[1888-1 臺灣府城教會報 文類-散文 作者--/-]
論救食阿片ê人 [ Lūn kiù chia̍h A-phiàn ê lâng ]
論救食阿片ê人1888.01 第三十一張 p.100(Chit篇是San先生對新聞翻譯--ê。)內省公會ê監督，有到山西省，講tú著本地ê兄弟家己了錢，設改鴉片局。伊到某城，看見有八九十人拜上帝，攏是對這個改鴉片局得著救。 有一個本地牧師家己出錢，總當改鴉片局ê責成。這個牧師ê心真好，已經設一個局tī某所在，koh愛計謀設一所在；逐早起禮拜ê時，一日過一日，常常將這個代誌祈禱。到尾伊ê婦人人kā伊講，你啥事常常因為這所在祈禱，啥事m̄去設，親像別所在一樣？應講，我ê錢攏了，無別項錢thang 做這個路用，著聽候上帝賞賜。婦人人講，Ho͘N7！著用偌濟才會設？講，Hāiⁿ！若beh設著有二三十千...

[1888-3 臺灣府城教會報 文類-散文 作者--/-]
論救少年人 [ Lūn kiù Siàu-liân lâng ]
論救少年人(San牧師記--ê.)1888.03 第三十三張 p.13 Hiah久有幾若人致意想怎樣thang救少年人免tit嫖、賭、鴉片、戲，kap攏總私慾。舊年祈禱會hit禮拜也有想。今年較詳細想。今年扑算thang學西國法，來建置救少年ê會。佳哉，有羅牧師對大英國來，排列西國ê消息。廈門中外ê牧師幾若人聚集，代先想chiah-ê 代誌，略仔扑胚模thang hō͘ 人想。後來，到正月23日，就聚集tī 鼓浪嶼，tī 山雅各ê厝，來交陪，議論代誌。聚集ê人，有本地少年人濟濟。老人也有。Koh有外國人，就是牧師，kap伊ê 親人、朋友。本地人有80。外國人18。逐家代先食茶。後來同心聚集有...

[1888-11 臺灣府城教會報 文類-散文 作者--/-]
論設教著本國人擔當 [ Lūn Siat-kàu tio̍h Pún-kok lâng tam-tng ]
論設教著本國人擔當1888.11 第四十一張 p.78-80(San牧師記--ê.)咱要緊著明白這號ê 代誌，因為幾那項ê緣故：一、就是會用智識，tú好ê法度 做代誌；二、會順逐項ê機會；三、會免危險。有人講，蜈蚣、蛤仔 、蛇，三不合，chiah-ê話；就是講，外國人、百姓、官府oh-tit三和。咱 ài除去這個意思。近來只三等號ê人有加添sio-bat相信。咱真正ài大家那久那和平。別國大變有經過大攪擾。有人打算tī中國看會免。看現時中國漸漸興，teh建置濟濟項有益ê代誌；thang 向望逐項ê好事án-ni勻仔 成，人漸漸明白，慣勢，就m̄使紛亂。 咱著想tuì教會建置到 今，咱tī ch...

[1888-12 臺灣府城教會報 文類-散文 作者--/-]
論設教著本國人擔當 [ Lūn Siat-kàu tio̍h Pún-kok lâng tam-tng ]
論設教著本國人擔當1888.12 第四十二張 p.87-88(San牧師記--ê.)(接前張第80面。)咱不止要緊著hō͘人 知咱所服事攏m̄是私ê上帝，是公正--ê，就是天地ê 真主，一個ê上帝。Koh伊已經是天地ê主較贏萬有，就伊 ê旨意的確著成。天良人人平平有，chiah著平平同心服事主耶和華。人人平平受伊ê報賞，刑罰。Che m̄是看輕世間ê序大。Tī 天竺國擾亂ê時教會人第一好款。逐所在也是 án-ni。世間ê序大是上帝設立。不過伊所料理就是身軀 ê代誌，也boē會知心。上帝知人ê心底。伊就是萬有ê 主。 咱常常tú著無知ê人 喉叫講，番仔教，就是看上帝做外國ê主，kap中國無干涉。...

[1889-6 臺灣府城教會報 文類-散文 作者--/-]
論用鴉片丸ê危險 [ Lūn ēng A-phiàn oân ê guî-hiám ]
論用鴉片丸ê危險1889.06 第四十九張 p.46 因為知tī這個台灣有濟濟人用鴉片丸ài改鴉片，阮論這個代誌愛講一兩項。一項，食鴉片丸比食薰是較傷重。Kiám-chhái有人講，我代先食薰，後來食鴉片丸來解；若是驚了罕tit有án-ni。若ài改鴉片ê人較要緊著照醫館ê法度，就是著來toà醫館內面21日，攏無出門；醫生亦看hit個人有甚物破病，有甚物艱苦，就將應該治ê藥來治伊。人若無thang來醫館改，thang對醫館買改鴉片ê藥，（攏無鴉片tī內面），家己thang改；m̄-thang扑算若無食鴉片丸就bē改--tit。親像香港海嶼是阮外國人管--ê，tī-hia有濟濟唐人，有時犯罪h...

[1889-7 臺灣府城教會報 文類-小說 作者--/-]
Si̍t-tián-má [ Si̍t-tián-má ]
Si̍t-tián-má1889.07 第五十張 p.52-54（下面所記載攏是實在ê事） 有一個畫工 名做Si̍t-tián-má， 伊ê年歲boē到中年，若是tī伊本城，就是德國ê La̍t-si̍t-ló͘，名聲已經不止透；bat ê人講，別日伊的確會真出名；總是家己想講，我beh 得著hit個名聲的確著到老年，án-ni到hit時我亦無心thang享受。雖罔 án-ni，iáu-kú伊知到hit時逐項會得意；所以極tuì重這個畫ê代誌。雖然閒ê 時陣有去酒樓、戲場，kap朋友交陪，總是koh較致意這個畫ê事，若親像hō͘畫ê 代誌迷--去一樣，致到除所畫--ê以外，攏m̄知有別物ê代誌...

[1889-8 臺灣府城教會報 文類-小說 作者--/-]
Si̍t-tián-má [ Si̍t-tián-má ]
Si̍t-tián-má1889.08 第五十一張 p.61-64(接前張第五十四面。) 有一日出門行到城牆邊看見人kui陣緊緊 tuì一間破厝入去，有ê tuì 東來，有ê tuì西來。Si̍t-tián-má 看了真奇怪，m̄知是啥事，就問人講，「He是teh啥事？」Hit時人m̄ kā伊講。過兩三日才聽見講是一個出外人tiàm tī hit間厝；hit人是放sak天主教來歸tī耶穌教ê人，大家厭賤伊看輕伊；因為hit所在較濟是天主教，若看見人逐項ê代誌ài 趁聖經就藐視伊，m̄ ài kap伊交陪，人若kap伊交陪亦是不止無穩當。Si̍t-tián-má家己想講，Kiám-chhái ...

[1890-2 臺灣府城教會報 文類-散文 作者--/-]
論喪事 [ Lūn Song-sū ]
論喪事1890.02 第五十七張 p.11-13舊年教會報有請兄弟做論，就是將喪事做題來議論。頭名beh賞兩箍，二名beh賞一箍；另外兄弟、姊妹ê中間頭名beh淡薄賞in。後來有接--著6篇爾爾。今已經批評明白，將二名內記tī下底： 1、劉茂青，阿里港。2、徐春枝，石牌。 兄弟無人寫；只有姊妹一個寫，就是tiàm tī鹽埔ê根嫂。 今將頭名ê論印tī下底，hō͘ lín大家看。 頭序 平安快樂是眾人所欣慕；病痛死失也是逐人所bē免tit。既然有死，就有埋葬；有埋葬，就有喪事ê禮。喪事ê禮oh-tit稽考到盡，也難tit逐項論到齊著詳細。因為有古早聖賢所定ê禮，號做古禮。也有後世賢人所加ê禮，記...

[1890-3 臺灣府城教會報 文類-散文 作者--/-]
論喪事 [ Lūn Song-sū ]
論喪事1890.03 第五十八張 p.18-20(接前張第13面。)論衣衾，就是死人所穿ê衣裳 所穿ê衣裳無定規。有官職ê人，就kā伊穿朝衣朝服頂帶。富人較濟是綢緞。散hiong人較濟是粗布。婦人人也是án-ni。不論貴賤不止重穿hit su上頭衫褲。（男女合婚ê時各有穿一su白衫褲，號做上頭衫褲。）意思翁某thang koh相認。衣衾無定規；上濟穿十一重，有ê 9重，有ê 7重，有ê 5重，有ê 3重；各照家事來打扮，要緊著算奇，m̄通有雙。若穿一重，著做一個旬。（用物來祭死人，號做做旬） 有人另外koh 用布來紮身屍 ，號做念祖。有大念祖小念祖ê分別。法度著祖上有念祖，子孫才thang念祖...

[1890-6 臺灣府城教會報 文類-散文 作者--/-]
論甘蔗 [ Lūn Kam-chià ]
論甘蔗 1890.06 第六十一張 p.44 這五月圖是畫外國kheh 蔗熟糖ê事誌。頂面有蔗園，kheh蔗ê器具看bē著，總是下面中央thang看見鐵管流蔗汁落大桶。其餘--ê圖仔內有人熟糖tī糖鼎teh lā，有ê teh過濾蔗汁hō͘伊清氣，也有ê熟了iúⁿ糖落lāu-chhài 。台灣ê甘蔗有紅ê白ê，兩樣；紅ê叫做紅蔗，白ê叫做竹蔗。Chhut-sek實在真濟，逐年糖出不少。但是園有好歹，糖有烏白，烏ê裝落糖籠，白ê iúⁿ落lāu-chhài。可惜咱這爿創phō͘熟糖ê器具m̄好，kài糖ê功夫無夠，m̄值著外國ê器具khiáu-sit，kài糖ê法度真白，niá m̄親像外國ê...

[1890-6 臺灣府城教會報 文類-散文 作者--/-]
論喪事 [ Lūn Song-sū ]
論喪事1890.06 第六十一張 p.46-48論喪服，俗講孝服，kap孝內ê所做。喪服無定規。送葬hit日孝男孝婦穿麻，戴麻是第一重ê服；其餘或是穿tē-á ，抑是穿白--ê，各照親疏來分別。父母孝著帶三年才褪，意思是嬰仔著吆、抱，3年才離腳手；所以帶3年孝來報答父母養育劬勞ê深恩大德。 帶孝ê大概不論男女，頭鬃尾、胳soh，鞋、帽、衣裳各有記認thang知。孝內身上bē帶得金銀玉器，bē穿tit綢緞彩色ê衣服，bē動tit樂器。有官職ê人bē做tit官，讀冊人bē考--tit，百姓人bē嫁娶--tit。無照án-ni行宜，算是不孝。逐項ê嚴謹，無m̄是表明憂悶，苦疼，悲傷ê心。 信主ê人辦...

[1890-8 臺灣府城教會報 文類-散文 作者--/-]
雅各去見著女王 [ Ngá-kok khì kìⁿ-tio̍h Lú-ông ]
雅各去見著女王1890.08 第六十三張 p.59-60 Tī蘇格蘭有一個囡仔名叫雅各。伊ê父母已經過往lah。可惜無朋友thang照顧伊。 這個囡仔ài入學去讀冊受教示；m̄-kú無人thang 替伊出錢，所以bē-tàng去讀。伊常常teh煩惱chit層代誌，到有一日伊家己想講，「今我無父母lah，亦無親戚lah，我beh去見阮ê女王，求伊幫贊我。」 伊án-ni講，是因為知hit-ê女王不止好心，亦 gâu憐憫體貼散hiong人。 所以這個囡仔有行到女王所toà ê所在。Tī王宮ê門口有一名兵teh把守。伊看囡仔beh入--去，就liâm-piⁿ阻止，hoah伊講，「你ài-beh c...

[1890-9 臺灣府城教會報 文類-小說 作者--/-]
利亞所夢見ê事 [ Lí-á só͘ bāng-kìⁿ ê sū ]
Lí-á 所夢見ê事1890.09 第六十四張 P.67 有一個細仔叫利亞。伊暝時 teh 睏bat 夢見一個夢，彷彿親像伊已經到tī 天堂ê 門口，企tī 外面teh- beh 就近城門。門略略仔開，伊就看見城內，攏用 光nà-nà ê 真珠來khí 厝。真正是極榮光燦爛ê 所在。 Tī hit 內面有真濟ê囡仔相 kap歡喜teh thit-thô 。Hit 個囡仔所穿ê 衣裳白雪雪真清氣。利亞看見chiah ê，心一發愛，it著beh 入去。 Hit-tia̍p看見一人，就是 teh 顧城門--ê。伊ê 面貌真光生好看，koh 有溫柔ê 款式。這個細子近倚，問伊講，「對chia有路th...

[1890-10 臺灣府城教會報 文類-散文 作者--/-]
Khò͘ Le̍k-tek ê 小傳 [ Khò͘ Le̍k-tek ê sió-toān ]
Khò͘ Le̍k-tek ê 小傳1890.10 第六十五張 p.76-77 Tī 阿非利加洲有1個監督，姓庫名力德。做囡仔ê時，伊tú著回回教起兵來thún踏伊ê鄉社，燒hit所在ê厝宅，thâi hiah-ê勇壯ê人。若是婦人人查某囡仔kap細漢囡仔攏hō͘伊掠了了；用船載去西洋ê所在，賣人做奴才。 庫力德做囡仔ê時，伊ê本名叫阿界；老父hō͘人thâi死，本身kap伊ê老母小弟小妹攏總hō͘人掠去，趕入大船底，艱苦講bē了。獨獨經過日子不止久長，海ê水路也真遠，所以tī水路ê中間死beh一半去。等待到西洋，阿界hō͘人賣，kā人換1隻馬，伊ê老母小弟小妹koh另外賣hō͘ 別人做奴才...

[1890-11 臺灣府城教會報 文類-散文 作者--/-]
盡忠到死 [ Chīn-tiong kàu sí ]
盡忠到死1890.11 第六十六張 p.84 從前tī 亞美利加hit 州ê百姓不止歹風俗，就是in bat買人做奴才。Chiah-ê 奴才有ê 真艱苦，因為in 主人惡心歹款待in。 今tī 某所在有一個查甫囡仔hō͘ 人做奴才。有一日伊有聽見一位牧師teh 講起耶穌ê 道理；心liâm-piⁿ 受感激，欣羨意愛這個耶穌做伊ê救主。伊無甚物明白道理ê 意思；不過有受牧師ê 苦勸，就是講著疼耶穌，ta̍uh-ta̍uh 祈禱上帝，求伊幫贊。聽了hit 個囡仔心內teh 想beh照án-ni 行，心就得著安慰，因為知tī 天--裡有一位朋友會體貼伊ê 艱苦。 Tuì hit-tia̍p以後hi...

[1891-1 臺灣府城教會報 文類-散文 作者--/-]
講話合正理 [ Kóng-oē ha̍p chèng-lí ]
講話合正理1891.01 第六十八張 p.99 所講ê話，有ê 會hō͘ 聽見ê人生起厭賤；亦有ê會hō͘人受感激曉悟。Che意思就是講了有合道理kap無合道理ê因端niā-tiāⁿ。親像tī 印度國有一個查某囡仔，thang干證伊所講有合道理ê話。有一日查某囡仔擔一擔柴beh倒去，tī 路中有厭siān，經過一間神廟，就想愛歇--teh hō͘ 肩頭chham身軀較輕鬆。隨時將肩頭擔ê柴歇tī 廟ê大門前，續坐tī石gîm。無偌久有一個和尚出--來，看見就無歡喜來喝伊講，你坐tī 神廟ê面前beh褻瀆廟內ê神明，ho͘h ! 你著緊緊去 m̄-thang tiàm chia平安teh坐。查...

[1891-1 臺灣府城教會報 文類-散文 作者--/-]
天定聖人 [ Thian tēng sèng-jîn ]
天定聖人1891.01 第六十八張 p.100,102(許先生對畫報翻譯--ê。) 孔子講，「君子ê 人，心平坦廣闊；小人ê 人，心長長憂悶。」因為人會順天安命，就所tú著也家己安穩，無一所在m̄ 妥當。設使有私心掛慮欣慕愛趕緊得著功名利祿，beh thài 會時時顯出快樂ê 心mah？何況人所企起ê 所在，安、危、順、逆所tú著--ê 第一無定著。今有一人企起tī 極危極逆ê 所在也bē致到喪失伊ê 性命，到尾會得著保全，因為有天命tī hit 中間。親像前有一個回回教ê 人名埃基巴。伊因為本國匪類擾亂，出外行遊逐國；伊一身所帶ê 物只有3 件，以外無別件物。3 件 是甚物？1.就是一枝燈...

[1891-3 臺灣府城教會報 文類-散文 作者--/-]
女學ê告白 [ Lú-o̍h ê kò-pe̍h ]
女學ê告白1891.03 第七十張 p.11姑娘有一項ài通知教會，就是因為這時女學ê 學生已經夠額，bē-tit-thang koh再接納。現今學--裡有18個，另外有一兩個姊妹toà--teh ;日--時來讀--ê無算在內。可惜女學較細間，今實在無位lah ; 以後兄弟若有查某囡仔beh來讀，請lín著代先寫批來通知，亦著聽候阮回批去，看有位抑無，m̄-thang無張持一下就chhoā--來，tú著阮無所在thang hō͘ in toà是真費氣。Koh一項ài通知學生ê父母，就是今年tuì 這tia̍p到年尾才beh放假。前往是差不多4月間就散學；總--是因為hit-tia̍p較常會遇著...

[1891-8 臺灣府城教會報 文類-散文 作者--/-]
巴牧師ê批 [ Pa Bo̍k-su ê phoe ]
巴牧師ê批1891.08 第七十五張 p.50-51近來阮有接著巴牧師ê批講伊過太平洋到加拿他一路攏平安。總是伊另外有koh寫一張是白話字--ê 愛beh hō͘ 台灣ê教會公看，今將hit 張批印tī 下底： 這3月15我tī 安平落船，tuì廈門、汕頭過，24到香港。安歇日ē晡參本地人ê教會聚集食晚餐。Tī-hia敢有二百外人入教，也有請一個本地牧師，所費攏是in家己出。另外也有別間ê拜堂，我卻無去看。拜一ē晡參外國ê 先生、先生娘聚集做祈禱會。Hit-tia̍p in tī-hia因為兩項代誌teh感謝上帝。一項是因為近來香港ê 官府有設法beh 禁hia-ê kiáu間，可惜現時tī-...

[1891-8 臺灣府城教會報 文類-散文 作者--/-]
縛跤ê要論 [ Pa̍k-kha ê iàu-lūn ]
縛跤ê要論1891.08 第七十五張 p.52-55詩經有講，「天生眾百姓。」論到這個天ê稱呼，卻m̄是青青ê天，就是宇宙大主宰ê上帝。照按呢來看，chiah-ê百姓竟然講叫是天生--ê。In ê身軀雖然是tuì父母出，總是hō͘伊有肉體，hō͘伊ê活命，實在是tuì上帝ê主宰。M̄是本底有--ê，亦m̄是家己會有--ê，情理是明明。所以會看、會聽、會講話、會振動，心lêng-lāi、手敏捷，四肢百體攏合逐項ê路用。推到萬國，傳到萬代，無m̄攏是án-ni，自然應該攏總受伊，來齊全歸--伊，thái-thó thang順趁私慾。今將腳來論。Kiám有扑算中國ê查某囡仔，卻有hit個縛腳ê風俗l...