[1928-10 台灣教會報/芥菜子 文類-散文 作者-吳昌盛/Gô͘ Chhiong-sēng]
台灣基督教史 [ Tâi-oân Ki-tok-kàu Sú ]
台灣基督教史 吳昌盛 1928.10.01 523卷(芥菜子第32號) p.11-13 Taⁿ閣來看1643年10月7日的台灣年會的報告書的 poa̍t-chuī。「現在各方面攏有teh進步。上帝予愛欲得著救的人日日加添佇咱的教會。亦有設學校佇六所在，現時有600个兒童teh來讀冊。彼中間亦有真gâu寫La̍h-tián字--ê。拍算恁會通對Junius來看著in 的成績phín。Chhân-tiū已經成熟，干焦欠做工的人欲啥步？向望有熱心敬虔閣有大經驗的先生來教chiah 的好教閣快捌的囡仔。逐日的受業攏照規矩，不止有teh進步。特別本地先生的做工不止會通呵咾得。所以一月日愛...

[1968-1 台灣教會公報 文類-散文 作者-吳昌盛/Gô͘ Chhiong-sēng]
好膽進入新年 [ Hó-táⁿ chìn-ji̍p sin-nî ]
好膽進入新年 吳昌盛 1968.01.01 1021號P.7~P.8 聖經：約書亞3：1-6 這段聖經是以色列百姓已經佇曠野漂流40年久。In對做奴才的埃及出來，為著欲入上帝所應允in 的迦南地，In經過千辛萬苦（千辛萬苦），歷盡風霜（歷經風霜），爬山過嶺（爬山過嶺），涉水過路，拄著濟濟的困難佮危險。彼位chhoā in出埃及的摩西亦已經離開世間。 後繼者約書亞繼續chhoā in進行。Taⁿ現在in已經來到迦南地的門口lah！總是佇in 的頭前有約旦河佇teh，這條河予in無法度通容易入迦南地。In欲怎樣敵前上陸？（敵前上陸）。有甚物好的方法通予in入迦南地？聖經記講，「隔...

[1968-1 台灣教會公報 文類-散文 作者-廖恩加/Liāu Un-ka]
日本現代的女性 [ Ji̍t-pún hiān-tāi ê lú-sèng ]
日本現代的女性 廖恩加 1968.01.15 1022號P.10 「現在日本女性結婚的條件。 現在日本的男性猶照以前一樣，向望女性會做「良妻賢母。」總是女性方面是傾向佇愛做「賢妻良母」的趨勢。 今日日本的年輕女性teh想，「啥物是結婚的條件？」寫佇下面予大家做參考： 結婚的條件：1性格。2經濟力。3生活態度。4職業。5學歷。6差幾歲。7面貌外表。8門風。 照以上的排列予咱通知，佇日本的未婚女性欲選擇丈夫的時；1性格會合。2有經濟力。3生活態度有合佇現代等等做要緊。學歷抑是好漢，差幾歲，門風等等比較不重視。 1)性格的內容也求誠實，明朗的人。Teh chhē認真，拍拚做...

[1968-2 台灣教會公報 文類-散文 作者-周金耀/Chiu Kim-iàu]
同心合意，興旺福音 [ Tâng-sim Ha̍p-ì, Heng-ōng Hok-im ]
同心合意，興旺福音 周金耀 1968.02.15 1024號P.3~P.4 頂kái總會有議決新宣5年計畫，彼個目標就是1革新教會，2信徒總動員，3全台歸主。這是根據以弗所4：12 的聖經所提出來的標語。新宣運動，目的就是欲「成全聖徒，做主差用。」 照咱所知，新宣運動分做5年。頭一年是祈禱佮訓練。第二年是強化山地教會。第三年強化農村教會。第四年是強化都市教會佮工業傳道。第五年是海外宣道。 現在咱台灣的社會，變遷真緊，總是咱的教會teh進展，若親像真慢的款。這通講是咱的傳道工作無具體的表現，這個咱未通講是上帝的旨意，咱的確著努力，轉敗為勝。若欲予咱的教會轉敗為勝，這個工作，就毋...

[1968-4 台灣教會公報 文類-散文 作者-趙天慈/Tiō Thian-chû]
聖地巴勒斯坦 [ Sèng-toē Pa-le̍k-su-thèng ]
聖地巴勒斯坦 趙天慈 1968.04.15 1028號P.4 環境 歷史家講，佇世界有4 位文化的發生地，展開佇大河邊：--就是1恆河岸的中國文化。印度河岸的印度文化。2Pek-lat大河的巴比倫文化。佮4尼羅河岸的埃及文化。聖經所記載的「世界」天下，伊的範圍是屬佇3，4兩地區的事，佮1，2兩地區無關係。到佇新約時代，範圍有較闊，因為羅馬帝國有管西歐一帶，所以這兩地區以外到佇Sū-pan-ngá，這是舊約所無的。 蹛佇這兩大區的人，已經脫離遊牧時代進入農業時代，in已經定著蹛(toà)佇遮，研究耕作的事，五穀，果子通收成，無煩惱枵餓。親像俗語講，「衣食足，而後知禮儀」。...

[1968-5 台灣教會公報 文類-散文 作者-趙天慈/Tiō Thian-chû]
聖地巴勒斯坦 [ Sèng-toē Pa-le̍k-su-thèng ]
聖地巴勒斯坦趙天慈 1968.05.15 1030號P.16 佇1929年3月間爵士Gô͘ Lia̍t（Sir Leonard Noolley），當teh揣古蹟的時，有到亞伯蘭的出生地吾珥（Ur吾珥）城，照伊調查，當亞伯蘭猶未離開伊的本鄉裡的時，這個吾珥城已經是一個相當發達文明的城市。吾珥是Su-be̍k-ní人用磚仔疊成的一座城市。當伊佇一位牆邊teh掘，伊發現掘到9 尺深的時，有一層是沖積的層，因為頂面層是堆積破片（牽仔，鍋仔，碗等）佮糞埽，總是這層沖積地層是真清氣的黏土層，掘幾若位攏相像，這明明是大水所沖積，毋是河水流來的大層，約略有尺懸。閣掘落去就無相像lah！是佮頂層相像...

[1968-6 台灣教會公報 文類-散文 作者-趙天慈/Tiō Thian-chû]
聖地巴勒斯坦 [ Sèng-toē Pa-le̍k-su-thèng ]
聖地巴勒斯坦 趙天慈 1968.06.01 1031號P.21~P.22 巴別的塔(B.C.2247年) 對人口的加添，這族的人袂當定定蹛像一所在。人愛探險揣較好的所在來徛起，這是人類的本性。Lô-a-族，穩當逃定定蹛佇A-lat-lia̍p山跤，徙來徙去，後來徙去東勢，有揣著Sī-ná的大變樣，就蹛遮(創11章) 。Sī-ná就是美索不達美(Bí-so͘-pho-tāi-bí)平原，是佇Pek-le̍k-hô佮希底節(Hi-tí-kiat)的中間地。遮的土地真肥，收成真好，水，草攏齊備，合佇牧逐業。佇遮物質上的享受比佇山間較豐富，Lô-a-族就予遮的土地吸牢咧，決定佇遮徛起。...

[1914-1 台灣教會報 文類-散文 作者-廉德烈/Liâm Tek-lia̍t]
後山消息 [ āu-soaⁿSiau-sit ]
後山消息。 1914.01 346卷 P.10 (廉德烈記的) 西曆11月19日(10：22)我對打狗落船欲去後山，佇船裡閣暝天光就到卑南上陸。佇遐歇暝就起身欲去石雨傘 ；路中日本官佮警察gâu替人設法倩工。有一暝佇派出所歇睏，受in好款待。欲暗就到石滬山，無機會通問道理，所以不得已著加蹛佇遐一禮拜。 在11月30佇石雨傘行洗禮予兩个大人，也有接納兩个自細漢已經領洗禮--ê。 又閣有行洗禮予兩个囡仔。 十二月第一號起行，代先佇石-lêng-pō͘過暝，後來過山到大庄，第三日早起就到石牌過一禮拜。佇安息日行洗禮予3个大人，也有接納兩个自細漢受洗禮--ê；紲行洗禮予8个囝仔。 閣一禮...

[1915-8 台灣教會報 文類-散文 作者-廉德烈/Liâm Tek-lia̍t]
慈善會 [ Chû-siān-hoē ]
慈善會 1915.8，no.365，pp.3 (廉德烈記)。 近來南部的佈教慈善會無甚物振興。舊年10月中會聚集掌數將數項來報告。彼霎就知彼个勢面的風險。雖然有幾若位的教會擔當in全年的所費，iáu-kú咱所請的傳道師較濟著倚靠慈善會來補足in 的束金。英國的教會卻有補助金，總是有限定著；現今每年有補助3800箍。又閣因為歐洲的戰亂祖家宣道會有缺額，遐的董事teh料理著無通加添這號的補助金。 發傳道束金的掌數廉德烈知影銀開teh欲了，就請傳道局佇7月20日聚集來議論。阮規日出力參詳這層代誌。因為現時眾傳道的辛金無夠額通發到七月，阮定著有派人欲去各教會佮會友商量看有甚物法度通來補足這...

[1914-4 台灣教會報 文類-散文 作者-陳和/Tân Hô]
欲就會，毋就袂 [ Beh chiū oē, m̄ chiū boē ]
欲就會，毋就袂。 1914.04 349卷 P.7 陳和 三角湧的教會對設立到這霎有30外年；總是這所在的人較早毋愛信趁道理。彼時常常愛做對敵。早前偕牧師去遐傳道理，予人用石頭摃伊；有一半--的來聽道理的人，予人拍到喙齒折去；有的拍到吐血；有的予人用刀刣紲割伊的 hī鼻；彼个人現時猶佇teh。對按呢來看，早前三角湧的人真歹款待信道理的人。佇1902年的時就有得著10个人領洗禮。彼時有出緣錢攏共Y14.50。 對彼霎到這陣有12年的久。現時有領洗禮的人大細男女，攏共79人，聽道者有50外人。佇今年有會友聽見中會有予四个傳道先生可取進名做教師，通予人請做牧師。In就大家心好膽teh...

[1914-4 台灣教會報 文類-散文 作者-張清俊/Tiuⁿ Chheng-chùn]
斗六拜堂落成 [ Táu-la̍kPài-tn̂gLo̍k-sêng ]
斗六拜堂落成 1914.04 349卷 P.10 張清俊 斗六街卻是台島有出名的所在。佇清國時代就是雲林縣；到歸日本帝國了後就有設廳佇遮。斗六大概成千戶，市街不止鬧熱。火車的大線有對遮經過，南北交通利便。佇1885年上帝施恩典佇斗六，予伊的道理到遮。彼霎得著道理的人就是黃福生，吳祿，黃A-lû，Î Kuì，劉萬劍等。In去西螺Ka- tang-á 庄禮拜，也對遐得著道理。總是欲去Ka-tang-á禮拜舖百路，閣著過幾若條溪，所以in就設法佇吳祿的家禮拜。 對按呢人額漸漸加添佇聖會。彼霎有起拜堂，總是無夠偌次序。到1912年興工起新拜堂。這間的拜堂地就是舊時斗六个舊市場，闊兩分外...

[1914-5 台灣教會報 文類-散文 作者-盧慶耀/Lô͘ Khèng-iàu]
鹿港拜堂 [ Lo̍k-kángPài-tn̂g ]
鹿港拜堂 1914.05 350卷 p.10 盧慶耀 佇3月26號鹿港有行獻堂式的禮。禮拜廳懸2丈，深3丈6尺，闊2丈4尺的實內。四面攏有出步，出7尺2寸，內面外面攏鋪磚。壁是用磚疊到3尺3懸。起來就用竹仔編，內面抹花，外面抹糖水花。頭前一个大門2个窗仔，左爿2个窗仔一个門，右爿也是按呢，後面佇上等樓2个海長窗仔，佇下面2个窗仔。窗是走thoah的，也攏是玻璃，門是柴的做西洋式。厝蓋有蓋日瓦。小厝是thiap受起5間。按呢所開的金項，兄弟做工無算在內，共Y2024.53，舊禮拜堂的料拆來起小厝也無算額。 Taⁿ請看報的會友替阮歡喜。有兩層事予咱紀念上帝欲榮光伊的囝咱的主佇這鹿港...

[1914-9 台灣教會報 文類-散文 作者-郭東洋/Koeh Tang-iûⁿ]
主的貴言 [ Chú ê Kuì-giân ]
主的貴言。 郭東洋記。 1914.9，no.354，pp.3 佇咱台島的中間人的性質通講saⁿ親像。對前到taⁿ較濟人學儒教的款，無毋照序大的教示來行，這是做序細的所著行所著做毋敢違逆。序大欲永永離別的時所講的話佮吩咐的事我看人攏較要緊。佇法律上猶原不止重用，這攏是為世間肉體的關係，伊iáu-kú不止要緊保守，無毋用心神來數念。 咱的主為著咱的沉淪臨到這世間，伊有用濟濟法度叫醒咱也不止溫柔，吞忍抑是褒唆安慰仁愛的行踏，款待人的好模樣，這咱不時to有讀，到予咱通綴，主佇受釘的時所講，「父ah！眾人毋知所做著赦免伊。」(路 23：34。)這句予咱知主的盡心。總是咱毋限定佇對敵的刀下，仇人的...

[1968-9 台灣教會公報 文類-散文 作者-鄭泉聲/Tīⁿ Choân-seng]
新制度佮新挑戰 [ Sin Chè-tō͘ kap sin thiau-chiàn ]
新制度佮新挑戰 鄭泉聲 1968.09.01 1037號P.3~p.5 舊年佇咱自由中國有發生一件歷史tek的大代誌，就是咱的政府宣佈對今年9月起欲將各地方普遍設置國民中學來適應這个要求。 1. 新制度新問題。 今這个代誌的決定確實有幫贊佇惡性補習的解除，予兒童對補習的痛苦敨放出來。若是對另外一方面來講，卻產生了新的問題。因為兒童對補習受敨放出來了後，in卻毋知欲如何去善用遐的對無補習所得著的額外時間。閣這个事，配合著in亂用自由的心理，致到有人通日醉迷佇遐的誘害無益的連環圖，傷害兒童心理的電影，以及溜冰場等等的公共娛樂場所，甚至加入幫派來度過遐的時間佮發怒錯誤的英雄氣魄。 ...

[1968-9 台灣教會公報 文類-散文 作者-戴明福/Tè Bêng-hok]
長榮中學 [ Tióng-êng Tiong-ha̍k ]
長榮中學 ● 初中招生的結果？ ● 大專升格的目標？ 戴明福 1968.09.15 1038號P.8～P.9 長榮中學校慶，83週年記念禮拜日閣到lah！ 恭敬寫幾字共大家請安佮說謝。因為逐年得著恁的代禱佮獻金，才會通順利維持到今仔日。這是上主的看顧佮大家的支持的結果。 兩年前咱學校親像一隻船漂流佇大海中，拄著狂風暴雨的風颱。所以阮提起一個口號做目標「著拋綻聽候天光。」彼時阮確實徛佇烏暗中看袂明目標。政府咧準備欲延長義務教育到9年。公立學校直直咧增設學校佮增班。私立學校佇台南市對四間增設到12間的濟，致到咱招生困難，若無參加聯合招生就無學生的來源。教育內容來講是應該保持咱...

[1968-10 台灣教會公報 文類-散文 作者-陳皙宗/Tan8 Sek-chong]
台灣神學院紀念日請安 [ Tâi-oân Sîn-ha̍k-īⁿ Kì-liām-ji̍t chhéng-an ]
台灣神學院 紀念日請安 院長陳皙宗 1968.10.01 1039號P.4-5 各位牧長，各位同道平安： 感謝上帝的引chhoā，感謝各位的代禱佮奉獻，予阮台灣神學院的教職員，會通經過閣一年的時間，來做神學教育要緊的工。真希望各位牧長，各位同道益發為著台灣神學院，對台北地區向全世界所咧推行的聖工，代禱佮奉獻。 台灣神學院對1882以來，繼續產生濟濟主忠實，能幹的工人，四散佇全島傳上帝國的福音；幫贊濟濟人佇主耶穌基督得著佮上帝佮人閣和的體驗。 台灣神學院的畢業生不但佇全島做工，尚且也到海外去傳福音。咱總會的海外宣道會的歷史猶短，總是宣教師出去新加坡，馬來西亞，泰國，Maur...

[1968-11 台灣教會公報 文類-散文 作者-江進發/Kang Chìn-hoat]
醫療團teh做啥物 [ I-liâu-thoân teh choè sím-mi̍h ]
醫療團teh做啥物？ 江進發 1968.11.01 1041號P.3-4 照大家所知，佇100年前馬醫生為著欲傳福音，就佇台南看西街開始醫療工作，後來就開設新樓病院，這通講是台灣西醫的開祖。閣繼續到光復前約90年久，對台灣的醫學界非常大的貢獻；得著醫病來信耶穌的數額算袂了。親像按呢，醫療佮傳道實在有真密切的關係。2000年前主耶穌遍行逐个城，逐个鄉社，宣傳天國的福音，醫治逐樣的病症。台灣開始傳道就是按呢，若看宣教史，未開化的地方閣較是按呢。有人講醫療毋是傳道的手段，總是我想醫療會通做傳道的階段。醫生醫治患者是予伊肉體上得著平安，進一步，若報in信耶穌，敢毋是予伊加得著靈魂上的平安...

[1968-12 台灣教會公報 文類-散文 作者-林政傑/Lîm Chèng-kiat]
下願 [ Hē-goān ]
下願 林政傑 1968.12.01 1043-1044合刊號P.30 「下願」是人佇上帝的面前，家己自動發出有條件的約束；有包含求恩佮感恩的作用。 人對上帝下願抑是對人咒誓，就毋通無行。因為伊守所下的願的話，抑是對咒誓的話來約束，換話來講，伊佇所咒的誓，抑是所下的願已經失去自由。 中國人做注重「信用」，俗語講，「一言放出，駟馬難追」，若有已經約束的一句話無論拄著任何損失，攏袂使得背叛。做生理的人常常一言為定，絕對無違背；有人指腹為婚，當囝兒大漢無論怎樣一定著照約行。假使有人背願，就會予人呸痰呸瀾，看輕，會予人認定是一个無守信用的人。 這是中國優良的民族美德，咱應該著佇這...

[1928-6 台灣教會報 文類-散文 作者-高德章/Ko Tek-chiong]
大家平安 [ Tāi-ke pêng-an ]
大家平安！ 高德章 1928.06.01 519卷p.3-4 列位看報的兄姊平安。感謝主的疼咱大家得著受召的福氣，通脫離烏暗，魔鬼的束縛，入佇光明自由的世界，得著恩典無限。欣慕咱大家的信德一日一日那加添，那進步；親像樹枝結聯佇樹身一般，常常結聯佇主，得著結好的果子濟濟，通予佇天裡咱的父得著榮光。欣慕咱大家佇頭前的路站，或是拄著啥物境遇，是lap起抑是lap落，彎彎斡斡，常常相勸勉，相指導，相引chhoā，免得徛佇邊仔看咱的信仰的朋友teh失迷，無平安，欲跋倒，失志，艱苦。教會兄弟姊妹大家只有「欠債著還--ê」毋是相怨妒，相爭，相欺負，奸詐，詭譎，妒賢，擾亂，只有的確著明--ê。1，...

[1928-10 台灣教會報 文類-散文 作者-高德章/Ko Tek-chiong]
野口博士(Hideyo Noguchi) [ iá-khó͘ Phok-sū (Hideyo Noguchi) ]
野口博士(Hideyo Noguchi) 高德章 1928.10.01 523卷p.10 對科學發達，咱人所得著的幸福毋是小可。毋kú teh研究的人著費盡濟腦力心思，受諸般的艱苦，也著甘願將性命來犧牲，到尾才有通發明出來。 親像欲研究寒熱病佮電光線，為著按呢來放拺in 的性命也是有。一个死，一个閣接續起來研究到成功，按呢這款無保惜in 的身軀，來計謀世間人的幸福，實在通感心。今年teh研究黃熱病來犧牲in 的性命--ê嘛是有。日本野口博士也是在內的一个。 野口博士－出世佇日本的鄉村，家庭散赤爸母作穡－是世界科學界要緊的一个。伊的名聲普遍佇四方，有貢獻佇人類不止濟，實在是會...