[1934-7 台灣教會公報 文類-散文 作者-王倚/Ông oá]
慈善會 [ Chû-siān-hoē ]
慈善會 (王倚) 1934.7，no.592，pp.19 致意，請列位疼主的兄姊來看，通知咱今年著按怎出力獻金的事。 照財務部所有算--的，排列予大家做參考。 1. 今年欠較濟錢：因為今年咱中會內，加三个先生，就是Giâm-chêng，Ē-poàⁿ-thiⁿ，大林。這三位，in所出的以外，著閣貼770外箍。閣有幾若間教會今年倒退減出；就是Gû-taⁿ-oan，Tang-āu-liâu，Koè-kau，虎尾，土庫chí 5位，減出約240箍；兩條共，著加開一千箍。 今這千箍欲對佗位來得著？今來講全部所欠--的；今年咱全部所欠--的，是三千箍。 1. 補助金：分較...

[1954-8 台灣教會公報 文類-散文 作者-王倚/Ông oá]
佈道：罪惡的工錢 [ Pò͘-tō:Choē-okê kang-chîⁿ ]
佈道罪惡的工錢1954.08 788期 p.23-25(牧師：王倚)。「賞善罰惡」這是天法；雖然有人講：「善心的倒teh餓，惡心的戴紗帽，」 「做惡做毒騎馬kho̍k-kho̍k，」有較無修養的紲講：「天理無目」，我講你毋通遐大喙斗，對天遐好禮。「天理昭昭，時辰未到毋是好歹無報，」 因為報應有緊慢的精差。按呢看罪惡的確有工錢(報應)。工錢是甚物？是看你的因來結果。俗語講：「種豆收豆，種粟收粟。」何西阿8:7講，所種的是風，所收的是捲螺風。」羅馬6:23講：「罪惡的工錢是死，這个死是最通驚的刑罰」。按呢通想。I.做歹的人毋通誇口，講譀譀--lah！搶贏是數。主的確會來佮你清算。有一對青年夫婦，家...

[1949-10 台灣教會公報 文類-散文 作者-謝經/Chiā Keng]
白話字的問題 [ Pe̍h-oē-jī ê būn-tê ]
白話字的問題1949.10 第730卷 p.3(南投：謝經)青年團契的代表對台南的夏令會倒--來，有teh報告講，關係白話字的問題，有一部份的人teh主張講：「白話字是無必要。」我聽了不止艱苦。講「白話字無必要」就是講「台灣話無必要」。因為白話字佮台灣是袂通分離--得的。（請看台南冊房所發行巴博士的傳記《バアクレイ博士の面影》）。 以前我也捌聽見有台灣的青年teh講：「白話字的聖經無合用；因為讀了較袂通明白彼的意思。」我聽也不止gông-ngia̍h，因為伊毋知，袂通明白意思的原因，是因為毋捌台灣話的緣故。伊也毋知，白話字的聖經是台灣話最好的文學。 實在今仔日的台灣，普遍的現象；就是台灣人袂曉...

[1960-5 台灣教會公報 文類-散文 作者-謝經/Chiā Keng]
專論:啥事禁止台灣人使用台灣話的聖經 [ Choan-lūn:Siáⁿ-sū kìm-chí Tâi-oân lâng sú-iōng Tâi-oan 5oē ê Sèng-keng ]
專論 啥事禁止台灣人使用台灣話的聖經？ 1960.05 第857號 p.13-14 (謝經) 聽講台灣省教育廳已經下令，禁止全省各地使用羅馬字聖經。意思是欲禁止咱的白話字聖經。現時台灣的國語進步情形，是歷史上罕有--的。白話字的聖經佇甚物時，甚物所在，有阻礙著教育廳的工作？今仔日世界文明的國家，tó一國有teh禁止地方的言語，抑是地方的文字？前的日本帝國捌禁止咱使用白話字，In講，這是美、英、(美國、英國)的文字。In捌叫咱毋通用台灣話說教。In叫咱著改姓、名。In想著將攏總的人民，徹底皇民化，才會通予in的國家強大。總--是歷史証明，這款的想法是極大的錯誤。你看，今仔日的強國攏是...

[1962-2 台灣教會公報 文類-散文 作者-謝經/Chiā Keng]
廣島爆炸記 [ Kóng-tó po̍k-chà kì ]
廣島(Hi-lo-si-ma)爆炸記 謝經 譯 1962.2.1 879 18-19 (1)8點15分！ 1945年8月初6，拜一早起透早，空襲警報已經解除；7點外，警戒警報也解除。逐人趕緊照常欲去上班，婦人人teh收早起頓的桌頂。忽然有銀色的B 29一隻，出現佇Hi-lo-si-ma市外的上空；將伊的機關切恬，予伊無聲，就直直趨對市內的空中入來。拄有一个婦人人攑頭看講：「啊！你看！對飛機有物teh交落落來；」......親像落下傘。慢慢teh降落，懸約6000公尺......8點15分！忽然有一陣青白的閃光罩落Hi-lo-si-ma全市！ (2) 青草teh著！ 彼...

[1962-2 台灣教會公報 文類-散文 作者-謝經/Chiā Keng]
廣島爆炸記 [ Kóng-tó po̍k-chà kì ]
廣島(Hi-ro-si-ma)爆炸記 (接頂月第18面) 1962.2.15 880 18 (5)避難。 兩層的校舍倒落來的時，Si-kha-ma牧師真奇怪，只有身軀淡薄鑢遛皮nā-tiaⁿ。當逐人拚命對市內teh走出來的時，伊家己一个teh拚。到位入去一下看，禮拜堂已經倒！宿舍也倒！攏teh著火！牧師娘佮2个大漢囝攏無看見，毋知佗去。伊就遍行親像地獄的市內，四界去揣。到隔日中晝才拄著頭殼著傷的牧師娘；閣到欲暗才揣著大囝阿揚（揚 14 歲），頭殼也一空真深。 總是大查某囝佑子（佑子17歲）揣無。伊是高女的學生，動員去佇鐵道檢查課服務。伊佇遐受重傷，流真濟血險死；總是強強拖命來到朋...

[1937-7 台灣教會公報/芥菜子 文類-散文 作者-胡文池/Ô͘ Bûn-tî]
論方言 [ Lūn Hong-giân ]
論方言 胡文池 1937年7月628期 27-28 (請讀行傳2：1-13；1哥林多14：1-28)。 對真耶穌教深入台灣以來，方言的問題不止受注意。因為in講in會受聖神來講方言，因為按呢，也有兄弟受引誘。In敢是咧講方言mah？In咧欲講方言的時，著得著念「ハレルヤ，求聖神降臨，」到予in的精神錯亂，就喙pe-pe，亂亂唸。耶穌明明講，祈禱的時，會莫得沓沓重(馬太6：7)。按呢通知，這款的祈禱，毋是會予聖神降臨，反轉違逆主的命令。 實在濟濟人對方言的問題有誤解。In想五旬節的時，有帕提亞，Bí-thài，以攔......(行傳2：9)，遐濟國的人聽使徒講方言，...

[1947-8 台灣教會公報 文類-散文 作者-胡文池/Ô͘ Bûn-tî]
歷史：韓文公的佛骨表 [ Le̍k-sú：Hân Bûn-kong ê佛骨表 ]
歷史韓文公的佛骨表1947.08 第704號 p.11-12(胡文池)韓文公的名韓愈（A.D. 768-823）是唐朝的大學者，也是文章家。自細聰明，端正，愛讀冊。無驚權勢，為著義真勇敢，總--是也袂看輕--人。 佛教佇後漢的時傳入中國。佇法翔 (Hoat-siông)的法門寺有塔 (護國真身塔)，塔內有釋迦的指頭仔骨一節，這個塔30年有開一擺。彼時的皇帝憲宗，差人去夯這個佛骨來宮內囥3日。韓文公彼時做刑部侍郎的官。看皇帝所做會害咱中國，所以好膽做奏章干証。後來果然惹皇帝的受氣，受貶去做潮州刺史。彼時是819年正月，過真濟艱苦，過秦嶺的霜雪，所做的詩有佇千家詩咱攏知。今將伊的佛骨表來介紹予逐家...

[1956-6 台灣教會報 文類-散文 作者-胡文池/Ô͘ Bûn-tî]
雜錄M̄通受迷惑 [ Cha̍p-lio̍k M̄-thang siū bē-he̍k ]
M̄-thang受迷惑(胡文池 寫) 最近有出版一本"佛教kap基督教ê比較"是舊年七月，有一位叫做精雲法師， tī台南康樂台排斥基督教ê記錄。 Hit個內容偌濟是謗瀆kap無理，實在是無價值ê冊，內中 tī 三十三面有記一chân 關山ê基督徒黃èng-thiam博士ê事，完全無事實，驚了有人看了tio̍h-tak，所以tī chia聲明。Hit本冊有講: 黃博士受稱呼做牧師。 Koh講伊beh kā人燒偶像ê時，忽然大叫一聲，手抱頭殼倒tī地裡。大家就將偶像請走，將博士扛轉去。伊連續病5月日久， tó床boē peh起來。以後伊m̄敢koh攻擊偶像，也無傳道理。也竹篙里ê 山地人也無koh...

[1958-6 台灣教會公報 文類-散文 作者-胡文池/Ô͘ Bûn-tî]
精牲變做人 [ Cheng-siⁿ pìⁿ-choè lâng ]
精牲變做人 Bunun族按呢得救 胡文池 1958年6月834期 9-11 無人愛予人罵精牲 iáu-kú無信主的人毋知人，是上帝的囝，致到in是「高等動物，」按呢嘛是精牲。特別無開化的 山地人閣較是按呢，因為in是親像囡仔，精神無發達，佮精牲 的分別無真明。十年前，我頭擺來山地傳道的時，人常常講，「番仔就是精牲，佮人彼中央的動物。」佇山地Bunun族是文化做kē，這个動物性是閣較明。 (1)對Bunun 的話來看： 佇Bunun 話，人佮精牲攏叫做「minixomis」，意思是「動物。」 (2)對in 的流傳來看： 流傳抑是講傳說是彼个民族的思想佮信仰。I...

[1950-11 台灣教會公報 文類-散文 作者-胡文池/Ô͘ Bûn-tî]
研究：Bunun聖經翻譯的經過 [ GIÁN-KIÙ：Bunun Sèng-keng hoan-e̍k ê keng-kè ]
研究Bunun（ブヌン）聖經翻譯的經過1950.11 743號 p.8-9(胡文池)Bunun(布農族)是踮佇台灣山地的一族，原早佇新高山的附近，現在遷徙到台中、高雄、花蓮、台東的山地。In是文化最低的人，到3年前無有入中等學校的人。In雖然會講日本話，總--是袂曉讀日本話的聖經到明白。若愛引chhoā這款的人來信主，著愛用聖經來翻譯做in的話，閣用甚物來予in徛在佇四正的信仰。所以佇三年前，山地宣道會長孫雅各牧師，用這个翻譯Bunun聖經的工交代我的時，我隨時歡喜承受，總--是一方面也驚了擔當這个工袂起。這霎簡單報告彼个經過予恁知。一、準備1947年的9--月，我有對大甲教會來關山。因為遮有...

[1960-6 台灣教會公報 文類-散文 作者-胡文池/Ô͘ Bûn-tî]
毋通怨恨我 [ M̄-than goàn-hūn goá ]
Normal 0 0 2 false false false MicrosoftInternetExplorer4 /* Style Definitions */ table.MsoⁿormalTable {mso-style-name:表格內文; mso-tstyle-rowband-size:0; mso-tstyle-colband-size:0; mso-style-noshow:yes; mso-s...

[1941-2 台灣教會公報/北部教會 文類-散文 作者-胡文池/Ô͘ Bûn-tî]
所羅門的墜落 [ Só-lô-bûn ê tuī-lo̍h ]
所羅門的墮落 胡文池 1941年2月671期 22-23 咱較常有印象所羅門王的智慧，好額佮伊的才情；就是有興起以色列國，起大間的聖殿，寫舊約的箴言，傳道書，以及雅歌......等的事。所以人若有讀著聖冊寫伊有墮落的事，有時致到真失志。列王上11：1-3有記。「所羅門戀愛遐的查某囡仔，佮in結連。伊有后妃七百，攏是貴族的 ；閣有嬪妃三百；chiah 的女子誘惑伊的心......去綴別的上帝。」毋是十，毋是八，是千teh算，實在伊是第一大的多妻主義者(多妻主義者)。伊有起撮汰的王宮13年久，開水池，食好物，穿媠衫，世間所有的撮汰攏有盡。伊有大的智慧，所以也比別人...

[1941-5 台灣教會公報 文類-散文 作者-胡文池/Ô͘ Bûn-tî]
獎勵養兔 [ Chióng-lē ióng Thò͘ ]
Normal 0 0 2 false false false MicrosoftInternetExplorer4 /* Style Definitions */ table.MsoⁿormalTable {mso-style-name:表格內文; mso-tstyle-rowband-size:0; mso-tstyle-colband-size:0; mso-style-noshow:yes; mso-s...

[1963-6 台灣教會公報 文類-傳記 作者-胡文池/Ô͘ Bûn-tî]
追念Bunun族ê保羅劉傳 [ Tui-liām Bunun cho̍k ê Pó-lô Lâu-Thoân ]
追念Bunun族的保羅劉傳 胡文池 1963.06.15 P.10 若有對山地教會關心的人，逐个攏捌劉傳是一个偉大Bunun的傳教者。 伊佇5月25忽然受主揀召歸天。 彼日是拜六，伊teh備辦道理的時，忽然心臟麻痺，20分後人看伊頭殼the佇椅仔，叫伊的時，已經斷氣。隔日有出葬，逐人流目屎。 伊前是一个放蕩的人，逐日啉酒，相拍，thit迌。 猶過因為是聰明閣勇敢，就受日本人揀做壯丁團長。 到光復後，閣受揀做村長。 1949年正月24，伊來赴咱的佈道會佇玉里，就隨時接受主。後來看見伊有真實反悔，有新的生活，閣 自發tek teh傳道理，咱就共伊囑託做宣道師，佮我做...

[1926-1 芥菜子 文類-散文 作者-蔡Tiōng-kú/-]  (3)
白蟻的社會 [ Pe̍h-hiā ê siā-hoē ]
白蟻的社會 人所知佇動物中經營社會生活的昆蟲有3種類。就是蚼蟻，蜂佮白蟻。論in的社會，有相同的所在－有公蟲，母蟲，佮做工的蟲。若是蚼蟻佮白蟻，做工的蟲普通有分兩款－平常做工的頭佮做兵-的。閣較複雜的種類有兩三款的做兵的蟲－有的顧守毋免予對敵來深入，有的去攻擊對敵。 這3款的中間，社會生活最發達-的就是白蟻。伊的岫內照種類有無相同。一般代先一對王佮女王踮做伙，家己漸漸成長；以外猶有in的細細做工的蟲佮做兵的蟲仔囝佇teh。做工的蟲生做siâng款，若是做兵的蟲伊的牙槽是長閣大。牙槽齒較大的是持防，佮拍對敵的職務；較細-的是踮佇岫內行-去監督做工的蟲做工。做兵的蟲有一款頭殼頂有一支真長的器...

[1897-6 台南府城教會報 文類-散文 作者-高天賜/Ko Thian-sù]
論瘟疫ê事 [ Lūn un-ek ê sū ]
論瘟疫ê事1897.06 147卷 p.46-47(高天賜寫。) 瘟疫是上帝所降ê 災厄，ài 叫醒人ê 心。親像在早以色列百姓 tī 曠野bat 抵著瘟疫（民25：9），大衛王 ê 時耶和華也bat 降瘟疫（II撒24：15）。Che攏是顯明人得罪上帝，上帝就受氣，降災厄tī in中間。 若是án-ni，信主 ê 人，上帝敢有受氣in--mah？這項我m̄敢決斷講。總--是我知信主ê 人若真正敬虔服事主，上帝的確無受氣in。今若是人敬虔服事主，in 猶原會抵著瘟疫--mah？會。主是救咱離開罪惡，iáu-boē hō͘ 咱離開世間（約翰17：15）。有一日伊會hō͘ 咱離開世間...

[1902-9 台南府城教會報 文類-詩 作者-高天賜/Ko Thian-sù]
保惠師已經來 [ Pó-huī-su í-keng lâi ]
保惠師已經來1902.09 210卷 p.68-69(高天賜翻譯。)1.著傳歡喜ê聲，去到逐鄉逐城，見若著磨艱苦，抑是憂悶驚惶，我有極好消息，大聲報hō͘ lín 聽，保惠師已經來！ 保惠師已經來，保惠師已經來！天父賞賜聖神，伊ê 應允是真；著傳歡喜ê聲，報hō͘ 眾人攏聽，保惠師已經來！2.現時m̄ 是暝--時，四界已經早起；風雨ê聲攏煞，驚惶變做歡喜；青翠山頂有日，我心喜樂無比！保惠師已經來！保惠師已經來...云云3.萬王ê王上帝，全能tī 伊si̍t 下，降臨拯救萬民，脫離魔鬼權勢，陰府ê監會空，得勝ê歌無退：保惠師已經來！保惠師已經來...云云4.大恩實在各樣，我心bē 曉thang ...

[1934-2 台灣教會公報 文類-傳記 作者-許崑/Khó͘ Khun]
張安貴的小傳 [ Tiuⁿ An-kuì ê Sió-toān ]
故張安貴牧師的小傳許崑 記1934.02, no. 587, pp. 19-20 牧師張安貴，別名Tō-sam。 明治7年8月7日出世佇萬巒四溝水。 老父陳Khun-goân，連生5个後生，安貴是第5囝。 外公無查埔孫，佇伊度晬的時，老父歡喜將伊送外公。 彼時外公toà佇竹田庄二崙，每聖日去杜君英禮拜。 彼霎巴牧師致意愛設教會佇二崙，外公歡喜將伊的厝獻做拜堂。 巴牧師chiah去設教會。 庄民真怨恨道理，毋准設教會佇遐，致到起大攪擾，擔屎來潑，巴牧師險失落性命。 In一家受庄民大怨恨，厝予in 佔，傢私物件予 in搶；soà擊出庄，全家姑不將走去bih杜君英禮拜堂暫toà。 為...

[1941-7 台灣教會公報 文類-散文 作者-許崑/Khó͘ Khun]
南中通訊：對榮光到榮光 [ Lâm Tiong Thong-sìn: Tuì êng-kng kau êng-kng ]
南中通訊 許崑 1941年7月676期 12-13 I. 對榮光到榮光 (哥林多後書3：18) 基督最親愛的學生，佇Ka-ná山等有拜見上天榮光的主。彼霎以後逐時代的基督徒心目時常向天仰望。所講向天仰望，毋是看空中的星抑是雲，是仰望上天榮光的主。學生所接觸著的主是極度的榮光。伊雖是hiah榮光，iáu-kú伊的面貌，形體，生前是無閣樣。 兩千年以來的基督徒，對確信聖經的話，不時熱切teh仰望同款式，同榮光的主再臨地上。榮光的主佇地上所顯出的生活，ná親像無價寶受粗破的布所包。照外觀是無甚物貴氣，無通予人欣羨的款，若是伊的言行，舉動態度夠額...