台灣白話字文獻館-白話字數位典藏-1945-1969

第29頁，共42頁(共822筆資料) 0.66623687744141sec

1 ...

... 42

To Page

文字列表

圖文列表

排序

[1955-5 台灣教會報文類-散文作者-高安賜/Ko An-sù]
兒童宗教教育ê重要性 [ Jî-tông chong-kàu kàu-io̍k ê tiōng-iàu-sèng ]
兒童宗教教育ê重要性高安賜作2。主日學教師ê使命。咱知主日學beh施行宗教教育ê時，最重要ê問題，就是教師ê問題。中間農村ê教會，教師ê欠缺koh-khah是濟。佳哉，聽講南中教育部有teh考慮; ài beh養成濟濟好ê主日學教師。甚麼叫做好ê主日學教師？使徒若thang譬喻作主日學教師，就thang講：in是主日學歹ê教師。使徒怎樣成做主日學歹ê教師？一，是iáu-boē 明主ê心; 二，是iáu-boē經驗著koh活ê主;三，是iáu-boē 經過五旬節聖神ê充滿，所以in 做細囝就近主ê阻擋(Khó 10:13)。主大無歡喜in講：「容允細囝就近我，莫得禁in，因為天國是in ê"...

[1955-5 台灣教會報文類-散文作者-劉約翰/Lâu Iok-hān]
活是甚麼？ [ oa̍h sī sím-mi̍h? ]
活是甚麼？究竟活是甚麼？這個問題是每一個有思想ê人所ài提出--ê。答案雖然有真濟，但是有最濟m̄是基督徒所會thang接受tit--ê。咱知活命是一件無價ê寶，是真奇異，難解，奧妙--ê......，無論咱beh享受甚麼權利kap機會，若m̄是事先有活命就boē會。但是咱tio̍h知這個活命是tuì上帝所賞賜ê，上帝是活命ê父，伊將活命賞賜hō͘ 植物 kap動物，賞賜hō͘天使，也賞賜hō͘人類。伊所賞賜hō͘人類ê活命，是一切活命中第一完善(完善) ê，因為人類ê活命有toà。上帝ê形象tī-teh。只有人類會kap上帝ê神有第一密切ê交通，所以人類tuì出世就有宗教思想，會曉得...

[1955-6 台灣教會報文類-散文作者--/-]
基督教貞節論 [ Ki-tok-kàu Cheng-kiat lūn ]
基督教貞節論起頭上帝創造一男, 一女,配合夫婦，設立人倫, 建設健全ê家庭，ko͘-sêng純潔ê社會。若是人離開上帝，亂用上帝所賞賜人ê神聖，愛情ê恩賜，做情樂ê奴才，世間就成做姦淫，腐敗ê社會。社會罪惡中最第一複雜koh嚴重ê問題，就是男女道德ê混亂。「萬惡淫為首，」「最大ê罪就是姦淫。」這是先賢ê 教示。十條誡進一步講：「M̄-thang行姦淫，」這只有tī上帝觀念ê下面chiah 會thang守。世間對tī 男女道德ê 標準thang 分做兩款。第一，就是一般社會ê 標準: (a)對未婚ê 男女無有甚麼道德上ê規定。(b) 對ta-po͘人ê貞潔觀念攏無講起。(c) 對女性ê貞節不...

[1955-7 台灣教會報文類-散文作者-Lâu Kî-suí/Lâu Kî-suí]
新宗教 [ Sin chong-kàu ]
新宗教
1955.07 第799號 p.27-28
(Lâu Kî-suí)

佇越南南部的交趾的所在，有一个新興的宗教，叫做高台教，有150萬的信徒。
高台教的設立是A. D. 1926年。對一人，名阮文裘所創設--的，阮文裘佇1919年，自稱高台人，常常受神的感召，1925年佇西貢，佇一擺公務人員集會中，上童來講，伊是中國的詩人李太白來顯聖，講：「高台是宇宙的主。」李太白苦勸參加的人，著常常佮阮文裘接觸，對伊來指示教義，來組織的新的宗教，叫做范公德。
高台教佇西貢設立以後，傳播非常緊，20外年久，in的信徒已經有150萬人。In認...

[1955-7 台灣教會報文類-散文作者-柯設偕/Koa Siat-kai]
傳教ê動機 [ Thoân-kàu ê tōng-ki ]
傳教ê動機主耶穌上天ê時，有吩咐命令使徒tio̍h傳福音。傳教ê使命是真重，範圍是真闊，困難有真濟，努力tio̍h真大。傳教ê 原動力是上帝ê疼，主耶穌ê命令kap聖神ê引chhoā。上帝beh拯救失落ê世界ê一個大ê使命，tī聖經有5層 ê記載。馬太寫tī 28章18節，「......天頂地下ê koân 已經攏總hō͘我，......」強調，基督ê 權威。馬可寫tī 16 章15， 16節，「......恁去普天下傳福音hō͘ 萬百姓。」「信來受洗禮ê， beh得著救......」記載，範圍kap結果ê 普遍性。路加寫tī 24 章 47 節，「......也反悔kap赦罪ê 道理be...

[1955-8 台灣教會報文類-散文作者-吳天命/Gô͘ Thian-bēng]
信條是sím-mi̍h？ [ Sìn-tiâu sī sím-mi̍h? ]
信條是sím-mi̍h？ Tuì闊ê意思來講：信條，抑是信仰告白kap信經是siāng款。就是用確定ê文字來表明信仰ê實質,表現基督教 ê基本信仰。總是若tuì khah oe̍h ê意思來講：就親像thang分別信經kap信條，抑是信仰告白.就是英語所叫做Creed kap Confession of faith ê分別。現時咱總會有信條部會, teh準備咱台灣長老教會ê信條，為著án-ni,有人soà講：咱to已經有信條(chí-khí使徒信經)，ná-nih tio̍h koh立信條，kiám是beh改換咱ê 信仰 mah?為著這款因端，kiám-chhái咱thang照oe̍h ê意...

[1955-10 台灣教會報文類-散文作者--/-]
見聞雜錄 [ Kiàn-bûn cha̍p-lio̍k ]
見聞雜錄教會興衰 ê原因有一個青年傳道， toà tī 庄社ê小教會濟濟年久。 Hia ê信徒數bē少，但--是屬靈ê程度真kē！活命幼稚！！情形冷淡！！！ Hit個原因，就是這個青年傳道ê靈性消沉， tī屬靈活命上ê難題bē會對付解決，來阻擋上帝真濟ê賜福！這個青年tuì大學畢業了，無經過人ê訓練，就將家己奉獻hō͘上帝，甘願到這個鄉下，一面傳道，一面學習。伊也teh備辦beh the̍h博士ê學位，向望án-ni khah會榮光上帝，幫贊傳道ê工程kap發展屬靈ê事業。 Tuí án-ni分開伊ê心力，侵佔伊ê時間，影響ku個教會ê 信徒攏無熱心！！！有一個拜六下晡，伊teh備辦道...

[1955-11 台灣教會報文類-散文作者--/-]
聖經kap世界 [ GIÁN-KIÙ: Sèng-keng kap sè-kài ]
聖經kap世界Tiong-ga̍k seng 作咱ê 舊約原文是希伯來文;新約是希臘文，這大家攏知。總是現時咱已經有台灣話ê聖經，為甚麼當時thài會翻譯台灣話ê聖經？就是因為聖經tio̍h 普及到thong世界需要tio̍h攏bat聖經。這個原則tú-tú thang tuì聖經翻譯ê歷史來看出。台灣話ê聖經自然是台灣得著福音傳教以來chiah產生--ê，親像這款翻譯ê工作，對tī 19世紀以來非常發達。到現時tī世界上，咱ê聖經已經翻譯做1000 goā 種 ê語言。總是若tī 400 goā年前，聖經單單是原文ê希伯來文舊約，以及希臘文新舊約，以及拉丁文新舊約而已。Koh ch...

[1955-12 台灣教會報文類-散文作者-侯蓮湖/Hâu Liân-ô͘]
最大ê疼 [ GIÁN-KIÙ: Choè-toā ê thiàⁿ ]
最大ê疼侯蓮湖作最大ê疼就是上帝ê疼，就是tī咱ê主基督耶穌所有ê疼。照希臘語有4 字表明疼ê意思: (1) Eros。是表明肉體tek聖ê疼，大部分意思是講戀愛。(2) Storge。就是肉親 ê疼，就是本能tek ê情愛。 (3) Philia。就是社會tek ê 愛，友愛。以上這3款ê疼根本是出tī人ê 自己中心，自己愛所生出ê疼。Koh濟濟是有想報答，是有條件ê疼。Koh也是受動tek，感情tek ê疼，尚且tuì人ê私慾有時會生出貪愛，遺愛，溺愛等等。(4) Agapē。就是上帝ê疼，基督耶穌ê疼。上帝對人ê疼，基督徒對上帝ê疼，基督徒ê相疼kap疼人。保羅tī I K...

[1955-12 台灣教會報文類-散文作者-王守勇/Ông Siú-ióng]
對在室女ê出世 [ Tuì chāi-sek-lú ê chhut-sì ]
對在室女ê出世(筆者: S. Lewis Johnson, Jr. 譯者: 王守勇。) 是m̄是，你，我tio̍h信主耶穌是tuì在室女來出--世--ê? 對這個應答有兩個大ê理由hō͘咱thang信對在室女出世ê必要。頭一項。設使耶穌基督若m̄是tuì在室女來出世，就無有大衛王位ê血統。咱知上帝有對大衛約束tuì伊ê 囝孫ê中間，beh有一個來坐伊ê王位kap統治伊ê國到永遠。這個約束有tuì天使來宣布，記載tī路加第一章，這tuì撒母耳下第7章thang得著hit個確實。咱知大衛有兩個囝，就是所羅門kap Ná-tan，以外卻iáu有。所羅門是照律法續接伊ê王位。 Beh續接伊做王有兩項...

[1956-2 台灣教會報文類-散文作者-劉主安/Lâu Chú-an]
奉獻ê果子（長榮女學紀念日） [ Hōng-hián ê koé-chí (Tióng-êng Lú-o̍h Kì-liām-ji̍t) ]
奉獻ê果子（長榮女學紀念日）劉主安作 Tī 70 goā年前，咱母會ê 女宣道會有濟濟人獻金做海外宣道ê路用，koh有三位宣教師，就是朱姑娘，文姑娘 kap 萬姑娘獻身過來台灣。In 到位開始工作了後，無久就感覺用基督教教育女子ê必要。就創設一間女學校tī台南ê 新樓內。這就是現在長榮女子中學ê 起頭， tī 1887年2月14日開校，到 taⁿ有69年ê 歷史。當時入學ê資格kap 條件真簡單，只有留腳就可以。雖然án-ni，因為一般ê人看輕女子ê教育，真少人beh來讀，開校hit年，學生只有 19名。起初開辦ê時陣，學校招生真困難，koh有其他濟濟艱苦。總是大家犧牲苦心有價值，無...

[1956-4 台灣教會報文類-散文作者--/-]
醫療傳道ê管見 [ I-liâu thoân-tō ê koán-kiàn ]
醫療傳道ê管見（Siā Huī作）這幾年教會當局有一個要緊 ê叫呼P.K.U.，醫療傳道是這個組織ê中間ê一部分。 P.K.U.是親像樹身，醫療傳道部是親像一oe nā-tiāⁿ。這枝oe beh得著健全ê發展，的確tio̍h有健全ê樹身供給伊ê 養分有夠額做氣力chiah會thang發揮伊做枝 ê力量。咱beh論醫療傳道ê時，是khiā tī 健全P. K. U. ê組織頂來講。我想醫療傳道tio̍h有下面3項ê 要素chiah會成功。1. Tio̍h有tú好 ê工作人員。工作人員siōng要緊ê就是醫生。醫生是親像野球ê 投手，第一影響醫療團全體ê 成績。 Taⁿ醫生tio̍h有信仰...

[1956-4 台灣教會報文類-散文作者--/-]
見證是耶穌赦免你 [ Kiàn-chèng Sī Iâ-so͘ sià-bián lí ]
是耶穌赦免你(Chan En̂g-hiok作) [編者註:本篇筆者是現任空軍上尉，台南東門教會熱心ê兄弟，所tú著這層事，特殊koh 會感動人，請詳細讀。] 我tī 頂月25號beh 轉來台南， tī 台北車頭teh 等車ê時，因為誤會ê緣故，將我ê行李交hō͘一位陸軍工兵學校ê傳達兵，請伊顧， hō͘我thang去食中食。這個戰士是請假beh 轉去鳳山ê。總是我一下倒轉--來ê時，伊已經將我ê行李the̍h去。雖然有chhoē真久，攏無法度，姑不將chiah報告駐在tī 車頭ê憲兵分隊。經過幾nā日，憲兵隊有來通知講：我ê物件已經追回12項倒轉--來，其餘9項已經無法度thang 追...

[1956-4 台灣教會報文類-散文作者-陳思聰/Tân Su-chhong]
講壇：得全世界喪失性命 [ Káng-toâⁿ Tit choân sè-kài Sòng-sit sèⁿ-miā ]
講壇得全世界，喪失性命1956.04 808號 p.12-14(陳思聰)古早時代，無都市，無市場，無用錢做買賣，攏是用物交換物。到後來設都市，鑄金、銀、銅、紙票，做貨幣，來做買賣。交換就變做買賣。佇遮講用全世界佮個人的生命來交換，tó一項較價值？咱撿彩欲講，世界較價值。若是耶穌報咱知，生命有甚物利益？有一个Má Chhâ-啉5，伊對卑賤到真懸，做法蘭西的大王，榮華富貴，金銀財寶滿厝間。有一時伊破病，醫生共伊講，閣兩月日就會死，伊真大煩惱，無平安。到欲死的時，閣一擺看伊所積蓄，歸厝間的財寶，伊就講：「我的確著放拺遮的--mah？我是第一可憐的人！我欲得著甚物--leh！我欲tó位去--leh！」...

[1956-4 台灣教會報文類-散文作者--/-]
偉人ê信仰 (艾森豪總統ê話) [ Uí-jîn ê sìn-gióng ]
偉人ê信仰 (艾森豪總統ê話) 「我會thang出世tī一間有宗教心ê家庭，實在是我ê特權。我ê父母攏信「敬畏耶和華是知識ê 根源.」聖經攏有活活teh 影響in ê日常生活，也盡所會將聖經ê真理kap信仰灌注tī in 6 個後生ê 腦內。」「人生ê路站是長koh e̍h,而且真濟危險。逐日咱tio̍h求全能ê上帝安排，hō͘咱tī 伊聖手庇佑ê下面，thang將自由人民ê遺產留hō͘咱ê後代。」 ...

[1956-5 台灣教會報文類-散文作者--/-]
大ah！母親ê疼 [ Toā ah! Bó-chhin ê thiàⁿ ]
大ah！母親ê疼(Sun Lí-liân) 有一擺tī美國有一個老母真正信賴伊ê 囝，伊真明白，用伊ê手所搖大ê 囝 ê輕重。伊有細膩照顧伊經過少年ê時期。伊有kā伊ê 囝洗身軀， á是補衫。無論伊ê 囝tī學校得tio̍h淡薄thang 誇耀ê事， á是伊ê 囝 hō͘ 囡仔朋友kā伊糟蹋欺負，致到心艱苦ê時，伊攏tuì心肝深深明白伊ê 囝 ê 歡喜kap憂悶。伊ê心肝親像伊ê 囝 ê心肝，因為伊認識伊ê 囝最清楚。後來伊ê 囝長成，總是對伊看--來iáu-kú是一個囡仔，是伊ê囝。有伊ê 歹朋友共謀，告伊犯罪，後來hō͘人關tī監獄，只有伊ê老母，相信伊ê囝絕對無罪，伊m̄-nà相信這...

[1956-11 台灣教會報文類-散文作者-賴仁聲/Loā Jîn-seng]
Khiā tiàm初代教會ê精神來看現在ê P.K.U. [ Khiā tiàm chho͘-tāi kàu-hoē ê cheng-sîn lâi khoàⁿ hiān-chāi ê P.K.U. ]
Khiā tiàm初代教會ê精神來看現在ê P.K.U.(賴仁聲) Boē講這ê題目ê事先， ài先kā眾同工kap眾兄姊請安kap恭喜，續同心來感謝上帝。因為咱是甚麼等號人， ē堪得hō͘天父交代咱做chiah大ê工。而且伊有幫贊咱tio̍k-chām ná teh成功。 Taⁿ已經經過兩年lah，時過境遷，咱ê目標永遠無過換，若是咱ê方法依照時機環境ê變遷，自然無適合ê tio̍h放去， khah好ê咱tio̍h採取。 Taⁿ依照過去ê經驗我tī chia來講幾句 hō͘大家做參考。1。請來看開拓總本營耶路撒冷精神(行傳 2:1-4:4)(1)迫切祈禱，等候聖神降臨， ta̍k-ê工人受...

[1956-10 台灣教會報文類-散文作者-柯設偕/Koa Siat-kai]
榮耀kap服務 [ En̂g-iāu kap ho̍k-bū ]
榮耀kap服務(柯設偕) Tī馬太17:1-20；馬可9:2-29；路加9:28-43所記載，主耶穌高山頂變貌， kap tī山腳醫治患著鬼ê囡仔，這兩項事， thang講是真好ê對照， tī chia用"榮耀kap服務"做題目。主耶穌tī高山頂變貌，是照伊tī hit六日前tuì伊ê學生所講--ê (馬太16:28；馬可9:1；路加9:27)主耶穌tī高山頂變貌，是表現伊ê榮耀，尊貴，威嚴。彼得有記載伊本身親目所看見--ê. 請看彼得II 1:16-18。 Tī山腳，主耶穌醫好受鬼苦楚ê 囡仔，表現伊ê謙卑，疼心，服務。Tī山頂伊kap上帝直接交通， tī山腳伊kap人類直接接觸， tha...

[1956-10 台灣教會報文類-散文作者--/-]
雷 Khek-su先生 [ Luî Khek-su Sian-siⁿ ]
雷 Khek-su先生 Tī 1780年，英國一個城ê城市Gloster(Kek-lô-su-tek)，有一位先生開一個學仔，聚集厝邊隔壁tī製造chiam ê工場teh做工趁錢攏無機會thang讀冊ê 囡仔 90個tī 休業ê禮拜日來讀冊。 Hit時伊卻有收學費，一禮拜一Shilling，幫贊伊ê有一個男ê朋友kap 四 ê先生。學習ê課程是讀冊，念真道問答，學吟詩等。辨理這間學仔ê人叫(R. Raikes)雷Khek-su先生；伊ê老父有teh辦一個新聞報，伊也續接老父ê業，後來將伊所辦這個禮拜日ê學仔 ê事發表tī伊ê新聞報，無拍算不止引起讀者ê注意。五年後就tī倫敦 ê 讀者組...

[1956-10 台灣教會報文類-散文作者--/-]
信仰偉人Su-pò͘-chin牧師 [ Sìn-gióng uí-jîn Su-pò͘-chin Bo̍k-su ]
信仰偉人Su-pò͘-chin牧師(Khó͘ Chuí-lō͘) 感謝主， hō͘咱有好ê機會thang相kap研究信仰偉人傳中ê偉人Su-pò͘-chin牧師。為tio̍h紙面ê關係， beh真簡單來講。向望ē-得-thang做咱信仰上 ê大幫贊。1.伊ê出世kap父母。伊tī主後1834年6月19日出世 tī英國ài-sek-sū 州 (Esezugus) ê Kek-liû-tiān(Caerubethen) ê一個散鄉家庭。伊ê老父早做獨立派ê牧師，後來做浸禮會 ê牧師。伊ê家庭是敬畏上帝，有靈氣充滿ê屬靈ê家庭。伊ê老母是重祈禱敬虔ê婦人人。 Tuì伊ê老母熱心ê祈禱， hō͘伊...

第29頁，共42頁(共822筆資料)

1 ...

... 42

To Page