[1900-9 台南府城教會報 文類-散文 作者--/-]
中國戰事 [ Tiong-kok Chiàn-sū ]
中國戰事（2）1900.09 186卷 p.71-72前月教會報路尾所印ê消息就是講：西曆6月25號英國人寄批講：義和團匪圍困北京，致到外國人袂得出京城，就嶄然危險。後來佇 6月29號日本ê欽差寫批予蹛天津ê日本領事官講：In逐日ná久ná傷重。對彼tia̍p 起所接著北京ê消息有ê是清國官報ê人打算敢袂信得，總是大略照次序記佇下底：－七月第三號。光緒君拍電報予日本ê大官，又閣請日本皇帝出頭勸外國毋通拍害中國。日本皇帝回講：害死屬公使館ê官是真重罪，是犯著萬國公法。又閣講...

[1901-2 台南府城教會報 文類-散文 作者--/-]
宋牧師娘 [ Sòng Bo̍k-su-niû ]
宋牧師娘1901.02 191卷 p.9-10新曆正月17號，宋先生娘佇台南城新樓過往。宋先生娘姓 Christie，名伊利莎白；出世佇蘇格籣Kai-loē-su城。伊踮佇祖家有讀冊，學醫生，進名，親像其餘hia-ê醫生；若beh蹛hit- pêng行醫卻會堪得。總是因為已經配宋牧師定著，所以tio̍h toè伊過來台灣。到1892 年踮佇香港合婚，後來到台南城。Hit-tia̍p學台灣話就快進德，無偌久就出草地去揣姐妹，有時chham宋先生做伙去，有時家己蹛佇拜堂。Hit時伊所做ê工，行醫，分藥，救人ê 性命，阮佇遮毋免講：恁眾人已經攏知。後來濟濟人議論應該著設一間女醫館予先生娘hoāⁿ是較...

[1901-2 台南府城教會報 文類-散文 作者--/-]
女王過世 [ Lú-ông koè-sì ]
女王過世1901.02 191卷 p.10-11在佇新曆正月22英國ê女王過往。大英國ê女王，名I-to-lī-a (Victoria)享壽82歲。伊坐位64年久。彼時ê中間阮ê國真興旺，ná久ná開闊。從中也有格物ê先生出濟濟新款ê機器，通做國家ê大路用。佇 1840年有合婚，伊ê丈夫是別國ê國君，也是有道德ê人。可惜早過世，只有21年ê姻緣若定，予女王終身無袂記得數念伊。伊有生9个囝兩个過往去。大太子這tia̍p 60歲，taⁿ頂起來坐位。大公主是嫁予德國ê皇帝；丈夫代先死，in ê囝這tia̍p teh做皇帝，算是阮女王ê外孫。照眾人所干證阮ê女王是誠實熱心信主ê人。一擺一个青番ê頭人來...

[1901-7 台南府城教會報 文類-散文 作者--/-]
彰化ê消息 [ Chiang-hoà ê Siau-sit ]
彰化ê消息1901.07 196卷 p.52-53近來有接著一張批teh講起彰化縣ê消息。今將伊ê 話記tī 下底。論台中彰化ê教會攏平安；hiah-ê 新設ê教會有ê 不止活動，有漸漸teh加添，有ê 倒替冷淡。現時北路佈道不止好機會，我有常去hiah-ê 新設ê拜堂做禮拜。有明兄前禮拜有換去草鞋屯拜堂，烏皮兄換toà牛罵頭。近來tī 台中屬有一身佛，號叫帝君，tī 鹿港，彰化，Lâ-lí-sàn街，溪湖街，社頭，北路濟濟ê所在，teh kā人改鴉片薰。若beh hō͘ 帝君改薰，著對帝君跋杯咒詛，將薰吹gia̍h來交伊，跋杯了後才去lim幾若碗水，後--來有ê 漏吐。伊有用話哄--in，講...

[1901-9 台南府城教會報 文類-散文 作者--/-]
旗後醫生館 [ Kî-āu I-seng-koán ]
旗後醫生館1901.09 198卷 p.67-6830外年前馬醫生來台灣傳道理，伊代先toà tī 府城外設醫館。Hit-tia̍p人四界傳謠言ê歹話，生起擾亂，致到伊toà bē tiâu,姑不chiong走去旗後企起。Tī-hia買厝做禮拜堂，也起一間醫館。Toà tī-hià、4年，然後koh去府城，kā許老爹典一間厝，thang做醫館kap企家ê路用，就是咱後來叫做舊樓，hit間。 Hit時公會已經差李牧師tiàm tī 旗後，m̄-kú無koh差一個醫生；正請山醫生kā咱hoāⁿ 醫館。後--來伊去廈門，伊ê 小弟山大畢，(有人叫伊小山 ) 來接伊ê 職。伊toà無偌久，正去福州，就...

[1902-1 台南府城教會報 文類-散文 作者--/-]
日本教會興起 [ Ji̍t-pún kàu-hoē heng-khí ]
日本教會興起 1902.01 202卷p.2 佇日本國的京城差不多3，4年前有設一个總會。彼个會的意思是愛贊逐位的教會無論Kam-tok教，長老教，浸禮教，抑是啥物別號的教門，贊in 的力去報耶穌的福音予眾人知。照in所it--著是意愛in 的國著歸耶穌；予逐城，逐庄，無一个人通講，毋捌聽耶穌的事。 西曆的 chûn年就是1900年大家聚集議論這層事講，若欲予伊成功，總著tê有5000箍來做所費。合會歡喜准，就派人設法。到舊年就是1901年，大家閣聚集，逐位的教會兄弟姊妹協力鬥贊成。Taⁿ有出一本冊teh講in所經過的情形。這本冊皮有字講，「願阮的國歸基督。」In知家己的氣力不足就...

[1902-1 台南府城教會報 文類-散文 作者--/-]
彼得改酒 [ Pí-tek Kài-chiú ]
彼得戒酒1902.01 202卷 p.6-7Tī 某所在有一個人姓穆，名彼得kap伊ê查某子羅黛做伙企。禮拜e昏tī 伊ê the椅teh坐，食酒配煙，就kā羅黛講：「羅黛--ah!牧師e晡所講ê道理真正是明，koh是活動ê話，會感激人ê心。羅黛聽了，問in 父看甚mih牧師講道理。彼得ìn 講：「Hé是別位來-- ê,我 m̄-bat--伊」Koh講：「真正是好聽，咱家己ê牧師bē曉講一分仔親像伊án-ni。」羅黛是智識ê查某囡仔知伊ê父kap牧師有淡薄不睦，所以有怨恨ê話意，知若kap伊辯駁也無采工做án-ni問：「阿爹，伊講甚mih道理？」彼得講：「以色列人teh過紅海ê事。題目就是"以...

[1902-1 台南府城教會報 文類-散文 作者--/-]
教會的來歷 [ Kàu-hoē ê Lâi-le̍k ]
教會的來歷 鹿港 1902.01 202卷p.7 主1895年，4月我離開台南來遐開西藥店。佇彼時攏無信主的人佇遐。我若欲守主日，較常去彰化，將近倚成年久，真正毋利便。總是心常常求上帝開路通設伊的聖會。佳哉Moâi牧師佮彰化的傳道先生黃茂盛捌ta̍uh-ta̍uh去遐佈道。 到1897年，上帝就聽我的祈禱，予伊盡忠的 lô-po̍k Moâi牧師顯出大度量，議論定著欲設福音堂，我聽著這號消息，心肝歡喜感恩上帝；無偌久就稅一間店佇板店街，逐月厝稅銀2箍。彼時也我發落堂內所欠用的物件到攏好勢，就佇2月間開堂講道理。離遐6，7里路，有一庄號做徛溝仔幾若口灶屬彰化的教會，in也歡喜逐禮拜...

[1902-2 台南府城教會報 文類-散文 作者--/-]
路加18:9 [ Lō͘-ka 18:9 ]
路加18：9 1902.02 203 卷 p.9 佇台灣某所在有一人，伊做訟棍來趁食，也有食鴉片真傷重。幾若擺愛改毋過改袂離。後來聽見講咱的聖教真好，人若趁道理伊會改鴉片以及逐項的歹。伊就愛去聽，毋過佇in庄--裡無禮拜堂，也無先生通問。離in的庄差不多兩舖路的遠卻有禮拜堂；毋過伊欲去遐是生份人，毋知影，驚見笑，紲毋敢去。佳哉佇遐有一个聽道理的人，伊逐禮拜去彼个禮拜堂拜上帝。彼个訟棍知伊是拜上帝的人就去揣伊，問看伊通佮伊去禮拜抑毋通。彼个人共伊講的確通，逐人攏通去禮拜。伊就講，好，後幫你去禮拜你著來招我，我愛佮你去。聽道理的人允伊好。總是後來想著彼个人真歹名聲，濟濟人捌伊，驚了人若看...

[1902-2 台南府城教會報 文類-散文 作者--/-]
巡教會 [ Sûn Kàu-hoē ]
巡教會 1902.02 203卷p.11 舊年11月11號(舊曆10月初一) 廉牧師出外巡彰化屬的教會。禮拜日，11月24號，佇彰化行洗禮予3个大人佮4个囡仔；也有揀人當職任，就是許進傳做長老，王金池做執事，閣後禮拜chiàⁿ有設立。十二月8號佇鹿港行洗禮予4个囡仔；也有設立游天和做執事。現時傳道先生陳有成蹛佇遐。閣停一禮拜佇Ka-tâu行洗禮，守晚餐；彼日有一人入教。佇這所在已經有傳道理三年久，總是前袂捌佇彼間福音堂行聖會的禮數。 後來廉先生入去埔里社經過三禮拜。舊年日本官開一條新路，所以現時比早年較快出入。遐的教會卻照舊平常，無啥物進步。佇烏牛欄有一個姊妹自細漢受洗禮，taⁿ...

[1902-2 台南府城教會報 文類-散文 作者--/-]
公論事理 [ Kong-lūn Sū-lí ]
公論事理 1902.02 203卷 p.13-16 I. 論禮拜日倩車 論到倩車佇禮拜日來倩有合宜無？照阮咧想差不多有兩爿的情理佇咧；袂得一定講通，抑是毋通；著略仔分別事情，才通別是非。因為佇安歇日也有通也有毋通的所在。 1. 論通倩。論到愛知通倩的情理咱袂免得著略仔想耶穌當時佇世間佮猶太人所辯駁的話才會較知彼个意義，袂通隨便做得。親像耶穌捌引起Tāi-pi̍t枵佮跟綴伊的人入上帝的宮食排列的餅的故事。又閣講毋是因為安歇日來設立人，是因為人來設立安歇日(可。2：23-28)。照這號話意共伊想，是佇安歇日若有通利益人，救人的身軀佮靈魂-的，上帝也歡喜，又是上帝的意思；因為上帝...

[1902-3 台南府城教會報 文類-散文 作者--/-]
消息 [ Siau-sit ]
消息。 1902.03 204卷 p.19 舊年十一月間，安醫生醫生娘參in的細囝倒--去祖家，也紲chhoā宋牧師三个囝佮in倒--去欲去佮in外公蹛。彼霎木柵的姊妹一人，就是月姊，有佮in去，通鬥照顧遐的細囝。今伊已經到位，也有倒轉-來台灣，往回攏平安。伊到英國倫敦城蹛佇遐一廿日；佇禮拜日有去咱的董事，Kong牧師，的禮拜堂禮拜。也有去佮伊講話；伊看見伊來，真歡喜，託重伊倒轉來台灣的時著共兄弟姊妹攏請安。 十二月間甘牧師牧師娘也有倒--去祖家。今阮有接--著in消息咧講起in穩當到位，攏平安。 前張的教會報有講起新大學的事。阮已經有備辦濟濟料便便欲起。彼霎日本的大...

[1902-3 台南府城教會報 文類-散文 作者--/-]
傳道會　 [ Thoân-tō-hoē ]
傳道會 1902.03 204卷p.22 二月第27號(1：20)總傳道會佇新樓道學聚集。現今傳道先生計共35个從中28个來赴會。前敢毋捌有hiah濟先生佇府城聚集。 拜四，拜五等下晡以及拜六頂晡聚集議論代誌。從中有議論Chu-chè會的事，將彼个章程一款一款詳細想到好勢。 也有設法逐縣份的傳道會：佇4月17日(舊曆3月初10)就是拜四暝，攏著聚集。奉山縣屬的佇萬丹聚集，徐春枝做記事；高腓力備辦一篇論，用II林. 4：7做題目。 安平縣屬的著佇木柵聚集。卓老生做記事；林世傳欲讀一篇論，題目就是「傳道先生的本份。」 彰化縣屬的佇彰化聚集，林學恭做記事，黃丁發讀論，題目就是馬...

[1902-3 台南府城教會報 文類-散文 作者--/-]
公論事理 [ Kong-lūn Sū-lí ]
公論事理 1902.03 204卷p.24 咱台南的長老教，著佮日本國長老教合，抑是著佮清朝的長老教合？因為日本國的長老教合做一个，咱台灣的所在也已經屬佇日本國，咱佮in合是較著。 現時清朝的長老教，各个家己料理設法，iáu-kú是散散。因為早年也有人teh議論，愛合做一个；有人講佇清朝腔口濟濟，若欲合一个，大家檢毋著會曉講，會曉聽才有利益？有人講檢采著講正字，抑是著講英國的話才攏會相同。總是咱的祖家的公會有開設長老教佇清朝，咱若佮日本國的長老教合那親像離開in。總是長老教是一个，無論佇英國，美國，德國，印度國，日本國，中國攏相同。 照我的愚見咱佮日本國的長老教合較著。因為現...

[1902-5 台南府城教會報 文類-散文 作者--/-]
拆離巴別的台 [ thiah-li̍h Pa-piat ê Tâi ]
拆裂巴別的台 1902.05 206卷 p.33 聖經有講古早的時天下百姓講話攏相同，總是in生起驕傲的心計謀欲起造盡懸的台，得著大名聲；按呢就悖逆上帝來惹著拍亂腔口的災禍，致到大家攏四散。 救主耶穌未上天的時吩咐學生著傳福音佇通天跤下。也佇逾越節期聖神感動學生，予in會講逐國的腔口；按呢生敢毋是拆巴別的台，予天下的人會得通聽上帝的大疼痛，大權能？ 今今仔日佇聖會的中間猶有彼號才調抑無？敢有。看上帝的道理按怎樣興旺到萬國，敢毋是對聖神幫贊人學習萬國的腔口來傳？ 近來大英國的聖經會有出一本冊講in的來歷，所以有應幾若項佇下底。 佇1802，就是差不多100年前，佇倫敦城有六位敬...

[1902-5 台南府城教會報 文類-散文 作者--/-]
葉滄海的行述 [ Ia̍p Chhong-hái ê Hêng-su̍t ]
葉滄海ê行述1902.05 206卷 p.34(黃Huī-ngó͘記ê。)好朋友葉滄海是台南城內ê 人。伊ê 公bat 做左侍郎ê 官；老父bat 做縣--ni̍h ê 師爺，也bat 做鹽館 ê ló-tia。伊出世tī 同治13 年（就是主後1873）。自細漢就有讀冊。到12歲老父死，16歲老母也死。伊是第2個 ，伊有1個兄早早就過身。 Tuì 16歲起伊有做小可生理。 到tī 1896，腳有生疼，就來府東巷舊醫館就醫生，續信道理。到tī 1898 hō͘ 木柵ê 教會請去教學。Tī 1899 有入中學讀半年；hit 年ê 下半冬有hō͘ 店仔口雜貨店合春請去做掌櫃。凡事盡忠，辦事勤謹；h...

[1902-5 台南府城教會報 文類-散文 作者--/-]
巡教會 [ Sûn Kàu-hoē ]
巡教會 1902.05 206卷p.36 廉牧師 西曆3月16號(2：7)佇草鞋墩晚餐：有25人求入教從中接納三個。這是頭一擺佇草鞋墩行聖會的禮數。這个教會已經設兩三年，現時teh守禮拜較常有50，60人。 三月23號佇牛罵頭晚餐；兩人彼日領洗禮入教。 三月30號佇大社行洗禮予兩人紲守晚餐。 對大社去東大墩佮大里杙。這兩所在是新設的教會，也這陣嶄然活動。總共有46人求入教；佇4月6號(2：28)接納十一个。 四月13號佇彰化晚餐；有16人求入教，從中接納8个。 宋牧師 四月13號佇內埔仔晚餐。有23人來求入教，從中有接納4个；也有行洗禮予三个囡仔。現時陳Teng-suí佇...

[1902-5 台南府城教會報 文類-散文 作者--/-]
傳道會　 [ Thoân-tō-hoē ]
傳道會。 彰化縣。 1902.05 206卷 p.37 今阮愛將舊曆三月初十日，佇彰化城拜堂傳道會所議的事，來排列佇下底予恁知：－ 論這幫來赴會的人，就是西國牧師連德烈；傳道的人：胡Tiāu-ki，林學恭，陳有成，詹大讓，高金生，黃登發。也有來赴會的長老執事佮兄弟：就是茄苳仔，新結，Ka-tâu，彰化，鹿港，共有十七人。 初十ê昏齊聚，請連德烈做主理，派林學恭做記事。閣輪流禮拜佮議論所做的工程。 十一就是拜五9點鐘聚集傳道會；主理林學恭讀羅馬人書12：1。論獻身軀做活祭，來成聖予上帝所歡喜。論明白請黃登發讀論一篇，題目馬太13：24-30，讀了幾若人閣再起來相佮議論內中...

[1902-5 台南府城教會報 文類-散文 作者--/-]
安歇日的論 [ An-hioh-ji̍t ê Lūn ]
安歇日的論 (接前月第 32面) 1902.05 206卷 p.39 (3) 今著全心守。聖經有講，著用安歇日做聖日；這日恁佮後生，查某囝，奴僕，女婢，牛，驢，佮出外人歇佇恁的家攏毋通做工(出。20：10)。列位的好朋友啊，第四誡按呢吩咐，咱著全心愛趁。一家的人著攏煞世間的工，到禮拜堂。若顧厝的人著敬心祈禱，讀聖冊吟詩。大家守全日ka-nn̂g的安歇。連牛，犂，爸，家私，kī-kok器械也著安歇；彼日毋通借別人用。也毋通守一晡。可惜有近街市的兄弟守一晡，一晡蹛店內抄數，款貨，發落銀項，抑是長短零星賣。近山抑穡場的所在，兄弟守一晡，抑是下晡時禮拜煞，有的閣去田園裡種作，收成。有...

[1902-5 台南府城教會報 文類-散文 作者--/-]
旗後醫館　 [ Kî-āu I-koán ]
旗後的醫館 1902.05 206卷p.40 近來旗後的醫館那久那鬧熱。逐日有30，40人來討藥；另外也有50，60个病人踮佇醫館內，逐日著共in巡共in換藥。致到鐘先生一人無法得；因為人hiah-ni濟阮若無共伊設法，驚了伊擔當袂起。所以定著逐禮拜著用三日做醫期，就是拜一，拜三，拜五，彼三日的中間外面人通來予先生看紲發藥予in。總是別日毋通來，拜二，拜四，拜六，禮拜日，彼幾日的中間攏無法藥予人。卻若是緊急的病，不管時通來蹛佇醫館。 請恁通知眾人知，免得in空空行到旗後the̍h無藥。...