[1893-8 台南府城教會報 文類-散文 作者--/-]
救命船 [ Kiù-miā-chûn ]
救命船1893.08 100卷 p.80-81請大家看對面ê尪仔圖耶穌對伊ê百姓ê心內m̄-nā有除去罪惡koh有生起好ê性情。án-ni-seⁿ，較熱心ê聖徒常常teh想有thang設甚物仁愛ê法度來幫贊別人。Tī西國從中所設ê法度就有一項是大ê路用，就是造救命船。倚tī海墘若tú著大隻船扑破，就救命船有出去看會tit-thang救人ê性命抑bē。有時這號工是極危險，因為風真thàu湧真大，亦tī hit時平常船攏bē用tit出港。 造救命船應該著大要緊幾若項ê代誌，從中thang講起就是下底四個： 1.船著gâu浮tī海面；雖然水潑入tī內面到攏充滿，iáu-kú著chhòng hō͘伊b...

[1893-9 台南府城教會報 文類-散文 作者--/-]
佇地面下做工 [ Tī tē-bīn-ē chò kang ]
佇地面下做工1893.09 101卷 p.94-95請大家看對面ê尪仔圖Tī地面上因為人常常用柴是那久那缺。好tit，tī 地面下上帝有備辦土炭。這個土炭原本是樹木，後來化去結做tēng-tauh ê物。 土炭是疊一層一層。有時hiah層ê雙頭尾 有蹺起露出tī地面，若是hit-ê露現ê土炭較常是較下等，下底是較好，所以人ài 開thán企 ê陷掘hit-ê上等ê。到陷底有開thán橫 ê大路；koh，tī大路ê邊仔有開巷仔。攏是暗bong-bong。上深ê土炭礦是三百外丈。有時hiah-ê thán橫ê路有出 tī海底ê下底。Tī咱台灣ê北勢 ê基隆頭有土炭礦。 因為土炭礦是深，風氣oh-t...

[1893-10 台南府城教會報 文類-散文 作者--/-]
做紙ê方法 [ Chò choá ê hong-hoat ]
做紙ê方法將舊ê物換做新樣--ê。1893.10 102卷 p.106-107請大家看對面ê尪仔圖人有用濟濟物做紙，tī中國較常是用chíⁿ-chíⁿ ê竹；tī西國若beh做較好ê紙就有用布，是人所放sak ê舊衣裳，hit號。今，beh略仔議論將布做紙ê方法。 做紙有用麻及棉ê破布。絲、綢、呢無合，所以chiah-ê物及pín針、鈕排，hit號，著揀出來除去。Koh從中合用ê破布著分別款式，粗--ê thang做粗紙，幼--ê thang做幼紙。破布分別了就有提tī割布桌，割hō͘伊一塊一塊，橫直各四吋。割布就是thán-khiā插tī桌面。人將雙手割裂布tī刀嘴。(看對面尪仔圖頂頭ê。)...

[1894-1 台南府城教會報 文類-散文 作者--/-]
體恤禽獸 [ Thé-sut khîm-siù ]
體恤禽獸1894.01 105卷 p.143譬喻有某人做一項物，伊實在 m̄-ài 別人敗壞hit個物。上帝有創造禽獸，所以伊也m̄-ài人濫糝款待 in。 禽獸是真心適亦有大路用。人若缺欠in，就bē免得大艱苦。 人是較gâu 禽獸，亦有時伊ê 力是較大in-ê，所以伊快快會壓制贏過 in。凡若勇健--ê kó͘-chhiáⁿ酷橫軟弱--ê，就伊著受見笑。 有時人無照法度款待禽獸，是因為伊無想著抑是bē 記得伊所做 ê 事誌是m̄合宜。 因為上帝ê 真理tī 西國有應驗，君臣有設立命令禁人歹款待禽獸，亦有仁愛ê 人chò-hoē常常謹慎，看有甚物人犯著國法，就有liâm-piⁿ 告hō͘ 官...

[1894-2 台南府城教會報 文類-散文 作者--/-]
盡忠到死 [ Chīn-tiong kàu sí ]
盡忠到死1894.02 106卷 p.4, 9請大家看下底第9面ê尪仔圖有君王若 beh 招兵勇就有報揚 in beh 得著甚物報賞，攏無講起 beh 抵著甚物艱苦。耶穌無án-ni-seⁿ。伊有明明kā 人講 in 若 beh toè 伊的確 beh hō͘ 對敵怨恨、誹謗，佮另外歹款待濟濟項 ê 款式。 光佮暗攏bē和，所以趁真理 ê 人常常 hō͘ 世俗人佮 in 做對敵。雖然是án-ni，iáu-kú thang 常常歡喜，因為心內 ê 平安是chám然大。這號 ê 平安魔鬼 ê 百姓無一點仔會曉得。 得著白米是因為有經過扑佮舂。濟濟號ê 種子若無研著就攏無出好味。án-ni-seⁿ，...

[1894-2 台南府城教會報 文類-詩 作者--/-]
補養心神詩 [ Pó͘ ióng-sim-sîn-si ]
補養心神詩 1894.02 106 koàn p.10 「養心神詩」1本是做咱教會ê大路用，從中ê詩濟濟真好thang 教示人，hō͘ 人較快bat 道理。總--是有1項thang 嫌，就是傷少，詩只有59首nā-tiāⁿ，bē-tit thang 齊備做教會逐項ê路用。扑算天下無1個教會親像咱ê hiah 大詩冊到hiah欠缺。也chiah-kú攏無加添新ê,差不多20年久猶原是hit 本。Hit 時ê中間雜錄參會報卻有新出幾若首；總--是揀選--起-來只有10外首會堪tit用。Chiah-ê 詩也攏是阮外國人做--ê。兄弟無做，káⁿ無的確是因為in bē會，kiám-chhái是tuì...

[1894-3 台南府城教會報 文類-散文 作者--/-]
公論事理 [ Kong-lūn Sū-lí ]
公論事理1894.03 107卷 p.15-16 1. 有時兄弟 ê 厝離拜堂較遠，kiám-chhái phò͘ 外路抑是兩phò͘路，in 就ài 另外聚集：今問看應該著准in較好，抑是著勸in 著來拜堂聚集較好？ 黃德標寫：我想這個事不止oh應。若是上帝 ê 神逐所在tī-teh；親像耶穌應撒馬利亞 ê 婦人人講，「拜上帝無論這個山抑是耶路撒冷，要緊用誠實」。Koh講，「無論甚物所在兩三人聚集，我也佮 in tī-teh」。照 án-ni 來論thang准家己聚集。著想這時逐人心性軟弱，著勉勵 in來禮拜堂正合實，莫得准 in 家己聚集。來做5項。頭1項，會貧惰。第2，會驕傲。第3，會...

[1894-4 台南府城教會報 文類-傳記 作者-胡朝枝/Ô͘ Tiâu-ki]
洪明理別世 [ Âng Bêng-lí pia̍t-sè ]
洪明理別世(是胡朝枝寫--ê.)1894.04 108 卷 p.33 洪明理就是Liōng仔！對tī 1893年入教。伊對出世以來身軀常常bat有破病，到上10歲以來就較罕tit破病。論到伊ê做人樸實儉省，伊做人ê子兒有孝、有義，m̄免 hō͘ in 序大人受氣來嫌伊，伊是不止gâu 幫贊序大人。對幾若年以來會曉記數，買賣不止有次序。伊kap厝邊鄉社ê 囡仔做伙，伊m̄ bat kap人冤家，亦m̄ bat kap人相扑相罵，這號ê事攏m̄ bat。我來東港，伊抑bat 成年久來kap我讀冊；tī學--ni̍h伊亦是顯明好ê款式。伊bat kā 阮講伊真ài讀冊，bat 求in老父到流目屎。...

[1894-8 台南府城教會報 文類-散文 作者--/-]
利益青暝人ê告白 [ Lī-ek chhin-mî-lâng ê kò-pe̍h ]
利益青暝人ê告白1894.08 113卷 p.84通中國內ê 青瞑人差不多有五十萬左右。4年前，上海 ê 總會有揀選幾若人替in 設法，也勸逐位ê 先生著佮hiah-ê人盡力鬥辦。 Lín已經知府城內佮泉州城現在有兩間學 hō͘青瞑人thang受逐項 ê 教訓。學生每日照時用功讀冊也兼略仔teh 學工藝。舊年余先生娘 tī 府城真出力來料理這層事。可惜伊 ê 身軀染著破病，姑不chiong著倒去祖家。伊常常替 in 圖謀救援，想到日後 ê 事誌；所以m̄若教 in 讀冊寫字nā-tiāⁿ，koh 教in 做kan-kí thang家己趁錢，來度口，m̄免終身倚靠別人飼。 今因為事猶bē成，阮à...

[1894-8 台南府城教會報 文類-散文 作者--/-]
辨聰明智慧 [ Piān chhong-bêng tì-huī ]
辨聰明智慧1894.08 113卷 p.83今論到士、農、工、商，m̄若1等號ê 人，無koh-m̄ 各有智慧聰明。總是用家己 ê 智慧聰明，卻也真濟。若m̄是趁 in 私偏 ê 意見，m̄知thang反悔改變，就是hō͘世俗氣習把縛，bē 免得變通。Hāiⁿ ah！親像 hiah-ê講是智慧聰明，究真攏無智慧聰明tī-teh。Che是甚物緣故？獨獨boē-bat聽見聖經所講，「敬畏上帝便是智慧，離開歹事就是聰明」 hit號 ê 教示。 試將 in 倚靠家己 ê 私心來論，知讀冊人弄人相告來做狀書，向望食筆尾ê 錢。做田人bē 曉培養稻仔，常常放teh 拋荒。工夫人做出奇怪淫慾 ê 器具。生理...

[1894-8 台南府城教會報 文類-散文 作者--/-]
培養囡仔 [ Poê-iúⁿ Gín-ná ]
培養囡仔1894.08 113卷 p.87 凡囡仔斷乳 ê時bē-tit-thang一盡共款。總著看母身佮囡仔 ê 身軀àn怎樣。設使做母 ê 人身體無勇健，就應該著早斷乳較好；大約若到八九月就thang kā伊斷。若是母身氣力充足，囡仔軟弱，著聽候較慢，才thang。凡若囡仔今才發嘴齒，m̄-thang斷乳，嘴齒若慢發，也m̄-thang斷乳，大概著到度晬才來斷。因為一年了後，母ê 乳漸漸無力，bē 會培養囡仔。若beh 斷乳也 m̄-thang忽然間，著代先教伊食別物慣勢，tuì 漸漸到自然。凡7月日 ê 囡仔，每日2擺著用好ê 牛乳 hō͘ 伊食，佮水攪齊，然後水thang漸漸減較少；...

[1894-9 台南府城教會報 文類-散文 作者--/-]
一箍銀 [ Chi̍t-kho͘-gîn ]
一箍銀1894.09 114卷 p.92我前日看一箍銀tī某人ê手--裡就有想三項，是照下底所記載。1.有想hit個人怎樣得著hit一箍銀。Hit個銀雖然tī伊手--裡無的確是伊ê。濫糝得著銀有幾若款，從中thang講，----是搶--人，是偷the̍h--人，是勒索--人，是拐騙--人，是khiâu-khò--人，是橫chāⁿ--人，抑是poa̍h嬴kiáu佮出賣害人ê物，hit號。Chiah ê歹路平平thang嫌，亦人若趁chiah-ê僥倖ê計謀就所得著ê銀決斷m̄是伊ê。伊是歹人，伊是賊。凡若對重橫財上帝m̄-ti̍h ，亦hit個人的確bē得thang平安。得著合宜ê錢無人thang...

[1894-10 台南府城教會報 文類-傳記 作者--/-]
數念涂牧師 [ Siàu-liām Thô͘ Bo̍k-su ]
數念涂牧師1894.10 115卷 p.106（Tī下底所記hit幾句是對傳道先生兩人ê批引起。）今仔日我接來這張公批，內中是講起涂牧師過往ê情形。人聽見這號ê消息真thang憂悶，因為教會有失落1支手骨。今koh 較thang憂悶--ê，是tī 這世間無koh thang 看見先生ê面。想到伊tī這二月間kap 我tī chia 相kap 講話，教示我ê言語，kap相kap去探chhoē 兄弟，chiah ê事情，甚至到流目屎，無thang koh受先生這號ê痛疼。總是我知先生平生有出力著磨服事主，無嫌厭，才今仔日咱ê主疼伊。先接納伊去得著hit號永遠無窮盡ê福氣。這時tī主ê身邊，tī-h...

[1894-12 台南府城教會報 文類-散文 作者--/-]
平安兩字金 [ Pêng-an lióng-jū kim ]
平安兩字金1894.12 117 卷 p.130 Tī 世間卻有少少人 m̄-bat 經過艱苦 ê 情形。這號事人自然愛脫離。雖然是世俗人in 會曉對重平安。In 常常有去下佛求安，m̄-kú 照咱明明知tuì 這號 ê 方法決斷無thang成in-ê意願。 平安有兩款，就是假影--ê 佮真實--ê。浪蕩子 tī 起頭扑算有快活，後來知無。囡仔憨想無讀冊，kan-ta thit-thô是好，總是到大漢是無路用 ê 人，就是真慘。空虛ê 平安是暫時nā-tiāⁿ。真實--ê是久長。 若有罪，的確無平安。罪 tī 心--ni̍h 會大苦楚--人。只有清心 ê 人有平安。 聖冊有將一條溪來譬喻平安...

[1895-5 台南府城教會報 文類-散文 作者--/-]
和約ê條款 [ Hô-iok ê Tiâu-khoáⁿ ]
和約ê條款1895.05 122卷 p.46中日所立ê和約hiah ê條款已經有印tī阮ê新聞報；今m̄ 免攏總翻譯，kan-ta摘出逐條ê大略來印tī下底：1.高麗國thang自主，m̄ 免koh進貢中國。 2.中國遼東beh 割一塊hō͘日本。[後來這款是免。] 台灣著hō͘伊。 澎湖著hō͘伊。3.兩爿著派人去分別界址。4.中國著賠銀兩萬萬兩。[因為遼東無hō͘伊，加貼一萬萬兩。]著做8 pang 繳清楚，頭pang 限 6月日著繳 5000萬，二pang koh 6月日koh繳 5000萬。其餘分做 6 pang 交，一年koh繳一koè。停到6月了後所未交ê銀攏著算利息hō͘ in,...

[1895-6 台南府城教會報 文類-散文 作者--/-]
劉欽差ê告示 [ Lâu Khim-chhe ê kò-sī ]
劉欽差ê告示1895.06 123卷 p.52欽命幫辦台南府防務記名提督軍文選做閩、粵、南澳，事理台灣水陸chiah ê地方ê總鎮，I-phok-tek-in Pa-tô͘-ló͘劉。因為出告示吩咐lín著知ê事：照得台灣安平ê地方有紮英國兵勇40名，本是為著保護洋行ê客商起因--ê,本幫辦因為驚了插雜生出禍端，所以參詳准大英國領事官將洋兵hō͘ in搬落船倒去＊。所有chiah ê洋行、教堂、醫館ê人，就對本幫辦認做保護，應該趕緊出告示。為著這告示，請紳士、商務、軍兵、百姓者ê人一體chiâu知，著知無和順kap咱teh動干戈--ê,獨獨日本這國nā-tiaⁿ，其餘西洋各國攏是屬tī和好ê國...

[1895-7 台南府城教會報 文類-散文 作者--/-]
論利益青暝人 [ Lūn lī-ek chhiⁿ-mî lâng ]
論利益青暝人1895.07 124卷 p.60【舊年甘牧師有出〈利益青瞑人ê告白〉。今有取兩篇頭名。現在一篇印tī 《聖會報》；koh 一篇印tī 這下底。】 論教外 ê 青瞑人。照我所查問阮廈門 ê 青瞑人共有300 外人；tuì 怎樣會知？是有查問 hiah-ê 看命 ê 青瞑人，照 in 講是有百4、5個teh 看命；koh有問hiah-ê teh 做乞食--ê,講有5、60人，其中有一半是婦人人。Koh 有人家 ê 青瞑人，無 teh 看命，亦無做乞食--ê,大約敢亦有成百外人，就án-ni thang知敢有300 外個青瞑人。 論所做 ê 頭路。照我看是親像有分做3、4等號ê 路；頭...

[1895-8 台南府城教會報 文類-散文 作者--/-]
利益青暝人 [ Lī-ek chhiⁿ-mî lâng ]
利益青暝人1895.08 125卷 p.78-79Khó͘ Bûn-gâm記--ê.(接前卷第60面。)咱看上帝創造人是齊全，較罕得tuì 出世就青瞑；設使有亦是少少。今青瞑人怎樣會chiah 濟？是會講得3 項 ê 緣故。1、就是tuì 家己招--來ê。2、是tuì父母所連累--ê。3、是人已經到年歲老，較常會致目珠花，無看見。 頭1項，人 ê 青瞑怎樣講是家己招--來ê ？咱看chiah-ê 家己招--來 ê 青瞑人，較濟是20外歲到30外--ê,因為 tī chiah-ê 年歲 ê 中間，人較常做歹子，tuì 重女色過頭，家己蹧躂身命，常常致毒瘡ê症頭，致到目珠青瞑ê是真濟。Koh是有-...

[1895-9 台南府城教會報 文類-散文 作者--/-]
利益青暝人 [ Lī-ek chhiⁿ-mî lâng ]
利益青暝人1895.09 126卷 p.83-84Khó͘ Bûn-gâm記--ê.(接前卷第79面。)第2項，論做工。我想有幾若號ê 粗工thang hō͘ 青瞑人來做。1﹑就是撩鋸 ê工。2﹑就是舂米。3﹑扑索仔。4﹑就是較輕闊--ê,親像學刺襪，抑是刺帽仔。總--是tī 這4號ê 工，第先的確著有教內 ê 人來設，才會做--tit；因為較會盡力教，亦會淡薄 ê 體貼；教會做逐號ê 工，就逐人會趁錢做伊家己 ê 所費。 1﹑論撩鋸 ê 工算是粗重。若是青瞑人甘願做，亦著有目光--ê thang佮伊牽，一人一頭；起頭艱苦，m̄-kú 若到後來熟，就一日會趁得百外錢。總--是做這號ê 頭家，本...

[1895-9 台南府城教會報 文類-小說 作者--/-]
譬喻山鴨 [ Phì-jū Soaⁿ-ah ]
譬喻山鴨1895.09 126卷 p.91Tī蘇格蘭有一日1 ê做穡人tī山裡行遊，看見1隻山鴨ê siū,從中有卵tī-teh。伊將chia ê卵帶轉去創hō͘ 一隻機器孵。孵了出鴨仔子。 每日雞母就chhoā hiah ê鴨仔去厝前厝後四kè thit-thô,到tǹg就chhoā in 倒來hō͘主家飼，飼了就逐暝續chhoā入tiâu,kap其餘ê雞仔做伙歇。 人看hia ê 鴨仔無phai-phoe in是山鴨。有歷過幾仔禮拜就hiah ê鴨仔漸漸大 in ê 幼毛變做粗毛。逐日in 去溪仔siû水，後來落溪仔siû出大河。總是逐暝猶原倒來chia 續去歇。到後來in 就kan-ta...