[1968-8 台灣教會公報 文類-散文 作者--/-]
黃秋茂倒來台南招待教界人士 [ N̂g Chhiu-bō͘ tò-lâi Tâi-lâm chiau-thāi kàu-kài jîn-sū ]
黃秋茂倒來台南招待教界人事參觀秋茂園 1968.08.01 1035號P.13~p.15 為著建設現代的伊甸園，予人類享受上帝所創造大自然的美妙，以及食豐盛的果子，佇31年前對台灣去日本做生理的黃秋茂先生最近對日本倒來台灣，7月29日佇台南招待教界人士約100外人去伊私人建設的秋茂園參觀遊覽，siāng時也有招待拄來台灣培靈佈道的日本基督教訪華團的團員來秋茂園相佮交陪親睦。 黃秋茂先生佇這日的招待會中，有講起伊個人的見證，佮建設秋茂園的目的。伊講：伊出世佇一個未信者的家庭，5歲的時老母就過身去，伊的老爸為著教育栽培囝兒的緣故，攏無閣chhoā後母。當伊入公學校2年的時，開始去...

[1968-9 台灣教會公報 文類-散文 作者-莊丁昌/Chng Teng-chhiong]
傳教師總會有必要嗎？ [ Thoân-kàu-su Chóng-hoē ū pit-iàu mah? ]
傳教師總會有必要嘛？ 莊丁昌 1968.09.15 1038號P.3～P.4 全省傳教師靈修會拄佇9月9日到13日佇金山開會中，一年一擺的傳教師會，有人講真好；有人講是傳教師的慰勞，消遣；有人嫌會費較重。佇遮請莊牧師來分析過去的特色紲提供對將來的希望。 －編者－ 當我等日收著今年傳教師總會的通知書的時，我隨時看著這幫的主題登做：「時代工人的諸問題」，閣看著今年的專題演講的講題也攏真合佇實際上的需要，講員的陣容也真好，我真意愛，決定欲報名參加。 公報愛我發表我對傳教師總會的ngó͘見，愛我分析伊的得失。叫我分析，我卻是袂曉。我愛將我所知的講予大家做參考。 佇過去，傳總是外國...

[1968-9 台灣教會公報 文類-散文 作者-鄭連坤/Tīⁿ Liân-khun]
選擇佮決斷 [ Soán-te̍k kap koat-toàn ]
選擇佮決斷 鄭連坤 1968.09.15 1038號P.5～P.7 為著出國40日久，轉來真濟工作，無論教會抑是學院方面，致到錢期袂赴稿件，對編輯者以及讀者真不住。9月拄拄是新學期開始的時，閣特別9年義務教育國民中學開始實施，通講特別真有意義的時期。為著按呢這期揀約書亞24章來相佮研究。這chām是非常出名的keng節，大家攏真熟，總是咱特別對家庭方面來想閣較有意義。 (1) 今仔日恁著揀 約書亞2到年老咧欲離開世間以前，親像摩西的款招集以色列的眾指導者長老，族長，審判官，官長(v.1)來到Sī-kiàm，予in徛佇上帝的面前來做最後的勸告。代先回顧以色列過去的歷...

[1968-9 台灣教會公報 文類-散文 作者-戴明福/Tè Bêng-hok]
長榮中學 [ Tióng-êng Tiong-ha̍k ]
長榮中學 ● 初中招生的結果？ ● 大專升格的目標？ 戴明福 1968.09.15 1038號P.8～P.9 長榮中學校慶，83週年記念禮拜日閣到lah！ 恭敬寫幾字共大家請安佮說謝。因為逐年得著恁的代禱佮獻金，才會通順利維持到今仔日。這是上主的看顧佮大家的支持的結果。 兩年前咱學校親像一隻船漂流佇大海中，拄著狂風暴雨的風颱。所以阮提起一個口號做目標「著拋綻聽候天光。」彼時阮確實徛佇烏暗中看袂明目標。政府咧準備欲延長義務教育到9年。公立學校直直咧增設學校佮增班。私立學校佇台南市對四間增設到12間的濟，致到咱招生困難，若無參加聯合招生就無學生的來源。教育內容來講是應該保持咱...

[1968-9 台灣教會公報 文類-散文 作者--/-]
海外宣教師通訊 [ Hái-goā Soan-kàu-su Thong-sìn ]
海外宣教師通訊 陳效贊 1968.09.15 1038號P.10 佇主內面所數念親愛的兄弟姊妹平安。 小弟代先代表踮佇新加坡的董Kûn-ka牧師，馬來西亞邱Í-chèng牧師佮阮全家致意向各位請安。阮受派來佇星馬的宣教師，佇前日有相佮參詳，3人輪流逐月報阮佇遮的工作，消息予諸位知，向望大家較會關心，相替祈禱。 今我負擔8月份的消息。8月是阮遮做鬧熱，人客上濟，第一無閒，也第一快樂的月，因為8月是遮的放假(咱台灣的歇熱，總是遮通年攏是熱天，無講歇熱)，閣海湧上靜，有世界的第一大的龜佇阮遮生卵，對新加坡抑是西海岸；成千成萬的人，來到真少人，真安靜的東海岸阮遮。 I. 無閒。...

[1968-9 台灣教會公報 文類-散文 作者--/-]
故黃李紡絲別世 [ Kò͘ N̂g Lí Pháng-si Pia̍t-sè ]
故黃李紡絲別世 李長貴 1968.09.15 1038號P.17 黃李紡絲別世 黃李紡絲女士別世 故黃李紡絲女士佇主後1968年8月23日上午7點受主揀召榮歸天城。享年71歲。紡絲女士是現任太平境教會的黃受惠長老的婦人人。 紡絲女士出世佇澎湖，是馬公教會的頭一個長老李Kí的第二查某囝。李長老的家庭散赤，總是伊疼主的熱情佮信心實在贏過物質的困難。李長老用聖經佮信仰的經驗來教示伊的全家，予in的內心攏有耶穌的神。 佇1911年宋中堅牧師娘到馬公下跪的工作，發見著紡絲姊妹的天才佮品行，就共伊出獎學金，予伊來府城女學讀冊。佇學校的時，紡絲女士真受師長的愛護佮同學的欽...

[1968-9 台灣教會公報 文類-散文 作者-鄭泉聲/Tīⁿ Choân-seng]
新制度佮新挑戰 [ Sin Chè-tō͘ kap sin thiau-chiàn ]
新制度佮新挑戰 鄭泉聲 1968.09.01 1037號P.3~p.5 舊年佇咱自由中國有發生一件歷史tek的大代誌，就是咱的政府宣佈對今年9月起欲將各地方普遍設置國民中學來適應這个要求。 1. 新制度新問題。 今這个代誌的決定確實有幫贊佇惡性補習的解除，予兒童對補習的痛苦敨放出來。若是對另外一方面來講，卻產生了新的問題。因為兒童對補習受敨放出來了後，in卻毋知欲如何去善用遐的對無補習所得著的額外時間。閣這个事，配合著in亂用自由的心理，致到有人通日醉迷佇遐的誘害無益的連環圖，傷害兒童心理的電影，以及溜冰場等等的公共娛樂場所，甚至加入幫派來度過遐的時間佮發怒錯誤的英雄氣魄。 ...

[1968-9 台灣教會公報 文類-散文 作者--/-]
一滴水的世界的末日 [ Chi̍t-tih chuí ê sè-kài ê boa̍t-ji̍t ]
一滴水的世界的末日 編輯室 1968.09.01 1037號P.16 一個著名的童話家Phek-kiat-ní捌寫一篇「世界的末日」是描寫一滴水的世界中有無數的生物活動的情境，用這來庇祐人類的世界。伊講的故事是按呢...... 有一個科學家對花園的水池仔裡提一滴污穢的水下佇顯微鏡的下面，將伊放大到幾百倍。水滴變做奇異的世界，有幾若千的微生物有的浮，有的沉；有的追，有的走，那親像大都市的人群。也有的親像小船佇水中掘著那噴射機遐緊，親像有甚物不得了的公事。因為著食物互相追逐，拄親像人遐愚戇；總是in佇in的小世界檢采也感覺真聰明。 佇這個小世界的中央有一個小島，其實是漚樹葉的屑仔...

[1968-9 台灣教會公報 文類-散文 作者--/-]
聽講道的藝術 [ Thiaⁿ káng-tō ê gē-su̍t ]
聽講道的藝術 編輯室 1968.09.01 1037號P.17 咱攏會感覺聽講道了後過無久就袂記得了了。照心理學家咧講，普通人聽講演了當場隨時袂記得一半，閣過8小時就閣袂記得賰的一半抑是三分一。 欲按怎才會予記憶較堅固，記得較濟？有以下幾點通做參考。 1) 聽講的時毋但干焦用耳孔亦著用目睭，留心看講道的人的表情以及手勢，因為看的印象比聽的較深。 2) 引用經句的時著掀聖經來看。 3) 聽講的時回想重點，紲預測閣落去會講甚物。 4) 欲倒去到厝的路中將重點閣一遍反覆來想。 每日15分一生讀1250本 每天十五分一生讀一千兩百五十本...

[1968-10 台灣教會公報 文類-散文 作者-陳添登/Tân Thiam-teng]
完整的文字傳道機構 [ Oân-chéng ê bûn-jī thoân-tō ki-kò͘ ]
完整的文字傳播機構 --佇文字傳道紀念日-- 陳添登 1968.10.01 1039號P.3-4 每年10月第2禮拜是「世界文字傳道紀念日。」若是這日真少教會有特別做記念；也真少人知伊的由來佮意義是怎樣？可見台灣教會對文字傳道的關心猶真薄。 這个責任當然代先歸佇阮從事佇文字工作的人的頂面；因為無夠額努力予大家關心。總是咱總會全體對文字傳道較無感覺伊的重要性也是事實。這對兩方面通檢討：1)總會內別的機關－學校，學院，病院攏有伊的紀念日，各教會為著in祈禱紲獻金，(遮的所得的外援是百萬計)。若是真少教會佇文字傳道紀念日來代禱，自然總會也猶未規定著為著文字傳道來獻金。檢采是因為無獻...

[1968-10 台灣教會公報 文類-散文 作者-陳皙宗/Tan8 Sek-chong]
台灣神學院紀念日請安 [ Tâi-oân Sîn-ha̍k-īⁿ Kì-liām-ji̍t chhéng-an ]
台灣神學院 紀念日請安 院長陳皙宗 1968.10.01 1039號P.4-5 各位牧長，各位同道平安： 感謝上帝的引chhoā，感謝各位的代禱佮奉獻，予阮台灣神學院的教職員，會通經過閣一年的時間，來做神學教育要緊的工。真希望各位牧長，各位同道益發為著台灣神學院，對台北地區向全世界所咧推行的聖工，代禱佮奉獻。 台灣神學院對1882以來，繼續產生濟濟主忠實，能幹的工人，四散佇全島傳上帝國的福音；幫贊濟濟人佇主耶穌基督得著佮上帝佮人閣和的體驗。 台灣神學院的畢業生不但佇全島做工，尚且也到海外去傳福音。咱總會的海外宣道會的歷史猶短，總是宣教師出去新加坡，馬來西亞，泰國，Maur...

[1968-10 台灣教會公報 文類-散文 作者-鄭連坤/Tīⁿ Liân-khun]
相遇佮對話 [ Siong-gū kap tuì-oā ]
相遇佮對話 鄭連坤 1968.10.01 1039號P.6-9 這站的聖經大家攏真熟，就是撒該得救的記事。人子到是欲揣失落的來救伊(v.10)。咱佇遮通看「耶穌怎樣咧揣失落的，紲來救伊」的一个真好的實例。不過我今仔日愛對別的角度來相佮想這站的聖經。 (1) 相遇的人生。 佇遮所用這句相遇(相遇)佇英語叫做enco͘nter。佇撒該的故事中第一要緊的就是伊有佮耶穌相遇，相拄著。對這个人格的相遇產生新的關係，就是撒該的悔改，決意，佮耶穌的救贖。New York的協和神學院(Union Seminary)已經過身去真出名的L.J.Sherrill教授所著的冊中有一本叫做「靈魂...

[1968-10 台灣教會公報 文類-散文 作者--/-]
鼓山建堂發生不幸事件 [ Kó͘-san kiàn-tn̂g hoat-seng put-hēng sū-kiāⁿ ]
鼓山建堂發生不幸事件 1968.10.01 1039號P.11 高雄鼓山教會建堂中，佇7月25日禮拜的時，樓頂拄疊好的後面壁，不幸予風颱掃倒落去。咧歹牆仔外人家的厝頂，致到造成3个現場死失，4个著傷。這項代誌經過真慎重的處理後，鼓山教會對的遺族有賠償13萬箍，對著傷的有負擔in的醫藥費佮住院費。閣負責修理損壞的房屋。按呢總共，鼓山教會為著這回建築意外的天災，差不多著賠償新台幣15萬箍。因為這个緣故，現在所咧進行的建堂的工事就攏停頓，無法度閣繼續進行。 高雄市內教會聽著這个消息，有濟濟間教會佮疼主的兄姊踴躍奉獻金錢相幫贊。總會社會服務部亦咧關心，約欲幫贊。其他向望全省的教會，有志，...

[1968-10 台灣教會公報 文類-散文 作者--/-]
海外宣教師通訊 [ Hái-goā soan-kàu-su thong-sìn ]
海外宣教師通訊 邱以正 1968.10.01 1039號P.12 諸位敬愛台灣教會的兄弟姊妹平安。 這幫通藉著公報佮大家見面，深深感謝上帝，也感謝主筆陳牧師。同時也感謝大家對阮的支持佮代禱，予阮通平安為主做工。致意感謝佇阮舊年1967轉去度假的時幫贊阮的好朋友佮鼓勵阮的兄姊，同工。 現在我來介紹阮工作的所在，是馬來亞的南爿Jiu-hut-chiu的Moa-pho(Muar)。離開Malacca有28英里，新加坡130英里。人口約5萬人，其中華人約1千人：有2間的長老會，也有其他的教會。不過咱的教會較大。阮所負責的是三一堂(Trinity Church)用福建會；閣一間是活水堂...

[1968-10 台灣教會公報 文類-選擇文類 作者--/-]
東部開拓傳道勇者胡三崁長老 [ Tang-pō͘ Khai-thok thoân-tō ióng-chiá Ô͘ Sam-khàm Tiúⁿ-ló ]
東部開托傳道勇者胡三崁長老 1968.10.01 1039號P.13 十年前豐田教會只有會友8个，暫用竹仔厝；今有100 的會友，買 tō-ephîⁿ 起磚仔厝的禮拜堂，閣有牧師館。這个成果頂面有上帝的恩典；下面通講是胡三崁長老的努力佮犧牲。胡先生今年已經67歲，若是精神體力攏猶真強健。早年畢業台灣神學院，做工20年久，到第2厝大戰，日本政府強迫愛用日語講道，伊才辭職做自由的工。11年前因為壽豐教會的先生去做兵，伊受請做囑託傳道。一年久的牧會竟然予聚會20外名，進到70外名。 隔年予豐田請去做開拓的工。10年的努力，買土地，鼓舞會友飼豬奉獻，起禮拜堂，起牧師館等的建設。鼓舞會友的...

[1968-10 台灣教會公報 文類-散文 作者--/-]
陽光佮健康 [ Iông-kong kap kiān-khong ]
陽光佮健康 1968.10.01 1039號P.16-17 太陽的光線對咱人的健康有真大的影響。你若愛每日增加生活的活力，較好每早起出去照日，做健康操。早起時柔軟的日光，會予你一日中想袂到的輕鬆愉快。 陽光對人的好處有以下幾項：(1)太陽光中的紫外線照著皮膚，會予體內產生維他命D。這個維他命D會促進鈣質(鈣)的吸收，予身體的骨骼勇壯。因為玻璃會阻止紫外線，所以較好著佇戶外照日。(2) 紫外線會殺菌。(3) 增強毛管的抵抗力，會治療傷風敏感性的病，閣寒天會較毋驚寒，偶然沃著雨，也較袂寒著。(4)予血液循環流通，無論高血壓，抑是kē血壓攏有利益。 聖經講主耶穌是真的光，咱的靈性...

[1968-10 台灣教會公報 文類-散文 作者-鄭連坤/Tīⁿ Liân-khun]
上帝所配合的 [ Siōng-tè só͘ phoè-ha̍p ê ]
聖經講解(7a) 上帝所配合的 鄭連坤 1968.10.15 1040號P.3-6 頂期有相佮想相遇的人生佮對話的世界的問題。今佇咱一生中這兩項第一著現通體驗的就是對結婚來成做夫婦的中間。所以今仔日咱對第一起初的結婚的故事來想到基督教結婚觀。 1) 我所想袂出的奇妙。 「我所想袂出的奇妙有三項： 連我所毋知的有四項。 就是鷹鳥佇空中的路； 蛇佇石磐頂的路； 存佇海中的路； 男佮女交合的路」 (箴言30：18－19)。 箴言記者佇遮所講男佮女交合的路，實在是極其奇妙的事。伊佇遮所咧包含的是戀愛的神秘佮生囝的神秘佇咧(傳道11：5；詩篇139：13－16)...

[1968-10 台灣教會公報 文類-散文 作者-編輯室/Phian-chhip-sek]
價值推行的一項事工 [ Kà-tit chhui-hêng ê chi̍t hāng sū-kang ]
價值推行的一項事工 編輯室 1968.10.15 1040號P.13-14 佇今年7月所召開的新宣農村年研究會，以及第15屆第2次的總Uí會，攏有論起「儲蓄互助社」的問題。 明年是新宣農村年，照趨勢，儲蓄互助社的鼓舞應該成做重要推行的一項目標。 這個互助社是佇1848年佇德國成立的。當時的目的是「非營利，非救濟，是為服務」(非為營利，非為救濟，乃為服務)。目的正，主旨好，所以佇20年間傳教全球80的國家，共有成立4萬9千的互助社，成績非常好。 咱中國是天主教代先響應；佇民國53年，新竹市西門町天主教成立頭的互助會，現成立頭一個互助會，現在已經有90外個。咱總會佇3年前才對山...

[1968-10 台灣教會公報 文類-散文 作者-許德謙/Khó͘ Tek-khiam]
介紹艋舺教會伉儷團契 [ Kài-siāu Báng-kah kàu-hoē khòng-lē thoân-khè ]
介紹艋舺教會伉儷團契 許德謙 1968.10.15 1040號P.14-15 台灣教會進入宣教第2世紀，有娠世紀宣教運動咧革新會，也有幾若款的團契咧培養教育信徒的生活。T.K.C.，少年團契，兄弟團契，女宣道會(姊妹團契)，學生團契等佇各階層咧活動，真感謝。不過佇基督化家庭的強化，有需要夫婦同心的「伉儷」團契。因為爸母若無一致有好的信仰佮領導，袂通幫贊子女的生活，就生出問題青年。尤其是當今的時勢邪惡，社會道德腐敗，家庭夫婦發生濟濟問題，離婚的風氣來那濟，夫婦若無好的信仰，袂通建設基督化的家庭。 針對這方面的需要台北艋舺教會的伉儷團契值得予咱通注意看齊in的活動。該會戴伯福牧...

[1968-10 台灣教會公報 文類-傳記 作者-楊士養/Iûⁿ Sū-ióng]
故楊招義牧師略歷 [ Kò͘ Iûⁿ Chiau-gī bo̍k-su lio̍k-le̍k ]
故楊招義牧師略歷 楊士養 1968.10.15 1040號P.16 楊招義君1894年(民國前18年) 3月日出世佇台南縣佳里鎮的番仔寮。伊的老爸楊真先生(漢醫)，老母楊謝笑。In後來搬去和順，父囝就常常對遐去安順教會禮拜。然後搬徙到安順，起厝佇禮拜堂的對面。招義君受小學教育了，就去台南長老到中學讀冊。然後佇太平境教會附設的小學做教員。彼時李以彰先生佮洪賜先生是楊招義先生的同事。洪賜先生現在猶過勇健。招義先生21歲的時佮施烈女士結婚。1915年4月入台南神學校，幾若年久研究神學，備辦將來欲做主的差用。1919年3月畢業，4月15日受任命做傳道師，去蹛東後寮教會。後來經過一段的...