[1927-8 芥菜子 文類-散文 作者-明有德/Bêng Iú-tek]  (1)
好膽，好膽認基督 [ Hó-táⁿ, hó-táⁿ jīn Ki-tok ]
「好膽，好膽認基督」 佇1857年有這个少年人名叫Dudley Tyne。這个人是佇Huì-hú 的聖公會做牧師。彼時的人有teh議論奴隸的事。伊真反對叫遐的人毋通歹款待奴隸。伊的教會聽了有人不止受氣，共伊趕出教會。伊對彼霎就去佮遐的奴隸相佮做工。伊就想kan-ta用喙講理論是無利益，著實行是要緊。所以伊有出力去佮in做工。 伊一日因為欲hiahN麥去，割麥枝，伊的手有予彼个器具ka斷一隻。伊流真濟血，teh欲死，恬恬攏無掛慮。伊的做工伴問伊講，「你有甚麼話愛共你的親人講無？」伊應講，「我的親人是世間所有的少年人，我愛苦勸，吩咐in一句，就是： 「好膽，好膽認基督」。 ...

[1927-9 芥菜子 文類-散文 作者-柯設偕/Koa Siat-kai]  (1)
論「信」[FAITH] [ Lūn “Sìn” [FAITH] ]
論「信」[FAITH] 「信」是甚物？ 「信」就是所向望的會實在，佮袂看見的事的併存。(希伯來11：1。) 怎樣「信」是大要緊 1. 若無「信」就袂會予上帝歡喜。(希伯來11：6) 2. 對「信」咱才有活。(加拉太2：20。) 3. 對「信」萬項事攏會。(馬太17：20。) (馬可9：23。) 「信」的源頭佮目的是甚物？ 1. 上帝是源頭。(希伯來12：2。) (彼得後書 1：1。) 2. 基督是源頭。(使徒行傳3：16。) (加拉太2：20。) 3. 聖神是源頭。(哥林多前書12：9。) 4. 人著信上帝。(馬可11：22。) (約翰6：29。) (使徒行傳2...

[1927-9 芥菜子 文類-散文 作者-柯設偕/Koa Siat-kai]  (1)
淡水教會有志佈道隊 [ Tām-suí kàu-hoē Iú-chì pò͘-tō-tuī ]
淡水教會有志佈道隊 佇今年2月，淡水教會有組織一陣。 佈道隊。名稱名叫「淡水教會。 佈道隊。 目的就是，愛傳報福音佇淡水附近的地方，通擴張上帝的聖國。 起頭有揀He-lô-á，(離淡水4 mai-英里)。因為以前有設拜堂佇遐。 逐拜六，隊員有輪流去遐佈道，演講教主日學。 遐的人真歡迎，機會通講真好。向望會漸漸發展，加添人額。 M̄-nā按呢，也有teh計畫著佇較濟所在來佈道，設主日學。 Kiám-chhái將來會通設講義所。向望讀報的兄姊，佇祈禱的時，替這个淡水教會佈道隊祈禱。 向望上帝的幫贊，會漸漸發展。...

[1927-10 芥菜子 文類-散文 作者-吳清鎰/Gô͘ Chheng-ek]  (1)
寄生蟲 [ Kià-seng-thâng ]
寄生蟲 吳清鎰 譯 蝶(蝶)是刺毛仔蟲變的，是一般的人所知影的，總是照博物學者用顯微鏡，細膩來研究，就知無tú-tú逐尾刺毛仔蟲會變蝶仔，一尾刺毛仔蟲有的時到就親像娘仔 (蠶) kiⁿ殼仔，睏佇殼仔內。後來才變蝶，對殼仔內飛出來，總是有的就毋是按呢，時到就死去，是kan-ta chhun一个刺毛仔蟲殼nā-tiāⁿ。怎樣按呢？就是因為這个刺毛仔蟲，有予一種的胡蠅，共伊叮，紲放胡蠅兩佇刺毛仔蟲的體內(体內)佇遐孵化變做一種的寄生蟲佇刺毛仔蟲的體內(体內)，teh活。Chiah 的寄生蟲就是teh食彼款佇刺毛仔蟲的體內得欲變做蝶的分子，(分子)總是攏無傷害著刺毛仔蟲的外形 (外形)所...

[1927-10 芥菜子 文類-散文 作者-明有德/Bêng Iú-tek]  (1)
基督降世彼一時博士歡喜去揣伊 [ Ki-tok kàng-sè hit chi̍t sî Phok-sū hoaⁿ-hí khì chhē I ]
基督降世彼一時博士歡喜去揣伊 這首詩的作者是Nilliam Chatterton Qix伊佇1837年出世佇英國Bristol的所在。伊的老父是做醫生。伊本身無甚物職業，不過kan-ta著冊佮鼓舞教會的事nā-tiāⁿ。伊不時佇教會來教詩，彈琴，吟詩。伊所著的冊較濟是屬佇聖詩佮禮拜的禮式。 聖公會揀正月初六做紀念日的因端是因為彼日是gâu 的博士對東方來伯利恆欲揣平安的人君的日。遐的博士是外邦人閣是頭一擺去見耶穌。 所以才揀這日來做紀念。 不幸佇這个紀念日Qix紲破病倒佇眠床裡。這首詩就是佇床中想出--的。 這首的意思是愛予遐的外邦的博士的所行，來通...

[1927-11 芥菜子 文類-散文 作者-偕叡廉/Kai Jōe-liâm]  (1)
信就得著 [ Sìn chiū tit-tio̍h ]
信就得著 幾若月日無落雨，洘旱，作穡人無收成；無收成，就無錢通買物；無通買物；店頭就無錢趁。店頭無生理，割店直直欲倒。彼時會社長吐氣，搖頭，煩惱到極，m̄-kú無法度。所以有的錢一盡khêng-oá猶欠三十萬銀；taⁿ欲怎樣。 社長的名號做oán-lī。伊佇Oh-sū-tē-lī-a濟濟年teh做大生理。Taⁿ強強欲破產。 Teh坐的時拄著一位的朋友來探伊。朋友看伊的面憂憂就講。你teh煩惱啥事？社長in講，我teh煩惱錢。這pang生理歹做，我欠三十萬。害ah！真慘！朋友講，你的確毋通煩惱，咱是信上帝的人的確毋通過頭掛慮。你是信者，我是傳道，咱著將萬事交託主。...

[1927-11 芥菜子 文類-散文 作者-明有德/Bêng Iú-tek]  (1)
耶穌疼我！我知明 [ Iâ-so͘ thiàⁿ goá! Goá chai beng ]
耶穌疼我！我知明 aⁿa warner是美國人。伊有toà佇一所在是倚佇New York。 伊家內的人攏是做詩，gâu ji̍h琴，gâu唱歌。伊的姐妹有印幾若本；較濟是論聖詩佮音樂的事。 aⁿa Warner本身有做不止濟的詩。伊所做的詩有關係佇囡仔的款式。伊37 歲的時，有印一本故事冊。佇彼內面有應一首的詩，就是論「耶穌疼我！我知明。」 有人講，伊的囡仔彼時有破病。伊共伊照顧的時有讀聖經予伊聽，也對伊的囡仔的所想，所講來寫這首的詩。 也有人講，伊本身有親像囡仔的心肝佇teh，親像囡仔的信仰佇teh；因為伊有彼款的精神才會寫，「是耶穌疼我。」 這款的精神是倚佇耶穌所講...「恁若...

[1927-11 芥菜子 文類-散文 作者-陳清忠/Tân Chheng-tiong ]  (1)
報料 [ Pò-liāu ]
報料 芥菜子列位的讀者siu-lám：- 本報有決定對mā年正月起欲佮「台灣教會報」合印。芥菜子毋是欲廢刊，本報的特色以及內容的充實，無各樣佇以前，不過是換來chham佇「台灣教會報」內面nā-tiāⁿ。就是將「北部事務」換做「芥菜子。」頁數欲加添到20面。目的是欲予讀者較便利，較經濟的。 所以對mā年正月起發行所(北部)欲換佇淡水龍目井街書房嚴漳先生遐。屬北部的讀者，若愛繼續買，直接對嚴先生注文就-好；屬南部--的，請對南部冊房注文。 芥菜子的報料，愛勞煩列位佇本月中(抑是上慢到後月上旬)來la̍p清楚。 請照下面所定來la̍p：- 1. Boé...

[1927-6 芥菜子 文類-散文 作者-陳清義/Tân Chheng-gī]  (1)
彼得佇所羅門籠中的說教 [ Pí-tek tī Só-lô-bûn lông-tiong ê Soat-kàu ]
彼得佇所羅門籠中的說教 使徒 3章12節到路尾。 彼得佮約翰佇聖殿的suí門醫治跛跤的。猶太人真奇怪，走來就近in，聚集佇所羅門的 léng-lông。這个籠大概是佇聖殿的東爿，卻聖經無講所羅門的籠是佇佗一爿，照約瑟佛的冊所記論聖殿遮的籠。有一籠佇聖殿的東爿，就是約瑟佛所建置，差不多是這个。 彼得看見眾人聚集佇遐，真奇怪，注目看in。就對in說教，請來研究佇這篇的說教中。有教示聽眾啥物，大概通講有4款，排列佇下底。 1、愛予大家知，醫治跛跤的事，毋是對家己的權能，是對信耶穌。 當時的猶太人，真奇怪。看彼得是人，怎樣會行這款。所以愛看伊，彼得講毋是對阮的才能，也毋是對阮的敬虔，來予這...

[1927-6 芥菜子 文類-散文 作者-柯設偕/Koa Siat-kai]  (1)
台灣的山佮溪 [ Tâi-oân ê soaⁿ kap khoe ]
台灣的山佮溪 佇台灣，上一萬(10000) 尺以上的山有48 个。 這tia̍p袂攏總寫遐的名佇遮；總是愛寫幾若个。 新高山 13075 尺 Chhù高山 12972 尺 秀姑巒山 12650 尺 Má-pho͘-lah-su山 12560 尺 南湖大山 12531 尺 實在佇咱台灣有真懸的山。 也台灣的溪，也是真濟條。 獨水溪 42.里(日本里) 下淡水溪 39.7里 曾文溪 33.7里 淡水河 33.1里 大甲溪 30.里 咱台灣的山水通講袂bái，不止有通呵咾...

[1927-7 芥菜子 文類-散文 作者-偕叡廉/Kai Jōe-liâm]  (1)
三个宣教師 [ Saⁿ ê Soan-kàu-su ]
三个宣教師 百外年前有三个英國的宣教師去佇印度設教，就是Ka-lí、Hoâ，佮Má-sa先生(Careg，Ward，Manhman)。這三人立約講in逐日所做若有毋著的所在到日暗著對大家歡喜認，閣in欲將in所有的全部獻予上帝，做伊的聖會的路用。 雖然拄著濟濟款的窘逐、危險、病痛，佮試煉，in也無相離開，反轉嚴守in所入的約。 Ka-lī 先生會講30外款的腔口。伊有用30款的土音來譯新、舊約聖經。這款的才情，世界oh得揣。若是Ka-lī先生gâu譯聖經，Hoâ先生gâu設法印冊，所趁的錢合共有¥ 80,000，iáu-kú伊將所趁的金照約，全部獻予上帝。In有建築一間學校彼時...

[1927-7 芥菜子 文類-散文 作者-柯設偕/Koa Siat-kai]  (1)
佈道祕訣 [ Pò͘-tō pì-koat ]
佈道祕訣 現時正是佈道的好機會，因為較無落雨，閣月光暝的時，欲佇野外聚集實在真好勢。 所以講，現時是佈道的好時期。 耶穌早前猶原是四界行，四界聚集，因為按呢會予人較趣味，較心適。 所以咱現時猶原著學這个方法，來大大鼓舞佈道的工，通曠闊天國佇咱台灣的中間！ 今論佈道的方法有濟濟款。有的吟詩，有的用樂器，有的演說，濟濟款。卻是照各人的趣味，各人的經驗來創看佗一項較有效果。 論佈道所欲講的，我看有3項較大要緊。就是：- 1、神。(上帝) 2、罪。 3、救。 抑是講：- 1、信上帝。 2、反悔罪。 3、靠耶穌。 這3項是基督教根本的道理。所以真大要緊著拆明予粗粗信的人...

[1927-7 芥菜子 文類-散文 作者-明有德/Bêng Iú-tek]  (1)
時刻我欠用主 [ Sî-khek goá khiàm-ēng Chú ]
時刻我欠用主 這首是New york 的 hawks婦人所做的。伊出世佇1877年，是美國浸禮教的會友，37歲的時所寫--的。伊有做真濟的詩，逐禮拜落佇幾若位主日學的雜誌。佇所做的詩的中間，伊的意思是愛予人看見主所以伊的死攏是道理滿滿。若是別人所做的，是予人讀了會知彼个做的人的境遇，好額抑是sàn-hiong。 Hawks婦人所做的，人看了毋知伊的境遇。伊所寫的詩攏有合佇貧賤富貴的欠缺。親像「時刻我欠用主」意思是毋但一刻久欠用主nā-tiāⁿ，著不時、無歇愛佮主親近。...

[1897-2 台南府城教會報 文類-散文 作者--/-]
蕭寶珠 [ Siau Pó-chu ]
蕭寶珠 1897.02 143 卷 p.9-10 前月教會報有講起Pó-chu已經脫離賊ê手倒去in厝。照伊講hit-tia̍p伊予賊掠ê時有差不多60人圍伊，代先掠伊到Tē-jī-pêⁿ，後來掠去大坪頂。 In踮佇遐無厝通蹛， kan-ta蹛佇一个亭仔，四面無壁。原本一日食3頓，後來較無，常常枵飢失頓。 佇遐差不多3日久，日本兵chiàⁿ來拍。 Hit時土匪走紲āiⁿ伊去， 毋過āiⁿ無法，兩人平平跋落溝，寶珠teh做下底。 Hiah-ê賊就放伊佇遐做in走。伊踮佇遐20日久無通蓋也無通食，因為伊ê腳疼所以袂走；hit時只有一个賊兩三日就提寡蕃薯來予伊食。佳哉有日...

[1897-5 台南府城教會報 文類-散文 作者--/-]
雜居地 [ Cha̍p-ku-tē ]
雜居地1897.05 146卷 p.37 Tī西曆5月第8號，就是中曆4月初7日已經到限；hit日ê了後tiàm-tī台灣ê人攏算做日本ê百姓。總是咱m̄免掛慮驚了過hit日in beh liâm-piⁿ 設甚mih新款愛苦楚百姓ê法度。量必敢ê差不多親像這tia̍p ê 款，卻是向望看會tit thang那久那快活。 只有分別chia ê阮外國人所企起通常ê所在。In 日本已經有出告示講若有人猶原愛屬清國m̄ 愛日本藉，in iáu-kú thang toà tī台灣算做外國人，總是bē tit thang猶原逐所在企起，的確得親像阮tiàm tī定著ê所在，叫做雜居地。台...

[1897-5 台南府城教會報 文類-散文 作者--/-]
西爿交戰 [ Se-pêng kau-chiàn ]
西爿交戰1897.05 146 koàn p.37-38 歐羅巴洲ê大國較濟攏是拜上帝ê國。只有土耳其國是屬佇回回教ê。 毋過伊所管轄ê百姓幾nā族是信主ê百姓，常常予土耳其國ê皇帝真窘逐。差不多40年前俄羅斯國ê皇帝起兵愛拍土耳其；hit時大英國kap大法國毋甘願，就去uī土耳其，佮俄羅斯相刣嶄然久，到路尾俄羅斯無法伊著來和。 Hit-tia̍p土耳其阮阮救，伊就甘願品後來的確beh好款待chiah-ê信主ê百姓。後來攏無照伊ê話，猶原是歹款待in；雖然in無犯法伊猶過差兵害死男婦老幼幾nā萬人。 Hit時in擋袂tiâu，幾nā所在有反。 俄羅斯國閣再起兵去beh救in；相刣幾n...

[1897-5 台南府城教會報 文類-散文 作者--/-]
論請本地ê牧師 [ Lūn chhiáⁿ pún-tē ê Bo̍k-su ]
論請本地ê牧師(巴牧師記--ê)1897.05 146卷 p.38-40 今年春會聚集ê時，有5个同會入這个公稟，講in愛請牧師。 這5个 同會就是府城，木柵，柑仔林，岡仔林，Poah-bé。照in講in年年歡喜題兩百銀做牧師ê束金佮所費，就是內山四位ê教會逐个題$30，府城題$80，計共$200。牧師著踮佇木柵徛家，照時去巡hiah-ê教ē。所題hit兩百箍算是新題ê，頂年所出傳道先生ê束金猶原年年著出，牧師ê薪金著另外題。因為牧師踮佇木柵，佇遐毋免請傳道先生，通用hit批錢請一人來顧禮拜堂。 Hit-tia̍p大ē聽了真歡喜，大家peh起來感謝上帝。也派三人，就是嘉義ê長老N̂g S...

[1897-6 台南府城教會報 文類-散文 作者-高天賜/Ko Thian-sù]
論瘟疫ê事 [ Lūn un-ek ê sū ]
論瘟疫ê事1897.06 147卷 p.46-47(高天賜寫。) 瘟疫是上帝所降ê 災厄，ài 叫醒人ê 心。親像在早以色列百姓 tī 曠野bat 抵著瘟疫（民25：9），大衛王 ê 時耶和華也bat 降瘟疫（II撒24：15）。Che攏是顯明人得罪上帝，上帝就受氣，降災厄tī in中間。 若是án-ni，信主 ê 人，上帝敢有受氣in--mah？這項我m̄敢決斷講。總--是我知信主ê 人若真正敬虔服事主，上帝的確無受氣in。今若是人敬虔服事主，in 猶原會抵著瘟疫--mah？會。主是救咱離開罪惡，iáu-boē hō͘ 咱離開世間（約翰17：15）。有一日伊會hō͘ 咱離開世間...

[1897-8 台南府城教會報 文類-散文 作者--/-]
青盲學 [ Chhiⁿ-mî-o̍h ]
青盲學1897.08 149卷 p.59 Tī 這近日有接著日本 ê每日新聞雜報；其中有講起音樂會 ê 事情，今 ài將較要緊ê 大意摘起來報hō͘ 逐家知。咱台南府幾年前甘牧師設一間訓瞽堂 beh 教青盲人學讀冊，亦有叫幾若個青盲囡仔來讀。照甘牧師 ê意思ài差幾個去日本 ê 青盲學thang讀較深，向望後來較大路用；m̄-kú 無夠額所費。有寫批問台北teh 管學 ê 官看怎樣。這個管學ê 官無偌久倒去日本有講起這層事；有一個青盲 ê 樂師聽見大大體貼這個事誌，就舉議著召音樂會聚集來作樂hō͘人聽，所趁 ê 錢攏幫贊台南青瞑囡仔。所以台灣管學ê 官佮幾若位 ê 先生，也有西國ê 先生...

[1897-9 台南府城教會報 文類-散文 作者--/-]
粟鳥仔 [ Chhek-chiáu-á ]
粟鳥仔1897.09 150卷 p.71-72早日孔子看見一個用網仔teh tng粟鳥仔 ê 人，所掠--著攏是細隻ê 粟鳥仔。孔子就問伊講：「Thài 無掠著大隻ê 粟鳥--leh？」Tng鳥 ê 人應講：「大隻粟鳥會曉知thang驚，oh得掠--著；細隻粟鳥仔貪食快快入網內，所以攏是掠著細隻--ê。總--是細隻粟鳥仔若toè大隻--ê,就網bē著；因為會toè 大隻--ê 飛走。大隻粟鳥若 toè細隻粟鳥來食餌，就大細隻攏網會著。」孔子聽了，就越頭kā 伊ê 學生講：「會知驚惶--ê,thang閃避陷害；貪著食--ê,m̄知叫災厄即時到。獨獨所趁有分災禍佮福氣；所以君子ê 人謹慎 tī 所...