[1933-11 台灣教會公報 文類-詩 作者--/-]
斗六青年會歌 [ Táu-la̍k Chheng-liân-hoē Koa ]
斗六青年會歌作者：陳Ka-tek1933.11, no. 584, pp. 16 （調是用聖詩54首）1. 血氣風光的青年，ǹg主十架直向前；大啊！ 無換的上帝，造成雲林青年會。和 著向前，緊緊向前，主所揀召雲林青年；著呵咾，閣再呵咾，主的光逐位teh照。2. 雲林青年囝天路，Chhoā人緊來獸耶穌；無論神靈佮德行，智，體，日日ná堅定。3. 基督精銳的兵丁，雲林健兒志堅定；瞭望救主的十架，拍破撒旦的營寨。4. 雲林青年著歡喜，耶穌身軀替咱死；殿內門帳裂做爿，到尾穩當上天庭。 ...

[1933-12 台灣教會公報/芥菜子 文類-詩 作者-柯維思/Koa Î-su]
天飼人 [ Thiⁿ chhī Lâng ]
天飼人柯維思1933.12, no. 585 (KCC, no. 95), pp. 24-25 1. 天是無限的所在，古今賢人攏毋知，不比眼前的世界，通用機器teh推排。2. 天是屬神的天界，地是人歇的所在，周圍七萬五千你，直徑只有二萬四。3. 至細人類好新奇，亦敢將地佮天比，囡仔佇墳teh釣魚，毋知洋海的位置。4. 天是上帝的座位，無數星辰伊分開，至細地球鎮一位，曾孫，曾祖，相比對。5. 離開地求的所在一近是月咱所知，離地七萬四千里，尚且無人會探伊。6. 肉心肉目的人意，微細地球佮天比，天是無限的年數，人事塵埃mo͘h佇土。7. 現今聚集佇路邊，明日予水流溪墘，塵埃極細地上物，Thài會佮...

[1934-1 台灣教會公報 文類-詩 作者-賴江/Loā Kang]
草墩青年會一週年會紀念歌 [ Chháu-tun Chheng-liân-hoē it chiu-nî Kì-liām Koa ]
草墩青年會一週年會紀念歌賴江 記1934.01, no. 586, pp. 16 Ⅰ. 農村佈道會草墩青年眾會員，一週紀念大宣傳；本庄所有的館內，欲傳道理奉齊知。愛趁救主的吩咐，宣報道理逐位有；會長就是火土sàng，不止甘願犧牲工。牧師長執也出陣，報傳道理真認真；有夠逐庄去講演，宣傳福音無嫌siān。講員有時十數名，摃鑼叫人著來聽；會長是做司會者，會員種子直直掖。聽眾逐暗有講百，講員一人講一pha；有時會場人設備，予阮teh講真舒適。雖然紳士倚來聽，阮也直講攏無驚；排斥迷信不止鹹，大家都也是無嫌。徛到半暝愛閣聽，講比看戲猶較贏；有時著去鋪外路，講員分做兩三組。雖有山嶺的艱苦，無嫌歹行的路途；...

[1933-1 台灣教會公報 文類-傳記 作者-施寬宏/Si Khoan-hông]
小傳故潘長老 [ Sió-toān Kò͘ Phoaⁿ Tiúⁿ-ló ]
小傳故潘長老施寬宏 記1933.01, no. 574, pp. 26 Má-lio̍k長老是潘金聲牧師的令先父，享壽74 歲。 佇12月5號別世，11號下晡3點舉行葬式。 會葬者，tuì近鄰4位教會來的，共有500外名。 弔竹40外支，弔電40外通，花環5組。 葬式頭到尾不止嚴肅；聽伊的履歷不止有感動人的心，今舉幾項佇下底：－1. 奉事國家。 (1) 明治33年，日本領台無偌久，無論佇平洋，抑佇內山，猶有擾亂的事真濟。 其中埔里山內的地方，是不止紛亂，為著按呢，有鎮靜的必要。 其中Má-lio̍k長老為著善良民的性命。 伊歡喜聽官令，放下某囝，冒險出門援助鎮靜罪徒的作亂，到成功的時，有得著...

[1933-4 台灣教會公報 文類-傳記 作者--/-]
小傳 [ Sió-toān ]
小傳簡Thn̂g執事郭朝成1933.04, no. 577, pp. 19 簡Thn̂g執事，是南投教會初代的信徒，也是南投教會的地基。 佇三十年前，南投猶未有拜堂，伊的老父阿扁叔，著盤過牛港嶺山到大庄禮拜。 後來簡執事順趁老父命令，同心一意做基督徒。 論伊的做人，是社會，教會的模範者，通予咱久長數念。 1. 伊當執事幾若任，盡忠盡職，tuì金錢，以及一切無予人僥疑。 2. 有孝父母，疼小弟，佮人和平。 3. 性情溫柔，信用，毋捌批評人。 4. 熱心敬上帝，祈禱會以及家庭禮拜攏有出席。 近來伊的身體漸漸lám，佇11月19號，猶teh做生理的中間，無艱苦就睏--去，安然轉去天父兜，享壽53歲...

[1933-5 台灣教會公報 文類-散文 作者--/-]
故萬姑娘的來歷 [ Kò͘ Bān Ko͘-niû ê Lâi-le̍k ]
故萬姑娘的來歷羅仁愛1933.05, no. 578, pp. 10-11 萬珍珠姑娘，佇1862年12月16日，出世佇蘇格蘭的北爿。 伊猶細漢的時，in父母搬去Aberdeen，就是蘇格蘭文墨的所在；敢是愛護in的囝兒有較好的學校通勉強。 因為萬姑娘有一個阿兄佮一個小弟，也有一個小妹。 萬姑娘佇遐讀小學校卒業。 後來有去倫敦城讀高等學校，也有入神學。 佇1888年，就是伊25歲的時，就tuì英國女宣道會志願過來台灣。 奉女宣道會的命令，佇彼个冬尾11月間，有tuì安平港上陸到台南府城。 聽見講：上台灣山一禮拜久，有接著厝裡的批講：in阿兄佮小弟有染著tn̂g-chek-hu-su的病攏過往...

[1933-5 台南府城教會報 文類-傳記 作者--/-]
小傳 [ Sió-toān ]
小傳（三則）K. H. B.（一則） 謝清議（二則） 1933.05, no. 578, pp. 18-19 施--氏Niû（K. H. B. 記）冊記，"人生七十古來稀"，若是施--氏Niû食到92 歲。 伊是和美教會的長老，黃Lò的老母。 1841年，1月9日，出世佇鹿港，69 歲聽道理，77 歲受高金聲牧師的洗禮，今年92 歲。 佇 2月27日，午前4點45分，主召伊轉去天堂。 三月7日，頂晡10點，佇和美拜堂舉行盛大的葬式。 鹿港劉Kî-suí先生做司會者；大甲庄Sè-kó͘牧師說道；本堂許Hông-bô͘先生講戮力。 弔辭弔電40外通。 Tuì彰化，鹿港，台中，溪湖，大肚，花壇，以...

[1933-6 台灣教會公報 文類-傳記 作者-林照/Lîm Chiàu]
小傳：女長老升天 [ Sió-toān: Lú Tiúⁿ-ló seng-thian ]
小傳 女長老升天 林照 記 1933.06, no. 579, pp. 18-19 林--氏貴妹是豐原教會的女長老，也是豐原女界的名星。 佇3月18號，有傳達講，"主的天使真濟欲來chih我，若來的時，毋通直直共我叫，來予我艱苦離開。" 竟然到22號拜三暗，受主接納上天，享壽63歲。 伊的離開，宛然失落一粒的光星，予教會，社會毋甘，街頭巷尾，大大細細念伊的名佮伊的做人。 啊！ 伊的死，真正是勝利的死，莫怪主愛伊轉去來享受天的生活。 若是伊過去的所做，實在成做現在佮將來的數念。 寫淡薄紹介伊的生平，做人親切，仁愛，疼主，疼教會，gâu接待人，成做這个。 ...

[1933-7 台灣教會公報 文類-傳記 作者-林安/Lîm An]
盧姑娘的小傳 [ Lô͘ Ko͘-niû ê Sió-toān ]
盧姑娘的小傳林--氏安1933.07, no. 580, pp. 5-6 盧仁愛姑娘佇1870年5月28日出世佇Bala的城市。 Bala是佇威力士國，就是英國隔壁國。 彼族的百姓猶有家己的話，盧姑娘若講伊本鄉的腔口，阮就聽攏無。 總是tuì 囡仔的時較毋捌用。 伊的老父是做牧師，亦仁愛細漢的時，全家有搬佇英國的大埠頭，叫做Liverpool。 伊佇遐讀小學校，高等學校。 後來有入Liverpool的一間出名的 師範學校，就是Edgehill Training College。 卒業了，就去英國一個大都市，叫做Leeds教公學校，也後來有做校長。 這時伊有真熱心佇教會，也到時上帝開伊的路，予...

[1933-8 台灣教會公報 文類-傳記 作者-陳思聰/Tân Su-chhong]
小傳 [ Sió-toān ]
小傳陳思聰1933.08, no. 581, pp. 7 故蕭--氏Kam，劉茂清先生娘。 伊是崗仔林的人，20歲的時入劉先生的家庭；24歲的時，就tuì陳 Soan-lēng牧師領洗禮。 少年的時，有toè茂清先生去toà幾若位的教會。 就是崗仔林，台南，杜君英，溪州，加吶埔，後來就倒來toà里港。 無拍算佇昭和6年，頷頸生癌，到今年4月30日午後6點半，予主召伊轉去天堂。 享壽76歲。 佇5月4號午前10點，佇伊家己的本所在舉行葬式。 會葬者300外人。 伊一生做人真勤儉，gâu粒積。 堅心信主，有始有終。 佇病床中常常祈禱。 臨終的時，面顯出快樂，歡喜的榮光。 ...

[1933-8 台灣教會公報 文類-散文 作者-陳添旺/Tân Thiam-ōng]
追念故吳威廉博士 [ Tui-liām kò͘ Gô͘ Ui-liâm Phok-sū ]
追念故吳威廉博士陳添旺1933.08, no. 581 (KCC, no. 91), pp. 21-22 六月13號暗，雙連教會主催追悼會，來數念伊別世10周年，有200外人赴會。 逐人用真虔誠的心，真濟人講伊生前的所做，真正會感激人。 有一位講：死人會講話，今ê昏就是。 有的講伊遺言徛在佇主，所起的厝嘛真堅固自在，實在有影。 做神學校長的時代1901年，故偕博士別世，就續接教伊所留的學生。 1902年9月，就閣拾學生，彼暗同入學有32人，後來因為個人的都合，緊轉，到去踮拜堂11名若定，敝人在內。 Tuì入學到伊別世有22年的久，真受伊指導，今只有4名在職中若定。 Gâu吞忍雖然為著甚麼艱苦...

[1933-9 台灣教會公報 文類-傳記 作者--/-]
故卓道生的小傳 [ Kò͘ Toh Tō-seng ê Sió-toān ]
故卓道生的小傳戴榮旋1933.09, no. 582, pp. 9-11 先生乳名大昌。 出世佇A. D. 1859年（安政6年）1月17日；死佇A.D. 1933年5月17號，享壽75 歲。 是左鎮教會的傑出。 帝國領台以後，改名道生。 Tuì細漢就伶俐聰明，予濟濟先生佮朋友所器重。 抵著故甘為霖牧師去巡左鎮教會的時，看著先生有不俗的才，就苦勸先生的老父著予伊讀冊。 13歲的時，去木柵的教會佮傳道師故吳礫志先生看伊的好才調，就舉薦伊入中學。 受校長甘為霖牧師的疼惜，chhoā伊去廈門讀冊。 故李春生長老，就是伊彼時的同窗友。 甘牧師看伊的做人，毋旦才調好，學問進步，閣看伊不止溫柔，有禮數，...

[1933-10 台灣教會公報 文類-傳記 作者-施坦/Si Thán]
小傳 [ Sió-toān ]
小傳施坦 記1933.10, no. 583, pp. 19 潘A-uî-khai-san翁，是烏牛欄教會有數的人物。 伊佇1864年1月28日出世。 佇今年5月27日別世，享壽69 歲。 彼一日告別式，雖然落大雨，猶久有幾若百人。 敝人做司式者，舉行莊嚴的式。 聽著伊一生的戮力，大家受感激，到流目屎。 今記伊生平幾項的事業佇下面：－1. 對社會。 伊佇明治 9年，就入教會的小學讀冊5年久。 明治 13年，去台南讀大學（神學校）半年久，為著都合無閣去。 明治26年，做屯勇的 si̍p-tiúⁿ。 明治35年，做土地調查委員。 明治37年做保正，連幾若任，共當22年久。 大正9年起，做烏牛欄區...

[1933-12 台灣教會公報 文類-傳記 作者--/-]
楊Tong-jū的小傳 [ Iûⁿ Tong-jū ê Sió-toān ]
楊Tong-jū的小傳黃仁壽1933.12, no. 585, pp. 17 楊Tong-jū是李Goân-hui君的婦人人，是二水教會主日學的教員。 是熱心好女德的女子，伊本是屬鹿港的教會；過來遮chiah倚兩年若定。 Tuì來到今，予家內的人歡喜，也予厝邊以及佮伊相識的人歡喜。 伊的大官是無拜上帝的人，以前雖然有濟濟人苦勸伊，總是攏bē會引chhoā伊來禮拜。 到Tong-jū來，伊的大官有受著伊的感激，就歡喜逐禮拜來禮拜。 今通講是全家拜上帝。 也通知德行感激人的力hiah大。 又閣真致意佇主日學，可惜身體軟弱，bē通逐禮拜出席，總是伊有鼓舞庄裡 的囡仔佮婦人人，彼暝時來伊的厝學白話字...

[1934-1 台灣教會公報 文類-詩 作者-賴鐵羊/Loā Thih-iûⁿ]
台中Y. M. C. A.會歌 [ Tâi-tiong Y. M. C. A. Hoē-koa ]
台中Y. M. C. A.會歌賴鐵羊 作詞1934.01, no. 586, pp. 16 調，讚美歌下212。1. 美島台灣在洋，氣候景緻極優良；可惜百姓受迷犯罪，離開天父心堪傷。和：兄姊啊！ 著趕緊同心來攻對敵，倚靠咱的大將軍救主耶穌，同出聲唱軍歌拚命決死攻進前，咱的上帝是至大無所不能，直直戰到得勝，為咱主做軍兵，大家向前台中基督青年會。2. 台灣島內咱台中，位置是佔在中央；物產文化極其發達，若是聖道少宣揚。3. 願兄姊為主盡忠公，私歡喜盡力量；救咱同胞出死入活，同心建設理想鄉。 ...

[1934-1 台灣教會公報/芥菜子 文類-詩 作者-柯維思/Koa Î-su]
淡水教會獻堂式祝歌 [ Tām-chuí Kàu-hoē Hiàn-tn̂g-sek Chiok-koa ]
淡水教會獻堂式祝歌11月28日，1933，柯維思1934.01, no. 586 (KCC, no. 96), pp. 24-25 1. 今日大家真歡喜，因為聖殿在建置；多謝列位眾兄姊，同心出力寄附錢。2. 淡水家屋滿滿是，Oh找一位佮這比；可見會友gâu建置，敬拜上帝真合宜。3. 為主做工無延遲，盡力佈道榮光伊；天父時時teh扶持，咱通放心免掛意。4. 拜堂初設彼當時，就是馬偕來設起；起頭稅佇倚港墘，到今經過六一年。5. 馬偕早時傳道理，百姓躊躇毋近伊；風聲用藥會毒死，死了予伊取身屍。6. 濫摻tuì 官來告伊， 建設砲台五股坑；妖言造語譭謗伊。亦bak處心的代誌。7. 初代學生就近伊，伊...

[1934-4 台灣教會公報 文類-詩 作者-H. T. S./-]
紀念主閣活 [ Kì-liām Chú koh-oa̍h ]
紀念主閣活H. T. S.1934.04, no. 589, pp. 13 1. 主耶穌tuì墓閣起，真歡喜的日；聽天使佇伊墓--裡，報這好消息。主的學生去墓--裡，看無主身屍；主已經tuì墓閣起，墓內空虛虛。2. 主閣活歡喜的日，死蔭的山坑；開路透到佇天裡，予咱得上--去。主的贖罪功勞成，閣活無閣死，主是閣活，是活命，靠伊就免死。3. 找活命佇蓬萊島，這是毋免望，主真正予咱通靠，以外攏空空。主的活命著來得，免延遷僥疑，這是真好的消息，予咱得福氣。4. 主為著咱的罪惡，捌入去陰府，刣贏死失，歸天國，永遠做救主。主閣活，歡喜的日，今日閣迎接，記念閣活的消息，咱著來吟詩。 ...

[1934-4 台灣教會公報/芥菜子 文類-詩 作者-柯維思/Koa Î-su]
旁聽中會所感 [ Pông-thèng Tiong-hoē só͘ kám ]
旁聽中會所感柯維思1934.04, no. 589 (KCC, no. 99), pp. 28 1. 上帝所疼的百姓，In的囝孫滿滿是，一分財產in六厘，福，壽，名人亦是伊。2. 該隱派下的百姓，In亦生湠滿天邊，世上科學兼格致，神國人國teh相爭。3. 願咱勤讀創世記，就知該隱刣小弟，以上兩號的百姓。恁愛屬地抑屬天？4. 上帝賜咱的心志，予咱自有敬奉伊，有孝，不孝的囝兒，減采就是我家己。5. 若是赴會帶私意，憑據地國的囝兒，所以凡事是就是，疼主相量無僥疑。6. 願恁佮我著注意，議士驚你，亦驚伊，來用私意遮蓋天，天父審判極公義。7. 為著百姓敬拜伊，所以禮拜有好天，拜一議事閣講起，臨時的雨c...

[1934-4 台灣教會公報/芥菜子 文類-詩 作者-柯維思/Koa Î-su]
台北市衛生歌 [ Tâi-pak-chhī oē-seng Koa ]
台北市衛生歌柯維思1934.04, no. 589 (KCC, no. 99), pp. 28 1. 台北街路非常好，官員監督gâu製造，清廉si̍t-kia̍t真gâu kō，男婦老幼好thit-thô。2. 街路研到平坡坡，雞，鴨，豬，狗，今攏無，近來衛生到極好，人講boē輸新加坡。3. 老幼毋通路thit-thô，毋通鎮路第一好，若是駛車無抵好，爭著性命就會無。4. 暗時電燈光映映，老幼來往安穩行，亦無賊仔予人驚，本島有名台北城。 ...

[1934-5 台灣教會公報/芥菜子 文類-詩 作者-章王由/Chiong Ông-iû]
主目睭看顧到雀鳥 [ Chú ba̍k-chiu khoàⁿ-kò͘ kàu Chhek-chiáu ]
主目睭看顧到雀鳥MIS. C. D. MARTIN CHAS. H. GABRIEL章王由 譯1934.05, no. 590 (KCC, no. 100), pp. 29 (1) 啥事我來想失志，驚危險teh阻止；有主耶穌teh做伴，我啥事想孤單，做陣行到天父兜，只有伊做會到，主的疼及到雀鳥；人若看就著會曉，細項的物伊保護，人穩當主teh照顧。和 歡喜唱歌來呵咾，耶穌做我中保，予咱得著自由福氣，伊teh照顧免掛意。(2) 伊所講人通信靠，咱毋免閣煩惱；耶穌有大的慈悲，毋免驚惶僥疑；主所chhoā咱行的路，應該tè伊腳步；主的疼及到雀鳥，人若看就著會曉；細項的物伊保護，人穩當主teh照顧。(...