[1928-2 台灣教會報/芥菜子 文類-散文 作者-明有德/Bêng Iú-tek]
綴主的必要 [ Tè Chú ê pit-iàu ]
綴主的必要 明有德 1928.02.01 515卷(芥菜子第24號) p.13-15 彼得讀特別的研究科，欲做耶穌基督的羊仔囝佮羊的牧者。彼得雖罔有綴耶穌，差不多三年的久，iáu-kú耶穌死了後，伊若欲續接閣綴耶穌，就著行一條真特別的路。彼條路是啥物？是著予伊的心肝換新，是欲將特別的法度來備辦伊的心，通來做主的工。這條是前所未捌有的新款的路，也這是自然的理。因為耶穌佇這世間的時有伊的肉體，無欲chhoā伊；若欲，是無偌久。所以彼得若愛做主的工，的確著看見閣活的主，也著用特別的法度來備辦伊家己的心。 1. 頭一項的準備，就是著看見閣活的耶穌。彼得倒去加利利的時，是拍算無欲閣...

[1933-6 台灣教會公報/芥菜子 文類-散文 作者-明有德/Bêng Iú-tek]
這人ná樹一般 [ Che lâng ná chhiū chi̍t poaⁿ ]
這人ná樹一般 聖詩第6首(詩篇第1篇) (明有德) 1933.06. 579卷，pp.22 這篇詩篇是甚物人寫--的？無親像別篇，寫頭序佇頂面講甚物人寫，á是著怎樣來用，總是讀了知影彼个作者是佮自然界不止熟似。伊對自然界所揀來做譬喻的，實在心適，就是「露」，「風，」「粗糠，」「溪，」「樹，」「果子。」遮的攏是台灣平常的物。所以咱台灣人較快明白這篇的意思。 總是這个作者所講起的，毋是kan-ta自然界所有一款的物nā-tiāⁿ。伊是愛用自然的物譬喻這款的人。就是「離開歹人道路」的人，佮「予風吹親像粗糠，」á是親像「栽佇溪水邊的樹。」Taⁿ若知影伊所指起甚物款的樹，就較明白伊...

[1933-7 台灣教會公報/芥菜子 文類-散文 作者-明有德/Bêng Iú-tek]
我聽耶穌的聲講明 [ Goá thiaⁿ Iâ-so͘ ê siaⁿ kóng-bêng ]
我聽耶穌的聲講明 明有德 1933.7 芥菜子第90號p.22 Horatius Bonar，這首的作者，是蘇格蘭的牧師；出世佇Edinburgh，伊的家族佇蘇格蘭的教會真出名，因為佇兩百年的中間，毋捌這擺無這个姓Bonar做牧師佇彼个教會的界限的界限內；就是逐代有做牧師。 伊的老爸是海關的官；真有學問的人，伊逐方面有趣味，亦熱心佇教會。 Bonar Edinburgh讀中學校，大學佮神學校。出業了有予Edinburgh，聖雅各的教會，請伊做傳道來幫贊in的牧師。 二九歲的時，有予別位Kelso的教會，請伊去做in的牧師。 三十五歲，彼个教會聯合的時，伊有離...

[1933-10 台灣教會公報/芥菜子 文類-散文 作者-明有德/Bêng Iú-tek]
天下遍遍逐邦國 [ Thiⁿ-ē piàn-piàn ta̍k pang-kok ]
天下遍遍逐邦國 明有德 1933.10(芥菜子第 93號) p.21 這首詩，就是逐國的教會所愛吟的，是一个英國聖公會的牧師做的。Reginald Heber，出世佇1783年。少年的時，有去Oxford大學讀冊。24歲的時，有受教會的監督派伊去做牧師。佇一所在做工16年久，伊常常真愛鼓舞教會較出力佇異邦宣道的事。有一擺，為著愛幫贊特別講演會的精神，伊有做一首詩。 論伊怎樣做這首詩，Heber牧師娘後來有寫親像下底按呢： 佇1819，有收著當局的批講，著提緣來幫贊東洋的宣道會。Heber先生有去一所在聽人講道理。伊到位的時，彼个牧師有拜託伊做這首詩來做過早起禮拜的路用，...

[1933-11 台灣教會公報/芥菜子 文類-散文 作者-明有德/Bêng Iú-tek]
上帝原本是我牧者 [ Siōng-tè goân-pún sī goá Bo̍k-chiá ]
上帝原本是我牧者 1933.11 (芥菜子第94號). P.22 (聖詩7首，詩篇23篇) 明有德 全世界毋知有一篇詩，比這篇予較濟人捌也無？扑算敢無。毋知有別篇比這篇較合世間人的心所愛也無？扑算無。毋知有別篇通比這篇較舊的，也是通做較新的？毋知有別篇遐爾短，包含遐爾濟真理？ 怎樣按呢？因為作者的生活是真簡單的；親像台灣田庄的生活。雖然這个作者是出名的詩人，雖罔伊踮佇平常的生活中，猶閣予伊真正滿足。所以通伊是大的人格者。 這个作者真知影人的性情。伊知一般人的艱苦。伊本身捌受艱苦，就是伊猶未信耶和華的以前。到捌耶和華以後，無閣再予艱苦阻擋著伊的信仰。伊猶原真捌人。...

[1934-3 台灣教會公報 文類-散文 作者-明有德/Bêng Iú-tek]
我捌寬寬聽候上帝 [ Goá bat khoaⁿ-khoaⁿ thèng-hāu Siōng-tè ]
我捌寬寬聽候上帝 (聖詩12) (明有德) 1934.3，no.588，pp.24-25 照這篇的作者家己講，伊捌一擺聽候上帝。論伊彼擺所拄著，毋是心適，好thit-thô 的事。伊所拄著，心肝非常艱苦。彼擺的經過，就是伊生涯中第一大的事。 論彼个經過，伊無啥物講。伊干焦設一个譬喻講，伊有跋落佇真通驚的陷坑。照看，伊直直倚靠家己佮人的勢力，致到真奇怪。伊ná倚靠人，感情ná較無拄好。到路尾，心神拄著大的淒慘。 無啥物講起伊的經過，伊所愛講--ê，就是伊怎樣脫離塗糜受牽起來。彼个事，就是人第一無拍算--ê，對按呢，濟濟人看見來驚畏。對按呢伊本身第一代先奇怪。毋若按呢，伊以前所信攏換了...

[1934-7 台灣教會公報/芥菜子 文類-散文 作者-明有德/Bêng Iú-tek]
傳教師總會 [ Thoân-kàu-su Chóng-hoē ]
傳教師總會 (明有德) 1934.7，no.592，pp.22 熱天又到，一年過一年，真緊。記得幾若日前，咱傳教師有聚集佇淡水；總是已經經過一年久，已經變做1933年的會。早起時，阮透早佇神學校的校前看觀音山的大自然，佮聽見上帝的聲，叫咱來修練。下晡時坐佇樹跤相佮想教會進行的事，ê昏時相佮坐，吟詩感謝上帝的大恩惠。 有一擺，我會記得，下晡時相佮聚集的時，佇一欉大樹下；有人提議一項，就是講，1933年的總會的時，若相佮得著主的能力，通來廣闊1个國，就真好，我聽了隨時感覺彼項的要緊。這款的題目，是真合紲接1934年總會的總題目。舊年是相佮聚集，來得著保羅的引chhoā咱捌救主；也今年欲...

[1937-5 台灣教會公報/芥菜子 文類-散文 作者-明有德/Bêng Iú-tek]
恁有餅偌濟？ [ Lín ū piáⁿ loā-chē? ]
恁有餅偌濟？ 明有德 1937年5月626期 24-26 I. 主張 寫三年運動的事，若無寫聖經就無甚物通寫，因為若無聖經就袂會運動甚物。無聖經就欲怎樣捌主耶穌基督？無聖經就欲怎樣佮主交陪來祈禱？無祈禱欲怎樣實行主的路？ 這月日(4月份) 3年運動的聖經研究，就是主耶穌將5个餅兩尾魚予5000人食彼站。寫這篇的時，有咧看約翰福音傳6：1-15。猶未讀一站的代先，愛讀馬可6：32-46；馬太14：13-23；路加9：10-18。若是代先讀這幾站，就較會明白約翰所記的。 「有濟濟人綴伊，是因為看見伊所行佇病人的神蹟。耶穌上山，就佮伊的學生坐佇遐。」遐的人若是干焦因...

[1937-6 台灣教會公報/芥菜子 文類-散文 作者-明有德/Bêng Iú-tek]
三年運動特記 [ Saⁿ nî ūn-tōng te̍k-kì ]
三年運動特記 明有德 1937年6月627期 26-27 1. 主張。 三年運動5月的聖經。太15：1─20；可7：1─23；路11：37─54。閣參約翰5，6，7，8章。 舊的慣例。「......無照流傳來行是怎樣」。佇西洋有一所在，有一个囡仔聽伊的爸母講，一日欲請牧師佮咱相佮食，囡仔真歡喜；總是也驚，因為無熟似。逐禮拜所看到台頂是不止遠。囡仔真愛看牧師食飯，看愛食甚物，也怎樣食。伊拍算牧師無凊彩食，閣伊的確比平常人較有禮數，伊不止驚；因為伊的爸母常常責備伊無照禮數。伊向望通對牧師學第一完全的禮數。伊逐日聽候，到彼日牧師來，大家坐桌相佮食，囡仔雖然恬恬毋敢講；總是...

[1937-7 台灣教會公報/芥菜子 文類-散文 作者-明有德/Bêng Iú-tek]
三年運動特記 [ Saⁿ nî ūn-tōng te̍k-kì ]
三年運動特記 明有德 1937年7月628期 28-30 1. 有一擺一个老母chhoā伊的囡仔去料理店欲食晝。囡仔較毋捌禮數，給士捀飯佮菜來，就搶匙仔，連鞭拍垃儳桌頂。老母講攏無欲聽，愈嫌，紲愈攪擾。老母看對面桌有一个生份人咧食，伊感覺真見笑。彼个人代先祈禱才食，親像真斯文。老母想若予囡仔驚，看會恬恬袂；共伊講，你若遐歹，彼个人欲掠你去遠遠；總是囡仔也是無欲聽。後來來彼个老母好膽共彼个生份人下失禮，共伊講，伊的囡仔真歹，真僫約束，無啥物好方法通予伊順趁。 彼時真心適，彼个囡仔看伊的老母咧佮彼个人講話的時，伊恬恬，無咧攪擾。彼个人共伊講，你看，你的囡仔毋是歹，已經變做乖的囡...

[1937-8 台灣教會公報 文類-散文 作者-明有德/Bêng Iú-tek]
三年運動特記 [ Saⁿ nî ūn-tōng te̍k-kì ]
三年運動特記 明有德 1937年8月629期 28-29 1.所信的檢查 咱的信仰的有力無力，是在佇咱所信的耶穌，咱有照耶穌實在的款來捌伊抑無？濟濟人信耶穌，名是著；總是內容毋著。照家己所想來說明耶穌是chī-chuī，親像馬太16：16，耶穌問伊的學生，「若是恁講我是chī-chuī？」 較早有宣教師出外傳道理，囡仔講耶穌來啦。伊毋敢恬恬親像承認的款，伊著對大人，對囡仔講，「我毋是，毋通按呢講。」 In想耶穌是對遠遠來的外國人，in想是佮人各樣，較奇怪的人，也掠伊做佮咱無關係的人，也掠伊做佮咱無關係的人。伊有奇怪，佮咱的欠用攏無干涉的人，抑是想伊是通驚的一个。...

[1937-9 台灣教會公報 文類-散文 作者-明有德/Bêng Iú-tek]
三年運動特記 [ Saⁿ nî ūn-tōng te̍k-kì ]
三年運動特記 明有德 1937年9月630期 25-27 I. 聖經的要領。 1. 平信徒傳道者的武器。逐項著有四配，有平均才有媠，有力。咱的信仰亦是按呢。咱到taⁿ經驗信仰的無力，無毋是因為咱的信仰無平均。咱敧佇道德，也有的敧佇神跡，閣有的干焦咧向望死後的榮光，也其餘的是真要緊--的，也無咧出力，毋知通出力。為著愛幫贊咱對聖經來得著有平均的智識，通做咱基督徒生活的基礎來備辦--的。(三運叢書第二卷 「聖經之要領」頒價。20 テ. 03振替台灣六八O四 蕭樂善)。 2. 閣備辦冊也是時代的要求。屬佇這款性質的冊，通講是傳教者所咧用--的。到佇今仔日，咱有感覺...

[1937-10 台灣教會公報 文類-散文 作者-明有德/Bêng Iú-tek]
赴東京台灣學生的禮拜 [ Hù Tang-kiaⁿ Tâi-oân ha̍k-seng ê lé-pài ]
赴東京台灣學生的禮拜 明有德 1937年10月631期 30-31 九月12日，佇東京角筈日基教會，下晡2點。台灣學生有聚集做禮拜。拜堂無甲偌大間，會坐百外人。彼日規間滇滇。早起遐的教會有in家己的禮拜，下晡台灣學生有借遐做禮拜的路用。 九月12日，是秋天第2學期的頭一回。下晡2點，我有去揣彼个所在，人報我彼个所在，咧欲到遐的時，有看見對彼爿兩人，對這爿3人áⁿ冊來，看了，想in是親像台灣的學生。看了，咧臆彼間敢是我所咧揣的拜堂。佇拜堂的外面，彼个地是不止闊，佇遐的大叢樹跤有濟濟个佇遐咧徛，有的咧坐。看in的態度，會知in毋是欲來thit迌，是欲來交陪上帝做禮拜。 看見...

[1937-12 台灣教會公報 文類-散文 作者-明有德/Bêng Iú-tek]
三年運動特記 [ Saⁿ nî ūn-tōng te̍k-kì ]
三年運動特記 明有德 1937年12月633期 30-31 I. 指導的事。 看路加9：57─62，有3款人真愛綴耶穌；總是逐个攏有阻擋。捌伊所欲行的路無夠額，抑是創家己的事真無閒，抑是家己的厝的人的阻擋。照看耶穌無愛將in所掠做阻擋的事來做阻擋。這款的阻擋，耶穌本身攏知影。伊本身拄著比這款閣較大的阻擋；總是主彼時已經咧行大振興的路。 予咱常常艱苦的一項，就是咱的主遐爾有精神咧進上帝的旨意的路，總是咱綴伊無夠額。伊遐有精神，咱遐無，毋知欲怎樣說明。拍算彼三人的阻擋咱猶原有。咱逐位教會的信者，若有通得著主的精神雖然淡薄，的確濟濟指導者會出來。我愛排列幾若項予咱想，本教會...

[1954-6 台灣教會公報 文類-散文 作者-明有德/Bêng Iú-tek]
世界消息 [ Sè-kài Siau-sit ]
世界消息(明有德)1954. 06, no. 786, pp. 11-12倫敦。三月7日，佇倫敦佮世界各所在有迎接150 週年設聖經會的記念。一百五十年前，就是1804年，有4、5个人佇3月7日早起時，saⁿ-kap聚集食早頓，佮祈禱計畫愛翻譯聖經做濟濟款的腔口。佇記念會的時，有報告講in的會佇150年的中間有出版820款的腔口的聖經。總是將來的工猶真濟，因為猶有1000外款腔口的人猶未有聖經，也有2400 萬人未有in本腔的聖經通讀。法國。佇法國天主教的內面，今年有拄著真oh解決的問題，就是濟濟神父去入佇濟濟工場的中間，做親像勞動階級的平常人。In的意思是欲親近遮的人，學主的模範佮in交陪。...

[1954-10 台灣教會公報 文類-散文 作者-明有德/Bêng Iú-tek]
世界消息 [ Sè-kài Siau-sit ]
世界消息 1954.10，no.790，pp.10-11 德國。 今年7月，西德佮東德基督教新教平信徒有聚集佇東德的Leipzig。路尾彼暝，in有聚集佇一个草埔，差不多有50萬人聚集。這个會拍算是世界教會的第一大的聚會。這个Kirchentag (教會日) 的 programme是用聖經研究做中心。總題目就是「咱著佇主的向望來歡喜。」佇彼時有青年特別的聚會；有揀一个標語，「咱著徛在佇基督。伊無欲予咱拄著失敗。」 東德。 東德政府佇這幾年有teh 起一个理想的共產都市。這个都市就是欲記念史達林，叫做Stalinstad。佇彼个所在本來無欲起拜堂佇in 的計畫內。總是因...

[1954-12 台灣教會公報 文類-散文 作者-明有德/Bêng Iú-tek]
世界消息 [ Sè-kài Siau-sit ]
世界消息 (牧師：明有德) 1954.12，no.792，pp.9-10 美國。 美國教會佇幾若年的中間，會友人數有加添濟濟。基督教有全百姓的 35% (1953)，天主教19% (1953)。佮1940年比較基督教有加添全百姓的 7%，天主教有加添3%。 印度。 1956年，就是美國美以美會去印度傳教100年的記念。佇彼時總會欲聚集佇美國的 Miⁿeapolis。為著這个記念會，印度真出名的聖歌隊欲代表印度去赴總會。 南美。 佇南美路德馬丁信義會有興起佇逐所在。雖然天主教有濟濟年的歷史佇彼所在，iáu-kú信義會的會友有75 萬。 日本。 Brunn...

[1954-12 台灣教會公報 文類-散文 作者-明有德/Bêng Iú-tek]
著會記得樂山園 [ Tio̍h oē-kì-tit Ngāu-san-oân ]
著會記得樂山園 1954.12，no.792，pp.27 逐年到聖誕節的時，就有濟濟人愛去樂山園佮遐的兄弟姊妹saⁿ-kap歡喜迎接聖誕。請各教會的兄姊關心佇這个事業，也著替身體艱苦的人祈禱。請特別獎勵主日學的學生為著這个來祈禱，佮獻淡薄錢來做幫贊。請予in知這个事業是teh學主的模樣愛同情佮醫好chiah-ê。醫好這个病，現時毋是無法度的，因為有濟濟新的方法通用。 奉獻錢的時，第一利便是對華南銀行轉來入董事會張鴻圖的數是好。 (明有德報)...

[1958-5 台灣教會公報 文類-散文 作者-明有德/Bêng Iú-tek]
甚物叫做「青年週」 [ Sím-mi̍h kiò-choè "Chheng-liân-chiu" ]
甚物叫做「青年週」 明有德 1958年5月833期 17-18 1、青年週的目的是teh記念咱教會內有設叫做。「T.K.C.」的青年工作。這佇咱台灣教會歷史上是一个新的一頁；青年家己組織家己的會，揀家己的幹部，saⁿ-kap指導，計畫家己著做的工作，也家己揀家己的人負責家己的工作對家己的錢袋the̍h 5 角銀來推動家己T.K.C.所著做的工；遮个佇台灣教會史上攏是新的事。咱一年一擺的青年週就是特別好的機會欲予咱重新檢討過去，仰望將來光明的路來進步的。 2、有濟濟人袂明甚物叫做「基督教。」有的掠做這个是禮拜日的宗教。In看基督徒禮拜日去做禮拜，親像其...

[1968-12 台灣教會公報 文類-散文 作者-明有德/Bêng Iú-tek]
明有德牧師的請安 [ Bêng Iú-tek Bo̍k-su ê chhéng-an ]
明有德牧師的請安 明有德牧師請安信 1968.12.01 1043-1044合刊號P.28 所敬疼，台灣的朋友，平安： 一年過一年，雖然全世界真擾亂，全人類真驚惶，彼个經過親像真緊佮真快！！教會公報也是上帝時間去，逐月日兩擺出來報好消息，就是報台灣兄姊(或是老人，青年佮囡仔)繼續用疼心相佮做主的聖工。 咧欲到年尾的時(12月尾)公報逐年咧準備來報咱第一大佮第一寶貝的好消息。較常利用聖會大名的信徒路加醫生所寫記錄的會做報告的中心。彼的話是用山裡咧顧羊的以色列人對天裡所聽見的聲，講， 「莫得驚，因為我報恁大歡喜的好消息，予百姓攏有份......為著恁生一个拯救的，就是主基...