讀。這個查某囡仔16歲，厝內無通買聖經，伊就四界探聽看佗位有通借讀，就揣著一位離開伊的厝有大稻埕到艋舺的遠。彼時的聖經毋是會通借倒來厝裡讀，是著去遐讀。彼個人歡喜借伊讀，凊彩時伊通去；所以這個Mary Jones為著欲去遐遠讀聖經，伊著放下伊織布以及厝內...

[1940-2 台灣教會公報/北部教會 文類-散文 作者--/-]
世界佮基督 [ Sè-kài kap Ki-tok ]
世界佮基督 (Chh. T. G. ) 194002 169號 p.23-24 伊欲生囝，你著叫伊的名做耶穌；因為伊欲求伊的百姓脫出in的罪惡(馬太1：21)。 耶穌就是基督，世界欠用基督。咱無基督，袂會煞得。人若是講，「基督無必要；若有別項就好」，就是益發欠用基督。因為真的拯救，是在佇真的神，耶穌，基督，以外無通向望。現在世界的人，不止期待基督佇平和的工作。基督為著真的平和來世間。伊出四的時，濟濟的天兵的讚歌講，「......地上和平佇伊所歡喜的人的中間」(路加2：14)。 看題句馬太1：21就知，基督毋是欲救百姓脫出戰爭；是欲救百姓脫出罪惡。約翰5：1-9有表示世界佮基督的關係。...

[1940-2 台灣教會公報/北部教會 文類-散文 作者-吳天命/Gô͘ Thian-bēng]
歡喜，平安，向望 [ Hoaⁿ-hí, pêng-an, ǹg-bāng ]
歡喜，平安，向望 (吳天命) 194002 169號 p。29-30 世界的戰亂今年猶原接紲咧進行，實在予人真悲傷，是人人的責成，咱著大大認罪，哀痛的所在。雖是按呢，佇閣一方面咱真欣慕，踮佇這的戰亂的世界，咱的心神抑是咱的靈魂會得通得著歡喜，平安佮向望。著怎樣才予咱的信仰生活會歡喜平安佮有向望？保羅佇羅馬書15：13，有將伊的體驗來表出得著歡喜，平安，向望的法度。伊家己有得著，紲祈願羅馬的信徒也會得著這號福氣。 照這節保羅有提出兩个大要素，通予咱得著這个向望，歡喜，平安的祝福。就是上帝的賞賜佮人的信仰。伊佇遮有稱呼上帝做「向望的上帝」。這號的稱呼，佇聖冊中是罕得有的事，較常上帝是稱呼做...

[1940-2 台灣教會公報/北部教會 文類-散文 作者--/-]
基督佮我 [ Ki-tok kap Goá ]
「基督佮我」 Tō͘-kang生 習譯。 194002 169號p.24-26 以弗所人書佮約翰福音段所記，特別佇彼个序言有通了解基督佮漫遊萬有的關係，怎樣的親密佮根本tek。宇宙萬有的創造佮存立，對胎初就佮「道」－佮上帝相佮佇咧的－有大干涉。到期「道」成肉體，降臨佇這世間。這个就是上帝的囝基督，對按呢天地萬有就歸佇基督，上帝齊全的聖德佇伊變成形體。猶袂有天地的代先，就受揀來踮佇基督的內面的咱，佇遮起頭通接著對頂面來的光明，佮見著活命的餅。無有基督的世間是到極的渾沌烏暗；就離開伊的靈魂，是萎糜佮墮落若定。獨獨得著這个活源泉的潤澤，咱的心靈才會得著完滿的發展。實在活佇咱內面的基督，...

[1940-2 台灣教會公報/北部教會 文類-散文 作者-吳天命/Gô͘ Thian-bēng]
智識的根本 [ Tì-sek ê kun-pún ]
智識的根本 (吳天命) 194002 169號 p.26-28 箴言講，「敬畏耶和華是智識的根本」(箴1：7)。敬畏耶和華是智識的根本，就是學問的根本；通講就是哲學，科學的根本tek原理。用謙卑來敬畏聖冊所指示的上帝，就是得著學問的路。檢有影按呢。怎樣若無敬畏耶和華就袂得著真的智識？現代的博士，學者的確欲笑講，這是胡說。總是博士的話較著，抑是聖冊的話較著，這是咱著判斷的問題。咱欲判斷這个問題，的確著根據世界的學問史佮人生的事實。 請問世界中，智識做第一進步的國是佇佗位？是支那，印度，波斯仔毋是。遮的國毋是無出大學者；總是用學問來指導世界的毋是遮的國。用學問指導世界的，就是英國，德國，法...

[1940-2 台灣教會公報/北部教會 文類-散文 作者-蕭樂善/Siau Lo̍k-siān]
啥人會到彼塊？ [ Siáⁿ lâng oē kàu hit tè? ]
啥人會到彼塊？ (蕭樂善) 194002 169號 p.28-29 佇舊年12月16暗，有佮幾若个壯年兄弟對談幾若項事： 許：信徒有的啉酒，有的無啉；到底對咱的信仰通啉仔毋通？設使若撙節檢毋是有利益身軀？ 蕭：教會獎勵毋通啉酒，我本身較無咧想酒是歹。人若袂撙節，不論食啥物也會傷害身軀，毋過酒一下啉，向酒心若強，致到家己袂遏止，佇遐跋倒。基督徒著愛創好的社會。毋過有酒昌盛的社會袂做好的社會。佇社會中予酒害真忝的人真濟。田園，某囝攏啉了了；家庭破壞。咱若有熱心愛創好的社會；自然無愛啉酒。教會也有予酒害的歷史；所以咱著真斟酌。有害就是罪。 許：今仔日欲傳道理著用啥...

[1940-2 台灣教會公報/北部教會 文類-散文 作者-莊丁昌/Chng Teng-chhiong]
廈門教會消息 [ Ē-mn̂g kàu-hoē siau-sit ]
廈門教會消息 莊丁昌 194002 169號 p.30-31 上主的恩典佮列位的幫贊，予廈門傳道順tiau經過，來迎接聖誕佮新年，愛致意說謝，佮寫淡薄消息報咱知，向望以後加倍的祈禱佮援助。 1. 教勢。對8月設教會以來，那加添會友來援助；也那得著求道者加添。十二月的禮拜出席平均63个，主日學教員兩个，學生64个，日語講習所學生28名。 2. 祝聖誕。本教會頭一回的祝聖誕，佇24暗7點起，頭一部禮拜，第二部，學生的演藝，吟詩，讀聖經，遊戲，講故事等，20外出，300外人來赴，致到拜堂無位通徛，有人講臨時著換去中國的拜堂來做；可惜逐項準備好勢，袂通變更，無拍算會遐爾盛況。 3.中國教會...