[1926-10 芥菜子 文類-散文 作者-劉約翰/Lâu Iok-hān]  (3)
人生的目的 [ Jîn-seng ê bo̍k-tek ]
人生的目的。 人活佇世間，逐人的確著有一定的目的。有目的，然後才有人生的快樂。 總是人的心無相同，所以人生的目的也無相同-有的圖名，有的好利，有的苦心研究學問，也有的費盡一生的氣力去做伊所愛的事業。但是名利、學問、事業，攏是一款ná有ná無的物；因為遮个攏毋是咱人生的欠缺，也毋是咱人生真正的目的。咱人生真正的目的到底是啥物，對耶穌基督的真理來，通看出有5大項的要緊：- I、認識上帝。 人是有宗教性質的動物，對有歷史以來，無論佗一國度，佗一民族，文明到愚蠢；無有毋知佇一个宇宙中有一个偉大的靈體。中國古早是做文化第一盛的國，對佇上帝的觀念也是真懇切。孔子講「敬鬼神而遠之」，這雖然是對伊驚...

[1926-10 芥菜子 文類-散文 作者-陳清忠/Tân Chheng-tiong ]  (3)
抵抗誘惑 [ Tí-khòng iú-he̍k ]
抵抗誘惑 咱人活佇這地上的中間，咱袂免得無試煉佮誘惑。 照約伯記內面所記，「人佇地上的生活酒惑的生活。」 所以逐人應該著警戒佇伊的誘惑，謹慎來祈禱，免得魔鬼利用機會來欺騙--伊；因為魔鬼無暝無日，四界揣所欲吞咬的人。 無人遐完全，遐神聖，通免受誘惑，免受魔鬼的攻擊。 雖然誘惑oh抵抗，尚且是悲慘，iáu-kú伊的利益是真大；因為人對誘惑會成謙遜，成清氣，閣再會得受訓練。 濟濟聖徒經過濟濟的試煉佮誘惑，來得著濟濟的利益。 袂堪得受誘惑的人，teh欲跋落佇自暴自棄的陷坑。 世間無有一所在夠額神聖通閃避誘惑佮逆境的襲擊，嘛無彼款的 ún-ka通bih。 有活命的中間無一人免受誘惑...

[1926-10 芥菜子 文類-散文 作者-陳清義/Tân Chheng-gī]  (2)
世界第一 [ Sè-kài tē-it ]
世界第一 (對新聞翻譯) 1、世界第一長的鐵路是佇美國，有二十四萬五千里的遠。 2、世界第一大的火山是佇墨西哥的國，懸有一萬七千七百四十八尺，出火的口三里，深一千四百尺。 3、世界第一大的戲台是佇法國的首府巴黎，總面積有四百二十六萬四千的平方尺。 4、世界第一大的吊橋是佇美國，長約有五千七百八十尺。 5、世界第一長的磅空是佇意大利國，長有九里半，空口闊二十八尺，懸有十六尺。 6、世界第一長的地下鐵路是佇英國的首府倫敦，有二十一哩半的英哩。...

[1926-10 芥菜子 文類-散文 作者--/-]  (2)
Kho-lé-lah。コレラ [ Kho-lé-lah.コレラ ]
Kho-lé-lah。コレラ 前月來佇台北、桃園、海山郡，有發 kho-lé-lah；對按呢別位也紲漸 teh發。文山郡下景尾、內湖也發生，有三名死；佇這兩位佮隔壁莊新店防疫真嚴重，召全郡下的巡查，台北南北署，練習所的巡查來，佮本地的壯丁佇發生的所在顧真嚴，暝日chhiāng-chhiāng滾。遮嚴重，是因為這號是真危險的症，閣再北百川宮toā-hui 殿下這月尾欲來台灣，愛趕緊拍滅，逐日健康調查，百姓預防注射，半暝叫門消毒便所；溪裡禁止洗盪，掠魚，逐日所欲食用的水佮洗菜，用消毒藥水(クロールカルキ)一錢和五石水。發生這號病，防疫的人佮百姓真艱苦，較戇的百姓聽人哮東西，紲逃走去別位。 這...

[1926-11 芥菜子 文類-散文 作者-陳清義/Tân Chheng-gī]  (2)
研究耶穌的神跡會捌耶穌是上帝 [ Gián-kiù Iâ-so͘ ê sîn-jiah oē bat Iâ-so͘ sī Siōng-tè ]
研究耶穌的神跡 會捌耶穌是上帝 耶穌佇世間的時，毋但四界傳道理，也行濟濟神跡。伊所行的神跡，毋是親像奇術家的款，予人看心適，攏是用道德做目的，來叫醒眾人，予伊就近上帝，也通講是替上帝來宣教：閣顯明有上帝的權佇teh。按呢通知耶穌原本是上帝，今對伊所行的神跡來研究，看伊有顯出啥物權親像上帝。 1、 有顯出宰治天地的權親像上帝。看伊佇加利利海，予風湧恬靜的事就知影，伊若無宰治天地的權風佮湧穩當毋順伊。既然會順伊，咱通捌伊是上帝。 2、 有顯出管轄萬物的權親像上帝。看伊佇底加波利用5个餅2 尾魚予5千人食到飽，閣佇加納用水變做酒，這層事，就知伊有管轄萬物的權，親像上帝，予...

[1926-11 芥菜子 文類-散文 作者-陳清忠/Tân Chheng-tiong ]  (4)
聽候主閣來 [ Thèng-hāu Chú koh lâi ]
聽候主閣來。 基督教信仰的基礎是真單純，親像囡仔款，若將教理抑是神學上的裝飾共伊提開，就按呢提出佇理智抑是常識的面前來看，實在是親像一款的神話，抑是一款的故事而已。 佮上帝saⁿ-kap佇teh，尚且有份佇創造萬有的耶穌，來化做人，來成人的聖，人的肉；伊做一个平常的人，行佇湖邊，食麵包；後來流血，死了三日復活，四十日就上天；後來欲閣來。信者忍受萬項的艱苦，teh向望伊閣來；所以世間的學者，有智識的人teh袂了解，算是無奇怪的事。 若是將基督的昇天佮再臨，想做是kan-ta 的形容，抑是夢想；教會隨時失力，信者就tuh-bîn，佇遐就加添地上佮肉體的向望。 若是將這个信做親像加利利討海...

[1926-11 芥菜子 文類-散文 作者-明有德/Bêng Iú-tek]  (1)
「至好朋友就是耶穌」的作者 [ “Chì hó pêng-iú chiū-sī Iâ-so͘” ê chok-chiá ]
「至好朋友就是耶穌」的作者。 Joseph Serven(Seriven) (1820－1906)出世佇英國的愛爾蘭島。(Irelangd)伊少年的時有徙去加拿大，安大略的所在徛起。伊是蹛佇庄裡，離城差不多六、七十英哩。伊的厝是起佇一个細細種花佮種菜的園內，是細細間。佇遐有飼蜜蜂。伊常常挽伊的花佮菜來分厝邊；伊所得著的蜜猶原按呢來分予--in。 厝邊真疼--伊。逐擺看見伊到佇in 的門口的時，逐人真歡喜。 到較計濟歲的時，有拄著破病，袂會去探厝邊。所以有一个厝邊來看--伊，來照顧--伊。彼个厝邊坐佇伊的床邊的時，看見佇桌頂有一本舊舊的簿仔，就共伊提起來看。佇彼內面有寫，講－ ...

[1926-11 芥菜子 文類-散文 作者-陳清忠/Tân Chheng-tiong ]  (2)
人生的五不足 [ Jîn-seng ê Ngó͘-put-chiok ]
人生的五不足 古早有一个學者叫做皆川淇園，伊有按呢講：－ 1、 「衣服。」啥物因端人著穿衫？是因為欲持防寒熱的緣故。若是按呢予身軀袂寒，予身軀袂熱彼款素素的衫，人應該著滿足才著。愛穿媠的衫是因為寒熱猶未入身軀的證據。寒熱若入身軀，就thǹg pak-theh 抑是捲草蓆也無嫌。 2、 「食物。」人怎樣著食？是因為欲充滿空腹的緣故。若是按呢毋免山珍海味著會做得才著。Teh講，－ 「無好mih-phè，食袂落」 的中間，通知伊的腹肚猶未枵。實在腹肚若枵，就米糠嘛無嫌。 3、 「家屋。」人怎樣著起厝？是因為愛預防雨露的緣故。若是按呢，高廈大閣毋免徛會做得。為著火災-害來失落厝的時，就...

[1926-11 芥菜子 文類-散文 作者-邱天保/Khu Thian-pó]  (2)
重頭生 [ Têng-thâu siⁿ ]
重頭生。 耶穌共尼哥底某講，「人若無重頭生袂入上帝的國」。(約翰3：3)耶穌講一句「重頭生」尼哥底某袂明白，講「人已經老欲thái 會閣入老母的腹肚來重出世？」總是耶穌所講這句，毋是指肉體的，是指心神的重頭生。 今人愛得著心神的重頭生著愛幾若項，記佇下面予大家做參考： 1、 著反悔罪。 耶穌講「時到lah，上帝的國近lah；著反悔來信福音」。（馬可1：15)。耶穌起頭出來傳道理的時，頭一步就是叫人著代先反悔。按呢通知人欲重頭生著愛知罪來反悔改變。親像撒該是抽餉的人，猶太人看伊是第一重罪的人。伊佇耶穌的面前有知家己的罪來反悔。所以耶穌共伊算做是重頭生的人。 2、 心神換新...

[1926-11 芥菜子 文類-散文 作者-張金波/Tiuⁿ Kim-pho]  (2)
媽祖飛行 [ Má-chó͘ hui-hêng ]
媽祖飛行。 四年前日日新報記載佇猴洞驛附近「美人飛行」。我看了奇怪teh想ná有美國人踮遐飛行，到讀一遍了，就知是一个少年的婦人人，teh過a-iân-soàⁿ 橋，到橋中，忽然佇對面有土炭車緊緊teh來，真危險無地閃，不得已跳落橋跤；佳哉手kia̍h雨傘，所以慢慢墮落兩丈深的橋跤無傷害；才號做「美人飛行」。 今年六月八日媽祖也佇遮飛行！這條橋佇猴洞停車場幾若百步，goân-chiân是做炭礦的路用，近來改做百姓交通的 橋。總是這條橋舊舊無穩當，就對別位閣造新的鐵橋。佇六月八日欲開通式，大家欲做鬧熱，就議定順這个機會來迎媽祖，向望會較鬧熱。彼日迎媽祖猶原對舊的橋經過，這條橋長...

[1926-11 芥菜子 文類-散文 作者-雪峰逸嵐/Soat-hong Iat-lâm]  (2)
智識的源頭 [ Tì-sek ê goân-thâu ]
智識的源頭 佇這號的 「芥菜子，」我欲專門佮同屬主的囡仔兄，囡仔姐，saⁿ-kap講話，恁若袂曉看，叫恁阿娘，阿姐，讀予恁聽，恁穩當會真歡喜。我也是真歡喜，因為我也捌做囡仔，我也有囡仔所以真愛佮囡仔講話。 這馬欲共恁講智識對佗位來，敢毋是真要緊的物？咱攏無愛戇攏真愛智識，有囡仔共我講「我真頇慢，袂曉讀冊，因為無智識，讀袂會，別日會做無路用的人，所以真煩惱。」通知「智識」是真要緊著毋？今智識的源頭是對佗位來？我報恁讀「敬畏耶和華是智識的根本」(箴言 1：7。) 「有人智識無夠，著求上帝，上帝gâu予人」(雅各1：5)。今我欲講一篇故事，來證明這兩句予恁明白。 有一个14 ...

[1926-11 芥菜子 文類-散文 作者-郭水龍/Keh Chuí-lêng]  (2)
馬偕醫院近訊 [ Má-kai i-īⁿ kūn-sìn ]
馬偕醫院近訊 這間病院的主旨全是救世的主義，規模雖然細細，實在佇台灣是無通比的好，內容設備逐項真次序，衛生真完全，用刀真經濟，人員真充足。戴博士、陸醫生、吳醫生，洪先生、西洋看護婦 4名本島看護婦 17名全病院人員共42名，現時病室有46張的眠床，閣teh起一棟小兒科的病室，眠床6張無外久會完工。 這个病院所設的法度真濟項是新思潮，理想tek佮別間病院無siâng款，有人看做奇怪紲嫌，照我看有真濟項的特色所以寫幾項說明予各位較諒解。 1、 救治thái-ko：這號病空前無醫藥無救治的法度，不幸染著thái-ko就絕望聽候死，現時來就醫thái-ko患者有117名。萬國thái...

[1926-12 芥菜子 文類-散文 作者-陳清義/Tân Chheng-gī]  (2)
研究耶穌的教示，會捌耶穌是上帝 [ Gián-kiù Iâ-so͘ ê kà-sī, oē bat Iâ-so͘ sī Siōng-tè ]
研究耶穌的教示，會捌耶穌是上帝。 咱愛捌耶穌原本是上帝毋但對研究伊的祈禱，伊所行的神跡，就對伊的教示這方面來研究，也會捌伊。伊三年久，周圍四方，傳道教示人，佮經學士的教示攏無相同。有一擺佇迦百農會堂教示人，聽的人大奇怪，因為聽伊的教示有大權佇teh，無親像經學士用摩西的律法教示人，專專愛諂媚人予人歡喜；看見人有過失，毋敢干證--伊。耶穌的教示毋是按呢，勇敢直講，權柄顯現。對按呢來看予人通知伊的權是佮上帝平等，原本是上帝。 論耶穌的教示有上帝的權佮有上帝的口氣，愛排列幾若款佇下底：－ 1、耶穌講，「凡若著磨艱苦pē重擔的，著就近我，我賞賜恁平安」。閣講「人喙焦著就近我lim...

[1926-12 芥菜子 文類-散文 作者-陳清忠/Tân Chheng-tiong ]  (4)
世界教化的使命 [ Sè-kài kàu-hoà ê sú-bēng ]
世界教化的使命。 若讀馬太二十八章最後的記事，就通看著復活的主佇加利利湖邊的一个小山頂，親身出現予伊的學生看，紲將世界教化的大命予--in。 耶穌傳命令的山，無tú-tú知是啥物山，kiám-chhái是san-siōng說教的山；保羅佇哥林多前書第十五章六節所講「閣一擺出現予五百外的兄弟siâng-時看見」，無定著是siâng這个時。 抹大拉的馬利亞佮別的馬利亞佇墓前看見主的時，主講，「莫得驚，」去報我的兄弟，kah in去加利利，佇遐欲看見我。」kiám-chhái佇加利利，有比驢太較濟共鳴者佇teh 的因端。除去猶太以外十一个學生攏轉去佇遐見主。 有人講主的復活，毋是一般客觀的...

[1926-12 芥菜子 文類-散文 作者-蔡安定/Chhoà An-tēng]  (2)
信仰佮行為 [ Sìn-gióng kap hêng-uî ]
信仰佮行為 1、 無言的感化。 有一个無神論的人佮ヘネロンsaⁿ-kap蹛三日久，伊本身無欲承認有這个真神，所以伊想伊的確袂變做基督教的信者。總是佇佮伊做陣的中間，有予伊的人款佮信仰拍著伊的心肝。後來伊才講「若閣蹛佇遮較久，我雖然無teh希望，毋kú袂免得著變做基督教的信者。」 ヘネロン無用言詞來苦勸伊著來信，也無佮伊議論信仰上的問題，總是伊家己驚了著放sak伊平生的無神論來信真神。這就是對ヘネロン恬恬的感化。 講話來傳傳道理，的確是要緊，毋kú無言的感化也有大氣力。 2、 親切的感動。 有一个勞動者teh拖車peh上kiā，因為貨物真重，所以才袂照所愛通peh上去。...

[1926-12 芥菜子 文類-散文 作者-陳清忠/Tân Chheng-tiong ]  (3)
閣活的力 [ Koh-oa̍h ê la̍t ]
閣活的力 保羅有看見主，主有顯現伊本身予保羅看見。伊的先輩，溫厚的君主巴拿巴有紹介這个迫害者，loān-bō͘ 的人Tāi-sò͘的掃羅，現時叫做保羅，予眾使徒，講伊佇路中有看見主，也主有佮伊講話。(使徒 9：27) 閣活的力的大，伊的強，若愛知，請看伊受召了後的一世人！這个力就是予對敵變做同僚，予怨恨變做疼的力lah！這个力就是予獅變做牛，予豺狼變做羊仔囝的力！ 若無閣活就無保羅，無保羅就無今旦日的異邦的教會；使徒行傳以下，新約的大部分也是無！！ 主的閣活，予萬人化做靈的閣活。肉體的閣活成做思想的閣活。－冷淡感情的閣活，化做強的意志的閣活。 I、閣活的力，予人信耶穌是上帝...

[1926-12 芥菜子 文類-散文 作者-雪峰逸嵐/Soat-hong Iat-lâm]  (2)
佇基隆一日久的感想 [ Tī Ki-liông chi̍t-ji̍t kú ê kám-sióng ]
佇基隆一日久的感想。 這pang鄙人為著研究電氣療法的事，對基隆欲來古浪嶼，因為船延期紲會通佇基隆過一个禮拜日。一日久有得著濟濟的教示佮感想；這若是別人遇著，是已經司空見慣；總是我毋是，反轉生出濟濟的感覺；雖然是平常事，iáu-kú若斟酌想，就有教示真濟。寫淡薄予親愛的兄姊saⁿ-kap參考： I、 吉野丸欲出航去日本的半點鐘前，人客佇船頂，親戚朋友佇岸頂teh送。送客買紙liâu 規khûn，hiat予人客，人客就對頭仔khiú--teh，規khûn hiat予送客。船 teh開的時，直直抽直直長。也有一个人客khiú 10外條，顯明有遐濟人來送；風 li-li，紙liâu p...

[1926-12 芥菜子 文類-散文 作者-郭水龍/Keh Chuí-lêng]  (1)
馬偕醫院近訊 [ Má-kai i-īⁿ kūn-sìn ]
馬偕醫院近訊。 (紲接前號) 5、 入院的患者，－大人，囡仔攏有衫褲通予in穿，這真利便，病人毋免另外倩人洗衫。 6、 患者若較傷重毋予人去探伊。台灣人這項毋慣勢，實在是真著。我的某佮囝這擺拄著破病真傷重好轉來，講，當傷重的時有遮的親人，會友去看伊，伊真艱苦，問東問西真艱苦真毋愛，真無愛聽人講話，無聽啥物聲，恬恬倒較看活，2人所講相同，到今我才知，代先我毋知，所以寫批叫親人來看伊；醫生毋准in 會面我偷 chhoā in 去看，今知是毋著。 病院對閣開以來，各位的教會受不止利益，就遮个傳教師有的也得著真大利益，也有不止濟對醫病轉去紲信道理，看這个病院對病人盡力醫治照顧，對上帝道理出...

[1926-12 芥菜子 文類-散文 作者-郭水龍/Keh Chuí-lêng]  (2)
坪林教會新聞 [ Pîⁿ-nâ kàu-hoē sin-bûn ]
坪林教會新聞。 我這pài 巡坪林教會比舊年有進步重倍。 坪林的所在是內山，道路真oán-sia̍p，佇台北佮宜蘭 12舖的中間，船車袂得到。小街市有百姓300外人，山崙的百姓真sòng-hiong，在地米食無夠著配蕃薯，倚靠蕃薯較濟。4年前有設講義所，到今不止好成績，百姓真欣慕道理，現時有20 戶趁道理人數94名。這pang大人15名愛領洗禮接納9名閣囡仔5名鄭生姆這家有10人來teh禮拜，鄭生本反對，今逐禮拜有刁工來禮拜。這pang伊的大新婦領洗禮，代先入天國向望後日全家30人會攏趁道理。 教會teh進步的因端有幾若項。 1、 有上帝的神跡teh幫贊。這人名林火對細漢h...

[1958-4 台灣教會公報 文類-散文 作者-陳復生/Tân Ho̍k-seng]
偉大的指導者，摩西 [ Uí-tāi ê chí-tō-chiá, mô͘-se ]
偉大的指導者，摩西 陳復生寫 1958年4月832期 6-7 (陳先生是台灣師範大學，美國普林斯頓神學院的出身。專攻舊約。舊年歸國，現時teh 教台灣神學院。這擺頭擺共咱賜告。向望此去會通 chia̍p-chia̍p得著伊的賜教) 當摩西大漢的時，有一日出去外位，看著伊的 同胞 teh受埃及人的窘逐，伊就拍死彼个埃及人。隔轉日閣出去的時，伊看見兩个希伯來人teh相爭，伊就欲共 in做公親 的時，反轉得著in 的反感，致到摩西本身著逃走(出2：11-15)。摩西做以色列百姓的拯救者佮指導者的生涯就是按呢開始。伊所拄著這兩日的中間所發生的事件也有象徵tek(sym...