[1958-2 台灣教會公報 文類-散文 作者--/-]
長榮女學ê紀念日 [ Tióng-êng Lú-o̍h ê Kì-liām-ji̍t ]
長榮女學的紀念日（校長：劉主安）1958年2月830期 p.4-5(1)長榮女子中學佇1887年設立以來，到今已經經過71年。本來佇舊年著愛舉行慶祝70 週年的記念大會。若是因為各種準備的關係，本校校友會有決定今年3月13-15，三日欲佇本校舉行慶祝大會，校友會對早就有寫批聘請以前的校長，現任母會女宣道會的總幹事，吳Le̍k-chì姑娘來參加這个有意義的典禮。吳姑娘已經佇12月9日離開英國，預定1月25日欲到台北的飛機場。伊來台灣了後，也有欲赴咱教會的總會。聽講欲蹛台灣6禮拜久。除出席總會佮女學的慶祝大會以外，盡量欲用伊所有時間來訪問校友。(2)本校佇過去70年的中間，受著母會的培養，所得著的...

[1958-2 台灣教會公報 文類-散文 作者--/-]
耶魯神學院ê回顧 [ Iâ-ló͘ Sîn-ha̍k-īⁿ ê hoê-kò͘ ]
耶魯神學院的回顧(吳振坤寫)(接前號第24面)1958年2月第830卷 pp.10-11 R. L. Culho͘n Khah-ní-hông教授。伊是組織神學佮教理史的教授，是非常博學閣好記性的人，總是也是一位非常謙卑的學者，我毋捌看見遐爾有謙卑閣有良心的學者。聽見講，當伊猶少年的時，耶魯神學院知伊是前途有為的學者，愛 聘伊來做神學院教授。總是伊有推辭，因為伊所疼這个兄弟，所以對上帝的疼佮存在發生懷疑。若是當時的院長為著愛確保這个前途有為的青年，所以聘請伊暫時擔任西洋哲學史的講座。雖然伊對伊本身的專攻方面猶未有學術上的著作，人猶 毋捌聽見伊的講義，猶過聽著伊的講義人就攏知伊的學問是偌爾深遠...

[1959-10 台灣教會公報 文類-散文 作者--/-]
十月31日 [ Cha̍p goe̍h 31 ji̍t ]
十月31日主筆寫1959年10月 第850卷 pp.7佇441年前的1517年10月31日德國Ui-tián-pó城（Wittenberg）的教會門頂路德馬丁貼出伊反對教王廳販賣赦罪符的意見95條，對彼tia̍p起，宗教的改革直直發展，自按呢基督教會通復倒佇新約時代的款式，免得閣徛佇歪chhoa̍h的天主教的支配的下面。怎樣為著一項賣赦罪符的事，就發展宗教改革這款遮大的變動，其實毋只是赦罪符的販賣而已。你共看路德馬丁時代天主教的矛盾，錯誤佮墮落。濟傳教者卻是真好，總是若濟到親像當時kan-ta佇路德馬丁受審判的Ak-bo̍k-su城（Worms）人口只有7000，教職者就有1500人。德國全國...

[1963-6 台灣教會公報 文類-散文 作者--/-]
PYUMA教會近況 [ PYUMA KÀU-HOH7 KŪN-HÓNG ]
PYUMA教會近況S.C. Lo̍h1963.06.15 912 期 p.11-12 台東附近所謂彪馬族有分散 tī 8 個鄉社 teh 企起。普通 teh 講『八社』就是 teh 指彪馬族 ê 意思 teh 講。M̄-kú 原來彪馬是指起南王 hit 族 nā 定，以外 iáu 有知本、社馬kan、利加、太平村、上檳榔、下檳榔 kap 初鹿 (Lêng-kè-me̍h 在內) chiah 個鄉社。所以除去南王以外，其他 ê 鄉社 ê 人較無ài hō͘ 人叫做彪馬。總講，in 大家較愛用 『八社』這個名稱，雖罔是 án-ni ，用『彪馬』來代表八社也 m̄ 是不該。因為早 tuì 彪馬這村...

[1963-6 台灣教會公報 文類-傳記 作者-胡文池/Ô͘ Bûn-tî]
追念Bunun族ê保羅劉傳 [ Tui-liām Bunun cho̍k ê Pó-lô Lâu-Thoân ]
追念Bunun族的保羅劉傳 胡文池 1963.06.15 P.10 若有對山地教會關心的人，逐个攏捌劉傳是一个偉大Bunun的傳教者。 伊佇5月25忽然受主揀召歸天。 彼日是拜六，伊teh備辦道理的時，忽然心臟麻痺，20分後人看伊頭殼the佇椅仔，叫伊的時，已經斷氣。隔日有出葬，逐人流目屎。 伊前是一个放蕩的人，逐日啉酒，相拍，thit迌。 猶過因為是聰明閣勇敢，就受日本人揀做壯丁團長。 到光復後，閣受揀做村長。 1949年正月24，伊來赴咱的佈道會佇玉里，就隨時接受主。後來看見伊有真實反悔，有新的生活，閣 自發tek teh傳道理，咱就共伊囑託做宣道師，佮我做...

[1964-1 台灣教會公報 文類-散文 作者-陳聰發/Tân Chhong-hoat]
白話字的歌 [ Pe̍h-oē-jī ê Koa ]
白話字的歌 1964.01 第925號 p.17 (陳聰發) 列位兄姊。咱自到今猶無白話字的歌，敢無感覺對教白話字有困難--mah？我真感激過去的先輩佮老師的偉大，毋若予我會曉白話字，閣予每一个親近白話話字的人攏予伊佮in相捌，佇遮愛表幾句對in說謝。 我捌想講，別个民族 (如日本、英國) 攏有in的字母歌，也真愛這个歌，感覺對教學上加真利便，也予細子抑是拄才來學讀的人快記佇腦內，閣向望彼个效果愈好。拄拄teh想這个代誌，阮有chhoā主日學的學生去柳原教會遠足，看見in有按呢做，也彼个成績比過去加真有看見進步，後--來阮也按呢實行，果然有影。今我愛將對柳原教會所學彼个歌分予逐家...

[1963-8 台灣教會公報 文類-傳記 作者-編輯部/Phian-chip-pō͘͘]
數念好人好事 [ SIÀU-LIĀM HÓ LÂNG HÓ SŪ ]
Normal 0 0 2 false false false MicrosoftInternetExplorer4 /* Style Definitions */ table.MsoⁿormalTable {mso-style-name:表格內文; mso-tstyle-rowband-size:0; mso-tstyle-colband-size:0; mso-style-noshow:yes; mso-s...

[1957-10 台灣教會公報 文類-傳記 作者-廖得/Liāu Tit]
歷史故事:台灣教會興衰 [ LE̍K-SÚ KÒ͘-SŪ:Tâi-oân Kàu-hoē heng-soe ]
歷史故事台灣教會興衰(廖得)1957.10 826號 p.13-14鎮殿將軍巴博士巴博士祖籍法國；祖先為著信仰的自由，就搬去蘇格蘭。巴博士16歲teh讀大學的時，得著靈感，就決心獻身。到畢業的時，大學欲留伊蹛母校做助教；總是伊決心欲來台灣做宣教師。大家真昂ngia̍h！一个有宰相才的人欲去到一个偏僻，蹛百外萬雜色人，無文明的小海嶼，傳道成十年久的宣道地做宣教師！實在真無彩！！通講「刣雞用牛刀。」【後來佇上海全中國500外个宣教師大會考的時，巴博士著二名；伊的妹婿佇佇汕頭的Khip博士著一名。】93年前，馬醫生來做先鋒。87年前，甘牧師來掛帥。84年前，巴博士來鎮守。巴博士來台灣頭尾62年久，伊...

[1957-11 台灣教會公報 文類-散文 作者-李嘉嵩/Lí Ka-siong]
數念蘭醫生 [ Siàu-liām Lân I-seng ]
數念蘭醫生1957.11 第827號 p.6-7(李嘉嵩寫)若講著蘭醫生就欲講數念感恩的話，感覺講攏袂了的人穩當非常濟。有的是受著伊救著生命起死回生，有的是伊公然抑是暗靜疼痛幫贊牽成來得著生計活路抑是提拔發展。有人對佇捌伊，予伊人格信仰的感化來奮發立志綴伊的跤步來做主的學生。有所在教會受伊克己奉獻，得著差不多全額的建築費。有人對伊的事業受感動得著道理，得著捌主的疼，得著信仰的鼓勵。總--是這个親像聖人的蘭醫生今去世--lah！的確有人感覺猶有濟濟擺猶未共伊表感恩，共伊表感謝，毋過今已經過身--lah。蘭醫生佇87年前出世佇蘇格蘭一位牧師的家。年青的時受召命愛做主的工，人鼓舞伊讀神學；伊家己固謙...

[1959-3 台灣教會公報 文類-散文 作者-Tiong-ga̍k seng/Tiong-ga̍k seng]
小題目，小故事 [ Sió tê-ba̍k, sió kò͘-sū ]
小題目，小故事 1959.03 第843號 p.25 (Tiong-ga̍k seng) 殉教者的太太 1956年的2月20日發行的美國大雜誌「生活畫報」。有出幾張像，teh說明5个宣教師去南美洲奧加族( Augas )厄瓜多國傳道理。奧加族山地的所在猶是無穿衫，無穿褲的野蠻族，常常有刣人做祭祀的族。 五个宣教師到這所在煞予遐的生番刣死，翕佇像--裡的情形，是飛機的探險隊所翕--的，也有身屍浮佇溪--裡，予人發見--著的。 到1957年8月，無拍算遮的宣教師的一个太太佮嬰仔拄出世一年外--的，相chhoā去遐的生番的所在欲去傳教。遐的消息佮像閣出佇生活畫報--裡，另外也有受刣死...

[1962-9 台灣教會公報 文類-小說 作者-Huī-kong/Huī-kong]
文藝故事 [ Bûn-gē Kò͘-sū ]
文藝故事 天真浪漫 1962.09 第894號 p.12-11 托爾斯泰 作 Huī-kong譯 兩个查某囡仔佇兩間厝跤的小路仔相拄-著；對田--裡流--來的lo̍k-ko͘糜水，攏流到佇這條小路仔，變做一个水窟。一个查某囡仔真細漢，猶一个較大漢一屑仔。In兩人的老母攏共in穿新的衫。細漢--的穿一領藍色--的，大漢--的穿一領黃色--的；閣in兩个佇in的頭毛攏有縛一蕊的紅色的蝶仔。逐家佇路--裡拄著的時，是拄拄對拜堂轉--來，起頭in teh展in的媠衫，後--來相佮佇遐t彼迌。忽然間in毋知想按怎，想著欲落去水窟裡耍水。細漢的穿鞋自按呢想欲潦--落去，大漢--的共伊擋講： ...

[1964-9 台灣教會公報 文類-散文 作者-鄭Choân-sang/Tīⁿ Choân-sang]
教育專欄：六百字編佮羅馬字 [ Kàu-iok7 choan-noâ LA̍K-PAH-JĪ-PHIAN KAP LÔ-MÁ-JĪ ]
教育專欄 六百字編佮羅馬字 1964.09 第941號 p.3-4 (鄭Choân-sang) 佇咱的教會教育到底著用甚物款字？這是咱所拄著一項的困難的問題。有時因為彼个問題性大，致到予咱若準目珠放闔無愛共伊想，也teh向望時間會解決。毋過事實是袂通予咱無共伊想，因為這佮咱現在的事工(特別是教育)真大關係。 回顧台灣百年的宣教歷史，白話字的貢獻確實是大。白話字的聖經毋若是一本不止尊重佇原文聖經的譯本，而且是一本不止媠的廈門音的冊。過去毋知偌爾濟人捌對這本聖經來得著四正的了解上帝的話，也毋知偌爾濟人捌對這本聖經來學習四正閣媠的台灣話？確實白話字是有利益--的。彼个特色是親像姚正道牧...

[1964-12 台灣教會公報 文類-散文 作者-Tiong-ga̍k-seng/Tiong-ga̍k-seng]
小故事大題目 [ SIÓ KÒ͘-SŪ TOĀ TOÊ-BA̍K ]
小故事大題目 1964.12 第947號 p.13-14 (Tiong-ga̍k-seng) 美國人，日本人，教會內，教會外teh協力的台南皮膚診所。 台南原本的傳染病院叫做土城仔，位置是佇西爿市外，周圍的環境真bái的所在。總--是自佇8年前，有美國的護士鄧姑娘來開辨癩病的診所了後，紲成做一个出名的所在，頭一項，就是鄧姑娘本身決然佮佇診所teh服務的本省人林庭暉先生結婚，致到毋但全省，全國真轟動，閣也出名到美國。因為鄧姑娘為著本身所志向的犧牲事業，有表現獻身到底的精神。 今這个皮膚診所了後有得著日本的醫生西村博士來主持醫治的工，閣前有得著日本全國主日學的聖誕獻金來鬥應援，這pa...

[1958-4 台灣教會公報 文類-散文 作者-陳復生/Tân Ho̍k-seng]
偉大的指導者，摩西 [ Uí-tāi ê chí-tō-chiá, mô͘-se ]
偉大的指導者，摩西 陳復生寫 1958年4月832期 6-7 (陳先生是台灣師範大學，美國普林斯頓神學院的出身。專攻舊約。舊年歸國，現時teh 教台灣神學院。這擺頭擺共咱賜告。向望此去會通 chia̍p-chia̍p得著伊的賜教) 當摩西大漢的時，有一日出去外位，看著伊的 同胞 teh受埃及人的窘逐，伊就拍死彼个埃及人。隔轉日閣出去的時，伊看見兩个希伯來人teh相爭，伊就欲共 in做公親 的時，反轉得著in 的反感，致到摩西本身著逃走(出2：11-15)。摩西做以色列百姓的拯救者佮指導者的生涯就是按呢開始。伊所拄著這兩日的中間所發生的事件也有象徵tek(sym...

[1958-4 台灣教會公報 文類-散文 作者-編輯人/Phian-chhip-jîn]
佮基督同死，同復活 [ Kap Ki-tok tâng sí, tâng koh-oa̍h ]
佮基督同死，同復活 編輯人寫 1958年4月832期 3 本號發行到佇各位讀者手中的時，諒必各位都攏同心虔誠teh 恭守受難週祈禱會的時；也祈禱會煞就有真快樂歡喜的復活節。當佇這个時節，咱應該著有甚物款精神上的準備，拍算大家攏有共通的期待愛得著適當的指示。 今受難週，復活節年年都 teh舉辦，這兩項也是使基督教會當成立的基楚tek 的事實。設使若無基督的 十字架佮伊的 受難，就基督教或者袂通產生，親像按呢，若無復活就基督教或者無基礎通存在。 既然是遮爾有重大意義的事項，咱gū著這个事實應該著有甚物款的態度？ 保羅講看萬物做糞埽，閣平素看做利益的，今攏看做損害，彼个...

[1958-9 台灣教會公報 文類-散文 作者--/-]
S.C.M的批 [ S.C.M. ê phoe ]
S.C.M. 的批 1958年9月837期 14-15 主內所敬疼的牧師長執平安！ 阮用真誠的心代表聖經大學的 S.C.M.全體會員對恁表示敬意，願主祝福恁大家。 主耶穌對咱講，「去普天下傳福音，」因為成千成萬的人渴望(向望)福音的論的。這个需要佇今日的 大專學校閣較迫切。為著予基督徒學生佇求學中也常常有聚集的機會，會得互相鼓勵，堅固信仰，閣進一步傳福音佇同學的中間，所以世界各地才有S.C.M.(Student Christian Movement)，就是學生基督教的組織。阮成大 S.C.M.佇台南神學院院長領導的下面，已經相當充實，堅強。但是阮閣較需要恁常常共阮...

[1958-10 台灣教會公報 文類-散文 作者-編輯人/Phian-chhip-jîn]
十月的一兩項事 [ Cha̍p goe̍h ê chi̍t nn̄g hāng sū ]
十月的一兩項事 編輯人寫 1958年10月838期 3-4 夏天過了，秋季的天懸閣涼爽。親愛的讀者毋知有想著幾項通saⁿ-kap做勉勵？筆者佇遮照例愛閣寫幾項。 一項：十月頭一禮拜是世界kong-tông聖餐日，這層事幾年來佇本報攏有teh 提倡。今各教會或者無攏照這个預定 teh舉行聖餐。總是大家若守聖餐的時，所得著濟濟的感想，中間的一項穩當是同心一意的事。聖餐的英語有時叫做(Holy communon)，這个意思，就是神聖的合一佮相通。小小的基督徒家庭著合一，小小一間教會著合一，小小的台灣教會也著合一，其實整個世界的教會都已經有真出力teh鼓舞，普世教聯運動...

[1958-10 台灣教會公報 文類-散文 作者-周天來/Chiu Thian-lâi]
學習怎樣來活 [ Ha̍k-si̍p cháiⁿ-iūⁿ lâi oa̍h ]
學習怎樣來活 美國雜誌「Moody」5月號所載 周天來 譯 1958年10月838期 14-15 △一个基督徒，設使伊若是屬神的人，緊慢會學習來看出上帝的手到佇一切的事件；也一切的事件佇上帝的手中。 △伊學習講佇通日的中間，直接代先佮上帝交陪，這款個人的祈禱佮奉事是真要緊，無人會通替伊做，也袂通予別項來替換。 △伊學習講伊袂通做逐項事，總是伊著發展伊家己屬靈的恩賜，閣著認明佇教會內為基督著做甚物工。 △伊學習講伊袂通知著怎樣來解答攏總的疑問，只有知為著逐款的境遇佮問題著chhē求對頂面來的智慧。 △伊學習講毋通看重家己傷過頭。伊是快錯...

[1958-10 台灣教會公報 文類-散文 作者-張宏昌/Tiuⁿ Hông-chhiong]
菲律賓考察報告書 [ Hui-li̍p-pin Khó-chhat pò-kò-su ]
菲律賓考察報告書 張宏昌 報 1958年10月838期 6-8 菲律賓是佇咱台灣的南爿，也是咱的厝邊。總是過去咱對菲律賓的智識真少，差不多攏毋知，總是我相信菲律賓人對台灣的認識也是真淺薄，這是我這pang到佇遐所感覺的一項事實，這kiám-chhái是因為過去菲律賓是屬佇美國所管轄，iā咱是才予日本管的關係，所以才互相無機會通相認識。 感謝上帝，這pang對菲律賓2教會聯盟(P.E.C.C.)青年部(Y.P.D.) 的好意聘請我到佇菲律賓，前後6禮拜久佇遐考察佮研究in 的青年事工佮教會以及一般的社會的款式。 4月22日早起10點，對台北起飛，...

[1958-10 台灣教會公報 文類-散文 作者-鄭連德/Tīⁿ Liân-tek]
想三項事 [ Siūⁿ saⁿ-hāng sū ]
想三項事 (去日本赴會的感想) 鄭連德 1958年10月838期 12-13 受派去日本東京參加國際會議，有得著真濟的見識佮鼓勵轉來台灣。這霎接著主筆的命令，愛寫幾句感想的話。 1、基督教教育的範圍 到今所teh想的基督教教育就是只有指起對囡仔抑是青少年的指導nā-tiāⁿ。彼个場所就是主日學。 總是這pang 的世界大會真致意佇這个根本問題。毋但 kan-ta佇教會，就是佇家庭、學校，抑是社會，見若人teh生活的所在就有需要基督教教育。 為著按呢，世界大會有分 5个部門來研究關係兒童部、青年部，家庭部、教育全盤部，以及信徒部的教育問題。 ...