[1929-10 台灣教會報 文類-散文 作者-偕叡廉/Kai Jōe-liâm]
新高山 [ Sin-ko-soaⁿ ]
新高山1929.10 535卷(芥菜子第44號) p.16-17(偕叡廉)久久欣慕ài peh 新高山，ài 看台灣第一懸ê 山尖。今年tī 歇熱中我佮我ê 家眷共7 人，相佮做陣去嘉義。得著官廳ê 許可，過日起身去阿里山。Tuì 嘉義到阿里山著坐火車7點外鐘久。路中ê 景致真好看，有大山、深坑佮大樹。Tuì 嘉義到阿里山火車著peh 7558尺 懸，所以tī 路中氣候漸漸冷。到阿里山ê 時若親像秋天ê 款式。 抵抵beh 到阿里山ê 時tī 路中有看見幾若欉大樹，攏是siōng-ngô͘,其中第一大欉ê 號做神樹，就是通東洋第一大欉--ê。伊ê 周圍（離塗5 尺）有66尺；若近倚塗面來量有1...

[1929-11 台灣教會報 文類-散文 作者-王守勇/Ông Siú-ióng]
故呂--氏受ê升天 [ Kò͘ Lū--sī Siū ê Seng-thian ]
故呂--氏受ê升天1929.11 536卷 p.5-6(王守勇)呂--氏受（人叫王嬸），是麻豆教會初代ê老信徒。Tī教會中，伊是第一老，到今年是71 歲，tī 10月12 號受主召--去。伊是toà tī草店尾，上帝賜伊有厝宅，有1個後生 (現任ê執事林新繼) 已經建置家後，也有得著2個查甫孫，一家7個是熱心ê基督徒家庭。伊來信主ê動機是對伊生ê子攏飼bē活，所以對來信主了後hit個查甫子才有thang tī--leh，對án-ni伊真熱心。34 歲ê時來信主，36歲ê時就領洗禮入聖會。無偌久tú著日本來管台灣，hit時麻豆ê人誤解講拜上帝ê人是去通番，才有這款ê事。對án-ni chia ê...

[1929-12 台灣教會報 文類-散文 作者-梅監務/Muî kàm-bū]
梅牧師ê批 [ Muî Bo̍k-su ê Phoe ]
梅牧師ê批1929.12 537卷 p.6-8批寄hō͘台南基督教ê中會佮眾兄弟姊妹收。願lín 大家得著咱ê天父上帝ê疼痛佮主耶穌ê恩典，以及聖神啟示氣力ê充滿。 Tuì 相離別到今已經有經過5年較足。是我佮我ê 婦人人toà tī 大雅ê 時，ài鬥設教會，有染著1等號較重ê熱病；hit 個病常常koh 起hō͘我身軀較lám,無力thang tī 這爿傳主道，亦攏bē得thang koh 來台灣。若是阮無làng 日ta̍uh-ta̍uh替lín 逐家祈禱感謝上帝，koh 求主開路hō͘阮會佮所數念ê信者相見面。 1月日前我有接著電報講，中會（就是中會ê議長）託我去赴蘇格蘭教會ê總會，t...

[1929-4 台灣教會報 文類-散文 作者-陳添旺/Tân Thiam-ōng]
台灣一週佮感想 [ Tâi-oân it-chiu kap Kám-sióng ]
台灣一週佮感想1929.04 529卷 p.17-18芥菜子 38號(陳添旺)人講，gâu人遊世界，頇顢行厝內，踮佇小海嶼若厝內一樣。 真久就希望愛四界觀察一遍，船、車有利便；毋過袂得到懸山番界來觀察。 這擺順機會愛赴中會，也愛看東部盡南大武支廳，卻無偌濟人，是50 戶左右若定，倚佇海邊。順路紲對Saⁿ-tiâu-lēng的番界過去透水底寮；第先有朋友約愛做伴，後--來有阻擋煞單身若定。 寫幾項佇下底做參考：1、路站：花蓮港火車透台東，40 sián自動車到知本，有路透大武沿海平平，知本12里外，一日早早，大武有旅館。大武領入番界的證明，沿路有6 位駐在所愛蓋印。台東管 內Ko͘仔崙、出水ph...

[1929-7 台灣教會報 文類-傳記 作者-吳Te̍k-kî/Gô͘ Te̍k-kî]
小傳故吳雞母（文彬）先生娘去世 [ Sió-toān Kó͘ Gô͘ Ke-bó (Bûn-pin) Sian-seⁿ-niû Khì-sè ]
小傳故吳雞母（文彬）先生娘去世1929.07 532卷 p.9-10(吳Te̍k-kî)先生娘姓莊，名Hê，(Toan)。佇1862年9月15日出世佇羅東庄，到15歲綴老母來信道理，所屬的教會是Ka-poà-soá。佇1880年12月5號對施牧師受洗禮入教，聽道理頭尾5年就入聖會。到20歲嫁予吳文彬先生，對彼時起盡力幫贊先生、利益教會、致意教姊妹捌聖經，予大細尊貴卑賤的會友好親近，佇濟濟教會有經過窘逐佮會友犯罪的苦心，總是攏無餒志，反轉那向主基督。身軀較艱苦也拖命教姊妹學字母、讀詩、讀聖經，實在無輸1个女學的卒業生。今伊有經過的教會，就是嘉義、木柵、柑仔林、Ka-poà-soá、加吶埔、柑仔林...

[1929-10 台灣教會報 文類-散文 作者--/-]
遊東部所感 [ Iû Tang-pō͘ Só͘-kám ]
遊東部所感1929.10 535卷 p.17-19芥菜子 第 44 號(Tân Khêng-ku)我佮張基全先生佇這擺的歇熱中，就是佇7月30號有對淡水出發去東部。今彼條路徑有經過宜蘭、羅東，亦對蘇澳坐船才去花蓮港。初4的禮拜日有佇花蓮港拜堂佮遐的兄姊相佮守禮拜，亦我有受李傳道拜託做主理，閣彼e晡阮亦有閣佮李傳道、Tām執事佮梁阿標君（伊現時是佇東台灣的新聞社teh做記者），5 人做陣去新設的Ka-lí-oan講義所做禮拜，逐家不止熱心，做禮拜齊整。 佇初3（拜6）有去探幾若家的兄弟，亦有去探1位的醫生，就是南部林燕臣牧師第二令郎林安生先生，伊去遐開業卻猶無偌久，毋過照聽成績可恭。閣一位是對大...

[1929-12 台灣教會報 文類-散文 作者-戴Ek-gî，戴仁理/Tè Ek-gî, Tè Jîn-lí]
批 [ Phoe ]
批1929.12 537卷 p.13芥菜子46號(戴Ek-gî，戴仁理)「這張批是戴醫生的令尊佮令堂寫來共馬偕病院的患者說謝--的；今愛落佇遮，紲予列位知患者的好意。」批寄予踮佇台灣所疼的朋友兄姊收，平安。恁有寄2支真媠金的十字架來送阮，也共阮2人恭賀；阮到極歡喜。這2支金十字架，阮掠做極寶貝，也是通時時顯明恁疼痛的紀念品。對遮通知，恁猶原有teh 疼咱的主耶穌基督，就是獻身做咱極大的救主。今著勇健，也著好膽，因為救主耶穌是恁盡忠的朋友。著舉目看救主講：「主耶穌--ah，阮獨獨teh倚靠你，就是大佮白白的救主；阮倚靠你紅的寶血來得著清氣閣成聖。」設使恁驚，恁的罪過予恁佮聖的上帝相離，著好膽，因...

[1930-1 台灣教會報 文類-傳記 作者-劉阿秀/Lâu A-siù]
小傳詹長老 [ Sió-toān Chiam Tiúⁿ-ló ]
小傳詹長老1930年1月第538卷p.20芥菜子第47號(劉阿秀)詹阿hián是公館庄教會的長老。伊佇明治12年9月7 日出世；伊的出生地是公館庄新港寮；8歲的時徙去北寮徛起，經營農業來成家。伊猶未信主的時趁世俗，服事神明真熱心。佇 19歲的時，對鍾阿muí傳道聽著道理，就放sak世俗來信主。到伊24歲，就是明治36年，有受公館庄教會揀伊做執事6年久；到30歲的時，就是明治42年，就設立伊做長老，20年久無離任。伊有2个查甫子，2个查某子。大子詹Tek-kiàn，猶佇台北神學校在學中，3 年生；第二子teh 幫贊家內；細漢的查某子今年14歲，猶佇公學校補習科讀。伊佇 11月10日猶去苗栗教會赴...

[1930-7 台灣教會報 文類-傳記 作者-葉金木/Ia̍p Kim-bo̍k]
李萬居的傳記 [ Lí Bān-ki ê Toān-kì ]
李萬居的傳記1930.07 544卷 p.20芥菜子53號(葉金木)伊是水返跤教會熱心的聽道者，伊佇地方有擔當區長10外年，也有做台北廳參事，社會事業也熱心teh做。伊有做茶館，各方面攏愛載來賣--伊，生理真發達，做人真德望，真謙卑無驕傲，若有看著人逐擺代先叫人。伊有佮陳熊長老做好朋友，陳熊長老不時用道理teh栽培，後--來信道理。可惜彼霎伊的事業做真大，人真煩，較無機會通守禮拜。總是伊真好膽干證道理，對教會盡力援助，水返跤獨立傳道的時，伊嘛當傳道束金1半。到請牧師的時，伊擔當牧師束金1半。傳道局贊助員每年20 箍，所出的有到伊離別世間才煞。 伊真gâu 款待傳道理的人，若有傳道理抑是遮的熱心...

[1930-7 台灣教會報 文類-傳記 作者--/-]
陳熊的小傳 [ Tân Hîm ê Sió-toān ]
陳熊的小傳1930.07 第544卷 p.20芥菜子第53號陳熊是水返跤教會的長老，14歲就佇三重埔得著道理。後--來佇水返跤做生理，伊的老父毋准伊信道理，紲窘逐--伊，放聲欲刣死伊，若禮拜日伊的父去拜堂巡，若看伊佇--leh隨時叫倒--去。伊就佮曾溫長老參詳，曾長老安慰伊講，上帝逐位佇--leh，你佇逐位通服事上帝。法國扑台灣的時，禮拜日欲去禮拜拄著人搶拜堂，伊就chhoā蔡昇傳道走，家己的生理店攏予人搶了了，歹人出賞格，攑銃四界chhoē,後--來才走去淡水，佇遐做生理，紲入神學，後--來有受派去踮崙仔頂、大里簡傳道。了後就歇睏佇水返跤做生理。伊佇1904年做水返跤長老到今，真熱心佇教會，...

[1930-12 台灣教會報 文類-散文 作者-陳瓊琚/Tân Khêng-ku]
看台灣文化300年的紀念會 [ Khoàⁿ Tâi-oân Bûn-hoà 300 nî ê Kì-liām-hoē ]
看台灣文化300年的紀念會1930.12 第549卷 p.19芥菜子 58 號(陳瓊琚)這pang阮淡水中學的學生，約130外名，閣有4 个先生做陣搭10月27 號午前8點，台北發的急行車去台南。我本身有代先去，所以到位的時，我已經佇台南車頭teh 等--in。大家到位，抵是彼e晡4 點較加，我佮台南神學校的先生王守勇，有chhoā in 順路去看產業的展覽會。後--來才chhoā逐家來太平境禮拜堂歇睏。 論睏的所在有分3位，1位是禮拜堂，1位是高再得醫師的舊醫館的樓頂，閣 1位是吳秋微醫師的病院內的日本總舖。食是委託太平境拜堂的牧師，陳思聰先生，所介紹的太平食堂設法。 佇28號早起，有chh...

[1932-11 台灣教會報 文類-傳記 作者-朱明蔭/Chu Bêng-ìm]
陳老乳長老的小傳 [ Tân Lāu-leng Tiúⁿ-ló ê Sió-toān ]
陳老乳長老的小傳1932.11 572卷 p.13(朱明蔭 寫)老乳叔細漢的時，是共人做箍絡。過--來聽著道理好，就認真講究到會讀聖經，會寫白話字。A.D. 1885 佇岩前予甘牧師共伊行洗禮接納，1900年做執事，1904年做長老。捌佮傳道先生出外佈道。因為目睭痛，有去醫館予馬醫生醫，卻有較好；若是因為常常痛，後--來紲青瞑。對按呢，吐氣無通看聖經。有聽著講有青瞑的字，就致意愛學。有跟某牧師學，勤勤讀到會讀聖經，無各樣目光的人。記持真好，聖經有chām抑是歸章會活唸。最近3、4年，岩前教會無先生，較常是伊做主理，上台直講、直讀，無輸目光的。佇 7月17日，(去伊的親戚的所在療養了轉--來)，...

[1935-4 台灣教會公報/芥菜子 文類-傳記 作者-葉金木/Ia̍p Kim-bo̍k]
故簡A-chhoan小傳 [ Kò͘ Kán A-chhoan Sió-toān ]
故簡A-chhoan小傳1935.04 第601卷 p.31芥菜子第111號(葉金木記)簡A-chhoan是雞籠教會的執事，伊佇主後1920年，對吳廷芳聽「破迷牢」的道理，對彼霎就決心來信主，了後真熱心研究道理、白話字的聖經讀到真熟。1922年，有受洗禮，對教會真熱心，禮拜真致意，入拜堂真虔誠，就是恬靜祈禱、讀聖經。伊一生是勤儉的人，總是真甘願獻金佇教會。 1926年，教會有揀伊做執事，對教會逐項的事務，真有盡責任。1931年，有閣重任執事，佇 3年前，拜堂的宿舍有拆大路閣改築，伊專心來監督到完成，實在真感心。無拍算，佇舊年中，有佮教會暫時相離，去研究天主教，到今年中會前，就閣得著上帝默示，反...

[1935-6 台灣教會公報 文類-散文 作者-汪宗埕/Ong Chong-thêng]
賑災記 [ Chín-chai-kì ]
賑災記1935.06 第603卷 p.28-30芥菜子113號(汪宗埕)佇主耶穌的閣活節，4月21號午前6點2分，屯仔腳地方有拄著未捌有的大地動。對起頭就真動，約兩秒的中間，規庄的厝全部倒壞，屯仔腳拄拄是佇震帶的中央；人受搖倒，土腳piak裂，有所在沈落約5尺深，屯仔腳一鄉庄受teh死--的千外人，拄著重輕傷--的，袂算得，一間厝teh死7、8名--的也有，實在悽慘到極。 咱教會這pang也拄著損害真大，信者受teh死--的八名，求道者受teh死--的11名，自然會友的厝是攏倒到平地；佇遮有人保存in的生命，通講是神蹟，禮拜堂佮宿舍，對地基倒到平地，阮規家族，攏受teh khàm佇內面，感謝上...

[1935-6 台灣教會公報/芥菜子 文類-散文 作者-吳天命/Gô͘ Thian-bēng]
震災中的教示 [ Chín-chai tiong ê kà-sī ]
震災中的教示1935.06 603號 p.30芥菜子第113號(吳天命)4月21號，台灣中部的大地動，彼个慘狀佇遮我毋免閣講起，照新聞紙上看起來，為著這pang 的地動，表出同情來周助震災中的同胞的人真濟，閣再我也確信，猶有真濟周助，事實無表出佇新聞紙上，這款行為是真好。 今佇遮我愛小可考察，對這个地動，事實咱著怎樣，佇遮有神祕，毋是咱人所通知的所在，全然屬佇上帝的事，對這个災難，我確信，雖然我袂會捌，是上帝攝理的經綸的表現，佇遮上帝有濟濟的意義，總是佇震災欲叫醒咱閣省察人生的真意義，真方針，這个意義的確摻佇濟濟意義的中間；對震災，咱一發感覺人生是眠夢，人生是航海，人生是出外，人生是憂苦，佇遮...

[1935-9 台灣教會公報 文類-傳記 作者-高端莊/Ko Toan-chong]
故梁阿海長老 [ Kò͘ Niû A-hái Tiúⁿ-ló ]
故梁阿海長老1935.09 第606卷 p.29-30芥菜子第116號(高端莊)梁長老佇A. D. 1872年出世佇新竹州下的北埔庄。1902 年對吳威廉牧師受洗禮；30年前全家族就搬徙來佇花蓮港耕農，直接、間接鬥建設教會佇花蓮港。1918年受揀，當本會的長老；經過幾若任，到佇今仔日。 伊有5个兄弟，3个小妹，大家是熱心的信徒，伊的兄弟攏捌當職佇本會。現時家族有80外个，雖然是大家族，總--是大家真協和，親像1个小社會，閣也是做本會的大氣力。伊的令先父是北埔教會初代熱心的長老，伊的遺族會通繼續佇教會內teh 活動，綴in 序大人媠的跤步，實在是真稀罕。 阿海長老有11个子，內外孫有20外个，有...

[1935-10 台灣教會公報 文類-傳記 作者-葉金木/Ia̍p Kim-bo̍k]
李德文長老小傳 [ Lí Tek-bûn Tiúⁿ-ló Sió-toān ]
李德文長老小傳1935.10 第607卷 p.42芥菜囝第117號(葉金木)李德文是金包里的人，對少年的時陣是耕農、做生理，一生勤儉樸素，佮人真好交陪。佇25 年前劉中堅牧師有佮葉塗火傳道以及我去金包里佈道，彼霎李德文有聽著道理，心到極歡喜。就招兩位的先生到伊的厝，講道理予伊的老母佮伊的長老娘聽。彼霎了後，伊的老母佮家內的人也同心佮伊信道理。伊本身招伊的朋友對傳道局請設講議所佇金包里，傳道局有准伊所請。彼霎有派楊Chiong去傳道；伊就出力鬥幫贊--伊，對按呢教會日日進步。後--來有予教會揀伊做長老，伊真出力幫贊教會。伊是勤儉的人，對教會逐項的捐項，伊真克己來獻，gâu好款待--人。愛佮人談論...

[1930-7 台灣教會報 文類-詩 作者-周天來/Chiu Thian-lâi]
救主我來就你 [ Kiù-chú goá lâi chiū Lí ]
救主我來就你 1930.07 第544卷 p.14 (周天來) Key=D 1. 我罪極重未脫離， 救主流血替我死； 主恩極深無通比， 我今歡喜來就你。 2. 所犯罪過滿滿是， 家己無路通脫離； 主會赦免，洗清氣， 救主我來就近你。 3. 我若抵著心煩惱， 驚惶，僥疑未消無； 救主彼時通倚靠， 精神、元氣就復到。 4. 世間逐項所向望， 功名富貴攏空空； 毋值救主大疼痛， 真理、活命對天降。 5. 我愛常常求叫你， 求主幫贊來指示； 逐項著做我歡喜， 救主我來就近你。 6. 世間日子快過--去， 求主逐時無放離； 向望佇天會企起， ...

[1930-7 台灣教會報 文類-詩 作者-柯設偕/Koa Siat-kai]
神蹟歌 [ Sîn-jiah Koa ]
神蹟歌 1930.07 第544卷 p.19 (柯設偕) （我記得較早前，有人做神蹟歌，我佇遮寫我所會記得的，予列位做參考，也若猶有別項的，請列位指示。） 1.假若有婚姻， 耶穌親降臨， 逐家赴筵席， 酒啉無夠額。 命奴僕，去汲水， 命奴僕，去汲水， 隨時變做酒， 世間真罕有。 2.耶穌行水面， 彼得愛親近， 求主容允我， 予我會近倚， 行水面，心歡喜， 行水面，心歡喜， 主講按呢信， 你信免帶疑。 3.耶穌行路時， 婦人血漏病， 跟隨主身邊， 信主會醫治， 摸衫裾，血漏止， 摸衫裾，血漏止， 主講按呢信， 你信醫好你。 4.耶穌到拿...

[1931-6 台灣教會報 文類-詩 作者-柯維思/Koa Î-su]
著顧網內魚 [ Tio̍h kò͘ bāng-lāi hî ]
著顧網內魚 1931.06 555卷 p.18 (柯維思) 水內所有的魚鱉， 譬喻信主的兄弟； 已經入咱的網內， 應該共in收--起-來。 毋通刁持講東西， 莫得家己分好歹； 逐尾好路用著知， 的確共in下較內。 別日分類無咱事， 攏是頭家teh推排； 有的收囥明宮séng， 有的hiat 佇火爐前。 所以你我著奮發， 聽候末日受判決； 替in祈禱望立志， 到尾撿彩會成器。 聖神若臨到佇in， 會chhoā人去假歸真； 咱若苦心栽培in， 主亦歡喜佮in親。 勸咱毋通傷áng-láng， Kan-ta時時想海翁。 海翁身軀遐爾大， ...