[1903-6 台南府城教會報 文類-散文 作者--/-]
自盡 [ Chū-chīn ]
自盡
1903.06 219卷 p.44-46
(大學ê學生Liāu Sam-tiōng記--ê.)
日本國ê 風俗有ê 咱看做m̄好；從中1項就是自盡 ê事。In 自盡 ê 因端較常是因為男女相意愛無成心願；抑是欠人銀無thang 還；犯著國法，驚食罪hit號。Koh in 自盡 ê法，平常是用索、刀、銃來自盡；抑是hō͘火車kauh死。論tuì這號來死，tī 日本國逐年有真濟。
Tī 這幾月間 tī 東京 ê《萬朝報》6月第8號，有koh 記這層自盡 ê 事；總--是伊自盡 ê 因端佮自盡 ê 法度參頂面所講--ê 有大大各樣。今簡略記tī 下底。...

[1903-6 台南府城教會報 文類-散文 作者-周耀彩/Chiu iāu-chhái]
痟狗 [ Siáu-káu ]
痟狗1903.06 219卷 p.47-48(周耀彩記--ê.)論台灣人愛飼狗，是因為驚有賊仔，若有飼狗賊來就thang吠，hō͘ 主人知醒精神，thang持防有歹人beh來取偷。濟濟人m̄知痟狗病，若咬著人會hiah厲害。日本人敢是有學西學才知續將狗tu̍h-lu̍h扑獵--死。Tī 台北大稻埕我有看見teh扑死狗，我攏 m̄ 知是甚物意思。 前無幾日也有聽見人講，嘉義城內日本人teh扑死狗，創車仔車去埋。台灣人有ê m̄ 知是甚物事誌，續有人teh僥疑暗靜teh講，日本人第先除chiahê狗，後--來beh thâi人，才無狗thang吠。台灣人ê生命是食到十數月nā-tiāⁿ，會hō͘日...

[1903-7 台南府城教會報 文類-散文 作者-吳道源/Gô͘ Tō-goân]
東洋記錄 [ Tang-iûⁿ Kì-lio̍k ]
東洋記錄1903.07 220卷 p.55-56(吳道源記-ê.)我tī新曆5月3號，早起5點鐘，kap台南廳內beh 去日本觀光ê人，10外人，聚集tī台南廳事務系。稅務課長講明內地ê風俗，kap幾若項要緊ê事；講明白大家相辭，就起身。各區長kap稅務課長kap幾若個官，送阮到安平搭台北丸ê貨船。山本總務課長kap台南廳ê通譯通口做伴相kap去。 第4號到基隆；e晡開船，tī海面兩暝日，風靜海平。到6號就看見五島山kap中島；tī chiah-ê所在是出珍珠、珊瑚、土炭ê 所在。 日暗到長崎港[Nagasaki]；這個港天然港四面有山；所以hit暝昏船pha-teh，聽候天光，醫生kap警察...

[1903-8 台南府城教會報 文類-散文 作者-吳道源/Gô͘ Tō-goân]
東洋記錄 [ Tang-iûⁿ Kì-lio̍k ]
東洋記錄1903.08 221卷 p.62-64(吳道源記ê.)第13號有落雨，所以我kap一個朋友坐火車去神戶[Kobe] 探朋友。秋山善一先生kap伊ê家後，也攏tī-hia。Tī 14 e晡koh倒轉來大阪。 第15號去Kài市看水族館，水中所有ê魚鱉有鱗無鱗ê攏有。Koh入博覽會機器館，內面逐等號製造ê機器真濟。也有製紙--ê,也有製電氣車--ê,也有製茶--ê,製麵線--ê,織布--ê,製印字--ê,製雪文--ê,無牛家己會挨磨--ê,造火車--ê;真濟款，看bē盡，記bē了。Koh有灌溉ê水龍，thang汲水30丈深，一點鐘久出水千外石；價錢2，250箍。我看這等號ê器具不止有合台...

[1903-9 台南府城教會報 文類-散文 作者-吳道源/Gô͘ Tō-goân]
東洋記錄 [ Tang-iûⁿ Kì-lio̍k ]
東洋記錄1903.09 222卷 p.71(接前月教會報64面。)(吳道源記ê.)第二个tuì七歲起到15歲讀冊，每年開費40 kho͘，8年久共開320箍，koh納利息128箍，總共開費448箍。Tuì 16歲起到27歲，hō͘ 生理人倩，每年平均thàn 60箍；12年久共趁 720箍，koh得著利息432箍，總共有得著1，152箍。除還前所開ê母利銀448箍；iáu-kú有chhun 740箍。第3 个tuì 7歲到15歲，每年讀冊開費40箍，8年久共開 320箍。Koh tuì 16歲到20歲入神學ê學堂讀冊5年久，共開500箍；koh攏總著納利息496箍。總共開費1，316箍。Tuì...

[1905-3 台南府城教會報 文類-散文 作者--/-]
台灣鐵路 [ Tâi-oân Thih-lō͘ ]
台灣ê鐵路1905.03 240卷 p.31-32查考台灣ê火車路，就是tuì清國一個撫臺姓劉，名銘傳設起頭。伊tī光緒11年 (就是主後1885)到任做台灣ê撫臺；到光緒13年 (1887) 就起工造火車路。Tuì hit tia̍p漸漸進步，到光緒17年 (1891) 火車就已經到竹塹城(就是新竹)。可惜像hit年劉銘傳離任倒去清國，火車路也tuì hit tia̍p 停止。所以清國時ê火車路不過是tuì基隆起，經過臺北落南直透竹塹；也里程不過63英里nā-tiāⁿ。及至光緒20年(1894) 中日不和，到光緒21年(=1895=明治28)清國就認輸，在hit時台灣kap火車路也煞歸日本ê...

[1905-6 台南府城教會報 文類-散文 作者--/-]
鐵車路 [ Thih-chhia-lō͘ ]
鐵車路1905.06 243卷 p.63Tī 5月15號火車路有開透到葫蘆敦 街。Tuì hia到百公坑著過大甲kap大安兩條溪。Hit站大約有二舖 外路ê遠；hit站若造清楚就tuì打狗到基隆頭攏有鐵車路。Hit站造iáu-boē好，kú有造兩條ê 輕便車路真好用。現時tuì台南北ê早車是6點鐘發，hit瞑9點鐘就到臺北；á- ni台南到臺北一日就到位。人若beh去彰化，6 點tuì台南開，tī 11 點出34分就到彰化。Beh倒轉--來，火車3點半tuì彰化發也hit瞑9點出7分就到台南。án-ni台南到彰化人客一日會tit打往回，也tī 彰化有4點鐘久thang tī hia辦代誌。清國...

[1906-7 台南府城教會報 文類-詩 作者-Jìn姑娘/Jìn Ko͘-niû]
教學先生歌 [ Kà-o̍h Sian-siⁿ koa ]
教學先生歌 廈門，Jìn姑娘 1906.07 第256卷 1 教學的工實在尊貴， 引chhoā學生佮主做堆， 設使甘願著磨致意， 到時會得寶貝果子。 2 教學先生要緊著肯 約束性地、謹慎品行， 因為學生目珠金金 看伊模樣學伊的心。 3 教學先生的工無快， 拄著內外事務阻礙， 家己的心若無料理， Thài會牽成細漢子兒？ 4 學生自然無攏總乖， 有的驕傲趁心所愛, 有的惡性、有的貧憚， 毋受教示、無欲改換。 5 學生逐家有伊的款， 有的gâu讀逐項甘願， 先生著想上好法度， 予眾學生會大進步。 6 學生無論是gâu抑鈍， 教學先生應該...

[1907-3 台南府城教會報 文類-散文 作者--/-]
安醫生娘 [ An I-seng niû ]
安醫生娘1907.03 264卷 p.17-18 十二月27號，舊曆11月12日，安醫生娘佇蘇格蘭 過往。 安醫生娘是蘇格蘭人，佇1847出世。伊少年ê時gâu讀冊，學做先生；雖然後來著料理家事，伊猶過有愛教冊ê心。親像佇旗後teh教日本人，到致病ê時猶過愛教， 通解悶。佇1882出來台灣匹配安醫生。對彼時不止致意鼓舞醫館ê代誌。原本佇舊樓設法予病人學白話字，以及鬥贊醫生做幾nā項零星ê工。日本來ê時有得著一塊地，通起新醫館； hit-tia̍p伊不止出力鬥料理起造新醫館ê事。起了真歡喜，閣較通照心所愛；毋nā看顧病人，也有照顧學生ê品行。起好無偌久醫生佮醫生娘倒--去祖家歇睏。到閣來台灣就...

[1907-5 台南府城教會報 文類-散文 作者-林燕臣/Lîm Iàn-sîn]
遊歷漳泉教會 [ Iû-le̍k Chiang-choân Kàu-hoē ]
遊歷漳泉教會1907.05 266卷 p.37Tī舊年秋會ê時，有派我kap劉牧師過去廈門赴in ê總會；到今年舊曆正月1日就搭船過去，遊歷逐所在ê教會，受in西國幾若個先生以及本地眾當職ê人好款待講bē了。聖經講：「Lín若相疼，眾人bat你是我ê學生。」(翰13:35)；thang知救主ê話有應驗。到2月8日4點鐘，tuì滬尾上山；感謝上帝，大家身軀攏平安；koh得臺北柯維思先生kap陳清義牧師迎接去in厝，好禮款待；這也是上帝ê恩典。 今ài將唐山教會ê情形，大略記 tī下底，hō͘列位知：------ 論外國來漳泉設教3個公會：1.美國長老教，2.英國長老教(kap咱chit爿像公會)...

[1907-6 台南府城教會報 文類-散文 作者-林燕臣/Lîm Iàn-sîn]
遊歷漳泉教會 [ Iû-le̍k Chiang-choân Kàu-hoē ]
遊歷漳泉教會1907.06 267卷 p.45-46(接前張第37面)。(林燕臣記--ê。)論泉州城內有兩間禮拜堂，一間tī南街，牧師陳宣寧；拜堂容允300外人；也有起樓hō͘牧師toà。Koh一間tī西街，牧師吳風波；拜堂容允兩三百人；Chit-ê吳牧師有設一個法度號做巡街佈道會，每拜三暝昏7點半，兄弟輪流請牧師去in厝講道理，牧師著照in hit暝所讀ê聖經開拆淡薄，來苦勸勉勵in，hō͘ 兄弟姊妹較知影道理。Koh拜四kap拜六做祈禱會。 若是陳宣寧牧師ê堂會亦真活動。拜二設一個救親會；每禮拜到hit暝昏一點半鐘，牧師就招幾若個兄弟作伙去in厝，hit時主人有請 in ê親人厝邊朋友濟濟...

[1907-7 台南府城教會報 文類-傳記 作者-趙時回/Tiō Sî-hoê]
來發長老ê小傳 [ Lâi-hoat Tiúⁿ-ló ê Sió-toān ]
來發長老ê小傳1907.07 268卷 p.52-53(趙時回先生記--ê。)長老何來發是東港人；伊佇1844年10月初10出世。到同治9年，hit時伊 27 歲 chiah聽著救世ê道理。是因為福音傳到東港猶未偌久。第一早是李牧師來傳；後來牧師倒去旗後，每佇拜六就差一人來東港講道理。也有稅一間厝通做福音堂。到拜一彼个受差ê人就閣倒去旗後學習道理。所稅ê厝有倩何來發叔顧紲拚掃。伊是不止活動搰力ê人；若做工明白，就學習詩冊佮白話字；無偌久就ē曉讀聖冊。到同治10年6月6日，李牧師來東港巡視聖會，行洗禮予幾nā人，從中來發長老也在內。對伊入教了後，勤勤讀聖冊，致意講究道理；常常用白話聖經佮漢文ê新...

[1907-7 台南府城教會報 文類-散文 作者-林燕臣/Lîm Iàn-sîn]
遊歷漳泉教會 [ Iû-le̍k Chiang-choân Kàu-hoē ]
遊歷漳泉教會1907.07 268卷 p.54-55(接前張第46面)。(林燕臣記--ê。)論廈門ê教會不止興旺；有幾若間拜堂真大koh suí。本地牧師有幾若；是外國3個公會來設ê。親像新街ê堂會屬tī美國ê長老教， 這間拜堂真好看hit時起好，通中國iáu-boē有拜堂；到今 58年久。早前tú-tú起好，kan-ta 3人入教nā-tiāⁿ；現今聚集有300外人。有起一座牧師樓 hō͘本地牧師黃和成toà,伊今年倚60 liân歲。 Koh一間tī竹樹腳，hit間拜堂也真 suí koh大間；有起一間樓teh 囥大鐘，hit ê鐘ê聲聽真遠；Koh起一間樓hō͘牧師toà,hit ê牧師...

[1907-8 台南府城教會報 文類-散文 作者--/-]
大家協力 [ Tāi-ke Hia̍p-lek ]
大家協力1907.08 269卷 p.57-58幾若年前，日本kap俄羅斯交戰，日本直直較贏，俄羅斯直直較輸。Hit時俄羅斯有一個真gâu ê元帥名號做巨羅八根，伊近來有著一本冊記載in兩國交戰ê事。從中有論一項，就是teh問看啥事俄羅斯常常較輸，攏無較贏；因為俄羅斯是大ê國，m̄是小可ê國。卻有濟濟項ê因端；照大人講有一項真要緊，就是因為俄羅斯本國ê百姓無體貼in ê兵ê事，濟濟m̄知in teh交戰是因為啥事也無常常接著輸贏ê消息thang kap in ê兵同心歡喜同心憂悶。 日本國ê百姓m̄是án-ni，in tī in ê本國逐人攏知影不止ài較贏in ê對敵，攏ài勉勵兵丁著真好膽...

[1907-8 台南府城教會報 文類-傳記 作者--/-]
徐先生春枝ê小傳 [ Chhî sian-siⁿ Chhun-ki ê Sió-toān ]
徐先生春枝ê小傳1907.08 269卷 p.60-61春枝徐先生是鳳山縣，竹仔腳下pho͘庄ê人，細漢死老父，老母koh嫁；hit時無thang依倚，姑不chiong著去佮人toà ，做工趁食，伊ê頭家是竹仔腳庄Hoan-pô-chek (番婆叔)，hit時伊得著道理就續chhoā伊去聽。Tī同治十年也bat讀過小學，拜呂清暉做先生。治1873年3月16號，就是同治12年2月8日，對李牧師受洗禮入聖教；hit時抵20歲。到同治13年台南ê大學欠學生，人看伊是可取，大家舉薦--伊，就hō͘牧師叫伊來府城讀冊，學習道理，資質iáu好，所以比別人不止gâu 讀。光緒6年就出業，hit時先生28歲。...

[1907-8 台南府城教會報 文類-散文 作者-林燕臣/Lîm Iàn-sîn]
遊歷漳泉教會 [ Iû-le̍k Chiang-choân Kàu-hoē ]
遊歷漳泉教會1907.08 269卷 p.61-62(接前張第55面)。(林燕臣記--ê。)論漳州城ê教會，是美國ê長老教設ê。Tī東poaⁿ後街有一間拜堂，tú好kap天主教對面。本底牧師王林覺是少年人，拜堂容允400外人，內面有一間小學堂，教員3人、傳道2人、長老4人，執事5、6人。中間有一個長老姓陳名啟裕，伊ê小弟是舉人，伊本身做醫生，tī禮拜日伊ê工做不止齊到，照所聽tī逐禮拜日，tuì 9點來到12點；e晝tuì 2點來到4點；e昏koh tuì 7點半來到9點。伊做長老ê模樣，濟濟人敬服伊。 照看這個教會真活動，tī頂晡9點半做小禮拜，到10點大禮拜；e晡2點做主日學；兄弟姊妹分做...

[1907-9 台南府城教會報 文類-傳記 作者--/-]
台南長老黃月德ê小傳 [ Tâi-lâm Tiúⁿ-ló N̂g Goa̍t-tek ê Sió-toān ]
台南長老黃月德ê小傳1907.09 270卷 p.67台南城黃月德去天--裡--啦！雖然人咱無koh看著，總是伊ê模樣iáu tī--teh。伊有來聽道理，tī 1881年，hit時38歲，甘牧師行洗禮hō͘伊；到1896年hō͘兄弟姊妹揀伊做執事，後來高升長老。滿任，眾人留伊，伊就koh盡長老ê職到一世人。近來起胃病傷重，就tī西曆8月2日離開世間，享壽65歲。這人無tī--teh，實在 thang煩惱，伊盡忠服事教會，教會失落伊ê幫贊，常常暗chīⁿ 幫助散hiong人，今hiah-ê人無thang koh受伊ê好款待--啦！In家內自然iáu有憂悶，thang歡喜thang受安慰--ê,...

[1907-9 台南府城教會報 文類-小說 作者--/-]
摩氏 [ Mō͘-sī ]
摩氏1907.09 270卷 p.70-72Tī倫敦城ê東旁有濟濟猶太人作夥 tī-hia 企起，較大面是teh做生理；總是oh得趁食。某日有一個名摩氏tī街路teh行，真趕，若親像破病，本身家己teh唸講，天氣無到偌寒，有出日，我thài-thó寒到án-ni？但m̄知beh àn-choáⁿ？驚了無力 thang行到厝。今仔日做這m̄成生理，koh無啥人買，利無聲thang o；人聽了也m̄知伊teh賣啥貨。腹肚枵到扑結kiû求，真正可憐事ah！往過若趁無食，伊ê 厝邊提淡薄贊伊，今chit moá無，因為 tī in ê中間失體面，一項無後生，koh 大查某子去嫁基督徒。厝邊攏嫌伊，准伊...

[1908-1 台南府城教會報 文類-傳記 作者--/-]
羅Khèng-hoâi先生小傳 [ Lô͘ Khèng-hoâi Sian-siⁿ Sió-toān ]
羅Khèng-hoâi先生ê小傳1908.01 274卷 p.5-6 佇1870年伊出世佇台中ê潭仔墘ê大埔厝莊。細漢ê時老父是作穡人；伊13歲有讀3年ê冊，十六歲就佮老父作穡。到20歲有搬落來邱厝仔莊徛起chi̍t年；就閣紲佇橋仔頭莊作田耕穡。Hit年伊22歲，真慘；3月死老父，8月死chi̍t个第二ê小弟，12月死老母。對按呢就無作穡。佇hit時兄弟七人伊是siāng-大ê，第四个予人過房siāng厝內；其餘5个小弟攏伊chhiâⁿ-tî ê。對 hit時嫌厝歹蹛，就閣徙佇公館仔莊，徛佇遐嫌無趁錢，就徙來東大墩Khó-pîⁿ蹛。拄著日本人beh來，就毋敢蹛佇公所ê所在；就閣徙過莊去，就徙來...

[1908-2 台南府城教會報 文類-傳記 作者--/-]
傳道先生ê小傳 [ Thoân-tō Sian-siⁿ ê Sió-toān ]
傳道先生ê小傳(N̂g Sìn-kî先生記ê.)1908.02 275卷 p.10 1. 黃Chok-pang先生屬佇嘉義ê教會，大溪厝莊ê人，出世佇1869年，自幼無父，七八歲就無母。 佮伊ê胞兄出外佮人蹛，予人倩做小可工。 捌chi̍t擺拄著較重ê病，僕ê先父chhoā伊去醫館就近醫生醫治；醫好倒來，先父切意苦勸伊反悔歸主。先生本是靈巧ê人，就hit時反悔決意綴主，也殷勤學習羅馬文佮漢文。聽道理無偌久，就熱心服事主。先父看伊信主ê模樣，知伊m̄是親像平常信主ê人，對hit時就舉薦伊入大學讀冊，備辦通做主ê工。先生ê做人佮人無仝，伊ê年歲雖然是少，品行端方氣慨。對伊入學就殷勤讀冊暝日無厭，...