[1933-4 台灣教會公報 文類-散文 作者-K. Y. C./K. Y. C.]
真好機會 [ Chin hó Ki-hoē ]
真好機會(K. Y. C. Kì)1933. 04, no. 577, pp. 4 　　關心人ê靈魂得救ê天父，對伊ê疼，有賞賜會記ê好消息，ài報列位知：－　　Ⅰ. 講演。秋山、多辻（秋山由五郎，多辻春吉）二位先生ê名，是咱大家所識，盡忠傳主福音ê巡迴會傳道者（巡回傳道者）。　　In兩个是親兄弟，已經有來台灣幾若擺；佇存年11月1號，作陣過美國，作主真好ê干證，佇遐約1年久。舊年秋天轉來；3月8號koh到咱遮lah。　　Taⁿ若有教會ài請in去講演，無論濟少日攏好...

[1933-4 台灣教會公報 文類-散文 作者-許水露/Khó͘ Chuí-lō͘]
高雄中會：國寶就是人物 [ Ko-hiông Tiong-hoē:Kok-pó chiū-sī jîn-bu̍t ]
國寶就是人物（許水露）1933. 04, no. 577, pp. 5　　國家ê憂慮不在非常時，是在佇欠缺會處理非常時ê人物。若有彼款人物，就非常時會得開轉。對按呢，pek-liân chi代價會得成立。　　國家ê憂慮不在物資ê缺乏，是在佇欠缺會指導國家，開拓國運ê大人物。　　國家ê憂慮不在國內無富翁、無黃金；是在佇欠缺彼款會造出富有ê克己、勤勉、忍耐力行ê精神ê人物。早年Teng-bo̍at-kok (Denmark) ê國土真bái，物資財源缺乏...

[1933-6 台灣教會公報/芥菜子 文類-散文 作者--/-]
數念熱心的女徒 [ Siàu-liām jia̍t-sim ê Lú-tô͘ ]
數念熱心的女徒 1933.06. 579卷，pp.30 曾賴--氏蜜，是基隆教會執事曾天來的夫人。對10外年前佮伊的丈夫同心來信道理，服事上帝真虔誠，禮拜，除去破病以外，罕得無赴，致意祈禱。佇今年破病的時，阮若去共伊祈禱，伊就真歡喜，講伊的病逐擺較快活，總是可惜伊的病攏無較好。後來有去馬偕醫院入院，4月20號頂晡5點紲佇病院別世。伊的查某囝佮囝婿真煩惱，真毋甘心，預算愛欲運棺轉來這次葬式，我有佮執事參詳，若有這款的心，不如著toà雙連拜堂做葬式，來節約淡薄經費來做有路用的代誌，執事真歡喜，就設法佇雙連做告別式。 這日有請陳清義牧師來說教；張金波牧師講伊的履歷；葉金木牧師做司會。...

[1933-6 台灣教會公報/芥菜子 文類-散文 作者-陳瓊琚/Tân Khêng-ku]
對gâu人的好教示 [ Tuì gâu lâng ê hó Kà-sī ]
對gâu人的好教示 (陳瓊琚) 1933. 06. 579卷，pp. 23-24 (1) 古早話有一句講，「桃李不言，自下成蹊。」 意思是講，有桃仔佮李仔的所在，自然無路，亦liâm-piⁿ會變成一條路。我teh想，咱教會怎樣有彼款禮拜堂著關起來的所在？亦有專心teh傳道理的先生，到尾著煞伊傳道理的工。若是為著欲換事業，卻是不得已，m̄-kú有人是為著教會無進步的因端，著煞伊的工。拍算。有人是講為著無口才通說教，有的講是地方的人硬心，總是咱的主到逐位攏有人來綴伊，雖罔有人反對伊，iáu-kú濟濟人愛揣伊。照我teh想，若有疼人的精神佇teh，的確逐位有人愛揣拜堂的先生，聽...

[1933-6 台灣教會公報 文類-散文 作者-陳明清/Tân Bêng-chheng]
論基督再臨 [ Lūn Ki-tok Chài-lîm ]
論基督再臨 (陳明清) (接前號第15面) 1933.06. 579卷，pp. 12-15 II. 時代的分別。 聖經對這个「時代」的分明；就是對亞當受創造起，到啟示錄21 ：1的「新的天，新的地」出現為止，會通分7个時代(弗2 ：7)。逐个時代攏用審判來煞尾。顯明人完全是失敗。 Taⁿ這7个時代已經經過5个時代了lah。咱現時是活佇第6時代；閣是第6个時代的路尾lah ；通講是佇拜6暗(II比3 ：8)，拄拄teh聽候義的日頭(就是基督)出現。第7个時代；就是千年王國時代(安歇的時代，大禮拜日)已經佇目前teh聽候咱lah ！ Taⁿ愛將這7 的時代來分別...

[1933-6 台灣教會公報/芥菜子 文類-散文 作者-明有德/Bêng Iú-tek]
這人ná樹一般 [ Che lâng ná chhiū chi̍t poaⁿ ]
這人ná樹一般 聖詩第6首(詩篇第1篇) (明有德) 1933.06. 579卷，pp.22 這篇詩篇是甚物人寫--的？無親像別篇，寫頭序佇頂面講甚物人寫，á是著怎樣來用，總是讀了知影彼个作者是佮自然界不止熟似。伊對自然界所揀來做譬喻的，實在心適，就是「露」，「風，」「粗糠，」「溪，」「樹，」「果子。」遮的攏是台灣平常的物。所以咱台灣人較快明白這篇的意思。 總是這个作者所講起的，毋是kan-ta自然界所有一款的物nā-tiāⁿ。伊是愛用自然的物譬喻這款的人。就是「離開歹人道路」的人，佮「予風吹親像粗糠，」á是親像「栽佇溪水邊的樹。」Taⁿ若知影伊所指起甚物款的樹，就較明白伊...

[1933-6 台灣教會公報 文類-散文 作者--/-]
台南市基督教會的墓地 [ Tâi-lâm-chhī Ki-tok Kàu-hoē ê Bōng-tē ]
台南市基督教會的墓地 1933.06. 579卷，pp.19-20 佇台南北門外Saⁿ-hun-á，有教會信徒的墓地(前叫做公塚)。這个地，taⁿ是編入台南市內，附近有台南第一中學校，陸軍的宿舍，oē-su̍t病院等，重要的建築佇遐。人ta̍uh-ta̍uh teh嫌真歹看，無整頓。所以這pang有設理事會teh管理，有開幾若百銀造前面的牆仔，掛鐵門，四圍有眾樹仔通做籬笆，也倩一人專心teh整頓照顧，向望後來ná好勢。 理事會有議定濟濟條的使用條例，較坐是關係台南市內的信徒的事。總是有幾若條有關係別教會的會友。因為前有濟濟別位的會友來埋葬佇遮，所以著報予人知：─ 1. 著台南市基...

[1933-6 台灣教會公報 文類-散文 作者-林茂生/Lîm Bō͘-seng]
宗教心理學講座 [ Chong-kàu Sim-lí-ha̍k Káng-chō ]
宗教心理學講座 (講演者：林茂生) (筆記者：蘇天明) 1933.06. 579卷，pp.20-21 對4月23號到5月7號，台南學生Y.M.C.A.有聘請本會的顧問林茂生先生做講師。來chú-chhui宗教心理學的通俗講座，逐个禮拜暝昏佇太平景禮拜堂開關係宗教上的學術講演。為著紙面的關係，筆記者無通將所講演--的，齊全記載佇遮；不過將彼个大概記佇下面，向望通予看報的人做參考：─ 第一講： 心理學是甚物？ 人若欲問法學，抑是醫學是甚物款的學問，雖然毋是專門家也大略知：法學是teh研究法律；醫學是teh研究醫事，衛生的學問。M̄-kú若欲問「哲學」，抑是哲學所關係的學問是甚物...

[1933-7 台灣教會公報 文類-散文 作者-高金聲/Ko Kim-seng]
請看後壁山 [ Chhiáⁿ khoàⁿ āu-piah-soaⁿ ]
請看後壁山 高金聲 1933.07. 580卷，pp.3-4 早年阮捌蹛木柵，佇彼間拜堂後有一座山，是會友的。滿山有龍眼，生到累累墜墜，也有菝仔，檨仔，竹筍，閣有好食的番薯。這个山是阮所歡喜的，腹肚枵，á是想愛食，就去peh。徛佇拜堂前，á是拜堂後，kia̍h頭就看著。雖然經過40外年久，阮taⁿ tiàm 都會，彷彿間猶看著彼个山懸懸thuh起，半山專專樹。 今仔日咱的教會112位，入教--的，大人佮囡仔15429；信徒的總數32707人，來比並67年前入教的，才有6人，興旺到怎樣！ 這現象對佗位來？ 1. 上帝的 恩典。 2. 母會的 疼痛。 母會...

[1933-7 台灣教會公報 文類-散文 作者-潘道榮/Phoaⁿ Tō-êng]
理想的教會 [ Lí-sióng ê Kàu-hoē ]
理想的教會 主筆：潘道榮 1933.07 580卷 p.1 遐久佇南部台灣有大炕旱！最近忽然落真大的雨水；人講是落黃金：實在無錯。逐項的樹木五穀攏青翠，ho̍k-tò成長的活命；萬百姓也得著秋凊閣爽快，加添氣力通活動。 閣一方面來想，佇靈界有大欠缺聖神的雨水。過去6月頭一禮拜是聖神降臨節，毋知有偌濟教會咧紀念？到底這个五旬節佮咱有啥關係佇咧？請大家閣斟酌想！！Su-tàn-lé博士講，「紀念聖神的降臨，比紀念救主聖誕，毋通較輸。因為救主聖誕，是顯明上帝佮咱相佮佇咧，也聖神降臨，是顯明上帝有踮佇咱中間。」 眾基督徒啊！著知咱對反悔信基督，認伊做咱的救主，就逐人有得著聖神(行 2...

[1933-7 台灣教會公報 文類-散文 作者--/-]
升天佮遺族 [ Seng-thian kap uî-chiok ]
升天佮遺族 1933.07 580卷p.6 太28：16--20 五月25，升天節；就是基督戰聖凱旋，跤踏撒旦，完設神國榮歸的日。亦是人類的地位，佮權利恢復的日，就是咱人出世入活，永毋通袂記得的日。 濕過的旗著舉懸，齊聲報揚主的名。舉頭！看主的升天，佮聽伊的遺族：---- 1. 天地歸一統。「天頂地下的權攏總予我」 (18)這是主所宣言，予人類知天地萬物攏總歸服，主咧執掌，統轄in；成做萬王的王。 按呢主就(1)高升人類，復到人的地位(做囝，承接業的權利，自由)。(羅馬8：15-17)。(2) 敨放人類的艱苦(馬太11：28-30，羅馬8：1，2)。(...

[1933-7 台灣教會公報/芥菜子 文類-散文 作者-明有德/Bêng Iú-tek]
我聽耶穌的聲講明 [ Goá thiaⁿ Iâ-so͘ ê siaⁿ kóng-bêng ]
我聽耶穌的聲講明 明有德 1933.7 芥菜子第90號p.22 Horatius Bonar，這首的作者，是蘇格蘭的牧師；出世佇Edinburgh，伊的家族佇蘇格蘭的教會真出名，因為佇兩百年的中間，毋捌這擺無這个姓Bonar做牧師佇彼个教會的界限的界限內；就是逐代有做牧師。 伊的老爸是海關的官；真有學問的人，伊逐方面有趣味，亦熱心佇教會。 Bonar Edinburgh讀中學校，大學佮神學校。出業了有予Edinburgh，聖雅各的教會，請伊做傳道來幫贊in的牧師。 二九歲的時，有予別位Kelso的教會，請伊去做in的牧師。 三十五歲，彼个教會聯合的時，伊有離...

[1933-7 台灣教會公報 文類-散文 作者-林茂生/Lîm Bō͘-seng]
基督教文明史觀 [ Ki-tok-kàu Bûn-bêng Sú-koan ]
基督教文明史觀 林茂生 1933.07 580卷 p.10 (接頂卷 8面) 照親像頂站所thiah明，論對基督教的異邦傳道所發生種種的文化的接觸通分做兩款：頭一款，就是承受基督教文明的國是未開化的國；親像古早Au-lô-pa洲北爿遐的國，抑是現時A-hui-li-ka遐的種族。這一款無論是in的風俗、習慣、道德、言語、政治，一切是佮基督教同化，到無留一點仔 in所有舊來的痕跡。第二款，是佮這个對相反，就是猶未承受基督教文明以前，已經完全有in舊來不止進步的文化的國；對這个第二款所發生的文化的接觸( cultural contact) ，這是我佇本文所愛論的要點。 這个文化的接觸...

[1933-7 台灣教會公報 文類-散文 作者-陳明清/Tân Bêng-chheng]
論基督再臨 [ Lūn Ki-tok Chài-lîm ]
論基督再臨 陳明清 1933.07 (580卷) p.14 接前號第15面 III.論猶太人所守的7个節期。 聖經論基督再臨的時日，雖然有講，「彼日彼時人毋知，天使也毋知，囝也毋知，獨獨父知若定」(太24：36)。總是咱敢毋通知，現今是屬佇啥物時代，主的再臨是近啊毋是mah ？信徒是親像守更兵，應該著知暝時是啥物更；若無，是無盡本份的守更兵啦！ 當以色列百姓佇埃及國的時，摩西就查考上帝賞賜亞伯臘罕的讖語。對按呢來得著知上帝欲敨放以色列百姓出埃及彼个時已經欲到；伊就照按呢來警醒(Chhòng 15：12---18)。 閣當以色列百姓受掠去巴比倫了後，經過欲70年的時，但以...

[1933-7 台灣教會公報 文類-散文 作者-梁秀德/Niû Siù-tek]
新約書序說 [ Sin-iok-su Sū-soat ]
新約書序說 梁秀德 1933.07 580卷 p.12 第4章：新約書的用語 佇咱大家的手裡所提的新約書，內面的用語是用啥物來寫？這个序也是新約書研究上的一个問題，我捌一擺去揣天主教的先生佮用語，in就講，用語是拉丁話。一般的人檢采欲隨時想in的來翻譯，穩當欲信原底的用語是拉丁的話。總是窮實毋是按呢。所以咱著知的必要。 論新約書的有部分，講是亞蘭話(Aramaic)來寫的，後來才翻譯做希臘文，有這號的疑念，佇19世紀有2、3个學者按呢想。總是無偌久，成做系統的的思想，也有人按呢主張，自信，這是比較的近來的事。Tō͘-lé教授(C.C.Torrey)所寫關係行傳的組成佮年表 ...

[1933-8 台灣教會公報 文類-散文 作者-潘道榮/Phoaⁿ Tō-êng]
夏天佮人生 [ Hē-thiⁿ kap Jîn-seng ]
夏天佮人生 1933.08 581卷 p.1 潘道榮 夏天一下到，大家感覺真熱！熱天的台灣，特別顯明上帝疼痛的完全。做詩的先生講，冬天夏天攏是上帝所定著的(詩74：17)。若無春夏秋冬四季的循環，就人生無甚物趣味佇咧。咱愛聽上帝的聲，毋若著日日勤讀聖經若定，閣著不時看上帝所創造自然界的現象。 熱天一下到，干焦感覺真熱；這是極無意義的生活。其實上帝將夏天熱的氣候賞賜咱，有寶貝的教示佇咧。因為對這个熱天是親像咧chhoā咱入佇新新媠媠的世界：- 1)疼的世界。五穀咧咧發育茂盛，結實攏佇這个熱天的時。特別佇咱熱帶地有出濟濟果子，通合咱熱天身體的欠用。又閣佇下晡時常常有落西北雨...

[1933-8 台灣教會公報 文類-散文 作者-落伍生/Lo̍k-ngó͘-seng]
合時的兒童節 [ Ha̍p-sî ê Jî-tông-cheh ]
合時的兒童節 落伍生 1933.08 581卷 p.4 (接5月號第7面) II.造就的兒童節 兒童做社會的基礎，未來世界的主人；所以才會文明國家無毋重視兒童來加添愛護。兒童節的本意就是認定社會，對待這號會用得造就的囡仔，毋應該下咧無理解的所在來予伊失落伊的本能。 先聖孔子捌講，後生可畏伊尊重後輩的深意，滿佇伊的話的以外。今遮的尊敬孔子的心意，就的確無下兒童的德、智、體、群各育佇無好無歹的中間。早孟子的老母捌為著共伊的囝，三擺徙伊的厝，世人傳做美談，因為伊知若毋是按呢，無夠額通教伊的囝，伊會按呢，結果予伊的囝成做繼續孔子的大賢。所以伊會成做大器具，大人物，是孟母的賢德，...

[1933-8 台灣教會公報 文類-散文 作者-屏東生/Pêng-tong seng]
一概莫得掛慮 [ It-khài bo̍h-tit khoà-lū ]
一概莫得掛慮 屏東生 1933.08 581卷 p.5 本間俊平先生講，「無看見的物欲予伊有看見，這是信仰的氣力；無信仰的人，這世間的物質掠做真穩當，真實在；有信仰的人萬事無實在，無久長，快轉踅流動的物。所以人若欣慕彼个超越佇物質的心靈界彼爿的事，將這做目的，因為欲得著彼个，來精進的生涯叫做照神來行的信仰的生涯。」 San-sek中將講，「祈禱上帝，就是予一切的煩惱走閃的路。無論酒，抑是活動寫真，跳舞場，抑是啥物設備機關，也未得通予咱得著慰安佮幫贊的，只有對祈禱通得著。祈禱會搖動上帝的氣力(熱誠真實的祈禱)。予患難困苦圍咧的中間，也知通祈禱的人，就無著急，生狂，閣心肝未受謎來...

[1933-8 台灣教會公報 文類-散文 作者-O.P.E./-]
介紹藥方 [ Kài-siāu io̍h-hng ]
介紹藥方 (O.P.E.記) 1933.08 581卷 p.7 序言 不才毋是醫生，亦毋是藥劑師，閣亦毋是藥種商；總是欲介紹藥方。 或者有人欲辯駁，若是按呢，你太有藥方通介紹啊？不才欲應伊講，有的是對左傳，有的是對親戚佮朋友傳授；所以有通介紹啦！ 檢采有人欲問，為啥緣故，你太欲介紹藥方啊？欲應伊講，毋是為著欲求名聲，亦毋是為著利路；是為著愛救人，予人較利便，較經濟。 俗語講，「畏著，無畏液。」又閣講，「小可錢，佇大眾；」有時免開費亦捌拄著。捌拄著一个例：就是捌有症頭，經過真濟醫生，開費濟濟金錢，總是無啥功效。後來我報伊用某藥方，竟然著手回春(伊連鞭好)。 有人欲問，...

[1933-8 台灣教會公報 文類-散文 作者-林茂生/Lîm Bō͘-seng]
基督教文明史觀 [ Ki-tok-kàu Bûn-bêng Sú-koan ]
基督教文明史觀 林茂生 1933.08 (581卷) (接頂卷8面) 第二，對宗教上來看，論基督教所有貢獻佇東洋的文化的第二點，就是贖罪的觀念。東爿的宗教卻毋是自來全然無這款贖罪的觀念。會用得通講不論佗一款的宗教，濟少就有包含贖罪的意思佇in的教旨，祭祀的中間。我佇遮愛分做兩款來看東洋國宗教所有的贖罪觀，就是(1)物質tek，(2)精神tek。 (1)頭一款這个物質tek得贖罪觀，會用得講較屬佇低級，通屬的宗教。按怎講是「物質的？「意思就是用物質來獻予神明，紲求in的恩典，免譴責過去的罪狀的觀念。中國的道教所屬各種的神明，攏有包含這款贖罪的意思佇彼內面。所以in的祭祀也是不止屬佇物...