[1914-10 台灣教會報 文類-散文 作者--/-]
大正博覽會 [ Tāi-chèng Phok-lám-hoē ]
大正博覽會。 洪約生記。 1914.10，no.355，pp.5 今年4月尾本國有開大正博覽會佇東京上野公園。內面有起濟濟teh排列物的厝，叫做館。所排列的物件，有的分所在，有的分類；親像台灣的出品是排佇台灣館，外國的物排佇農業館；照按呢分別有教育學藝管，水產館，工業館，美術館，東京特別館，Jiám-chit館，滿州華太館，林業館，機械館，運輸館，南洋館，朝鮮館，礦產館；chiah 的國經館有用濟濟出名上等的物來排，也有的 teh賣；親像台灣館有teh袂糖，也邊仔有種甘蔗；朝鮮館第一出名是高麗蔘也有種高麗欉規區teh予人看。機械館，毋若排列機械nā-tiāⁿ，也有實用，親像製紙，製粉，做...

[1914-10 台灣教會報 文類-散文 作者--/-]
大得勝倒來 [ Toā-tek-sèng Tò-lâi ]
大得勝倒來。 陳禧年記。 1914.10，no.355，pp.5-7 佇土牛教會有一個少年的會友，伊的厝邊有一個食菜的老婦人人，是入南庄獅頭山的鸞壇 (關帝爺降乩的壇) 的人。有一日一个食菜的老婦人人用計智來欲招一个少年的會友佮伊入鸞壇，就用有大利益的話，講濟濟予伊聽。照伊所講，關帝爺有帶權能，會知袂來的事，亦會消除災禍，也會賜福氣；人若去入彼个鸞壇，就會得著大福氣。這个會友，聽見伊所講，就辯駁伊，紲講起賜福氣降災厄佮知袂來的事毋是關帝爺的權能，是天頂一个上帝的權能；因為這个關帝是三國中，忠義的人nā-tiāⁿ，伊有生有死，不過是平平世間人，伊的確無彼號權能。若欲消除災厄，降福氣，著來親...

[1914-10 台灣教會報 文類-散文 作者--/-]
恆春的消息 [ Hêng-chhun ê Siau-sit ]
恆春消息。 蕭文德記。 1914.10，no.355，pp.9-10 我佇新曆4月29日到恆春。彼日來禮拜的人額頂晡32，下晡28人。總是逐禮拜有進步的勢面，舊的較chiâu來，新的逐禮拜有加。頭一月日禮拜的人額，每禮拜平均30，40人。第2月日平均每禮拜就進到50，60人。第3月日每禮拜平均70，80人。到現時猶原漸漸有teh進步，照看有厚望的日子。毋kú所稅做講議所的店傷e̍h，才會容允--得50，60人nā-tiāⁿ，70，80人坐到cha̍t-cha̍t。別位也無拄好較合用的厝通稅。有人對我講，「先生，阮幾若人欲去禮拜，因為無位紲倒轉來。」 教會雖然是幼chíⁿ；iáu-kú ...

[1914-10 台灣教會報 文類-散文 作者--/-]
青盲人的批 [ Chhiⁿ-mî-lâng ê Phoe ]
青盲人的批。 李秋金寄。 1914.10，no.355，pp.12 這張批是對泉州寄；也是用手鑿點的膨字寫的，因為彼个好朋友的目睭看袂著。伊講：- 批寄予甘牧師收。我佇陰曆年2月25號有接著你的批，心肝歡喜ná見著你的面。我會通做傳道的工就是對你gâu講究紲設法。我做這號的工已經15年久。起頭佇泉州一年；彼時無甚物好機會；所得著有六七人nā-tiāⁿ。後來去南灣蹛8年久。佇遐機會真好；因為我永時出門傳道理濟濟人歡喜來聽。在南灣所得著的人有20外定著來聽道理，12个入教。後來先生派我閣再去蹛泉州南門的禮拜堂。我蹛遐一年久；總是無人chhoā我佇彼个真鬧熱的所在四界講道理，所以引chhoā...

[1914-11 台灣教會報 文類-散文 作者-王倚/Ông oá]
牛taⁿ灣的消息 [ Gû-taⁿ-oan ê Siau-sit ]
牛taⁿ灣的消息 王倚記。 1914.11，no.356，pp.2 牛taⁿ灣是小所在，不過咱有教會佇遐，佇Phoh-á跤南爿相離有9里路。有400左右戶；教會設有30左右年；現時信徒有77戶，本庄鎮52戶。Chím-má 加一口灶也有5，6个來聽，向望會tiâu。主日學有分男女2爿teh教，學生有70外，教員12名。讀兩點半鐘久，中間也有teh預備養心神詩的詩調。也teh備辦欲慶祝救主誕；予幾若个老人越念聖冊，其中一个今年74歲，姓白名紅。伊60歲信道理，64歲學白話，閣現時目睭已經花lah，著用大字的聖經，the̍h倚目睭約寸半才有看見，又閣大舌，iáu-kú有越念路加福音傳六百外節...

[1914-11 台灣教會報 文類-散文 作者-陳清義/Tân Chheng-gī]
傳教師對現代社會的注意 [ Thoân-kàu-su tuì Hiān-tāi Siā-hoē ê Chù-ì ]
傳教師 對現代社會的注意。 陳清義記。 1914.11，no.356，pp.6-7 台灣對日本帝國的版圖以來，有20年久。佇這20年的中間，政府有整頓予濟濟項進步，亦有興起教育予文明漸漸發達。真通恭喜。總是有一項通可惜的事，就是文明ná teh發達，社會的風俗ná teh腐敗；娼妓，藝妓ná濟，厝邊鄰右chia̍p-chia̍p聽見學琴學曲的聲，行歹的人ná顯然。閣佇社會中日日往來奔走，專專是為著物質上的打算。論到精神上的事，大家看做是無要緊。真正通講是道德ná teh廢墜的時代。按呢佮咱傳教師不止有大關係。咱毋通毋注意，因為咱做傳教師有擔帶救社會的責成。所以看著現代社會的景況袂免得予...

[1914-11 台灣教會報 文類-散文 作者--/-]
時到lah，上帝國近lah [ Sî kàu lah, Siōng-tè kok kūn lah ]
時到lah，上帝國近lah！ 1914.11，no.356，pp.7 我會記得佇10外年前咱北部罕得聽見佈道佇街市抑是庄社，隨便所在的好消息。較早的時若去佈道較常人愛譭謗厭賤。到今仔日反轉攏是聽見佇逐所在佈道的好機會。因為若到逐所在佈道人攏真歡迎；親像水轉跤佮錫口兩位教會對聯合佈道到taⁿ已經經過真濟擺，逐擺若出門佈道攏是真好機會，因為攏有得著人真歡迎。我將所經過的中間揀較好的成績來寫淡薄排列佇下底：- 八月2日頂晡我有去錫口佇遐佮會友相佮禮拜。彼早起有70外人來禮拜，中間有幾若的異邦人來聽道理，不止注神。下晡有佮本堂的傳道師以及佮幾若个會友做陣去北勢內湖佈道，機會真好；有得著一个區長的...

[1914-11 台灣教會報 文類-散文 作者--/-]
英國佮澳洲 [ Eng-kok kap Au-chiu ]
英國佮歐洲 戰事的關係。 1914.11，no.356，pp.9 現時歐洲戰爭的事算是真亂，在遐較出名的國攏thoa-loa--落去佇戰場的中間，這號予人通驚的事，是仁愛的人所不忍聽的，若是彼號較野心的，反轉有機會通做成in 的所向望。當時的起事是對Ò-tāi-lī佮Sek-ní-î，因為暗殺的緣故，算是一粒火星的小可，thài會知規的草埔紲燒著了了；親像俄德，法相接續ká-lá--落去teh相刣，有人問講，英國啥事也參加落--去？就應伊講，是為著不得已的緣故。論到這pang戰事的起因毋是英國惹起頭，就逐國的 teh交戰，也毋是英國唆使in。又閣英國出來teh交涉，既然毋是愛欲侵佔人的土...

[1914-11 台灣教會報 文類-散文 作者--/-]
交戰的兵費 [ Kau-chiàn ê Peng-huì ]
交戰的兵費。 郭國源譯。 1914.11，no.356，pp.10-11 現時歐洲交戰的兵，總數兩千萬人。交戰國的土地有全地球陸地的一半。論in每日的食費予人會驚。 設使予這兩千萬人倒佇地裡，頭佮跤相接，若逐人平均6尺長，就有兩萬兩千七百二十八里的長，來踅地球有一周圍。若用船來載chiah 的兵過大西洋著用美國公司第一大的船五百八十五隻。平常一人一日所食的物兩磅半，就歐洲的全軍每日著食五千萬磅。若欲運搬chiah 的軍糧，平均火車一張載貨三十噸，著用火車八百三十三張，逐張平均長六十尺，就運搬的車相接續有十五里的長，著二十隻車頭來拖。 這兩千萬的兵，平均in 的衫一人三領，就是六千萬領...

[1914-12 台灣教會報 文類-散文 作者--/-]
論請牧師 [ Lūn chhiáⁿ Bo̍k-su ]
論請牧師 1914.12，357卷，p.4 大家知教會若興旺，著逐所在請牧師，鬥照顧兄弟姊妹，來鼓舞逐項好事。總是咱台南的教會所請的 iáu-kú少少。現今只有5个nā-tiāⁿ。通日本抑是中國敢無一下教會親像咱的會友hiah濟，錢項hiah gâu題，也請牧師hiah少。 中會這pang聚集議論怎樣會按呢，也欲用甚物好的法度來鼓舞予振興。從中想兩項。一項是所著考的條款傷濟；若做一下考，人較毋愛。所以議定著用所考的分做3 chām，予人做3期來考；出在伊看欲做3年來考，抑是一年內攏做一下考。也是向望傳道先生濟濟來考頭一站；然後出在in看是隨時欲考抑是欲較慢。 Taⁿ將三期所欲...

[1915-1 台灣教會報 文類-散文 作者--/-]
台灣教會的禧年 [ Tâi-oân Kàu-hoē ê Hi-liân ]
台灣教會的禧年 1915.1，no.358，pp.1-2 佇1865年5月間，馬醫生(就是現任馬醫生的老父)對廈門過來台灣，欲佇遐行醫，傳道理。代先蹛佇台南城外看西街。無偌久拄著攪擾，著去蹛佇旗後。佇遐設醫館；也得著李牧師對祖家來佮伊做伴。三四年後閣到台南，蹛佇舊樓，也設禮拜堂佇亭仔跤。後來道理直直興旺，ná久ná開闊。人若愛知遐的來歷通看彼本號做「道理來台灣的原由」佇冊房teh賣；彼本記載逐項較詳細。 對馬醫生台灣到今年的五月，是拄拄50年。佇彼50年的中間咱有得著上帝保護照顧；雖然有經過濟濟項的試煉艱苦，教會今仔日猶佇teh；實在通感謝上帝。五十年前佇台灣攏無設基督的教會，taⁿ是四...

[1915-1 台灣教會報 文類-散文 作者--/-]
北港的消息 [ Pak-káng ê Siau-sit ]
北港的消息 1915.1，no.358，pp.4 北港。神學校的學生張明道寫批講，我放假去北港就佮in約愛蹛5禮拜。禮拜日佮出外佈道的成績不止好。每禮拜的人額平均來算有40外人，到我欲轉來彼禮拜有50外人。按呢看不止有進步。出去庄社佈道有庄頭毋捌聽著這號福音不止歡喜愛聽。來聽--的平均有80外人。毋若按呢連捌聽著的庄頭亦不止愛聽，常常叫阮去in彼庄講予in聽，按呢看機會真好。上帝恩典的門已經大開，kan-ta欠工 nā-tiāⁿ。北港市內阮亦有開三暝昏的佈道會，不止好機會。來聽--的平均有成百人，大家真歡喜聽。 論教會內的兄弟姊妹亦熱心。有的甘願毋驚見笑，佇街市內外將in代先所得著-...

[1915-1 台灣教會報 文類-散文 作者-葉金木/Ia̍p Kim-bo̍k]
巡宜蘭佮花蓮港教會 [ Sûn Gî-lân kap Hoe-liân-káng kàu-hoē ]
巡宜蘭佮花蓮港教會 1915.1，no.358，pp.5-6 這pang吳牧師有招我佮伊去赴宜蘭傳道會佮視察遐所屬教會的狀況。我將所經過排列佇下底：- 十一月9日起身對路到Téng-siang-khoe 的禮拜堂歇暗，到天光就閣起身到宜蘭街禮拜堂。日暗有佮會友相佮聚集禮拜。教會佮世俗總算有100外人來聽道理。十一日有去羅東赴傳道會。有9个傳道師來赴，有議論教會的事，閣有予教士會試驗。頭尾有3日久。有兩暗相續佈道，機會不止好。頭一暗有100外人來聽，逐人真注意。第二暗有分做兩隊，一隊佇拜堂，一隊去街內佈道，有200 左右人來聽。這兩暗的機會不止好。有聽見講對這暗來聽道理的人有的不止受感...

[1915-1 台灣教會報 文類-散文 作者--/-]
演說會 [ ián-soat-hoē ]
演說會 石安慎 1915.1，no.358，pp.6-7 十一月佮十二月有幾若的教會設演說會。頂月日的教會報已經有記艋舺的演說會。別所在設演說會就是大稻埕，三角埔，士林，枋橋，佮桃園。逐所在廣告演說會的法度無相同。有的落新聞紙nā-tiāⁿ。有的分單，有的拍鑼予人知。有的用別項的事相參予世俗人較致意，親像創蓄音器，照相佮奏樂。論這个代誌逐所在teh設的時著看機會。有所在若kan-ta講道理就世俗人不止濟會歡喜來。Kiám-chhái有別所在世俗人歡喜來，有一項的阻礙，就是遐的來赴會的人不止濟是愛看心適nā-tiāⁿ，閣有囡仔人真濟。彼款無致意聽道理，反轉攪擾別人，致到眾人較袂聽見道理...

[1915-1 台灣教會報 文類-散文 作者--/-]
振替郵便 [ Chín-thè Iû-piān ]
振替郵便 1915.1，no.358，pp.11 前月的教會報有捌講起振替郵便的路用。所以阮冊房也有設，就是愛予人較利便。拍算大家袂chiâu知影；所以阮近日猶有接著傳道先生寄6箍來，是用郵便為替。按呢是著加角二銀的費；閣阮著再將彼張去領；是顛倒無利便。因為按呢才閣寫幾字來予大家知。若有欲寄錢項來，通對郵便局討一張振替的單，就寫阮遮的號，是台灣第987番，台南新樓書房。亦一爿會閣寫批得，看恁欲買甚物冊，抑是欲講甚麼話；後來將按呢寄。若一箍以內是一chiam 的費；若上一箍到五箍是兩chiam。若上五箍到十箍是四chiam：十箍到五十箍是六chiam。按呢kiám毋是較利便mah？ 人用這...

[1915-2 台灣教會報 文類-散文 作者--/-]
巡教會 [ Sûn Kàu-hoē ]
巡教會 1915.2，no.359，pp.2 (何牧師記的) 鄙人轉--去英國年外久，閣來彰化；代先去西螺，水尾，Hoan-oah，新結庄chiah 的教會，佮傳道師鬥佈道做工，又閣逐位設燈影的佈道會。西螺，水尾也有設晚餐。通歡喜就是Hoan-oah有加添幾若的新聽道理的人，其中一人不止熱心。按呢的功效較大面是因為Tiông-sèng兄kut力跤切意佈道佇四圍的庄頭。新結庄也有加添幾若口灶。可惜西螺，水尾這兩位年外久攏無加一个來禮拜。 有長老teh講，「敢是聖徒的德行毋好。莫怪世俗人嫌，因為兄弟的款無甚物變遷。」Kiám-chhái是按呢。這項毛病無論台灣外國逐教會to有。Sū不知人若...

[1915-2 台灣教會報 文類-散文 作者--/-]
台灣同化會 [ Tâi-oân Tông-hoè-hoē ]
台灣同化會 1915.2，no.359，pp.10 創守創設同化會--的，就是Pek-chiok姓Pán-hoân名Thoè-chō͘。徛佇朝廷的中間真好名聲，人人不止尊敬。伊的高壽已經83歲，精神iáu-kú khok-lek。為著咱台灣的百姓日暝想念，將伊全部的精神攏注意佇這面。為著按呢無嫌跋涉的艱苦，就過來這爿視察民風；然後閣倒來，真正有志者事竟成。佇11月間就會成立lah。 設這个會的主旨，就是愛予台灣的百姓佮內地人ē快快和合，大家無分別，會通久長連絡，做gâu相疼的好朋友。 這个會設了卻是好意思。總是照政府看是無夠額妥當，驚了會致到損害公安的保持。就議定共伊取消。...

[1915-2 台灣教會報 文類-散文 作者--/-]
論主日學 [ Lūn Chú-ji̍t-o̍h ]
論主日學 (萬牧師記--的)。 1915.2，no.359，pp.8-9 近來大家teh想咱台灣所設的主日學無夠偌興。有所在卻有；毋kú總講咱的主日學設了，人無夠額致意，也無夠額知影。較濟位學生較少，合額著較濟的；先生也無甚物閱歷。先生佮主理的濟濟看現今的款無甚物甘願，總是毋知著用甚物法度來改換較好。所以阮想有時欲做論印佇教會報，來講起主日學的工；將各國捌用過有功效的法度講予恁知。 大家知近來教育有大進步。做小學的先生著入師範學校，來學教學生的法度。若無特別的備辦是袂用--得。何況主日學所教人的是第一要緊，就是教人捌上帝，hiah-的先生kiám毋著益發得著教示？俗語講，人做先生是對生...

[1915-2 台灣教會報 文類-散文 作者--/-]
彰化佈道會 [ Chiang-hoà Pò͘-tō-hoē ]
彰化佈道會 (黃俟命記)。 1915.2，no.359，pp.9-10 彰化舊年6月間有學台南的好模樣，設佈道演說會。每月月光3暝昏，也捌4暝昏，開佈道演說。來演說--的，就是員林國元君，南投世註君，大學廖得君，台中Tek-lun君，Tok-hêng君，近附教會熱心的兄弟，佮阮敝會的牧師，醫生，報道師，以及阮幾個同志的兄弟。得著上帝的恩典機會真好；siāng濟捌千一二人，siāng少捌百外人，平常是4，5 百人。 所用的法度攏是佮我uī相同；就是出廣告，分真理單，用音樂出去，也捌tiâu-tî用案內狀，(請帖)來請通城內外以及就近庄的紳士區長保正。(第7回)。 Taⁿ到舊年年...

[1915-2 台灣教會報 文類-散文 作者--/-]
馬太7：20 [ Má-thài 7：20 ]
馬太7：20 1915.2，no.359，pp.10-11 在早上帝用方法，有差一个天使共伊講，你通落去世間試世間人；若有猶未廢無我的疼的道理的人，真實有這號疼的人，你通將我這霎寶珠予伊。講煞將媠的寶珠予天使蹛落來世間。 天使化做一个thái-ko的乞食，徛佇大街市的十字路邊，teh看有齊全疼的人抑無。 有一個平常人對遐來；彼時天使大聲叫講，請來借問teh。彼霎彼个人變面共伊惡紲罵，講，你是欲分物抑是欲分錢？總是我無蹛錢來；毋共伊講，做伊直直行。天使暗靜teh想。 閣有一個兵背劍khih-khia̍k哮直直來。天使就講，請來借問teh，遮是甚物所在？我是草地人行毋著路。彼个天使頭殼t...