[1964-4 台灣教會公報 文類-傳記 作者-王占魁/Ông Chiàm-khoe]
我所尊敬數念的師友 [ Goá só͘ chun-kèng siàu-liām ê su-iú ]
我所尊敬數念Ê師友 論黃俟命牧師(III) 王占魁 1964.04.15. 932 期 P.9-10 4.伊teh疼人是真盡心。 佇鹹水ê時；伊卒業無久伊感覺，咱無chhāi公媽牌，無俗化ê做忌，予未信者真嫌，伊就設一本家庭族譜，準備好勢，叫一个會友王 Kim-lêng設法去印，出版來賣，利益金， 兩割做教會ê利益。去印ê時，編輯者將Ng Sū-bēng換伊王 Kim-lêng，利益伊beh獨得，一下kā講：伊紲受氣，黃牧師毋kā推銷，紲賣袂得去，tūn本，受氣黃牧師，beh告黃俟命牧師，牧師直直讓伊， beh佮伊和，伊ná好款，做魔鬼直通用武力，實在是雨對天直beh潑落...

[1964-4 台灣教會公報 文類-散文 作者--/-]
數念故人 [ Siàu-liām kò͘-jîn ]
數念故人 1964.04.15 932 期 P. 11-12 故陳旺牧師 佇70年前，為著讀聖經，驚序大人反對，點油cha̍h (用菜油來點ê燈)佇棉被內偷讀聖經，也佇14歲受洗歸主。後來佇25歲獻身予主，入台灣神學院(1902年)。對hit時起一世人為主做工，熱心傳福音到死，做主ê老奴僕陳旺牧師，佇3月11日，得著主ê旨意，煞伊所交代ê工，轉去天國，享壽87歲。 伊是吳威廉牧師ê頭一个學生，對29歲起伊就去徛教會，經過18任， 16位牧會：頂雙溪，鳳林，新竹，宜蘭，Sin-nā-han (平埔教會)，Ki-hu-lun (平埔教會)。後來有閣入神學院研究一年，南崁，新竹，蘆洲，墩仔...

[1964-5 台灣教會公報 文類-傳記 作者-王占魁/Ông Chiàm-khoe]
我所尊敬數念的師友 [ Goá só͘ chun-kèng siàu-liām ê su-iú ]
我所尊敬數念Ê師友 論黃俟命牧師 王占魁 1964.05.01 933 期 P.10-11 猶較偉大ê，是Tân Kam-bo̍k先生ê老母，無歡迎道理；有一個牧師對清水來龍井揣Tân先生，因為ta̍uh-ta̍uh去，in老母就出頭趕彼个牧師。N̂g牧師去，代先也無歡迎，若是N̂g牧師用疼心，用溫柔ê感化，聖靈ê工作，到後來竟然老人也入信領洗禮；閣歡喜獻伊所疼ê千金嫁予N̂g Tong-bat做牧師娘。 6.猶一項毋通無講ê，就是伊ê講道。 伊毋是想著就講：伊是有系統，有組織，有秩序，有目的，有分段，有分項，這禮拜紲通知後禮拜ê聖經佮概要，為著按呢，有甚物牧師忽然來...

[1964-5 台灣教會公報 文類-散文 作者-康佳音/Khng Ka-im]
啉水治百病 [ Lim chuí tī pah pīⁿ ]
啉水治百病 康佳音 1964.05.01 933期 P.13-14 我會記得過濾寶猶未佇教會特約推銷ê以前，已經有廣告，也佇市面推銷，價數是一个150.00 (後來佇教會賣180.00，實在傷貴，雖罔有講將所趁ê錢beh做佈道ê路用，猶過著佇150.00 ê內面來提出chiah著)。雖罔有說明書，也有濟濟廣告，ná親像推銷袂行ê款。年外前，我有一個朋友去特約推銷提一个beh來賣我，我看hit-ê構造簡單，毋相信hit-ê過濾ê力量hiah大(照說明書， 細菌，鹽分攏會得除去，有機質a-mô͘-nî-a (ammonia)質也可以除去，差不多若有過濾寶就毋免hiâⁿ滾水，啉生水真安全，甚...

[1964-5 台灣教會公報 文類-散文 作者-吳弘毅/Gô͘ Hông-gē]
加爾文的生平佮影響 [ Ka-ní-bûn ê seng-pêng kap éng-hióng ]
加爾文(sic) ê生平佮影響 吳弘毅譯 1964.5.15 934 期 P.4-6 今年ê 5月27日是長老會ê創設人加爾文（華譯：加爾文）過身ê 400週年，所以介紹伊ê生平佮影響來記念伊。 (編輯室)。 (I)加爾文 ê生平： Iok-hān 加爾文 (John Calvin， 1509--1564)是法國ê宗教改革家佮神學家。佇Pí-ka-tī(Picardy)省ê Nô͘-ióng市 (Noyon)出世，人愛伊來做教會ê工，所以佇12歲ê時，就將牧師薪水予伊。總是只有一項ê交代，就是伊著愛剃頭毛為僧。對1523年到1528年伊佇巴黎讀神學，總是對1527年...

[1964-6 台灣教會公報 文類-傳記 作者-王占魁/Ông Chiàm-khoe]
我所尊敬數念的師友 [ Goá só͘ chun-kèng siàu-liām ê su-iú ]
我所尊敬數念ê師友 梁TÎM佮伊Ê太太 王占魁 1964.06.15 936期 p.11 梁Tîm，冊名是占德，是彰化縣秀水鄉人，彰化教會出身者，佇1901年入神學校，1905年畢業，佇鹿港佮十五莊 (二水)做傳道不過四年久nā-tiāⁿ，就佇1908年29歲過身，為著伊做傳道無久，所以捌伊ê人真少，hiah少人捌ê人來講起伊ê來歷kiám毋是人較袂注意，卻有影，無講無人捌，向望講了毋若捌伊，閣會欽仰伊。 1.入神學校ê以前。 佇beh入神學校ê願書裡有問： 1)你有得救重頭生ê體驗á無？ 2)你有救人ê使命感á無？ 3)你佇教會有甚物奉仕á無？ 這三項，梁...

[1964-7 台灣教會公報 文類-傳記 作者-王占魁/Ông Chiàm-khoe]
我所尊敬數念的師友 [ Goá só͘ chun-kèng siàu-liām ê su-iú ]
我所尊敬數念Ê師友 梁TÎM佮伊ê太太(2) 王占魁 1964.07.01 937 期 P.9-10 3.傳道時代 伊畢業了佇鹿港佮十五莊 (現時ê二水)不過只有四年，就受上帝召回天家，若是伊雖然死，到taⁿ猶teh傳道，就是梁秀德牧師，吳天賜牧師娘，林川明牧師娘佇教界teh活動，按呢無各樣，就是梁先生teh傳道。梁秀德牧師佇27,8歲teh傳道ê時，伊ê聲音佮形容，teh講道面容佮鼻，目，喙，行踏一承伊ê老父。耶穌講：伊是上帝ê像，梁 秀德牧師也是in老父ê像。佇40外年前捌老蘭醫生ê人，經過40外年後ê今仔日，看著少年蘭醫生就講：40外年前ê蘭醫生，當時ê老蘭醫生已...

[1964-7 台灣教會公報 文類-傳記 作者-王占魁/Ông Chiàm-khoe]
我所尊敬數念的師友 [ Goá só͘ chun-kèng siàu-liām ê su-iú ]
我所尊敬數念Ê師友 梁TÎM 佮伊ê太太 王占魁 1964.07.15 938期 P.8-9 2.得著孝子。 後生已經做牧師，兩个查某囝攏做牧師娘，伊做老母ê責任已經完了，所以有時佇後生遐，有時去查某囝遐，看in有盡職teh saⁿ-kap興起福音á無？佇80歲ê時，佇大查某囝遐失斟酌跋倒，座骨斷去，毋若袂行，連翻身也袂，著倒床，大小便也袂得自由，囝婿，查某囝盡心請醫生kā伊治療，奉承茶湯。拄好我去，kā伊ê查某囝恭喜，毋是teh恭喜你ê ma-ma跋倒，是恭喜你ê ma-ma來遮跋倒，你chiah有機會通有孝你ê老母kā伊ni屎la̍k尿.咱做嬰á按怎予序大人愛惜，咱攏毋...

[1964-8 台灣教會公報 文類-散文 作者--/-]
傳教19年的苦樂 [ Thoân-kàu 19 nî ê khó͘-tò͘ ]
傳教19年ê苦鬥 （這篇是新竹中會內，山地五峰教會朱添壽牧師ê見證） 回顧過去19年，主揀召我所行ê路站，實在感慨無量。 對上帝極大ê疼kap 攝理，民國35年5月，平安對受掠ê地海外轉來，身軀營養失調， koh看見家庭囝兒破病煞死去；一時心亂亂，險險行短路。總是感謝主，有差李林樹先生(五峰國校校長)引chhoā我接受耶穌基督做救主，對hit時到這陣若眠夢，已經經過19年lah。 這19年ê困難毋是一個平常ê，受同族ê迫害，親族ê反對，地上各機關ê 迫害等，經過chiah ê苦戰來建立今á日五峰鄉傳道理ê門。我起頭是對泰雅爾族傳福音，其實我毋是這個族，是賽夏族ê一個，又閣是...

[1964-8 台灣教會公報 文類-散文 作者-Iông-bêng/Iông-bêng]
有益的故事 [ Iú-ek ê Kò͘-sū ]
有益Ê故事 Iông-bêng譯 1964.08 939,940合期 P. 13-15 我beh拭起你ê目屎。 有一个對挪威到美國ê青年移民來到一个生疏ê所在，舉目無親，又閣無錢，心內非常ê失志憂悶到流目屎。總是當伊佇hit時掀開所帶袋佇身軀ê聖經ê時，上帝ê話安慰伊，上帝ê手就拭起伊ê目屎，閣chhoā伊踏上一條平坦ê道路，下面就是伊ê見證： 記得hit日是7月初4，正是美國ê國慶日，我身上只有賰一箍銀，背著我ê小行李，用9角銀買一張對Pa-sin (Bōng-ta̍t-ná州) beh到Pò͘-tē ê火車票，坐上火車，無偌久就到Pò͘-tē，身軀只有賰一角銀。beh去...

[1964-8 台灣教會公報 文類-傳記 作者-王占魁/Ông Chiàm-khoe]
我所尊敬數念的師友 [ Goá só͘ chun-kèng siàu-liām ê sū-iú ]
我所尊敬數念Ê師友 王占魁 1964.08 939 期 P.17-19 林學恭牧師。 林學恭牧師是嘉義縣民雄ê鴨母坔人，是對嘉義教會得著道理，是真早ê傳道，佇彰化做16年ê牧師，連4年傳道，共蹛20年，做傳教共37年。伊佇1857年8月15日出世， 1943年8月4日過世，享壽86歲;雖然是離開咱21年久，猶真濟人會記得伊ê好模樣。特別伊是我ê牧師，因為佇1904年5月15日，我有對伊領洗禮進教，閣我有兩个囡仔對伊領洗禮，我蹛竹山佮北斗，也是伊teh做巡迴牧師ê時。我也捌做伊ê隨員，kā伊捾包袱仔去巡教會;所以我beh將所看，所聽，所接觸，伊ê對人ê親切，佈道ê熱心，講道ê...

[1964-8 台灣教會公報 文類-戲劇 作者-王Chhái-kí/Ông Chhái-kí]
食洋教 (1) [ Chia̍h iûⁿ-kàu (1) ]
話劇 食洋教 王Chhái-kí 譯 1964.08 939, 940合 P.20-21 佇64年前ê庚子年，是中國因為義和團ê叛亂拄著最悽慘ê災難ê年，hit時西洋人攏受稱呼做「Ta-mau-chu」（大毛子），信主ê人á是食西洋頭路ê人，攏受稱呼「Er-mau-chu，」（二毛子），若毋是受刣，就是受掠，受窘逐。中間有人老母kap小弟，小妹攏受刣死殉教，所賰伊本身，竟然是今仔日咱中國一个最有聲望ê老牧師。 這篇是「生命之道」月刊借伊ê經過編做話劇。王女士kā翻譯過來ê。佇遮kā「生命之道」月刊說謝。 老牧師佇落南火車中，有一個旅客譏刺伊「食洋教，」「...

[1964-9 台灣教會公報 文類-散文 作者--/-]
追念高天成博士 [ Tui-liām Ko Thian-sêng Phok-sū ]
追念高天成博士 1964.09.01 941 期 P.14 高天成博士是咱教界ê元老故高金聲牧師ê令長郎。出身長榮中學，同志社中學，日本第8高等學校，東京帝大醫學部，有得著細菌學ê醫學博士，閣是外科ê專家。日本時代捌受派遣到南京做院長ê工。光復後對日本回國，受聘請做台灣醫學院ê教授，閣做台大病院ê院長也已經12年lah。伊佇8月13號過世，享受61歲。因為伊做國家做重要ê一間病院ê院長12年久，貢獻真正大。所以過世ê時，總統也題字績學清獻來kā伊表弔意，以外自副總統以下，國家濟濟元勲顯要，攏有來弔慰，通知伊ê存在佇國家是偌nih重要。 伊ê做人，照新聞報導，毋-若是學問懸，...

[1964-9 台灣教會公報 文類-傳記 作者-王占魁/Ông Chiàm-khoe]
我所尊敬數念的師友 [ Goá só͘ chun-kèng siàu-liām ê su-iú ]
我所尊敬數念Ê師友 論林學恭牧師 王占魁 1964.09.15 942 期 P.6-7 就kā縛，吊佇第二支楹仔，閣留機會予伊反悔，你若beh性命，來放sak耶穌，你講一下就kā你tháu，若無，beh kā你吊到死。林牧師無計較，甘願受縛，受吊，門就關，意思就是絕對無beh予人救伊，總是猶有留機會予伊反悔，講愛性命beh放棄耶穌，若講一句，就連鞭beh kā伊tháu開。所以有人問學恭 oē艱苦袂？有愛性命無？應講，耶穌佮我佇teh。到第三四日，就應了較細聲，in阿兄想是beh死lah，也有叫土公便，若死，通凊彩kā掩掩leh。 林牧師伊不時祈禱，伊毋是求上帝予伊袂死，袂...

[1964-9 台灣教會公報 文類-戲劇 作者-王Chhái-kí/Ông Chhái-kí]
食洋教 (2) [ Chia̍h Iûⁿ-kàu (2) ]
話劇 食洋教 1964.09.15 942期 p.12-13 王Chhái-kí e̍k 老母：是甚物人？ 馬：是我，陳牧師娘，我是馬大頭，請你較緊開門。 老母：三更暝半，有甚物代誌？ Io：莫嚕嗦，緊開門，聽候一時仔就知(to̍k-to̍k，拍門的聲)。 老母：Tih-tih，較緊起來，去開門。 小弟：(開門的聲)甚物人啊？ 馬：陳牧師娘！真失禮，團裡的命令，請恁走一逝，(越頭)老Io，提索仔來縛起來，拖teh行。 小弟：你是按怎teh縛人，無講理由mah？ Io：講理由，甚物人欲佮恁遮的背宗忘祖。 小弟：你罵人！ Io：罵人？！(拍人的聲)。 小弟：...

[1964-10 台灣教會公報 文類-戲劇 作者-王Chhái-kí/Ông Chhái-kí]
食洋教 (3) [ Chia̍h Iûⁿ-kàu (3) ]
話劇 食洋教 1964.10 943期 p.11 王Chhái-kí譯 牧：請各位聽我讀一段聖經，佇馬太福音傳5章38節到48節。這是耶穌佇世間的時，親喙對人教示的話；「恁捌聽見有話講，目睭賠目睭，喙齒賠喙齒；若是我共恁講，莫得佮歹抵敵；若有人搧你正爿的喙phoé，倒爿的亦越予伊。有人愛告你，提你的內衫，外衫亦放予伊。有人勉強你行一里，就佮伊行兩里。對你求的，予伊；欲共你借的，莫得越走。恁捌聽見有話講，著疼你的厝邊，怨恨你的對敵；若是我共恁講，對敵恁的，著疼in；窘逐恁的，著替in祈禱；予恁成做恁佇天裡的父的囝...................... (會眾唱短歌的聲)...

[1964-10 台灣教會公報 文類-傳記 作者-王占魁/Ông Chiàm-khoe]
我所尊敬數念的師友 [ Goá só͘ chun-kèng siàu-liām ê su-iú ]
我所尊敬數念Ê師友 論林學恭牧師 王占魁 1964.10.01 943 期 P.15 (2)掠蛇也無傷害:有一日到Tō͘-kun-eng，佇禮拜堂歇暝，因為真熱，褪衫teh睏，有大蛇sô來佇伊ê腹肚頂， 林牧師精神，感覺腹肚頂重重閣真冷，一下摸，知是大-蛇，就用手kā掠hiat落土跤;佳哉無予咬著。保羅也捌掠毒蛇，也無傷害。無各樣Sat-hu Sun-tāi，也捌予in阿叔hiat落死人窘，食毒藥也無傷害。 (3) 四十九仙佛，袂會救一个恩人:賣到旗後賣冊紲佈道，有一個討魚人對伊講，佛仔無影都著，因為我舊年佇海裡拾著一跤箱仔，內面貯49仙佛仔，真濟人來看，想講佇海裡都...

[1964-10 台灣教會公報 文類-傳記 作者-王占魁/Ông Chiàm-khoe]
我所尊敬數念的師友 [ Goá só͘ chun-kèng siàu-liām ê su-iú ]
我所尊敬數念Ê師友 論林學恭牧師 王占魁 1964.10.15 944期 p.10-11 撒馬利亞ê婦人人有隨時反悔，若是這个淫婦有反悔á無？林牧師會得勝，親像早時ê約瑟贏過波提乏ê某一樣(創39:13)。林牧師有幾項法度來得勝： A.古早人ê 流傳講，人若犯著一擺ê姦淫，死後ê功勞落一級,記過一次;閣歲壽減一歲。所以講：「萬惡淫為首。」 B.聖經上帝ê教示。箴言23: 27講：因為娼妓是深坑，淫婦是狹ê井，伊teh當等人親像賊。 C.祈禱，主也吩咐講著祈禱，免得入佇迷惑(馬太26: 41)。 列位青年朋友ah,恁做兵有ê兩年，有ê 3年，佇軍營有「軍中樂園...

[1964-10 台灣教會公報 文類-戲劇 作者-王Chhái-kí/Ông Chhái-kí]
食洋教 (4) [ Chia̍h Iûⁿ-kàu (4) ]
話劇 食洋教 1964.10.15 944期 p.13-15 王Chhái-kí譯 馬：毋知伊有去阮厝裡無？ Io：有，去幾若擺，閣予遐的囡仔一寡糖仔佮尪仔圖。 馬：(想一下)。照我看，人真實信耶穌，毋是為著甚物報仇，taⁿ來講，咱以前對in所做也實在真無天良。 Io：伊猶過按呢對待咱，我的心也感覺袂當過，咱欲怎樣？ 馬：Taⁿ著按呢，咱著請全庄的老大賢人(頭人)辦幾塊酒桌，放幾篙的連炮共in 賠罪，甘願接受in的刑罰。 Io：欲罵，欲拍，欲刣，我老Io攏出在伊，決斷無推辭，甘願承受。 馬：好，咱就按呢做。(音樂) (轉場炮聲，人聲大鬧熱)。 馬：來啦，來啦，陳--家...

[1964-10 台灣教會公報 文類-散文 作者--/-]
數念故人 [ Siàu-liām kò͘-jîn ]
數念故人 1964.10.15 944期 p.18-19 故傳道師黃龍(現田)先生略歷 故黃現田先生是本世紀初就佇傳教前線戰鬥ê老戰士。伊佇9月9號過世。令郎有黃柏蒼先生做囑託傳道，閣有黃順德先生做傳道師佇屏東和平教會。 伊本身佇6歲ê時對án媽以及老父黃皇，老母黃陳春ê引chhoā來入信，每禮拜日著愛行到Gû-taⁿ-oan教會做禮拜(約略有6里路)。佇7歲ê時老父黃皇過身，到佇9歲ê時老母有閣招婿， 繼父ê名叫做N̂g O͘-phê。Hit-tia̍p了後得著繼父ê養育佮引chhoā，予伊ê信仰生活閣較大進步(因為繼父N̂g O͘-phê雖然毋是傳教者，總是熱心信主，閣宣揚主...