[1926-2 台南府城教會報 文類-散文 作者-文姑娘/Bûn ko-niû]
文姑娘ê批 [ Bûn Ko͘-niû ê Phoe ]
文姑娘ê批1926.02 491卷 p.2用批寄hō͘ 列位ê 眾兄弟姊妹收知。我離開台灣ê 時，就攏無扑算我bē得thang koh 過去佮lín 逐家相見。聽著英國ê 公會所議定--ê,我ê 心擋bē-tiâu,真m̄ 甘；因為倚40年久，我toà tī lín ê 中間，佮lín 相出入來做主ê 工，續看tī 台灣tuì 東、西、南、北ê 聖會那開闊，亦有那濟人歸服來信耶穌。今tuì tī 所歷過ê 事，我ê 心koh 較特別ê 意思佮lín 相結連，亦m̄ 敢bē 記得 lín 常時ê 好款待，親密ê 疼痛，che 實在到永遠做紀念。所疼ê 好朋友，我抵著這號ê 阻礙，m̄ 敢嫌，就知...

[1926-2 台南府城教會報 文類-詩 作者-林燕臣/Lîm Iàn-sîn]
送別會 [ Sòng-pia̍t-hoē ]
送別會 1926.02 第491號 p.9 (林燕臣) 佇1925後春季中會的時，有派高金生牧師佮鄙人設法共巴牧師送別，所以佇今年一月一日午後六點，佇神學校講堂做場所，有開筵席，請十外人做伴，中間也有做淡薄餘興，親像出燈猜，做漢樂，予逐家相佮歡喜，鄙人閣做一手送別詩，云云。 1.先生奉差離故土， 過來台灣受艱苦， 佈道予人無歡喜， 潑粗身軀，真臭味。 2.先生無掠做真奇， 為主凌辱是福氣， 因為百姓心真淺， 愛學救主來赦免。 3.傳教教學經過久， 五十一年成歷史， 抵著夫人早過世， 單身做工無失志。 4.七十八歲稱老翁， 貴體猶原是健康， 智慧充足真精英...

[1926-4 台南府城教會報 文類-傳記 作者-葉金木/Ia̍p Kim-bo̍k]
Siàu念過往熱心ê信徒 [ Siàu-liām kè-óng jia̍t-sim ê sìn-tô͘ ]
數念過往熱心ê信徒1926.04 493卷 p.8-9(葉金木)陳Khai-teng伊是toà tī 大甲頂店。對細漢到老就是漢文家ê 讀冊人；對少年到老就是教書房。伊kap陳Kî-siông長老是做好朋友，18 年前有受陳長老引chhoā 來得著道理。對得著道理了後就深深研究聖冊，就不止熱心tī教會。伊若無tú著非常ê阻擋罕tit無赴禮拜，逐禮拜kap 1 個叔伯小弟萬順伯攏第先到。伊也有擔當長老1任，可惜伊ê子攏bē得著道理。伊ê做人真老實古意，bat 伊 ê人攏o-ló--伊。不幸tī 9 月14日忽然起腦溢血ê病，到16日就過往，享壽73歲，18日出葬。Tú tn̄g陳瓊瑤牧師轉--來...

[1926-4 台南府城教會報 文類-散文 作者-蔡椪/Chhoà Phòng]
所數念ê姐妹 [ Só͘ siàu-liām ê Chí-moē ]
所數念ê姊妹1926.04 493卷 p.14-15(蔡椪)姓名清楚林--氏葉，較常人攏叫伊瑞嬸，屬過溝ê教會，企家tī 牛稠溪，離拜堂3里路。伊得著道理頭尾9年實，tī chûn--年kap伊ê女兒李--氏卻，受汪牧師問道理進教。伊出世tī主後1870年，到舊年12 月17日天父揀召伊離開世間，享壽56歲。查考伊ê生平真正有thang可取。1.Hō͘外人o-ló。真好女德，真仁愛，凡事溫柔詳細，好親近，快快受苦勸，勤謹koh 儉樸。一下別世，人人都流目屎、吐氣，講：「可憐--ah！可憐--ah！」2.受家內敬重。M̄ 但本身認真服事主，koh 全家攏敬畏上帝，攏要緊家庭 ê 禮拜kap守安息...

[1926-5 台南府城教會報 文類-散文 作者-王守勇/Ông Siú-ióng]
北部事務：九州傳道旅行 [ PAK-PŌ͘ SŪ-BŪ:Kiú-chiu Thoân-tō Lú-hêng ]
九州傳道旅行1926.05 494卷 p.5-6(王守勇)致意請安同屬主tī 台灣ê 兄姊。這pang 受著主ê 恩惠，得著lín 列位ê 致蔭，tī 3月20號，我已經tuì 京都同志社神學部卒業，所以ài 佮逐家相佮感謝上主，也敬意kā lín 說謝，向望將來猶原會得著lín ê 指導、牽成，是我ê 萬幸。 Tuì 3月3號到17號，神學部ê 卒業生有受先生ê 指導，去九州傳道。所經過不止濟位，總--是紙面有限，tī chia boē得thang 講到詳細，所以簡單ài 紹介幾項較有關係宗教--ê,就好。 1.Tī 熊本ê 所感 (4號) 九州ê 氣候燒lō,人ê 性質小可粗暴、言語粗魯、...

[1926-5 台南府城教會報 文類-傳記 作者-蕭丁壽/Siau Teng-siū]
吳Tô ê小傳 [ Gô͘ Tô ê Sió-toān ]
吳Tô ê小傳1926.05 494卷 p.15-16(蕭丁壽)吳Tô 君是土庫ê長老，伊對16 歲就聽道理，20 歲入教會，25歲做執事倚10年久，就升做長老；到今年47歲善終。今將伊ê履歷大概記tī下面：伊一生散hiong，總--是不止克己，歡喜獻金kap出工，真熱心，禮拜日真對重，除去病痛以外，m̄-bat無守禮拜日，時常kap傳道先生抑是會友去探兄弟姊妹kap佈道，親像斗南若開佈道會ê時伊攏有來，koh斗南ê福音堂大部份是伊來做主理。見若關係教會ê代誌，伊真歡喜出力鬥幫贊。到伊臨終ê攏無變換，真可取。不幸大正12年12月發病，到13年2 月去新樓醫館手術，入院35日久倒來厝--ni̍h...

[1926-6 台南府城教會報 文類-散文 作者-王守勇/Ông Siú-ióng]
九州傳道旅行 [ Kiú-chiu Thoân-tō Lí-hêng ]
九州傳道旅行1926.06 495卷 p.5-6(王守勇)(接5月第5面)4 .Tī 都城禮拜說教（7號） 今早起是禮拜，所以我佮同伴離開，孤單去赴禮拜做主理。落車ê 時m̄-bat 半人，總--是有差1人來等接，隨時就佮伊去。到極歡喜，thang 看見79個主日學ê學生teh 等接，愛聽主ê道理。就隨時講半點鐘hō͘ in 聽，逐家致意注神來聽，真恬靜，到極ê好品行。 後--來續接禮拜，我就說教「上帝是愛。」逐家敬虔疼上帝，亦聽伊ê 真理。逐家真虔誠，堂內到極靜，歡喜聽趁上帝ê命令，專心守禮拜點外鐘。 Hit e晝坐桌tī Ki-pún牧師ê家。伊有8 個子，1陣kah-ná戲班笑gī-gī...

[1926-8 台南府城教會報 文類-散文 作者-王Khèng-hun/Ông Khèng-hun]
停一刻仔！ [ Thêng chi̍t khek-á! ]
停一刻仔！1926.08 497卷 p.11-12(王Khèng-hun)近年中，美國有1個真出名ê囡仔名叫約翰。伊真勇敢koh 真gâu,無論甚物合理ê事，伊攏歡喜去做。總--是可惜後--來有染著歹習慣ê病「停tiap-仔久！」hō͘ 伊漸漸變相。 Bat 一擺伊ê 老母叫伊去學校讀冊。伊應講：「好，總--是請慢--一下--ah！」án-ni 以後歹ê勢力日日較贏，時間無赴、出席無齊、學課荒廢、校規無守，chiah-ê 魔鬼也同時倚--來lah！甚至看輕學業、藐視先生、夜郎自大、倒行逆施chiah-ê;也一波boē平，一波又起。做到án-ni，致到先生棄sak 伊，同學無認伊做朋友，校長亦無...

[1926-9 台南府城教會報 文類-散文 作者-張基全/Tiuⁿ Ki-choân]
酒kap健康 [ Chiú kap Kiān-khong ]
酒kap健康1926.09 498卷 p.7-9(張基全)人活tī 這世間逐人有伊ê 趣味，有人愛扑獵，有人愛掠魚，有人愛看好看ê物，有人愛聽好聽ê聲音，有人愛鼻芳ê味，有人嘴愛食好食ê物。論食物種類真濟。直接會做咱小體 ê滋養--ê大概thang分做兩項： 1.有機性物質，就是有包含炭素ê物，親像： (a)卵白質，伊ê 成分是炭素，水素 ，酸素 ，窒素 ，伊ê 路用是會hō͘ 人ê身軀得著勢力，也是hō͘ 細胞加添新--ê。 (b)含水炭素。 (c)脂肪：in ê成分平平是炭素，水素，酸素，三項合成chiah-ê ；(b) 佮 (c) boē會hō͘ 細胞新生，總--是會hō͘ 人加添勢力。...

[1927-2 台南府城教會報 文類-傳記 作者-黃Siù-hui/N̂g Siù-hui]
黃誌誠牧師ê小傳 [ N̂g Chì-sêng Bo̍k-su ê Sió-toān ]
黃誌誠牧師ê小傳1927.02 503卷 p.3-4(黃Siù-hui)黃--先生，乳名號做能吉，jū名號做誌誠；本籍地是屬tī 東港ê教會。伊出世tī 1853年。當boē信主ê時，是teh做法官，不止有法術。因為子兒生了攏扑損--去，伊就醒悟伊所尊敬ê佛無法力，bē會保庇--人。所以就發心來信主。對信--了後，熱心toè 主，決心beh替主做干証，就獻心來做主ê工。第先tī 1885年入神學校，講究聖冊兩年久，就去tiàm教會。過無偌久，甘牧師teh 想ài去澎湖設教。伊本身先去tiàm 1 choā。倒轉--來就派黃深河kap先生本身去hia傳，去無偌久就有誠功效。後--來倒來搬家眷搭船...

[1927-3 台南府城教會報 文類-散文 作者-蔡安定/Chhoà An-tēng]
人生ê雙叉路 [ Jîn-seng ê Siang-chhe-lō͘ ]
人生ê雙叉路1927.03 504卷 p.9(Chhoà An-tēng)有1个少年人；伊抵tn̄g teh 想博士論文、好額，佮伊ê 愛人ê 時，死人ê 骨頭借大鼓ê 形狀hō͘ 伊看見。Hit 時伊就問--伊，講：「你是甚物？」大鼓就應，講：「我ê 職務就是teh 管理人ê 活命，我這个大鼓若摃1下，世間ê 人就死1个。Koh 1點鐘，就beh 摃1下。」伊án-ni 應答。少年人就續接koh 問：「m̄ 知是beh 為著甚物人？」應，講：「就是beh 為著你。」Ah！hit 時少年人驚1下，吐大氣，講：「偆1點鐘ê 活命！」Hit 時抵抵有1个朋友來beh 探伊，kā 伊講：「好朋友，你...

[1927-9 台南府城教會報 文類-散文 作者-陳瓊琚/Tân Khêng-ku]
論婦人將來ê使命 [ Lūn Hū-jîn Chiong-lâi ê Sú-bēng ]
論婦人將來ê使命1927.09 510卷 p.10-11(接8月第6面)(陳瓊琚)今來論淡薄東洋ê婦人人ê狀況。雖然tī印度，tī古早女子是做家庭中ê女王，真有權、真自由，佮男女攏平平，koh女子ê教育亦真致意。若看hit本聚集出名ê女王，抑是gâu ê女士所the唱ê歌集「Veda」就知影。雖是án-ni，女子ê地位到後來漸漸低，koh為著hō͘波羅門教ê僧侶ê專制壓迫，致到婦女ê自由佮權利漸漸無--去，到後來齊全變做男子ê奴隸。若看hit本《Maun》聖典就知影，有記載真濟看輕女子ê事tī-teh。 Koh tī波斯國，為著受回教規則ê束縛，現時猶原論女子攏無一肖仔ê權利，koh一世人伊絕...

[1927-9 台南府城教會報 文類-散文 作者-王守勇/Ông Siú-ióng]
兒童教育ê一方向 [ Jî-tông Kàu-io̍k ê Chi̍t-hong-hiòng ]
兒童教育ê一方向1927.09 510卷 p.11-12(王守勇)囡仔有兩款ê性，抑是講有兩款ê傾向（tendency）。就是有會學--得ê性（learned tendency）佮boē會學--得ê性，（unlearned tendency）。若換話來講，就是囡仔有著教佮m̄免教ê性 tī-teh。譬論來講，囡仔出世了後，無久就會曉suh乳，老母敢有教伊著怎樣suh?伊攏m̄免人教，出世就會曉。這就是boē會教--得ê性。Koh一項就是著教，才會曉。親像學讀冊、學寫字、學算數，這攏著教才會曉。所以教育ê義務就是tī chia。著培養這款會教--得ê性，hō͘伊得著發達，thang來得完全，就是...

[1927-9 台南府城教會報 文類-散文 作者--/-]
故潘打眉先生 [ Kò͘ Phoaⁿ Táⁿ-bî Sian-seⁿ ]
故潘打眉先生1927.09 510卷 p.14(勝輝)潘--先生出世tī 1894 年。細漢ê時父母立志beh將伊獻hō͘上帝做主ê工。所以公學校卒業後就入台南長老教中學校。後--來卒業了koh入神學校，畢業是tú 22歲ê時。Tī 1916年4 月1 號受派tiàm Soaⁿ-pà教會約3 年久。後--來轉任去草屯、埔里、大湳、牛困山chiah-ê教會。頭尾為主做工著磨約8年久。後--來為著家庭ê都合，辭任倒來伺候父母。不幸tī 8月1號受主揀召接納上天，享壽34歲。會內ê兄姊宛然hō͘ 烏雲jia 密，無m̄為著伊痛切啼哭。初二tī伊ê本厝舉行葬式，會眾者約400名，thang 講極其盛況...

[1933-5 台南府城教會報 文類-傳記 作者--/-]
小傳 [ Sió-toān ]
小傳（三則）K. H. B.（一則） 謝清議（二則） 1933.05, no. 578, pp. 18-19 施--氏Niû（K. H. B. 記）冊記，"人生七十古來稀"，若是施--氏Niû食到92 歲。 伊是和美教會的長老，黃Lò的老母。 1841年，1月9日，出世佇鹿港，69 歲聽道理，77 歲受高金聲牧師的洗禮，今年92 歲。 佇 2月27日，午前4點45分，主召伊轉去天堂。 三月7日，頂晡10點，佇和美拜堂舉行盛大的葬式。 鹿港劉Kî-suí先生做司會者；大甲庄Sè-kó͘牧師說道；本堂許Hông-bô͘先生講戮力。 弔辭弔電40外通。 Tuì彰化，鹿港，台中，溪湖，大肚，花壇，以...

[1926-7 台南府城教會報 文類-散文 作者-王守勇/Ông Siú-ióng]
九州傳道旅行 [ Kiú-chiu Thoân-tō Lí-hêng ]
九州傳道旅行1926.07 496卷 p.5-6(王守勇)(接6月第5面)8.Tī別府歇睏（12號） 雖罔以外有去幾若位，為著紙面上ê 關係，kan-ta紹介頂面hit 幾位就好。 後--來阮有去別府歇睏兩日久。照咱所知別府（Beppu） thang 講是世界te̍k ê 名所，因為有自然ê 溫泉，致到往來ê人客真濟，宛然親像天堂，m̄-kú 確實是地獄較出名。咱ê俗語講有18個地獄，若是tī chia kiám-chhái iáu 有較濟個。今將較有名--ê,紹介2、3 個就好。 1、血池地獄 就是1個大ê水窟，泉水pho̍k-pho̍k-chhèng,燒到極。手boē摸得，雞卵下--落-去...

[1926-7 台南府城教會報 文類-傳記 作者-葉金木/Ia̍p Kim-bo̍k]
小傳郭蔡--氏 oàn [ Sió-toān Keh Chhoà--sī oàn ]
小傳郭蔡--氏 oàn1926.07 496卷 p.8(葉金木)伊ê外家就是鹿港蔡Chhí ê 大查某子，17歲嫁郭Oai長老。伊ê丈夫信道理，5年久kap伊做對敵，家己拜偶像，到39歲ê時，才kap伊ê 丈夫相kap信福音。對hit-tia̍p起，真致意守禮拜，雖然身軀軟弱，也坐車去赴，koh 伊也真致意倒轉去鹿港引chhoā伊ê父母禮拜。 伊ê做人勤儉克己，gâu款待--人、gâu料理家事、尊敬丈夫。到beh臨終ê以前，iáu-kú交代伊ê查某子著泡雞卵hō͘伊ê丈夫食。款待人無分親疏，所以無論會內會外ê人若到伊ê厝，伊攏顯出伊歡喜ê面，來好款待--人。所以bat--伊ê 人攏真數念--伊...

[1926-8 台南府城教會報 文類-散文 作者-潘勝輝/Phoaⁿ Sèng-hui]
百合花 [ Pek-ha̍p-hoe ]
百合花1926.08 497卷 p.4(潘勝輝)「試想百合花怎樣愈大欉。」請看地上所有chiah-ê 玉樓、台閣 ，in 敢會家己自然tī teh ？獨獨是對血，汗所結成--ê 。為著世上物質ê 關係，煞致到廢寢忘餐，暝日著磨勞苦，kan-ta為著地上ê 功名財寶，就理既然有玉樓、台閣 ，積聚濟濟財物，若是上帝對你講：「憨人啊！今暝beh 對你討你ê 靈魂，就你所積蓄--ê beh 歸tī 甚物人啊？」「人若得著全世界，來喪失伊ê 生命，有甚物利益？」Sòng-hiong人啊！Lín莫得為著身軀所揹ê ka-chì來流目屎、啼哭、憂愁、掛慮，舉頭看空中ê 飛鳥，in 無種作，無收成，也無庫房，...

[1926-10 台南府城教會報 文類-散文 作者-張基全/Tiuⁿ Ki-choân]
酒kap健康 [ Chiú kap Kiān-khong ]
酒kap健康1926.10 499卷 p.6-7(接9月9面)。照日常生活咱著想兩款： 1.M̄-thang用個人特別ê經驗來證明酒ê利益抑是害。咱 m̄-thang想講，親像外國有一個有名ê詩人號做 Goethe ; 伊一世人lim有5000矸ê酒。抑是親像中國早有一個出名ê詩人李太白，伊也是愛酒家。咱 m̄-thang想講，in gâu做詩，思想深，是因為lim酒ê結果。 2.著將濟濟人ê經驗來討論。第一hō͘ 咱會信得--ê就是保險會社。對chiah-ê Lim酒家佮禁酒家ê記錄，照in ê記錄平均： (A)Lim酒家比禁酒家一般較短命。 Tuì 15-20歲 Lim酒家死2人， 禁酒家...

[1926-11 台南府城教會報 文類-散文 作者-陳瓊琚/Tân Khêng-ku]
論結婚 [ Lūn Kiat-hun ]
論結婚1926.11 500卷 p.13-15(陳瓊琚)人tiàm tī 這世間，除起有特別事情ê人以外，boē會獨身生活，就是著建設一個家庭才會用--得。講較明，就是逐人著有一個好同伴相佮企起，相幫贊。有事誌相佮斟酌，同甜同苦，有好相獎勵，有歹相忠告，就是所講異身同情，同心佮同意ê好同伴，才thang 安心快樂經過這個世間。 咱若kā伊看，hit款孤獨生活ê人ê情形就知hit個無趣味，無心適，無歡喜佮淒慘ê所在。所以有父母兄弟，姊妹，親戚佮朋友ê人是真幸福，因為會得著濟濟項ê利便佮福氣。總--是若kan-ta án-ni，其實是無夠額，因為頂面所講hiah ê人逐個有in ê境遇，義務，權利...