[1953-12 台灣教會公報 文類-散文 作者-鄭兒玉/Tēⁿ Jî-gio̍k]
二十世紀烏暗大陸的使徒Su-î-sài-ní [ Jī-cha̍p sè-kí o͘-àm tāi-lio̍k ê Sù-tô͘ Su-î-sài-ní ]
二十世紀烏暗大陸的使徒Su-î-sài-ní1953.12 780號 p.22-23(鄭兒玉)11月1日頂晡禮拜煞，teh看新聞的時，發現著Su-î-sài-ní(史懷哲)賞著1952年度的諾貝爾 (Nobel) 和平賞金的記事。感覺若親像家己的代誌，按呢歡喜到袂顧得，隨時走去報人知。也彼e晡講道的題目臨時變更做：「二十世紀烏暗大陸的使徒Su-î-sài-ní」(Albert Schweitzer)。 伊是佇1875年1月14日出世佇德國佮法國的國界。現在78歲。伊有家己寫傳記，叫做「我的生活佮思想。」 伊的老父是牧師，老母也是牧師的查某囝。伊佇這个敬虔的信仰家庭佮3个姊妹，1个小弟做伙大漢。...

[1951-5 台灣教會公報 文類-散文 作者-林再添/Lîm Chài-thiam]
雜錄：美國烏人學校享受Hia̍p-khek夫人的遺產 [ CHA̍P-LIO̍K：Bí-kok O͘-lâng ha̍k-hāu hióng-siū Hia̍p-khek hu-jîn ê uî-sán ]
雜錄II.美國烏人學校享受Hia̍p-khek夫人的遺產1951.05 749號 p.16(林再添譯)這篇消息，就是對美國新聞處的電稿翻譯--的:「已經過往的美國財政家，也是慈善家Hia̍p-khek（Harkness）的夫人，佇A. D. 1950年6月6日過往，根據伊的遺言，有將6000萬銀的美金，捐送予逐款的公共團体佮慈善機關。「出名的烏人學校Thah-sū-ki-kia̍t(Tuskegee）佮普通的工業學校，也有通享受彼中間的2500萬銀美金；紐約市的長老教會病院佮嬰兒病院，也會通接受伊的遺產的一部份。「Thak-sū-ki-kia̍t學校，就是佇美國的南部阿拉巴馬州（Alabama...

[1959-7 台灣教會公報 文類-散文 作者-高瑞士/Ko Suī-sū]
靈修 祈禱 [ Lêng-siu Kî-tó ]
祈禱1959年7月847期 p.10-11(高Suī-sū)遮的祈禱是高牧師對「普天崇拜」編譯出來的。咱的公報社捌發行「每日的祈禱」予人得著相替代禱的指導；若是這篇卻是通佇公眾ê所在á是私人ê祈禱做參考，幫贊。內容逐篇通講攏是親像珠，親像玉的祈禱例。Prayer, for Public Worship------from Bo͘k of Common Worship, Hong Kong edition.1959求清氣心的祈禱-----Invocation Almighty God, unto Whom all Hearts be Open全能的上帝，凡若人的心，佇主的面前無毋顯明，心內所囥的...

[1952-5 台灣教會公報 文類-散文 作者-江守仁/Kang Siú-jîn]
介紹聖畫 [ Kài-siāu Sèng-oē ]
介紹聖畫「最後的晚餐」1952.05 761號 p.19-20(江守仁譯)1943年8月，美軍空襲意大利的米蘭（Milan）地方的時，有兩粒炸彈hiat佇15世紀所建築的聖瑪利亞修道院。真佳哉，彼的世界出名，最寶貝的牆壁有繪彼世紀最出名、最寶貝文西先生（Leonardo da Vinci）最大作品「最後的晚餐」。這張名畫佇15世紀出世以來常常遇著種種的危險，到今已經有三、四百冬，猶過佇彼塊壁予眾人呵咾稱讚。十五世紀尾，米蘭大公爵Ludovico Sforza的宮廷，是歐洲出名媠的一个。這个刣死皇帝篡位的統治者真好學藝。伊請真濟真有學問的學者、醫生、美術家，佇伊的宮內。為著欲利用in的才能；常常...

[1947-11 台灣教會公報 文類-散文 作者--/-]
見學：地球的事，你攏捌無？ [ Kiàn-ha̍k：Tē-kiû ê sū, lí lóng bat bô? ]
見學地球的事，你攏捌無？1947.11 第707號 p.11-12攏，是無。大略，是有。我來加講一屑仔，請罔聽。地球圖面有畫一choā一choā，有坦直choā，也有坦橫--的。這號做度。全球面有360 choā，就是360度。對南到北的choā，號做經線；對東到西，號做緯線。緯線上北抑是落南，是對赤道線起。經線出西，抑是入東，是對格林威治（Greenwich）的子午線算起 (這條子午線的起點，是佇倫敦郊外泰晤士河邊的港，遐有格林威治的天文台)。對遐算入東，東經120度，就是台灣的位置。人欲分割土地，抑是天文事，抑是駛船的人攏對重這號度數。學生teh問，台灣頂晡9點，也佇日本頂晡幾點？人毋免扑...

[1949-10 台灣教會公報 文類-散文 作者-謝經/Chiā Keng]
白話字的問題 [ Pe̍h-oē-jī ê būn-tê ]
白話字的問題1949.10 第730卷 p.3(南投：謝經)青年團契的代表對台南的夏令會倒--來，有teh報告講，關係白話字的問題，有一部份的人teh主張講：「白話字是無必要。」我聽了不止艱苦。講「白話字無必要」就是講「台灣話無必要」。因為白話字佮台灣是袂通分離--得的。（請看台南冊房所發行巴博士的傳記《バアクレイ博士の面影》）。 以前我也捌聽見有台灣的青年teh講：「白話字的聖經無合用；因為讀了較袂通明白彼的意思。」我聽也不止gông-ngia̍h，因為伊毋知，袂通明白意思的原因，是因為毋捌台灣話的緣故。伊也毋知，白話字的聖經是台灣話最好的文學。 實在今仔日的台灣，普遍的現象；就是台灣人袂曉...

[1949-11 台灣教會公報 文類-散文 作者-鄭兒玉/Tēⁿ Jî-gio̍k]
T.K.C.羅馬字推行部會籌備委員會 [ T.K.C. Lô-má-jī Chhui-hêng Pō͘-hoē Tiû-pī Uí-oân-hoē ]
T.K.C.羅馬字推行部會籌備委員會1949.11 第731期 p.6(鄭兒玉報)這pang T. K. C.夏令會，有得著議長以及籌備委員會的好意，為特別開關係羅馬字的集會三擺，予咱通知陳議長以及籌備委員會的諸位先生有「先見之明。」佇這三擺討論會的結果，羅馬字是對台灣教會的將來真有重要性，所以著愛佇T. K. C.佇內面組一個羅馬字推行部會。 (詳細請看董教授所報--的)。因為欲應這個聲的關係，佇七月30日13點，佇台南神學院的講堂，有開T.K.C.羅馬字推行部會籌備委員會。這個部會的主旨是：1.佇全台的教會推行羅馬字的教育，予凡若屬佇台灣基督長老教會的人，無一人袂曉讀經，詩。2.計劃欲發行...

[1950-11 台灣教會公報 文類-散文 作者-胡文池/Ô͘ Bûn-tî]
研究：Bunun聖經翻譯的經過 [ GIÁN-KIÙ：Bunun Sèng-keng hoan-e̍k ê keng-kè ]
研究Bunun（ブヌン）聖經翻譯的經過1950.11 743號 p.8-9(胡文池)Bunun(布農族)是踮佇台灣山地的一族，原早佇新高山的附近，現在遷徙到台中、高雄、花蓮、台東的山地。In是文化最低的人，到3年前無有入中等學校的人。In雖然會講日本話，總--是袂曉讀日本話的聖經到明白。若愛引chhoā這款的人來信主，著愛用聖經來翻譯做in的話，閣用甚物來予in徛在佇四正的信仰。所以佇三年前，山地宣道會長孫雅各牧師，用這个翻譯Bunun聖經的工交代我的時，我隨時歡喜承受，總--是一方面也驚了擔當這个工袂起。這霎簡單報告彼个經過予恁知。一、準備1947年的9--月，我有對大甲教會來關山。因為遮有...

[1947-4 台灣教會公報 文類-散文 作者--/-]
無講，無人知 [ Bô kóng, bô lâng chai ]
無講，無人知1947.04 第700號 p.1-2欲講甚物？光復印書局的事業。這間啥人設--的？原本是巴克禮博士。伊家己會曉抾字，印冊，就買遮的印冊的器具種種來下佇新樓。差一人名Sa-á去廈門學印冊；以後得著一人孫耀雲來學習，對按呢起工印報紙。印冊的所在號名聚珍堂。到佇有一cha毋，幾若个報紙聯合做一个，這間才稱做台灣教會公報社。佇1941年4月，受日本人禁止，停刊，到1945年，11月2日，閣開辦，就改名光復印書局；對遮發刊的報紙，猶原名台灣教會公報。現在是甚物人teh料理這間？是高金聲，個人。教會有偌濟資本助贊--伊？無，常置委員會kan-ta講，將公報社印冊的ke-si佮厝，借某人，來發...

[1947-10 台灣教會公報 文類-散文 作者--/-]
見學：地球 [ Kiàn-ha̍k：Tē-kiû ]
見學地球1947.10 第706號 p.12古早人teh想咱這個世界有幾若款，今記一兩項就好。有的講，咱所徛起的地，親像海嶼浮佇水面，四圍攏是水，地形屈曲。所排列遮的海嶼造做福氣的海嶼。踮遐徛起的人，有極大漢的人，也有極細漢的人。有女人國、大耳國、穿胸坎的國，閣有鬼怪佇遐。這是西洋的思想；東洋猶原有佮這大同小異。 印度人講，地有12枝柱thuh--teh，才袂lap--落去。佛教的人，就用按呢來勸人著做好。人若做好，無厭siān，柱就歷過久久，袂朽爛。人若做毋好，地的柱teh欲倒，對一人予眾人受災禍，按呢敢通？主後700外年，有一出名的讀冊人，名彼得，講，咱所徛起的地，形親像雞卵；踮佇天地的中...

[1947-12 台灣教會公報 文類-散文 作者--/-]
見學：田嬰你有常看著無？ [ Kiàn-ha̍k：Chhân-eⁿ lí ū siông khoàⁿ tio̍h bô? ]
見學田嬰你有常看著無？1947.12 第708號 p.11常，無規年攏有。不論佇台灣，抑是唐山都攏有看著。身軀有六枝跤，兩對翅，大閣薄tiah。色緻有的赤、有的綠。飛的力真大、緊親像風。頭殼有兩蕊目睭膨出閣通光。這目睭是假--的，創按呢，是欲扑生驚別物的活物。真目睭佇喙phoé--裡，真細。喙闊，喙phoé硬，所以gâu咬物。伊所食的物，是蠓仔、胡蠅、尾蝶，彼款的蟲thoā。性情貪食，一點鐘久，會食幾若十隻。囡仔常常愛拈田嬰，著勸伊毋通。因為田嬰是teh食害蟲，有利益咱。咱捌看著田嬰teh飛，近水面，身軀拗曲，用尾仔tam水。彼是teh生卵。伊秋天放卵，到明年春天才孵出。卵落佇水內，或是黏佇石...

[1935-7 台灣教會公報/芥菜子 文類-散文 作者-汪宗埕/Ong Chong-thêng]
賑災記 [ Chín-chai-kì ]
賑災記1935.07 第604卷 p.28-29芥菜子 第114號(紲接前號)。(汪宗埕)前4月21號的震災，算是罕得有的大強震，信者中濟濟人teh拍算敢是末日--啦，有人佇田裡teh做工，看見土地是膨懸起來，才閣沈--落-去；我是感覺親像teh沈--落-去的款式，一時有烏暗佮hú-hú吼的大聲，真是怪現象。 這款的強震，愈堅固的厝宅，通講彼个破壞是愈厲害，我拄著這款的經驗，深刻感覺人無通誇口伊的厝宅堅固，佇世間是絕對無有安穩佮堅固的所在，完全是倚靠上帝才有平安的生存（行17:28）。上帝的受氣kan-ta才2秒久若定，人尚且擔當袂牢，何況將來永遠的審判，人thái-thó會堪得擔當啊！所以人...

[1935-7 台灣教會公報/芥菜子 文類-散文 作者-鄭鐵/Tīⁿ Thih]
數念故林Lîn長老 [ Siàu-liām Kò͘ Lîm Lîn Tiúⁿ-ló ]
數念故林Lîn長老1935.07 第604卷 p.30芥菜子第114號(鄭鐵)林Lîn長老是里lāng教會員林書襄兄的老父。看囝兒的熱心佮信德，就知老父的信德佮熱心，通數念來歸榮光主上帝。佇3月7日，伊的第3囝林書啟君佮潘--氏月金女士欲舉行結婚式。今年拄是伊61歲，順這个機會伊的囝欲共伊祝壽。不幸佇未享受雙喜的前初4，暗車去玉里買辦，彼暗佇旅館起病 (腦溢血)。到天光初5早起 8點，看著長老娘佮伊的囝的時，安心永眠好睏，享壽61歲。3月初6 e晡2點，佇伊的厝舉行告別式；赴式的人有200左右。若是講起林Lîn長老，就南部較老的先生抑是牧師攏捌--伊。因為伊18 歲的時離開本鄉去斗六，彼時佮劉...

[1935-12 台灣教會公報/芥菜子 文類-散文 作者--/-]
恁毋通激囝兒的受氣 [ Lín m̄-thang kek kiáⁿ-jî ê siū-khì ]
恁毋通激囝兒的受氣1935.12 第609卷 p.25-26芥菜子第119號佇新約以弗所第6章頭站有論孝道的道理。論孝道是東洋做第一要緊的道德，所以講：「萬惡淫為首，百行孝為先」，意思就是講萬項的歹是姦淫做頭，也百項的品行就是有孝做代先。所以東洋對古早就看孝道做第一要緊，若袂曉有孝，是看做禽獸像款。今論這層孝道，看做品行中是排佇代先，這卻是逐家公認的道德，總--是論起孔子所教示的孝道彼个教育法，對咱基督教共伊看是不完全；就是袂會予做囝兒的人盡伊的孝道。因為所教示--的，攏是叫囝兒著絕對的服從、順趁父母。攏無講起做父母的人著怎樣來予伊的子會通行佇孝道。若是基督教就毋是按呢。咱若看以弗所 6章1節...

[1935-12 台灣教會公報 文類-散文 作者-林金柱/Lîm Kim-thiāu]
雜錄 黃香的目屎 [ Cha̍p-lio̍k N̂g Hiong ê Ba̍k-sái ]
雜錄II.黃香的目屎1935.12 第609卷 p.14-15(林金柱)故黃香是舊城教會最初的信者，就是開基祖。43歲的時因為小弟愛共人偷牽牛，雖然兄弟分居，猶過人欲牽伊的牛拄數。本身生做小枝骨，用武力擋人袂牢，就想步去旗後聽道理，靠西洋人的勢頭，經過1年久平安。A. D. 1872年chhoā李庥牧師來設教會佇現時的舊城；城內崎跤觀音亭廟的倒爿稅1坎店聚集。彼時愛靠勢的人真濟來聽。同年9 月15日，只有黃香1人領洗禮，其他無 1个有誠實反悔的心，致到教會無好名望，袂興旺，擋無5年就關--起-來。今黃香逐禮拜著行舖路去旗後，楠仔坑抑是鳳山四界禮拜；經過27 年久無厭siān，無放煞。這庄的中間...

[1935-1 台灣教會公報/芥菜子 文類-散文 作者-林清廉/Lîm Chheng-liâm]
現在的平埔族佮A-mi族 [ Hiān-chāi ê Pîⁿ-po͘-cho̍k kap A-mi-cho̍k ]
現在的平埔族佮A-mi族1935.01 598卷 p.23-24芥菜子第108號(林清廉)Teh欲講起現在的事，也著講淡薄過去的情形來接紲。因為我有讀著12月號的教會報，有1篇替平埔族teh辯解in的冤枉，我的心不止受感動，所以寫這篇專專來論宜蘭的平埔族(也後來紲論東部的A-mi族). 宜蘭的平埔族，本有36社，40外年前，in的人額不止濟，到尾也真興起。彼霎in真富裕，因為in有「公租」、「私租」通收。就是舊政府的時代，有特別款待。佇逐社的附近的土地，漢人若去開墾，到生成的時，每年著納租，交in的頭目。頭目除公費以外，賰--的，著照丁、口，分予逐戶。(彼時教會的經費，無對個人題，攏是頭目對公...

[1935-5 台灣教會公報/芥菜子 文類-散文 作者-林清廉/Lîm Chheng-liâm]
現在的A-mi族 [ Hiān-chāi ê A-mi-cho̍k ]
現在的A-mi族1935.05 第602號芥菜子第112號 p.23-24(林清廉)A-mi族，就是踮佇東台灣企起的原住民，in 原本面無刺字，也無刣人的風俗；in所踮，是佇平洋山跤的所在，所以人共in分別是「低山番」（別款，原本男女，面攏著刺字，也常常愛刣人，生活是踮佇山內，所以人共伊分別是「懸山番」 ）。 今我所teh 講--的，是專講「低山番」（A-mi族）；對洄瀾港到台東，一逝平洋以及沿海邊，四界攏有A-mi族teh 企起（大約有倚5萬），論in的生活，全部是耕農，袂曉做生理，查甫--的，有時愛掠；查某--的，攏著作穡。 論教育，官府佇逐所在攏有共in 設公學校，閣佇逐个番社有設夜學，...

[1935-6 台灣教會公報/芥菜子 文類-散文 作者-劉阿秀/Lâu A-siù]
震災的慘景 [ Chín-chai ê Chhám-kéng ]
震災的慘景1935.06 第603卷 p.27-28芥菜子第113號(劉阿秀)4月21日早起6 點khòng 鐘，忽然地大動，彼日我佇獅潭，蹛佇蘇春盛執事兜，伊的厝是2層的厝，我佇樓腳睏，抵欲起床，抵著地大動，伊的厝liâm-piⁿ倒--落來，我緊匿佇門徛，才免受死，伊的家內佮我共11人，只有我佮春盛的大囝12歲受傷，其餘--的9人攏無受傷，這明明是上主的保護。獅潭的庄有幾十戶若定，通講厝攏倒--去，咱的拜堂也倒--去，彼所在有現死幾若人，我有受傷佇頭殼佮手，春盛的囝也是佇頭殼佮身軀受傷，人事不省。厝倒的時，我佇樓腳活埋，地動煞，才對厝孔爬--出來，我的傷經過10外日，就攏好，真感謝上帝。 地...

[1926-8 芥菜子 文類-散文 作者-郭水龍/Keh Chuí-lêng]  (1)
諒解 [ Liōng-kái ]
諒解 芥菜子第 6號「喜出望外」欄內羅居的目睭內障的病。蘭醫生佮馬偕醫院無共伊手術是因為猶未熟，請列位著諒解。...

[1960-1 台灣教會公報 文類-散文 作者-蘇天明/So͘ Thian-bêng]
向初代教會來學習 [ Hiòng chho͘-tāi kàu-hoē lâi ha̍k-si̍p ]
Normal 0 0 2 false false false MicrosoftInternetExplorer4 /* Style Definitions */ table.MsoⁿormalTable {mso-style-name:表格內文; mso-tstyle-rowband-size:0; mso-tstyle-colband-size:0; mso-style-noshow:yes; mso-s...