[1968-6 台灣教會公報 文類-散文 作者--/-]
媽媽合唱傳來虎尾演唱 [ Ma-ma ha̍p-chhiùⁿ-thoân lâi hó͘-bē ián-chhiùⁿ ]
媽媽合唱傳來虎尾演唱 媽媽合唱團來虎尾演唱 1968.06.01 1031號P.15-P.16 台中忠孝路教會，媽媽合唱團佇5月19日下午5點左右，佇王秀英會長領導的下面，坐3台自家用的車來本會。佇彼暗7點半開始舉行演唱會。內容有合唱，三重唱，獨唱，齊唱。所唱的有宗教詩歌，有藝術歌曲，也有咱的民謠。 對佇in的熱情，以及疼主的精神，閣再逐人音樂素養攏真好，所以唱了真成功，雖然團員有人的年歲已經超過70，總是in的聲音無較輸遐的查某囡仔的聲。 因為媽媽合唱團，因為捌佇電視演唱過，所以對聽眾都有吸引力。甚至有會外的人真濟來聽，因為按呢致到有人著愛坐佇外面來欣賞。 彼暗的參加者約...

[1968-6 台灣教會公報 文類-散文 作者--/-]
青年歸主籃球隊來虎尾 [ Chheng-liân kui Chú nâ-kiû-tuī lâi Hó͘-bé ]
青年歸主籃球隊來虎尾 1968.06.01 1031號P.15 佇5月19上午歸主籃球隊佇李信彰先生領導的下面來本會參加禮拜。彼早起的禮拜由 安德生牧師講道，了後有李先生的簡單介紹。然後in有將in真媠的siaⁿ-sim配合in 的樂器，唱出真好聽的詩歌，留真深的印象佇會眾的腦中。 禮拜煞有佮本會的青年佮長執做真好的交陪。佇5月20日中午，歸主籃球隊有佮省立虎尾中學的校隊做友誼賽，因為真早就籌備，所以也有附近的學校派代表來參觀。對佇in有優美的技術，閣有真好的條件，所以in的球藝表現了真媠，予參加的學生攏欽佩in的精神佮技術。 佇彼中間，in猶原顯出in優美的聲音佮in疼主的熱...

[1968-6 台灣教會公報 文類-散文 作者-趙天慈/Tiō Thian-chû]
聖地巴勒斯坦 [ Sèng-toē Pa-le̍k-su-thèng ]
聖地巴勒斯坦 趙天慈 1968.06.01 1031號P.21~P.22 巴別的塔(B.C.2247年) 對人口的加添，這族的人袂當定定蹛像一所在。人愛探險揣較好的所在來徛起，這是人類的本性。Lô-a-族，穩當逃定定蹛佇A-lat-lia̍p山跤，徙來徙去，後來徙去東勢，有揣著Sī-ná的大變樣，就蹛遮(創11章) 。Sī-ná就是美索不達美(Bí-so͘-pho-tāi-bí)平原，是佇Pek-le̍k-hô佮希底節(Hi-tí-kiat)的中間地。遮的土地真肥，收成真好，水，草攏齊備，合佇牧逐業。佇遮物質上的享受比佇山間較豐富，Lô-a-族就予遮的土地吸牢咧，決定佇遮徛起。...

[1968-7 台灣教會公報 文類-散文 作者-謝緯/Chiā Uí]
基督教佮醫療傳道 [ Ki-tok-kàu kap i-liâu thoân-tō ]
基督教佮醫療傳道 謝緯 1968.07.15 1034號P.3~p.5 兩千年前咱的主耶穌佇這地面上的時，伊有做三項要緊的工作，就是傳福音，教示人，以及醫病。上帝的奴僕宣教師來台灣欲建設基督教的時，in也有照耶穌基督的法度來傳福音，教示人，以及醫病，就是建設教會，學校，以及設病院。 光復了台灣的基督教佇信仰自由的原則下，那親像欲補受日人壓迫的戰爭時代的停頓，有驚人的發展。特別長老會佇倍加運動的口號下，有非常輝煌的成就，有達成咱所下的目標。咱佇這時代所做的大部分也是繼承耶穌基督的工作......建設教會，學校以及醫療工作。 繼承倍加運動，新宣運動咧閣開始。醫療的工作...

[1968-7 台灣教會公報 文類-散文 作者-鄭連坤/Tīⁿ Liân-khun]
著揀好的份額（路加10：38-42） [ Tio̍h kéng hó ê hūn-gia̍h（Lō͘-ka 10:38-42） ]
聖經講解 2.著揀好的份額（路加10：38-42） 鄭連坤 1968.07.15 1034號P.6~p.8 路加福音段的記者路加佇序言的所在捌講，「我已經對起頭siōng-sè chha-khó攏總的事，就想著照次序寫伊」（1：3）。咱若注意讀路加福音段就會知，伊實在有照次序編排。因為伊咧安排記事不時有勸這個意思，所以彼個前後關係常常比別本的福音段較有意義佇咧。閣一項路加有得著真濟別的福音書記者所無得著的材料。親像9：51起到18：14叫做「路加的旅行記」（省略稱做「L」）。今咱今仔日所欲研究這段的聖經chām就是這個「L」的一部分。佇遮代先來看路加怎樣照次序咧安排這chām的...

[1968-7 台灣教會公報 文類-散文 作者-鄭連坤/Tīⁿ Liân-khun]
上帝的指頭仔 [ Siōng-tè ê chńg-thâu-á ]
1.上帝的指頭仔（路加11：14-28） 鄭連坤 1968.07.01 1033號P.3~p.5 得著公報社主筆先生的好意，愛我開始負責12次的聖經講解，kak-得無上的光榮，毋敢推辭好膽kia̍h筆來試看。因為專門咧研究家庭問題，所以想欲通過聖經的講解來關連到基督化家庭問題，毋知按呢做會變做雙跤踏雙船的危險仔袂？若會通一兼二顧是深深所咧期待的。有揀12位的聖經來相佮想，請大家會閣較致意愛勤讀聖經，相佮搜揣內面的寶貝，閣通過聖經的話來檢討咱的日常生活，這個講解的目的完全囥佇這個所在，請相替祈禱佮多多指教。 （1）耶穌醫好啞口的人。 佮這個相siâng記事有記載佇馬太9：32-...

[1968-8 台灣教會公報 文類-散文 作者-蘇天明/So͘ Thian-bêng]
今日的公報社 [ Kim-ji̍t ê kong-pò-siā ]
今日公報社 蘇天明 1968.08.15 1036號P.3~p.4 公報社這個名佇台灣教會史已經有84年的歷史。過去做台灣教會屬靈刊物的供應中心。現時佇大都市有各教派的文字中心，所以公報社佮所有的文字中心成做同工來供應教會佮信徒的欠用。現時做重視的工作有幾項。 1. 鼓勵讀聖經：以前聖經公會佇台灣的工作，攏是交代公報社一手包辦；現時聖經公會佇台灣有辦事厝，家己直接辨理業務，所以公報社毋但是推銷聖經，應該著出版較濟種鼓勵信徒讀聖經的小冊。 2. 宗教音樂的冊：現時教會的音樂水準亦不止進步，濟濟青年人唱聖詩以外，猶過愛唱別款的詩歌。對佇聖歌隊的合唱曲，學生的聚會愛...

[1968-8 台灣教會公報 文類-散文 作者-鄭連坤/Tīⁿ Liân-khun]
基督徒理想像 [ Ki-tok-tô͘ lí-sióng-siōng ]
基督徒理想上 鄭連坤 1968.08.15 1036號P.5~p.7 羅馬軍隊的把總哥尼流得救的記事記載佇行傳10：1－11：18，攏總有66節的長。按呢通講路加用第一長的文章來詳細描寫這個通記念的事件。因為對這個事福音欲轉入外邦人這個真要緊的轉機(轉機)。我本身真愛讀這chām的記事，因為佇遮會通看出基督化家庭的理想上(image 理想像)。咱來徛佇這個立場相佮稽考這chām的故事。 (1) 哥尼流的做人－敬虔閣是義人(v.2，22)。 當時羅馬的社會的道德腐敗是歷史家所報咱知的事實，特別佇軍隊閣較是厲害。佇這款環境中哥尼流會通保持敬虔的生活；閣予人承認伊是一個義人，...

[1968-8 台灣教會公報 文類-散文 作者-蔡椪/Chhoà Phòng]
奉獻身體 [ Hōng-hiàn sin-thé ]
奉獻身體 蔡椪 1968.08.15 1036號P.16~p.17 身體是靈魂所附託的物件，佮整個的人有關係，因為無有身體，靈魂的存意就無綴表現出來。可比咱的主耶穌若無成肉體降世，將家己獻佇十字架，上帝的大疼痛就袂會表現(I 翰 4：10)。主耶穌的犧牲也袂會成就。人若欲表示伊是上帝的，也的確著用身體的實在行動來證明。所以咱主耶穌極其尊重人的身體，甚至譬喻做是上帝的聖殿(Hān 2：21)。佇遮咱愛相佮來研究，來想奉獻身體的問題： (1) 是上帝所造(創2：17；太19：4)。有一款人看見罪惡，攏是對身體造成，就認定身體是真毋好，來厭賤伊。這是大大的錯誤，其實身體不過是成...

[1968-8 台灣教會公報 文類-散文 作者-蘇天明/So͘ Thian-bêng]
祈禱的動員 [ Kî-tó ê tōng-oân ]
祈禱的動員 蘇天明 1968.08.01 1035號P.3~p.4 祈禱是教會復興的原動力，逐個時代的教會復興攏是對祈禱開始。耶穌上天後使徒第一個工作毋是組織，行政，研究，協議，in代先對祈禱做去，所以若無重視祈禱的教會，就無有屬靈的長大。 1. 祈禱的厝。 新約中有記載6個馬利亞，就是主耶穌的老母馬利亞（路加1：17），抹大拉的馬利亞（路加1：2），馬大的姊妹馬利亞（路加10：39），小雅各佮約西的老母馬利亞（馬可15：40），革羅霸的某馬利亞（約翰19：25），馬可的老母馬利亞（使徒行傳12：12），佇羅馬一個基督徒叫做馬利亞（羅馬16：6）。 佇遮所講的馬利亞是Ku-...

[1968-8 台灣教會公報 文類-散文 作者-鄭連坤/Tīⁿ Liân-khun]
伯大尼的家庭 [ Pek-tāi-nî ê ka-têng ]
聖經講解： 伯大尼的家庭 鄭連坤 1968.08.01 1035號P.5~p.7 佇耶穌的公生涯中，日日就是無閒，奔波跑走，厭僐，枵餓，艱苦，受人攻擊佮反對，總是佇這款的情形中，有一間家庭成做伊常常行到的所在。佇這個家庭得著安歇，安慰佮輕鬆，通閣得著新的氣力來繼續伊的傳道救人的事工。今這個家庭無毋是伯大尼的家庭lah。佇福音書攏總有記載伊三擺到佇這個家庭的記事佇咧。 1）路加10：38-42，咱佇前會才相佮科考了的所在。佇彼時耶穌拄拄親像一位先知，要求著揀著好的份額，來呵咾坐佇伊的跤下聽伊的教示的馬利亞的選擇。 2）約翰11：1-44，這站是伯大尼的家庭拄著大問題的時緊去請...

[1968-8 台灣教會公報 文類-散文 作者--/-]
光華女中的宗教活動 [ Kong-hoâ Lú-tiongê Chong-kàu oa̍h-tāng ]
光華女中的宗教活動 1968.08.01 1035號P.8~p.9 真感謝公報社編輯先生予阮有機會通報告阮佇台南華女中的學生宗教工作的情形。 代先阮愛感謝上帝的恩典佮濟濟位兄姊的關心佮代禱，才會通得著上主的帶領，保守繼續18年久到佇今仔日。 咱攏知這間學校是約40年前開辦佇彌陀寺廟內的一間「阿彌佗佛」佛教的學生，佇光復後，台南市的人士接受起來成做無宗教的普通中學。18年前林Teng-chhó先生做校長任內有聘請李嘉嵩牧師來執教，紲聘牧師娘來當舍監，目的是愛開墾這坵的葡萄園看有所收成通奉獻予主抑無？當時舍監猶有一位是黃主義牧師的令妹Lâi-siù先生，伊是一位好信仰閣熱心愛為主工...

[1968-8 台灣教會公報 文類-散文 作者--/-]
黃秋茂倒來台南招待教界人士 [ N̂g Chhiu-bō͘ tò-lâi Tâi-lâm chiau-thāi kàu-kài jîn-sū ]
黃秋茂倒來台南招待教界人事參觀秋茂園 1968.08.01 1035號P.13~p.15 為著建設現代的伊甸園，予人類享受上帝所創造大自然的美妙，以及食豐盛的果子，佇31年前對台灣去日本做生理的黃秋茂先生最近對日本倒來台灣，7月29日佇台南招待教界人士約100外人去伊私人建設的秋茂園參觀遊覽，siāng時也有招待拄來台灣培靈佈道的日本基督教訪華團的團員來秋茂園相佮交陪親睦。 黃秋茂先生佇這日的招待會中，有講起伊個人的見證，佮建設秋茂園的目的。伊講：伊出世佇一個未信者的家庭，5歲的時老母就過身去，伊的老爸為著教育栽培囝兒的緣故，攏無閣chhoā後母。當伊入公學校2年的時，開始去...

[1968-9 台灣教會公報 文類-散文 作者-莊丁昌/Chng Teng-chhiong]
傳教師總會有必要嗎？ [ Thoân-kàu-su Chóng-hoē ū pit-iàu mah? ]
傳教師總會有必要嘛？ 莊丁昌 1968.09.15 1038號P.3～P.4 全省傳教師靈修會拄佇9月9日到13日佇金山開會中，一年一擺的傳教師會，有人講真好；有人講是傳教師的慰勞，消遣；有人嫌會費較重。佇遮請莊牧師來分析過去的特色紲提供對將來的希望。 －編者－ 當我等日收著今年傳教師總會的通知書的時，我隨時看著這幫的主題登做：「時代工人的諸問題」，閣看著今年的專題演講的講題也攏真合佇實際上的需要，講員的陣容也真好，我真意愛，決定欲報名參加。 公報愛我發表我對傳教師總會的ngó͘見，愛我分析伊的得失。叫我分析，我卻是袂曉。我愛將我所知的講予大家做參考。 佇過去，傳總是外國...

[1968-9 台灣教會公報 文類-散文 作者-鄭連坤/Tīⁿ Liân-khun]
選擇佮決斷 [ Soán-te̍k kap koat-toàn ]
選擇佮決斷 鄭連坤 1968.09.15 1038號P.5～P.7 為著出國40日久，轉來真濟工作，無論教會抑是學院方面，致到錢期袂赴稿件，對編輯者以及讀者真不住。9月拄拄是新學期開始的時，閣特別9年義務教育國民中學開始實施，通講特別真有意義的時期。為著按呢這期揀約書亞24章來相佮研究。這chām是非常出名的keng節，大家攏真熟，總是咱特別對家庭方面來想閣較有意義。 (1) 今仔日恁著揀 約書亞2到年老咧欲離開世間以前，親像摩西的款招集以色列的眾指導者長老，族長，審判官，官長(v.1)來到Sī-kiàm，予in徛佇上帝的面前來做最後的勸告。代先回顧以色列過去的歷...

[1968-9 台灣教會公報 文類-散文 作者-戴明福/Tè Bêng-hok]
長榮中學 [ Tióng-êng Tiong-ha̍k ]
長榮中學 ● 初中招生的結果？ ● 大專升格的目標？ 戴明福 1968.09.15 1038號P.8～P.9 長榮中學校慶，83週年記念禮拜日閣到lah！ 恭敬寫幾字共大家請安佮說謝。因為逐年得著恁的代禱佮獻金，才會通順利維持到今仔日。這是上主的看顧佮大家的支持的結果。 兩年前咱學校親像一隻船漂流佇大海中，拄著狂風暴雨的風颱。所以阮提起一個口號做目標「著拋綻聽候天光。」彼時阮確實徛佇烏暗中看袂明目標。政府咧準備欲延長義務教育到9年。公立學校直直咧增設學校佮增班。私立學校佇台南市對四間增設到12間的濟，致到咱招生困難，若無參加聯合招生就無學生的來源。教育內容來講是應該保持咱...

[1968-9 台灣教會公報 文類-散文 作者--/-]
海外宣教師通訊 [ Hái-goā Soan-kàu-su Thong-sìn ]
海外宣教師通訊 陳效贊 1968.09.15 1038號P.10 佇主內面所數念親愛的兄弟姊妹平安。 小弟代先代表踮佇新加坡的董Kûn-ka牧師，馬來西亞邱Í-chèng牧師佮阮全家致意向各位請安。阮受派來佇星馬的宣教師，佇前日有相佮參詳，3人輪流逐月報阮佇遮的工作，消息予諸位知，向望大家較會關心，相替祈禱。 今我負擔8月份的消息。8月是阮遮做鬧熱，人客上濟，第一無閒，也第一快樂的月，因為8月是遮的放假(咱台灣的歇熱，總是遮通年攏是熱天，無講歇熱)，閣海湧上靜，有世界的第一大的龜佇阮遮生卵，對新加坡抑是西海岸；成千成萬的人，來到真少人，真安靜的東海岸阮遮。 I. 無閒。...

[1968-9 台灣教會公報 文類-散文 作者--/-]
故黃李紡絲別世 [ Kò͘ N̂g Lí Pháng-si Pia̍t-sè ]
故黃李紡絲別世 李長貴 1968.09.15 1038號P.17 黃李紡絲別世 黃李紡絲女士別世 故黃李紡絲女士佇主後1968年8月23日上午7點受主揀召榮歸天城。享年71歲。紡絲女士是現任太平境教會的黃受惠長老的婦人人。 紡絲女士出世佇澎湖，是馬公教會的頭一個長老李Kí的第二查某囝。李長老的家庭散赤，總是伊疼主的熱情佮信心實在贏過物質的困難。李長老用聖經佮信仰的經驗來教示伊的全家，予in的內心攏有耶穌的神。 佇1911年宋中堅牧師娘到馬公下跪的工作，發見著紡絲姊妹的天才佮品行，就共伊出獎學金，予伊來府城女學讀冊。佇學校的時，紡絲女士真受師長的愛護佮同學的欽...

[1968-9 台灣教會公報 文類-散文 作者-鄭泉聲/Tīⁿ Choân-seng]
新制度佮新挑戰 [ Sin Chè-tō͘ kap sin thiau-chiàn ]
新制度佮新挑戰 鄭泉聲 1968.09.01 1037號P.3~p.5 舊年佇咱自由中國有發生一件歷史tek的大代誌，就是咱的政府宣佈對今年9月起欲將各地方普遍設置國民中學來適應這个要求。 1. 新制度新問題。 今這个代誌的決定確實有幫贊佇惡性補習的解除，予兒童對補習的痛苦敨放出來。若是對另外一方面來講，卻產生了新的問題。因為兒童對補習受敨放出來了後，in卻毋知欲如何去善用遐的對無補習所得著的額外時間。閣這个事，配合著in亂用自由的心理，致到有人通日醉迷佇遐的誘害無益的連環圖，傷害兒童心理的電影，以及溜冰場等等的公共娛樂場所，甚至加入幫派來度過遐的時間佮發怒錯誤的英雄氣魄。 ...

[1968-9 台灣教會公報 文類-散文 作者--/-]
一滴水的世界的末日 [ Chi̍t-tih chuí ê sè-kài ê boa̍t-ji̍t ]
一滴水的世界的末日 編輯室 1968.09.01 1037號P.16 一個著名的童話家Phek-kiat-ní捌寫一篇「世界的末日」是描寫一滴水的世界中有無數的生物活動的情境，用這來庇祐人類的世界。伊講的故事是按呢...... 有一個科學家對花園的水池仔裡提一滴污穢的水下佇顯微鏡的下面，將伊放大到幾百倍。水滴變做奇異的世界，有幾若千的微生物有的浮，有的沉；有的追，有的走，那親像大都市的人群。也有的親像小船佇水中掘著那噴射機遐緊，親像有甚物不得了的公事。因為著食物互相追逐，拄親像人遐愚戇；總是in佇in的小世界檢采也感覺真聰明。 佇這個小世界的中央有一個小島，其實是漚樹葉的屑仔...