[1928-9 台灣教會報 文類-傳記 作者--/-]
數念河野牧師 [ Siàu-liām Hô-iá Bo̍k-su ]
數念河野牧師 1928.09.01 522卷p.4-5 佇8：16號河野牧師有過往佇台南病院，享受57歲。 對1914年到1924河野牧師有做台南長老教神學校的先生。起頭是予台南日本基督教會請做牧師，佇神學校做祝託教師。若是後來就全工佇神學校，紲蹛佇遐。 佇1924年就時神學校的工，全心服務佇日本教會。無拍算佇今年5月間起神經疼的病漸漸傷重，就紲予主召倒去。佇破病的時，雖是真艱苦，猶是真gâu吞忍；有朋友去探伊的時，就吟伊身邊的聖經，略仔笑面讀「拄著試來忍受的人有福氣。」 河野政喜 (Kono Masaki)佇1872年出世佇I-ú國吉田村。佇11 歲的時死老爸。佇小學校卒業了...

[1928-9 台灣教會報/芥菜子 文類-傳記 作者-陳瓊琚/Tân Khêng-ku]
故吳昌盛君的略歷 [ Kò͘ Gô͘ Chhiong-sēng kun ê Lio̍k-le̍k ]
故吳昌盛君的略歷 陳瓊琚 1928.09.01 522卷(芥菜子第31號) p.15-18 吳君誕生佇1897年11月27日。升天佇1928年6月28日。出世佇屏東，長成佮受初等教育亦是佇屏東。臨終亦是佇屏東；7月12日下午有舉行伊的葬式猶原是佇屏東禮拜堂。彼日的會葬者有內地人屏東的 Kūn-siù以及信者佮本島人，合共有幾若百人。 論伊佇細漢做囡仔就佮別人有較各樣。因為無論是啥物，真聽伊的序大人的話，老母若叫伊的序大人的話，老母若叫伊恬恬坐，伊就恬恬坐毋敢凊彩徙位。孔子的教示有講，「百善孝為先。」吳君有行孝道做伊人生的基礎。對伊卒業公學校了後就接續有綴伊的兄哥去京都留學，就...

[1929-4 台灣教會報 文類-傳記 作者-蔡清澤/Chhoà Chheng-te̍k]
黃--氏香ê小傳 [ N̂g--sī Hiong ê Sió-toān ]
黃--氏香ê小傳1929.04 529卷 p.8-9(蔡清澤)黃--氏香是屬大里教會ê老姊妹，人攏叫伊做松茂嬸。企家也是tī大里庄，45歲承受道理。1年前起骨頭痛，到舊年（昭和3年）11月3 日，得著大慈愛ê父，tháu放伊ê艱苦歸天，享受永活，tú 73歲，信主共28年久。稽考伊ê履歷，有下面chiah-ê美點:-- 1.ài佈道: 真愛引chhoā人歸主，四界佈道。Tī路--ni̍h若人問伊，就講beh做天國ê媒人(就是chhoā人hō͘耶穌)。非常好膽：較怨恨道理--ê、抑是富戶家以及甚mih名望人ê所在，亦nǹg入去beh招--伊。人客去伊兜不論是誰，開嘴就是道理。口才是平常。雖是án...

[1929-6 台灣教會報 文類-傳記 作者-卓Uí-sîn/Toh Uí-sîn]
Gî Tiâu-chheng ê小傳 [ Gî Tiâu-chheng ê Sió-toān ]
虞朝清的小傳1929.06 531卷 p.10(卓Uí-sîn)傳道師虞朝清，伊的本所在佇高雄州旗山郡杉林庄新厝仔，伊的父母早早就過身，細漢的時攏是倚靠伊的公牽教。彼霎新厝仔有教會佇遐，伊的公虞生不止熱心拜上帝，就peh-kàu予伊來讀中學。後來拄遇我來佇交坪做傳道，我有設1間教會的小學，彼時我就請伊來教小學，所經過的成積不止好。後--來阮看伊不止關心愛做教會的工，所以有舉薦伊來讀神學。伊卒業就去蹛佇交坪、頭社、關仔嶺、東後寮的教會。佇今年傳道局有派伊欲去蹛佇岡仔林的教會，伊佇4月14 的禮拜有轉任去岡仔林。閣過禮拜倒出來欲設法伊的行李入去，無扑算到新化街，伊就起急性的肺炎，食藥無效。到21日...

[1930-6 台灣教會報 文類-傳記 作者--/-]
陳天賜ê小傳 [ Tân Thian-sù ê Sió-toān ]
陳天賜的小傳1930年6月 543卷 p.10 新巷陳天賜出世佇主後1873年。伊蹛佇草地，有5个兄弟，伊是大子，in老父有教伊讀冊，字捌真深。伊未得著道理的時，庄中的人來央伊看日、搬時，伊也真勤快，無趁人的錢，庄中的人不止謳咾伊的好央倩。 到佇帝國來管台灣，設伊做土地委員，監督造大路，盡力扑拚傷過頭紲致身命。到佇1906年來台南醫身命，佇遐 得著道理。後--來轉--來，彼 時阮這庄裡猶未有人聽道理，in 老父真窘逐，內底毋予伊蹛,將伊的聖冊放火燒，共伊褻瀆，伊也無失志。 閣有 1擺in小弟將伊的眠床共伊拆--出去，伊到欲睏的時才閣 夯入去扑，顛倒歡喜。到後--來in老父漸漸較袂窘逐--伊，...

[1930-7 台灣教會報 文類-傳記 作者--/-]
黃執事ê小傳 [ N̂gChip-sūêSió-toān ]
黃執事的小傳1930.07 第544卷 p.3 黃君名漲。台南東門教會的執事，新樓冊房印刷部的主任--lah。原籍是北門郡，佳里庄，埔頂寮黃姓的大族。當明治36年(28年前)，來新樓共甘牧師做工。因為伊溫純勤勉，不止予甘牧師謳咾，才舉薦伊入冊房做抾字印刷的工。對按呢才搬請伊的老母來蹛台南，建立家後，紲接到這霎，欲到30年。 黃君對受甘牧師用道理引chhoā了後，就放sak伊以前假的信仰，專心來歸服佇主。因為伊所做的工，也比別人加得著濟濟道理的教示。每禮拜日就幫贊東門教會主日學的工，後來紲任東門教會的執事。 不幸佇今年5月尾染病，1日1日較重，後--來檢查，知叫是染著中脊hû-su的症，就去入...

[1930-8 台灣教會報 文類-傳記 作者--/-]
郭Sò͘-ngô͘小傳 [ Koeh Sò͘-ngô͘ Sió-toān ]
郭素娥小傳1930.08 545卷 p.10 郭素娥就是草屯貴堂會郭朝成牧師的大令嬡，今年19歲。3月尾佇咱台南長老教女學校卒業，倒去厝--裡順孝伊的父母，友愛伊的小弟、小妹只有3月日久若定。對破病到臨終頭尾11日，佇祈禱中歸天。今e晝是禮拜日，學校接著1張端書，報郭素娥佇新曆17號過往，攏猶未捌聽見有破病，忽然聽見按呢，袂免得真gông-ngia̍h閣真同情伊的父母，相佮傷心流目屎--ah！平時閣是身體健康，有青年的氣慨，親像草木當茂盛teh-beh puh芛的氣象一樣，無扑算的中間聽見這號消息，袂禁得攑筆寫淡薄來歷予列位朋友知，有通予咱想出新進行的行為，信仰、理想也kú敢。1.論伊的生成...

[1931-8 台灣教會報/芥菜子 文類-傳記 作者-吳萬生/Gô͘ Bān-seng]
旗後莊Hoat長老小傳 [ Kî-āu Chng Hoat Tiúⁿ-ló Sió-toān ]
旗後莊Hoat長老的小傳吳萬生1931.08, no. 557 (KCC, no. 67), pp. 12-13 Hoat長老tuì我捌伊到今知影以前伊來聽道理已徛30年啦。 前teh聽道理是奉行故事，雙腳踏雙船，上帝也好，王爺，媽祖也是好，Pi-lia̍t好，基督嘛好；有時來禮拜，有時出去燒香，身軀為著致病，艱難過日，所以有食鴨片來減輕艱苦，有時受苦勸就減食淡薄。 到這成十年來就嶄然解換，續一時就按呢決心毋食，這敢毋是基督的大氣力，大權能麼？ 我信是基督的疼teh催逼伊的心，若無是bē hiah緊解，因為伊的病症是ná久ná傷重，猶久外身予伊艱苦，刻己來toè基督的腳步。 雖然身軀真衰lám...

[1932-8 台灣教會報 文類-傳記 作者-蘇育才/So͘ Io̍k-châi]
小傳陳乞食長老 [ Sió-toān Tân Khit-chia̍h Tiúⁿ-ló ]
小傳 陳乞食長老1932.08 569卷 p.6-7(屏東：蘇育才)陳長老是屏東歸來庄的人。佇少年就失落父母的栽培；總--是勤勉經營來起家；佇in庄--裡的人，看伊做有名望的人。為著伊來拜上帝，庄民對伊講，前看你做大頭拇，今就看你做尾指仔的人。陳長老真歡喜承受這號凌辱的話。閣有1擺庄民招集幾10人扛1頂輦轎關予伊起輦；有的 攑火把，有的喝咻，直直欲去lòng歹伊的厝，入去佇in廳--裡，亂亂chông；陳長老用溫柔的聲共in 講：「恁著細膩，若火燒厝就歹勢；對按呢輦轎煞袂 hián，大家退走。」對伊的做人雖罔一時受凌辱，後來庄民猶原真尊敬伊；路尾眾人揀伊當保正幾若任。這是伊信主對外的成功。 佇...

[1934-2 台灣教會公報 文類-傳記 作者-許崑/Khó͘ Khun]
張安貴的小傳 [ Tiuⁿ An-kuì ê Sió-toān ]
故張安貴牧師的小傳許崑 記1934.02, no. 587, pp. 19-20 牧師張安貴，別名Tō-sam。 明治7年8月7日出世佇萬巒四溝水。 老父陳Khun-goân，連生5个後生，安貴是第5囝。 外公無查埔孫，佇伊度晬的時，老父歡喜將伊送外公。 彼時外公toà佇竹田庄二崙，每聖日去杜君英禮拜。 彼霎巴牧師致意愛設教會佇二崙，外公歡喜將伊的厝獻做拜堂。 巴牧師chiah去設教會。 庄民真怨恨道理，毋准設教會佇遐，致到起大攪擾，擔屎來潑，巴牧師險失落性命。 In一家受庄民大怨恨，厝予in 佔，傢私物件予 in搶；soà擊出庄，全家姑不將走去bih杜君英禮拜堂暫toà。 為...

[1934-4 台灣教會公報/芥菜子 文類-傳記 作者-陳清義/Tân Chheng-gī]
故林添火長老的略歷 [ Kò͘ Lîm Thiam-hé Tiúⁿ-ló ê Lio̍k-le̍k ]
故林添火長老的略歷 (陳清義) 1934.4，no.589，pp.31 艋舺教會的長老林添火兄，佇57年前有出世做艋舺教會的林Gōng長老的囝。得著伊的老父的栽培，佇細漢的時就領洗禮。到16歲的時，就是41年前，有去淡水入神學校研究神學，聖經，備辦通做傳道理的人。彼時相佮讀冊--的有21名，這中間有人退學，有人煞工，有人過身，到今仔日所賰猶teh做工--的只有兩個，就是蕭安居牧師佮鄙人。阮大家受偕牧師的教養，林長老對彼時就真gâu做人的朋友，熱心綴主。過幾若年後，偕牧師就派伊去佇板橋社後禮拜堂做傳道師，直接傳主的道理。後來因為都合上，就離開直接傳道的工，來奉這做巡查，勤務佇板橋支廳幾...

[1934-9 台灣教會公報/芥菜子 文類-傳記 作者--/-]
三週年忌 [ Saⁿ chiu-nî Kī ]
三週年忌 1934.9，no.594，pp.23-24 II. 故高姑娘 這霎愛代先共南部教會的教師會先生佮同屬主的列位請安佮說謝。因為阮的淡水女學，婦學的恩師高姑娘到貴地，雖然佮列位交陪無久，就佇遐破病過身。猶過列位對基督的疼來好款待，事事好勢。論我實在有較僭權，總是對敬愛的姑娘的疼來逼，致到無小可攑筆袂用得。向望咱女學，婦學的先輩者，相體諒就是。 佇咱北部教會續接偕牧師的意志的功勞者，是真濟位。佇30年前北部有兩位姑娘頭一擺到台灣，是金姑娘(現時佇東京)，佮高姑娘。平平西洋人，只有偕牧師，吳牧師娘夫婦in 5位若定。閣氣候，言語，風俗，實在真毋慣勢(彼時台灣的文化猶未發...

[1934-9 台灣教會公報 文類-傳記 作者-莊清華/Chng Chheng-hoâ]
數念倒去的人 [ Siàu-liām tò-khì ê lâng ]
I. 數念倒去的人 (東後寮：莊清華) 1934.9，no.594，pp.11 佇4月10日，敝會有兩个熱心的姊妹，siāng時相chhoā轉去爸兜。In佇世間真熱心，也致意為主著磨，所以予我著寫幾句來數念in。 1. 柯--氏Gê。是柯Liòng長老的第二千金。佇兩年前嫁沈Tiông執事(伊今年新任執事)。In一家信道理無偌久，得著沈Tiông嫂gâu招呼，予in一家熱心服事上帝。佇4月1日起病，4月10日過身。佇10日下晡8點開聲講，「大家啊，我欲倒來去啦。」厝邊鄰右來看，也街內的人攏佇伊身邊，人問伊，講，你欲倒去佗位？應講，「欲倒去耶穌兜，天堂。」伊一生21年久，有幾若項...

[1934-10 台灣教會公報 文類-傳記 作者-許水露/Khó͘ Chuí-lō͘]
孤兒院的開祖梅叡廉 [ Ko͘-jî-īⁿ ê khai-chó͘ Muî Joē-liâm ]
孤兒院的開祖梅叡廉 (ジョージ‧ミユーラー) （許水露） 1934. 10，no. 595，pp. 11-12 梅叡廉 (ジョージ‧ミユーラー)原來是德國人。伊佇A. D. 1805年9月27日出世佇プロシヤ的クロツペンスタット裡。伊的老爸是咧做國產局租稅集金人為著按呢沓沓換所在。梅叡廉出世後，隔無幾年，就全家搬徙去ハイメルスレーベン。21歲的時搬去踮佇近マグデブルヒ的シェーネベック裡。 伊細漢的時，得著老爸的溺愛，養成濫費的歹習慣。伊10歲左右就真gâu共老爸偷提錢佮講白賊話。伊的老爸想愛予伊做宗教家，所以11 歲的時就送伊入ハルベルスタット會堂的附屬學校。無拍算，伊佇這中間...

[1939-1 台灣教會公報 文類-傳記 作者-潘道榮/Phoaⁿ Tō-êng]
故周示先生 [ Kò͘ Chiu Sī Sian-siⁿ ]
故周示先生 潘道榮 1939.01 646期 13-14頁 先生是台中州鹿港人；出世佇明治25年8月2日。爸母早過世，較無通受教育。細漢的時，有入書房研究漢學，不止gâu做漢詩。青年時代有學淡薄國語；紲志願做巡查幾若冬久。離開官界了後，就入佇商界，開洋裁店真久。不幸伊的元配別世佇彼一時。有留一个查某囝，一个後生。佇這時陣，精神真受打擊；佳哉有得著基督福音的教示，就反悔來信主。信主了後，就決心欲獻予主，才志願入台南神學校。所以佇1918年，就入神學校。四年久，受校長故宋中堅牧師，教師故黃信期先生，牧師故和野先生的栽培；佇學中慇勤勉強，好品行，親切好交陪。伊的性質較恬，總是朋友大家攏尊敬--...

[1940-1 台灣教會公報 文類-傳記 作者--/-]
信仰美談 [ Sìn-gióng Bí-tâm ]
信仰美談 赤馬叔 (An-pîn-seng 記) 194001 658號 p.5-6 (接11月號8面) 7. 入神學校。救主1887年，赤馬叔拄30歲，吳文彬傳道師，看見一熱心敬上帝，迫切祈禱，關心佇教會，一切的工作，咧想伊將來是非常人。就極力推薦伊，入台南神學校。伊佇神學校，歷任的校長就是巴克禮，甘為霖，涂為霖；漢文的教師，就是林湘雲，許廷芳。 彼時神學校的生活，每月領金3箍，伙食外猶過賰3角銀。禮拜日就出外佈道，抑是輪流去鄉村教會主理禮拜，到拜2就報告消息。 8. 販賣聖冊。讀到3年生的時，教士會議論，著派一名學生去販賣聖書。結局赤馬叔中選，每月薪金4箍。赤馬叔就出發...

[1940-2 台灣教會公報 文類-傳記 作者--/-]
信仰美談 [ Sìn-gióng Bí-tâm ]
信仰美談 赤馬叔 (An-pîn-seng記) 194002 659號 p.6-7 (接正月第5面) 9.卒業傳道。救主1892年，春季對台南神學校卒業，受教士會派來蹛岩前的教會。這是伊前捌蹛遮教小學，大家熟似，兼管關仔嶺，白河的教會，按呢是一人管3个教會。佇彼年就佮吳--氏Boé結婚，來成圓滿的家庭。佇遮在勤4年久。 教士會就命令伊，著轉勤去澎湖馬公的教會。 彼時日清戰爭，清朝大敗，將台灣割讓予日本。皇軍已經佔領澎湖馬公，清朝的司令官劉永福，將台灣改做民主國，也發行紙票，欲佮皇抗戰。台灣的港口攏有劉永福的兵把守。 赤馬叔欲對東石港坐船過澎湖。到位日欲落海啦！劉永福的兵問...

[1940-6 台灣教會公報 文類-傳記 作者--/-]
南中通訊 洪--氏真的小傳 [ Lâm Tiong Thong-sìn Âng--sī Chin ê Sió-toān ]
南中通訊II.洪--氏真的小傳1940.06 第663號 p.16洪--氏真較常叫做Ho͘姆，是戴返牧師的令先母。主後1854年出世，到今年（＝1940年），拄享壽86歲。46歲的時信主，共40年久經過信的生活。會來就近主的動機，是對佇拄著病痛，感覺平時所崇拜的神佛，袂通予伊的心平安，就受苦勸決心尊趁道理入信仰敬拜上帝。伊真照本份服事上帝，上帝施恩賜福予伊，予伊子孫真興旺，子兒新婦，內外孫總算成百人。論到伊的生平真可取，有濟濟美點。這霎記幾若項予咱做數念：-- 1、信仰堅固：信主了，隨受人攻擊，鄙薄，厭賤，譏刺，以及拄著患難困苦，也是有進無退。 2、致意家庭：真奇妙！！！子孫大多數佮伊同心敬拜...

[1940-7 台灣教會公報 文類-傳記 作者-林學恭/Lîm Ha̍k-kiong]
故梅監務牧師ê小傳 [ Kò͘ Muî Kam-bū Bo̍k-su ê Sió-toān ]
故梅監務牧師的小傳1940.07 第664號 p.9-12(斗六：林學恭) 幾日前，忽然間聽著我所數念的老朋友梅監務牧師離開世間。心真艱苦。有人愛我公佈予人通數念--伊。我也不止意愛。可惜袂通寫真詳細。較要緊，將伊佇台灣的事，照我所知--的，記淡薄，向望會通佮列位相佮數念--伊。1. 青年的時到獻身 牧師出世佮長成佇敬虔的蘇格蘭。讀格拉斯高的大學，勤勤勉強，成績優秀，常常做大學優等生的代表佇學界討論。到大學卒業了，心立志愛做宣教師去外國傳道。總是時機未到，就暫時佇本國的教會做工。有一暝昏，去赴一个宣教師的講演會，講起宣道會的欠工。這个宣教師，就是佇台灣傳道的巴克禮牧師。聽伊講起台灣海嶼的...

[1940-7 台灣教會公報 文類-傳記 作者--/-]
故梅監務牧師的略歷 [ Kò͘ Muî Kam-bū Bo̍k-su ê Lio̍k-le̍k ]
故梅監霧牧師的略歷1940.07 第664號 p.12A.D. 1866年。出世佇蘇格蘭敬虔的家庭。A.D. 1890年。卒業格拉斯高（Glasgow）的大學，得著M.A.的學位，也特別研究古典學佮哲學有得著這兩科的名譽學位。A.D. 1889--90年。是伊佇格拉斯高神學校（Glasgow Free Church College）讀冊的路尾年，在校中有受揀做學生會的會長。A.D. 1890--95年。有佇格拉斯高城一個說教所（Gallowgate Mission） 來為著一般的平民階級傳道理。A.D. 1895年12月18日。有佮蘭大衛醫生，連德烈牧師來到台灣，踮台南學台灣話。A.D. 18...