[1927-2 芥菜子 文類-散文 作者-陳清忠/Tân Chheng-tiong ]  (3)
基督的無聊「孤單」 [ Ki-tok ê bô-liâu [ko͘-toaⁿ] ]
基督的無聊「孤單」 孤單有兩款：一款是為著家己的歹，致到予朋友無愛來，sak--伊的孤單；閣一款是為著想高尚，想好，平常的人oh得了解的因端，致到來無朋友的孤單。基督的孤單就是屬佇路尾這款。 天物的主，現時佇爸的厝，予千千萬萬的天使聖徒圍teh，無親像伊佇地裡的時的孤單。會了解伊的心肝，會知捌伊的精神，佮伊相佮講話，佮伊相佮歡喜，彼款的神靈拍算袂少。總是oa̍t頭看落來世間的時，記得伊做人的奴僕，予人拍，予人phuì涎的時，敢毋是猶原真孤單，真無聊mah！ 伊的目睭若看到圖利的巴黎、不信的北京的時，伊的心肝敢會得著慰安mah！人口幾若百萬的大都市；有拜堂、有說教，總是彼中間到底有幾个真...

[1927-2 芥菜子 文類-散文 作者-陳清忠/Tân Chheng-tiong ]  (2)
「Hiat 你的米糧佇水裡」！ [ “Hiat lí ê bí-niû tī chuí-ni̍h”! ]
「Hiat 你的米糧佇水裡」！ 「Hiat你的米糧佇水裡，濟濟日了後你欲閣得著」。這句是希伯來出名的哲學者所講的話。這句的意思，Ná想是ná深，伊的教示是真大。Hiat你的米糧佇水裡！人毋通想報仇，著hiat你的活命的米糧！人kiám-chhái欲講是拍損，你本身kiám-chhái也欲想是無效的所做。總是著毋通惜來hiat 你的米糧佇無人看見池內的水面，按呢就你佇濟濟日了後欲閣揣出！ 愛是啥物？愛是無向望欲對人得著報仇，歡喜來做的親切。世上有濟濟彼款的人將少少予人，就隨時欲要求人的答禮，向望人用加倍還--伊。實在in 的心肝真劣等！ 彼款的人是kan-ta掠對人得著物來做福氣。真...

[1927-2 芥菜子 文類-散文 作者-陳清忠/Tân Chheng-tiong ]  (2)
桌上談 [ Toh-siōng-tâm ]
桌上談 (續接前號)。 (IV) 宗教 有人問講，所有的宗教，佇苦勸人做好彼層事，敢毋是差不多攏相同 mah？」伊應講。「是，總是有大差別。別的宗教教示人講「照恁所會來行好，後來恁就成做好人。」基督教是教示弄人講，「著成做好人，彼時恁就會行好。」心肝的變化是著代先才著。」 學者問講，「論佛陀你想怎樣？」應講，「伊毋是神秘的人，是kan-ta一个道德tek的先生nā-tiāⁿ。因為佇伊的教示的中間，全然無論神的事。這款的人論神的事反轉是傷奇怪。伊所教示--的，就是盤涅抑是絕滅要求的事。總是拯救毋是要求的絕滅，是要求滿足。 治療喙焦得當的方法，毋是予伊死，著予伊lim夠額。」 ...

[1927-2 芥菜子 文類-散文 作者-陳清忠/Tân Chheng-tiong ]  (2)
一滴一滴的水 [ Chi̍t tih chi̍t tih ê chuí ]
一滴一滴的水 (24) 人一日所suh空氣的份量佮肺的闊。 咱平常teh喘氣，逐擺suh入sûn出空氣的份量，約略是2合。一暝一日肺所喘入歕出空氣的量大概是50石。若將遮个空氣入佇4 斗的酒桶，就會入得百外桶的額。 Suh遮爾濟空氣的肺，伊的面積也是真大。肺是對至細的肺的氣胞集合來成--的，伊的闊若用坪數來比較，差不多是25 坪的闊。 實在無有一項物比人的身軀較奧妙。對按呢通知上帝的智識到佗位！ (25) 長命國佮短命國。 人愛長歲壽，這是人的情。所以若愛長歲壽的人，較好著去長歲壽的國。若是按呢長歲壽的國是佇佗位？若看下面的統計表就會知：－ suī-...

[1927-3 芥菜子 文類-散文 作者-陳清忠/Tân Chheng-tiong ]  (3)
內面的生活 [ Lāi-bīn ê Seng-oa̍h ]
內面的生活 「上帝的國是佇恁的中間」。主有按呢講，獻你的全心予主，放sak這个罪惡的世間，就你的靈魂欲得著平安。 著學看輕外界的事物，也留心佇內界的事情，就恁會得曉悟上帝的國臨到佇恁(的中間)。 「因為上帝的國是和平，是對聖神來歡喜」。無清氣的人袂得通享受。 你若是備辦tú好的王位佇你的心內，基督就欲來揣你。也欲將伊的慰安賞賜--你。 所有伊的媠佮榮光攏是對心內發出，佇遐伊teh欲歡喜快樂。 靈tek 的人基督常常來訪問；若來逐擺有帶歡喜的話，快樂的慰安，滿滿的平和，尚且帶真通驚惶的友情來。 Ah篤信的靈魂，ah著備辦你的心肝來予這个新囝婿，伊穩當欲來揣--你，欲來踮佇你的內面...

[1927-4 芥菜子 文類-散文 作者-陳清忠/Tân Chheng-tiong ]  (2)
特別的青年 [ Te̍k-pia̍t ē chheng-liân ]
特別的青年 路加2章。41-51節。 讀這10節的聖經，會發見一个特別的青年出來，kiám-chhái有人 teh奇怪講，青年就是青年，thài有一个特別的？實在有。 人出世佇這个世間，若無拄著夭壽，卻逐个會經過一擺偕叡廉的時期，佇彼个時期無攏相同，有的較有智慧，有的較戇，有的較gâu，有的較頇慢，總是遐的較出tioh 的人物，佇青年的時期，有顯出較特別的款，有的特別較gâu講話，有的特別較gâu想，有的特別gâu寫字，有的特別gâu辦事。遮个通講是平常青年的特別，袂得通講是，對古早以來，未捌有的青年，特別今愛求對古早以來，未捌有的青年特別者，有彼个人無？有，彼个是啥物人。耶穌，耶穌怎樣...

[1927-4 芥菜子 文類-散文 作者-陳清忠/Tân Chheng-tiong ]  (2)
一滴一滴的水 [ Chi̍t tih chi̍t ti̍h ê chuí ]
「一滴一滴的水」 (26) 靈魂佮感情的重量 A、靈魂的重： 美國有一个博士名叫Má Lō͘-ka。伊佇幾若年前有真斟酌研究論人的靈魂的重，也發表講伊有用真精密的法度檢定靈魂的重約略有6 錢外。 伊將一个真傷重teh欲死的肺病患者，參伊的眠床 hē佇真精密的天秤的頂面，也徛teh注目斟酌共伊檢查伊的體量。彼个患者，為著伊的呼吸中的濕氣佮h發汗的因端，每時間有減伊的重約略8錢。 過 3點閣40分彼个患者的靈魂走出伊的身軀，死去，tú-tú 過氣的時陣天秤忽然一時閣減 6錢外。這个6錢外，Má Lō͘-ka斷定就是靈魂的重量。 Tāi-liân博士是美國人，伊有予一个查埔人坐佇椅裡...

[1927-8 芥菜子 文類-散文 作者-陳清忠/Tân Chheng-tiong ]  (6)
五旬節前的聖神佮以後的聖神 [ Gō͘-sûn-choeh chêng ê Sèng-sîn kap Í-āu ê Sèng-sîn ]
五旬節前的聖神佮以後的聖神 無論甚物時代，無論甚物所在，聖神無有兩个，是kan-ta一个nā-tiāⁿ。 總是若讀聖經咱就會知。五旬節前的聖神佮五旬節後的聖神有各樣，宛然ná 別物的各樣，伊的實質(實質)請這邊，若論伊的活動，伊的氣力實在有天地雲泥(天地雲泥) 的差。主講「人若嘴乾著就近我啉，信我的人，teh欲照聖經所講，成做活的水泉，對內面直直chhèng出--來」。這句話是指起信伊的人所欲得著的聖神，總是主袂受榮光，所以聖神袂降臨」。 佇舊約書中，無論佇甚物所在，通看見聖神的活動，主落世間以後閣較是按呢。若是按呢啥事講「聖神猶未臨到？」這不過是指舊約時代的聖神，若佮五旬節的...

[1927-10 芥菜子 文類-散文 作者-陳清忠/Tân Chheng-tiong ]  (4)
兒童中心的基督教 [ JÎ-TÔNG TIONG-SIM Ê KI-TOK-KÀU ]
兒童中心的基督教 TIÂN CHHOAN TI̍T-SIN 著 陳清忠 譯 第一章 「基督教的精神」 oa̍t-Joē-le̍k (G.F. Watts)是英國出名的畫工，伊佇1904年7月過身，享壽87歲。伊有流濟濟的宗教畫 (圖)佇後世，人若看伊的圖就會明白，知伊m̄-nā是富有佇預言tek (預言的)精神的人閣再是有創造tek(創造的)才能(才能) 的畫工。中間伊所第一貢獻佇萬國的基督徒的名畫就是彼張基督教的「精神」-基督坐佇雲頂，伊的腳頭u的有四個赤體的細漢囡仔佇teh，基督倒手比心肝，正手比chiah的細囝。 若講基督教的精神，萬人的確teh欲異口同音來叫講...

[1927-11 芥菜子 文類-散文 作者-陳清忠/Tân Chheng-tiong ]  (4)
兒童中心的基督教 [ Jî-tông Tiong-sim ê Ki-tok-kàu ]
兒童中心的基督教 (續接前號) 第三章 全能的上帝疼極端 (過頭)。 拍算，予近代的讀書界鬧熱的書籍(冊)，無有一本贏過Pa-pí-nî所著的 「基督傳。」連日本to有兩款的翻譯書。總是用研究的精神來讀一本傳記的人有幾個？拍算彼个數是真少。人人有各樣的趣味，無論teh讀甚物冊，若是有深深合佇家己的趣味--的，就特別較注意，這是自然的理。今仔日的牧師傳道師(台灣？)對佇兒童這方面無甚物有趣味的款，所以研究兒童的精神有缺乏。今仔日的傳教師的冊櫥內內，tàu-tih毋知有幾本關係兒童的冊佇teh？ 幾若年前，我捌佇某出名牧師的讀冊廳借過一暝，隔日透早起來，冊櫥內幾若百本的中間，揣無半本關...

[1927-11 芥菜子 文類-散文 作者-陳清忠/Tân Chheng-tiong ]  (1)
報料 [ Pò-liāu ]
報料 芥菜子列位的讀者siu-lám：- 本報有決定對mā年正月起欲佮「台灣教會報」合印。芥菜子毋是欲廢刊，本報的特色以及內容的充實，無各樣佇以前，不過是換來chham佇「台灣教會報」內面nā-tiāⁿ。就是將「北部事務」換做「芥菜子。」頁數欲加添到20面。目的是欲予讀者較便利，較經濟的。 所以對mā年正月起發行所(北部)欲換佇淡水龍目井街書房嚴漳先生遐。屬北部的讀者，若愛繼續買，直接對嚴先生注文就-好；屬南部--的，請對南部冊房注文。 芥菜子的報料，愛勞煩列位佇本月中(抑是上慢到後月上旬)來la̍p清楚。 請照下面所定來la̍p：- 1. Boé...

[1927-5 芥菜子 文類-散文 作者-陳清忠/Tân Chheng-tiong ]  (3)
基督怎樣比念佛較贏？ [ Ki-tok cháiⁿ-iūⁿ pí Liām-hu̍t 念佛 khah-iâⁿ? ]
基督怎樣比念佛較贏？ 日本基督教會有一个牧師名叫Ku-kok (亀谷)。伊是本源寺的教祖蓮如上人的地18 代孫。伊對細漢到大學卒業，拍算欲承接祖先的職，來做和尚，伊的卒業論文也是關係佇彼方面的研究，-就是研究念佛信仰的大乘者善導大師的 su。總是真奇怪，伊受恩典的手的揀召，斷然脫出和尚的職來做牧師；雖然有受內外的迫害真傷重，iáu-kú無離開伊的本所在，專心佇遐宣傳基督的道理。 伊所發行的雜誌「十字架」有一chām teh論頂面的問題；人若teh袂了解基督教佮佛教的優劣（iu-loat），讀這chām 會通做真好的參考。 伊按呢講： 「念佛是通感謝，這是釋迦的教示；七高僧有信念佛；C...

[1927-5 芥菜子 文類-散文 作者-陳清忠/Tân Chheng-tiong ]  (2)
一滴一滴的水 [ Chi̍t-tih chi̍t-tih ē chuí ]
「一滴一滴的水」 (30) Ba-khu-the-lī-á (細菌) 的大。通動植物界第一細的敢是Ba-khu-the-lī-á。Tauh-tí是loā細？大概是1分的 3000份一(1/3000分)伊的重每粒是0.00000000000041錢。 總是伊的生湠的力是非常，48點鐘後就到440錢重。 細菌的害，大部分是做傳染病的原un佮做肉類以及其他的植物腐敗的 原un。 A. 手佮細菌： 若用500抑是600倍的顯微鏡來看，無論甚物人的手to有濟少的細菌khîⁿ-teh。較濟人是想若sái洗手就會lut，若是實在無hiah快，也袂死。有一款細菌就用蒸餾水抑是純全的酒精來洗，袂l...

[1927-6 芥菜子 文類-散文 作者-陳清忠/Tân Chheng-tiong ]  (3)
真的工程 [ Chin ê Kang-tiâⁿ ]
真的工程 傳道者Ko-lân。(Conant)佇「個人傳道」雜誌的內面，有講起，幾若年前，有一个女宣教師，寫一篇chhiam-hoé 的文，落佇「世界宣道論評」的事。 彼个女宣教師按呢講：- 「我捌鼓舞一个大的集會，也我有滿滿的熱心，愛予這个會得著大的成功。開會彼日，我的老爸，做委員來欲出席，佮我坐佇旅館的食堂長。伊用共鳴的心，聽我說明，這个會的特色以及將來欲得著的盛況。我歇睏teh喘氣的時，我的老爸àⁿ伊的身軀近倚我，目睭看佇這个phâng菜的人，共我講。查某囝，我想佇遐彼个大漢給仕káⁿ會接納耶穌基督。我捌常常佮伊談論，論伊的靈魂的事」。 我為著計畫這个大的集會，我的無閒差不多親...

[1927-6 芥菜子 文類-散文 作者-陳清忠/Tân Chheng-tiong ]  (2)
一滴一滴的水 [ Chi̍t tih chi̍t tih ê Chuí ]
「一滴一滴的水」 (31) 一百二十歲的長壽法。 某出名的博士，研究人日常的生活佮歲壽的關係，發表講，人若向望愛食到一百二十歲，著嚴守下面所排這幾項，就會達目的：- 1、喘氣著對鼻空。 2、睏的時窗仔門著攏開。 3、逐日bín兩擺喙齒。 4、毋通lim傷濟、食傷濟。 5、逐日著洗浴。 6、每日著例行運動。 7、逐日著兩擺腹肚枵。 8、社務毋通帶轉來厝裡辦。 9、著笑著求好笑的事。 10、無論做啥物事，毋通過頭。 11、對生活著想爽快。毋通貧惰。 12、薰，就毋通食。 13、日常倚著跤手、身邊的物著顧清氣相。 14、衫著照厝內、厝外，應時候來穿。...

[1927-7 芥菜子 文類-散文 作者-陳清忠/Tân Chheng-tiong ]  (2)
世界第一 [ Sè-kài tē-it ]
世界第一 1、世界第一大的樹： 世界植物的種類約有175000種。從中第一大的，就是俄羅斯的Kun-su-tan-teng附近彼叢「Phian tree」。樹身的懸是100 尺，周圍是165 尺：若共伊liâu做兩爿，就每爿會 chhu得「塌塌米」 100 thia̍p。有人teh講，捌一擺有18人佇彼叢的樹khak內開宴會，iáu-kú所在有chhun不止闊。按呢咱就通知伊的大。 第二大的是佇美國。第二大的佇遮毋免講。 2、世界第一懸的樹： 世界第一懸的樹就是豪洲的「尤加利」樹。這款的樹本國也不止有teh栽培，總是氣候風土的精差，袂得通發到偌大；但是伊的原產地，有的約有500 尺...

[1928-1 台灣教會報 文類-詩 作者-周天來/Chiu Thian-lâi]
請來吟詩 [ Chhiáⁿ lâi gîm si ]
請來吟詩 周天來 1928.01.01 514卷p.3 請大家來吟一首新詩!這首詩，是佮聖詩117首的音韻，句調不止sio像--ê；有參考聖詩幾若首來做--ê；總是大部分是參考日本的讚美歌212首來做；因為字數攏sio像，所以無論是用讚美歌的調，抑是聖詩的調；拍算攏真好聽。咱的聖詩是將廈門音做標準，佮北部的腔口共款；所以下底所記這首詩猶原將這个做標準；請若欲吟，隨人通用家己的腔口。若愛知這首詩的原由佮目的抑是信仰上淡薄的故事，請看教會新報，新年號：「我主至好朋友，」彼篇所記--ê。若有人憂愁，煩惱家己的罪，啼哭，失望，無平安的人，請無棄嫌來吟看bāi。 Taⁿ，請大家來吟：－...

[1928-1 台灣教會報 文類-散文 作者-周天來/Chiu Thian-lâi]
基督教會佮實踐道德使命 [ Ki-tok Kàu-hoē kap Sit-chián Tō-tek Sú-bēng ]
現代的基督教會佮實踐道德的使命 周天來 1928.01.01 514卷p.8-9 基督教是疼的宗教，也是實行的宗教。若無基督，自然基督教是無存在：sio-siāng按呢，若無基督的精神，就基督教是袂存屬。教會是基督建設--ê，是上帝國的中心。 有人講，耶穌的教示佮使徒彼个，全然無siāng款；總是這个決斷毋是放拺上帝國的觀念：因為in是宣傳上帝國的中心，基督佮十字架；所以將上帝國換做彼个建設者，就是基督佮伊的十字架nā-tiāⁿ。又閣使徒的批有將「上帝國」這句，換做「教會。」「上帝國」這句，保羅的批信有記10外擺，其他別位攏是真少：總是「教會」這句，使徒行傳以下有記100擺以上，...

[1928-2 台灣教會報 文類-散文 作者-周天來/Chiu Thian-lâi]
現代基督教會佮實踐道德使命 [ Hiān-tāi Ki-tok Kàu-hoē kap Si̍t-chián Tō-tek Sú-bēng ]
現代的基督教會佮實踐道德的使命 周天來 1928.02.01 515卷p.8-10 Taⁿ照頂面所講通知，上帝國的思想真有氣力；就通了解基督教著愛佮社會一般的思想，事業佮運動不止有關係，才會用得。基督教的思想著愛應用佇現代的思想，著會指導伊，才會發揮彼个根本就是道德思想；亦道德思想就是新約聖冊的思想。 有人講，新約聖冊的思想是干焦教示個人的道德nā-tiāⁿ；總是決斷毋是按呢，也有教示社會的道德佇teh。因為道德的中心點，就是人對別人的關係的中間才會出現；又閣這个事實亦是社會問題中心點。 新約聖冊常常用人對上帝的關係來受的時，將人對「厝邊」的關係，這款的話來表明。新約聖冊有...

[1928-4 台灣教會報 文類-小說 作者-周天來/Chiu Thian-lâi]
故事 [ Kò͘-sū ]
故事 心心，念念 周天來 1928.04.01 517卷p.8-10 (這篇無論大人，囡仔來看攏會明)。 捌有一擺佇某所在，有一個女學學生佮伊一个小弟，兩个相chhoā出門；坐火車去到屏東的所在揣伊的窗友thit-thô。彼日in到屏東拄拄3點半，也彼个學生的窗友有來到車頭等接in；大家見面真歡喜，相佮講話；就chhoā in到伊的厝。彼暗就辦腥臊請in。食飽了停霎仔久，in就出去門口埕歇睏；有時坐--teh，有時起來；行來行去，講東講西講真久，是因為太久罕得相拄；又閣歇熱的時間已經欲過，大家相揣坐；險險就無通相探的機會，所以大家談話真濟；到真暗才無閣hoē；大家歡喜到極，...