[1929-6 台灣教會報 文類-傳記 作者-卓Uí-sîn/Toh Uí-sîn]
Gî Tiâu-chheng ê小傳 [ Gî Tiâu-chheng ê Sió-toān ]
虞朝清的小傳1929.06 531卷 p.10(卓Uí-sîn)傳道師虞朝清，伊的本所在佇高雄州旗山郡杉林庄新厝仔，伊的父母早早就過身，細漢的時攏是倚靠伊的公牽教。彼霎新厝仔有教會佇遐，伊的公虞生不止熱心拜上帝，就peh-kàu予伊來讀中學。後來拄遇我來佇交坪做傳道，我有設1間教會的小學，彼時我就請伊來教小學，所經過的成積不止好。後--來阮看伊不止關心愛做教會的工，所以有舉薦伊來讀神學。伊卒業就去蹛佇交坪、頭社、關仔嶺、東後寮的教會。佇今年傳道局有派伊欲去蹛佇岡仔林的教會，伊佇4月14 的禮拜有轉任去岡仔林。閣過禮拜倒出來欲設法伊的行李入去，無扑算到新化街，伊就起急性的肺炎，食藥無效。到21日...

[1927-2 台南府城教會報 文類-傳記 作者-黃Siù-hui/N̂g Siù-hui]
黃誌誠牧師ê小傳 [ N̂g Chì-sêng Bo̍k-su ê Sió-toān ]
黃誌誠牧師ê小傳1927.02 503卷 p.3-4(黃Siù-hui)黃--先生，乳名號做能吉，jū名號做誌誠；本籍地是屬tī 東港ê教會。伊出世tī 1853年。當boē信主ê時，是teh做法官，不止有法術。因為子兒生了攏扑損--去，伊就醒悟伊所尊敬ê佛無法力，bē會保庇--人。所以就發心來信主。對信--了後，熱心toè 主，決心beh替主做干証，就獻心來做主ê工。第先tī 1885年入神學校，講究聖冊兩年久，就去tiàm教會。過無偌久，甘牧師teh 想ài去澎湖設教。伊本身先去tiàm 1 choā。倒轉--來就派黃深河kap先生本身去hia傳，去無偌久就有誠功效。後--來倒來搬家眷搭船...

[1926-5 台南府城教會報 文類-傳記 作者-蕭丁壽/Siau Teng-siū]
吳Tô ê小傳 [ Gô͘ Tô ê Sió-toān ]
吳Tô ê小傳1926.05 494卷 p.15-16(蕭丁壽)吳Tô 君是土庫ê長老，伊對16 歲就聽道理，20 歲入教會，25歲做執事倚10年久，就升做長老；到今年47歲善終。今將伊ê履歷大概記tī下面：伊一生散hiong，總--是不止克己，歡喜獻金kap出工，真熱心，禮拜日真對重，除去病痛以外，m̄-bat無守禮拜日，時常kap傳道先生抑是會友去探兄弟姊妹kap佈道，親像斗南若開佈道會ê時伊攏有來，koh斗南ê福音堂大部份是伊來做主理。見若關係教會ê代誌，伊真歡喜出力鬥幫贊。到伊臨終ê攏無變換，真可取。不幸大正12年12月發病，到13年2 月去新樓醫館手術，入院35日久倒來厝--ni̍h...

[1925-9 台南府城教會報 文類-傳記 作者-陳Su-chhong/Tân Su-chhong]
故顏洪--氏先河 [ Kò͘ Gân Âng--sī Sian-hô ]
故顏洪--氏Sian-hô1925.09 486卷 p.14-15(陳Su-chhong)洪--氏Sian-hô 1名叫Eńg 嬸，現時人稱呼伊做顏先生媽。 Tī 1846 年4月8 日出世tī 台南市南和街，老父洪乾興，老母莊--氏。父母做船頭行ê職業；細漢ê時父母家計較艱苦。伊有兩個兄，兩個小弟，28歲ê時嫁hō͘ 磁仔巷街顏永成叔，後--來就生1個查埔佮兩個查某子。 Tī 37歲ê時對1個姊妹陳--氏蓮(Koè姆) 得著道理。因為永叔做生理tī 灣裡街（善化），永嬸著佮伊企起tī hia。雖然toà 灣裡街離真遠，iáu-kú常常來台南禮拜。 當時頭社佮番仔田也設拜堂，總--是無先生to...

[1925-6 台南府城教會報 文類-傳記 作者-潘水土/Phoaⁿ Chuí-thó͘]
秦Hi-kia̍t ê小傳 [ Chîn Hi-kia̍t ê Sió-toān ]
秦Hi-kia̍t ê小傳1925.06 483卷 p.8-9(潘水土)Hi-kia̍t君是艋舺ê會友，也是獨身ê青年。伊ê原籍tī大溪。伊細漢就讀漢文，後--來koh 公學校卒業，了後就來艋舺hō͘伊ê阿叔牽成，若是伊ê身体衰弱，常常詖病，經過濟濟醫生ê手頭也是平常。不幸tī 舊年7 月koh發病就入松山病院，攏無較好，然後koh轉入台北病院，若是伊ê病症日日那重，到2月28號就別世。享壽24歲。 Hit e 晡我chhoā會友10外人到赤十字社ê葬式場執行葬式ê禮拜，也濟濟人送到?埔--ni̍h。 Chit 個Hi-kia̍t君照我查考有thang做咱ê好模樣。 (1) 論伊ê性質。對細漢...

[1939-1 台灣教會公報 文類-傳記 作者-潘道榮/Phoaⁿ Tō-êng]
故周示先生 [ Kò͘ Chiu Sī Sian-siⁿ ]
故周示先生 潘道榮 1939.01 646期 13-14頁 先生是台中州鹿港人；出世佇明治25年8月2日。爸母早過世，較無通受教育。細漢的時，有入書房研究漢學，不止gâu做漢詩。青年時代有學淡薄國語；紲志願做巡查幾若冬久。離開官界了後，就入佇商界，開洋裁店真久。不幸伊的元配別世佇彼一時。有留一个查某囝，一个後生。佇這時陣，精神真受打擊；佳哉有得著基督福音的教示，就反悔來信主。信主了後，就決心欲獻予主，才志願入台南神學校。所以佇1918年，就入神學校。四年久，受校長故宋中堅牧師，教師故黃信期先生，牧師故和野先生的栽培；佇學中慇勤勉強，好品行，親切好交陪。伊的性質較恬，總是朋友大家攏尊敬--...

[1925-3 台南府城教會報 文類-傳記 作者-潘道榮/Phoaⁿ Tō-êng]
小傳陳鹿先生 [ Sió-toān Tân Lo̍k Sian-siⁿ ]
小傳陳鹿先生1925.03 480卷 p.11-13(潘道榮)先生是澎湖湖西庄西溪ê人，出世tī明治23年。伊ê 祖上濟濟攏有進學，所以伊tī 細漢ê 時父母就送伊入書房講究漢學。 後--來有去讀公學校6年久，伊著優等 ê 卒業。學校ê先生愛惜伊ê才調，就留伊tiàm本校做教員。伊是真誠心敬神明ê人；每日對學--ni̍h 歇工轉--來，就隨時去燒香點燭。 雖然身居教育ê職，為著hiah-ni̍h 熱心teh敬重神明，總--是tī 伊ê 心內不時有teh 掛慮1項，就是：「人到死後m̄知啥款?」所以有1擺bat決心beh 離開某子去做菜友。 抵好有一年ê夏期休夏中，受上官派過來台灣赴教員ê 講習...

[1921-1 台南府城教會報 文類-傳記 作者--/-]
小傳 [ Sió-toān ]
小傳吳寬裕1921.01 430卷 p.7(蕭An-ki記)吳寬裕傳道，tī今年新11月14號有過身，15號有出葬。有西國牧師、姑娘、先生佮本地牧師、傳道師，以及會友幾若百人kā伊送葬。享?78 歲。北部設教ê時，有5個人第一第先來領洗禮，伊是hit中間ê 1個。其餘hit 4人攏已經相續過身了。只有吳傳道食到今年。Thang 講伊不止有福氣。Tī教會中也thang講伊是第一早入教ê人。伊未聽道理;以前，是teh做油漆ê經紀，真出名，有不止濟人請伊四界去做工。伊也有來滬尾油漆。所以tī主後1872年10月有聽著主ê道理。伊隨時反悔來信主，經過1年是1873年3月9 號，就領受洗禮。對án-ni...

[1957-10 台灣教會公報 文類-傳記 作者-廖得/Liāu Tit]
歷史故事:台灣教會興衰 [ LE̍K-SÚ KÒ͘-SŪ:Tâi-oân Kàu-hoē heng-soe ]
歷史故事台灣教會興衰(廖得)1957.10 826號 p.13-14鎮殿將軍巴博士巴博士祖籍法國；祖先為著信仰的自由，就搬去蘇格蘭。巴博士16歲teh讀大學的時，得著靈感，就決心獻身。到畢業的時，大學欲留伊蹛母校做助教；總是伊決心欲來台灣做宣教師。大家真昂ngia̍h！一个有宰相才的人欲去到一个偏僻，蹛百外萬雜色人，無文明的小海嶼，傳道成十年久的宣道地做宣教師！實在真無彩！！通講「刣雞用牛刀。」【後來佇上海全中國500外个宣教師大會考的時，巴博士著二名；伊的妹婿佇佇汕頭的Khip博士著一名。】93年前，馬醫生來做先鋒。87年前，甘牧師來掛帥。84年前，巴博士來鎮守。巴博士來台灣頭尾62年久，伊...

[1916-1 台灣教會報 文類-傳記 作者-廖得/Liāu Tit]
李老王的小傳 [ Lí Lāu-ông ê Sió-toān ]
李老王的小傳。 (廖得記)。 1916.1 no.370 pp.9-10 李老王佇1848年佇大字崙田洋出世。長成的時搬去屬西螺的水尾莊徛起；彼時佇遐有一兩戶咧徛nā-tiāⁿ。後來那濟人搬去。到伊39歲的時，埔心莊阿連長老的小妹一家3人移去遐蹛；雖然是毋捌聖冊，也無伴通聚集；猶過暗時好膽吟詩祈禱佮主交陪。對按呢老王叔彼時猶未捌聽見人禮拜，所以就去覕咧偷聽，看in念甚物。忽然聽見in咧替彼莊的眾人祈禱求福氣；伊的心受感激就信主。 得著道理了，熱心致意守禮拜；雖是禮拜日早起無衫仔褲通換，無飯通食，無米通紮，因為彼時伊的婦人人猶未信主，又閣到茄苳仔拜堂倚欲2舖，路也真歹行；總是伊攏無驚...

[1963-6 台灣教會公報 文類-傳記 作者-胡文池/Ô͘ Bûn-tî]
追念Bunun族ê保羅劉傳 [ Tui-liām Bunun cho̍k ê Pó-lô Lâu-Thoân ]
追念Bunun族的保羅劉傳 胡文池 1963.06.15 P.10 若有對山地教會關心的人，逐个攏捌劉傳是一个偉大Bunun的傳教者。 伊佇5月25忽然受主揀召歸天。 彼日是拜六，伊teh備辦道理的時，忽然心臟麻痺，20分後人看伊頭殼the佇椅仔，叫伊的時，已經斷氣。隔日有出葬，逐人流目屎。 伊前是一个放蕩的人，逐日啉酒，相拍，thit迌。 猶過因為是聰明閣勇敢，就受日本人揀做壯丁團長。 到光復後，閣受揀做村長。 1949年正月24，伊來赴咱的佈道會佇玉里，就隨時接受主。後來看見伊有真實反悔，有新的生活，閣 自發tek teh傳道理，咱就共伊囑託做宣道師，佮我做...

[1934-2 台灣教會公報 文類-傳記 作者-許崑/Khó͘ Khun]
張安貴的小傳 [ Tiuⁿ An-kuì ê Sió-toān ]
故張安貴牧師的小傳許崑 記1934.02, no. 587, pp. 19-20 牧師張安貴，別名Tō-sam。 明治7年8月7日出世佇萬巒四溝水。 老父陳Khun-goân，連生5个後生，安貴是第5囝。 外公無查埔孫，佇伊度晬的時，老父歡喜將伊送外公。 彼時外公toà佇竹田庄二崙，每聖日去杜君英禮拜。 彼霎巴牧師致意愛設教會佇二崙，外公歡喜將伊的厝獻做拜堂。 巴牧師chiah去設教會。 庄民真怨恨道理，毋准設教會佇遐，致到起大攪擾，擔屎來潑，巴牧師險失落性命。 In一家受庄民大怨恨，厝予in 佔，傢私物件予 in搶；soà擊出庄，全家姑不將走去bih杜君英禮拜堂暫toà。 為...

[1933-8 台灣教會公報 文類-傳記 作者-陳思聰/Tân Su-chhong]
小傳 [ Sió-toān ]
小傳陳思聰1933.08, no. 581, pp. 7 故蕭--氏Kam，劉茂清先生娘。 伊是崗仔林的人，20歲的時入劉先生的家庭；24歲的時，就tuì陳 Soan-lēng牧師領洗禮。 少年的時，有toè茂清先生去toà幾若位的教會。 就是崗仔林，台南，杜君英，溪州，加吶埔，後來就倒來toà里港。 無拍算佇昭和6年，頷頸生癌，到今年4月30日午後6點半，予主召伊轉去天堂。 享壽76歲。 佇5月4號午前10點，佇伊家己的本所在舉行葬式。 會葬者300外人。 伊一生做人真勤儉，gâu粒積。 堅心信主，有始有終。 佇病床中常常祈禱。 臨終的時，面顯出快樂，歡喜的榮光。 ...

[1951-8 台灣教會公報 文類-傳記 作者-陳思聰/Tân Su-chhong]
高中：鄭溪泮牧師的小傳 [ Ko Tiong: Tēⁿ Khe-phoàn Bo̍k-su ê Sió-toān ]
高中鄭溪泮牧師的小傳1951.08 752號 p.12-13(陳思聰)A. D. 1894年溪泮出世佇台南市外永康庄蜈蜞潭。4歲就無老父；受老母培養，也佇教會的小學讀冊。長老教中學卒業了，就佇太平境教小學。入台南神學校研究，卒業後踮香果宅做傳道兩年；25歲的時受阿里港教會聘請做牧師，蹛12年久。伊是台灣教界上少歲受按手的人。鄭牧師佇里港在任中，有做幾若項真重要的工。1.鼓舞分設中會。伊佮吳希榮、林燕臣、高篤行、廖得這幾位牧師，盡力鼓舞分區自治。代先設高雄教務局代理中會辦事。有組織12條的規矩，獻予中會裁決，受刪改賰8條。組織教務局，內面分5部，就是現時各中會所用--的。高雄自治經過兩年，原本的...

[1968-7 台灣教會公報 文類-傳記 作者-鄭兒玉/Tēⁿ Jî-gio̍k]
故宋泉龍長老五年忌 [ Kò͘ Sòng Chông-liông Tiúⁿ-ló 5 nî kī ]
故宋泉龍長老五年忌 鄭兒玉 1968.07.01 1033號P.17 宋泉龍先生佇主後1963年7月17日受忽然的災害來過身，已經滿5年lah。回顧當時的情形，猶過予咱的心會酸，到今猶過感覺毋甘。 伊雖罔已經去世5年久，伊的做人，信仰佮工作值得咱數念，所以筆者才kia̍h筆來寫幾句，不但予咱通追念若定，也對伊的人生予咱看會得通得著濟少的勉勵佮教示仔袂。 我這霎將伊生涯的經過寫佇遮，佇一項的中間來看出伊的做人。以及伊對教會佮社會的貢獻。 泉龍佇主後1923年（民國12年，大正12年）11月5日出世佇台南做宋水琴佮吳Chìn-tī 女士的第4查埔囝。伊的爸母得主照顧...

[1949-12 台灣教會公報 文類-傳記 作者-楊天豪/Iûⁿ Thian-hô]
洪金先生的天路歷程 [ Âng Kim Sian-siⁿ ê Thian-lō͘ Le̍k-thêng ]
洪金先生的天路歷程1949.12 第732號 p.14(接11月16面)信主50年間，毋捌借一sián五厘。無好額，也無欠缺；上帝予我夠額，也予我袂貪心。「按呢好，請你歇睏，我著落--去，約束的 時間7點半已經到。穆Sek-in先生若來，就欲佇下面做禮拜。」「真多謝，真好，予我紲通得著知早時信徒的事情。Se̍k-lîm這choā過--來有佇遐幫贊你的工抑無？」「有--ah。」 講兩擺，「23坐飛機閣去--lah，有閩南的教會請伊聖誕節前轉--去通計劃明年的工。」「閣去廈門--lah ò͘?」「是--lah，佇 鼓浪嶼。樓梯崎崎，請勻仔行。」「好。」 洪--先生出--去了後，筆者那想這個故事，愈...

[1949-11 台灣教會公報 文類-傳記 作者-楊天豪/Iûⁿ Thian-hô]
洪金先生的天路歷程 [ Âng Kim Sian-siⁿ ê Thian-lō͘ Le̍k-thêng ]
洪金先生的天路歷程1949.11 第731號 p.16(楊天豪寫)(接10月15面)彼時吳秋微也佇遐，伊是台北卒業--的，聽著就講：「你敢有愛去？若愛，我明仔再欲去台南共阮哥仔講。」伊彼時拄才做秀圓定著若定。我就應伊好。蘭醫生、醫生娘也歡喜。吳秋微來回答講好，我就去太平境講習40日，有高lò頭、洪朝抽、許振芳同學。後--來就蹛教會--新市、阿里港、鹽埔、嘉義過溝、林杞埔、山霸、Lo̍k-moâ-sán、集集到水裡坑、竹山。 這中間有起3間拜堂；閣Lo̍k-moâ-sán的拜堂，對田庄設法移轉來街市。到今做信者16年，做傳道35年久。閣3日就72歲。上帝賜我勇健，猶會四界走，現時一日行兩舖 猶會...

[1949-10 台灣教會公報 文類-傳記 作者-楊天豪/Iûⁿ Thian-hô]
洪金先生的天路歷程 [ Âng Kim Sian-siⁿ ê Thian-lō͘ Le̍k-thêng ]
洪金先生的天路歷程1949.10 第730號 p.15(楊天豪寫)(紲接8月第12面)後--來閣轉來彰化的時，林學恭先生看著我有聖經佮聖詩，也會讀，就真歡喜；共我引佮蘭醫生蹛，發籤仔佮顧門。彼時有蘭醫生的學生高載德、吳希陽、劉振昌佮Ka-lēng先，以及醫館的工人逐家做伙，逐日真心適。暗時我就招工人去附近的田庄講道理。閣有一个老進伯（許進長老），五日賣茶箍，六日講耶穌，七日守禮拜，我也常常佮伊出去到草屯、二水遮的田庄講道理。猶未有車，攏是步行。 也我佇醫館的工那做那慣勢，因為粗工只有我一人，毋若發籤仔佮顧門，也著管顧病室，設法病人的入院，棧藥間，藥局的鎖匙也我teh交。醫館的頭前管顧到後爿，天...

[1949-8 台灣教會公報 文類-傳記 作者-楊天豪/Iûⁿ Thian-hô]
洪金先生ê天路歷程 [ Âng Kim Sian-siⁿ ê Thian-lō͘ Le̍k-thêng ]
洪金先生的天路歷程1949.08 第728號 p.11-12(楊天豪寫)1848年12月29日，已經暗，忽然佇樓跤有聲teh叫：「洪--先生來坐。」「好--ah，猶有淡薄時間，我來去佮天豪先生講一个話仔--lè，káⁿ猶未睏--ho͘nn3。」「猶未，請你起--去，佇樓頂頭到間。」約有一分鐘久，就有慢慢的跤步聲teh來。「天豪先生！」「O͘3！洪--先生，來坐。」「好，你捌聽著我的履歷--無？」「罕得聽--著。」「我來講予你聽好--無？」「好，請你講。」我15歲到21歲，患症頭，三日一倒，毋成人，細細漢，大腹肚桶，因為老父去共我看命，講是「死運，定著袂醫--得，加醫加了錢。」所以就攏毋共我醫，...

[1931-8 台灣教會報/芥菜子 文類-傳記 作者-吳萬生/Gô͘ Bān-seng]
旗後莊Hoat長老小傳 [ Kî-āu Chng Hoat Tiúⁿ-ló Sió-toān ]
旗後莊Hoat長老的小傳吳萬生1931.08, no. 557 (KCC, no. 67), pp. 12-13 Hoat長老tuì我捌伊到今知影以前伊來聽道理已徛30年啦。 前teh聽道理是奉行故事，雙腳踏雙船，上帝也好，王爺，媽祖也是好，Pi-lia̍t好，基督嘛好；有時來禮拜，有時出去燒香，身軀為著致病，艱難過日，所以有食鴨片來減輕艱苦，有時受苦勸就減食淡薄。 到這成十年來就嶄然解換，續一時就按呢決心毋食，這敢毋是基督的大氣力，大權能麼？ 我信是基督的疼teh催逼伊的心，若無是bē hiah緊解，因為伊的病症是ná久ná傷重，猶久外身予伊艱苦，刻己來toè基督的腳步。 雖然身軀真衰lám...