[1926-9 芥菜子 文類-散文 作者-陳清忠/Tân Chheng-tiong ]  (2)
名人的祈禱 [ Bêng-jîn ê kî-tó ]
名人的祈禱 (IV) J.Norden (1548－1625) 善良的爸ah，我逐日求揣你，你逐日顯現佇我；我若求你，無論佇啥物時，我會看著你，－無論佇家內，無論佇野外，佇神殿抑是佇街路是按呢。我無論欲做啥物，你佮我saⁿ-kap佇teh；無論佇lim食的時，giâ筆抑是做工的時，騎馬抑是讀冊的時，默想抑是祈禱的時，你不時佮我saⁿ-kap佇teh，我無論佇啥物所在，做啥物事，我時常感著你的恩愛。我若受壓迫的時，你替我持防；人若怨恨我，你保護我；我若腹肚枵，你養飼我；我所祈願的，無論啥物，你賞賜我。Ah，求你永遠賞賜這个恩愛予我，通予通世間的人來知識你所保護我的氣力，你的恩...

[1926-9 芥菜子 文類-小說 作者-陳清忠/Tân Chheng-tiong ]  (2)
一滴一滴的水 [ Chi̍t tih chi̍t tih ê chuí ]
「一滴一滴的水」 (紲接第 5號)。 (16) 猴母佮猴囝。 一隻猴母有生兩隻囝，其中一隻，猴母有特別較疼；chhun 的彼隻，差不多攏無要緊的款。有一日知有一隻狗 teh jip in，猴母隨時就抱彼隻所疼--的，起跤就走。總是為著大驚目睭煙暈，紲將伊的囝的頭殼hám對樹khok落去，頭碗紲cheng破。也彼隻無要緊--的，擒佇猴母的 ka-chiah-phiaⁿ，得著安全逃走。 教示：受寵愛的，常常拄著不運。 (17) 當鳥的人佮雲雀 一隻雲雀kiⁿ著網，直直對當鳥的人求tháu-phàng，講，「我有做啥物毋著，著受死ah？Put-pò是為著止...

[1926-11 芥菜子 文類-散文 作者-陳清忠/Tân Chheng-tiong ]  (2)
人生的五不足 [ Jîn-seng ê Ngó͘-put-chiok ]
人生的五不足 古早有一个學者叫做皆川淇園，伊有按呢講：－ 1、 「衣服。」啥物因端人著穿衫？是因為欲持防寒熱的緣故。若是按呢予身軀袂寒，予身軀袂熱彼款素素的衫，人應該著滿足才著。愛穿媠的衫是因為寒熱猶未入身軀的證據。寒熱若入身軀，就thǹg pak-theh 抑是捲草蓆也無嫌。 2、 「食物。」人怎樣著食？是因為欲充滿空腹的緣故。若是按呢毋免山珍海味著會做得才著。Teh講，－ 「無好mih-phè，食袂落」 的中間，通知伊的腹肚猶未枵。實在腹肚若枵，就米糠嘛無嫌。 3、 「家屋。」人怎樣著起厝？是因為愛預防雨露的緣故。若是按呢，高廈大閣毋免徛會做得。為著火災-害來失落厝的時，就...

[1927-1 芥菜子 文類-散文 作者-陳清忠/Tân Chheng-tiong ]  (2)
死！ [ Sí ! ]
死！ 人應該著死！ 早前出世的人有拄著死的款式，現時teh活的人也著經過彼條死河；後來閣出世的人也是親像為著死來出世一樣。 人生有死，宛然是親像太陽有落山。對東爿上出來的日頭定著一擺著對西爿落--去。人對出世了後，就隨時有死的運命來交纏。人會得通閃避sàn-hiong 的艱苦，lîn-iū 的歹款待；總是袂得通脫離死的手頭。死是人生不能免得，遐確實的事，iáu-kú人無teh想死的事，實在真奇怪。人人宛然 teh想欲活到永遠來經過這世間的款式。若看見序大人的墓，拄著囝兒的大病，朋友葬式的時，彼時就會想出家己的運命；總是若過了就隨時袂記得。 死毋但是佇人生做確實的事實，尚且是最壓制的最有...

[1927-1 芥菜子 文類-散文 作者-陳清忠/Tân Chheng-tiong ]  (2)
信仰的問答--論活基督 [ Sìn-gióng ê Būn-tap--Lūn oa̍h Ki-tok ]
信仰的問答--論活基督 A、先生，你teh 講活基督，彼到底是啥物意思。請指教。 B、活基督就是佇2000年前予人thâi死彼个基督現時猶活，無變換teh活動的意思。 A、基督敢毋是已經予人釘佇十字架死mah，是閣還魂對墓裡出來mah？ B、毋是，毋是按呢，還魂來活的，會閣照舊來死；總是基督是真實死也真實閣活；無變換伊生前的聲音抑是形狀，iáu-kú伊會得自由出入佇關密的門。 A、彼敢毋是基督的陰魂mah？ B、基督的學生起頭嘛是拍算是伊的陰魂，總是基督問in看有啥物通食--無，的時，in予伊一尾魚，伊隨時佇 in 的面前來食；閣再共 in講伊毋是陰魂，陰魂無跤手，伊報in看伊的跤...

[1927-2 芥菜子 文類-散文 作者-陳清忠/Tân Chheng-tiong ]  (2)
兩个異端 [ Nn̄g ê ĪN-toan ]
兩个異端 基督教信仰的基礎就是聖經。上帝有顯現伊本身佇聖經內，也宣言永遠的疼佮拯救佇彼中間。論信仰的枝葉kiám-chhái佮時代有變遷，默示論贖罪的大根本，是phoâⁿ過時代有超越變遷，宛然親像高山，雖罔世移人變 iáu-kú無一屑仔的振動。咱的信仰也著親像按呢。 信仰是事實。神學是說明。所以神學有變遷，總是信仰的事實是永袂變。星辰燦爛佇大的空中，雖罔天文學有進步，但是星本身是無變。紅、白的花參插teh開，雖罔植物學的學說有變遷，但是花彼項物雖罔開佇ái-tiân 的樂園，大概無啥物精差。神學 teh變遷，思想teh進步，總是人猶kú是罪人，著欠用救主，若無贖罪的血，chiong-kó...

[1927-2 芥菜子 文類-散文 作者-陳清忠/Tân Chheng-tiong ]  (2)
「Hiat 你的米糧佇水裡」！ [ “Hiat lí ê bí-niû tī chuí-ni̍h”! ]
「Hiat 你的米糧佇水裡」！ 「Hiat你的米糧佇水裡，濟濟日了後你欲閣得著」。這句是希伯來出名的哲學者所講的話。這句的意思，Ná想是ná深，伊的教示是真大。Hiat你的米糧佇水裡！人毋通想報仇，著hiat你的活命的米糧！人kiám-chhái欲講是拍損，你本身kiám-chhái也欲想是無效的所做。總是著毋通惜來hiat 你的米糧佇無人看見池內的水面，按呢就你佇濟濟日了後欲閣揣出！ 愛是啥物？愛是無向望欲對人得著報仇，歡喜來做的親切。世上有濟濟彼款的人將少少予人，就隨時欲要求人的答禮，向望人用加倍還--伊。實在in 的心肝真劣等！ 彼款的人是kan-ta掠對人得著物來做福氣。真...

[1927-2 芥菜子 文類-散文 作者-陳清忠/Tân Chheng-tiong ]  (2)
桌上談 [ Toh-siōng-tâm ]
桌上談 (續接前號)。 (IV) 宗教 有人問講，所有的宗教，佇苦勸人做好彼層事，敢毋是差不多攏相同 mah？」伊應講。「是，總是有大差別。別的宗教教示人講「照恁所會來行好，後來恁就成做好人。」基督教是教示弄人講，「著成做好人，彼時恁就會行好。」心肝的變化是著代先才著。」 學者問講，「論佛陀你想怎樣？」應講，「伊毋是神秘的人，是kan-ta一个道德tek的先生nā-tiāⁿ。因為佇伊的教示的中間，全然無論神的事。這款的人論神的事反轉是傷奇怪。伊所教示--的，就是盤涅抑是絕滅要求的事。總是拯救毋是要求的絕滅，是要求滿足。 治療喙焦得當的方法，毋是予伊死，著予伊lim夠額。」 ...

[1927-2 芥菜子 文類-散文 作者-陳清忠/Tân Chheng-tiong ]  (2)
一滴一滴的水 [ Chi̍t tih chi̍t tih ê chuí ]
一滴一滴的水 (24) 人一日所suh空氣的份量佮肺的闊。 咱平常teh喘氣，逐擺suh入sûn出空氣的份量，約略是2合。一暝一日肺所喘入歕出空氣的量大概是50石。若將遮个空氣入佇4 斗的酒桶，就會入得百外桶的額。 Suh遮爾濟空氣的肺，伊的面積也是真大。肺是對至細的肺的氣胞集合來成--的，伊的闊若用坪數來比較，差不多是25 坪的闊。 實在無有一項物比人的身軀較奧妙。對按呢通知上帝的智識到佗位！ (25) 長命國佮短命國。 人愛長歲壽，這是人的情。所以若愛長歲壽的人，較好著去長歲壽的國。若是按呢長歲壽的國是佇佗位？若看下面的統計表就會知：－ suī-...

[1927-4 芥菜子 文類-散文 作者-陳清忠/Tân Chheng-tiong ]  (2)
特別的青年 [ Te̍k-pia̍t ē chheng-liân ]
特別的青年 路加2章。41-51節。 讀這10節的聖經，會發見一个特別的青年出來，kiám-chhái有人 teh奇怪講，青年就是青年，thài有一个特別的？實在有。 人出世佇這个世間，若無拄著夭壽，卻逐个會經過一擺偕叡廉的時期，佇彼个時期無攏相同，有的較有智慧，有的較戇，有的較gâu，有的較頇慢，總是遐的較出tioh 的人物，佇青年的時期，有顯出較特別的款，有的特別較gâu講話，有的特別較gâu想，有的特別gâu寫字，有的特別gâu辦事。遮个通講是平常青年的特別，袂得通講是，對古早以來，未捌有的青年，特別今愛求對古早以來，未捌有的青年特別者，有彼个人無？有，彼个是啥物人。耶穌，耶穌怎樣...

[1927-4 芥菜子 文類-散文 作者-陳清忠/Tân Chheng-tiong ]  (2)
一滴一滴的水 [ Chi̍t tih chi̍t ti̍h ê chuí ]
「一滴一滴的水」 (26) 靈魂佮感情的重量 A、靈魂的重： 美國有一个博士名叫Má Lō͘-ka。伊佇幾若年前有真斟酌研究論人的靈魂的重，也發表講伊有用真精密的法度檢定靈魂的重約略有6 錢外。 伊將一个真傷重teh欲死的肺病患者，參伊的眠床 hē佇真精密的天秤的頂面，也徛teh注目斟酌共伊檢查伊的體量。彼个患者，為著伊的呼吸中的濕氣佮h發汗的因端，每時間有減伊的重約略8錢。 過 3點閣40分彼个患者的靈魂走出伊的身軀，死去，tú-tú 過氣的時陣天秤忽然一時閣減 6錢外。這个6錢外，Má Lō͘-ka斷定就是靈魂的重量。 Tāi-liân博士是美國人，伊有予一个查埔人坐佇椅裡...

[1927-5 芥菜子 文類-散文 作者-陳清忠/Tân Chheng-tiong ]  (2)
一滴一滴的水 [ Chi̍t-tih chi̍t-tih ē chuí ]
「一滴一滴的水」 (30) Ba-khu-the-lī-á (細菌) 的大。通動植物界第一細的敢是Ba-khu-the-lī-á。Tauh-tí是loā細？大概是1分的 3000份一(1/3000分)伊的重每粒是0.00000000000041錢。 總是伊的生湠的力是非常，48點鐘後就到440錢重。 細菌的害，大部分是做傳染病的原un佮做肉類以及其他的植物腐敗的 原un。 A. 手佮細菌： 若用500抑是600倍的顯微鏡來看，無論甚物人的手to有濟少的細菌khîⁿ-teh。較濟人是想若sái洗手就會lut，若是實在無hiah快，也袂死。有一款細菌就用蒸餾水抑是純全的酒精來洗，袂l...

[1927-6 芥菜子 文類-散文 作者-陳清忠/Tân Chheng-tiong ]  (2)
一滴一滴的水 [ Chi̍t tih chi̍t tih ê Chuí ]
「一滴一滴的水」 (31) 一百二十歲的長壽法。 某出名的博士，研究人日常的生活佮歲壽的關係，發表講，人若向望愛食到一百二十歲，著嚴守下面所排這幾項，就會達目的：- 1、喘氣著對鼻空。 2、睏的時窗仔門著攏開。 3、逐日bín兩擺喙齒。 4、毋通lim傷濟、食傷濟。 5、逐日著洗浴。 6、每日著例行運動。 7、逐日著兩擺腹肚枵。 8、社務毋通帶轉來厝裡辦。 9、著笑著求好笑的事。 10、無論做啥物事，毋通過頭。 11、對生活著想爽快。毋通貧惰。 12、薰，就毋通食。 13、日常倚著跤手、身邊的物著顧清氣相。 14、衫著照厝內、厝外，應時候來穿。...

[1927-7 芥菜子 文類-散文 作者-陳清忠/Tân Chheng-tiong ]  (2)
世界第一 [ Sè-kài tē-it ]
世界第一 1、世界第一大的樹： 世界植物的種類約有175000種。從中第一大的，就是俄羅斯的Kun-su-tan-teng附近彼叢「Phian tree」。樹身的懸是100 尺，周圍是165 尺：若共伊liâu做兩爿，就每爿會 chhu得「塌塌米」 100 thia̍p。有人teh講，捌一擺有18人佇彼叢的樹khak內開宴會，iáu-kú所在有chhun不止闊。按呢咱就通知伊的大。 第二大的是佇美國。第二大的佇遮毋免講。 2、世界第一懸的樹： 世界第一懸的樹就是豪洲的「尤加利」樹。這款的樹本國也不止有teh栽培，總是氣候風土的精差，袂得通發到偌大；但是伊的原產地，有的約有500 尺...

[1926-5 芥菜子 文類-散文 作者-陳清忠/Tân Chheng-tiong ]  (3)
轉去亞西亞 [ Tńg-khì A-se-a ]
轉去亞西亞！ 轉去，亞西亞！亞西亞是宗教的本所在，是宗教的故鄉！ 佛教佇亞西亞出--的，基督教也是亞西亞生--的。喜馬拉的山跤，加利利的湖邊，實在是世界二大宗教的發源地！ 基督教雖罔是出世佇亞西亞，iáu-kú隨時傳入歐羅巴；這敢通歡喜的事mah？大信，基督-教入歐洲是反轉拄著慘害。設使保羅若無入歐洲若對印度，支那代先來傳毋知怎樣？ 歐洲的文明是科學tek，是機械tek。亞西亞的文化是超越理性tek(超越理性的= phoâⁿ過理性--的)，是靈tek。基督教歐洲人的頭腦是發達(理=理氣)，智(智=智識)，分析(分析=拆開)彼方面。所以連有活命，零的基督教紲共伊分析；致到...

[1926-1 芥菜子 文類-散文 作者-陳清忠/Tân Chheng-tiong ]  (3)
基督ê遺言 [ Ki-tok ê uî-giân ]
基督Ê遺言 　　「細囝ah，我猶有霎仔久kap恁佇teh」 約翰13章33節。 　　耶穌kap伊ê學生路尾擺相kap食晚餐ê時，猶大ê奸計有予耶穌看出，所以猶大袂得thang相kap坐桌，就離開in，去準備欲掠耶穌。後來賰11个學生。耶穌無隱囥講伊ê運命予in聽，也佇這个機會續安慰勉勵--in。耶穌kā in講：「Taⁿ人子得著榮光，上帝也teh欲對伊來得著榮光」。總是耶穌所所掛心ê就是所賰ê 11人。耶穌想in量必會失望、餒志，所以伊利用這个機會講伊ê遺言來安慰in。伊ê遺言是...

[1926-1 芥菜子 文類-散文 作者-陳清忠/Tân Chheng-tiong ]  (3)
魔鬼 [ Mô͘-kuí ]
魔鬼 　　「所以恁著順服上帝；也著抵敵魔鬼，伊就走閃恁。」雅各4章7節。佇宇宙間有魔鬼ê實體á無，這是屬佇神學上、哲學上ê問題。總是照世間人ê經驗，逐人有感著佇in本身以外有一款真強烈ê惡的。所以照世人經驗範圍內，惡魔ê存在是無thang僥疑ê事實。 　　彼得有講：「著節制、著警醒；恁ê對敵就是魔鬼，親像哮ê獅，四界行，teh找所thang吞食--ê。－」彼得(1) 5:8. 　　魔鬼欲陷害人ê時陣，猶毋捌發現伊所會進出ê根本，連欲想像伊&e...

[1926-1 芥菜子 文類-散文 作者-陳清忠/Tân Chheng-tiong ]  (3)
成功無短路 [ SÊNG-KONG BÔ TÉ-LŌ͘ ]
成功無短路 　　「彼時耶穌予聖神chhōa到曠野，欲受魔鬼試。」　馬太4章1節。 　　欲造成品性，無有近ê路；ài得著近路ê，攏是做誘惑ê根源。亞當kap夏娃論in ê智慧ê發達是親像囡仔。對佇食果子，in想隨時ài欲得著彼个智慧。智慧是好ê物，猶久袂會佇一時陣來得著。智慧是親像一个媠ê記念塔，起佇忍耐、勞苦ê地基頂。亞當kap夏娃行短ê路ài欲得著智慧，反轉續陷落罪。 　　主ê受試猶原有相同ê教示佇teh。「人會...

[1926-1 芥菜子 文類-散文 作者-陳清忠/Tân Chheng-tiong ]  (3)
神Ê軟chiá? [ SÎN Ê NŃG-CHIÁⁿ ]
神Ê軟chiáⁿ 　　咱基督徒所信ê神是真軟chiáⁿ ê神－據在人侮辱；予對敵歹款待，無ke講一句話，也無想欲報仇；尚且佇十字架頂來受見笑ê死。 　　無親像thang驚惶ê鬼將軍teh處治伊ê對敵，彼款ê神；也無親像大膽ê外科醫，無想患者ê艱苦，直刣、直割。反轉ná家己予人割ê款，會感著別人ê艱苦。 　　伊無親像強摃，摃破咱ê心門，強強入來。伊ê身軀予露水沃澹，徛佇門口teh細聲叫。伊無捲...

[1926-5 芥菜子 文類-散文 作者-陳清忠/Tân Chheng-tiong ]  (3)
一日一世人 [ Chi̍t-ji̍t chi̍t-sì-lâng ]
一日一世人 「一日一世人」這句是甚物意思？這句全然毋是深的話，是淺現的話。就是想咱大家佇早起時出世，也臨終佇暗時；一日是咱的一世人。 怎樣按呢想？是因為昨昏已經過了，明仔日猶未來；過了的昨昏，未來的明仔日攏毋是咱的；kan-ta 今仔日是nā-tiāⁿ；所以著盡力佇今仔日一日。 昨hng已經過了，無論怎樣傷悲，怎樣懺悔，斷斷無閣來。 明仔日猶未來，到底會來，袂來，毋是咱所會知。下昏安眠，明仔早起精神，kiám-chhái全世界攏變做烏暗；甚物人敢講明仔日，日頭會閣出現？！ Ah，昨昏已經過了！明仔日猶未到！生，死；...