[1964-10 台灣教會公報 文類-散文 作者--/-]
數念故人 [ Siàu-liām kò͘-jîn ]
數念故人 1964.10.15 944期 p.18-19 故傳道師黃龍(現田)先生略歷 故黃現田先生是本世紀初就佇傳教前線戰鬥ê老戰士。伊佇9月9號過世。令郎有黃柏蒼先生做囑託傳道，閣有黃順德先生做傳道師佇屏東和平教會。 伊本身佇6歲ê時對án媽以及老父黃皇，老母黃陳春ê引chhoā來入信，每禮拜日著愛行到Gû-taⁿ-oan教會做禮拜(約略有6里路)。佇7歲ê時老父黃皇過身，到佇9歲ê時老母有閣招婿， 繼父ê名叫做N̂g O͘-phê。Hit-tia̍p了後得著繼父ê養育佮引chhoā，予伊ê信仰生活閣較大進步(因為繼父N̂g O͘-phê雖然毋是傳教者，總是熱心信主，閣宣揚主...

[1964-11 台灣教會公報 文類-散文 作者--/-]
數念故人 [ Siàu-liām Kò͘-jîng ]
數念故人 1964.11.15 946 期 P.14-15 故林Kî-chiong先生 故林Kî-chiong先生是嘉義東門ê長老，佇10月15號過世，享壽66歲。 林長老是嘉義市ê出名ê醫生，自民國9年畢業醫學院開業做醫生到過世，40外年久，醫術也好，醫德也好，救人ê性命非常濟。 論伊ê做人所貢獻予人數念ê，毋若佇教會內ê工真顯著，就是佇教會外社會界真顯著，予人閣較欽仰。親像佇光復ê時，嘉義市受著爆擊損失真重，而且田園失收，米糧大起價，百姓人直直beh無通食ê人非常濟，Kî-chiong長老看見按呢，佇光復keh轉年春天，心內特別憂悶，招集嘉義ê紳士幾若人來組織米糧ê平糶...

[1968-1 台灣教會公報 文類-散文 作者--/-]
禮拜堂是聖殿嗎？ [ Lé-pài-tn̂g sī Sèng-tiān mah? ]
禮拜堂是聖殿mah？ 老夫 1968.01.15 1022號 P.3~P.8 我提起這個事，請咱相佮來想，來檢討，向望有所改進。 照我所信，禮拜堂是聖堂，也愛保守有莊嚴的聖殿，做咱服侍上帝的所在，欲按呢做，請會友毋通干單講，著愛實行予禮拜堂會成做神聖。 我時常參加禮拜堂的獻堂，典禮式，有真莊嚴的典禮，真神聖的儀式，彼個內容總講，是阮欲奉獻這間建築物做聖殿，佇遮眾會友敬拜服侍上帝，神人相佮交陪，宣揚救世的福音，通拯救人類出死入活；這號的意義的奉獻的禮文。按呢證明咱當時有決心將聖殿，愛分別為聖，毋過到一個時，就漸漸忽略，紲俗化，也變質。 咱攏有讀過賜福音書，其中耶穌的事蹟有一項...

[1968-1 台灣教會公報 文類-散文 作者--/-]
示範養雞戶 [ Sī-hoān ióng-ke hō͘ ]
示範養雞戶 專提報導 章Kuí-siông 1968.01.15 1022號 P.5~P.6 近來養雞事業真流行。佇遮容允小弟來介紹三個養雞戶。 1. 代先介紹今年48歲的紀陳瑞霞姊妹。伊佇大埤湖附近經營一個「調養養雞場。」伊養雞的經驗是對2年外前才開始。起頭伊攏無經驗，所以有虧損6萬外箍。毋但按呢，佇舊年的風颱亦損失10外萬。通講是「禍不單行。」彼時我去訪問伊，看了真艱苦。總是伊無灰心，亦無失望，反轉信心ná加添。對伊的忍苦耐勞佮信心，經過無偌久，完全閣徛起來lah。風颱前只有1 棟雞舍，總是taⁿ變成兩棟。閣內面的設計佮設備攏比以前閣較理想。真正是「拍斷手骨去倒勇。」這位...

[1968-1 台灣教會公報 文類-散文 作者--/-]
回憶 [ Hoê-ek ]
回憶 （本期屬完） Pat 習所 1968.01.15 1022號P.7~P.8 新禮堂落成。校慶等。 台前5年（1916）所起的新校舍，照彼時看，是真合用，若是經過15年後，學生的數額年年加添，若是禮堂的坪數，不時是37。5坪，攏未加添。舊禮堂的長是7.5間，闊是5間，按呢才有37.5坪大，只有會收容250人，極滿等是300人，就差thóng-thóng lah！1935年是傳教佇台灣70年，有-tēng欲佇台南開70週年紀念大會，也是長中開校50年，也有定著欲開祝賀會。所以著有會通容允800外人的禮堂，就定著中學起較闊大的禮堂。建築費按一萬5千箍。這個費用按算對校友佮家長募...

[1968-1 台灣教會公報 文類-散文 作者-廖恩加/Liāu Un-ka]
日本現代的女性 [ Ji̍t-pún hiān-tāi ê lú-sèng ]
日本現代的女性 廖恩加 1968.01.15 1022號P.10 「現在日本女性結婚的條件。 現在日本的男性猶照以前一樣，向望女性會做「良妻賢母。」總是女性方面是傾向佇愛做「賢妻良母」的趨勢。 今日日本的年輕女性teh想，「啥物是結婚的條件？」寫佇下面予大家做參考： 結婚的條件：1性格。2經濟力。3生活態度。4職業。5學歷。6差幾歲。7面貌外表。8門風。 照以上的排列予咱通知，佇日本的未婚女性欲選擇丈夫的時；1性格會合。2有經濟力。3生活態度有合佇現代等等做要緊。學歷抑是好漢，差幾歲，門風等等比較不重視。 1)性格的內容也求誠實，明朗的人。Teh chhē認真，拍拚做...

[1968-1 台灣教會公報 文類-散文 作者--/-]
澎湖軍人熱心幫贊教會工作 [ Phîⁿ-ô͘ Kun-jîn Jia̍t-sim Pang-chān Kàu-hoē Kang-chok ]
澎湖軍人熱心幫贊教會工作 總會要文 1968.01.15 1022號 P.18 馬公教會常常得著對台灣來的青年軍人幫贊。兩年前有得著台北大稻埕教會的聖歌隊指揮者，柯啟明君來幫忙阮的聖歌隊。一年前也有前總會議長張Hông-chhiong 牧師的公子Sìn-it君來指揮聖歌隊。柯先生現在去美國，也張Sìn-it君現在佇台灣神學院。In攏是預備軍官，所以有時間，閣in也有熱熱疼主的心神。 Taⁿ現在又閣一位羅Chùn-gī君來幫忙阮的少年聖歌隊。對正月起約有45名的初中學生來teh學，真盛況。阮馬公教會雖然家己有指揮的人，總是若有遇(gū)著熱心疼主的青年欲幫忙阮，阮攏留機會予in。按呢，...

[1968-1 台灣教會公報 文類-散文 作者-吳昌盛/Gô͘ Chhiong-sēng]
好膽進入新年 [ Hó-táⁿ chìn-ji̍p sin-nî ]
好膽進入新年 吳昌盛 1968.01.01 1021號P.7~P.8 聖經：約書亞3：1-6 這段聖經是以色列百姓已經佇曠野漂流40年久。In對做奴才的埃及出來，為著欲入上帝所應允in 的迦南地，In經過千辛萬苦（千辛萬苦），歷盡風霜（歷經風霜），爬山過嶺（爬山過嶺），涉水過路，拄著濟濟的困難佮危險。彼位chhoā in出埃及的摩西亦已經離開世間。 後繼者約書亞繼續chhoā in進行。Taⁿ現在in已經來到迦南地的門口lah！總是佇in 的頭前有約旦河佇teh，這條河予in無法度通容易入迦南地。In欲怎樣敵前上陸？（敵前上陸）。有甚物好的方法通予in入迦南地？聖經記講，「隔...

[不詳 台大楊雲萍文庫白話字史料(編修) 文類-散文 作者--/-]  (12)
備辦心守晚餐 [ Pī-pān sim siú boán-chhan ]
...

[1968-2 台灣教會公報 文類-散文 作者-周金耀/Chiu Kim-iàu]
同心合意，興旺福音 [ Tâng-sim Ha̍p-ì, Heng-ōng Hok-im ]
同心合意，興旺福音 周金耀 1968.02.15 1024號P.3~P.4 頂kái總會有議決新宣5年計畫，彼個目標就是1革新教會，2信徒總動員，3全台歸主。這是根據以弗所4：12 的聖經所提出來的標語。新宣運動，目的就是欲「成全聖徒，做主差用。」 照咱所知，新宣運動分做5年。頭一年是祈禱佮訓練。第二年是強化山地教會。第三年強化農村教會。第四年是強化都市教會佮工業傳道。第五年是海外宣道。 現在咱台灣的社會，變遷真緊，總是咱的教會teh進展，若親像真慢的款。這通講是咱的傳道工作無具體的表現，這個咱未通講是上帝的旨意，咱的確著努力，轉敗為勝。若欲予咱的教會轉敗為勝，這個工作，就毋...

[1968-2 台灣教會公報 文類-散文 作者-黃章輝/N̂g Chiong-hui]
黃章輝牧師的請安 [ N̂g Chiong-hui Bo̍k-su ê chhéng-an ]
黃章輝牧師的請安 1968.02.15 1024號P.5~P.5 致敬佮請安佇主內敬愛的議長佮列位牧長。接著總幹事的批，愛我寫幾字請安大家，感覺光榮佮歡喜。離開故鄉已經2年外久，總是時常數念諸位主內同工，亦時常為著咱的教會祈禱。 聽著敬愛的同工，為著咱的主佮伊的教會的奮鬥，亦感激亦歡喜。願疼痛的主佮恁大家佇teh，引chhoā保守恁佮咱的教會。 特別聽著咱所祈禱teh期待的新世紀宣教運動taⁿ teh欲開始，閣較感激，閣較歡喜，願五旬節的聖神臨到諸位敬愛的同工佮咱的教會，激勵強壯恁，予恁所計劃所做的攏歸榮光咱佇天裡的父，亦講闊伊的國佇咱所疼的台灣，亦直到地極。主已經有祝福咱以前...

[1968-2 台灣教會公報 文類-散文 作者-杜英助/Tō͘ Eng-chō͘]
更新！復興！傳全部福音 [ Keng-sin! Ho̍k-heng! Thoân choân-pō͘ hok-im ]
更新！復興！傳全部福音！ 新議長黃加盛牧師訪問記。 杜英助 1968.02.15 1024號 P.6~P.7 本屆議長黃加盛牧師就任以後，有接受本社的訪問，佇訪問的中間，伊有提起伊就任總會議長以後的幾項感想。 黃議長講，本年度是新宣運動第2年，就是推行山地事工的年，總是咱也毋通忽略平地的教會，有濟濟代誌猶原需要咱去關心。黃牧師講，為著推行新宣，咱需要4項的更新，就是： 1. 神學教育的更新（神學教育的更新）。 2. 宣教方法的更新（宣教方法的更新）。 3. 山地教會的強化佮更新（山地教會的強化與更新） 4. 總會教務的更新（總會教務的更新）。 ...

[1968-2 台灣教會公報 文類-散文 作者-楊士養/Iûⁿ Sū-ióng]
新的能力 [ Sin ê lêng-le̍k ]
新的能力 楊士養 1968.02.15 1024號P.20~P.21 佇遮所記的經文會通分做兩段。頭一段是講起上帝佮人所造的偶像有大各樣，因為伊是創造的主，有大權能。閣一段說明上帝永遠存在。見若信靠伊的人會通得著新的能力。親像鷹鳥thí翼飛懸；in走，也無厭；行也無倦。咱大家真快厭倦。少年人也會跋倒。Kiám果然有這號的事實？Taⁿ才來擔任主日學教員的青年，總是閣無偌久就感覺厭倦。拄才出來的青年傳道師，抱遠大的希望，決意愛出力為主做工，服務教會。為著所做的事未通照伊的意思，就厭倦失志。拄才來信主的人心真熱，致意愛去聚會，閣也參加教會的工作。總是後來為著家事的阻擋，抑是佮人意志未合...

[1968-2 台灣教會公報 文類-散文 作者-杜英助/Tō͘ Eng-chō͘]
推行新工作需要主的傳道精神 [ Thui-hêng Sin Kang-chok Su-iàu Chú ê Thoân-tō Cheng-sîn ]
推行新工作需要主的傳道精神 1968.02.01 1023號P.3~P.4 日子一日一日teh過去，時代也一年一年teh轉變，舊的思想，傳統，常常未通受新的一代接受，甚至舊的傳道方法，也未通適合今日教會的需要。耶穌bat講，「無人用新酒貯佇舊皮囊；若按呢，就新酒欲逼裂(piak-li̍h)皮囊，酒老，囊也拍歹。獨獨新酒著入佇新的皮囊」（路加5：37，38）。拄拄親像按呢，今日台灣教會進入新世紀宣教的時代，也的確著chhē新的宣教方法；因為舊的 「倍加運動」已經無適合佇新世紀教會所欲做的工作。若無，就未通適合新時代的需要，這是大家所公認的事實。 總是佇這通窗歡喜，用最大的期待來te...

[1968-2 台灣教會公報 文類-散文 作者--/-]
台灣基督長老教會對普世教協的聲明 [ Tâi-oân Ki-tok Tiúⁿ-ló Kàu-hoē Tuì Phó͘-sè Kàu-hia̍p ê Seng-bêng ]
台灣基督長老教會對普世教協的聲明 1968.02.01 1023號P.5~P.7 序言 台灣基督長老教會再三查考聖經，研究普世教協的憲章佮成立的宗旨，認為該教協對獨一上帝的信仰「合一」教會的觀點，佮教會的宣揚福音的使命，以及對世界的關心等等，佮本教會的信仰認識相像。以上的基本態度佮本教會當初參加做會員的時的了解，並無改變。關係教協過去bat危害咱國的宣言，該宣言並未通代表本會的態度，照憲章，該教協袂通代替會員教會制法，執行，佮發言。毋若按呢，本會做會員教會會通發言，抗議，隨時做有效的處理。 聲明 有關教會的本質佮本教會做普世教協會員的立場，台灣基督長老教會堅信聖經內有上帝啟示...

[1968-2 台灣教會公報 文類-散文 作者-劉主安/Lâu Chú-an]
長榮女學創立81週年 [ Tióng-êng Lú-o̍h chhòng-li̍p 81 chiu-nî ]
長榮女學創立81週年 校長：劉主安 1968.02.01 1023號P.8~P.9 （1）長榮女學是佇1887年2月14日創立的。所以到taⁿ已經有81年久。本來佇舊年4月欲舉行80週年的慶祝大會，因為準備袂赴，所以本校董事會佮校友會，決定欲佇今年的 4月中來慶祝。 （2）校友會有請前任校長吳姑娘對英國來參加慶祝的典禮。可惜因為因為伊最近身體無夠額勇健通做長途的旅行，所以袂通來參加。實在真可惜。總是伊已經 有寄一張祝詞來欲予咱佇慶祝大會的時通讀，閣有寫一篇感想文予咱通印佇將來欲發刊的80週年記念冊內。濟濟校友若讀著吳姑娘的這篇感想，穩當會受感動，毋若加添in的信仰佮為國家，社會，教會...

[1968-3 台灣教會公報 文類-散文 作者-宋泉盛/Sòng Choân-sēng]
神學教育的宣揚使命 [ Sîn-ha̍k kàu-io̍k ê soan-iông sù-bēng ]
神學教育的宣揚使命 宋泉盛 1968.03.15 1026號P.3~P.5 台南神學院的每年的紀念日對本院的師生，也我相信對咱教會的兄姊，毋bat一擺隨隨便便過去。一方面這个是阮對心底感謝的機會。阮若看著上帝怎樣teh用阮真無完全，真頇顢，真愚戇chiah的器具teh做伊宣揚福音的工作的時陣，阮實在有滿心的感謝。實在上帝的恩典盤過人的愚戇佮欠缺，上帝的氣力贏過人的軟弱佮頇顢。阮的感謝常時是為著咱教會全體同信的兄弟姊妹的不斷支持佮援助。恁大家出佇疼主的心，替阮祈禱，替阮準備金錢，予阮會通繼續教會所交代阮的工作。台南神學院是咱教會的，因為這是上帝通過咱的教會設立欲來養成佮訓練合佇這个...

[1968-4 台灣教會公報 文類-散文 作者-趙天慈/Tiō Thian-chû]
聖地巴勒斯坦 [ Sèng-toē Pa-le̍k-su-thèng ]
聖地巴勒斯坦 趙天慈 1968.04.15 1028號P.4 環境 歷史家講，佇世界有4 位文化的發生地，展開佇大河邊：--就是1恆河岸的中國文化。印度河岸的印度文化。2Pek-lat大河的巴比倫文化。佮4尼羅河岸的埃及文化。聖經所記載的「世界」天下，伊的範圍是屬佇3，4兩地區的事，佮1，2兩地區無關係。到佇新約時代，範圍有較闊，因為羅馬帝國有管西歐一帶，所以這兩地區以外到佇Sū-pan-ngá，這是舊約所無的。 蹛佇這兩大區的人，已經脫離遊牧時代進入農業時代，in已經定著蹛(toà)佇遮，研究耕作的事，五穀，果子通收成，無煩惱枵餓。親像俗語講，「衣食足，而後知禮儀」。...

[1968-4 台灣教會公報 文類-散文 作者-杜英助/Tō͘ Eng-chō͘]
真實的自由 [ Chin-si̍t ê chū-iû ]
真實的自由 杜英助 1968.04.15 1028號P.3 二十世紀佇世界逐所在的工業teh發展的時，這項真猶緊的民權運動也佇全世界逐角落teh發展。對佇這个運動的發展，過去佇列強的國家統治下)的附屬國佮殖民地的民族，攏漸漸成做獨立的國家佮自由的民族。總是到現在有的國家是對幾若个民族來組成，特別是美國。遐个以前受人對非洲掠來做奴隸的烏面人，雖然對南北戰爭以後就得著敨放，總是in所得著的自由猶原真有限。所以今仔日佇全世界teh發展民權運動，自然而然就影響遮个烏面人的智識份子積極對政府政府佮白面人同等的權利佮社會福利。 佇美國teh領導烏面人用和平的方法來展開民權運動，爭取自由的領...

[1968-4 台灣教會公報 文類-散文 作者-杜英助/Tō͘ Eng-chō͘]
對死擱活的主 [ Tuì sí koh-oah7 ê Chú ]
對死閣活的主 杜英助 1968.04.01 1027號P.3 歷代基督徒所確信的信仰告白，咱的信經第2段講，「我信耶穌基督.........佇Pún-tiu Pí-lia̍p-to任內受苦，釘十字架，死，埋葬，落陰府；第三日對死人中閣活，上天......」。這個信條到現在，甚至到主閣來的日，我相信所有基督徒猶原欲按呢相信。 啥事咱的主著臨到世間受苦，予人釘十字架，死埋葬佇墳墓nih？這個無毋是欲為著全世界的人類開一條活活的路，予人的罪得著拯救，回復上帝原本所創造的人的形象，來予伊得著歡喜佮榮耀。 佇耶穌一生的生涯中，伊的受苦，釘十字架，死，埋葬，通講是一項非常偉大的疼心的表現...