[1968-2 台灣教會公報 文類-散文 作者-楊士養/Iûⁿ Sū-ióng]
新的能力 [ Sin ê lêng-le̍k ]
新的能力 楊士養 1968.02.15 1024號P.20~P.21 佇遮所記的經文會通分做兩段。頭一段是講起上帝佮人所造的偶像有大各樣，因為伊是創造的主，有大權能。閣一段說明上帝永遠存在。見若信靠伊的人會通得著新的能力。親像鷹鳥thí翼飛懸；in走，也無厭；行也無倦。咱大家真快厭倦。少年人也會跋倒。Kiám果然有這號的事實？Taⁿ才來擔任主日學教員的青年，總是閣無偌久就感覺厭倦。拄才出來的青年傳道師，抱遠大的希望，決意愛出力為主做工，服務教會。為著所做的事未通照伊的意思，就厭倦失志。拄才來信主的人心真熱，致意愛去聚會，閣也參加教會的工作。總是後來為著家事的阻擋，抑是佮人意志未合...

[1968-10 台灣教會公報 文類-傳記 作者-楊士養/Iûⁿ Sū-ióng]
故楊招義牧師略歷 [ Kò͘ Iûⁿ Chiau-gī bo̍k-su lio̍k-le̍k ]
故楊招義牧師略歷 楊士養 1968.10.15 1040號P.16 楊招義君1894年(民國前18年) 3月日出世佇台南縣佳里鎮的番仔寮。伊的老爸楊真先生(漢醫)，老母楊謝笑。In後來搬去和順，父囝就常常對遐去安順教會禮拜。然後搬徙到安順，起厝佇禮拜堂的對面。招義君受小學教育了，就去台南長老到中學讀冊。然後佇太平境教會附設的小學做教員。彼時李以彰先生佮洪賜先生是楊招義先生的同事。洪賜先生現在猶過勇健。招義先生21歲的時佮施烈女士結婚。1915年4月入台南神學校，幾若年久研究神學，備辦將來欲做主的差用。1919年3月畢業，4月15日受任命做傳道師，去蹛東後寮教會。後來經過一段的...

[1969-1 台灣教會公報 文類-傳記 作者-楊士養/Iûⁿ Sū-ióng]
退休宣教師滿雄才牧師略歷 [ Thè-hiu Soan-kàu-su Boán Hiông-châi Bo̍k-suLio̍k-le̍k ]
退休宣教師--滿雄才牧師略歷 西曆1895年就是日本領台hi̍t年，有3 位英國ê 宣教師siāng日到台南，就是蘭醫生， 梅牧師kap Liâm牧師。 1909年11月17日koh三個宣教師siāng時到台灣，就是滿雄才牧師，Liân Má-gio̍k姑娘 (就是後來ê老蘭醫生娘) kap Bín 姑娘(Miss. Beⁿing)。 滿雄才牧師(滿雄才牧師Rev. W. E. Montgomery) 1909年來台灣， 1936年回國， 1968年別世，享受87 歲。 伊tī台灣40年久，所做ê事大略記幾nā項: Taⁿ-chiah來台灣iáu是一位青年，經過幾年久ê訓...

[1958-12 台灣教會公報 文類-散文 作者-楊士養/Iûⁿ Sū-ióng]
增補聖詩50首的介紹 [ Chéng-pó͘ Sèng-si 50 siú ê kài-siāu ]
Normal 0 0 2 false false false MicrosoftInternetExplorer4 /* Style Definitions */ table.MsoⁿormalTable {mso-style-name:表格內文; mso-tstyle-rowband-size:0; mso-tstyle-colband-size:0; mso-style-noshow:yes; mso-s...

[1962-2 台灣教會公報 文類-傳記 作者-楊士養/Iûⁿ Sū-ióng]
高篤行牧師的略歷 [ Ko Tok-hêng Bo̍k-su ê lio̍k-le̍k ]
高篤行牧師的略歷 1962.2.1 879 16-17 楊士養 高篤行牧師是台南人。伊的老父高長先生是台灣上第一代先領洗禮4名中的一人。老母姓朱，名Eng。伊的兄是高金聲牧師；小弟Ch愛-tek，Ch愛-chiok，Ch愛-hok三位攏是名醫。大姊A-kim，小妹A-hó，Siù-îⁿ，Siù-lí。篤行牧師佇民國前33年4：11出世，民國51年1月18日下晡3點別世，享壽84歲。伊讀長老教中學，1898年入台南神學校；畢業了佮黃Sèng-kim (Chhun-gio̍k)女士結婚，生5个後生，5个查某囝。高牧師娘gâu料理家務，也gâu幫贊教會。實在是賢妻良母，...

[1934-10 台灣教會公報 文類-散文 作者-雪峰逸嵐/Soat-hong Iat-lâm]
上帝的權能 [ Siōng-tè ê koân-lêng ]
上帝的權能 (雪峰逸嵐) 1934. 10，no. 595，pp. 10-11 晉江南門外，有一個叫做金井。四十外年前是拋荒的曠野，後來有一位先生佇遐搭草厝來傳教。這个教會的源母，是咱台灣早阿猴教會一个長老(施金川)倒來遮，逐禮拜六著行路(7舖外路)到安海禮拜，拜一才倒來，往復15舖。百年久的了後，才得著一个伴相佮行，也是對台灣倒來--的，後來才得著一塊草厝佇金井通禮拜；也得著許牧師佇遮，(彼時的許牧師21歲nā-tiāⁿ)，到現時金井的禮拜堂，已經起5層的西洋式。佇1933年10：19號，做獻堂式，有請中國總會的會長來行開門的禮，逐省都派代表來赴，一時偏僻的平洋，變成榮光的天堂。現...

[1937-2 台灣教會公報 文類-散文 作者-雪峰逸嵐/Soat-hong Iat-lâm]
路得記的研究 [ Lō͘-tek-kì ê Gián-kiù ]
路得記的研究 （雪峰逸嵐） 1937年2月623期 5-6 序言 全抱的聖經有兩本是用婦人人的名來號--的：一本是Í-sū-thiap，閣一本就是路得。Í-sū-thiap是猶太人嫁予外國的國王。路得是外邦人嫁予猶太的好額人，兩人的資格雖然無siāng，一个尊貴好額，一个卑微sàn-hiong，猶過對佇猶太民族的運命，攏有真大的關係，所以歷史會通排聖經內，紲通做咱的靈程指南。 這本冊的時間，是主前1322-1312的中間，是士師的時代，照額通寫佇士師記內面，因為愛表明對以色列家烏暗困苦的中間，猶過有這款快樂的家庭，閣會通做濟濟教示，所以另外寫。這本冊佮士師記頂半同...

[1937-3 台灣教會公報 文類-散文 作者-雪峰逸嵐/Soat-hong Iat-lâm]
路得記的研究 [ Lō͘-tek-kì ê Gián-kiù ]
路得記的研究 雪峰逸嵐 (接2月6面) 1937年3月624期 5-6 2節：彼人名以利米勒，某名叫拿俄米，兩个囝名那-bûn，基連......攏到摩押徛起。以利米勒的意思，是上帝做我的王；拿俄米的意思，是甜，好，媠；這人雖然名是掠上帝做王，可惜無彼號信心，拄著患難，連鞭袂記得天爸做伊的王，會看顧--伊，就離開--去；雖然環境毋好，若是猶有媠的家庭通相佮安慰，伊無想到遮，就連鞭搬-出來。看伊兩个囝，瑪倫，意思是破病；一个名基連，意思是軟弱；通知這个人，名雖然號遐好，猶過，平時無信上帝，信仰冷淡，檢采伊的家內無好過，無倚靠上帝。所以共囝號這款的名，伊實在無倚靠上帝，...

[1937-4 台灣教會公報 文類-散文 作者-雪峰逸嵐/Soat-hong Iat-lâm]
路得記的研究 [ Lō͘-tek-kì ê Gián-kiù ]
路得記的研究 雪峰逸嵐 (接3月6面) 1937年4月625期 8-9 4節：兩个囝chhoā摩押的查某囝，一个名叫俄珥巴，一个名叫路得，踮佇遐約略10年。俄珥巴的意思，是諂媚，巴結；路得的意思，是恩典的道理。以利米勒死了，拿俄米因為順趁囝兒，無法度通倒來，就佇遐娶新婦，佮世俗同化，閣聯合，那沉落啦。Hàiⁿ啊！！入埃及容易，出埃及真為難啦。拿俄米為著丈夫，囝兒連累，就佇遐10年久(代表背十字架受苦)。人得著好境遇的時，就袂記得上帝，若是上帝毋予人永遠硬心，就用苦難來拍，予伊的丈夫死(也通代表罪惡頭)，向望伊回頭，後來竟然閣佇遐娶新婦，果然無心閣倒轉猶太的...

[1937-5 台灣教會公報 文類-散文 作者-雪峰逸嵐/Soat-hong Iat-lâm]
路得記的研究 [ Lō͘-tek-kì ê Gián-kiù ]
路得記的研究 雪峰逸嵐 (接4月第9面) 1937年5月626期 10-11 7節：「伊就對徛起的所在出去，兩个新婦佮伊去，行路欲倒去猶大地。」人當覺悟的時看世界的一切攏是空。拿俄米佇這時已經醒，看摩押攏是空虛，無通安慰，無通安歇，寧可踮上帝所祝福的猶大地做這乞食，毋願踮摩押做富翁。(到這霎實在也無富翁通閣做啦)所以就決意連鞭離開摩押啦。人欲脫離罪惡的把縛也著決意，連鞭(=即時)離開，才會用得。拿俄米這時親像聽見主的聲音講，「起來啊！去啊！！遮毋是恁安歇的所在。」(彌迦 2：10)。「恁著離開--伊，離開伊，對遮出來，拌去塵埃，起來坐，敁開頷頸的鎖鏈。」(以...

[1937-6 台灣教會公報 文類-散文 作者-雪峰逸嵐/Soat-hong Iat-lâm]
路得記的研究 [ Lō͘-tek-kì ê Gián-kiù ]
路得記的研究 雪峰逸嵐 (接5月第10面) 1937年6月627期 4-5 這篇的祝詞有應驗，抑無？若將Gô͘-jíⁿ-pa來想伊的結果。頭一擺毋知頭來嫁予外國人，閣破病，閣散凶，死了紲無通食。Taⁿ第二擺敢欲刁故意mah？我想伊欲探聽有搖椅，有懸樓，有田園，會穿洋服，攑suh-咧-kih--的，才欲嫁啦；又閣伊的名是諂媚，所以也會快出身才著(屬世--的)，按呢就有應驗啦。路得lè？閣較好。看落去就知，予咱通知靠上帝的祝福，毋是空空(參考創世記49：)。 Ná-o-bí佇這時閣共in唚喙相辭，in就出聲啼哭。佇這時的啼哭，通講是真情，真意的啼哭；大家遐疼心，新婦遐孝順...

[1937-7 台灣教會公報 文類-散文 作者-雪峰逸嵐/Soat-hong Iat-lâm]
路得記的研究 [ Lō͘-tek-kì ê Gián-kiù ]
路得記的研究 雪峰逸嵐 (接6月第5面) 1937年7月628期 4-6 4. 失敗的答案 14節：「In閣出聲哭；俄珥巴佮大家唚喙(=相辭)，獨獨路德佮伊放袂離」。佇這時的啼哭，心理就無siāng啦。路得的哭，是同情大家，決定毋甘離開的哭。俄珥巴的哭，是勸欲倒轉去的心理的哭；因為伊的心已經振動，試驗的問題佇伊的心內咧拍算盤，無決定的心理通應。所有的答案；就是離開大家倒轉去。佇這站咱請來想俄珥巴的靈程是啥款？伊起頭也是真好；綴大家佮同姒相佮經過患難，苦痛，艱難，悲哀的生活，無有一屑仔的安慰快樂。代先死丈夫，後來死小叔，無翁，無囝。三个守寡的大家新婦，經過淒慘苦痛的...

[1937-8 台灣教會公報 文類-散文 作者-雪峰逸嵐/Soat-hong Iat-lâm]
路得記的研究 [ Lō͘-tek-kì ê Gián-kiù ]
路得記的研究 雪風逸嵐 1937年8月629期 3-6 (接7月第6面) 6. 向十字架的路來行 19節：「對按呢兩人相佮行......」。呵咾主：放拺一切綴主，同心同行，來行十字架的路，困苦的路，散凶的路，受恥笑的路。檢采路裡遇著熟似人欲笑伊戇，綴外國的乞食婆去外國；有爸母親像毋挃，甘願去外國，無依倚，毋但本國的人笑，檢采到猶大也欲予遐的人恥笑，譏刺。路得攏無要緊，直直綴大家來行客西馬尼的路(=悲慘的路)。呵咾主！！！ 20，21節：「這是拿俄米mah？講，莫得閣叫我拿俄米，著叫我瑪拉......出去的時滿足......空空倒來......啥事叫我拿俄米...

[1937-9 台灣教會公報 文類-散文 作者-雪峰逸嵐/Soat-hong Iat-lâm]
路得記的研究 [ Lō͘-tek-kì ê Gián-kiù ]
路得記的研究 雪風逸嵐 (接8月第6面) 1937年9月630期 3-5 4. 聖神的引chhoā。 5─7節：「波阿斯問割麥的頭人......對早起到taⁿ定定蹛遮，只有歇佇厝內霎仔久」。呵咾主，路得踮佇平安的麥園做工，閣得著甚物？就是得著聖神的注意(看顧)。波阿斯到園裡佮工人請安以後；頭一下注目，就是路得，通知人殷勤做工，聖神就欲看顧--咱，連鞭問，這是chī-chuī的查某囝？感謝主，盡忠的工頭，做忠實的報告：(1)這个是摩押的查某囡仔；(2)綴拿俄米倒來--的；(3)伊講，請你准我抾麥屑佇割麥--的的後面......(4)伊就來，對早到taⁿ定定佇遮...

[1937-9 台灣教會公報 文類-散文 作者-雪峰逸嵐/Soat-hong Iat-lâm]
雜錄 [ Cha̍p-lio̍k ]
雜錄 閣寫感想 雪峰逸嵐 1937年9月630期 14-15 1. 有一日看著一隻真肥閣大隻的蜘蛛，佇一支柱佮壁的中間咧經營伊的事業，經一个網真勇真大的，我逐日共伊看，用手共伊揪看覓，伊的絲真韌僫斷。我替彼隻蜘蛛想，穩當欲真濟胡蠅，蠓仔來牢佇遐做伊的食物，因為伊常常佇網的中央咧聽候。有一暝落大雨，隔天光緊閣看，肥閣大隻蜘蛛已經無啦，量必是死啦，因為蜘蛛驚澹，網猶好好，三隻胡蠅牢佇網裡，我巡幾若擺，攏無看著蜘蛛來食胡蠅。忽然間我的心一時真艱苦，就倒佇眠床來想：(1) 蜘蛛遐肥，遐大隻，thài會為著一陣雨就死，來放拺伊的事業？(2)伊所經營的大網，伊才蹛一日niā-ti...

[1937-10 台灣教會公報 文類-散文 作者-雪峰逸嵐/Soat-hong Iat-lâm]
路得記的研究 [ Lō͘-tek-kì ê Gián-kiù ]
路得記的研究 雪峰逸嵐 (接9月第5面) 1937年10月631期 8-10 5. 得著屬靈的疼痛 14節：食的時，波阿斯共伊講，你來遮食餅......食飽猶有賰，閣起來去抾麥屑。」路得毋但得著聖神的引chhoā，閣得著聖神的疼痛，毋但有自由的權通抾麥穗，也有通食，食到有賰，食飽又通閣抾。咱佇主的園內永無欠缺，毋但nā有活命水通止喙焦，也有活命餅通滿足到飽閣有賰。上帝無限量的疼痛，實在咱是袂堪得享受，總是咱會得無條件來享受這款的恩惠，就是因為上帝疼咱，所以咱著好膽進前來享受，親像路得無推辭，食到飽閣有賰。食飽了閣做工，那做工，就是家己那得著，因為上帝的恩賜，任提是袂...

[1937-11 台灣教會公報 文類-散文 作者-雪峰逸嵐/Soat-hong Iat-lâm]
路得記的研究 [ Lō͘-tek-kì ê Gián-kiù ]
路得記的研究 雪峰逸嵐 (接10月第10面) 1937年11月632期 19-21 2節：「波阿斯敢毋是咱的該親mah？伊今暝簸大麥佇五穀場。」咱欲chhoā人歸主，著認識大權能的真神。Ná-o-bí講，「伊是咱的該親」。照猶太風俗，若欲贖回產業--的，著至親才會做--得(利未記25：25)。咱的主耶穌出世佇律法下(加拉太4：4)，來成做咱的兄弟(希伯來2：11)，咱有肉體，耶穌也成做肉體(希伯來2：14)，閣成做有罪的肉體的形狀(羅馬8：3)，按呢就成做咱至近的親戚。所以才有權利通做咱的救贖者，「伊今暝簸大麥佇五穀場」。咱看波阿斯雖是大好額人，猶過真勤緊，本身...

[1926-1 芥菜子 文類-選擇文類 作者-雪峰逸嵐/Soat-hong Iat-lâm]  (2)
自高的會議 [ CHŪ-KO Ē HOĒ-GĪ ]
自高的會議 捌一擺，指頭á teh相爭做-大，攏毋相讓；姑不將開會議來解決這層事。推薦大頭拇做會長，就請各人講起in的意見。Kí指攏無推辭，起來就講。「除大頭拇以外最大路用--ê就是我；無論人欲問路，抑是欲共人講甚物，攏著我共伊指點；設使若無我，欲用甚物來共人講leh？這是我最有路用的證據，我應該著做大。」講了坐落去。中指起來就講，「我毋免講別物，若kan-ta看我的身軀chiah nih懸，chiah nih大，恁攏比我較矮，這就通證明我應該，著坐大位lah！」無名指起來就講，「四位的中間是我第一尊貴，若有結婚式抑是別物的裝飾品就攏掛帶我的身軀。你看現代的社會，攏是榮光，尊貴，好...

[1926-6 芥菜子 文類-小說 作者-雪峰逸嵐/Soat-hong Iat-lâm]  (3)
故事：仁愛的報賞 [ Kò͘-sū: Jîn-ài ê pò-siúⁿ ]
故事：仁愛的報賞 有一个查某囡仔無兄弟姊妹，爸母閣早過世；按呢算是孤單的歹命囝。姑不將就倚伊的叔，受伊照顧。伊的叔是好額的作穡人，有真濟的厝宅、田園、牛羊；也有倩工--的，也有兩个真媠的查某囝。總是這个叔雖然遮爾好額，毋kú看這个侄女攏毋上目；因為伊無爸母閣散鄉，無共伊做侄女款待；就叫伊設法牛奶間，－無論lu̍t牛奶，洗kan仔，摒掃內面，攏著做。佳哉歹命囝真歡喜做攏無怨恨，日過日勤勤做工攏無嫌艱苦。到暗就平平安安睏佇伊的眠床，家己想是親像睏佇王宮內，又閣真gâu體貼人。所以規庄的人攏叫伊「仁愛的歹命囝！」 有一擺，in 叔大收成，辦筵席，請真濟人客，不...

[1926-8 芥菜子 文類-傳記 作者-雪峰逸嵐/Soat-hong Iat-lâm]  (3)
自由女的誤解 [ Chū-iû-lú ê gō͘-kái ]
自由女的誤解 我名叫自由女，我有經過公學，也有卒業高女，阮的同伴有的做銀行員，有的做看護婦，也有的交換手，有的做教員。阮是受解放的自由人，我這馬欲講起自由的特長予大家知我的自由，向望大家斟酌想毋通予我驚--著。 代先欲講我的裝飾，因為這是我做自由第一的要素，－我的頭鬃是梳佮普通人無sio-siāng，我的頭毛是ut 九彎十八oat；不過人若gū著我，若無共我看，我就想是已經退時lah；我的面，除芳粉以外，若無khu-lih-muh (クリーム)也著hò-ka-e̍k (ホーカー液)，我雖然無近視，總是也著掛目鏡，毋是做普通提防 eng-ia，的路用 nā-ti...