[1927-10 芥菜子 文類-散文 作者-陳瓊琚/Tân Khêng-ku]  (2)
世界十二偉人論 [ Sè-kài Cha̍p-jī uí-jîn-lūn ]
世界十二偉人論 (續接前號) (11). David Livingstone (1813-1873)。論Livingtone m̄-nā kan-ta是宣教師閣亦是大探險家。In一隊毋驚死對熱帶的大樹林直直入去。咱人會得通知影中部亞非利加的人的事就是對佇這个宣教師的致蔭。Taⁿ伊有抱負兩款的目的佇teh，一項是探險佮伊家己所講新天地開發的事業chham愛用神的道理傳予袂開化的人。Taⁿ為著第一的事業伊費了第一濟的時間。彼个因端是鑽入袂捌人到的世界來開新的路予別人通較快綴伊的腳步來行，這款做先鋒是伊的天職。因為這層的事業費了伊的青春佮害著伊的健康，到尾紲連伊的性命亦為著按呢來犧牲。欲做這款...

[1927-10 芥菜子 文類-散文 作者-康清塗/Khng Chheng-thô͘]  (2)
一滴一滴的水 [ Chi̍t-tih chi̍t tih ê chuí ]
一滴一滴的水 (32) 征伐日頭 照生番的傳說有講古早日頭是2粒，一粒是早起時出，ē昏時入，一粒是暗頭出起來到天光才落，對按呢攏無分暝日，人攏無通歇睏，五穀菜蔬佮樹木攏死，人真艱苦彼時眾人就參詳揀5个少年閣勇猛的去拍日頭；總是路真遠著行5，6，十年才會到；in 5个行2，3，十年久的時一个病死2个轉來2个直直去攏無消息；後來前人就閣揀數名的青年一人iāng一个囡仔去；閣the̍h五穀佮kam-á菜的種子去；行真久才到，總是少年人攏真老死去chhun 3个青年就是出發的時所iāng的囡仔大漢的。3个就拔箭射日頭，日頭流出真濟的血，紅的日頭隨時變白，天隨時烏陰，所以現時的月就是彼个流出血的...

[1927-11 芥菜子 文類-散文 作者-陳清義/Tân Chheng-gī]  (2)
約翰對基督的天職觀 [ Iok-hān tuì Ki-tok ê Thian-chit koan ]
約翰對基督的天職觀 這个約翰是耶穌所疼痛的學生，常常佇耶穌的身邊，不止捌耶穌的代誌。伊講，「這个tō成人的身軀，」就是指起基督。伊所擔當的責任，就是入世間的 使命，對本質上來講，是上帝的顯現者，對位格上來講，是上帝的獨生囝。約翰愛將基督做人類佮上帝的中間所盡的天職，對3方面的觀察中來完全講明予人通激起對基督的觀念，會真切。Taⁿ基督的天職，照約翰所看是甚物款，排列3項佇下底。 1. 是上帝的羊羔： 人類的罪惡，袂會隱囥，上帝的公義也毋通廢除。古代用犧牲的祭禮，是有表基督救贖的恩，所以基督擔當上帝的使命，來成肉體到這世間，是欲擔當世人的罪孽，來成上帝羊羔的職務，這个就是神人間中保的責任，...

[1927-11 芥菜子 文類-散文 作者-陳清忠/Tân Chheng-tiong ]  (4)
兒童中心的基督教 [ Jî-tông Tiong-sim ê Ki-tok-kàu ]
兒童中心的基督教 (續接前號) 第三章 全能的上帝疼極端 (過頭)。 拍算，予近代的讀書界鬧熱的書籍(冊)，無有一本贏過Pa-pí-nî所著的 「基督傳。」連日本to有兩款的翻譯書。總是用研究的精神來讀一本傳記的人有幾個？拍算彼个數是真少。人人有各樣的趣味，無論teh讀甚物冊，若是有深深合佇家己的趣味--的，就特別較注意，這是自然的理。今仔日的牧師傳道師(台灣？)對佇兒童這方面無甚物有趣味的款，所以研究兒童的精神有缺乏。今仔日的傳教師的冊櫥內內，tàu-tih毋知有幾本關係兒童的冊佇teh？ 幾若年前，我捌佇某出名牧師的讀冊廳借過一暝，隔日透早起來，冊櫥內幾若百本的中間，揣無半本關...

[1927-11 芥菜子 文類-散文 作者-偕叡廉/Kai Jōe-liâm]  (1)
信就得著 [ Sìn chiū tit-tio̍h ]
信就得著 幾若月日無落雨，洘旱，作穡人無收成；無收成，就無錢通買物；無通買物；店頭就無錢趁。店頭無生理，割店直直欲倒。彼時會社長吐氣，搖頭，煩惱到極，m̄-kú無法度。所以有的錢一盡khêng-oá猶欠三十萬銀；taⁿ欲怎樣。 社長的名號做oán-lī。伊佇Oh-sū-tē-lī-a濟濟年teh做大生理。Taⁿ強強欲破產。 Teh坐的時拄著一位的朋友來探伊。朋友看伊的面憂憂就講。你teh煩惱啥事？社長in講，我teh煩惱錢。這pang生理歹做，我欠三十萬。害ah！真慘！朋友講，你的確毋通煩惱，咱是信上帝的人的確毋通過頭掛慮。你是信者，我是傳道，咱著將萬事交託主。...

[1927-11 芥菜子 文類-散文 作者-偕叡廉/Kai Jōe-liâm]  (2)
耶路撒冷地動 [ Iâ-lō͘-sat-léng toē-tāng ]
耶路撒冷地動 這pang佇耶路撒冷有拄著大地動，地方的百姓不止淒慘，死失的人有600外的，著傷的有3000外。地動彼時通猶太國攏搖choah。耶路撒冷的百姓著驚攏走出城外。走袂lī的人真濟予厝teh死。散鄉人毋甘放拺in 的物，欲閣去厝裡the̍h物，濟濟為著按呢來失落in的性命。厝也倒壞真濟。第一傷重就是猶太人的大學，總督的宿舍佮回回教的大宮殿，號做，Mosque of Omar。這間殿就是起佇在早Só-lô-bûn所起彼間殿的所在，所以通講是耶路撒冷出名的古蹟。欲閣修理這間殿，大約著閣開出一百萬銀。 近佇耶路撒冷猶有濟濟所在拄著大損壞。佇Iok-phàⁿ佮Ka-ná山...

[1927-11 芥菜子 文類-散文 作者--/-]  (2)
教囝的法度 [ Kà kiáⁿ ê hoat-tō͘ ]
教囝的法度 公正 世間人攏著用公義款待人，細漢的囡仔，較常若看見物，想愛就共伊the̍h，實在是對伊的智識iá-bē開，所以做父母的人，應該著量早教示囝兒用公義款待人，若甲的囡仔the̍h乙的囡仔的物，乙的囡仔的確知無合理，就著教乙的囡仔講。也毋通the̍h別人的物，上帝第八誡講，莫得偷the̍h，就是按呢，毋通勉強囡仔送物，抑是借物予人，這是做父母的人第一快犯著的過失，要緊著留心，獨獨著常常勉勵囡仔大量，若是別人的物，就毋通the̍h，的確著代先問人才通，借用了後，猶原著囥原位，毋通chhìn-chhái下，閣著教囡仔毋通拍歹別人的物。著小心共人照顧，毋通iân-chhiân到予人來討...

[1927-11 芥菜子 文類-散文 作者-張基全/Tiuⁿ Ki-choân]  (4)
製鹽工業 [ Chè-iâm kang-gia̍p ]
製鹽工業 (續接前號) 這款岩鹽有的真清氣，親像德國所出的岩鹽，自按呢毋免閣精製就會食，用得，閣再Stassfurt地方的岩鹽的囥床有1200到3000尺hiah厚，所以通講規山to是鹽。 有人kiám-chhái欲想講佇陸地ná會有鹽hiah濟佇teh？照現今的學者研究，岩鹽猶原是海水漸漸厚來結成的，後來彼个地方受著地勢的變遷，予塗石蓋去。照岩鹽來看，第一下跤層是鹽化加里(鹽化加里)。中層是鹽......鹽化曹達)。頂面層是鹽化苦土......(鹽化苦土)這按呢tú-tú是將海水共伊蒸發(煮)予伊直直厚，就照頂面岩鹽的款式對鹽化加里，後來鹽，第一路尾才鹽化苦土的順序直直析出沈...

[1927-11 芥菜子 文類-散文 作者-柯設偕/Koa Siat-kai]  (2)
淡水中學 [ Tām-suí Tiong-o̍h ]
淡水中學 (柯設偕) 淡水中學是佇1914年3月9號設立開校。到今年已經是13年久lah。通講是本島中第一久的私立的中學。也出業生已經有9回，共67名。現在教員14 位，學生倚200名。漸漸有ná teh進步。通講地基已經在lah。對taⁿ起穩當會受上帝的大幫贊，發展隆盛，利益濟濟人，閣通榮光天國佇台灣。 逐年有募集新入生。Mâ年4月新學年，猶原有欲閣募集。所以大大向望讀報的兄姊，鬥廣告，鬥宣傳這間學堂，予濟濟人會知，會了解這間的精神，佮理想。也向望濟濟人會來入這間學堂。 常常捌有人，到眾人攏入學清楚了，才欲來交涉，看有甚物特別的路。這款實在有時真通同情，m̄-kú...

[1927-11 芥菜子 文類-散文 作者-陳瓊琚/Tân Khêng-ku]  (2)
淡水女學院創立二十週年紀念會 [ Tām-suí Lú-ha̍k-īⁿ chhòng-li̍p jī-cha̍p-chiu-nî kì-liām-hoē ]
淡水女學院創立 二十週年紀念會 十月十三日頂晡對九點起佇淡水女學院的大講堂有開祝賀「創立二十週年」的紀念會。Taⁿ佇遮愛照彼日的順序大略來記佇下底：-第一步1. 奏樂 (陳Sìn-cheng女士)。2. 禮拜。會眾一同，代先吟詩，後來郭水龍牧師讀聖經佮祈禱，就第一步清楚亦接紲第二部。1. 會眾一同唱「Kimigayo。」 2. Thek-gú奉讀。3. 金姑娘校長式詞。4. 來賓祝詞的中間，代先是台北州知事，以外有淡水郡的事務課長，淡水中學長，偕先生。北部長老教會中會的議長章Thian-ki牧師，閣蕭安居牧師。 閣有美國的領事官佮英國的領事官的hō-chng佮對四方的名士以及...

[1927-11 芥菜子 文類-散文 作者-明有德/Bêng Iú-tek]  (1)
耶穌疼我！我知明 [ Iâ-so͘ thiàⁿ goá! Goá chai beng ]
耶穌疼我！我知明 aⁿa warner是美國人。伊有toà佇一所在是倚佇New York。 伊家內的人攏是做詩，gâu ji̍h琴，gâu唱歌。伊的姐妹有印幾若本；較濟是論聖詩佮音樂的事。 aⁿa Warner本身有做不止濟的詩。伊所做的詩有關係佇囡仔的款式。伊37 歲的時，有印一本故事冊。佇彼內面有應一首的詩，就是論「耶穌疼我！我知明。」 有人講，伊的囡仔彼時有破病。伊共伊照顧的時有讀聖經予伊聽，也對伊的囡仔的所想，所講來寫這首的詩。 也有人講，伊本身有親像囡仔的心肝佇teh，親像囡仔的信仰佇teh；因為伊有彼款的精神才會寫，「是耶穌疼我。」 這款的精神是倚佇耶穌所講...「恁若...

[1927-11 芥菜子 文類-散文 作者-陳清忠/Tân Chheng-tiong ]  (1)
報料 [ Pò-liāu ]
報料 芥菜子列位的讀者siu-lám：- 本報有決定對mā年正月起欲佮「台灣教會報」合印。芥菜子毋是欲廢刊，本報的特色以及內容的充實，無各樣佇以前，不過是換來chham佇「台灣教會報」內面nā-tiāⁿ。就是將「北部事務」換做「芥菜子。」頁數欲加添到20面。目的是欲予讀者較便利，較經濟的。 所以對mā年正月起發行所(北部)欲換佇淡水龍目井街書房嚴漳先生遐。屬北部的讀者，若愛繼續買，直接對嚴先生注文就-好；屬南部--的，請對南部冊房注文。 芥菜子的報料，愛勞煩列位佇本月中(抑是上慢到後月上旬)來la̍p清楚。 請照下面所定來la̍p：- 1. Boé...

[1927-5 芥菜子 文類-散文 作者-陳清義/Tân Chheng-gī]  (2)
予人和平的人有福氣 [ Hō͘ lâng hô-pêng ê lâng ū hok-khì ]
「予人和平的人有福氣」 馬太5 章 9節。 主耶穌佇世間的時，有周圍四方傳道理，有一擺佇迦百農附近的所在，看見眾人規陣就近伊。就peh上天然的教壇來說教，題目是論福氣，攏總有8 个。這tia̍p愛將第7 个來論，佇漢文的聖經是講和平的人有福氣。照本文是講予人和平的人有福氣，按呢較著。 論予人和平這4 字，是好字，閣再真好聽。是上帝的聖旨，也是主耶穌的教示，伊是和平的人君，降世做人，做一chân大事業，予世間人佮上帝和好。也予萬國的人通歸一體大家相疼結和平的果子，來合上帝的旨意，所以予人和平的，就是承受上帝的聖旨，順趁基督的教訓。 按呢咱人毋但家己行和平，也著幫贊人予人來行和平，是真要...

[1927-5 芥菜子 文類-散文 作者-陳清忠/Tân Chheng-tiong ]  (3)
基督怎樣比念佛較贏？ [ Ki-tok cháiⁿ-iūⁿ pí Liām-hu̍t 念佛 khah-iâⁿ? ]
基督怎樣比念佛較贏？ 日本基督教會有一个牧師名叫Ku-kok (亀谷)。伊是本源寺的教祖蓮如上人的地18 代孫。伊對細漢到大學卒業，拍算欲承接祖先的職，來做和尚，伊的卒業論文也是關係佇彼方面的研究，-就是研究念佛信仰的大乘者善導大師的 su。總是真奇怪，伊受恩典的手的揀召，斷然脫出和尚的職來做牧師；雖然有受內外的迫害真傷重，iáu-kú無離開伊的本所在，專心佇遐宣傳基督的道理。 伊所發行的雜誌「十字架」有一chām teh論頂面的問題；人若teh袂了解基督教佮佛教的優劣（iu-loat），讀這chām 會通做真好的參考。 伊按呢講： 「念佛是通感謝，這是釋迦的教示；七高僧有信念佛；C...

[1927-5 芥菜子 文類-散文 作者-陳瓊琚/Tân Khêng-ku]  (4)
犧牲的人生 [ Hi-seng ê Jîn-seng ]
犧牲的人生 咱大家所teh穿這款的衫褲佮咱一日三頓所teh食的五穀，-論彼个經過的路程毋知有偌濟？閣講較明，農夫對in犁田、掖種起，到成做飯來入到佇咱的喙內，佇這中間通講已經著勞煩幾若十人，kiám-chhái 幾若百人的著磨佮犧牲才會得著按呢。頂面所講論衫褲佮咱所teh徛起的厝，以及以外逐項物攏是按呢。咱人逐个較常 kan-ta愛要求安樂攏無愛犧牲，總是敢毋知影咱徛起佇這个地面上，抑是講咱的人生已經是犧牲的人生mah？ 所以雖罔人愛閃避，毋kú 脫袂離。今簡簡來講，論犧牲至少通分做兩款；-這款就是家己歡喜的，這號叫做自發tek 的犧牲，閣一款是對別人來強制的，這號叫做他動tek 的犧牲...

[1927-5 芥菜子 文類-散文 作者--/-]  (4)
教囝的法度 [ Kà kiáⁿ ê hoat-tō͘ ]
教囝的法度 第一章 修身 修身的道，有兩項要緊。 1、(持防臨時的災厄)。 就是教囝兒著閃避火，毋通徛佇khàm-kîⁿ 危險的所在，毋通去水深的位，毋通行佇薄冰的頂面，放炮仔，算是無路用，拍損錢，閣會傷著別个囡仔，逐款的毒蟲，毋通予伊趖入厝內，所食的果子，伊的子毋通吞落去，用喙齒咬果子的殼：快拍歹喙齒，逐時做代誌，著持防未來的災厄。 2、(致意衛生的法度。) 親像東爿遮个國的婦人人，看見伊的囝兒身軀lám，就用濟濟款的法度來照顧伊，向望伊的勇健，可惜較濟放sak有路用的法度，一款無開化的老母，若拄著伊的囝兒破病的時，掠做是歹神teh作弄，就用符予伊蹛身軀，用三牲來祭獻。伊想按...

[1927-5 芥菜子 文類-散文 作者-陳清忠/Tân Chheng-tiong ]  (2)
一滴一滴的水 [ Chi̍t-tih chi̍t-tih ē chuí ]
「一滴一滴的水」 (30) Ba-khu-the-lī-á (細菌) 的大。通動植物界第一細的敢是Ba-khu-the-lī-á。Tauh-tí是loā細？大概是1分的 3000份一(1/3000分)伊的重每粒是0.00000000000041錢。 總是伊的生湠的力是非常，48點鐘後就到440錢重。 細菌的害，大部分是做傳染病的原un佮做肉類以及其他的植物腐敗的 原un。 A. 手佮細菌： 若用500抑是600倍的顯微鏡來看，無論甚物人的手to有濟少的細菌khîⁿ-teh。較濟人是想若sái洗手就會lut，若是實在無hiah快，也袂死。有一款細菌就用蒸餾水抑是純全的酒精來洗，袂l...

[1927-6 芥菜子 文類-散文 作者-陳清義/Tân Chheng-gī]  (1)
彼得佇所羅門籠中的說教 [ Pí-tek tī Só-lô-bûn lông-tiong ê Soat-kàu ]
彼得佇所羅門籠中的說教 使徒 3章12節到路尾。 彼得佮約翰佇聖殿的suí門醫治跛跤的。猶太人真奇怪，走來就近in，聚集佇所羅門的 léng-lông。這个籠大概是佇聖殿的東爿，卻聖經無講所羅門的籠是佇佗一爿，照約瑟佛的冊所記論聖殿遮的籠。有一籠佇聖殿的東爿，就是約瑟佛所建置，差不多是這个。 彼得看見眾人聚集佇遐，真奇怪，注目看in。就對in說教，請來研究佇這篇的說教中。有教示聽眾啥物，大概通講有4款，排列佇下底。 1、愛予大家知，醫治跛跤的事，毋是對家己的權能，是對信耶穌。 當時的猶太人，真奇怪。看彼得是人，怎樣會行這款。所以愛看伊，彼得講毋是對阮的才能，也毋是對阮的敬虔，來予這...

[1927-6 芥菜子 文類-散文 作者-陳清忠/Tân Chheng-tiong ]  (3)
真的工程 [ Chin ê Kang-tiâⁿ ]
真的工程 傳道者Ko-lân。(Conant)佇「個人傳道」雜誌的內面，有講起，幾若年前，有一个女宣教師，寫一篇chhiam-hoé 的文，落佇「世界宣道論評」的事。 彼个女宣教師按呢講：- 「我捌鼓舞一个大的集會，也我有滿滿的熱心，愛予這个會得著大的成功。開會彼日，我的老爸，做委員來欲出席，佮我坐佇旅館的食堂長。伊用共鳴的心，聽我說明，這个會的特色以及將來欲得著的盛況。我歇睏teh喘氣的時，我的老爸àⁿ伊的身軀近倚我，目睭看佇這个phâng菜的人，共我講。查某囝，我想佇遐彼个大漢給仕káⁿ會接納耶穌基督。我捌常常佮伊談論，論伊的靈魂的事」。 我為著計畫這个大的集會，我的無閒差不多親...

[1927-6 芥菜子 文類-散文 作者-偕叡廉/Kai Jōe-liâm]  (3)
活活埋 [ oa̍h-oa̍h tâi ]
活活埋 Nî牧師去佇印度傳教濟濟年久。轉去英國的時，一位朋友對伊講，Nî牧師你佇印度的時常常拄著風險的事，請你講淡薄分阮聽。Nî牧師講，好，我講淡薄。我佇印度的時，捌踮佇喜馬拉山的山跤。佇彼所在有不止濟西藏人帶物來táu換，因為西藏是印度的隔壁國。我也學淡薄西藏的土音，後來紲會曉傳道理予in遮的人聽。遮个人平素是佛教，不止對重西藏的活佛。 有一日我tú-teh傳道理的時，忽然聽見一个西藏人teh叫我。伊講伊的老爸破病真傷重teh欲死，愛我緊去安慰伊，紲傳主的福音予in聽。我就佮伊做陣去。佇路中有4个西藏人也佮我做陣行。到阮入佇西藏國的地界，這幾人隨時出手共我掠，紲用索仔縛我。後來拖我...