[1954-3 台灣教會公報 文類-散文 作者-蔡長義/Chhoà Tiông-gī]
佈道：人ê祕密 [ Pò͘-tō:Lâng ê pì-bi̍t ]
人的秘密(蔡長義)1954. 03, no. 783, pp. 26-27祕密是甚物？「祕密是毋愛予人知，反轉人愛知，有時是人所袂會知，á是猶未知--的。」最近常常聽見一句「原子彈的祕密；」這个祕密，美國毋愛對敵知，德國愛知：十外年前人猶毋知，猶有別項祕密，現代人毋知，也袂會知。人的祕密是甚物？人有分男性，女性；男性的祕密佮女性的祕密無拄拄相同。男性的丈夫有時有祕密；女性的太太有時也有祕密。有時pa-pah有祕密，有時ma-mah有祕密；有時後生有祕密，有時查某囝有祕密。社會各界－政治，外交，經濟，教育，科學，藝術，醫學。宗教－各方面常常有祕密存在：俗語講，「江湖一點訣，妻子不敢說，」這是人有...

[1954-4 台灣教會公報 文類-散文 作者-林再添/Lîm Chài-thiam]
研究：基督ê詩 [ Gián-kiù:Ki-tok ê sí ]
研究基督的死(牧師：林再添)，1954.04，no.784，pp.7-9耶穌基督是上帝的囝，臨到世間成做人，做人類的救主。伊毋若用真理教示人，chhoā人捌天父。伊有用伊的死來贖回凡若信伊的人的罪，予人脫離罪佮上帝閣和，成做上帝的囝，閣佇上帝的面前算做義。佇腓立比人書第2章6節以下講，「伊本有上帝的形狀，無掠佮上帝平等，成做人的樣相......就屈家己到佇死，甚至死佇十字架。」閣佇羅馬人書 3章24節以下講，「對佇基督耶穌的贖回，就是上帝所顯然設立做挽回的祭的，對信，在佇伊的血，欲顯明伊家己的義，因為上帝有寬容，無歸咎前代的罪；佇現今的時代愛顯明伊的義，予伊本身做義，閣稱彼个信耶穌的人做義。」...

[1954-4 台灣教會公報 文類-散文 作者--/-]
北中：牧師解任式 [ Pak Tiong: Bo̍k-su kái-jīm-sek ]
北中II.牧師解任式。1954.04，no.784，pp.11-13因為咱佇教會請牧師是真歡喜閣鬧熱，總是牧師離任攏按呢恬恬離開，這pang有舉行牧師的解任典禮，意思亦是歡喜伊離開。新店教會牧師解任典禮，佇3月15日上午10點有舉行，赴會者也不止濟。中會議長張Khun-oán牧師chhoā眾人開會，有得著北大議長陳Khoe-chùn牧師的頌詞，亦有有志者的祝詞，然後有郭水龍牧師的離任詞。這陣淡薄來介紹咱教會的老將軍，也是老元老的傳教生活。郭水龍牧師牧會的工到今年的7月，就滿54年，是通講台灣教會史上 罕有--的，彼中間攏無折chām繼續到今仔日，伊有兩个同期的牧師，現時猶佇teh，猶teh做工...

[1954-4 台灣教會公報 文類-散文 作者-郭東榮/Koeh Tong-èng]
查經：對路加所看ê耶穌 [ Cha-keng:Tuì Lō͘-ka só͘ khoàⁿ ê Iâ-so͘ ]
對路加福音所看的耶穌(牧師：郭東榮)1954. 04, no. 784, pp. 20-23路加的目的：路加福音首要的目的，是對一个異邦人紹介主耶穌。這个異邦人叫做Thê-o-hui-lô（華譯：提阿非羅）大人，是踮佇羅馬的大官，是一个新悔改的信徒。但是雖然一个人做對象，路加是猶過有意思對一个人來對一切的異邦人紹介主耶穌是無通giâu疑的所在。路加的人物：路加佮馬太á是約翰無共款，毋是十二使徒的一个。伊寫聖經的才調，完全是倚靠對使徒聽見，ia̍h閣自己有得著聖神的充滿來寫，伊的祖公是猶太人，職業是醫生，常常有用醫生的專門語，久久佮保羅做伙傳道，使徒行傳也是伊寫--的。路加的寫法：文章美麗流暢，...

[1954-4 台灣教會公報 文類-散文 作者--/-]
佈道：天堂kap地獄 [ Pò͘-tō:Thian-tông kap Tē-ge̍k ]
佈道天堂佮地獄1954.04 784號 p.24-25 人踮世間第一愛--的，就是平安、快樂、好額、勇健、長歲壽、子孫濟、地位懸。就是愛得滿意的人生。也第一毋愛--的，就是悽慘、艱苦、散hiong、衰荏、夭折、孤單、卑微。就是毋愛不如意的生活。為著按呢，咱就用盡所有的智慧佮氣力，來追求第一好的人生，也盡量愛避免一切第一毋好的生活。今若人人所teh追求--的，攏達成，就世間是無甚乜艱苦，抑是困難。總是事實報咱知「人生」並毋是遮爾簡單，因為一面果然世間有濟濟人得著滿意的人生，siâng時閣一面也是有濟濟人teh經過不如意的生活。就siâng一个人也會經驗著這兩種的境遇，親像走馬燈，來閣去，去閣來...

[1954-4 台灣教會公報 文類-散文 作者--/-]
實行ê基督徒 [ Si̍t-hêng ê Ki-tok-tô͘ ]
實行的基督徒1954. 04, no. 784, pp. 27-28林Io̍k-lí先生是霧峰教會的會員，伊的令尊故林Chuí-lâi先生，是出名的醫師，雖然毋是會員，歷代的傳教者攏受伊的厚待，教會慈善的機關，若有去共伊募款，伊就盡所會貢獻。Io̍k-lí先生，公學校畢業就去長榮中學校讀冊。佇遐接受基督的救恩，決心受洗進教。後來去日本留學，對昭和醫專畢業，蹛病院實習幾nā年，內科，外科，產科，真特色高妙。就倒來霧峰幫贊伊的老爸。大東亞戰爭就受召去南洋。一擺十三个醫師做伙，聯軍的飛機來掃射，死十二个，kan-ta Io̍k-lí先生生存。伊就感覺，上帝留伊的性命，是愛伊著盡力做有價值的人。日本降...

[1954-5 台灣教會公報 文類-散文 作者-吳永華/Gô͘ Eńg-hoâ]
社論：感謝母親 [ Siā-lūn:Kám-siā Bú-chhin ]
感謝母親1954. 05, no. 785, pp. 3-4(牧師：吳永華)有一所在一个家庭，有一个大姊佮小弟。伊的父母留這兩个無通依倚的小朋友，相紲離開世間。無依倚的這兩个小朋友就予伊的阿叔收留來養育。伊的阿叔也是有通食佮穿燒，猶過in實在是袂通過著真的家庭的快樂，因為in阿嬸有時無甚物好款待in。因為伊家己有囝兒佇teh。有一日，這个阿叔買一隻三輦的囡仔車轉去予伊的囝thit-thô。這个孤兒in大姊已經得著阿叔的疼，佇初中teh讀冊，伊的小弟猶是國民學校的 一年生。看著阿叔的囝有三輦車通thit-thô，欲共伊借，也無通分伊thit-thô，徛teh戇戇看，也毋敢對阿叔討。想講，阮阿母若...

[1954-5 台灣教會公報 文類-散文 作者--/-]
公告：普世教聯主席團 [ Kong-kò:Phó͘-sè Kàu Liân Chú-se̍k-thoân ]
普世教聯主席團的批1954. 05, no. 785, pp. 4-5阮普世基督教聯合會主席團，佇這个主曆1954年五旬節的日請安屬佇普世教會團契眾教會佮恁的眾會友。阮愛恁特別佇這時為著全世界的教會以及佇今年8月佇Evanston欲開的第2次普世教聯總會來祈禱。咱的主對使徒約束：「恁欲佇耶路撒冷遍猶太撒馬利亞直到地極做我的干證。」五旬節的日通講是表明這个約束teh應驗的日。以後濟濟世紀，無管罪惡佮分裂偌厲害，佇教會基督的工程一直開闊到通世界。第一，咱著為著這日來感謝上帝，續做伊的干證到地極。今年第2次普世教聯總會欲重新宣言講，基督是世界唯一个向望。照新約所記的教會的合一佮向望咱saⁿ-kap有...

[1954-5 台灣教會公報 文類-散文 作者-郭朝成/Koeh Tiâu-sêng]
研究：孝道kap基督教 [ Gián-kiù:Hàu-tō kap Ki-tok-kàu ]
孝道佮基督教(牧師：郭朝成)人類自始祖背逆上帝，不孝天爸，人格墮落，品行變歹，不孝的風吹到全世界。上帝就嚴嚴垂訓，「著孝敬你的老爸、你的老母，予你的日子佇耶和華你的上帝所賞賜你的土地得著久長」（出 20:12）。上帝對行孝道的人是何等的寬心，欲賞賜in有土地，也欲予in長歲壽。保羅也大關心佇孝道。「做囝兒的，恁踮佇主，著順趁恁的爸母，因為這是應該的，著尊敬你的爸母，這是頭一條有kâⁿ應允的戒，欲予你亨通，長歲壽佇世間」（弗6:1-3）。基督教是有倫理的宗教。是重孝道的宗教。對舊約佮新約，以及現今的世界來抄揣行孝道的人物，來做咱大家的模範。咱中國是重孝道的邦國，孝道分做3等：(1) 大孝：尊親。...

[1954-5 台灣教會公報 文類-散文 作者--/-]
世界消息：別國教會 [ Sè-kài Siau-sit:Pa̍t kok kàu-hoē ]
世界消息1954. 05, no. 785, pp. 11-13(1)英國聖經會。照這个會的報告，舊年1953年是真好的年。這个聖經會有用真濟款完全猶毋捌做字來寫的腔口印聖經。佇亞非利加12款，南亞美利加3款，亞細亞15款，南洋13款。(2)瑞西國。佇國內一省的教會的大會近來聚集的時，有得著 Karl Barth神學博士的指導講演。伊的題目是關係今年欲聚集佇美國普世教會第二總會所欲拄著的問題。伊講，照伊看，彼个會看現代的使命對一方面著對聖經所有的教示講。也閣一方面著看現世的人所會曉疼的話語來講。伊問講，有向望無？應講，有，向望是佇耶穌基督。因為佇基督所有的向望有較進步的所在。世界的人有大向望：...

[1954-6 台灣教會公報 文類-散文 作者--/-]
社論：容允細囝就近主 [ Siā-lūn:Iông-ún soè-kiáⁿ Chiū-kūn Chú ]
容允細囝就近主(牧師：張Hông-chhiong)。1954. 06, no. 786, pp. 3-4[本月頭一禮拜的主日是聖神降臨節，第二个主日是兒童節。這霎特別愛來想兒童的事。]無論耶穌在世當時á是現代，細囝常常提出問題予社會。也是常常成做問題的中心。當時按呢，現時也是按呢。細囝是予人看做費氣閣麻煩的存在者。所以常常予人對這个社會共伊除外。細囝是不斷teh進步的，無論是精神á是肉體；所以不時teh求刺激，袂通靜靜，伸腳出手，哭，嚷，拍，舂，不時都予人罵，喝，拍，趕出去。若是佇內面mī嫌chhò耳，趕出去外面mī有車ê危險。所以趕遮，趕遐，in毋知欲去tó位？毋知欲怎樣做才好？實在細囝今仔...

[1954-6 台灣教會公報 文類-散文 作者-陳溪圳/Tân Khe-chùn]
講壇：上帝是疼 [ Káng-toâⁿ:Siōng-tè sī thiàⁿ ]
上帝是疼(接5月第9面)(牧師：陳溪圳)。1954. 06, no. 786, pp.9上帝是全能，總是kan-ta全能毋是伊的特性；移山倒海毋是伊所歡喜。上帝是全智，總是kan-ta全智也毋是伊的特性。因為記載講，「我欲滅無智慧的人的智慧，也欲棄拺聰明的人的聰明。」「上帝是疼，」是盤過全能，全智以上的疼。這个疼是伊所歡喜，所愛，所誇口的榮耀。因為疼才是上帝的本體，權能是伊的衣服（詩篇65:6）。智慧是伊的裝thāⁿ若定。假使智慧佮權能共伊提走，伊猶原是天爸上帝的存在，猶原也是萬物的頭。上帝是疼，毋是權能，毋是智慧，總是對伊的疼有紲顯出伊的全能佮全智。若對上帝共伊除去權能佮智慧，kan-ta賰...

[1954-6 台灣教會公報 文類-散文 作者-曾秀鳳/Chan Siù-hōng]
研究：著積聚財寶tī天裡 [ Gián-kiù:Tio̍h chek-chū châi-pó tī thiⁿ-nih ]
著積聚財寶佇天裡(牧師：曾秀鳳)1954. 06, no. 786, pp. 10-11人佇社會teh活動，大部份是為著欲得著錢。已經得著，就想愛積聚。耶穌的時代的社會是按呢，現代社會的傾向閣較是按呢。所以聖經濟濟所在teh警戒積聚財寶的慾念。「若是敬虔兼知足，就是大利路，因為咱出世無帶甚物來，過世也無帶甚物去，若是有通食穿咱就欲知足，獨獨遐的想欲發財--的，就陷落迷惑佮羅網，以及濟濟戇戇有損害的私慾，就是予人陷落佇敗壞佮滅無--的」（I提摩太 6:6-10）。警戒這款的慾望--的，毋若咱基督教若定，凡若道德宗教對佇金錢的慾望也是有teh警戒。雖是按呢，猶過這個慾望是最深刻，最普遍的--的，實...

[1954-6 台灣教會公報 文類-散文 作者-明有德/Bêng Iú-tek]
世界消息 [ Sè-kài Siau-sit ]
世界消息(明有德)1954. 06, no. 786, pp. 11-12倫敦。三月7日，佇倫敦佮世界各所在有迎接150 週年設聖經會的記念。一百五十年前，就是1804年，有4、5个人佇3月7日早起時，saⁿ-kap聚集食早頓，佮祈禱計畫愛翻譯聖經做濟濟款的腔口。佇記念會的時，有報告講in的會佇150年的中間有出版820款的腔口的聖經。總是將來的工猶真濟，因為猶有1000外款腔口的人猶未有聖經，也有2400 萬人未有in本腔的聖經通讀。法國。佇法國天主教的內面，今年有拄著真oh解決的問題，就是濟濟神父去入佇濟濟工場的中間，做親像勞動階級的平常人。In的意思是欲親近遮的人，學主的模範佮in交陪。...

[1954-6 台灣教會公報 文類-散文 作者-鄭兒玉/Tēⁿ Jî-gio̍k]
雜錄：簡體字運動kap聖經大眾化 [ Cha̍p-lio̍k:Kán-thé-jī ūn-tōng kap Sèng-keng Tāi-chiòng-hoà ]
雜錄簡體字運動佮聖經大眾化1954.06 第786期 p.27-28（牧師：鄭兒玉）。考試院副院長羅家倫先生，佇3月18日發表「簡体字的提倡真必要」的論文以後，受各界的贊成佮反對。我讀了真趣味，感覺這佮聖經的大眾化有關連佇--leh。當然文字是傳達思想的器具，這個器具那簡單，那少字，那好讀，人就用那少的時間，會通表現伊的思想。總是中國文字是複雜閣濟字，欲讀到會曉 通表示思想，愛浪費真濟的時間佮心神。封建時代文字是特權階級的thit迌物，總是現代已經解放佇一般百姓的手--裡。毋久到今猶久有彼个封建tek的色彩佇--leh，就是複雜閣濟字的文字，毋是大眾tek--的，百姓袂得通隨時就近--的。中國...

[1954-8 台灣教會公報 文類-散文 作者-王倚/Ông oá]
佈道：罪惡的工錢 [ Pò͘-tō:Choē-okê kang-chîⁿ ]
佈道罪惡的工錢1954.08 788期 p.23-25(牧師：王倚)。「賞善罰惡」這是天法；雖然有人講：「善心的倒teh餓，惡心的戴紗帽，」 「做惡做毒騎馬kho̍k-kho̍k，」有較無修養的紲講：「天理無目」，我講你毋通遐大喙斗，對天遐好禮。「天理昭昭，時辰未到毋是好歹無報，」 因為報應有緊慢的精差。按呢看罪惡的確有工錢(報應)。工錢是甚物？是看你的因來結果。俗語講：「種豆收豆，種粟收粟。」何西阿8:7講，所種的是風，所收的是捲螺風。」羅馬6:23講：「罪惡的工錢是死，這个死是最通驚的刑罰」。按呢通想。I.做歹的人毋通誇口，講譀譀--lah！搶贏是數。主的確會來佮你清算。有一對青年夫婦，家...

[1954-9 台灣教會公報 文類-散文 作者-黃素娥/N̂g Sò͘-ngô͘]
排灣族的嫁娶 [ Pâi-oân-cho̍k ê kè-chhoā ]
排灣族的嫁娶1954.09 789號 p.21-22(黃素娥)排灣族的嫁娶佮咱平地有大精差，聽了也有可取，也有趣味，也有可憐的所在。所以一發感覺著傳道理，將基督的光耀--in。今愛簡單來介紹。1.做親。排灣族in的做親，起初無親像用媒人介紹。就是男女若達到結婚的年歲，男青年著愛到女青年的所在常常去t彼迌、唱歌、講話相交陪，有時佇遮，有時佇遐，後來才揣出意氣相和合的人來進行親事。這是in對古早以來的風俗，是in做親的起頭，無論甚物人都愛按呢。這款的交陪，in的話叫做キスズ。設使若有青年較無趣味佇這个，就老人愛攻擊，欲講：「你無欲去キスズ，甚物人欲匹配你。」In男女的交陪，雖然是逐家的公認，猶久是...

[1954-9 台灣教會公報 文類-散文 作者--/-]
佈道：南無阿彌陀佛 [ Pò͘-tō:Lâm-bû o-bí-tô-hu̍t ]
佈道南無阿彌陀佛1954.09 789號 p.22-23南無阿彌陀佛這6字是全佛教的根本真髓，是性命的中心。也是做先鋒的工作，引chhoā人來信救主耶穌基督。發明這六字的東洋人真正是宗教天才。東洋人佇西爿有出基督的十字架，東爿有生出這六字的口號。宗教是對東洋出，伊的光照到全世界。1.「阿彌陀」是甚乜意思？這三字是形容詞。意思是「無量壽無量光」；就是講，伊的生命無時間的制限，伊的榮光威嚴無空間的制限。就是永遠到永遠，無起頭無煞尾的存在，閣逐所在佇--leh；無所不在。這就是「真如」的實在的款式。2.「佛」是甚乜？「佛」是名詞，就是「如來」。「如來」的意思就是「從如來生者」。意思就是對真如的世界來...

[1954-10 台灣教會公報 文類-散文 作者-許有才/Khó͘ Iú-châi]
設教一百週年倍加運動 [ Siat-kàu chi̍t-pah chiu-nî poē-ka ūn-tōng ]
設教一百週年教會倍加運動 (南大議長：許有才) 1954.10，no.790，pp.3-4 這屆的南部大會通過一个議案，就是設教一百週年教會倍加運動。主旨就是南部設教是主後1865年，算到1965年就滿一百週年，對今算起頭尾閣11年，扣實是10年久，咱就迎接--著。為著著備辦有意義的記念佮慶祝，就決定佇這10年間，著出力傳福音，建設教會，到彼時予教會比這tia̍p加添重倍，做禮物來感謝主。議決的時，全員起立贊成，閣即時表示贊同佮感激的心，自由獻金做這个路用，120外个議員，共獻3 萬外箍，這號的表決佮這款的表現，實在是未曾有的壯舉。 想--起來這是重大的決策，這个運動是設教一世紀的好的...

[1954-10 台灣教會公報 文類-散文 作者--/-]
世紀的大運動P.K.U. [ Sè-kí ê toā ūn-tōng P.K.U. ]
世紀的大運動P.K.U。 1954.10，no.790，pp.4-5 今年的南部大會有決議欲開始一个大運動，叫做「設教百週年記念教會倍加運動，」簡稱 P.K.U。佇此去11年內，來完成這个運動。到1965年，就是南部教會設教一百週年，彼年向望有比今仔日重倍的教會數，就是300 間，來獻予主，做in設教100週年記念的禮品。 1. 這是空前的大運動。 看南部教會史的中間，最第一精彩的一段，就是1896-1906 止10年間，中部 地區漢人三間的教會進步到20 間；信徒數對500進到3000。也平埔的教會本6 間，加一間；信徒對800進到1200 (看萬牧師的教會史 137面)。按...