[1968-10 台灣教會公報 文類-散文 作者--/-]
海外宣教師通訊 [ Hái-goā soan-kàu-su thong-sìn ]
海外宣教師通訊 邱以正 1968.10.01 1039號P.12 諸位敬愛台灣教會的兄弟姊妹平安。 這幫通藉著公報佮大家見面，深深感謝上帝，也感謝主筆陳牧師。同時也感謝大家對阮的支持佮代禱，予阮通平安為主做工。致意感謝佇阮舊年1967轉去度假的時幫贊阮的好朋友佮鼓勵阮的兄姊，同工。 現在我來介紹阮工作的所在，是馬來亞的南爿Jiu-hut-chiu的Moa-pho(Muar)。離開Malacca有28英里，新加坡130英里。人口約5萬人，其中華人約1千人：有2間的長老會，也有其他的教會。不過咱的教會較大。阮所負責的是三一堂(Trinity Church)用福建會；閣一間是活水堂...

[1968-10 台灣教會公報 文類-散文 作者--/-]
陽光佮健康 [ Iông-kong kap kiān-khong ]
陽光佮健康 1968.10.01 1039號P.16-17 太陽的光線對咱人的健康有真大的影響。你若愛每日增加生活的活力，較好每早起出去照日，做健康操。早起時柔軟的日光，會予你一日中想袂到的輕鬆愉快。 陽光對人的好處有以下幾項：(1)太陽光中的紫外線照著皮膚，會予體內產生維他命D。這個維他命D會促進鈣質(鈣)的吸收，予身體的骨骼勇壯。因為玻璃會阻止紫外線，所以較好著佇戶外照日。(2) 紫外線會殺菌。(3) 增強毛管的抵抗力，會治療傷風敏感性的病，閣寒天會較毋驚寒，偶然沃著雨，也較袂寒著。(4)予血液循環流通，無論高血壓，抑是kē血壓攏有利益。 聖經講主耶穌是真的光，咱的靈性...

[1968-10 台灣教會公報 文類-散文 作者-鄭連坤/Tīⁿ Liân-khun]
上帝所配合的 [ Siōng-tè só͘ phoè-ha̍p ê ]
聖經講解(7a) 上帝所配合的 鄭連坤 1968.10.15 1040號P.3-6 頂期有相佮想相遇的人生佮對話的世界的問題。今佇咱一生中這兩項第一著現通體驗的就是對結婚來成做夫婦的中間。所以今仔日咱對第一起初的結婚的故事來想到基督教結婚觀。 1) 我所想袂出的奇妙。 「我所想袂出的奇妙有三項： 連我所毋知的有四項。 就是鷹鳥佇空中的路； 蛇佇石磐頂的路； 存佇海中的路； 男佮女交合的路」 (箴言30：18－19)。 箴言記者佇遮所講男佮女交合的路，實在是極其奇妙的事。伊佇遮所咧包含的是戀愛的神秘佮生囝的神秘佇咧(傳道11：5；詩篇139：13－16)...

[1968-10 台灣教會公報 文類-散文 作者-編輯室/Phian-chhip-sek]
價值推行的一項事工 [ Kà-tit chhui-hêng ê chi̍t hāng sū-kang ]
價值推行的一項事工 編輯室 1968.10.15 1040號P.13-14 佇今年7月所召開的新宣農村年研究會，以及第15屆第2次的總Uí會，攏有論起「儲蓄互助社」的問題。 明年是新宣農村年，照趨勢，儲蓄互助社的鼓舞應該成做重要推行的一項目標。 這個互助社是佇1848年佇德國成立的。當時的目的是「非營利，非救濟，是為服務」(非為營利，非為救濟，乃為服務)。目的正，主旨好，所以佇20年間傳教全球80的國家，共有成立4萬9千的互助社，成績非常好。 咱中國是天主教代先響應；佇民國53年，新竹市西門町天主教成立頭的互助會，現成立頭一個互助會，現在已經有90外個。咱總會佇3年前才對山...

[1968-10 台灣教會公報 文類-散文 作者-許德謙/Khó͘ Tek-khiam]
介紹艋舺教會伉儷團契 [ Kài-siāu Báng-kah kàu-hoē khòng-lē thoân-khè ]
介紹艋舺教會伉儷團契 許德謙 1968.10.15 1040號P.14-15 台灣教會進入宣教第2世紀，有娠世紀宣教運動咧革新會，也有幾若款的團契咧培養教育信徒的生活。T.K.C.，少年團契，兄弟團契，女宣道會(姊妹團契)，學生團契等佇各階層咧活動，真感謝。不過佇基督化家庭的強化，有需要夫婦同心的「伉儷」團契。因為爸母若無一致有好的信仰佮領導，袂通幫贊子女的生活，就生出問題青年。尤其是當今的時勢邪惡，社會道德腐敗，家庭夫婦發生濟濟問題，離婚的風氣來那濟，夫婦若無好的信仰，袂通建設基督化的家庭。 針對這方面的需要台北艋舺教會的伉儷團契值得予咱通注意看齊in的活動。該會戴伯福牧...

[1968-10 台灣教會公報 文類-散文 作者--/-]
和平的日 [ Hô-pêng ê ji̍t ]
和平的日 黃淑惠 1968.10.15 1040號P.17-18 佇光復節，回憶20年前光復當時，(家父黃俟命牧師，)徛佇美軍佮日軍的中間，來祝禱... 光復當時，家父佇員林教會牧會，阮也攏蹛佇遐。佇員林的東爿坐車成點鐘久，就到風景美麗的小山，山頂有日本的神社。 佇這個山跤有一所在叫做國民道場，佇遐關美國的俘虜，in喙鬚hô͘-hô͘，穿破衫，褪赤跤，提畚箕予日本憲兵監督咧做工。閣彼當時日本兵真歹，有時行路過的人tìm薰屎佇路裡，美國俘虜欲抾起來食的時，予日本兵sai，踢，實在真可憐。以前這個所在是一個真媠的遊覽地；今因為關美國俘虜紲變做殘忍可怕的禁園，真少人敢行到，驚了受嫌...

[1968-11 台灣教會公報 文類-散文 作者-江進發/Kang Chìn-hoat]
醫療團teh做啥物 [ I-liâu-thoân teh choè sím-mi̍h ]
醫療團teh做啥物？ 江進發 1968.11.01 1041號P.3-4 照大家所知，佇100年前馬醫生為著欲傳福音，就佇台南看西街開始醫療工作，後來就開設新樓病院，這通講是台灣西醫的開祖。閣繼續到光復前約90年久，對台灣的醫學界非常大的貢獻；得著醫病來信耶穌的數額算袂了。親像按呢，醫療佮傳道實在有真密切的關係。2000年前主耶穌遍行逐个城，逐个鄉社，宣傳天國的福音，醫治逐樣的病症。台灣開始傳道就是按呢，若看宣教史，未開化的地方閣較是按呢。有人講醫療毋是傳道的手段，總是我想醫療會通做傳道的階段。醫生醫治患者是予伊肉體上得著平安，進一步，若報in信耶穌，敢毋是予伊加得著靈魂上的平安...

[1968-11 台灣教會公報 文類-散文 作者-鄭連坤/Tīⁿ Liân-khun]
上帝所配合的 [ Siōng-tè só͘ phoè-ha̍p ê ]
上帝所配合的 鄭連坤 1968.11.01 1041號P.5-7，14 前期鄭牧師有論(1)上帝創造男佮女。(2)佇創造秩序中的結婚。(2)佮(3) 閣有8款，若相對照來讀不止趣味，閣會較明瞭。 －編者－ (3)轉錄的詩集(轉落的詩集) (3：1－24)。 佇第二上有記載極其幸福的結婚狀態，受上帝大的祝福，但是這个幸福袂通保持久久，佇第三章就欲失去這个特權佮祝福。英國的詩人John Milton有寫一本詩集叫做「失樂園」(Paradise Lost)。今咱佇這个轉錄的詩集，也通揣出8項的問題來比較研究。 1) 婦人人家己佇園裡(3：1)。甚物原因這陣查埔人無...

[1968-11 台灣教會公報 文類-散文 作者-王英世/Ông Eng-sè]
介紹儲蓄互助社 [ Kài-siāu Thû-thiok Hō͘-chō͘-siā ]
介紹儲蓄互助社 王英世 1968.11.01 1041號P.10-14 新宣農傳年所著推行重要事工的一項，就是儲蓄互助社的設置。請王Eng-sè牧師詳細來介紹。 主筆陳添登(Thiam-teng)牧師愛我寫淡薄關係「儲蓄互助社的內容」落佇教會公報。事實我毋是專家，因為張Hûn-gím牧師去外國深造，所以無牛駛馬來答應主筆的要求。 普通民間咧流行的「會仔」抑是「合會」「農會」「銀行」的儲蓄，咱大家攏真熟；總是「儲蓄互助社」(以下簡稱互助社)這个運動佇台灣才有4年外的歷史，所以猶有真濟人全然攏毋捌聽見，也毋知彼个好處。常常會聽見予人倒錢，仔是講散赤人毋敢行到銀行寄錢。...

[1968-11 台灣教會公報 文類-散文 作者--/-]
感恩節的請安 [ Kám-un-choeh ê chhéng-an ]
感恩節的請安 農村傳道委員會。 主席：劉華義。 委員：孫鴻鎮，陳iāu-hông，陳En̂g-siông，洪Kong-iām，許日新，徐茂雄。 1968.11.15 1042號P.3-4 佇主的疼痛徛起佇農村的諸位兄姊，願恁平安！ 咱用信仰佮向望踏入的1968年，目nih久就到感恩節啦！日子咧過真緊，那水咧流，予人感覺也憂悶。回想過去的日子，留予咱的，有真濟的勞苦，也有帶目屎的歡喜。無論苦抑是甜，咱攏有感覺上帝豐盛的憐憫佮講袂盡的恩惠咧施落佇咱的頂面。閣伊用伊的正手咧引chhoā咱過這个崎嶇的路途，這拄拄照咱的主所講「我日日佮恁佇咧，到世間的路尾。」聖經也講「你著勇敢壯膽，...

[1968-11 台灣教會公報 文類-散文 作者-賴炳烔/Loā Péng-tông]
聖經佮聖經公會 [ Sèng-keng kap Sèng-keng Kong-hoē ]
聖經佮聖經公會 賴炳烔 1968 .11.15 1042號P.5-6 1) 最早的聖經， 現在咱所咧用的聖經是1450－1456年的中間佇德國用拉丁語出版的叫做「Bú-ka-tāi譯本，」這款頭一本的聖經，現在全世界只有賰4，50本若定，彼个價值約值台幣1，000外萬。 2) 聖經的翻譯。 聖經是上帝對人的呼召，所以每一个人都有權利通讀。 為著按呢，真濟教會要求愛有淺明閣便宜的聖經，所以佇逐所在都有翻譯聖經的工作。到佇1967年底，全世界已經有翻譯1326種語言的聖經，其中新舊約有242種，新約307種，單行本777種，遮的差不多有佔全世界人口的 10...

[1968-11 台灣教會公報 文類-散文 作者-鄭連坤/Tīⁿ Liân-khun]
無假的信 [ Bô ké ê sìn ]
無假的信 鄭連坤 1968.11.15 1042號P.7-9 佇第5擺的選擇佮決斷的時，我已經有強調做家長的人的責任，特別徛佇信仰的立場好膽引chhoā伊的家族全家同心志服侍上帝是非常要緊的事。今這期愛閣對另外一个角度來相佮稽考做老母的人的責任的問題。我所揀的聖經是提摩太的家庭，向望對這站通揣出要緊的真理。 (1) 提摩太的爸母。 若看行傳16：1－3有記載講，「有一个學生名提摩太，伊的老母是一个婦人人；伊的老爸是希利尼人。」代先對這个記事來想。提摩太的老母是一个猶太人，閣是有信仰的婦人人；總是佇結婚的時伊所揣著的對象是帽siāng民族的希利尼人，閣無信仰的查埔人(因為...

[1968-11 台灣教會公報 文類-散文 作者--/-]
日基第15屆總會觀感 [ Ji̍t Ki tē 15 kài Chóng-hoē koan-kam ]
日基第15屆總會觀感 鍾茂成 1968.11.15 1042號P.13-14 總幹事鍾茂成牧師受派去赴日本基督教團第15屆總會。特別請伊寫這篇的觀感。內容有濟濟所在不止通予咱學習。(編者)。 奉總會常置委員會的交代，我佇10月19日出發去東京參加日本基督教團第15屆總會，聚集佇東京Hù-sū-kiàn-teng教會。日基總會創立以來，除第4 屆聚集佇京都，第13屆佇青山學院，第14屆佇大阪以外，攏是聚集佇這間禮拜堂。這間教會有一位咱台灣基督長老教會出身的馬Tiau-bō͘博士做長老。馬長老siāng時也是咱佇東京的台灣基督長老教會的長老，就是劉振芳牧師佮蔡一信牧師的教會的長老。...

[1968-11 台灣教會公報 文類-散文 作者-鄭連坤/Tīⁿ Liân-khun]
日本傳教記 [ Ji̍t-pún thoân-tō kì ]
日本傳道記 鄭連坤 1968.11.15 1042號P.21-22 本總會海外宣道會，頭一擺派5个牧師去日本培靈佈道。得著熱la̍t ê歡迎；建立華日兩國教會的進步親善關係。依照海宣的要求，請鄭牧師來寫去日本佈道的經過，做海宣的工作報告。(編者) 這陣接著主筆先生的命令叫我著緊寫報告通出佇公報。我掠做阮這團的團長黃加盛牧師會寫，總是到這-陣攏無看著報告。因為受命令毋敢推辭，閣驚了時間經過傷久會失去彼个意義。所以好膽緊來寫幾字恭敬向全台的諸位兄姊報告。 1) 目的－1967年10月日本教團有正式頭一擺派7位牧師來台灣傳道，受咱各教會的好款待。今照當時的約束，咱也著...

[1968-12 台灣教會公報 文類-散文 作者-鄭連坤/Tīⁿ Liân-khun]
聖母馬利亞 [ Sèng-búMá-lī-a ]
聖母馬利亞 鄭連坤 1968.12.01 1043-1044合刊號P.4-6 一年一厝通歡喜的聖誕節已經到啦。大家相佮來慶祝普天同慶的歡喜。特別感謝過去大家的愛顧佮代禱，今佇遮最後一厝來相佮學習上帝的話。最近我咧整理舊的資料的時，有揣著1961年的聖誕節佇加拿大Toronto市的中國人教會講道原稿，我看了生出濟濟的回憶佮思念。我有將彼篇整理做講解的樣式來佮咱相佮得著勉勵。閣通做我對心底所有慶祝聖誕的祝賀獻予各位兄姊。 1) 在室女馬利亞(路加1：26-38) 天使Ka-pek-lia̍t奉差來到拿撒勒揣馬利亞，欲將上帝所交代的好消息報伊知。就是彌賽亞欲對伊出世。彌賽亞...

[1968-12 台灣教會公報 文類-散文 作者--/-]
信徒的議長 [ Sìn tô͘ ê gī-tiúⁿ ]
信徒的議長 加拿大合同總會選出一位醫生 1968.12.01 1043-1044合刊號P.24 加拿大合同教會，最近開總會，佇議長選舉中選出一位信徒Lô-boat，馬可力做議長，in的教會信徒受選做議長是這次頭一個。馬可力議長今年68歲，做醫療宣教師久久佇中國，緬甸，印度服務。佇就任的時伊講，做我會通貢獻的，就是予信徒自覺，教會是有為著信徒來咧獻身的牧師的共同體。今日的信徒無咧想，教會是牧師的；也信徒本身是教會。咱著激勵信徒予in知信徒是教會的中心，佇海外也著有十分的活動。...

[1968-12 台灣教會公報 文類-散文 作者--/-]
麥堅泰否認有關暗殺總統 [ Be̍h-kian-thài ho͘N2-jīm iū-koan àm-sat chōng-thóng ]
麥堅泰否認有關暗殺甘總統 1968.12.01 1043-1044合刊號P.24 萬國基督教協會(I.C.C.C.)麥堅泰牧師，10月17日佇伊所發刊的週刊「基督徒燈塔」(Chsistian Beocon)第1面到第4面，發表伊佮暗殺甘迺迪總統統無關。 這是對10月10號佮13號佇Hui-lia̍p-thiat-hui市晚報佮Seng-kî-ji̍t週刊所發表攻擊麥牧師來講的。這兩報有用Rambuntio͘s Reverend and His Cape may Neighbors (Chho͘-iá的牧師佮五月角的厝邊)做標題講起，「麥泰堅佮暗殺甘總統有關連。閣講，伊怨恨天主教徒...

[1968-12 台灣教會公報 文類-散文 作者--/-]
海外宣教師通訊 [ Hái-goā Soan-kàu-su Thong-sìn ]
海外宣教師通訊 董群家 報 1968.12.15 1043-1044合刊號P.26 所數念故鄉教會的兄弟姊妹，聖誕恭喜！ 若準昨日才離開台灣，總是目一nih已經過去3年啦。阮全家非常思念故鄉主內兄弟姊妹，也毋捌無一日袂記得台灣的聖工來祈禱，相信大家佇天父的照顧下面攏平安。 阮佇遮也得著主的扶持佮各位兄姊的代禱，聖工有順序咧進步。因為工作無閒，袂通常常寫批共大家請安，真抱歉。今得著教會公報社主筆的好意，佇遮將小弟佇新加坡正道堂的工作向各位報告。 新加坡是佇赤道北爿約85 mai，馬來半島的南爿，面積約220平方mai，人口約200萬，是東南A最大的商港。佇遮無四季的分...

[1968-12 台灣教會公報 文類-散文 作者-胡茂生/Ô͘ Bō͘-seng]
星馬短期傳道報告 [ Seng má toé-kî thoân-tō pò-kò ]
星馬短期傳道報告 胡茂生 1968.12.01 1043-1044合刊號P.27 本人真光榮，受海外宣道會派遣，去到馬來西亞做短期的傳道工作。遵照海宣的命令，佇遮做紙面的報告。 本來這回有訂佮歐進安牧師做夥去，因為伊私人的都合紲袂赴。我是佇6月綴出發27日到泰國的萬國，29日到新加坡。佇星馬共兩告月閣10日。得著上主的引chhoā，這中間攏平安，大小主領89擺的聚會；只有3日的歇睏若定。 親像咱有鼓舞倍加運動，星馬長老會也咧提倡「5運」。今年是拄「5運」的第2屆第3年，主題是「活的基督」，中心下佇「平信徒的訓練」。所以我佇遐的工作較濟是赴in的講習會講演佮培靈。 以下將星馬...

[1968-12 台灣教會公報 文類-散文 作者-明有德/Bêng Iú-tek]
明有德牧師的請安 [ Bêng Iú-tek Bo̍k-su ê chhéng-an ]
明有德牧師的請安 明有德牧師請安信 1968.12.01 1043-1044合刊號P.28 所敬疼，台灣的朋友，平安： 一年過一年，雖然全世界真擾亂，全人類真驚惶，彼个經過親像真緊佮真快！！教會公報也是上帝時間去，逐月日兩擺出來報好消息，就是報台灣兄姊(或是老人，青年佮囡仔)繼續用疼心相佮做主的聖工。 咧欲到年尾的時(12月尾)公報逐年咧準備來報咱第一大佮第一寶貝的好消息。較常利用聖會大名的信徒路加醫生所寫記錄的會做報告的中心。彼的話是用山裡咧顧羊的以色列人對天裡所聽見的聲，講， 「莫得驚，因為我報恁大歡喜的好消息，予百姓攏有份......為著恁生一个拯救的，就是主基...