[1927-6 芥菜子 文類-散文 作者-偕叡廉/Kai Jōe-liâm]  (3)
活活埋 [ oa̍h-oa̍h tâi ]
活活埋 Nî牧師去佇印度傳教濟濟年久。轉去英國的時，一位朋友對伊講，Nî牧師你佇印度的時常常拄著風險的事，請你講淡薄分阮聽。Nî牧師講，好，我講淡薄。我佇印度的時，捌踮佇喜馬拉山的山跤。佇彼所在有不止濟西藏人帶物來táu換，因為西藏是印度的隔壁國。我也學淡薄西藏的土音，後來紲會曉傳道理予in遮的人聽。遮个人平素是佛教，不止對重西藏的活佛。 有一日我tú-teh傳道理的時，忽然聽見一个西藏人teh叫我。伊講伊的老爸破病真傷重teh欲死，愛我緊去安慰伊，紲傳主的福音予in聽。我就佮伊做陣去。佇路中有4个西藏人也佮我做陣行。到阮入佇西藏國的地界，這幾人隨時出手共我掠，紲用索仔縛我。後來拖我...

[1927-6 芥菜子 文類-散文 作者-陳瓊琚/Tân Khêng-ku]  (3)
論佇家庭中祈禱的力 [ Lūn tī Ka-têng-tiong Kî-tó ê La̍t ]
論佇家庭中祈禱的力 論做老母的人彼个責任實在是真大。所以若無得著上主的幫贊，的確無向望會成就做老母彼个重大的使命。上帝佇耶利米33：3，有應允講，「你求我，我的確應，指示你本事，神的奧妙袂測度，恁未捌聽見」。所以親像teh指揮大家族的老母，有時的確有彼款盡oh得辨理的家內事，所以做老母的人的確著欠用料理家內，得當的才情。因為有時著用智識、吞忍、疼痛佮同情等等，就是照彼時彼時所著欠用的法度，因為有是定著會拄著真oh得設法的所在。親像佇這款oh設法的時陣，老母心肝著清靜，也著謹慎本身的舉止行動，閣著不時用對主來祈禱，因為伊是gâu體貼軟弱的，gâu幫贊人的，閣是gâu 慰安佮gâu賞賜智識予人...

[1927-6 芥菜子 文類-散文 作者-雪峰逸嵐/Soat-hong Iat-lâm]  (3)
兒童欄上帝的guâ [ 兒童欄 Siōng-tè ê gâu ]
兒童欄 上帝的 gâu。 (雪峰逸嵐) 通疼的囡仔兄、囡仔姊。我佇舊年11月第 10號，有佮恁講一項事，恁會記得袂？若袂記得，著hian第 10號的 「芥菜子」就連鞭會想著，就是智識的源頭，我有講欲閣講予恁聽因為有濟濟代誌，也去廈門，閣過來猶原未有時間通kia̍h筆，總是真掛心，對恁真失禮，今無要緊，請赦免，chím-moá欲閣佮恁講lah。 今欲佮恁講啥物？請你拜託恁阿娘，恁阿姊讀15號的本報。「造化的奧妙」予恁聽，紲解說較淺較明，恁才聽會曉，(也請有心佇兒童宗教教育的爸母，歡喜佮恁的囝兒談論)。 囡仔兄、囡仔姊。恁信mah？敢有影萬物是上帝創造--的？有人講，萬物是盤古 kia...

[1927-6 芥菜子 文類-散文 作者-張基全/Tiuⁿ Ki-choân]  (3)
砂糖製造工業 [ Soa-thn̂g chè-chō kang-gia̍p ]
砂糖製造工業 (張基全) 糖的歷史：-古早人欲得著甜的味，是對食逐款的果子佮食蜂蜜來得著，了後才知影講對甘蔗會通得著糖。 今到底這項甘蔗第一起頭是佇啥物所在發生，咱無確實的證據歷史通予咱知。有人傳說講是中國第一早有，總是照歷史所記載。Herodotus (ロドタスヘ)時代就是主前327年亞力山大王拍印度國的時東印度就有the種甘蔗，總是彼時種甘蔗是欲做神佛的祭物，抑是做藥，抑是做食的路用，猶袂曉製糖的法度。到紀元 500外年的時才會曉製糖，所以有人講印度國是甘蔗佮糖的起源地，後來傳去波斯阿拉伯，彼時伊的名是叫做Saccharum (サツカラム)後來有運去希臘、羅馬，彼時是叫做印度鹽，價...

[1927-7 芥菜子 文類-散文 作者-陳清義/Tân Chheng-gī]  (3)
重頭生的要緊 [ Têng-thâu-siⁿ ê iàu-kín ]
重頭生的要緊 約翰3章3節。 耶穌佇世間的時。有一个猶太的官吏名叫Nî-ko-tì-bú，暝時來就近伊。主耶穌用重頭生要緊的道理來教示伊，佇聖經的中間，教示人的道理有真濟；總是會入人的耳空，動人的心肝，無毋是這款。按呢這款的道理，正是救世的良言，也是人生必要的大問題。主耶穌講出這款的道理，不但關係Nî-ko-tì-bú，也關係佇咱大家。怎樣號做重頭生。 重頭生毋是人的重出世，就是jîn-lêng 的新生，因為人的罪惡深重，雖罔活，親像死，逐个著洗心悔罪，改惡遷善，出力除去舊時所染著的污穢，來進行自新的路，親像死的閣活，按呢號做重頭生。 按呢這个重頭生的道理真大要緊，是做咱人所向望來世...

[1927-7 芥菜子 文類-散文 作者-陳添旺/Tân Thiam-ōng]  (3)
我攻擊牧者羊群就四散 [ Goá kong-kek bo̍k-chiá iûⁿ-kûn chiū sì-soàⁿ ]
我攻擊牧者羊群就四散 馬太26：31；可 14：27，撒迦利亞13：7。 這句話啥物人講的？耶穌。啥物時講的？欲臨難的時講，來警戒學生。啥事按呢講？是愛引先知撒迦利亞得著上帝默示的預言；代先指明彌賽亞欲臨到，後來果然有。紲受人攻擊來成神的旨意。伊的學生欲四散逃走。 毋但指學生四散，也指猶太boa̍t-kéng的時，百姓欲拄著災殃，欲滅無，到三份的兩份，留 teh 的一份是遐的誠實的。因為這个先知是，當猶太欲boa̍t-tiâu 的時代。彼時風俗真腐敗，強的欺負軟弱的，大食細，欺貧重富；有高位的貪心，受人的布賂(有錢者，無錢者死)。 無照公理teh行做，欺負sàn-hiong人，致到有...

[1927-7 芥菜子 文類-散文 作者-陳能通/Tân Lêng-thong]  (3)
光的色緻 [ Kng ê Sek-tì ]
光的色緻 (續接第二號) 咱常常捌看見真媠的五彩色照佇壁裡。這是因為淡薄的光線，若通過三角玻璃的時，會曲折顯出遐媠的色緻。有時淡薄的日出，若拄好照佇鏡裡的 斜角，會生起這號現象。這款的例，佇自然界也是真濟。第一壯麗、偉觀的就是「虹」請看cheh！落西北雨了後，抑是欲做風颱的時，常常看見彼條五彩色的帶顯出，來裝飾佇空中裡。實在是到極媠?！照聖經所記載，「虹」是上帝佮挪亞的後裔，以及地面的活命，所立的記號(創世記9：8-17)。 遮媠的現象是怎樣來成的 leh？這是太陽照佇空中的水蒸汽的時，光線佇細細的水粒的內面，曲折反射來成的。愛明白這號現象的原因，著知淡薄論起光的 性質。 咱會看見逐...

[1927-7 芥菜子 文類-散文 作者-楊將、劉天來/Iûⁿ Chiong、Lâu Thian-lâi]  (3)
佈道團的消息 [ Pò͘-tō-thoân ê siau-sit ]
佈道團的消息 五月五日，北部傳道局的佈道團有去竹南近後龍庄的地方佈道；機會不止好，記幾若項佇下底：- 1、五日，劉天來、楊將；宣導婦杜氏這三人到āu-lâng koe-ī-pān佈道的場所；第二日就去探庄長、保正，以及官界，紳商各方面。 2、對六日起，佇街內連連佈道十八暗；逐暗有兩百左右人來聽道理；中間有二十外人真致意逐暗來聽，其餘的是來來去去無定著，是親像聽心適nā-tiāⁿ；總是來聽的人較濟有照in 的良心講，基督教的道理實在較著，所講，逐項真有理。 也有去大庄講三暗，每暗有兩百外人來聽攏真肅靜，大人對頭聽到尾。另外一个中晝時來這庄講，來聽的較濟是婦人人佮囡仔，也有四五百人，聽也攏...

[1926-8 芥菜子 文類-散文 作者-陳清忠/Tân Chheng-tiong ]  (2)
耶穌的十字架 [ Iâ-so͘ ê si̍p-jī-kè ]
耶穌的十字架 現時愛耶穌的天國的人，伊的數是濟，總是歡喜pē伊的十字架的人是到極少。 愛求耶穌慰安的人，也是濟，若是求伊的苦痛的人嘛是少。 有濟濟人佮耶穌同桌，總是少少人欲佮伊saⁿ-kap守禁戒，(禁戒) 萬人向望愛欲佮耶穌saⁿ-kap享樂，但是為著耶穌來忍受萬事的人是真少。 愛求耶穌所peh的餅的人是濟，若是歡喜lim伊的苦杯的人是少。 濟濟人尊敬伊的神跡，少少人忍受「恥辱的十字架。 無苦痛的中間，疼耶穌的人是真濟；閣再耶穌賞賜in 慰安的時，人人呵咾，人人感謝。毋kú設使耶穌若離開in tiap-á久，就隨時跋落不...

[1926-8 芥菜子 文類-散文 作者-陳清忠/Tân Chheng-tiong ]  (2)
名人的祈禱 [ Bêng-jîn ê kî-tó ]
名人的祈禱 （I） Samuel Johnson (1709－1784) O主ah，你的手掌管生佮死，對佇你的氣力我通得著徛在，也對佇你的恩典通得著赦免，求你用憐憫àⁿ落來看我。你所命令我著做的義務，到今我有放做袂要緊，空空過日，全然無勞碌來完成你的旨意，求你赦免我這款貧惰的罪。求你予我會記得逐日是你所賞賜--的，應該著照你的命令來用彼日。所以求你予7我深深反悔貧惰的罪，通對你得著恩典，也通經過，你猶饒我的性命佇世間的中間，也來勤勉勞碌佇你的聖旨，倚靠耶穌基督。心所願。 (II) Anselm (1033－1109) O我的主，我的上帝ah，求你賞賜我全心所意向愛欲得...

[1926-1 芥菜子 文類-選擇文類 作者-編輯部/Phian-chip-pō͘͘]  (2)
十字語猜 [ SI̍P-JĪ-GÚ CHHAI ]
十字語猜 近來佇逐所在「十字語猜」真流行。這款的猜！不止會加添人的趣味佮利益。本報的紙面若會容允，常常愛出這款猜來加添讀者學聖經的機會。 欲開這款的猜著用鎖匙，所以請列位參照下面所拜的鎖匙，緊緊來開這个金庫，通成做一个大富翁： (圖格) 鎖匙 坦直 1. 路得的ta-ke。 2. 使徒雅各的老爸。 3. 上帝對天落甚物？ 4. 尼哥底母稱呼耶穌甚物？ 5. 猶太人佮tah落的人無往來？ 6. 耶穌用甚物約予咱？ 7. 新約的一本。 8. Chī-chuī予人用石tím死？ 9. 得著大恩的...

[1926-1 芥菜子 文類-選擇文類 作者-雪峰逸嵐/Soat-hong Iat-lâm]  (2)
自高的會議 [ CHŪ-KO Ē HOĒ-GĪ ]
自高的會議 捌一擺，指頭á teh相爭做-大，攏毋相讓；姑不將開會議來解決這層事。推薦大頭拇做會長，就請各人講起in的意見。Kí指攏無推辭，起來就講。「除大頭拇以外最大路用--ê就是我；無論人欲問路，抑是欲共人講甚物，攏著我共伊指點；設使若無我，欲用甚物來共人講leh？這是我最有路用的證據，我應該著做大。」講了坐落去。中指起來就講，「我毋免講別物，若kan-ta看我的身軀chiah nih懸，chiah nih大，恁攏比我較矮，這就通證明我應該，著坐大位lah！」無名指起來就講，「四位的中間是我第一尊貴，若有結婚式抑是別物的裝飾品就攏掛帶我的身軀。你看現代的社會，攏是榮光，尊貴，好...

[1926-7 芥菜子 文類-散文 作者-蕭樂善/Siau Lo̍k-siān]  (2)
用血成就和平 [ ēng huih sêng-chiū hô-pêng ]
用血成就和平 歌羅西1：20 保羅講和平的工已經成了。佇遮伊毋是愛干證人佮上帝和的事，就是愛報咱知成和平是用啥物法度。這句和平就是親像朋友為著事拍歹感情紲無往來，咱牽in 的手予in相牽，怨恨煞，朋友情閣生起。今上帝無要緊人的陷落罪，伊歡喜將伊十字架的血做和平的法度。咱通想兩項： 1、 怎樣上帝歡喜用伊的囝的血佮死來成就和平。 2、 怎樣用十字架的死。 3、 怎樣上帝歡喜將伊的囝的血佮死來成和平。這款的法度tú-tú是合佇上帝的心肝。伊是慈悲的上帝，也是公義的上帝。伊照公義治理天下。人已經陷落罪，今愛成和平的事，無比用伊的囝的血佮死閣較好較合的法度。所以伊歡喜將完全的...

[1926-6 芥菜子 文類-散文 作者-郭水龍/Keh Chuí-lêng]  (2)
婦女服裝 [ Hū-lú ho̍k-chong ]
婦女服裝 (台日新聞抄譯) 婦人人的衫穿佇風俗有大關係。本島婦人人的衫褲，本然較古派、樸實；近來上海，福州的衣服逐日流行奢侈，奇奇怪怪的款。第一快受in 的傳染的，是台灣遮的藝妓娼妓。衫短蓋後面袂密，褲短蓋跤頭u袂密；佇街路行真怪狀，徛家的婦人人雖然無攏學--伊，也是有受著傳染；風俗有大煩惱。就女學生雖無遐奢華也是有染著，卒業了做女教員所穿也是野樣；有的學西洋式，ām領闊，衫身oe̍h，種種奇怪的服裝。 女子文明是在佇學問、道德，毋是在佇衣裳的新奇。願女子愛做教育的主宰著盡力注意。歐美的風俗真奢華，遐个文明國也毋是掠新奇做貴氣，猶原著重風俗改良最要緊。...

[1926-6 芥菜子 文類-小說 作者-陳清忠/Tân Chheng-tiong ]  (2)
一滴一滴的水 [ Chi̍t tih chi̍t tih ê chuí ]
一滴一滴的水 (續接前號) (11) 守錢奴 一个守錢奴將伊一tè金角 tâi佇土內，也逐日去遐看來做快樂。有一日知伊彼tè金角予人偷提去，真傷悲，就出大聲吼。隔壁的人看見伊按呢就共伊講。「請免傷悲，提這tè石頭tâi佇彼空，也想彼tè是金，就彼tè石頭，對你來看佮黃金是相同；因為黃金佇彼空的時，你都攏無用--伊。」 教示 咱不時teh聽寶貝的真理，毋知有幾个提利用彼个寶貝？若是有入無出，心內所積聚的真理，佮彼tè石頭有啥物kò樣？！著行！！ (12) 驢佮螽斯 (蟋蟀) 這日，一隻驢仔聽見濟濟隻螽斯 teh唱歌，in 的聲音予...

[1926-8 芥菜子 文類-散文 作者-陳瓊琚/Tân Khêng-ku]  (2)
消夏談 [ Siau-hā tâm ]
消夏談 東京震災 佇新聞紙上閣看見佇3號東京又閣再拄著不止大的震災，因為震動約有3 分久，算是不止大動。 論地動，若佇台灣kiám-chhái有較稀罕，總是若是內地是平常事。 這陣所欲寫的，卻毋是欲記這擺的，是愛寫佇三、四年前彼个古今未捌有的大震災。大正12年9月1號佇東京拄著大地動，是咱所會記得--的，彼時我猶佇京都teh勉強。咱大家較濟是想京都是ná親像真近東京的款，毋kú其實相離差不多通講是台灣頭到台灣尾的兩倍遠；所以毋是佇近近講隨便欲看就行去看。總是我有朋友對東京報我知，按呢雖然無本身去，iáu-kú也是會知影；閣後來亦有出版彼號...

[1926-1 芥菜子 文類-散文 作者-李水車/Lí Chuí-chhia]  (2)
著學蚼蟻 [ TIO̍H O̍H KÁU-HIĀ ]
著學蚼蟻 　　貪憚ê人ah！啥事毋看蚼蟻來學伊ê智慧！」箴言6:6. 　　所羅門是智識ê人，伊叫人著學蚼蟻ê智慧。蚼蟻是至細ê動物，有啥物thang予咱學，有深深ê意思佇teh。照現時ê動物學者teh研究蚼蟻，論伊ê家庭逐項有次序、有房間、有粟倉；會相刣，也有嫁娶。若看樹頂ê蚼蟻岫，就知實在真有智慧，逐項真堅固，親像炮台ê款。蚼蟻有啥物智慧？斟酌來想幾若款：－ 　　1. 蚼蟻ê勤儉。 　　a. 蚼蟻ê骨力。逐日勤勤做工，暗時也做無煞。論伊&e...

[1926-5 芥菜子 文類-散文 作者-陳清義/Tân Chheng-gī]  (2)
基督徒的品格 [ Ki-tok-tô͘ ê phín-keh ]
基督徒的品格 咱大家知影對反悔信主了後就是做基督徒，抑是講做拜上帝的人。有這項真要緊著照顧。彼項是啥物？就是品格。基督徒欲予伊品格較純全、較高尚；著學啥物人的模樣？著學主耶穌的模樣。因為伊有完全的品格通予咱學，以外無；總是咱欲學到親像主耶穌的品格，是真oh得。毋kú也是著出力來學，上少也著學3項。這3項是基督徒不能免著有--的。這3項是啥物？ 1、仁愛的品格。 論仁愛的心是基督徒所應該著有。主耶穌有行完全的仁愛，咱著出力來學。伊佇世間所行逐項事攏是用仁愛做根本，不論是教示人、醫治人、拯救人，攏是對伊仁愛的心來顯出。咱著學伊，就會得著仁愛的結果。照保羅所講，...

[1926-5 芥菜子 文類-散文 作者-郭水龍/Keh Chuí-lêng]  (2)
婦女tháu-pàng [ Hū-lú tháu-pàng ]
婦女tháu-pàng 現時男女平等的議論，毋但佇社會上宣傳地位、教育、權利、平等；就佇咱教會內閣較著代先開放；因為男女平等是人類同享的福氣。 1、婦女的地位。婦女的性受男性壓迫，彼个歷史有3000外年；若是稽考社會學，古早的社會用女性做主宰，就母系的時代，當時所生的囝兒只知有老母，毋知有老爸；因為老爸規年出外，囝兒罕得見伊的面；老母10月日懷胎，3年久飼奶，無一時離老母，老爸無擔當責任所以較毋bat--伊。後來家內人ná 濟，婦人人因為生育的關係，袂會出外趁食；一概所欠用的食穿攏對丈夫來，按呢可憐的婦人人失落獨立的氣力；就將母系變做父系；對遮漸漸失勢，做成一个無形...

[1926-5 芥菜子 文類-小說 作者-陳清義/Tân Chheng-gī]  (2)
一滴一滴的水 [ Chi̍t tih chi̍t tih ê chuí ]
「一滴一滴的水」 (紲接以前) (7) 神佮車夫 有一个人駛一隻馬車，載真濟物，經過爛溝糜的細條路；因為車輪牢土糜。，所以馬拖攏袂進前。 為著按呢，這个人。全然無勞碌，隨時跪落佇土糜頂，大聲hiu神來幫贊。 神就應講，「貧惰的人ah，將你的肩頭掛佇車輪，出力照所會來sak，按呢iáu-kú若著欠用我的幫贊，我就歡喜聽lah ！著會記得彼句俗語講，「天幫贊自助的人。」 教示 常常聽見人teh祈禱的時，所求佮這款siâng類--的不止濟。「爸ah，你的福音到台灣已經五十外年久lah！但是來信你的人是真少。求你著將你的神開啟 in 的心，予in緊緊來佮阮相佮行這條天的路，通來得...