[1915-7 台灣教會報 文類-散文 作者--/-]
恭喜 [ Kiong-hí ]
恭喜！ 1915.7，no.364，pp.3 加拿大出名的神學校久仰甘牧師的好名聲，數念伊40外年久勞心勞碌愛救台灣的百姓，講究台灣的史記，近來著一本字典。想伊的利益人遐爾濟，就賜神學博士的職。實在咱著共伊恭喜。毋若是伊本身也是咱教會的體面。聖經講，「已經有的就加添予伊。」真正有影。停無幾日就有文憑對台南廳來講，賞勳局也愛賞賜甘牧師佩旭日章勳五等的功勞牌。按呢閣一擺通佮甘牧師相佮歡喜設使咱像甘牧師的慇勤到遐爾久，就佇上帝的面前毋免有驚見笑。天裡的體面也會得著。「好的奴僕ah！你佇少的已經盡忠，我的確用濟濟交代你，taⁿ通進入來享受你的主的快樂。」...

[1915-7 台灣教會報 文類-散文 作者--/-]
通行的腔口 [ Thong-hêng ê Khiuⁿ-kháu ]
通行的腔口 1915.7，no.364，pp.8-9 捌有人講教會報抑是白話冊著印照聖經通行的話。這層卻毋是講某教會較濟人所以著照伊的腔來應。也毋是講台南的教友袂曉看通行的話，抑是廈門人袂曉看漳佮泉的腔口(廈門話毋是腔，是通行的話，佮漳泉平平有choa̍h)。這也毋免論。拍算攏會曉，因為精差其實無幾字nā-tiāⁿ。不過是想著按怎樣較好。冊佮新聞毋知著印通行的話，親像閩南聖會報。雖然彼爿唐山廈門話有分真濟腔；漳，泉，永春，Tek-hoē，Tang-oaⁿ，腔佮音攏無相像，若是用廈門的話做準繩來應通通行佇漳，泉，永佮台灣的教會。在英國嘛是按呢。雖然腔佮音比咱這爿猶閣較濟，若是印冊抑是新聞攏是...

[1915-7 台灣教會報 文類-散文 作者-林燕臣/Lîm Iàn-sîn]
論嫁娶 [ Lūn Kè-chhoā ]
論嫁娶1915.07 364卷 p.9-10(林燕臣記)。論嫁娶ê風俗，照古早ê例，男30歲才娶，女20歲才嫁，這是周公所定著ê例。Koh文中子ê冊有講：「婚姻論財夷虜之道，君子不入其中。」解說就是講，嫁娶若計較聘金是蕃邦ê法度，君子ê人m̄入in ê所在；意思是看輕嫁娶beh收聘金偌濟，若準做買賣一樣。可惜今不同古，風俗ná變ná歹，一項是早嫁娶ê m̄好。bat看見查甫人tī 18、19歲ê時就娶，查某人tī15、16歲ê時就嫁，致到無幾歲就死，設使若無短歲壽，就所生ê子兒也m̄成物，親像果子叢愈幼嫩，就所結ê果子真細粒，人早娶也是án-ni。 Koh一項，嫁娶ê m̄好就是代先品聘金偌濟...

[1915-7 台灣教會報 文類-散文 作者--/-]
世間的腔口 [ Sè-kan ê Khiuⁿ-kháu ]
世間的腔口。 1915.7，no.364，pp.12 按算世間有3000左右的腔口，較濟是袂受教化野蠻的人民所講的話語nā-tiāⁿ。講英國話有一萬萬；講法國的話有4000萬；講德國的話有7000 萬；講義大利的話有3000萬：講西班牙的話有4000萬；講葡萄牙的話有1000外萬；講俄羅斯的話有6500外萬。...

[1915-8 台灣教會報 文類-散文 作者-何希仁/Hô Hi-jîn]
以利亞上天 [ Í-lī-a chiūⁿ Thiⁿ ]
以利亞上天。 II 王 1-18 (何希仁記--的)。 1915.7，no.364，pp.1-2 以利亞知影無偌久上帝欲召伊倒轉去天--裡。愛佮伊的學生相離別，就招以利沙佮伊做陣去巡幾若間的學校。早時神學校設佇幾若位，學生蹛佇遐逐个有伊的事業。有的做木工，有的剉柴，有的作田，有的拍鐵，兼讀冊研究神學。做先生著愛去巡，佮in交陪紲開講上帝奧妙的道理。以利亞的時陣學校有設立佇Ka-bi̍t山，Kiat-kap，伯特利，耶利哥chiah 的所在攏有。略仔會比得孔子，孟子招學生做陣出門周遊四方教示百姓，諫諍皇帝。 以利沙佮以利亞比chiah 的眾學生較親密。以利亞招伊出門，親像後來保羅招提摩...

[1915-8 台灣教會報 文類-散文 作者-廉德烈/Liâm Tek-lia̍t]
慈善會 [ Chû-siān-hoē ]
慈善會 1915.8，no.365，pp.3 (廉德烈記)。 近來南部的佈教慈善會無甚物振興。舊年10月中會聚集掌數將數項來報告。彼霎就知彼个勢面的風險。雖然有幾若位的教會擔當in全年的所費，iáu-kú咱所請的傳道師較濟著倚靠慈善會來補足in 的束金。英國的教會卻有補助金，總是有限定著；現今每年有補助3800箍。又閣因為歐洲的戰亂祖家宣道會有缺額，遐的董事teh料理著無通加添這號的補助金。 發傳道束金的掌數廉德烈知影銀開teh欲了，就請傳道局佇7月20日聚集來議論。阮規日出力參詳這層代誌。因為現時眾傳道的辛金無夠額通發到七月，阮定著有派人欲去各教會佮會友商量看有甚物法度通來補足這...

[1915-8 台灣教會報 文類-散文 作者-巴克禮/Pa-khek-lé]
查--字佮台南腔 [ Cha--jī kap Tâi-lâm Khiuⁿ ]
查--字佮台南腔。 (甘牧師記的)。 1915.8，no.365，pp.4 到40外年久白話字的聖經有分別ch字佮ts字的路用。這是合佇羅馬逐字自然的音，是趁人這陣所對重的聲音學= Phonetics。彼號分別的規矩是盡快。台南屬的會友若使寫ch字佇e佮伊字的頭前；ts字佇a ng o o͘佮u字的頭前，也照眾人teh用的新舊約印各等號的冊佮字樣，in就會顯出相讓的心，紲予濟濟人較看活平安。咱啥事將所印的來鼓舞幾若款的字法佮腔口？Kiám毋較好著緊緊除去這號輸贏的毛病對咱中間？主耶穌有講，「家內城邑家己佮家己不和，伊徛袂tiâu。」馬太12：25。 論這層事，不止有因端予咱通相佮行。一...

[1915-8 台灣教會報 文類-散文 作者-郭水龍/Keh Chuí-lêng]
巡迴東岸 [ Sûn-hoē Tang-gān ]
巡迴東岸。 1915.8，no.365，pp.5 新曆5月尾阮去宜蘭巡東海岸的教會，踮宜蘭街一禮拜久，因為雨水真濟袂得去各地方的拜堂。佇宜蘭街逐暗有佈道。現時宜蘭風氣較開，人較甘願揣問道理，可惜教會真oe̍h亦無應接的所在，就中等社會愛來查問道理較不便。劉牧師看這个機會愛欲緊起拜堂，所以教士會有議定今年欲著手興工，劉牧師欲去監督。二號阮有去羅東致意揣地愛買，起拜堂；有幾若位不止好，已經託重人。二八日有去蘇澳，彼的昏佇街路佈道，真濟人來聽，徛佇彼路邊說教。這位生理ná鬧熱，海產亦濟，tsoè-liāu，激腦，後日火車會到，真可惜無一間拜堂。 二九日落船出帆去花蓮港，宜蘭的傳道7名同船去...

[1915-8 台灣教會報 文類-散文 作者-郭水龍/Keh Chuí-lêng]
作賊狀元材 [ Choè-chha̍t Chiòng-oân-châi ]
作賊狀元才1915.8，no.365，pp.6 近來有一chiáng惡數改做馬偕醫院ê先生亦自稱信徒，去各地方庄社山場欺騙教會內佮教會外ê人。In先探聽會友ê名，入厝揪手行禮，相借問了，攏是講道理話。一个自稱是醫院ê先生，年歲30左右，藉言受宋醫生差派出來巡各教會，總是到逐位攏無相同。後來就紲共人醫病，攏是半賑濟，到藥泡好就愛一，兩，三，抑是五箍銀。錢the̍h了隨時離開，不知去向，雖堂會teh注意掠袂著。本堂這pang來有兩家ê會友予伊騙去，後日毋知欲偌濟會友拄著。照我想這號人會害著教會人佮醫院，所以緊寫幾字通知各位ê會友著細膩。 郭水龍。...

[1915-8 台灣教會報 文類-散文 作者--/-]
論印度國 [ Lūn ìn-tō͘-kok ]
論印度國 1915.8，no.365，pp.5-6 印度國 (就是天竺國) 的百姓有saⁿ慢慢較加，攏予英國管。這擺佇歐羅巴洲拄著大相刣，印度國的百姓佮頭人真出力幫贊英國，有的家己甘願做兵去相刣，有的獻金真濟相刣的時德國有teh向望印度國會反叛，反轉看印度的百姓hiah熱心幫贊英國，德國就真gông-ngia̍h。 英國管印度已經有真久。國內有不止濟項進步。已經有造火車路十萬里較加；逐年有載客三百五十萬：有牽二十萬里的電報線，通予國內通訊較利便。國內有開二十六萬里的水圳來灌沃兩千萬甲田。論教育有設大學，高等學，中學佮小學校真濟；本地人有不止濟的考學士，文學士，理學士，醫學士，也有考博士的...

[1915-8 台灣教會報 文類-散文 作者--/-]
真的葡萄樹 [ Chin ê Phû-tô-chhiū ]
真的葡萄樹 1915.8，no.365，pp.6-8 佇約翰15章咱的主有講伊本身是真的葡萄樹，咱世間人是樹枝，也樹枝若是離開樹就攏袂做啥貨。是咱大家所知樹木是有樹接佇樹身樹枝樹葉saⁿ貫通才會茂盛大成結果子。 對按呢通知幾若項咱世間人佮主的關係。 1.著佮主相連。約翰15章4，5，6節有明明教示若無佮主相連自予人hiat-sak用火燒，若是佮主交陪相連就會結真濟果子。論這款照人所想有真濟款，總是有兩三項不時予人深深記得，就是祈禱上帝，佮主交陪，讀聖經，去拜堂禮拜。佇京都有一個教會信者真少，彼个教會的一半的信者真熱心，逐早起5點外鐘起差不多30分久聚集佇拜堂相佮吟詩，讀聖經，祈禱佮...

[1915-8 台灣教會報 文類-散文 作者-何希仁/Hô Hi-jîn]
歐洲戰爭的講和袂 [ Au-chiu Chiàn-cheng ê Káng-hô bē ]
歐洲戰爭會講和袂？ 1915.8，no.365，pp.9-10 真濟人講這句是毋知chiah的大國為甚麼事teh交戰。現今台灣人看新聞，偌濟人損傷，toh一國贏，toh一國輸，飛行機飛到啥所在放爆裂彈，有時贏，有時輸，報到jû chhiáng-chhiáng，看報佮聽的人也是按呢。閣謠言英國人欲轉去做義務兵，欲保護伊的親人某囝，講chiah的戇話。也有講德國20年久teh備辦欲交戰，囤銃藥，用伊的才調來發明害人的家私，是真gâu，真khiàng。若是做野獸卻會講得是gâu。若是做人反轉是野蠻。頂面所講chiah的話其中也通好笑，也通可憐。 交戰的題目是大。通講是為著義理，為著救人來戰爭。...

[1915-8 台灣教會報 文類-散文 作者--/-]
彰化小學告白 [ Chiang-hoà Sió-o̍h Kò-pe̍h ]
彰化小學告白。 1915.8，no.365，pp.10 對有這間小學到taⁿ已經兩年外久；這是列位的耳空所捌聽見--的。 本然是對何牧師發起，有用真濟擺的交涉，才得著總督府認可，做中學的預備科。也聘請黃俟命先生來擔當這个工，就設十外項的科學，不止合路用，又閣有寄宿舍真濟間，通予遠遠來的學生閣利便通蹛。先生不止關心，有用cheng-十學生來就學，逐个無受著真大的利益。 無拍算佇今年的 5月為著身軀的阻擋，就時這个工，換任去鹹水港。對按呢拖我來續接，若是鄙人文學後輩，ù-le̍k庸才，實在毋敢擔當，總是有得著上主的恩惠，閣引chhoā兩位的先生來，一个全務漢文的先生王Phài-kheng，...

[1915-8 台灣教會報 文類-散文 作者-胡紹芳/Ô͘ Siāu-hong]
論科學 [ Lūn Kho-ha̍k ]
論科學。 1915.8，no.365，pp.10 國語，算術，漢文，修身，理科，地理，作文，習字，唱歌，畫圖，體操，羅馬字chiah的。 論寄宿社本然是臨時--的，所以著用蠓罩，taⁿ閣改良用鐵網做窗，予蠓袂得入，又閣較通風，學生就穩當較快活。 論伙食是寄宿生大家做伙食，照開逐月日每人著偌濟，本然較少人有較傷重，taⁿ若較濟人就穩當較省。 列位的兄弟恁若歡喜通送恁的子姪來，毋免驚無人顧，有先生佇身軀邊，毋免驚破病，醫館佇對面無偌遠，毋免驚無綴睏，房間真濟，毋免驚pû oe-á有人teh煮便便。實在逐項真利便。 向望列位若有欲送恁的子姪來通量早寫批予遮的牧師要緊佇西曆8月20日開...

[1915-8 台灣教會報 文類-散文 作者--/-]
婦學的告白 [ Hū-o̍h ê Kò-pe̍h ]
婦學的告白 (校長萬珍珠記。) 1915.8，no.365，pp.11-12 婦學已經設真濟年，總是會友少少人會明白開婦學的意思。對佗位通知？是因為常常接著批講，某姊妹愛去讀冊；毋kú到tè就知彼个姊妹lám身命。佇厝裡袂來的時較大面的意思毋是欲來讀冊，是欲順好機會通就近醫生紲罔讀淡薄冊，也好！若存這號意驚了讀了無功效。請看報的會友若聽著有這號意思的姊妹，著細詳共伊講，身軀無勇袂堪得讀冊，毋通予姑娘囥空空的向望。 閣有一款，是佮家內袂合，抑是丈夫chhoā細姨愛閃避家內的攪擾。親像這款的人也是oh得專心讀冊。讀了若不和的心猶佇teh thái-thó有專心做主的工？有chiah 的...

[1915-9 台灣教會報 文類-散文 作者-何希仁/Hô Hi-jîn]
福氣 [ Hok-khì ]
福氣 (何希仁記的)。 1915.9，no.366，pp.1-3 這就是你我所愛。無論皇帝乞食，富人sòng-hiong，老人少年，ta-po͘ tsa-bó͘，無毋是愛求伊所掠做是福氣。M̄-kú論福氣咱著分別。也有真實佮假佯的福氣。無張無持就會致到用真掠做假，用虛掠做實。親像Sek-sî Hiân-bûn捌講，「Su hông jîn put jîn。」捌有人假做仁愛，其實是利益本身愛好名聲，佮顧家己就是仁愛的對反。雖然按呢假佯來做，iáu-kú予人看親像仁愛一樣。福氣猶原著按呢來分別。捌有人佇曠野行毋著路，四界流，oaiⁿ-oaiⁿ踅，喙乾到欲死，因為攏無水通啉。忽然間遠遠看見親像...

[1915-9 台灣教會報 文類-散文 作者-陳清忠/Tân Chheng-tiong ]
京都教會狀況 [ Kiaⁿ-to͘ kàu-hoē chōng-hóng ]
京都教會的狀況。 (陳清忠記)。 1915.9，no.366，pp.5-6 照咱大家所知京都就是日本國舊的京城，現時算是第三鬧熱的所在。佇遐的教會較濟是組合教會。咱長老教會是真少，照我所知kan-ta有兩間的拜堂nā-tiāⁿ；kiám-chhái iáu有一半間講義所。 卻咱毋免分別是長老派抑是組合派；其中若有相利益的所在咱應該著學。若是論神彼方面組合派佮咱長老派是相同。若有無相同的所在，也是小可nā-tiāⁿ；若是論教會的內容，治理教會的方法，佮咱長老派有大各樣佇--teh。毋kú若是論怎樣來鼓舞教會予伊興起的法度，iáu-kú著來相學，因為彼項無干涉佇咱的信靠。 差不多兩月日前...

[1915-9 台灣教會報 文類-散文 作者--/-]
論白耳義 [ Lūn Pe̍h-ní-gī ]
論白耳義。 1915.9，no.366，pp.7 這擺歐羅巴洲相刣，新聞紙常常有講起白耳義。這是因為白耳義是佇法國佮德國的中央；拄著相刣的時德國連鞭chhoā兵對白耳義經過，欲佮法國相刣。代先有對白耳義討著準德國的兵對in 的地方經過。白耳義毋肯，所以德國強強佮伊相刣chhoā兵對遐經過，紲佔白耳義的地。 白耳義的人對古早真出名。兩千年前羅馬的皇帝該撒Iu-lī-a (Julius Caesar)記in 的來歷，講通歐洲北方的人白耳義的人算是第一勇猛。 較早白耳義佮荷蘭合做一國，後來有分開。兩百年久白耳義屬佇西班牙佮俄國管；代先屬西班牙，後來歸俄國。對主後1831年白耳義才獨立。佇...

[1915-9 台灣教會報 文類-散文 作者--/-]
澎湖的消息 [ Phêⁿ-ô͘ ê Siau-sit ]
澎湖的消息。 (李福慶記)。 1915.9，no.366，pp.9 佇7月19號，愚人去Peh-tàu傳道理。近日佇花宅hiuⁿ有加添一戶6人來信主，經過5禮拜久，對信了後就將偶像一概掃除去，真通感謝上帝。二五號佇Peh-tàu禮拜無偌濟人，是因為濟濟人過去台灣。 二十六號坐帆船去東結，佇遐有一個兄弟名林宗，舊年愛請我去傳道理；若是到水灣船隻不便。這pang到位真歡喜，親像雲跋落月，以禮相待。伊信主的原因是前年chhoā伊的叔去新樓醫目睭，紲得著道理，轉來就執守道理，就苦勸家內著拜上帝，除偶像，十三人代先有聽伊苦勸，就將佛除去，用十條誡召teh；若是湊tú崁伊的叔目睭疼講...

[1915-9 台灣教會報 文類-散文 作者--/-]
後山的消息 [ āu-soaⁿ ê Siau-sit ]
後山的消息。 1915.9，no.366，pp.9-10 現時傳道師張有明，為著身體較lám才停工，徙去佇後山的石牌。Chím-má接著伊的批講：- 阮四初一對埔里社起身，有去真濟所在行遊幾若月日，到八月初五日到石牌。阮停工的時去四界行遊，iáu-kú得著真大好機會，通報揚主的名；較小庄社有四五十人，七八十人，百外人；若是較大庄社，有一兩百，兩百外人teh聽。有時日時講，有時暝時講；有時做兩位講，就是cha-po͘人另外cha-po͘人講予in聽，婦人人另外講予婦人人聽。看in不止致意teh聽，亦講遮毋捌人來講予阮聽，就請阮著踮in遐較久，講予in聽，現時報揚主的道理是真好機會。 佇這...