[1934-12 台灣教會公報 文類-散文 作者--/-]
頭社教會 [ Thâu-siā Kàu-hoē ]
頭社教會 1934.12，no.597，pp.17 Chan，Pak tuî聯合佈道(對10：23-25號)，佇大內庄方面，24號早起，隊員一行訪問頭社教會佮訪問會友。 頭社教會是佇昭和3年建築--的，猶真新；總是彼个歷史是真舊。場所是佇大路頭，真向陽，宛然是頭社的嚨喉。遮是山間的所在，樹木不時青翠，清靜，真合敬拜上帝的所在。 現在有70外人咧禮拜，教勢不止順序。現時李同傑先生佇遮咧牧會，伊做工倚30年久，為主咧干證道理。社內青年真濟，不止咧欣慕青年傳道師來活動，的確有通向望。...

[1934-12 台灣教會公報 文類-傳記 作者--/-]
追念啞口嬸 [ Tui-liām É-káu chím ]
追念啞口嬸 1934.12，no.597，pp.18 (1)追念啞口嬸 故林--氏水美 (啞口嬸，伊是現任陳彼得長老的令先母)。伊是本教會中，上老的女信徒；對幾年前，就袂通到拜堂，猶過伊的信堅固，真熱心可取的姊妹。 伊是蹛佇番仔田，欲來麻豆禮拜，著行舖外路，總是攏無嫌厭siān，熱心守禮拜。 有一擺欲來禮拜，佇路中予自動車共伊kauh著跤盤真傷重，亦是無哀怨。因為老人耳空重，無聽見自動車到，予伊kauh著，倒佇路邊，駛自動車--的，做伊走；後來才予人共伊救，捙來麻豆予先生醫。彼時，外人佮伊的後生，欲告彼个駛自動車--的，若是伊苦勸in毋通，著疼對敵來煞事；實在是實行主的...

[1934-12 台灣教會公報 文類-散文 作者--/-]
大內教會 [ Toā-lāi Kàu-hoē ]
大內教會 1934.12，no.597，pp.17-18 內庄的人不止欣慕道理，一般的人真有理解。現時咱的說教所是對組合長楊雲祥先生，無料借咱用；也女傳道的宿舍也是對厝主林清中君無料借咱用，實在著大大感謝天爸佮共in二位說謝。 現在每禮拜的出席有40外名；佇麾下中有請神學生將Bō͘-sêng君佮吳德元君來做工，開夏期學校，每日倚50个囡仔來讀冊，成績不止好。 對10月23到25號，佇市場邊有開佈道會，庄民真贊助，不止肅靜來聽，雖然是到尾，猶有50外人teh聽。這幫佇大內方面佈道3暗，講5回，聽眾有530个。 這幫的佈道會，有受著楊雲祥先生，陳金榜先生佮郭天恩先生，in...

[1934-11 台灣教會公報 文類-小說 作者--/-]
甚物上gâu [ Sím-mi̍h siōng gâu ]
III. 甚物上gâu (L. P. T. ) 1934. 11，no. 596，pp. 15-16 有一擺，有5枝的指頭仔teh開會議，相佮參詳講，咱中間甚物人通做頭來管轄攏總的指頭仔。 大ku母起來就講兄弟仔，我想我會堪得做頭來管；因為我上有路用，閣上有力！設使若欲提一本冊也是我家己，恁著四個；所以我，佇恁中間上有力！ 指指講，干焦有力有甚物路用？恁看我不論甚物時我著攏出頭。若是人毋知路也是我共伊報路，罵囡仔也是我共伊指，若無我，你大ku母比看lè！ 中指徛起來就講，恁所講是攏展恁的本事若定，你看我遮懸；又閣我不時攏徛佇恁中間是佇中央，恁兩爿攏是我跟隨的部下。 ...

[1933-10 台灣教會公報/芥菜子 文類-散文 作者-偕叡廉/Kai Jōe-liâm]
東西南北 [ Tang Sai Lâm Pak ]
東西南北 偕叡廉 1933.10 (芥菜子第93號) p.24-25 (1)佇印度Kat-kut-a ，有一個少年英國人，不止才情；又閣是工學士。伊對得著主寶貝的道理，就愛專心傳報福音。家己組織聖經學校，教示學生道理工業。攏無受人補助。現時聖徒有24人，大家真熱心。 (2)加拿大長老教會，有1320間拜堂佮講義所；長老有6133人。舊年有加 865 的大人，佮5728 的囡仔行洗禮。 (3)毒蛇若是予別尾毒蛇咬著，猶原會死。 (4)照法國一个新聞記者所調查，世界有17个大好額人。今將in 的名排列佇下底：- (1) Edsel Ford：美國自動車王。 ...

[1933-6 台灣教會公報/芥菜子 文類-散文 作者--/-]
數念熱心的女徒 [ Siàu-liām jia̍t-sim ê Lú-tô͘ ]
數念熱心的女徒 1933.06. 579卷，pp.30 曾賴--氏蜜，是基隆教會執事曾天來的夫人。對10外年前佮伊的丈夫同心來信道理，服事上帝真虔誠，禮拜，除去破病以外，罕得無赴，致意祈禱。佇今年破病的時，阮若去共伊祈禱，伊就真歡喜，講伊的病逐擺較快活，總是可惜伊的病攏無較好。後來有去馬偕醫院入院，4月20號頂晡5點紲佇病院別世。伊的查某囝佮囝婿真煩惱，真毋甘心，預算愛欲運棺轉來這次葬式，我有佮執事參詳，若有這款的心，不如著toà雙連拜堂做葬式，來節約淡薄經費來做有路用的代誌，執事真歡喜，就設法佇雙連做告別式。 這日有請陳清義牧師來說教；張金波牧師講伊的履歷；葉金木牧師做司會。...

[1933-6 台灣教會公報/芥菜子 文類-散文 作者-陳瓊琚/Tân Khêng-ku]
對gâu人的好教示 [ Tuì gâu lâng ê hó Kà-sī ]
對gâu人的好教示 (陳瓊琚) 1933. 06. 579卷，pp. 23-24 (1) 古早話有一句講，「桃李不言，自下成蹊。」 意思是講，有桃仔佮李仔的所在，自然無路，亦liâm-piⁿ會變成一條路。我teh想，咱教會怎樣有彼款禮拜堂著關起來的所在？亦有專心teh傳道理的先生，到尾著煞伊傳道理的工。若是為著欲換事業，卻是不得已，m̄-kú有人是為著教會無進步的因端，著煞伊的工。拍算。有人是講為著無口才通說教，有的講是地方的人硬心，總是咱的主到逐位攏有人來綴伊，雖罔有人反對伊，iáu-kú濟濟人愛揣伊。照我teh想，若有疼人的精神佇teh，的確逐位有人愛揣拜堂的先生，聽...

[1933-6 台灣教會公報/芥菜子 文類-散文 作者-明有德/Bêng Iú-tek]
這人ná樹一般 [ Che lâng ná chhiū chi̍t poaⁿ ]
這人ná樹一般 聖詩第6首(詩篇第1篇) (明有德) 1933.06. 579卷，pp.22 這篇詩篇是甚物人寫--的？無親像別篇，寫頭序佇頂面講甚物人寫，á是著怎樣來用，總是讀了知影彼个作者是佮自然界不止熟似。伊對自然界所揀來做譬喻的，實在心適，就是「露」，「風，」「粗糠，」「溪，」「樹，」「果子。」遮的攏是台灣平常的物。所以咱台灣人較快明白這篇的意思。 總是這个作者所講起的，毋是kan-ta自然界所有一款的物nā-tiāⁿ。伊是愛用自然的物譬喻這款的人。就是「離開歹人道路」的人，佮「予風吹親像粗糠，」á是親像「栽佇溪水邊的樹。」Taⁿ若知影伊所指起甚物款的樹，就較明白伊...

[1933-7 台灣教會公報/芥菜子 文類-散文 作者-明有德/Bêng Iú-tek]
我聽耶穌的聲講明 [ Goá thiaⁿ Iâ-so͘ ê siaⁿ kóng-bêng ]
我聽耶穌的聲講明 明有德 1933.7 芥菜子第90號p.22 Horatius Bonar，這首的作者，是蘇格蘭的牧師；出世佇Edinburgh，伊的家族佇蘇格蘭的教會真出名，因為佇兩百年的中間，毋捌這擺無這个姓Bonar做牧師佇彼个教會的界限的界限內；就是逐代有做牧師。 伊的老爸是海關的官；真有學問的人，伊逐方面有趣味，亦熱心佇教會。 Bonar Edinburgh讀中學校，大學佮神學校。出業了有予Edinburgh，聖雅各的教會，請伊做傳道來幫贊in的牧師。 二九歲的時，有予別位Kelso的教會，請伊去做in的牧師。 三十五歲，彼个教會聯合的時，伊有離...

[1933-8 台灣教會公報/芥菜子 文類-散文 作者-戴仁壽/Tè Jîn-siū]
樂山園雜報 [ Ngāu-san-oân Cha̍p-pò ]
樂山園雜報 戴仁壽記 1933.08 (芥菜仔第91號) p.22 佇1928年11月，總督府有出許可予咱通募集金來起這間治療園來治療照顧癩病患者，舊年有延期閣兩年。到本年六月中全島有toê Y89,413,97有交現今Y60,411,47，按呢歹揀去的時陣成績未歹，實在通感謝上帝的大恩。猶閣有倚三萬箍袂交，向望若有讀報的人猶未交，拜託緊交，予工事緊成，真拜託。佇遮愛共男女老幼說真多謝，不論教會內會外，因為遐爾好意贊成咱的救主所交代的事業。 佇1931年六月中，有買所在通起療養所。 佇彼年十一月有受政府的許可通起厝。紲兩月日久有人反對無愛病院佇遐；總是感謝上帝，彼號反對袂成。 佇1...

[1933-9 台灣教會公報/芥菜子 文類-散文 作者-柯設偕/Koa Siat-kai]
逐方面得著福音 [ Ta̍k hong-bīn tit-tio̍h Hok-im ]
逐方面得著福音 1933.09 (芥菜子第92號)p.25-26 柯設偕 I.政治家得著福音 早，政治家尼哥底母，暗時來見耶穌(約翰3：1-21)。彼時伊真小膽。總是受主教訓聖道了後，聖神幫贊伊的氣力，佇眾人的面前好膽為著主做干證(約翰7：50，51)。毋但按呢，佇主受難的時，閣較好膽提芳料安葬主(約翰19：39-41)。這敢毋是靠主得著恩典mah ？！ II.軍人得著福音 早，軍人(武官)哥尼流，佇該撒利亞做Pek-hu-tiúⁿ。祈禱的時，天使降落，呵咾伊的祈禱已經有得著主的紀念，紲指示伊差人去Iok-phàⁿ，請彼得指示救人的道理。彼得來傳道理了後，毋若伊得著救，也全...

[1933-9 台灣教會公報/芥菜子 文類-散文 作者-吳天命/Gô͘ Thian-bēng]
聽上帝的話的人 [ Thiaⁿ Siōng-tè ê oē ê lâng ]
聽上帝的話的人 Siáu-kiā To-hiông 吳天命譯 1933.09 582卷 p.21-22 聖冊是上帝的話，是聽上帝的話的記錄。在這點不論新約抑是舊約攏有一致。舊約的先知以賽亞明明得著上帝指示伊上帝的話的時，用「天著聽！地著聽！耶和華講..................」這款有權威的宣言大膽向百姓來傳上帝的話。原來先知人攏是予上帝的神所醉的人，有講「毋是我講，是上帝踮佇我咧講。「這款確信的人。閣再siāng時也的確是義人，家己有實行道德生活的人。現今的話來講，就是國事。真正的國事，就是著愛聽上帝的話，來實行倫理德生活佇伊的身軀的人。對按呢想起來，以賽亞若做現今的人也是好。...

[1933-9 台灣教會公報/芥菜子 文類-散文 作者-黃六點/N̂g La̍k-tiám]
雙連教會 [ Siang-liân Kàu-hoē ]
雙連教會 少年少女的布棚生活 1933.09 (芥菜子第92號) p.24 黃六點 雙連主日學的先生佮12歲以上的學生，共24名。佇7月12號起，4日間，有去八里岔樂山園キャムブ(Camp=幕營生活)期間雖是短短，猶閣利益真大，大家真活動，真趣味。12號頂晡7點半佇拜堂禮拜出發，坐發動機船到淡水，佇神學校歇睏。彼下晡閣坐渡船過去八里岔，4點外到樂山園。到位的時，看著景緻遐好，遐爾涼，大家真歡喜，雖是行路真瘦，總是有清涼的水泉予阮真爽快。阮已經得著元氣，大家就去giâ枋，提磚做桌，椅，佮眠床，也連編鞭設法煮飯。工雖是真濟，總是協力去做，就真緊清楚。食暗飽，做禮拜煞，8點外就去...

[1933-9 台灣教會公報/芥菜子 文類-散文 作者-偕叡廉/Kai Jōe-liâm]
東西南北 [ Tang Sai Lâm Pak ]
東西南北 1933.09 (芥菜子第92號) p.23-24 偕叡廉 (1)這幾年，猶太國不止大進步。工場漸漸那加添。現時佇咧製造玻璃、鐵器、布、電器的物品，佮濟濟款樹奶的物；雪文、麥、餅佮濟濟款的油也有咧製造。 (2)佇約旦河有發電所。佇死海有提出濟濟鹽以及puî-tan，值錢無數萬。 農業也真發展。舊年所出的柑仔有200萬箱今年按算會出400萬箱。種柑的所在一甲著2500箍。 (3)猶太國無偌大。田園是咱台灣一半大若定。 (4)天主教不止愛起大間禮拜堂。現時佇英國咧起一間。工事按50年久。若起好，會坐得10000人。經費按3000萬。 (5)台灣有6款的毒蛇，...

[1933-10 台灣教會公報/芥菜子 文類-散文 作者-明有德/Bêng Iú-tek]
天下遍遍逐邦國 [ Thiⁿ-ē piàn-piàn ta̍k pang-kok ]
天下遍遍逐邦國 明有德 1933.10(芥菜子第 93號) p.21 這首詩，就是逐國的教會所愛吟的，是一个英國聖公會的牧師做的。Reginald Heber，出世佇1783年。少年的時，有去Oxford大學讀冊。24歲的時，有受教會的監督派伊去做牧師。佇一所在做工16年久，伊常常真愛鼓舞教會較出力佇異邦宣道的事。有一擺，為著愛幫贊特別講演會的精神，伊有做一首詩。 論伊怎樣做這首詩，Heber牧師娘後來有寫親像下底按呢： 佇1819，有收著當局的批講，著提緣來幫贊東洋的宣道會。Heber先生有去一所在聽人講道理。伊到位的時，彼个牧師有拜託伊做這首詩來做過早起禮拜的路用，...

[1933-11 台灣教會公報/芥菜子 文類-散文 作者-陳瓊琚/Tân Khêng-ku]
對gâu人得著好的教示 [ Tuì gâu-lâng tit-tio̍h hó ê Kà-sī ]
對gâu人得著好的教示 陳瓊琚 1933.11 (芥菜子第94號) P.24 (1) 林肯大統領，有一早起拄欲抿伊家己的皮鞋的時，有一個秘書提要緊的 su-luī來欲見的時，倚佇門邊有一個人咧抿鞋。起頭無注意，後來閣斟酌看，才知是林肯總統的人毋通做這款下賤的工。設使若予人看著，就會予人看輕。總是大統領笑笑應伊講，抿鞋有啥物通見笑的事mah？無論是大統領，抑是抿皮鞋的人，攏是為著人類的利益咧做人的工課 ( Public servant)。閣講，佇世間無有卑賤的職業，只有彼款下賤的心肝的人爾爾。實在論職業毋通分別高低，勞動是神聖。有人分別人是對職業，這是真無合道理。若是正當的職業攏通...

[1933-11 台灣教會公報/芥菜子 文類-小說 作者--/-]
Sīm-chiok的祈禱 [ Sīm-chiok ê Kî-tó ]
Sīm-chiok的祈禱 1933.11 (芥菜子第 94號) P.26 瑞芳教會有這个主日學的查某囡仔，名叫Sīm-chiok。今年七歲，猶未讀公學校，因為年尾囡仔。所以真細漢，跤手也真細支；總是記持真好，真賢讀冊，真好膽。若做救主誕的時，攏有peh去台頂唱歌，比遊戲，念救主的來歷，念真長；致到予聽的人攏著驚，講彼个查母囡仔是啥物人的，kán 遐賢。 Taⁿ這个查某囡仔Sīm-chiok 毋若gâu，閣真乖，真溫柔，予逐人真疼伊。這pang有拄著破病真傷重，伊的父母有chhoā伊去入台北市林外科病院。對入院大概經過倚一禮拜久，熱攏無退攏是39 度外。伊的父母心肝真...

[1933-11 台灣教會公報/芥菜子 文類-散文 作者-明有德/Bêng Iú-tek]
上帝原本是我牧者 [ Siōng-tè goân-pún sī goá Bo̍k-chiá ]
上帝原本是我牧者 1933.11 (芥菜子第94號). P.22 (聖詩7首，詩篇23篇) 明有德 全世界毋知有一篇詩，比這篇予較濟人捌也無？扑算敢無。毋知有別篇比這篇較合世間人的心所愛也無？扑算無。毋知有別篇通比這篇較舊的，也是通做較新的？毋知有別篇遐爾短，包含遐爾濟真理？ 怎樣按呢？因為作者的生活是真簡單的；親像台灣田庄的生活。雖然這个作者是出名的詩人，雖罔伊踮佇平常的生活中，猶閣予伊真正滿足。所以通伊是大的人格者。 這个作者真知影人的性情。伊知一般人的艱苦。伊本身捌受艱苦，就是伊猶未信耶和華的以前。到捌耶和華以後，無閣再予艱苦阻擋著伊的信仰。伊猶原真捌人。...

[1933-12 台灣教會公報/芥菜子 文類-散文 作者-柯設偕/Koa Siat-kai]
天堂佇佗位 [ Thian-tông tī tó-uī ]
天堂佇佗位？ 193.12 (芥菜子第95號) p.22 第1回 柯設偕 天堂佇佗位？ 天堂是一个所在，毋是干焦空想爾爾，是有一個一定的所在。 主耶穌基督佇約翰14章有講起，伊的「父的家」。伊去是欲共咱備辦所在，後來伊欲閣來接納咱歸佇伊，予咱佮伊踮佇遐(約翰14：1-4)。 這站聖經所講的，通予咱知天堂是一个實在的所在。 當主耶穌上天的時，伊有帶伊的身軀去。 聖經講，血，肉的體，袂會能承受上帝的國。 所以咱所疼的主，佇十字架頂流血了後，當伊閣活的時，就講起伊閣活的身軀講，「神魂無骨，無肉，照恁看見，我攏是有」(路加24：39)。 主耶穌閣活了後，伊血肉的體，已經變做...

[1933-12 台灣教會公報/芥菜子 文類-散文 作者-偕叡廉/Kai Jōe-liâm]
東西南北 [ Tang Sai Lâm Pak ]
東西南北 1933.12 (芥菜子第95號) p.25-26 偕叡廉 照南京神學校長所報告，伊的本校將來欲設法真齊備，因為有得著一个美國人的寄付金兩千萬(Y20000，000)。 現時猶太國有百外萬人，中間20萬是猶太人。 前無偌久有掘著索羅門王的馬寮佮伊所造的路。路是用大石來鋪。馬行到萎去的痕攏猶佇teh。看聖經就知，彼時索羅門有濟濟馬。 佇波斯國有掘著聖經所講，Kó͘-lia̍t佮Tāi-lī-a-王的王宮。石柱真懸，真媠，攏猶佇teh。以外有揣著濟濟款的金器佮磁器；也有掘著濟濟石像佮字。證明聖經所記載的，是實。 近來德國不止歹款待伊本國的猶太人...