[1891-1 臺灣府城教會報 文類-散文 作者--/-]
天定聖人 [ Thian tēng sèng-jîn ]
天定聖人1891.01 第六十八張 p.100,102(許先生對畫報翻譯--ê。) 孔子講，「君子ê 人，心平坦廣闊；小人ê 人，心長長憂悶。」因為人會順天安命，就所tú著也家己安穩，無一所在m̄ 妥當。設使有私心掛慮欣慕愛趕緊得著功名利祿，beh thài 會時時顯出快樂ê 心mah？何況人所企起ê 所在，安、危、順、逆所tú著--ê 第一無定著。今有一人企起tī 極危極逆ê 所在也bē致到喪失伊ê 性命，到尾會得著保全，因為有天命tī hit 中間。親像前有一個回回教ê 人名埃基巴。伊因為本國匪類擾亂，出外行遊逐國；伊一身所帶ê 物只有3 件，以外無別件物。3 件 是甚物？1.就是一枝燈...

[1891-3 臺灣府城教會報 文類-散文 作者--/-]
女學ê告白 [ Lú-o̍h ê kò-pe̍h ]
女學ê告白1891.03 第七十張 p.11姑娘有一項ài通知教會，就是因為這時女學ê 學生已經夠額，bē-tit-thang koh再接納。現今學--裡有18個，另外有一兩個姊妹toà--teh ;日--時來讀--ê無算在內。可惜女學較細間，今實在無位lah ; 以後兄弟若有查某囡仔beh來讀，請lín著代先寫批來通知，亦著聽候阮回批去，看有位抑無，m̄-thang無張持一下就chhoā--來，tú著阮無所在thang hō͘ in toà是真費氣。Koh一項ài通知學生ê父母，就是今年tuì 這tia̍p到年尾才beh放假。前往是差不多4月間就散學；總--是因為hit-tia̍p較常會遇著...

[1891-8 臺灣府城教會報 文類-散文 作者--/-]
巴牧師ê批 [ Pa Bo̍k-su ê phoe ]
巴牧師ê批1891.08 第七十五張 p.50-51近來阮有接著巴牧師ê批講伊過太平洋到加拿他一路攏平安。總是伊另外有koh寫一張是白話字--ê 愛beh hō͘ 台灣ê教會公看，今將hit 張批印tī 下底： 這3月15我tī 安平落船，tuì廈門、汕頭過，24到香港。安歇日ē晡參本地人ê教會聚集食晚餐。Tī-hia敢有二百外人入教，也有請一個本地牧師，所費攏是in家己出。另外也有別間ê拜堂，我卻無去看。拜一ē晡參外國ê 先生、先生娘聚集做祈禱會。Hit-tia̍p in tī-hia因為兩項代誌teh感謝上帝。一項是因為近來香港ê 官府有設法beh 禁hia-ê kiáu間，可惜現時tī-...

[1891-8 臺灣府城教會報 文類-散文 作者--/-]
縛跤ê要論 [ Pa̍k-kha ê iàu-lūn ]
縛跤ê要論1891.08 第七十五張 p.52-55詩經有講，「天生眾百姓。」論到這個天ê稱呼，卻m̄是青青ê天，就是宇宙大主宰ê上帝。照按呢來看，chiah-ê百姓竟然講叫是天生--ê。In ê身軀雖然是tuì父母出，總是hō͘伊有肉體，hō͘伊ê活命，實在是tuì上帝ê主宰。M̄是本底有--ê，亦m̄是家己會有--ê，情理是明明。所以會看、會聽、會講話、會振動，心lêng-lāi、手敏捷，四肢百體攏合逐項ê路用。推到萬國，傳到萬代，無m̄攏是án-ni，自然應該攏總受伊，來齊全歸--伊，thái-thó thang順趁私慾。今將腳來論。Kiám有扑算中國ê查某囡仔，卻有hit個縛腳ê風俗l...

[1891-9 臺灣府城教會報 文類-散文 作者--/-]
教訓m̄-thang分類 [ Kàu-hùn m̄-thang hun luī ]
教訓m̄-thang分類1891.09 第七十六張 p.59印度國本底ê百姓從前有分別貴賤重輕ê類，因為hia-ê讀冊人較少，所以若會讀冊tit，就家己扑算in比別人較貴氣。看hiah-ê無讀冊ê人一概藐視in；行án-ni慣勢成風俗，到今已經久lah。近來歐羅巴kap美洲各教會傳道ê牧師tī印度設男女ê學堂，專專收hiah-ê無讀冊--ê來入學受教示，對小學起，漸漸高升到入大書院止。所成就ê人才極濟，致到在早hō͘人看輕--ê，hit-tia̍p顛倒hō͘人敬重koh較贏過本地ê讀冊人。實情印度ê新報論這層事有講，「印度本地ê讀冊人向時看輕教會，現在教會內有成就人才，無論查甫查某攏會讀冊，親...

[1891-12 臺灣府城教會報 文類-散文 作者--/-]
祖家ê批 [ Chó͘-ke ê phoe ]
祖家ê批1891.12 第八十張 p.90Tī 大英國有守寡人，伊獨獨一個查某子niā-tiāⁿ。Hit個老母hō͘ 伊ê子去別所在讀冊，親像草地人落來府城一般樣。到放假ê 時囡仔倒來厝--裡kap伊ê老母做伙。Hit個囡仔逐日聽見in 娘teh讀聖冊，那讀那歡喜；因為伊iáu細漢無甚物會曉tit in娘teh歡喜甚物代誌。就問伊，俺娘因為啥事，所讀所看ê冊是án-choáⁿ樣，你到chiah歡喜--leh？In娘就kā伊講，你hit 時出外，我所寄hō͘ 你ê批；你有常常看，常常讀抑無？囡仔就應伊，有no͘h！因為我知是你寫ê，所以我不止愛讀，讀了koh再讀，我ê心真正歡喜接--著。老母kā...

[1891-12 臺灣府城教會報 文類-散文 作者--/-]
奇巧ê代誌 [ Kî-khá ê tāi-chì ]
奇巧ê代誌1891.12 第七十九張 p.85-86奇巧就是中國ê查某囡仔，出世tī廈門。Taⁿ beh 將伊ê嘴所kā先生講ê話來寫tī下底，hō͘ lín台灣ê查某囡仔讀了會較明白： 伊ê話講，我差不多到十歲，hit時有外國ê人來tī 廈門開女學，ài教示查某囡仔，學生有ê toà tī女學，有ê日時 去讀niā-tiāⁿ。有一日我ê老父就kā我講，伊ài去女學看看--leh；kah我著kap伊作伙去，也講，Khiám-chhái hit ê 先生beh接納你做學生。阮老母聽見這話，就阻止講，的確m̄ thang，會hō͘我不止驚。阮老父才講，實在m̄免驚，hia ê先生beh suí 衫...

[1892-1 台南府教會報 文類-散文 作者--/-]
財定人品 [ Châi tēng jîn phín ]
財定人品1892.01 81卷 p.6-7詩篇講，「歹人借銀無beh還，好人囥仁愛sio款待」。詩37：27。好歹ê分別記tī聖冊m̄ 若一萬句，今世ê存心，所講出ê言語，所行做ê代誌，攏無相同，來世所受ê報應也各有各樣；真濟句話也講bē盡。獨獨這篇ê詩是大衛王專用一項來論這兩等ê 人，m̄免加講別項，就這項開錢ê法度也分別會出。 請用歹人借銀無 beh還來論。凡kā人借錢本m̄是tú好ê地步，我有應得ê錢自然著想偌濟所入，會堪--tit開偌濟出去；何必著kā人借？所羅門講，「借銀--ê的確做債主ê奴僕」。箴2：7，這句話真正有影。因為債主的確藐視貧窮ê人，刻薄欠債ê人，或是當眾人 ê面前罵-...

[1892-1 台南府教會報 文類-散文 作者--/-]
毋信--ê [ M̄-sìn--ê ]
毋信--ê1892.01 81卷 p.2Tī某國有一個婦人人入拜堂聽牧師讀馬太 17: 20。聽了就搖頭，伊講，Che話是無影，beh thài會án-ni leh ! 伊就聽候禮拜煞，後--來去見牧師猶原kā伊講，所讀ê事無影了了。牧師一下看，就應伊講，上帝kiám會講白賊話mah？Tú仔所讀就是耶穌本身ê話，伊真正有深信伊ê天父。婦人人koh講，離阮兜後壁有一個大山懸懸懸；倒--轉去ê時我若迫切求上帝hō͘ hit 個山會tit thang徙去別位；你扑算án-choáⁿ 樣？牧師就講，若無一點仔ê giâu疑，總的確會徙去。婦人人笑笑kap伊相辭，就倒--去in 厝。Teh-beh暗仆-...

[1892-2 台南府教會報 文類-散文 作者--/-]
財定人品 [ Châi tēng jîn phín ]
財定人品1892.02 82卷 p.13-15(接前張第7面。)保羅ta̍uh-ta̍uh吩咐咱著磨，m̄是因為做家己ê sai-khia，就是專專beh幫補別人ê 缺乏。Koh保羅m̄若kan-ta 嘴講，空空留這個話，伊也有本身行來做後人ê模樣；伊bat tuì以弗所人講：就是自己出力做工供給我kap toè ê人ê欠缺，che 是lín所知，我凡事指示lín，著照án-ni殷勤著磨，來扶持軟弱ê人。Koh記得咱ê主耶穌講，Hō͘人物ê 人比提人物ê人較有福氣。就保羅ê話來想，可見貪心濟濟錢來做家己sai-khia ê路用--ê是有罪，既然有濟濟錢也無beh賑濟人愈有罪，只有ài趁錢來行好...

[1892-3 台南府教會報 文類-散文 作者--/-]
財定人品 [ Châi tēng jîn phín ]
財定人品1892.03 83卷 p.23(接前張第15面。)人ê身軀既然求財利，beh hō͘心m̄愛錢，che m̄是快ê事，所以著常常求聖神幫贊，hō͘咱存警醒ê心，看錢m̄上目，時時想財利是空虛浮漂是因為廢財第一快消散，kiám-chhái賊會搶劫，kiám-chhái蟲ê chhńg 咒，kiám-chhái水火ê災殃，tiap仔久就攏開khong，就設使一世人會無扑choah，到過世ê時猶原bē會toà甚物去。 是有講：「食好、穿好，是風 teh吹ê燭火，chhiuⁿ bán金魚是水面ê波痕。」古早人實在無騙咱。所講有危險--ê，因為驕傲、奢侈、淫亂，攏是tuì好額生起--來，kiá...

[1892-4 台南府教會報 文類-散文 作者--/-]
囝較贏老父 [ Kiáⁿ khah iâⁿ lāu-pē ]
囝較贏老父1892.04 84卷 p.28-29Tī 外國有一個作穡人tuì田--ni̍h倒轉--來，伊ê 細子忽然就kā伊問講，「父ah！我想ài入教，若是tú著晚餐ê日會thang kap老父老母相kap去守規矩好mah？」In老父聽chiah-ê 話大歡喜，將伊ê子抱--teh，連聲o-ló講，「乖ê子ah！你對出世到今攏hō͘我歡喜，我真正是疼--你；總是因為你chit-tia̍p iáu細漢太chíⁿ-chhioh，我放bē落心thang hō͘ 你去，我想聽候別日長成才來入教，將你ê 名hē tī 教會簿；án-ni卻也bē遲」。細子聽這號ê話大大失落向望，心肝激到cha̍t th...

[1892-4 台南府教會報 文類-散文 作者--/-]
毋謹慎會害 [ M̄ kín-sīn ē hāi ]
毋謹慎會害1892.04 84卷 p.26-28大英國倫敦城內有一個小湖，冬天堅冰ê時，往有少年囡仔去hit中間thit-thô chhéng-hoā；因為堅冰ê所在碇，有所在軟，鑑察 一個湖 ê人逐位勘驗到明明白白，tī iah-ê軟bē行--tit ê所在，chhāi柴標做記認，就是 beh hō͘人閃避，免得hō͘冰霜陷落--去。 有這號懵懂ê少年，m̄ 知thang檢點仔細，故意行 hit ê險地，致到濟濟陷落冰霜內寒死，che攏是tuì少年siuⁿ硬心，m̄受款勸；所以有身軀死無ê災禍。 Che thang譬喻人tiàm世間，若揀tī堅冰碇ê所在來行，thit-thô也無危險；譬諭人...

[1892-6 台南府教會報 文類-散文 作者--/-]
蜜蜂ê類 [ Bi̍t-phang ê luī ]
蜜蜂ê類1892.06 86卷 p.46-47蜜蜂分做三等；一等是公--ê，一等是母--ê，koh一等是受差--ê。母--ê身軀腹肚較長，腰也小細，翼較尖，尾ê刺彎彎bē叮--人，嘴kap跤攏是火夫色；蜜婆ê頂面有一隻母--ê號做蜂王，chiah-ê蜂攏是這隻生--ê。公--ê身軀肥、腰厚、目珠大，tiàm tī較頂面，beh相連；鬚分做十三節，腹肚圓圓，尾刺直koh長，也gâu叮--人。受差用ê蜂，比公--ê母--ê較細隻，伊ê色緻是紫色烏色，腹肚底有橫痕。母蜂無做別物代誌，到春天來，獨獨掌理所放ê卵。所放--ê就是做受差ê蜂，koh放--ê就是做工ê蜂；第3擺放--ê猶原做受差用ê蜂。1 ...

[1892-6 台南府教會報 文類-散文 作者--/-]
人ná飛鳥 [ Lâng ná poe-chiáu ]
人ná飛鳥1892.06 86卷 p.42六朝 ê時，有教師去英國，kā 王講，我傳聖教tī chia，請王允准。王liâm-piⁿ就召眾議士，tī hit 暝昏相kap聚集，大家參議這層事；議論了親像 m̄ 允准。忽然有一隻鳥tuì外面飛入來，koh隨時飛出去，一tiap仔久忽然無看見。Hit時teh 聚會ê 中間，有一個老人起--來講，我有一句話beh講，請王莫tit阻止。王講，著，就准伊講。老人就講，今咱chiah-ê出世tī 這世間，亦親像這號飛--來ê鳥一樣，m̄ 知tuì tah落來，koh m̄ 知beh tuì tah落去。總是這內中ê奧妙，量必這個教師會教示--咱；若是án-...

[1892-7 台南府教會報 文類-散文 作者--/-]
熱心 [ Jia̍t-sim ]
熱心1892.07 87卷 p.50-51我tuì明白救主ê恩典到今，常常想著怎樣服事主。在我打算人應該著熱心，若是我m̄敢決斷講；因為看見濟濟人掠學問較要緊tī這個熱心，掠錢財較對重tī這個熱心。Koh有人雖罔熱心，若是所做ê代誌比無熱心ê人，反轉koh較濟錯誤。所以無會thang排解。總是 我m̄敢án-ni煞，ta̍uh-ta̍uh詳細想，或是著熱心，抑是可以免。因為這個代誌kap我有干涉，若著熱心，我就beh求上帝幫贊我熱心，若是m̄免，我就無beh。到tī今仔日，我 ê心已經決斷，知我的確著熱心，bē得thang推辭tit。所以我ài將我淺淺ê 意思，排列tī兄弟ê面前，也ài 列位...

[1892-10 台南府教會報 文類-散文 作者--/-]
教示查某囡ná [ Kà-sī cha-bó͘ gín-ná ]
教示查某囡ná1892.10 90卷 p.79逐國ê中間，有boē受教化ê生番，查甫--ê貧憚無beh做工，攏是伊ê某teh做。凡一概耕作以及養飼家內ê米糧，攏總是差教婦人人去做，親像差用女婢一樣。若是查甫--ê閒閒坐teh食，這卻m̄免論。總是有受教化ê邦國，女人知thang 讀冊明白理義，夠額來幫贊家內以及辦理煮食。所以男人敬--伊聽--伊。對án-ni看起來有讀冊明理義，及無讀冊無明理義相比，就是人及禽獸ê分別lah！總是做父母ê人m̄知thang 教示伊ê查某囡，hō͘伊在厝做賢ê查某囡仔，出嫁做賢ê婦人，koh後來做賢ê老母。若無án-ni教示--伊，beh thài有較各樣hō͘伊...

[1892-11 台南府教會報 文類-小說 作者--/-]
早醒悟迷路 [ Chá chhíⁿ-gō͘ bê-lō͘ ]
早醒悟迷路1892.11 91卷 p.87有人用鐵枝做器具，下餌teh tng老鼠，hit號物叫做鐵貓。Tī某所在ê店主，伊內面老鼠真濟，就將鐵貓來當，到暝時歸群ê老鼠it 著beh食餌就入--去，活軌一下振動，門家己關，攏無路thang 走出--去。Hiah-ê老鼠就hoā-hoā吼，做伙teh議論講，咱大家án怎樣來到chia mah？從中一隻teh講，我看見有物就入--來，門續關--起，所以bē-tit出。Koh一隻講，我kan-ta顧目珠前ê餌，m̄知怎樣thài會來chia。Koh一隻講，án怎樣到這所在，我真正想bē曉tit。koh一隻講，到to既然到，且來食chiah-ê餌就好l...

[1893-2 台南府城教會報 文類-散文 作者--/-]
應該著謹慎 [ ENG-KAI TIO̍H KÍN-SĪN ]
應該著謹慎1893.02 94卷 p.6請大家看對面Ê尪仔圖有一個婦人人，名做勤愛嬸，無tâ-oâ著去園--裡耙草。伊有一個囝叫做勤仔。因為hit-ê囡仔是細漢bē得kā伊放tī厝--裡，所以著帶伊作伙去。當teh做工ê時tú著勤仔厭 siān ài睏，就kā伊下tī草--裡，koh將雨傘掛teh kā伊遮。勤愛嬸teh勤勤做工，iáu-kú益著囝，所以捷捷oa̍t頭teh看伊有穩當抑無。這個婦人人有一隻狗，號做花仔，是不止有路用ê精牲。花仔照顧伊。Tī勤仔身邊有一包乾糧。花仔也照顧，攏無貪心beh倚去食。Hit時是好天，所以鳥仔kap尾蝶tī半空中飛來飛去。園--裡ê後面有一間禮拜堂就是婦人...

[1893-2 台南府城教會報 文類-散文 作者--/-]
著大膽ná獅 [ Tio̍h toā-táⁿ ná sai ]
著大膽ná獅1893.02 95卷 p.20-22請大家看對面ê尪仔圖現時tī中國較無獅，iáu-kú人有畫伊ê形刻伊ê像來用tī衙門口kap廟頂，攏是糊塗扑算伊ê威靈會去邪。獅是極勇猛，hō͘人稱做百獸ê王。伊屬tī貓仔類，常常食雜項ê生肉，koh伊ê腳步是輕，目耳攏利，亦有暗chēⁿ gâu 咬所beh 食ê物。凡若嘴齒有分別3項，有ê親像刀會切，有ê親像耙會拆，亦有ê親像塗人ê齒會磨。獅無hit個磨ê嘴齒。伊獨獨拆肉就吞--落去，攏m̄ 免pō͘。Koh伊ê齒不止勇。若咬馬，亦會拖遠遠。（看這tah ê細圖就thang知獅嘴ê款）。獅ê身體是真有力，亦內面ê筋是tēng koh韌致到會扑...