[1934-4 台灣教會公報/芥菜子 文類-詩 作者-柯維思/Koa Î-su]
台北市衛生歌 [ Tâi-pak-chhī oē-seng Koa ]
台北市衛生歌柯維思1934.04, no. 589 (KCC, no. 99), pp. 28 1. 台北街路非常好，官員監督gâu製造，清廉si̍t-kia̍t真gâu kō，男婦老幼好thit-thô。2. 街路研到平坡坡，雞，鴨，豬，狗，今攏無，近來衛生到極好，人講boē輸新加坡。3. 老幼毋通路thit-thô，毋通鎮路第一好，若是駛車無抵好，爭著性命就會無。4. 暗時電燈光映映，老幼來往安穩行，亦無賊仔予人驚，本島有名台北城。 ...

[1934-5 台灣教會公報/芥菜子 文類-詩 作者-章王由/Chiong Ông-iû]
主目睭看顧到雀鳥 [ Chú ba̍k-chiu khoàⁿ-kò͘ kàu Chhek-chiáu ]
主目睭看顧到雀鳥MIS. C. D. MARTIN CHAS. H. GABRIEL章王由 譯1934.05, no. 590 (KCC, no. 100), pp. 29 (1) 啥事我來想失志，驚危險teh阻止；有主耶穌teh做伴，我啥事想孤單，做陣行到天父兜，只有伊做會到，主的疼及到雀鳥；人若看就著會曉，細項的物伊保護，人穩當主teh照顧。和 歡喜唱歌來呵咾，耶穌做我中保，予咱得著自由福氣，伊teh照顧免掛意。(2) 伊所講人通信靠，咱毋免閣煩惱；耶穌有大的慈悲，毋免驚惶僥疑；主所chhoā咱行的路，應該tè伊腳步；主的疼及到雀鳥，人若看就著會曉；細項的物伊保護，人穩當主teh照顧。(...

[1934-5 台灣教會公報/芥菜子 文類-詩 作者-柯維思/Koa Î-su]
靠主歌 [ Khò Chú koa ]
靠主歌柯維思1934.05, no. 590 (KCC, no. 100), pp. 28 1. 我主耶穌我所疼，為著我罪赦性命，我願為伊大拍拚，傳播救道萬民聽。2. 萬事靠伊我免驚，風雨，光暗，我敢行，我主贊我boē搭嚇我主牽我我boē驚。3. 伊賜我用的物件，房間贊淀閣滿廳，賊仔愛偷我物件，雖有開門boē入廳。4. 主差使者門外徛，賊仔看見心大驚，賊仔緊走無看影，主顧我厝若鐵城。二月19日下晡，張Chiong-chhoan sàng問我講：你遐有通予我歇暝抑無？ 我講有，我講ê昏Chhoà信眾佇雙連拜堂欲講道理，你soá來去聽。 了後通做陣來睏。張sàng講："我敢boē赴，因為有約束代...

[1934-5 台灣教會公報/芥菜子 文類-詩 作者--/-]
基督徒兄姊歌 [ Ki-tok-tô͘ Hiaⁿ-chí koa ]
基督徒兄姊歌佚名1934.05, no. 590 (KCC, no. 100), pp. 29 1. 上帝所疼百姓滿天下。食飽行遊運動找兄姊，心心念念愛到伊的家，嘴講bē合所在就到地。2. 天父隨時差伊到樓下，歡迎大家上去樓頂坐，可惜boē會留in等食茶，因為大家愛去城內踅。3. 大家應我後日閣來坐，彼時的確有閒通奉茶，教會兄姊簡單攏免禮，大家屬主連合是一家。4. 宇宙萬物是主做管家，你我隨人所欠是啥貨？萬物佇咱目前咱通找，大細物件合意任你the̍h。這條兄姊歌是柯先生做的。 因為有一日瑞豐的姊妹去台北thit-thô，teh數念伊的時陣抵抵行到佇伊的樓腳soà抵著伊。 按呢不止心適，所以伊...

[1934-7 台灣教會公報/芥菜子 文類-詩 作者-柯維思/Koa Î-su]
禁酒歌 [ Kìm-chiú Koa ]
禁酒歌（禁酒興國歌）柯維思1934.07, no. 592 (KCC, no. 102), pp. 25 1. 禁命初設在樂園，受罰死罪阻亞當；佮父參親路絕斷，救主再開恩典門。2. 酒醉亂步真可憂，公，私，職務全部休；名醫博士用藥酒，酒病無醫，折長壽。3. 興家初步儉且勤，兄弟財產有份；知性同居相吞忍，福，壽，名譽得充分。4. 國家太平不用武，國內官民速信主；國泰民安神賞賜，國強家富，萬年久。5. 家敗現象在相爭，時常池中起風湧；妻妾子女相戰爭，家和禁酒萬事興。 ...

[1934-9 台灣教會公報/芥菜子 文類-詩 作者-柯維思/Koa Î-su]
漢文添劃變字 [ Hàn-bûn thiⁿ ui̍h ]
漢文添劃變字每回限一劃柯維思1934.09, no. 594 (KCC, no. 104), pp. 26 1. 漢文原始對看影歐語作成憑听聲日月山水是真影風雷品簫由听聲2. 大家呼興改漢字，落筆見著就算起，試看先啥gâu反變，起筆煞劃共幾字。3. 字劃長短由你改，橫直斜正任你配，字體無論大抑細，試看啥人改上濟。4. 落筆就是算一字，改長又閣變一字，寫斜變形閣一字，畫直長短又一字。5. 請教漢學眾先生，大家研究漢文字，就知倉頡彼當時，流傳講是伊創起。6. Oh得柴真實在伊，特色有名的文字，講話boē通用筆記，創設漢文極趣味。7. 青盲用摸會捌字，啞口手比亦會意，總是起頭著先生，學生勤讀就捌字...

[1934-10 台灣教會公報/芥菜子 文類-詩 作者-柯維思/Koa Î-su]
祝六點Gio̍k-iàn結婚歌 [ Chiok La̍k-tiám Gio̍k-iàn Kiat-hun-koa ]
祝六點Gio̍k-iàn結婚歌柯維思1934.10, no. 595 (KCC, no. 105), pp. 23 1. 太初樂園上主見，亞當夏娃居伊甸，二代列祖名叫設，救主降世天恩典。2. 神育體育初學生，受派魔營枉戰爭，勤讀聖書天國興，專心靠主全得勝。3. 天下良田千萬頃，特選平洋用心耕，今夏放膽播好種，明春安心通收成。4. 左神六點旭日現，弓月黃昏觀Gio̍k-iàn，今年七月太陽顯，明年吉時新月弦。 ...

[1955-8 台灣教會報 文類-詩 作者-周天來/Chiu Thian-lâi]
堅固信心的歌 [ Kian-kò͘ sìn-sim ê koa ]
堅固信心的歌 (歌羅西2:6， 7) (Paul Gerhardt作，周天來　譯) 1. 主--啊，你的仁愛無比！ 我欲怎樣來稱讚你？ 雖出大聲，呵咾，吟詩， 也是oh得形容，講起； 聽見天軍所唱的詩， 實在好聽，甚然出奇！ 2. 榮華，富貴，名聲，地位， 求主贊我，免受連累； 我喙所講，我心所想， 我愛學主的聖模樣； 只有欣慕主的仁愛， 永遠充滿佇我心內！ 3. 啊，啊！救主恩惠的光！ 實在奇異，閣真齊全; 攑目看主，榮光的面， 我的心神，就換做新； 無閣傷悲，無閣煩惱， 驚惶，僥疑，也攏消無。 4. 雖有艱難，苦痛的時， 抑是厭siān，憂...

[1955-12 台灣教會報 文類-詩 作者-柯設偕/Koa Siat-kai]
Tī一個馬槽--裡 [ Tī chi̍t ê bé-chô--nih ]
Tī一個馬槽--裡 Tī一個馬槽--裡--聖詩第19首，是聖誕ê詩ê出名ê一首。字句是馬丁路德Martin Luther寫--ê。曲是J. E. Spilman 作曲--ê。Tī聖詩teh用ê 曲是hit個一部分，iáu有一部分(大概是為著beh 合字句，所以iáu hit部分無the̍h來用)。這霎寫曲ê iáu一部分kap我試寫ê 字句， hō͘大家做參考。(字句boē tú-tú kap hit相節直接連絡，iáu-kú會幫贊聖誕ê讚美，抑是接tī第三節吟了chiah吟。大家聖誕恭喜！ 聖詩第19首。相節字句省略。咱大家真歡喜，慶祝主聖誕因為咱主耶穌降臨到世間；來顯明父上帝極大ê疼...

[1956-12 台灣教會報 文類-詩 作者-卓恆利/Toh Hêng-lī]
耶穌來歷歌 [ Iâ-so͘ lâi-le̍k koa ]
Normal 0 0 2 false false false MicrosoftInternetExplorer4 /* Style Definitions */ table.MsoⁿormalTable {mso-style-name:表格內文; mso-tstyle-rowband-size:0; mso-tstyle-colband-size:0; mso-style-noshow:yes; mso-s...

[1933-3 台灣教會公報/芥菜子 文類-詩 作者-章王由/Chiong Ông-iû]
受抹油ê主耶穌 [ Siū boah-iû ê Chú Iâ-so͘ ]
受抹油ê主耶穌 （章王由 做）1933. 03, no. 576, pp. 27 調用Calvary. 作曲者Jno. R. Sweney. 1. 受抹油ê我主耶穌，親像草á發佇荒埔； 根叢長大乾地所在，總是上主顧伊無害。 合：主你為阮chiah有降生，盡力傳道做阮路用； 甘願受苦攏無拾怨，主ê犧牲是ài救阮。 2. 眾人觀看伊ê款卻，無大威儀予in滿足；受in拒絕艱苦萬般， 人攏ng面厭賤毋看。3. 看伊受苦毋肯尊敬，掠做上帝譴責不正；毋知按呢擔當痛疼。為著咱濟獻伊性命。4. 主受刑罰阮得平安，若羊欲刣伊被...

[1959-5 台灣教會公報 文類-詩 作者--/-]
玉山神學書院紀念主日專欄 [ Gio̍k-san sîn-ha̍k su-īⁿ kì-liām chú-ji̍t choan-noâ ]
玉山神學書院紀念主日專欄1959年5月845期 p.7-9本總會第6屆通常議會佇2月召開的時，有議決將5月第1主日做玉山神學書院記念主日，請總會內全教會眾信徒數念山地傳道人員養成的重要，佇彼日為這个 書院祈禱佮奉獻。閣將獻金直接寄交臺灣劃撥儲金 239號 玉山神學書院總會議長：So͘ Thian-bêng。Su：Tīⁿ Liân-tek。編者註：今年的總會有訂5月的第1禮拜日做玉山神學書院的記念主日。雖然記念主日，佇各方面有teh檢討講是毋是想濟，猶過大家聽著玉山神學書院愛設紀念主日，就閣奮發精神決定通過。今in的現狀啥款？Ko Chùn-bêng院長少壯有為，用伊熱切清純的信仰佮抱負，借詩歌...

[1885-8 臺灣府城教會報 文類-詩 作者--/-]
O-ló上帝 [ O-ló Siōng-tè ]
O-ló上帝 1885.08 第二張 p.8O-ló天頂主宰，創造天、地、kap海，保護萬民：人人無論大細，同聲o-ló上帝； O-ló三位一體，父、子、聖神。詩調(略)...

[1885-9 臺灣府城教會報 文類-詩 作者--/-]
耶穌屬我 [ Iâ-so͘ sio̍k Goá ]
耶穌屬我 1885.09 第3張 p.12 (這首詩本是施牧師翻譯--的，寫唐人字，分予人看。今阮用白話字印佇這--裡。章中「耶穌屬我」彼句的解說就是講「耶穌屬佇我的，」毋是講「耶穌贖我的罪。」) 今我有得朋友， 耶穌屬我， 伊所疼我不休， 耶穌屬我。 世間快樂緊退， 朋友交陪快疏， 我獨安心無改， 耶穌屬我。 雖然到老閣散， 耶穌屬我， 我信靠伊幫贊， 耶穌屬我。 我欠缺主保足， 伊寶血罪替贖， Chhoā向望到結局， 耶穌屬我。 雖然舊性原在， 耶穌屬我， 對敵計謀陷害， 耶穌屬我。 倚靠救主成聖， 清義、智識造成， 較...

[1885-10 臺灣府城教會報 文類-詩 作者--/-]
請近救主 [ Chhiáⁿ kīn Kiù-chú ]
請近救主1885.10 第四張 p.21(舊年佇廈門有koh出1本冊，號做聖詩歌，是用44首新的詩來抾做1本。Chiong中阮有揀1首來印佇遮。) 我聽耶穌的聲講明，恁攏踮這世間，見若勞苦來我面前，逐人攏有平安。我聽伊講盡在歡喜，隨時就去揣伊，得著常常平安無死，永踮耶穌身邊。我聽耶穌好聲的音，真清活泉示我，人若喙焦欲送伊啉，應該緊緊近倚。我聽伊講受著勉勵，歡喜趁伊就啉，不止爽快精神加倍，永無艱苦的心。我聽耶穌的聲也講，我是世間的光，信我的人會得清爽，那徛光光中央。我聽伊講攑頭觀看，榮光真正得意，耶穌真光永永無散，照我行到一世。 ...

[1886-6 臺灣府城教會報 文類-詩 作者--/-]
謙卑 [ Khiam-pi ]
謙卑 1886.06 第十一張 p.79 （這首ê詩本是翻譯汕頭ê腔，印tī in ê公會雜錄；後--來阮翻譯台灣ê腔，來印tī chia 。） 1.看嬰兒tī 馬槽內， 伊腳下牧者敬拜： 是我主！聖經所記載， 是我主！榮光ê主宰。 用謙卑，用心拜跪， 認我主至尊至貴。 2.看這人tī 拿撒勒， 順父母，真有孝德： （每節著續吟下面4 choā。） 是我主！聖經所記載， 是我主！榮光ê主宰。 用謙卑，用心拜跪，認我主至尊至貴。 3.看這人滿心煩惱， Tī 曠野禁食枵餓： （Koh吟hit 4 choā 。） 4.拉撒路墓前來聽， 是這人哀哭ê聲： （Koh吟hit 4 ch...

[1886-9 臺灣府城教會報 文類-詩 作者--/-]
明宮好地 [ Bêng-kiong Hó-tē ]
明宮好地1886.09 第十五張 p.1111.我心思想tī 天頂好地， 天使聚集tiàm hia; 朋友濟濟先到快活， 無勞無苦無驚。（每節著續吟下面4 choā ） 攏無koh相離， 攏無koh相離， 攏無koh相離， Tī hia 永bē 相離。2.我心思想tī 天頂好地，基督做王坐位； 贏歹ê人齊聲o-ló, 無了時做1堆。（Koh吟hit 4 choā ） 3.我心思想tī 天頂好地， 聖徒永做鄰右； 白衫冕旒攏bē敗壞， 快樂相tâng享受。（Koh吟hit 4 choā ） 4.我心思想tī 天頂好地， 親戚瞭望致心； 彈琴吟詩咱攏有份， 所行ê路鋪金。（Koh吟hit 4 ch...

[1886-9 臺灣府城教會報 文類-詩 作者--/-]
新名（看默示錄 2：17） [ Sin miâⁿ (Khoàⁿ Be̍k-sī-lio̍k ii:17.) ]
新名（看默示錄 2：17）1886.09 第十四張 p.103新名咱beh得著新名tī hit 地， Tī hit 地，hit 光光明明地， 永kap聖ê天使bē lán-sē ，Tī hit 光明地。Hit 新名：hit 新名 咱beh 得著hia， Hit 新名：hit 新名 是咱主所寫。 咱beh 得著新名tī hit 地， Tī hit 地，hit 清清爽爽地， 永kap聖ê天使bē lán-sē，Tī hit 光明地。 名是耶穌記tī 白石面， 若無家己受就bat bē 真，主所hō͘ ê人，伊允會認， 因為咱較贏。 Hit 塊石：hit 塊石 咱beh得著hia； Hit 塊石：h...

[1894-2 台南府城教會報 文類-詩 作者--/-]
補養心神詩 [ Pó͘ ióng-sim-sîn-si ]
補養心神詩 1894.02 106 koàn p.10 「養心神詩」1本是做咱教會ê大路用，從中ê詩濟濟真好thang 教示人，hō͘ 人較快bat 道理。總--是有1項thang 嫌，就是傷少，詩只有59首nā-tiāⁿ，bē-tit thang 齊備做教會逐項ê路用。扑算天下無1個教會親像咱ê hiah 大詩冊到hiah欠缺。也chiah-kú攏無加添新ê,差不多20年久猶原是hit 本。Hit 時ê中間雜錄參會報卻有新出幾若首；總--是揀選--起-來只有10外首會堪tit用。Chiah-ê 詩也攏是阮外國人做--ê。兄弟無做，káⁿ無的確是因為in bē會，kiám-chhái是tuì...

[1897-10 台南府城教會報 文類-詩 作者--/-]
新翻譯ê詩 [ Sin hoan-e̍k ê Si ]
新翻譯ê詩1897.10 151卷 p.801.細子聚會著謙卑，就近咱主o-ló伊，主耶穌至尊至聖，咱著虔心來恭敬。2.咱心肝著數念主，亦想天堂極富裕；咱腳所行，手所做，Hō͘伊teh看thang o-ló。3.榮光燦爛大主宰，看伊細子逐項知，早暗所想ê心念，Hō͘伊省察來過驗。4.求你赦罪，koh施恩，贊阮日日換做新；Chhoā阮行路到天城，o-ló稱呼主大名。...