[1958-7 台灣教會公報 文類-散文 作者-施謙約/Si Khiam-iok]
蘭嶼教會訪問記 [ Lân-sū kàu-hoē hóng-būn-kì ]
蘭嶼(紅頭嶼)教會訪問記。 遠東歸主巡迴佈道隊：施謙約 報 1958年7月835期 15 遠東歸主，就是以前的 「青年歸主」，後來有一站稱做「遠東十字軍。」In常常用佈道車到全省各地方幫贊教會的佈道工作。本篇記者是嘉中民雄教會施 溪川先生的令郎，toè佈道車到各地方，諒必已經濟濟人捌伊。這pang特別去到蘭嶼，將遐个訪問記報予咱，致意愛共伊說謝，soà向望眾讀者關心佮協助。 佇主的名來請安親愛的兄弟姊姊。感謝主的引chhoā，佇5月，予阮12人去蘭嶼訪問遐的教會，真愛對教會報將去遐的 觀感報予同信的兄姊知，向望同心替in祈...

[1958-7 台灣教會公報 文類-散文 作者-張雲錦/Tiuⁿ Hûn-gím]
玉山聖經書院概況 [ Gio̍k-san Sèng-keng Su-īⁿ khài-hóng ]
玉山聖經書院概況 張雲錦 1958年7月835期 16-17 台灣光復了後，山地的人受解放信仰自由，閣孫雅各牧師對美國閣再來hē力山地的傳道，就得著驚人的成果。孫牧師稟請加拿大母會幫贊經營聖經書院，得著允准了後，就聘請溫榮春牧師做初代的院長。(彼中間的情形前月號林牧師有報詳細，本篇欲省略。) 溫榮春牧師有感覺使命欲牧會，就辭學校的工作，山地宣道處就物色黃嘉盛牧師做初代的院長。(彼中間的情形前月號林牧師有報詳細，本篇欲省略)。溫榮春牧師有感覺使命欲牧會，就時學校的工作，山地宣道處就物色黃嘉盛牧師做第二任的校長。 黃牧師為著學校的將來有辛苦，所培養的學生...

[1958-8 台灣教會公報 文類-散文 作者-編輯人/Phian-chhip-jîn]
祝日本基督教傳教100週年 [ Chiok Ji̍t-pún Ki-tok-kàu thoân-kàu 100 chiu-nî ]
祝日本基督教傳教100週年 編輯人記 1958年8月836期 3-4 日本佇100年前是佮中國siāng款禁止百姓佮外國通往，尤其是外教欲傳教日本敬閣較是受嚴禁。因為300外年前捌有天主教佇日本相當發達，因為彼時日本人信佛教的濟，閣官府度量e̍h，僥疑驚了信天主教的會叛亂。閣天主教也捌錯誤的反抗，致到一時天主教攏受剿滅，留濟濟殘忍可憐的事佇歷史上，了後自按呢佮外國斷絕關係無往來，經過200外年久。到佇1853年，美國派代表toà 艦隊來到日本的港口，請求欲佮日本買賣。日本接著這消息，無koh樣佇眠夢中聽著叫醒的大鐘聲，對頂到下無毋大chhiau-chhe̍k...

[1958-8 台灣教會公報 文類-散文 作者-鄭錦榮/Tīⁿ Gím-êng]
新約聖經佮讚美 [ Sin-iok Sèng-keng kap chàn-bí ]
新約聖經佮讚美 鄭錦榮 1958年8月836期 9-10 本篇前月已經有譯做國文出佇副刊裡。為著愛予毋捌國文的人猶原讀通加添知捌，所以閣出佇遮 「基督教是讚美的宗教」這个定義是妥當，無一項宗教親像基督教遮爾注重讚美，因為咱有話堪得受呵咾的絕對tek的對象，別的宗教in無有彼號會堪得受呵咾的對象。 咱的呵咾根據佇聖經，親像咱的信仰根據佇聖經一樣。舊約的呵咾有人表現講是佇耶和華祭壇前的呵咾通講是佇主基督耶穌的十字架跤的呵咾。舊約時代是呵咾全能的上帝；新約時代是呵咾救主耶穌。咱毋是無呵咾上帝，咱呵咾上帝也通過耶穌基督，這是咱信仰。 今咱這霎對新...

[1958-8 台灣教會公報 文類-散文 作者-T.L.C./-]
男女交陪一管見 [ Lâm-lú kau-poê it koán-kiàn ]
男女交陪一管見 T.L.C. 1958年8月836期 10-11 論這項問題，濟濟人kiám-chhái欲想是teh指未婚的青年男女較大面，既婚的男女較無甚物必要著閣提起這項事來議論。因為在咱台灣的風俗習慣，男女是受授不親；除去為著做親，有人介紹(自由戀愛；較毋好)；受爸母親戚指導，監督的下面來相交陪以外，男女交陪算是無甚物目的，反轉有弊害。按呢講卻也是有理，總是事實上佇今仔日的文明社會，生活逐項真複雜，思想，道德方面愛求進步，理想也懸；所以著愛男女saⁿ-kap合作來圖謀好事，對按呢得著精神上，物質上的生活堅固的基礎，來造就人類社會的幸福。這是有見識，有經驗的人所...

[1958-8 台灣教會公報 文類-散文 作者-陳降昌/Tân Kàng-chhiong]
彼得的生涯佮教訓 [ Pí-tek ê seng-gâi kap kàu-hùn ]
彼得的生涯佮教訓 (接前月號第 10面) 陳降昌 1958年8月836期 11-12 設使彼得若毋是使徒團在內，彼得若無佮其他十个使徒蹛佇樓頂的時，學生中濟濟人欲批評伊的所做，這就是人的性質；設使你的朋友，兄弟陷落佇失敗的時，驚了毋是欲幫贊伊，反轉欲恥笑伊，若彼得離開使徒團的時，kiám-chhái學生的一人講，「到底彼得去佗落」？閣一人欲講，「你愛彼得來遮mah，伊kiám會成功到路尾？」？ 閣一人講，「你kiám無看見彼得行水面，只有幾步好勢nā-tiāⁿ，了後就沉落mah」？ 閣一人講，「彼得這人知知--teh。因為伊所做毋捌一擺成功到路尾。」 猶一个講，...

[1958-8 台灣教會公報 文類-散文 作者-梅家蓮/Muî Ka-liân]
介紹新聖詩 [ Kài-siāu Sin Sèng-si ]
介紹新聖詩 (聖詩委員會梅家蓮) 1958年8月836期 12-15 第 35面。這首就是St.Theodulph of Orleans寫的。伊出世佇意大利，後來有去法國。法國的皇帝Charlemagne設立伊做一間修道院的院長，無久就設立伊做Orleans 的監督 。毋kú 皇帝過身了後，有閣換一个王─ Lo͘is，一擺Theodulph予國王真無歡喜，所以關佇Angers 的修道院。有古典流傳講，Theodulph佇監獄的時有做一首。Tú-tú佇821年的 Palm Sunday(棕樹枝節) 王 Lo͘is欲去禮拜的時對遐過，Theodulph佇監獄內...

[1958-8 台灣教會公報 文類-散文 作者-江萬里/Kang Bān-lí]
管家是甚物？ [ Koán-ke sī sím-mi̍h? ]
「管家」是甚物？ What is a steward？ 江萬里 (接前月號第 11面) 1958年8月836期 15 第 3个責任是著尊重主人的旨意。雖然主人所命令著愛投資的事業，管家的人看做毋好也是著順趁；因為做主人有全權，總是若是無利益，管家的人毋免負責任。因為做管家的人著愛尊重主人的旨意，毋通自專，照家己的意思。主人若無特別的命令，做管家的就著盡伊所會的氣應用所交託伊的，通予主人得著第一大的利益。 第 4面責任是著準備通算數予伊的主人來清算伊所受交託的一切。 第 5面責任，做管家的著愛盡忠對佇管理佮應用。管家的毋是用伊所...

[1958-8 台灣教會公報 文類-散文 作者-張雲錦/Tiuⁿ Hûn-gím]
玉山聖經書院概況 [ Gio̍k-san Sèng-keng Su-īⁿ khài-hóng ]
玉山聖經書院概況 (紲接前號第 17面) 張雲錦 1958年8月836期 19-20 真正通感謝的，就是孫牧師娘也有替學校買一筆土地約一甲兩分，3592 坪，佇Hoa-連市區內，總是離花蓮市約2公理的所在。咱回顧過去的歷史，就是漂流波浪的歷史。所做出來的真濟，確實損失也真濟。對佇咱的無固定，應該著做，躊躇無做，予別的教派有縫通深入是事實。此去的建設，無論心你上 ，抑是物質上，咱著應該抱負佇獨立健全的機構的下面來設計才會用得。 I、著固定。 確定校址，對佇小來做起，逐次進行興建。 II、著獨立。 毋是無欲予人干涉的意思。就是建全來發展大局。著...

[1958-8 台灣教會公報 文類-散文 作者-江天順/Kang Thian-sūn]
泰雅爾教會的發展 [ Thài-ngá-ní kàu-hoē ê hoat-tián ]
泰雅爾教會的發展III (接前月號第 12面) 江天順 1958年8月836期 20-21 I、迫害時期。 6、東部的耶路撒冷花蓮教會。 Chi-oang佇加禮宛傳道理人漸漸濟，有時有袂解決的問題，就叫in去花蓮教會問較清楚。彼時花蓮教會有請高端莊佇遐做牧師，常常有山地人三更半暝來拍門，都受著in彼款追求真理的熱心，來感覺無惜著磨來指導in。彼時也有朱阿生長老，魏玉振長老，曾聰農長老，梁阿標長老，賴南山長老，真正gâu 鬥幫贊牧師，也做山地人的朋友。特別朱長老，魏長老，將in 的厝做逃閃城，來予in bih，予in歇，也佇遐來教示in 的聖經。也注文日...

[1958-9 台灣教會公報 文類-散文 作者-編輯人/Phian-chhip-jîn]
來日本參加會議的感想 [ Lâi Ji̍t-pún chham-ka hoē-gī ê kám-sióng ]
來日本參加會議的感想 在東京編輯人寫 1958年9月837期 3-4 這次記者受派來日本參加基督教文書傳道會議，受東南亞基督教協議會的 招請，佇7月初 10下晡5點半坐飛機出發，到半暝後兩點到東京，到今仔日16號，中間得上主照顧平安，大大感謝。Siāng時感謝會議主辦單位、公報社、總會事務所濟濟的幫忙。阮同行有筆者佮公報社理事蕭樂善牧師佮高十三長老3个，因為蕭牧師手續猶未好勢，猶未到位，臨時得著準備委員會的 諒解，請現時駐在東京的台北中山教會長老李期珍博士來代替。三人攏深深愛感謝上主，紲請安咱教會的全體兄弟姊妹。 阮3人主要是參加亞西亞基督教文書傳道會議，總是...

[1958-9 台灣教會公報 文類-散文 作者--/-]
參加第一屆亞細亞區工業職域傳道會議的報告 [ Chham-ka tē-it kài A-se-a khu Kang-gia̍p chit-he̍k thoân-tō hoē-gī ê pò-kò ]
參加第一屆亞細亞區工業職域傳道會議的報告 1958年9月837期 5-7 我這pang有機會，受總會派去赴第一屆亞細亞區工業職域傳道會議，感覺真光榮。今愛將赴會的情形簡單報告佇下面：─ 主辦：這个會議是東亞基督-教會議(The Eest Asian Christian Conferece)，得著普世教聯佮國際宣道會的協助所主辦的。 日期佮地點：對6月2日到6月13日，佇菲律賓的首都Manila Y.M.C.A。 參加會議的代表：有菲律賓、日本、澳洲、緬甸、香港、泰國、印度、印尼，巴基斯坦、Sin-se-lân佮自由中國(台灣)等15 个國家，派代表來...

[1958-9 台灣教會公報 文類-散文 作者-鄭錦榮/Tīⁿ Gím-êng]
新約聖經佮讚美 [ Sin-iok Sèng-keng kap chàn-bí ]
新約聖經佮讚美 鄭錦榮 接前月號第 10面 1958年9月837期 9 初代教會受窘迫的時信徒也吟詩呵咾上帝，保羅佮Se-lah佇腓立比的監內吟詩的事是真著現的(行傳16：25) 佇教會史上也有濟濟記事teh證明in當迫害時代猶原無受對敵封鎖in呵咾的喙，彼時in也捌到佇羅馬郊外公墓的洞內聚集吟詩做禮拜！ 佇教會受迫害的中間，約翰佇Poa̍t-mô͘ 的海嶼所領受的主的默示，kiám無濟濟讚美mah？ (1) 4：8 「聖哉，聖哉，聖哉」(4个活物所呵咾的)。 (2) 4：11 ，「呵咾全能的上帝」(24 个長老所呵咾的)。 (3) ...

[1958-9 台灣教會公報 文類-散文 作者-江萬里/Kang Bān-lí]
甚物叫做"獻予上帝？" [ Sím-mi̍h kiò-choè "Hiàn hō͘ Siōng-tè?" ]
甚物叫做「獻予上帝？」 江萬里 1958年9月837期 10-11 一般的人是講用祭品佇神的面前了後閣提來做家己的路用，按呢叫做奉獻予神，親像未信者將in家己本人所愛食的物來排佇in所服事的神明的面前，後來就提來家己食，也講是獻祭予in 的神明。佇台北市 5月13日，人會通佇城隍廟前看真濟款的chhiⁿ-chhau 排一條街的長，遮个chhiⁿ-chhau後來攏提倒去請人客，抑是7月半的普渡也是仝款。 咱基督徒奉獻予上帝kiám也是將祭品排佇上帝的面前，了後閣提倒來做家己的路用mah？對聖經內所教示的話得著幫贊，通明白「獻予上帝」真的意義，所...

[1958-9 台灣教會公報 文類-散文 作者-張宏昌/Tiuⁿ Hông-chhiong]
T.K.C.高中學生夏令會 [ T.K.C. ko Tiong ha̍k-seng Hā lēng-hoē ]
T.K.C高中學生夏令會 張宏昌 1958年9月837期 13-14 近來佇報紙上常常看見所謂太保，抑是太妹(太保或太妹)佇社會起事的消息，遮个大半是高中的學生這是事實。佇這个年會是極危險的時期，in是毋成大人也毋成囡仔，心理佮肉體的發達有矛盾，致到常常愛行錯路。 青年處理事會有關心佇這點，所以對今年起，頭一擺來為著高中的學生主辦夏令會，為著我有真早準備，iáu-kú宣傳無徹底。又閣啥知今年各地方的中學的假期無相同，所以代先有小可掛慮成績毋知怎樣？總是感謝主，照預定 7月14日下晡7點，會長鐘茂成牧師主持開會，結果出席攏總有195名，其中男生 104名...

[1958-9 台灣教會公報 文類-散文 作者-江天順/Kang Thian-sūn]
泰雅爾教會的發展 [ Thài-ngá-ní kàu-hoē ê hoat-tián ]
泰雅爾教會的發展 江天順 (接前月號第 21面) 1958年9月837期 15-16 II.自由時期(自由時期)。 佇信仰迫害時代，有時佇厝裡，抑是山洞的內面，抑是著爬樹藤才會通起去的山頂做禮拜，對佇遮个有背十字架的基督徒的感化，濟濟人佇日本警察的威力下面毋敢表明的人，到佇這个光復的時就明明發表lah。彼時親像五旬節的再現，e-e陣陣的高山求道者都用花蓮教會做中心對四方聚集。禮拜堂已經貯袂落去lah，就分早起時平地，下晡山地聚會。彼時也有一擺100 个以上領洗禮，無joā久就有幾若千个領洗禮的信者。彼時吳牧師也真gâu指導，兩月日久開一擺的役員講習班，...

[1958-9 台灣教會公報 文類-散文 作者-偕叡廉/Kai Jōe-liâm]
為著福音失落生命？ [ uī-tio̍h Hok-im sit-lo̍h sìⁿ-miā ]
為著福音失落性命 Kai Joe-liâm寫 1958年9月837期 20-21 佇8月份的教會公報第 3面有一篇論起，「祝日本基督教傳教100週年。」也有一chām講，「若看in 的教會的過去也有為著道理放sak性命。咱台灣iáu-kú無，只有山地花蓮坂谷是頭一个為著道理受死的。」 讀到遮予我記得咱的教會歷史中猶有幾若人也是為著道理來失落性命。今寫幾字來數念in。 (1)佇12月25日1873年，Joē兄出外去Sai-thâu-toé，佇路裡予生蕃thâi。伊是南部人來Tâm-chuí幫贊Kai牧師做主的工。 (2)佇1896年石鄧傳道佇L...

[1926-8 芥菜子 文類-散文 作者-陳清忠/Tân Chheng-tiong ]  (4)
淡中glee club達目的 [ Tām-tiong glee club Ta̍t bo̍k-tek ]
淡中glee club達目的 淡水中學音樂部 glee club 有志十名，為著京都開音樂會的都合，有比預定的期日較早一choā 船起身，就是搭 6月28號出航的 In-phoan丸。七月2號到神戶，彼下晡紲到京都。雖罔頭尾佇遐是9日久nā-tiāⁿ，iáu-kú有得著不止好的機會。彼中間有開5擺的音樂會，也有去kūn-hū不止濟所在見學。 其中通特記的，就是有去大阪參觀朝日新聞社，也有去無電放送局演奏。 本然打算愛踮較久，通看看較濟所在，不幸有人拄著破病，姑不將著較早轉來。七月11號離開神戶，搭 Lia̍p-hō͘丸，15號早起到基隆，...

[1926-8 芥菜子 文類-散文 作者-陳清義/Tân Chheng-gī]  (4)
基督教佮佛教的研究 [ Ki-tok-kàu kap Hu̍t-kàu ê gián-kiù ]
基督教佮佛教的研究 世間的宗教，毋但一款，派別真濟，照學者所研究，聚集歸類，通講有3大類。 I. 蠻族tek宗教。 II. 一國 tek宗教。 III. 世界tek宗教。 啥物號做蠻族tek宗教？就是親像火教，多神教。 啥物號做一國tek宗教？就是親像希臘教，道教。也啥物號做世界tek宗教？就是基督教、佛教、回回教這款。 今這三个教，雖然平平稱做世界tek宗教，總是無攏總有救世主義的宗旨佇teh。回回教佇台灣無，毋免講，kan-ta將基督教佮佛教來講： 照咱所知基督教是救世主義的宗教，佛教是厭世主義的宗教。今...

[1926-8 芥菜子 文類-散文 作者-陳清忠/Tân Chheng-tiong ]  (2)
耶穌的十字架 [ Iâ-so͘ ê si̍p-jī-kè ]
耶穌的十字架 現時愛耶穌的天國的人，伊的數是濟，總是歡喜pē伊的十字架的人是到極少。 愛求耶穌慰安的人，也是濟，若是求伊的苦痛的人嘛是少。 有濟濟人佮耶穌同桌，總是少少人欲佮伊saⁿ-kap守禁戒，(禁戒) 萬人向望愛欲佮耶穌saⁿ-kap享樂，但是為著耶穌來忍受萬事的人是真少。 愛求耶穌所peh的餅的人是濟，若是歡喜lim伊的苦杯的人是少。 濟濟人尊敬伊的神跡，少少人忍受「恥辱的十字架。 無苦痛的中間，疼耶穌的人是真濟；閣再耶穌賞賜in 慰安的時，人人呵咾，人人感謝。毋kú設使耶穌若離開in tiap-á久，就隨時跋落不...