|
|
 |
[1968-2 台灣教會公報 文類-散文 作者-劉主安/Lâu Chú-an]
長榮女學創立81週年 [ Tióng-êng Lú-o̍h chhòng-li̍p 81 chiu-nî ]
長榮女學創立81週年
校長：劉主安
1968.02.01 1023號P.8~P.9
（1）長榮女學是佇1887年2月14日創立的。所以到taⁿ已經有81年久。本來佇舊年4月欲舉行80週年的慶祝大會，因為準備袂赴，所以本校董事會佮校友會，決定欲佇今年的 4月中來慶祝。
（2）校友會有請前任校長吳姑娘對英國來參加慶祝的典禮。可惜因為因為伊最近身體無夠額勇健通做長途的旅行，所以袂通來參加。實在真可惜。總是伊已經 有寄一張祝詞來欲予咱佇慶祝大會的時通讀，閣有寫一篇感想文予咱通印佇將來欲發刊的80週年記念冊內。濟濟校友若讀著吳姑娘的這篇感想，穩當會受感動，毋若加添in的信仰佮為國家，社會，教會...
|
|
[1968-3 台灣教會公報 文類-散文 作者-宋泉盛/Sòng Choân-sēng]
神學教育的宣揚使命 [ Sîn-ha̍k kàu-io̍k ê soan-iông sù-bēng ]
神學教育的宣揚使命
宋泉盛
1968.03.15 1026號P.3~P.5
台南神學院的每年的紀念日對本院的師生，也我相信對咱教會的兄姊，毋bat一擺隨隨便便過去。一方面這个是阮對心底感謝的機會。阮若看著上帝怎樣teh用阮真無完全，真頇顢，真愚戇chiah的器具teh做伊宣揚福音的工作的時陣，阮實在有滿心的感謝。實在上帝的恩典盤過人的愚戇佮欠缺，上帝的氣力贏過人的軟弱佮頇顢。阮的感謝常時是為著咱教會全體同信的兄弟姊妹的不斷支持佮援助。恁大家出佇疼主的心，替阮祈禱，替阮準備金錢，予阮會通繼續教會所交代阮的工作。台南神學院是咱教會的，因為這是上帝通過咱的教會設立欲來養成佮訓練合佇這个...
|
|
[1968-4 台灣教會公報 文類-散文 作者-趙天慈/Tiō Thian-chû]
聖地巴勒斯坦 [ Sèng-toē Pa-le̍k-su-thèng ]
聖地巴勒斯坦
趙天慈
1968.04.15 1028號P.4
環境
歷史家講，佇世界有4 位文化的發生地，展開佇大河邊：--就是1恆河岸的中國文化。印度河岸的印度文化。2Pek-lat大河的巴比倫文化。佮4尼羅河岸的埃及文化。聖經所記載的「世界」天下，伊的範圍是屬佇3，4兩地區的事，佮1，2兩地區無關係。到佇新約時代，範圍有較闊，因為羅馬帝國有管西歐一帶，所以這兩地區以外到佇Sū-pan-ngá，這是舊約所無的。
蹛佇這兩大區的人，已經脫離遊牧時代進入農業時代，in已經定著蹛(toà)佇遮，研究耕作的事，五穀，果子通收成，無煩惱枵餓。親像俗語講，「衣食足，而後知禮儀」。...
|
|
[1968-4 台灣教會公報 文類-散文 作者-杜英助/Tō͘ Eng-chō͘]
真實的自由 [ Chin-si̍t ê chū-iû ]
真實的自由
杜英助
1968.04.15 1028號P.3
二十世紀佇世界逐所在的工業teh發展的時，這項真猶緊的民權運動也佇全世界逐角落teh發展。對佇這个運動的發展，過去佇列強的國家統治下)的附屬國佮殖民地的民族，攏漸漸成做獨立的國家佮自由的民族。總是到現在有的國家是對幾若个民族來組成，特別是美國。遐个以前受人對非洲掠來做奴隸的烏面人，雖然對南北戰爭以後就得著敨放，總是in所得著的自由猶原真有限。所以今仔日佇全世界teh發展民權運動，自然而然就影響遮个烏面人的智識份子積極對政府政府佮白面人同等的權利佮社會福利。
佇美國teh領導烏面人用和平的方法來展開民權運動，爭取自由的領...
|
|
[1968-4 台灣教會公報 文類-散文 作者-杜英助/Tō͘ Eng-chō͘]
對死擱活的主 [ Tuì sí koh-oah7 ê Chú ]
對死閣活的主
杜英助
1968.04.01 1027號P.3
歷代基督徒所確信的信仰告白，咱的信經第2段講，「我信耶穌基督.........佇Pún-tiu Pí-lia̍p-to任內受苦，釘十字架，死，埋葬，落陰府；第三日對死人中閣活，上天......」。這個信條到現在，甚至到主閣來的日，我相信所有基督徒猶原欲按呢相信。
啥事咱的主著臨到世間受苦，予人釘十字架，死埋葬佇墳墓nih？這個無毋是欲為著全世界的人類開一條活活的路，予人的罪得著拯救，回復上帝原本所創造的人的形象，來予伊得著歡喜佮榮耀。
佇耶穌一生的生涯中，伊的受苦，釘十字架，死，埋葬，通講是一項非常偉大的疼心的表現...
|
|
[1968-4 台灣教會公報 文類-散文 作者-蔡椪/Chhoà Phòng]
對受苦的認識佮區別 [ Tuì siū-khó͘ ê jīm-sek kap khu-pia̍t ]
對受苦的認識佮區別
蔡椪
1968.04.01 1027號P.4
主耶穌講，「我已經將遮的事共恁講，予恁踮佇我有平安，佇世間恁有苦難，獨獨恁通放心，我已經較贏世間」（約翰16：33）。保羅講，「咱著對濟濟艱苦來入上帝的國」（Tô͘ 14：22）。
列位，普通人看著「受苦」驚畏到親像虎，親像獅，掠做chí著逃避。總是照頂面兩節經文看起來，基督徒事實毋應該絕對存彼款的觀念。基督徒正當的受苦，實在通做in 的課程，光榮；也是in進入上帝國的步調。但是受苦也有種種的不同：有的受苦真寶貴，有的受苦實在真通討厭，著驚惶來盡力避免，這是咱應當認識佮區別的。佇遮請相佮來想，來研究幾項，照下面：...
|
|
[1968-5 台灣教會公報 文類-散文 作者-編輯部/Phian-chip-pō͘͘]
五月的感言 [ Gō͘-ge̍h ê kám-giân ]
五月的感言
編輯室
1968.05.01 1029號P.3
五月有濟濟通數念的紀念日。5月1日是勞工節，5月第二禮拜是母親節；紲落去一禮拜是家庭週，6月初二是聖神降臨節......
佇才濟的紀念日，咱教會干若較傾重佇母親節：有敬老會，敬母會，報紙雜誌大大咧(teh)宣揚。若是教會力重要的節日聖神降臨節紲予人未記得。這是真可惜的事，咱應該著較重視聖神降臨節。
閣活節後40日就是主耶穌聖誕的日，拄拄是拜4，有的教會佇這日舉行升天節的禮拜。閣過 10日就是聖神降臨節，這日通講是教會的生日。咱有慶祝基督的降生，也著像款看重聖神的降臨。佇這日通舉行聖禮典，教會佮信徒著期待佇這日閣對天裡...
|
|
[1968-5 台灣教會公報 文類-散文 作者--/-]
當選市長 [ Tòng-soán chhī-tiúⁿ ]
當選市長
高雄市
楊金虎長老
1968.05.01 1029號P.10
前金教會的長老楊金虎先生當選第6屆的高雄市市長。
楊長老現年已經70歲lah，總是精神肉體攏真勇壯活潑。伊佇高雄市蹛50年久，有開人和醫院，不止關心政治，總是無未記得伊是基督徒。4處的競選市長都用「敬神愛人」做伊的政見的一條。
楊長老現任高雄前金教會的長老，以外有當高雄基督教青年會的副理事長。長老娘林玉華女士是前金教會女宣會長。伊的小妹是總會女宣指導者之一。妹婿是林啟三長老，也台灣神學院院長陳Sek-chong博士是楊長老的孫婿。
請各位讀者為著這位基督徒市長代禱。...
|
|
[1968-5 台灣教會公報 文類-散文 作者--/-]
南中女宣舉辦母親節音樂會 [ Lâm Tiong Lú Soan kú-pān Bú-chhin-choeh im-ga̍k-hoē ]
南中女宣舉辦母親節音樂會
1968.05.15 1030號P.11
台南中會女宣合唱團本月13暗，為著家己慶祝母親節，佇太平境教會舉辦「母親節音樂會」。音樂會結束的時，也有表演一齣真有意義的話劇，叫做「光明佮烏暗」，以外也有來赴會的女宣會員全體表演康樂節目。
南中女宣這回佇太平境所舉辦的母親節音樂康樂晚會，參加的婦女大部分攏已經做媽媽，阿嬤lah。總是in所吟的詩歌，一屑仔也無輸青年人的聲音。當in teh吟數念老母的詩的時，in 的聲音宛然親像出對細囝的喙，in的表情也親像細囝離鄉teh數念in的老母，予聽的人，激起思親佮孝親的心。
南中女宣合唱團是佇今年閣活節才成立...
|
|
[1968-5 台灣教會公報 文類-散文 作者-陳添登/Tân Thiam-teng]
編者的請安 [ Phian-chiá ê chhéng-an ]
編者的請安
陳添登
1968.05.01 1029號P.18
恭敬請安敬愛的讀者。本人對4月起受交代擔當本報的兼主筆，對這期起佮各位相見面，此後請常常指教佮代禱。
過去教會公報有久長的歷史佮輝煌的貢獻，82年久不斷teh報教會內外的消息；集教界名流寫作發表，來培養信徒的靈性；傳達信仰佮智識，造就教會信徒等......通講公報是台灣教會的歷史，也是過去信仰思想的寶庫。
光復後隨著教會廣闊；事工進展，教會公報所負擔的責任ná重大，時代所要求的是佈道愛緊，範圍著闊，致到一月日一期的白話字公報已經未應付時代的需要。經過淡薄的演變，現在本社所發行的是國文的榮光報半月刊。董事會也有決...
|
|
|
|
|
[1968-5 台灣教會公報 文類-散文 作者-杜英助/Tō͘ Eng-chō͘]
無過反的餅 [ Bô kè-péng ê piáⁿ ]
無過反的餅
李長貴 講 杜英助 記
1968.05.15 1030號 P.4~P.5
聖經：何西阿7：8
「無過反的餅」是一爿無熟，一爿煎到臭火焦的餅。這款餅是無路用的。若是按呢，何西阿啥事用「無過反(péng)的餅」來指以法連nih？到底何西阿佇遮所講的意思是甚物？就是用人生實際生活。以色列（以法連）若欲論上帝的疼，真濟講未了；總是in有疼上帝的理論，卻無疼上帝的生活。
何西阿時代的背景，通講是四面楚歌。當時in受巴比倫，亞述，埃及遮的強國圍，佇政治，軍事，經濟等等方面時常受人的壓制，真無自由。以賽亞40章講：著倚靠耶和華，恁就欲得著新的氣力。總是這點以色列卻無表現；因為i...
|
|
[1968-5 台灣教會公報 文類-散文 作者--/-]
美國，日本教會追悼金馬丁博士 [ Bí-kok, Ji̍t-pún kàu-hoē tui-tō kim Má-teng phok-sū ]
美國，日本教會追悼金馬丁博士
1968.05.30 1030號 P.7
美國，日本教會追掉金馬丁博士
美國教會協議會（NCCC）議長アーサフレシング向各教會發表，請佇4月7號下午4點為著金馬丁牧師的死表示哀悼的意思。日本基督教協議會佇4月6日用電報向美國教會協議會表示金博士受暗殺的哀悼。電文親像下面：「日本的諸教會哀惜金博士的悲劇tek的死，也為著貴教會會通繼續為著謝會正義努力來祈禱。日本基督教協議會欲佇4月10日下午 6點半舉行追悼記念禮拜。」
金馬丁博士是美國南部浸信會的烏人牧師，是烏人的領導者，主倡非暴力主義；貫徹無抵抗的抵抗，今年39歲，佇4月4號暗時...
|
|
|
|
|
[1968-5 台灣教會公報 文類-散文 作者--/-]
英國聖公會與衛理公會計劃聯合 [ Eng-kok Sèng-kong-hoē kap oē-lí-kong-hoē Kè-e̍k Liân-ha̍p ]
英國聖公會與衛理公會計劃聯合
1968.05.15 1030號 P.6
英國聖公會與衛理公會計劃聯合
經過兩世紀的分裂，最近英國聖公會佮in兄弟會理公會計畫欲聯合。In過去有真濟的無相像，親像英國聖公會的信徒，真尊重in的主教職務，亦佮英國的王位有真密切的關係。衛理公會真愛in的聖詩，亦較自由，而且也強調社會福音。
雖然in有真濟的無相像，總是佇四月初；兩爿的教會攏同意一個合一的計畫。假使若無其他的問題，就佇1980年英國會出現一個合一的教會lah。In向望會消除兩爿教會間的偏見。禁酒的衛理公會的信徒，無欲閣堅持佇聖餐的時用葡萄汁，聖公會的信徒，也無欲要求衛理公會的會有用葡萄酒...
|
|
[1968-5 台灣教會公報 文類-散文 作者--/-]
機車愛護者互談會 [ Ki-chhia ài-hō͘-chiá hō͘-tâm-hoē ]
機車愛護者互談會
1968.05.30 1030號P.11
嘉義中會佇5月1日的勞動節召開騎機車的人的會議。這是新的事，毋但對信仰有造就，亦實際指導交通道德，機車的保養等。
致到警戒按呢講，「這個工應該是警察界愛做的工，總是阮做未到紲予恁基督教來做實在真多謝......」
這回的機車互談會，有70名參加，各人騎機車；有50cc的也有600cc的各種的機車攏有。閣約一半是會外的人，in參加了對教會有按呢關心人的性命非常的感激。
互談會會場分做兩所在，代先佇尖山邊。佇遮有請嘉義工業學校的老師，賴Chheng-chûn先生來講機車的構造佮常識。然後討論。第二會長是佇吳鳳廟，全體會員分做...
|
|
|
|
|
[1968-5 台灣教會公報 文類-散文 作者-趙天慈/Tiō Thian-chû]
聖地巴勒斯坦 [ Sèng-toē Pa-le̍k-su-thèng ]
聖地巴勒斯坦趙天慈
1968.05.15 1030號P.16
佇1929年3月間爵士Gô͘ Lia̍t（Sir Leonard Noolley），當teh揣古蹟的時，有到亞伯蘭的出生地吾珥（Ur吾珥）城，照伊調查，當亞伯蘭猶未離開伊的本鄉裡的時，這個吾珥城已經是一個相當發達文明的城市。吾珥是Su-be̍k-ní人用磚仔疊成的一座城市。當伊佇一位牆邊teh掘，伊發現掘到9 尺深的時，有一層是沖積的層，因為頂面層是堆積破片（牽仔，鍋仔，碗等）佮糞埽，總是這層沖積地層是真清氣的黏土層，掘幾若位攏相像，這明明是大水所沖積，毋是河水流來的大層，約略有尺懸。閣掘落去就無相像lah！是佮頂層相像...
|
|
[1968-6 台灣教會公報 文類-散文 作者--/-]
現代的教會需要什麼款的傳教者？ [ Hiān-tāi ê kàu-hoē su-iàu sím-mi̍h khoán ê thoân-kàu-chiá? ]
現代的教會需要啥物款的傳教者？
1968年6月12日台灣神學院畢業典禮董事長宋泉璋長老的致詞。
1968.06.15 1032號P.3~P.5
代先我愛對各位畢業生恭喜。咱過去幾年久，佇這間神學院受造就，今這陣欲畢業，欲到佇教會仔是社會做上帝的差用。特別恁所欲去的教會仔是機關正在全力咧(teh)推行新世紀宣教運動的第二年的工作。佇這個真有意義的時，恁欲離開這個學園到佇受派的所在擔當宣揚福音的使命，我相信恁攏有真大的向望佮決心。佇這個時，到底教會仔是社會咧(teh)需要啥物款的傳教者？教會對傳教者的期待是啥物？我愛將舊年11月佇日本京都召開的東南亞神學教會協會所咧(teh)想，提出...
|
|
|
|
