[1909-10 台南府城教會報 文類-散文 作者--/-]
上帝ê織工 [ Siōng-tè ê Chit-kang ]
上帝ê織工1909.10 295卷 p.80人活tī世間一生ê履歷是親像teh織布ê款式。若beh織布著有布規kap逐項ê機器。論上帝hō͘咱所經過ê時候，譬論親像布規一經一緯teh織。人ê心teh應接代誌是親像線索teh經過經緯。所用ê線有烏kap白兩式。烏--ê是那準人tú著煩惱，白--ê是親像得著歡喜。織工著有一個版thang看樣。論teh織beh成做叨一樣，人看bē見，kan-ta上帝知nā-tiāⁿ。有時hit號心ê線索纏著濟濟條烏線，也咱m̄知是àn怎樣。著聽候到著án-ni。因為有時著配白線親像hō͘人歡喜，也有時該得著kah較濟烏線親像hō͘人煩惱；若無án-ni就bē tit...

[1909-10 台南府城教會報 文類-傳記 作者--/-]
趙時回ê小傳 [ Tiō Sî-hoê ê Sió-toān ]
趙時回ê小傳1909.10 295卷 p.84-85趙時回先生，是阿猴廳屬東港教會南爿庄ê人。出世tī 1864年；無兄弟有兩個小妹。細漢ê時老父就過身；佳哉伊ê三叔是熱心拜上帝ê人，引chhoā伊來聽道理。續設法hō͘伊來東港教會ê小學讀冊。先生雖然m̄是資質真懸，iáu-kú是殷勤好學ê人。Tī小學讀冊幾若年就不止進步，所讀ê冊真濟。tú遇巴牧師去hia巡視聖會，看伊是殷勤可取ê囡仔會栽培tit，將來thang做較有路用ê人，就chhoā來府城hō͘伊做淡薄工，順機會教示伊bat道理較深。後來牧師那知伊ê好品行，就舉薦伊入大學讀冊講究道理。在學ê時殷勤學習，尊趁學規，敬重先生，kap窗友和...

[1910-2 台南府城教會報 文類-散文 作者--/-]
Sòng-hiong變好額 [ Sòng-hiong pìⁿ hó-gia̍h ]
Sòng-hiong變好額1910.02 299卷 p.15救主降生1909 年7 月間有1 個乞食，姓洪名Phauh仔，遇著落大雨來Hoan-oah ê 拜堂分。傳道就問伊ê 因由，講道理hō͘ 伊聽，引起路加16：20。22 節。伊就講20 外年前伊ê 親人bat 講道理hō͘ 伊聽，hit tia̍p 伊躊躇﹔伊做乞食20 外年久。 Tuì án-ni 傳道kah 伊著決斷，到禮拜日果然逐禮拜來﹔傳道看伊來就giâ the椅hō͘ 伊坐﹔坐tī 台桌ê 身邊，因為耳空盡重，有75 歲。 來禮拜ê 時伊真歡喜﹔禮拜日m̄-bat kā 人分，伊ê ka-chù 竹管寄伊ê親人 ﹔kah 傳...

[1910-5 台南府城教會報 文類-散文 作者-廖三重/Liāu Sam-tiōng]
基督教ê偉大 [ Ki-tok kàu ê Uí-tāi ]
基督教ê偉大1910.05 302卷 p.40-41(廖三重翻譯。)神學博士鵜崎﹙Uzaki﹚講：基督教是掠拯救人類做目的，贏過平常 ê 宗教；伊ê 起源發達kap感化感化 tī 天下ê 來歷無一號教thang kap伊比並。基督教m̄是講鬼話抑小說；是確實 ê歷史有憑據 ê 實事。Tī基督教有tuì 2000年間人ê講究kap 進步所證明ê記錄tī -teh。阮chiah-ê 講這個教贏過平常，m̄是sai-khia ê意見，是有內外ê 事teh干證。今我扑算ài 將歷史上ê 事情做根本來論基督教偉大ê 所以然。 講起基督教偉大ê 第一要端就是教祖 ê 人品。論基督 ê 人pān已經有定著ê...

[1910-7 台南府城教會報 文類-散文 作者-廖三重/Liāu Sam-tiōng]
基督教ê偉大 [ Ki-tok-kàu ê Uí-tāi ]
基督教ê偉大1910.07 304卷 p.57(廖三重翻譯。)(接前張第40面。)以上是基督教主義，現今實行tī 世界。看最近 100 年間基督教 ê 活動koh較 thang 驚--著：-- 親像設主日學；外國宣教ê事業；青年會；救世軍；共勵會；禁酒會；改良監獄；保護出監人；救濟貧民；其餘向望 改良社會 ê 宗教運動；計謀做世界 ê 福氣hiah ê 事照現今ê 實情是人人所知。主 ê 祈禱文講：「你ê 國臨到」，今確實有teh應驗。 總--是beh 總結來論，著將攏總事情來參考，若ài 明基督教偉大 ê性質：kan-ta 將基督 ê 品性，伊ê 事業kap事業ê 外部所顯明ê,beh來齊知...

[1910-10 台南府城教會報 文類-散文 作者-馬醫生/Má I-seng]
寒熱論 [ Koâⁿ-jia̍t Lūn ]
寒熱論1910.10 307卷 p.80-82(馬醫生記--ê.)(接前張第72面。)照我teh 講這號熱病是tuì 蚊咬才起，若無蚊的確bē án-ne。今著想看有甚mih方法thang來持防伊。卻有幾若個法度；中央會分別2款；頭一款就是著阻擋蚊hō͘ 伊bē-tit近倚咱 ê 身軀；koh一款著滅無生蚊ê 所在，hō͘ 蚊攏無。若beh 阻擋蚊m̄ hō͘伊近倚身軀，尚好ê 法度著歸間厝圍鐵網仔紗；若用這個法，雖然1半隻蚊有時會入來，iáu-kú 較大面m̄是hit號有毒ê 蚊，若有hō͘ 伊咬著也bē 起寒熱。 可惜這個法度，著開真濟錢，驚了人做bē到。總--是若圍一二間 ê 房也是有路...

[1910-10 台南府城教會報 文類-散文 作者-高金聲/Ko Kim-seng]
敗壞時日ê蟲 [ Pāi-hoāi Sî-ji̍t ê Thâng ]
敗壞時日ê蟲1910.10 307卷 p.78-80(高金聲牧師記--ê.)蟲有真濟種，大概來講有2類。親像水雞食稻仔蟲，tō͘-kún 會hō͘ 土鬆，蠶會吐絲，蜂會放蜜，chiah ê 號做有利益ê 蟲。草蜢會害所種ê 五穀，白蟻會車柴，chián-hî食冊，蚊仔會釘人，chiah ê 號做害蟲。論時日 ê 中間kiám也有害蟲？細膩來想，m̄-nā 一種；排列 tī 下面。 1.破病。病痛m̄是咱所ài,總--是人bē 免tit 會病。早時孟擭雖然猛，孔明7 擺放伊去，猶原koh掠著。崑崙關卻堅固，更鼓扑3下hit時，就hō͘ Te̍k-chheng 佔去。若是破病一下到，隨是有智識 ê...

[1910-11 台南府城教會報 文類-散文 作者-高金聲/Ko Kim-seng]
敗壞時日ê蟲 [ Pāi-hoāi Sî-ji̍t ê Thâng ]
敗壞時日ê蟲1910.11 308卷 p.89-91(高金聲記--ê).(接前張第80面).6.做工無定著ê 心。Bat看著學仔ê 學生teh 讀冊，tiap仔久仔so腳pê手，tiap仔久仔iúⁿ 水灌tō͘猴，tiap仔久仔hiat 球鬥輸贏，tiap仔久仔樹腳拾果子，延chhiân真久，一本冊讀才會熟。Koh有人bat 學國語，半路煞去，倒去作穡。到後--來kap 日本人交陪，嘴開thi̍h-thu̍h哮，才反悔beh koh 學國語。總--是前所學ê,今bē 記tit，不得已著tuì 初學扑起。又koh咱若做工無定著ê 心，自然無定著ê 工，歸日所做無次無序，不tap不chhi̍t,l...

[1920-3 台南府城教會報 文類-散文 作者--/-]
結實百倍 [ Kiat-si̍t Pah-poē ]
結實百倍1920.03 420卷 p.11-12(Û-seng記。)美國加尼基翁是世界出名ê好額人、慈善家、平和論者。伊tī 1838年，11月25日出世。老父是蘇格蘭ê散hiong人。細漢ê時，看見老父趁食ê艱苦，就立志講，別日的確著將家內ê散hiong根khau hiat-ka̍k 。就奮志讀冊，也抵好有安歷遜大作，將伊400本冊，teh借少年人佮囝--仔讀；伊就每拜六去kā伊借。後來受感激，志願講，我別日若有錢，的確beh設圖書館，hō͘人看無錢。 13歲ê時，beh去美國趁食，可惜無所費，佳哉有好心朋友贊成。第先到美國，是做紡織工場ê工。16歲ê時，去做電訊局ê配達夫。後來去入會社；h...

[1920-9 台南府城教會報 文類-傳記 作者-葉金木/Ia̍p Kim-bo̍k]
陳所育ê小傳 [ Tân Só͘-io̍k ê Sió-toān ]
陳所育ê小傳1920.09 426卷 p.8(葉金木記。)所育就是水返腳ê教會陳欣長老ê第三子。伊對細漢就得著主日學ê 教示，伊對細漢到今有真乖，hō͘教會內外攏o-ló伊；無扑算tī頂月12日就hō͘主揀召伊離開世間，今年24 歲。Hàiⁿ--ah!真正扑損，失落這個好佮有路用ê青年人。Tī 12 號e晡tī本堂做埋葬式。論伊ê做人我ài寫幾項可取排列tī下底。(1)伊ê信主。有守道理要緊禮拜。(2)伊ê有孝。對會趁錢ê時起，食穿chhìn-chhái,逐月日有khek-liám錢hō͘父母做家庭ê所費。(3)疼兄弟。兄弟有抵著事誌伊真歡喜幫贊。(4)盡忠。伊有hō͘ 幾若人倩，有內地人也有...

[1920-11 台南府城教會報 文類-散文 作者-鄭溪泮/Tēⁿ Ke-phòan]
問症發藥 [ Būn-chèng Hoat-io̍h ]
問症發藥1920.11 428卷 p.9-10(鄭溪泮記。)10外年前我bat入台南醫館看見禮拜廳ê 大柱有貼一張白紙寫烏字，題目是講「問症發藥」，實在真好聽。 有一擺我去chhoē 醫生，kā 伊講：「醫生啊，平安。」伊講：「平安，你有甚物病？」我應講：「正手ê 指頭仔hō͘ teh滾ê 牛乳燙--著，teh phòng-phā,bē 摸得。」醫生問了做伊--去，攏無藥hō͘我，hit時我ê 心大艱苦。 這兩層ê 事隱密真久，到這tia̍p 就鑽出 Kok-kok-thaⁿ愛講幾句分lín聽。醫生一個，患者講百，若無詳細研究，就oh得知伊ê 病原。既然m̄ 知，就診斷差錯。醫生teh 看病有...

[1920-11 台南府城教會報 文類-傳記 作者--/-]
小傳 [ Sió-toān ]
小傳蕭Tek-bêng先生娘1920.11 428卷 p.12先生娘今年33歲。伊出來做主ê工頭尾14年。伊每任beh換位ê時教會ê兄弟姊妹真m̄甘，因為對兄弟姊妹講話輕聲、細說、親切、好感情、無激派、無大細心、老實、正氣。Koh 1 項，伊每禮拜做唸主日神糧來做眾姊妹ê模樣。伊每禮拜有婦人人ê祈禱會不止感激姊妹ê 心。雖然無讀女學，iáu-kú 論伊teh祈禱、講理不止感激人ê心。先生娘ê天資真足。真gâu吞忍，有甚物姊妹對伊講無道ê 話，伊也無受氣，m̄ bat 佮一位姊妹來計較甚物。亦真gâu款待丈夫，也真gâu整頓拜堂內外清氣。先生娘所做ê 夠額thang做教會ê模範。Tn̄g-pat...

[1920-11 台南府城教會報 文類-傳記 作者-陳添旺/Tân Thiam-ōng]
小傳 [ Sió-toān ]
小傳Tīⁿ Gím-sam.1920.11 428卷 p.7(陳添旺記。)Chit人是Bâ-û教會鄭Teng-thiam長老ê 第三子，今年18歲。淡水中學三年生，入學了後tī淡水受洗禮入教會。今年歇熱回家iáu有佮阮去赴佈道會，無扑算7 月尾起寒熱病，到9 月27 號 hō͘主召伊離開世間。28號tī大甲安葬。失chit號青年輩聽見ê人無m̄傷心。父母親人也憂悶boē了。(1)品行當正。對父母順情、有孝，m̄ bat hō͘ 序大人氣苦。對厝邊、嬸、姆、朋友有禮數，言語溫純、正氣hō͘人欽服o-ló。(2)Gâu吞忍。破病hiah 久，無啍呻、無khiâu人、無叫艱苦。(3)志望高大。Hit...

[1921-3 台南府城教會報 文類-散文 作者-陳添旺/Tân Thiam-ōng]
財，勢，力 [ Châi, Sè, Le̍k ]
財，勢，力1921.03 432卷 p.8-9(陳添旺記。)這3項ê問題是真闊，也是人所愛。 所羅門tī 傳道10：1 節有講：「人調和 芳膏真好，一下入毒虫隨時變臭。人有尊貴榮光齊備智識，名聲播揚真遠，一下行m̄ 好也是án-ni 。」人有驕傲貪心自大ê 性質，boē會自制；常常會將這 3項誤用過頭到無限量。今用這 3 項陸續寫明tī 下底： 1.財：就是錢財。Che 是逐人所欠用，hō͘ 人收入用出ê 憑據。古早是用物換物。現今生番也有。聖經講：「錢財是上帝所賞賜，著磨來得著才安樂享受。」人逐項愛用計策來圖謀趁錢，總是君子愛財，取之有道。聖經講：「貪財是萬惡ê 根源。」看這tia̍p 社會...

[1921-4 台南府城教會報 文類-散文 作者-陳添旺/Tân Thiam-ōng]
財，勢，力 [ Châi, Sè, Le̍k ]
財，勢，力1921.04 433卷 p.7-8(陳添旺記。)(接3月ê第9面。)論勢，現時人真濟濫糝用。早阿哈王藉權佔善良民拿博ê 園，上帝命令先知咒詛伊，hō͘ 伊流血來死。大衛王藉勢佔盡忠兵烏利亞ê 某。上帝命令先知咒詛伊，後來災厄無離伊ê 家。以利兩個子告in 老父做祭司，tiàm 殿內濫糝做，致到攏滅無。俗語講：「靠勢 hō͘ 勢誤，一代phiⁿ 人，著三代 hō͘ 人 phiⁿ。」án -ni 雖然有勢，著gâu 幫贊人，m̄-thang 欺侮人，脅制人，才有合天理。若藉權勢，不論家，抑是國攏會敗。支那會敗到án-ni ，mā 是相爭權勢所致。德國王會敗，也是藉伊ê 權，來梟吞別國。...

[1921-10 台南府城教會報 文類-小說 作者--/-]
至好朋友 [ Chì-hó Pêng-iú ]
至好朋友1921.10 439卷 p.8-9(Lân Liân--氏Má-gio̍k記。)有聽見一個故事teh講幾若10年前英國ê女王有去探蘇格蘭ê京城，離hit個城無偌遠，有小所在近tī海墘，人tī hia較濟是討海ê,真無閒，真mî-noā趁錢。忽然一日聽見女王明仔再beh去in hia看看。 O--ah！逐家聽著，一面大歡喜，一面teh chhoah ，因為想in bē 堪得女王到in hia，in 是散hiong ê粗工人，所在也m̄ 成物。M̄-kú聽了逐家緊緊備辦，街路掃清氣，插英旗，創chhêng-siâⁿ，清潔內外，逐個攏停睏，連討魚船仔也洗清氣，網也收起來，四界創到真伶俐。 ...

[1921-11 台南府城教會報 文類-傳記 作者-李存州/Lí Chûn-chiu]
小傳：澎湖許統執事 [ Sió-toān. Phêⁿ-ô͘ Khó͘ Thóng Chip-sū ]
小傳：澎湖許統執事1921.11 440卷 p.4(李存州記。)統伯是屬西嶼ê教會。1902年受洗禮，今年受揀做執事。對入教會了後，熱心拜上帝，勤守聖日。雖然對著真濟ê khún-tio̍k 也無餒志；有時魚掠掠hō͘世俗人搶搶--去，也無beh佮人計較，做人真親切，厝邊人人好；真正是真ê基督徒。西嶼ê教會攏是倚靠伊1人teh料理設法，本身真甘願做主理，招人來禮拜；真正是西嶼教會ê光燈。今無--lah! 10月7 日，就hō͘主召伊離開世間，享壽51歲。攏總破病20外日久，10外日bē講話。Tī teh-beh 死ê時，iáu會開嘴苦勸會友著熱心拜上帝，著有智識。厝邊聽著伊死，逐人無m̄吐氣流...

[1924-11 台南府城教會報 文類-小說 作者--/-]
迷信ê艱苦 [ Bê-sìn ê kan-khó͘ ]
迷信ê艱苦1924.11 476卷 p.13Tī 印度國，某一個較細微ê 庄，百姓giâu 疑敢是神明teh 譴責in。就去問佛看著án怎樣才會平安？照hit 個尪姨講著thâi 一個查某囡仔來祭獻；後來hiah-ê 人議定著用某人 ê 子。抵好beh thâi 早一暝昏，有一個迷路ê 囡仔來hō͘ hit 個某人ê 婦人人拾--著，佮hit 個beh hō͘ 人thâi ê 囡仔做夥食做夥睏。 隔日，天未光，hit 個人beh 抱囡仔出去hō͘ 人thâi,想著m̄ 免用伊家己ê 子抱--出去，thang 用hit 個迷路--ê 來替--伊。總是hit 內面暗bong-bong 無點火，oh...

[1925-3 台南府城教會報 文類-散文 作者-盧百欣/Lô͘ Pek-him]
請看大慘事 [ Chhiáⁿ khoàⁿ toā Chhám-sū ]
請看大慘事1925.03 480卷 p.2-3(盧百欣)鄙人受派來toà田中，倚 beh 三年久，照所經過，地方ê 發達真緊，chia是芎蕉ê 出產地，致到趁著錢ê 人真濟。當teh發達，歡喜ê 時，忽然抵著大災厄，tī 2月20日午前倚兩點鐘，對上鬧熱ê 街中發火，hit時抵人teh上重眠，致到喝攏無救兵。當人到ê 時，火大焰，北風大透，致到重要ê 店頭攏燒--去，攏總燒了50外戶，這從有田中未bat有ê 大災厄，實在真大可憐代；有個kan-ta目箍紅，有個煩惱到憨憨，現時無厝企，無物食，致到著去別人兜歇企，án-ni受燒--ê 價格攏總約有20外萬，佳哉人攏無受害，啊！這等號ê 慘境，看了...

[1925-8 台南府城教會報 文類-傳記 作者-葉金木/Ia̍p Kim-bo̍k]
小傳鄭Teng-thiam [ Sió-toān Tīⁿ Teng-thiam ]
小傳鄭Teng-thiam1925.08 485卷 p.8(葉金木)鄭Teng-thiam 是Bâ-û教會長老，伊信道理有10外年久；對少年有食鴉片到50外歲。伊有1擺來Bâ-û看戲，抵著陳Kî-siông先生講道理hō͘伊聽；伊就歡喜來信，煞甘願改鴉片，對倚靠上帝用祈禱，無倚靠藥。對hit-tia̍p了後禮拜日除破病以外m̄-bat歇睏，對教會無論獻工、抑是獻金攏真甘願，逐擺若有佈道會抑是演說會，伊對早起著到拜堂發落買菜、掃內外、choaⁿ茶，實在真感心，koh伊真尊敬傳道理ê人，m̄-bat聽見伊有嫌傳道ê 是非。伊對舊年破病，身体軟弱，bē到拜堂，iáu-kú不時teh 掛慮教會ê事， ...