[1933-11 台灣教會公報 文類-散文 作者-陳明清/Tân Bêng-chheng]
論基督再臨 [ Lūn Ki-tok Chài-lîm ]
論基督再臨 陳明清 1933.11 (584卷) p.13 V、再臨的圖解 若愛研究再臨，要緊代先著知彼个再臨前後的順序，較快明白。後來才一項一項詳細來研究。所以佇遮有畫再臨順序的圖改，是欲予大家較利便通做參考的，閣去照我做會到--ē愛將中間一項一項閣來寫較詳細。佇圖裡袂通寫詳細，所以我用數字來代表，閣因為紙面的關係，聖經節只有引借若定。向望隨人掀聖經來讀，是所向望。 今愛照彼个圖所寫的數字。 對照來說明佇下底： 1.指基督的死佮伊的閣活就是贖罪的完成(十字架) (約翰3：15，16)。 2.指基督的上天(行 1：19)。 3.指五旬節的聖神大降臨(行傳 2：1...

[1933-11 台灣教會公報 文類-小說 作者-楊士養/Iûⁿ Sū-ióng]
光輝的故事 [ Kong-hui ê Kò͘-sū ]
光輝的故事楊士養對蘭醫生娘的More stories from Formosa翻譯1933.11, no. 584, pp. 14 （接前號第13面）恁減采會淡薄奇怪，伊對in老父所講的話；總是伊的老父攏無受氣。 光輝是in父母的目睭的光，也in老父不止識，知受迷惑致到bē記得祈禱的事。 伊幾若擺共醫生娘講：伊基督徒的生活，對伊的囝的模範，有得著真大幫贊。 論伊的老母卻是真深信，真堅固的人。 伊的大囝光輝有toè伊的腳步。 光輝的祈禱有得著允准。 佇英國的朋友用疼的犧牲，有募集250箍欲予伊買一張做的的針車，siāng彼時英國主日學也寄200箍來欲予光輝。 伊用真歡喜，真感謝的心承受遮的賞賜...

[1933-11 台灣教會公報 文類-散文 作者-劉振芳/Lâu Chín-hong]
千載一遇 [ Chhian-cháiⁿ it-gū ]
千載一遇 劉振芳 1933.11 (584卷) p.18-19 這pang拄欲來學校的時，路著對芝加哥 (人口約4百萬人) 的都市經過。真拄好，對創設都市以來，今年拄是一百年的久。所以in有開市萬國的大博覽會。 為著對佇逐國有出品的因端，所以規模闊閣大，材料奇巧閣豐富。一面鄙人因為眩船，又閣時間佮經濟上的關係，一下上陸，佇旅館隔一暝，就liâm-piⁿ閣坐5暝日的自動車，才到這个都市。因為心身非常的疲勞佮無眠。致到雖是知殘念，猶閣無通十分的參觀。總是有想遐的較重要的部分，大概敢看有chiâu著的心算佇咧。 對佇自己的宗教觀念佮地位上影響的關係。從中做第一有興味的，就是基督教科學...

[1933-11 台灣教會公報 文類-散文 作者-H. T. S./-]
聲樂餘談 [ Seng-ga̍k Û-tâm ]
聲樂餘談 (H.T.S.) 1933.11 (584卷) p.21 前號的我有大略講起聲樂的目的佮伊的價值，也有簡單說明彼个法度。今是愛閣接續議論所chhun的，就是將自己淡薄的經驗佮2，3大家的意見，論聲樂的技巧tek方面，以及練習上的注意事項，簡略講幾句，向望做大家多少的參考。 1、論歌詞著分明，我已經有講了，這真要緊，所以閣講一遍，因為欲予人聽了會了解，就是無論母音，子音攏著真明。所以歌詞較好愛暗記熟熟，若無，雙手提樂譜，也咧看譜，也咧看遐的話，自然是會予樂譜搶奪咱的注意，所以對歌詞的表現無自由，自然毋免望會感動人。 2、無論啥物莊嚴，偉大的光景，抑是吟外...

[1933-12 台灣教會公報 文類-散文 作者-主筆/Chú-pit]
時事佮人生 [ Sî-sū kap Jîn-seng ]
時事佮人生 1933.12 585卷 p.1-3 主筆 這个12月，是今年上路尾的月。閣5个禮拜日，就著換新的年。頭這个禮拜日(12：3)，就是世界聖冊記念日；請會記得特別獻金通做聖冊公會的費用。第4个禮拜日(12：24)，是祝賀基督聖誕的節期。也第5禮拜日(12：31)，是今年最終的日子；也是送舊迎新寶貝的時期。 對遮的時事，愛來想幾句通做咱人生的教示。 Ⅰ、聖冊佮人生 人捌請世界出名的先生，愛揣一句真簡潔閣包含的詩句，通表明宗教佮人生的關係。遐的先生對古今逐款的冊去揣，攏袂通得著。到尾，是對聖經中揣出一个青年人美加所記的。就是講，「世間人啊！耶和華已經指示恁啥物是...

[1933-12 台灣教會公報 文類-散文 作者-林茂生/Lîm Bō͘-seng]
新台灣話陳列館 [ Sin tâi-oân-oē tîn-lia̍t-koán ]
新台灣話陳列館 (林茂生) 1933.11 584卷 p.10 頭序 頂日潘主筆有對我講，有看報的人咧希望愛本報設一面來解說現時所咧通行的新的台灣話，紲兼註英語，漢字佇彼身邊，通予人較明白彼句話的源頭。我想，這是真心適的工課，也是真重難的事業。 實在這十數年來，台灣話真大變換，單語的增加是真大。設使有一個作穡人去山裡蹛二十年久，攏無出來，真像Washington Irving 的小說彼个Rip Van Winkle 的款，後來轉來in厝，伊的囝對伊講：「阿爸，你的貯金已經有2，000箍，我欲將一部分領出--來，紲匯小切手去台北予恁孫做學資金，毋知你的都合...

[1933-12 台灣教會公報 文類-散文 作者-梁秀德/Niû Siù-tek]
新約書序說 [ Sin-io̍k-su Sū-soat5 ]
新約書序說 梁秀德 1933.12(585卷) p.11-12 第 5 章 : 新約書的原文 (接 8 月 號 第 12 面) 佇初代的基督教徒是不止sàn-hiong，所以若欲買羊皮紙來寫,是不止貴；對按呢 照看較濟是用俗俗的埃及紙。照所講，到佇第3世紀起，才用羊皮紙，這也是有因端。頭一項，是因為到第3世紀，一般的新約書差不多欲完成；所以有掠做要緊，愛欲通永久保存的觀念，就想著用較會通保存久久的紙。 佇第4世紀的聖冊學者Iâ-lō ( Jerome)的時代，有驚了Kai-sat-lī-a的圖書館，所有用埃及紙來寫的文獻予火燒去；所以有換寫佇羊皮紙。也閣A.D.331年，Kong-...

[1933-12 台灣教會公報 文類-散文 作者-陳明清/Tân Bêng-chheng]
論基督再臨 [ Lūn Ki-tok Chài-lîm ]
論基督再臨 陳明清 1933.12 (第585卷) p.12 V、再臨的圖解 A.聖徒欲佇基督的台前來受報賞的審判。這个審判毋是關係罪惡的審判；因為有罪的人已經袂通到佇遐(羅14：10-13 ；I林3：14，15，4：3-5；II 林5：8-1-1；翰 3：18)。 B.通享受羊羔婚姻的筵席(啟19：8 ；弗5：25-27，32 ；太22：1-14。25：1-13；II 林11：2；太26：29；I林11：26；創2：20-24。23章)。 C.愛予聖徒踮佇空中來閃避大艱難時代的患難，親像以祿受接納來閃避大水(來11：5；創5：24)。...

[1933-12 台灣教會公報 文類-散文 作者-H. T. S./-]
聲樂餘談 [ Seng-ga̍k Û-tâm ]
聲樂餘談 1933.12 (第585卷) P.19 (H.T.S) (接前月21面) 4、欲予伊有真好的表情，理想著懸，欲予伊實現，就無惜努力；著會完全支配自己的舒適力 (思想，超濟的力)，為著按呢，也著研究心理學。前事(情緒就是真好的感情)著有豐富，著有雅純(雅醇)，若有機會著研究姊妹藝術(姉妹藝術)，古今名人的傳記著讀，來看in的跤跡，做你的chhoā路。 5、聲學家對一方面的意事來看，也是著做詩人(詩人)。常常想詩，感激佇詩，有詩的生活才會用得。你的身邊毋若著有詩的空氣。詩人的理想就是繪畫的(繪畫的)佮音樂的(音樂的)。總是會達到佇這个理想的人真少。...

[1934-1 台灣教會公報 文類-散文 作者--/-]
新年的雜感 [ Sin-nî ê cha̍p-kám ]
新年的雜感 (主筆) 1934.1，no.586，pp.1-2 　一年過一年，日子真正緊！啊！1933年已經做伊去，出在你怎樣挽留--伊，伊也無欲閣倒轉！佳哉，有新的1934年，好的光陰，接續來。當佇這个送舊迎新的時候，袂禁得生出悲傷佮歡喜的感想佇咧。 　所通悲傷--的是甚物？就是佇咱所過了的時日，無論你是成功抑失敗，殷勤á貧憚；也無論你是有光明閣純潔的人格，抑是有驚惶oh得脫離的歹習慣；啊！無情的機會，一直對你的面前親像箭cho̍h--過去，永遠無閣來。又閣佇咱活蹛世間的時期，敢毋是減少一年去mah？佇咱停睏的期日，敢毋是較近一年mah？ 　所通歡喜--的是甚物？因為咱閣加一个新年...

[1934-1 台灣教會公報 文類-散文 作者-柯設偕/Koa Siat-kai]
聖經做中心 [ Sèng-keng choè tiong-sim ]
聖經做中心 (柯設偕) 1934.1，no.586，p.26 　聖經是上帝所啟示--的，就是上帝的話。 　因為按呢，所以聖經是盤過別等號世間的宗教的經典真hn̄g。 　基督教自然是著用聖經做中心，基督徒自然是著用聖經做信仰的標準。這是自然--的。 　毋kú雖然是講基督教，雖然是講基督徒，毋kú也有彼款無用聖經做中心，用人做中心--的。所以彼款毋是真的基督教，毋是真的基督徒lah。 　人嫌天主教毋著，是講in (天主教)聖經以外有閣加添濟濟項的異端，khiàn損。所以無照聖經，也加濟濟款聖經以外的事佇teh。因為按呢，天主教聖經以外有加添別款的要素佇teh，所以咱(新教，Prot...

[1934-1 台灣教會公報 文類-散文 作者-陳鳩水/Tân Khiu-suí]
家庭講座 [ Ka-têng Káng-chō ]
家庭講座 台灣小兒的體格，體質改善佮奶兒營養法。 (陳鳩水) 1934.1，no.586，pp.10 　佇頂月的本報，我有佇「無感覺的寶貝」提倡囡仔著予in受日光的照射，佮予in食合理閣有完全的物。 　論這个合理閣完全的食物問題，亦著斟酌咱台灣人經濟的，抑是社會的關係是真為難，毋kú是真要緊，有大關係佇台灣小兒的體格，體質的改善佮台灣同胞的興亡佇teh！所以無惜我的頇慢，將我小小的經驗佮佇文獻(文献)所得著的材料來論淡薄，予眾兄姊做參考。 猶未入本論的代先，愛來看台灣人的死亡狀勢。以下大部分是對台灣總督府發行的臺灣衛生要覽引用來--的。 種族佮死亡率 昭和元年起，到昭和...

[1934-1 台灣教會公報 文類-散文 作者-林茂生/Lîm Bō͘-seng]
新台灣話的陳列館 [ Sin Tâi-oân-oē ê tîn-liat-koán ]
新台灣話的陳列館 1934. 01 586卷 p. 11 (林茂生) àm-hō (暗號)：這句話自來台灣原本就有，是用做「私奇約束的記號的意思；這就是國語的 「aikotoba」(= password)。總是近來有對國語閣傳入一个新的意義：就是做電報的暗號咧用：就是國語的 「ango」(= a cipher；a code)。對按呢也有生出複合名詞：親像，暗號電報( = ango denpo = a cipher telegram；a code telegram)。 私用暗號(= shiyo ango = a private code)。文例：請你拍暗號的電報予我。( =...

[1934-1 台灣教會公報 文類-散文 作者-陳Chiū-lîm/Tân Chiū-lîm]
信，會看著上帝的榮光 [ Sìn, ē khoàⁿ-tio̍h Siōng-tè ê êng-kng ]
信，會看著上帝的榮光 (赤水：陳Chiū-lîm記) 1934.1，no.586，pp.17 昭和7年2月，家母病傷重，請醫生食藥有較好。後來起別症，袂行。醫生用電氣墊，注射，後來會行。不幸閣起症頭，就是腰子病，肝病，腹肚較懸心肝，全身汗水，袂行，袂坐。 啊！74歲的老人，來拄著這號病，淒慘用筆袂通形容。醫生講，老人發這號症，較oh好；吩咐毋通食油臊。對4月初到5月初，直直食藥無較好。家母志願毋食藥，欲去拜堂請主督官共伊祈禱，死活由在主。我就照伊的話，予伊蹛拜堂。 　五月9號，去拜堂。主督共講，「你ê年歲赫濟，毋通直直求欲蹛世間，著向望天堂的福氣較好，主若歡喜恩典是真好，伊若...

[1934-1 台灣教會公報 文類-散文 作者-柯設偕/Koa Siat-kai]
盧An-ná過世 [ Lô͘ An-ná Kè-sì ]
盧An-ná過世 (柯設偕) 1934.1，no.586，pp.28 盧An-ná (Mrs.aⁿd Ross)佇本年9月6日，有受上帝揀召過世，享受85歲。盧An-ná是偕先生娘的老母，也佇無幾年前，佇70歲的時有來台灣，踮佇伊的查某囝-就是偕先生娘的厝，年半久，也佇彼中間，伊有教育宣教師的囝兒，(小可親像學校的款)。 　閣伊的冊，有一本捌翻譯白話字-就是陳靈通先生所翻譯彼本「上帝的戰甲。」所以佮咱台灣的教會有緣故佇teh，愛寫淡薄伊的傳。 盧An-ná，佇1848年出世佇英國。老父姓中堅，是牧師(Rev. J. Duncun)，也伊是第二查某囝。也伊6歲的時，in...

[1934-1 台灣教會公報 文類-散文 作者-楊世註/Iûⁿ Sè-chù]
責任思想 [ Chek-jīm Su-siúⁿ ]
責任思想 (編輯部員：楊世註) (紲接10月16面) 1934.1，no.586，pp.17-18 III. 對人。對親到疏，對近到遠：- (1) 著傳主的福音予in，予in回心轉意，就是重頭生。 看報的男女同胞！請想咱所聽著，所teh傳--的，是甚物道理？儒，道，釋的道理，引起傷濟，真拍損時間。M̄-kú若干旦講拜上帝的事真濟;敢毋是變做回回教佮猶太教。回回教，猶太教甚物路用？雖然：-(a)共人毋通拜午上。 (b)著拜上帝。 (c)著有倫理。 (d)著比捌人較有智識。注意！回回教是基督教的對敵：十字軍的交戰，就是in。猶太教閣較是基督的對敵！可傷啊：害死基督，正是in。 ...

[1934-2 台灣教會公報 文類-散文 作者-吳天命/Gô͘ Thian-bēng]
牧會者著怎樣？ [ Bok7-hoē-chiá tio̍h cháiⁿ-iūⁿ? ]
牧會者著怎樣？ (吳天命) 1934.2，no.587，pp.27-29 新年又閣到lah，光陰真正緊，回顧咱的做工，感覺濟濟無進步的所在，chham-khuì的所在袂少。現代佇逐方面都teh叫喊非常時，攏teh體驗揣活路中的苦痛。基督教方面，神學方面，教會方面攏有遇著危機。在咱台灣也是有種種的悲哀現象，teh喚起咱教會著出力拍拚的所在。我斷言，基督教會(就是基督的代理者)，就是現代世人的救主，台灣教會就是台灣危機的救者。按呢咱的責任kiám毋是非常大。因為咱佇教會teh做工，就是做基督救恩的代行者，咱若無盡職，基督欲對按呢受著見笑，世人欲對按呢失落得救的好機會。所以佇這个新年，我大...

[1934-2 台灣教會公報 文類-散文 作者-林照/Lîm Chiàu]
讀聖經 [ Tha̍k Sèng-keng ]
讀聖經 (林照) 1934.2，no.587，pp.4 　聖經干證耶穌是基督，是救主(行 18：28；翰 5：39)。 　就是救人靈魂，予人重頭生的道理(雅 1：21；1比1：23)。所以見若愛得著救佮新生命的人，著讀聖經。 　聖經是咱活命的米糧(太4：4)，滋養的要素(1比2：2)；所以愛活命活潑長大--的，著讀聖經。 　聖經是予人好品行，人格完全(II提3：16，17)；所以愛有人格懸的人，著讀聖經。 　聖經是咱腳前的燈，路裡的光(詩篇119：105)；所以欲佇這烏暗的世間無跋倒--的，著讀聖經。 　聖經是咱刣對敵的寶劍(弗6：17)，所以欲刣贏魔鬼--的，著讀聖經。 　...

[1934-2 台灣教會公報 文類-散文 作者-賴仁聲/Loā Jîn-seng]
著注神看耶穌 [ Tio̍h Chú-sîn khoàⁿ Iâ-so͘ ]
著注神看耶穌 (賴仁聲) 1934. 2，no. 587，pp. 4-5 這句話，是保羅佇希伯來12章第2節所講的話。照聽是平常，總是對佇我有真大的感銘，所以我這霎試寫幾句來做眾所疼的兄姊的參考：- 這句聖經句，你我大家真熟，thái會予我特別深刻，生起大的趣味，紲定記佇心內？原因是按呢：- 我本是佇咱教會中做真受恩，予先輩的指導，做主的工久久，佇咱的教會的人。欲怎樣講？彼時20外歲，通講是為著血氣方剛好動；閣一方面，也是為追揣真理，愛向望做較有利益的工，就忽略眾先生佮好朋友的苦勸，斷然離開本會，去聖潔教會做工，建設苑里，台中兩位的聖潔教會。後來任佳里的聖潔教會半年久，忽然婦人人拄著...

[1934-2 台灣教會公報 文類-散文 作者-林茂生/Lîm Bō͘-seng]
新台灣話的陳列館 [ Sin Tâi-oân oē ê Tîn-lia̍t-koán ]
新台灣話的陳列館 (林茂生) 1934.2，no.587，pp.6 Bâi-khûn，抑是Bâi-khún(黴菌)：極小細的活物，匿佇植物的中間，會生湠；若匿佇動物的內面，會做有路用的物，也有時會致到起破病。這句話，是對國語的「baikin」來，是對英語的「bacterium」(複數：「bacteria」)來直譯--的。舊來有叫做「微生物」，就是像這个意思。也有時叫做「sè-khûn」，攏是相同。民國猶原有teh用。 　Bāng-lêng(萬能)：逐項會；無所毋會；萬權能；全能的意思。對國語的「baⁿo」來，佮英語的「omnipotent」，「almighty」相當。民國猶原有te...