[1933-6 台灣教會公報/芥菜子 文類-散文 作者-陳瓊琚/Tân Khêng-ku]
對gâu人的好教示 [ Tuì gâu lâng ê hó Kà-sī ]
對gâu人的好教示 (陳瓊琚) 1933. 06. 579卷，pp. 23-24 (1) 古早話有一句講，「桃李不言，自下成蹊。」 意思是講，有桃仔佮李仔的所在，自然無路，亦liâm-piⁿ會變成一條路。我teh想，咱教會怎樣有彼款禮拜堂著關起來的所在？亦有專心teh傳道理的先生，到尾著煞伊傳道理的工。若是為著欲換事業，卻是不得已，m̄-kú有人是為著教會無進步的因端，著煞伊的工。拍算。有人是講為著無口才通說教，有的講是地方的人硬心，總是咱的主到逐位攏有人來綴伊，雖罔有人反對伊，iáu-kú濟濟人愛揣伊。照我teh想，若有疼人的精神佇teh，的確逐位有人愛揣拜堂的先生，聽...

[1933-6 台灣教會公報/芥菜子 文類-散文 作者-明有德/Bêng Iú-tek]
這人ná樹一般 [ Che lâng ná chhiū chi̍t poaⁿ ]
這人ná樹一般 聖詩第6首(詩篇第1篇) (明有德) 1933.06. 579卷，pp.22 這篇詩篇是甚物人寫--的？無親像別篇，寫頭序佇頂面講甚物人寫，á是著怎樣來用，總是讀了知影彼个作者是佮自然界不止熟似。伊對自然界所揀來做譬喻的，實在心適，就是「露」，「風，」「粗糠，」「溪，」「樹，」「果子。」遮的攏是台灣平常的物。所以咱台灣人較快明白這篇的意思。 總是這个作者所講起的，毋是kan-ta自然界所有一款的物nā-tiāⁿ。伊是愛用自然的物譬喻這款的人。就是「離開歹人道路」的人，佮「予風吹親像粗糠，」á是親像「栽佇溪水邊的樹。」Taⁿ若知影伊所指起甚物款的樹，就較明白伊...

[1933-7 台灣教會公報/芥菜子 文類-散文 作者-明有德/Bêng Iú-tek]
我聽耶穌的聲講明 [ Goá thiaⁿ Iâ-so͘ ê siaⁿ kóng-bêng ]
我聽耶穌的聲講明 明有德 1933.7 芥菜子第90號p.22 Horatius Bonar，這首的作者，是蘇格蘭的牧師；出世佇Edinburgh，伊的家族佇蘇格蘭的教會真出名，因為佇兩百年的中間，毋捌這擺無這个姓Bonar做牧師佇彼个教會的界限的界限內；就是逐代有做牧師。 伊的老爸是海關的官；真有學問的人，伊逐方面有趣味，亦熱心佇教會。 Bonar Edinburgh讀中學校，大學佮神學校。出業了有予Edinburgh，聖雅各的教會，請伊做傳道來幫贊in的牧師。 二九歲的時，有予別位Kelso的教會，請伊去做in的牧師。 三十五歲，彼个教會聯合的時，伊有離...

[1933-8 台灣教會公報/芥菜子 文類-散文 作者-戴仁壽/Tè Jîn-siū]
樂山園雜報 [ Ngāu-san-oân Cha̍p-pò ]
樂山園雜報 戴仁壽記 1933.08 (芥菜仔第91號) p.22 佇1928年11月，總督府有出許可予咱通募集金來起這間治療園來治療照顧癩病患者，舊年有延期閣兩年。到本年六月中全島有toê Y89,413,97有交現今Y60,411,47，按呢歹揀去的時陣成績未歹，實在通感謝上帝的大恩。猶閣有倚三萬箍袂交，向望若有讀報的人猶未交，拜託緊交，予工事緊成，真拜託。佇遮愛共男女老幼說真多謝，不論教會內會外，因為遐爾好意贊成咱的救主所交代的事業。 佇1931年六月中，有買所在通起療養所。 佇彼年十一月有受政府的許可通起厝。紲兩月日久有人反對無愛病院佇遐；總是感謝上帝，彼號反對袂成。 佇1...

[1933-9 台灣教會公報/芥菜子 文類-散文 作者-柯設偕/Koa Siat-kai]
逐方面得著福音 [ Ta̍k hong-bīn tit-tio̍h Hok-im ]
逐方面得著福音 1933.09 (芥菜子第92號)p.25-26 柯設偕 I.政治家得著福音 早，政治家尼哥底母，暗時來見耶穌(約翰3：1-21)。彼時伊真小膽。總是受主教訓聖道了後，聖神幫贊伊的氣力，佇眾人的面前好膽為著主做干證(約翰7：50，51)。毋但按呢，佇主受難的時，閣較好膽提芳料安葬主(約翰19：39-41)。這敢毋是靠主得著恩典mah ？！ II.軍人得著福音 早，軍人(武官)哥尼流，佇該撒利亞做Pek-hu-tiúⁿ。祈禱的時，天使降落，呵咾伊的祈禱已經有得著主的紀念，紲指示伊差人去Iok-phàⁿ，請彼得指示救人的道理。彼得來傳道理了後，毋若伊得著救，也全...

[1933-9 台灣教會公報/芥菜子 文類-散文 作者-吳天命/Gô͘ Thian-bēng]
聽上帝的話的人 [ Thiaⁿ Siōng-tè ê oē ê lâng ]
聽上帝的話的人 Siáu-kiā To-hiông 吳天命譯 1933.09 582卷 p.21-22 聖冊是上帝的話，是聽上帝的話的記錄。在這點不論新約抑是舊約攏有一致。舊約的先知以賽亞明明得著上帝指示伊上帝的話的時，用「天著聽！地著聽！耶和華講..................」這款有權威的宣言大膽向百姓來傳上帝的話。原來先知人攏是予上帝的神所醉的人，有講「毋是我講，是上帝踮佇我咧講。「這款確信的人。閣再siāng時也的確是義人，家己有實行道德生活的人。現今的話來講，就是國事。真正的國事，就是著愛聽上帝的話，來實行倫理德生活佇伊的身軀的人。對按呢想起來，以賽亞若做現今的人也是好。...

[1933-9 台灣教會公報/芥菜子 文類-散文 作者-黃六點/N̂g La̍k-tiám]
雙連教會 [ Siang-liân Kàu-hoē ]
雙連教會 少年少女的布棚生活 1933.09 (芥菜子第92號) p.24 黃六點 雙連主日學的先生佮12歲以上的學生，共24名。佇7月12號起，4日間，有去八里岔樂山園キャムブ(Camp=幕營生活)期間雖是短短，猶閣利益真大，大家真活動，真趣味。12號頂晡7點半佇拜堂禮拜出發，坐發動機船到淡水，佇神學校歇睏。彼下晡閣坐渡船過去八里岔，4點外到樂山園。到位的時，看著景緻遐好，遐爾涼，大家真歡喜，雖是行路真瘦，總是有清涼的水泉予阮真爽快。阮已經得著元氣，大家就去giâ枋，提磚做桌，椅，佮眠床，也連編鞭設法煮飯。工雖是真濟，總是協力去做，就真緊清楚。食暗飽，做禮拜煞，8點外就去...

[1933-9 台灣教會公報/芥菜子 文類-散文 作者-偕叡廉/Kai Jōe-liâm]
東西南北 [ Tang Sai Lâm Pak ]
東西南北 1933.09 (芥菜子第92號) p.23-24 偕叡廉 (1)這幾年，猶太國不止大進步。工場漸漸那加添。現時佇咧製造玻璃、鐵器、布、電器的物品，佮濟濟款樹奶的物；雪文、麥、餅佮濟濟款的油也有咧製造。 (2)佇約旦河有發電所。佇死海有提出濟濟鹽以及puî-tan，值錢無數萬。 農業也真發展。舊年所出的柑仔有200萬箱今年按算會出400萬箱。種柑的所在一甲著2500箍。 (3)猶太國無偌大。田園是咱台灣一半大若定。 (4)天主教不止愛起大間禮拜堂。現時佇英國咧起一間。工事按50年久。若起好，會坐得10000人。經費按3000萬。 (5)台灣有6款的毒蛇，...

[1933-10 台灣教會公報/芥菜子 文類-散文 作者-明有德/Bêng Iú-tek]
天下遍遍逐邦國 [ Thiⁿ-ē piàn-piàn ta̍k pang-kok ]
天下遍遍逐邦國 明有德 1933.10(芥菜子第 93號) p.21 這首詩，就是逐國的教會所愛吟的，是一个英國聖公會的牧師做的。Reginald Heber，出世佇1783年。少年的時，有去Oxford大學讀冊。24歲的時，有受教會的監督派伊去做牧師。佇一所在做工16年久，伊常常真愛鼓舞教會較出力佇異邦宣道的事。有一擺，為著愛幫贊特別講演會的精神，伊有做一首詩。 論伊怎樣做這首詩，Heber牧師娘後來有寫親像下底按呢： 佇1819，有收著當局的批講，著提緣來幫贊東洋的宣道會。Heber先生有去一所在聽人講道理。伊到位的時，彼个牧師有拜託伊做這首詩來做過早起禮拜的路用，...

[1933-11 台灣教會公報/芥菜子 文類-散文 作者-陳瓊琚/Tân Khêng-ku]
對gâu人得著好的教示 [ Tuì gâu-lâng tit-tio̍h hó ê Kà-sī ]
對gâu人得著好的教示 陳瓊琚 1933.11 (芥菜子第94號) P.24 (1) 林肯大統領，有一早起拄欲抿伊家己的皮鞋的時，有一個秘書提要緊的 su-luī來欲見的時，倚佇門邊有一個人咧抿鞋。起頭無注意，後來閣斟酌看，才知是林肯總統的人毋通做這款下賤的工。設使若予人看著，就會予人看輕。總是大統領笑笑應伊講，抿鞋有啥物通見笑的事mah？無論是大統領，抑是抿皮鞋的人，攏是為著人類的利益咧做人的工課 ( Public servant)。閣講，佇世間無有卑賤的職業，只有彼款下賤的心肝的人爾爾。實在論職業毋通分別高低，勞動是神聖。有人分別人是對職業，這是真無合道理。若是正當的職業攏通...

[1933-11 台灣教會公報/芥菜子 文類-小說 作者--/-]
Sīm-chiok的祈禱 [ Sīm-chiok ê Kî-tó ]
Sīm-chiok的祈禱 1933.11 (芥菜子第 94號) P.26 瑞芳教會有這个主日學的查某囡仔，名叫Sīm-chiok。今年七歲，猶未讀公學校，因為年尾囡仔。所以真細漢，跤手也真細支；總是記持真好，真賢讀冊，真好膽。若做救主誕的時，攏有peh去台頂唱歌，比遊戲，念救主的來歷，念真長；致到予聽的人攏著驚，講彼个查母囡仔是啥物人的，kán 遐賢。 Taⁿ這个查某囡仔Sīm-chiok 毋若gâu，閣真乖，真溫柔，予逐人真疼伊。這pang有拄著破病真傷重，伊的父母有chhoā伊去入台北市林外科病院。對入院大概經過倚一禮拜久，熱攏無退攏是39 度外。伊的父母心肝真...

[1933-11 台灣教會公報/芥菜子 文類-散文 作者-明有德/Bêng Iú-tek]
上帝原本是我牧者 [ Siōng-tè goân-pún sī goá Bo̍k-chiá ]
上帝原本是我牧者 1933.11 (芥菜子第94號). P.22 (聖詩7首，詩篇23篇) 明有德 全世界毋知有一篇詩，比這篇予較濟人捌也無？扑算敢無。毋知有別篇比這篇較合世間人的心所愛也無？扑算無。毋知有別篇通比這篇較舊的，也是通做較新的？毋知有別篇遐爾短，包含遐爾濟真理？ 怎樣按呢？因為作者的生活是真簡單的；親像台灣田庄的生活。雖然這个作者是出名的詩人，雖罔伊踮佇平常的生活中，猶閣予伊真正滿足。所以通伊是大的人格者。 這个作者真知影人的性情。伊知一般人的艱苦。伊本身捌受艱苦，就是伊猶未信耶和華的以前。到捌耶和華以後，無閣再予艱苦阻擋著伊的信仰。伊猶原真捌人。...

[1933-12 台灣教會公報/芥菜子 文類-散文 作者-柯設偕/Koa Siat-kai]
天堂佇佗位 [ Thian-tông tī tó-uī ]
天堂佇佗位？ 193.12 (芥菜子第95號) p.22 第1回 柯設偕 天堂佇佗位？ 天堂是一个所在，毋是干焦空想爾爾，是有一個一定的所在。 主耶穌基督佇約翰14章有講起，伊的「父的家」。伊去是欲共咱備辦所在，後來伊欲閣來接納咱歸佇伊，予咱佮伊踮佇遐(約翰14：1-4)。 這站聖經所講的，通予咱知天堂是一个實在的所在。 當主耶穌上天的時，伊有帶伊的身軀去。 聖經講，血，肉的體，袂會能承受上帝的國。 所以咱所疼的主，佇十字架頂流血了後，當伊閣活的時，就講起伊閣活的身軀講，「神魂無骨，無肉，照恁看見，我攏是有」(路加24：39)。 主耶穌閣活了後，伊血肉的體，已經變做...

[1933-12 台灣教會公報/芥菜子 文類-散文 作者-偕叡廉/Kai Jōe-liâm]
東西南北 [ Tang Sai Lâm Pak ]
東西南北 1933.12 (芥菜子第95號) p.25-26 偕叡廉 照南京神學校長所報告，伊的本校將來欲設法真齊備，因為有得著一个美國人的寄付金兩千萬(Y20000，000)。 現時猶太國有百外萬人，中間20萬是猶太人。 前無偌久有掘著索羅門王的馬寮佮伊所造的路。路是用大石來鋪。馬行到萎去的痕攏猶佇teh。看聖經就知，彼時索羅門有濟濟馬。 佇波斯國有掘著聖經所講，Kó͘-lia̍t佮Tāi-lī-a-王的王宮。石柱真懸，真媠，攏猶佇teh。以外有揣著濟濟款的金器佮磁器；也有掘著濟濟石像佮字。證明聖經所記載的，是實。 近來德國不止歹款待伊本國的猶太人...

[1933-12 台灣教會公報/芥菜子 文類-散文 作者-柯設偕/Koa Siat-kai]
咱的信經 [ Lán ê Sìn-keng ]
咱的信經 柯設偕 1933.12 (芥菜子第95號) p.23 這擺建成同會成立禮拜式的順序的中間，有一項不止特色，就是佇禮拜的時，會眾有一同讀「信經」。 (請讀「建成同會成立禮拜式」彼篇)，紲將這个「信經」做建成同會的目標。 這个「信經」有應佇咱所咧用的聖詩的頭前。(總是其實咱真罕得讀)。 這是咱的 「信經」是表明宣明咱的信仰。 無論啥物團體，攏有伊的主張目標。所以咱教會應該著有咱的「信經」。 今咱這个信經，就是按呢： 信經 我信全能è父上帝，創造天，地的主宰。 閣信伊獨生的囝，咱的主耶穌基督。伊對聖神的官能投胎，對在室女瑪利亞出世；佇Pún...

[1934-3 台灣教會公報/芥菜子 文類-散文 作者-柯維思/Koa Î-su]
馬偕紀念病院的由來 [ Má-kai Kì-liām Pīⁿ-īⁿ ê iû-lâi ]
馬偕紀念病院的由來 (柯維思) 1934. 3，no. 588，pp. 25 台北雙連(宮前町) 「馬偕紀念病院」的由來，我愛寫淡薄：- 這幫馬偕紀念病院，是佇1912年，拄拄是北部教會設教40週年禧年會有開佇馬偕病院，就是做北部設教40週年的紀念事業。 宋醫生佮教士會員，有對加拿大母會秉請愛起一間病院，通來紀念偕牧師。所以母會有歡喜贊成，就寄付五萬銀來起。稱做「馬偕紀念病院。」所以咱通記得，就是台北這間「馬偕紀念病院」，是設教40週年禧年會的時開--的。亦是咧記念偕牧師-馬偕博士。 論淡水拜堂邊彼間舊的「偕醫館」的由來佮台北馬偕紀念病院無相同。 偕牧師起頭來淡水，佇18...

[1934-4 台灣教會公報/芥菜子 文類-傳記 作者-陳清義/Tân Chheng-gī]
故林添火長老的略歷 [ Kò͘ Lîm Thiam-hé Tiúⁿ-ló ê Lio̍k-le̍k ]
故林添火長老的略歷 (陳清義) 1934.4，no.589，pp.31 艋舺教會的長老林添火兄，佇57年前有出世做艋舺教會的林Gōng長老的囝。得著伊的老父的栽培，佇細漢的時就領洗禮。到16歲的時，就是41年前，有去淡水入神學校研究神學，聖經，備辦通做傳道理的人。彼時相佮讀冊--的有21名，這中間有人退學，有人煞工，有人過身，到今仔日所賰猶teh做工--的只有兩個，就是蕭安居牧師佮鄙人。阮大家受偕牧師的教養，林長老對彼時就真gâu做人的朋友，熱心綴主。過幾若年後，偕牧師就派伊去佇板橋社後禮拜堂做傳道師，直接傳主的道理。後來因為都合上，就離開直接傳道的工，來奉這做巡查，勤務佇板橋支廳幾...

[1934-5 台灣教會公報/芥菜子 文類-散文 作者--/-]
論三的說 [ Lūn Sam ê soat ]
論三的說 1934.5，no.590，pp.26 論三，的數額有較深的意思，又閣是重要的所在，也是真闊，想古早佮現今中外有人士進化史才攏是按呢。 今代先用咱的到，來講基督教經典有三位一體，救主佇曠野捌經過三擺受魔鬼chhì-iú，也路尾擺佇Khek-se má-nî-hn̂g三擺流目屎懇切祈禱。 得著最後的得勝，十字架放拺身軀，三日閣活。又閣立萬世袂無去的其中，使徒的時代，聖神降臨一日，捌有相千人受洗近倚基督。 　舊約有Ná-á三個囝，排列分土地予in徛起承接後世。A-pek-lia̍p-hán迎接三個天使佇伊家己的厝佮神交陪做朋友。 Iok-ná三日三暝佇大魚腹肚內，後來...

[1934-6 台灣教會公報/芥菜子 文類-散文 作者--/-]
論三的說 [ Lūn Sam ê soat ]
論三的說 (接 590卷 26面) 1934.6，no.591，pp.26-27 中國自古早有三王的教示，佮三代的興盛，現今的人也呵咾無煞。孔子有三公，做人倫的本元，閣有吾日三省，做修身的金律，也有三思而後行的戒規，有守三年無改的制度，勉勵的話。 大禹三擺經過伊的門，就無入去，是為國亡身，後來的人稱伊做聖君。 孟子的老母為著愛教訓伊的囝成做有名，就三擺遷徙伊的厝宅，人稱伊做賢母。 劉，關，張，三結義佇桃園，關的功勳也有三朝元老。文學派也有連中三元。朝天子的確有三呼萬歲，拜聖賢的確三跪九哭頭。 以上所講，攏有記載佇歷史上。也有聖賢所講，君子有三畏，畏天命，畏大人，畏...

[1934-7 台灣教會公報/芥菜子 文類-散文 作者-吳天命/Gô͘ Thian-bēng]
孤寡養老會拜託 [ Ko͘-koáⁿ ióng-ló-hoē pài-thok ]
孤寡養老會拜託 (會計：吳天命) 1934.7，no.592，pp.26 列位同屬主的北部所屬兄弟姊妹尊鑒平安。 咱的教會中，有一個孤寡養老會咱的教會中，拍算列位較濟攏知影。這个會，就是teh替咱的教會的牧師，抑是傳道師的守寡人，以及細漢的孤兒，佮告老的老牧師佮傳道師，來設法淡薄的金錢通予in領去用。今這个錢對佗來？就是較早欲創設這个會的時，有募集一寡錢。今現時每月是對遮的錢的利息，佮牧師。傳道師每月的納金，來發出這條錢。總是請咱記得，牧師，傳道師的薪金是少，in每月所納--的也是少，猶閣利息金所受--的，也無偌濟。所以照現時每月攏無夠額，每月著侵the̍h所有的母金；按呢這會...