[1927-11 芥菜子 文類-散文 作者-張基全/Tiuⁿ Ki-choân]  (4)
製鹽工業 [ Chè-iâm kang-gia̍p ]
製鹽工業 (續接前號) 這款岩鹽有的真清氣，親像德國所出的岩鹽，自按呢毋免閣精製就會食，用得，閣再Stassfurt地方的岩鹽的囥床有1200到3000尺hiah厚，所以通講規山to是鹽。 有人kiám-chhái欲想講佇陸地ná會有鹽hiah濟佇teh？照現今的學者研究，岩鹽猶原是海水漸漸厚來結成的，後來彼个地方受著地勢的變遷，予塗石蓋去。照岩鹽來看，第一下跤層是鹽化加里(鹽化加里)。中層是鹽......鹽化曹達)。頂面層是鹽化苦土......(鹽化苦土)這按呢tú-tú是將海水共伊蒸發(煮)予伊直直厚，就照頂面岩鹽的款式對鹽化加里，後來鹽，第一路尾才鹽化苦土的順序直直析出沈...

[1927-11 芥菜子 文類-散文 作者-柯設偕/Koa Siat-kai]  (2)
淡水中學 [ Tām-suí Tiong-o̍h ]
淡水中學 (柯設偕) 淡水中學是佇1914年3月9號設立開校。到今年已經是13年久lah。通講是本島中第一久的私立的中學。也出業生已經有9回，共67名。現在教員14 位，學生倚200名。漸漸有ná teh進步。通講地基已經在lah。對taⁿ起穩當會受上帝的大幫贊，發展隆盛，利益濟濟人，閣通榮光天國佇台灣。 逐年有募集新入生。Mâ年4月新學年，猶原有欲閣募集。所以大大向望讀報的兄姊，鬥廣告，鬥宣傳這間學堂，予濟濟人會知，會了解這間的精神，佮理想。也向望濟濟人會來入這間學堂。 常常捌有人，到眾人攏入學清楚了，才欲來交涉，看有甚物特別的路。這款實在有時真通同情，m̄-kú...

[1927-11 芥菜子 文類-散文 作者-陳瓊琚/Tân Khêng-ku]  (2)
淡水女學院創立二十週年紀念會 [ Tām-suí Lú-ha̍k-īⁿ chhòng-li̍p jī-cha̍p-chiu-nî kì-liām-hoē ]
淡水女學院創立 二十週年紀念會 十月十三日頂晡對九點起佇淡水女學院的大講堂有開祝賀「創立二十週年」的紀念會。Taⁿ佇遮愛照彼日的順序大略來記佇下底：-第一步1. 奏樂 (陳Sìn-cheng女士)。2. 禮拜。會眾一同，代先吟詩，後來郭水龍牧師讀聖經佮祈禱，就第一步清楚亦接紲第二部。1. 會眾一同唱「Kimigayo。」 2. Thek-gú奉讀。3. 金姑娘校長式詞。4. 來賓祝詞的中間，代先是台北州知事，以外有淡水郡的事務課長，淡水中學長，偕先生。北部長老教會中會的議長章Thian-ki牧師，閣蕭安居牧師。 閣有美國的領事官佮英國的領事官的hō-chng佮對四方的名士以及...

[1927-11 芥菜子 文類-散文 作者-明有德/Bêng Iú-tek]  (1)
耶穌疼我！我知明 [ Iâ-so͘ thiàⁿ goá! Goá chai beng ]
耶穌疼我！我知明 aⁿa warner是美國人。伊有toà佇一所在是倚佇New York。 伊家內的人攏是做詩，gâu ji̍h琴，gâu唱歌。伊的姐妹有印幾若本；較濟是論聖詩佮音樂的事。 aⁿa Warner本身有做不止濟的詩。伊所做的詩有關係佇囡仔的款式。伊37 歲的時，有印一本故事冊。佇彼內面有應一首的詩，就是論「耶穌疼我！我知明。」 有人講，伊的囡仔彼時有破病。伊共伊照顧的時有讀聖經予伊聽，也對伊的囡仔的所想，所講來寫這首的詩。 也有人講，伊本身有親像囡仔的心肝佇teh，親像囡仔的信仰佇teh；因為伊有彼款的精神才會寫，「是耶穌疼我。」 這款的精神是倚佇耶穌所講...「恁若...

[1927-11 芥菜子 文類-散文 作者-陳清忠/Tân Chheng-tiong ]  (1)
報料 [ Pò-liāu ]
報料 芥菜子列位的讀者siu-lám：- 本報有決定對mā年正月起欲佮「台灣教會報」合印。芥菜子毋是欲廢刊，本報的特色以及內容的充實，無各樣佇以前，不過是換來chham佇「台灣教會報」內面nā-tiāⁿ。就是將「北部事務」換做「芥菜子。」頁數欲加添到20面。目的是欲予讀者較便利，較經濟的。 所以對mā年正月起發行所(北部)欲換佇淡水龍目井街書房嚴漳先生遐。屬北部的讀者，若愛繼續買，直接對嚴先生注文就-好；屬南部--的，請對南部冊房注文。 芥菜子的報料，愛勞煩列位佇本月中(抑是上慢到後月上旬)來la̍p清楚。 請照下面所定來la̍p：- 1. Boé...

[1927-5 芥菜子 文類-散文 作者-陳清義/Tân Chheng-gī]  (2)
予人和平的人有福氣 [ Hō͘ lâng hô-pêng ê lâng ū hok-khì ]
「予人和平的人有福氣」 馬太5 章 9節。 主耶穌佇世間的時，有周圍四方傳道理，有一擺佇迦百農附近的所在，看見眾人規陣就近伊。就peh上天然的教壇來說教，題目是論福氣，攏總有8 个。這tia̍p愛將第7 个來論，佇漢文的聖經是講和平的人有福氣。照本文是講予人和平的人有福氣，按呢較著。 論予人和平這4 字，是好字，閣再真好聽。是上帝的聖旨，也是主耶穌的教示，伊是和平的人君，降世做人，做一chân大事業，予世間人佮上帝和好。也予萬國的人通歸一體大家相疼結和平的果子，來合上帝的旨意，所以予人和平的，就是承受上帝的聖旨，順趁基督的教訓。 按呢咱人毋但家己行和平，也著幫贊人予人來行和平，是真要...

[1927-5 芥菜子 文類-散文 作者-陳清忠/Tân Chheng-tiong ]  (3)
基督怎樣比念佛較贏？ [ Ki-tok cháiⁿ-iūⁿ pí Liām-hu̍t 念佛 khah-iâⁿ? ]
基督怎樣比念佛較贏？ 日本基督教會有一个牧師名叫Ku-kok (亀谷)。伊是本源寺的教祖蓮如上人的地18 代孫。伊對細漢到大學卒業，拍算欲承接祖先的職，來做和尚，伊的卒業論文也是關係佇彼方面的研究，-就是研究念佛信仰的大乘者善導大師的 su。總是真奇怪，伊受恩典的手的揀召，斷然脫出和尚的職來做牧師；雖然有受內外的迫害真傷重，iáu-kú無離開伊的本所在，專心佇遐宣傳基督的道理。 伊所發行的雜誌「十字架」有一chām teh論頂面的問題；人若teh袂了解基督教佮佛教的優劣（iu-loat），讀這chām 會通做真好的參考。 伊按呢講： 「念佛是通感謝，這是釋迦的教示；七高僧有信念佛；C...

[1927-5 芥菜子 文類-散文 作者-陳瓊琚/Tân Khêng-ku]  (4)
犧牲的人生 [ Hi-seng ê Jîn-seng ]
犧牲的人生 咱大家所teh穿這款的衫褲佮咱一日三頓所teh食的五穀，-論彼个經過的路程毋知有偌濟？閣講較明，農夫對in犁田、掖種起，到成做飯來入到佇咱的喙內，佇這中間通講已經著勞煩幾若十人，kiám-chhái 幾若百人的著磨佮犧牲才會得著按呢。頂面所講論衫褲佮咱所teh徛起的厝，以及以外逐項物攏是按呢。咱人逐个較常 kan-ta愛要求安樂攏無愛犧牲，總是敢毋知影咱徛起佇這个地面上，抑是講咱的人生已經是犧牲的人生mah？ 所以雖罔人愛閃避，毋kú 脫袂離。今簡簡來講，論犧牲至少通分做兩款；-這款就是家己歡喜的，這號叫做自發tek 的犧牲，閣一款是對別人來強制的，這號叫做他動tek 的犧牲...

[1927-5 芥菜子 文類-散文 作者--/-]  (4)
教囝的法度 [ Kà kiáⁿ ê hoat-tō͘ ]
教囝的法度 第一章 修身 修身的道，有兩項要緊。 1、(持防臨時的災厄)。 就是教囝兒著閃避火，毋通徛佇khàm-kîⁿ 危險的所在，毋通去水深的位，毋通行佇薄冰的頂面，放炮仔，算是無路用，拍損錢，閣會傷著別个囡仔，逐款的毒蟲，毋通予伊趖入厝內，所食的果子，伊的子毋通吞落去，用喙齒咬果子的殼：快拍歹喙齒，逐時做代誌，著持防未來的災厄。 2、(致意衛生的法度。) 親像東爿遮个國的婦人人，看見伊的囝兒身軀lám，就用濟濟款的法度來照顧伊，向望伊的勇健，可惜較濟放sak有路用的法度，一款無開化的老母，若拄著伊的囝兒破病的時，掠做是歹神teh作弄，就用符予伊蹛身軀，用三牲來祭獻。伊想按...

[1927-5 芥菜子 文類-散文 作者-陳清忠/Tân Chheng-tiong ]  (2)
一滴一滴的水 [ Chi̍t-tih chi̍t-tih ē chuí ]
「一滴一滴的水」 (30) Ba-khu-the-lī-á (細菌) 的大。通動植物界第一細的敢是Ba-khu-the-lī-á。Tauh-tí是loā細？大概是1分的 3000份一(1/3000分)伊的重每粒是0.00000000000041錢。 總是伊的生湠的力是非常，48點鐘後就到440錢重。 細菌的害，大部分是做傳染病的原un佮做肉類以及其他的植物腐敗的 原un。 A. 手佮細菌： 若用500抑是600倍的顯微鏡來看，無論甚物人的手to有濟少的細菌khîⁿ-teh。較濟人是想若sái洗手就會lut，若是實在無hiah快，也袂死。有一款細菌就用蒸餾水抑是純全的酒精來洗，袂l...

[1927-6 芥菜子 文類-散文 作者-陳清義/Tân Chheng-gī]  (1)
彼得佇所羅門籠中的說教 [ Pí-tek tī Só-lô-bûn lông-tiong ê Soat-kàu ]
彼得佇所羅門籠中的說教 使徒 3章12節到路尾。 彼得佮約翰佇聖殿的suí門醫治跛跤的。猶太人真奇怪，走來就近in，聚集佇所羅門的 léng-lông。這个籠大概是佇聖殿的東爿，卻聖經無講所羅門的籠是佇佗一爿，照約瑟佛的冊所記論聖殿遮的籠。有一籠佇聖殿的東爿，就是約瑟佛所建置，差不多是這个。 彼得看見眾人聚集佇遐，真奇怪，注目看in。就對in說教，請來研究佇這篇的說教中。有教示聽眾啥物，大概通講有4款，排列佇下底。 1、愛予大家知，醫治跛跤的事，毋是對家己的權能，是對信耶穌。 當時的猶太人，真奇怪。看彼得是人，怎樣會行這款。所以愛看伊，彼得講毋是對阮的才能，也毋是對阮的敬虔，來予這...

[1927-6 芥菜子 文類-散文 作者-陳清忠/Tân Chheng-tiong ]  (3)
真的工程 [ Chin ê Kang-tiâⁿ ]
真的工程 傳道者Ko-lân。(Conant)佇「個人傳道」雜誌的內面，有講起，幾若年前，有一个女宣教師，寫一篇chhiam-hoé 的文，落佇「世界宣道論評」的事。 彼个女宣教師按呢講：- 「我捌鼓舞一个大的集會，也我有滿滿的熱心，愛予這个會得著大的成功。開會彼日，我的老爸，做委員來欲出席，佮我坐佇旅館的食堂長。伊用共鳴的心，聽我說明，這个會的特色以及將來欲得著的盛況。我歇睏teh喘氣的時，我的老爸àⁿ伊的身軀近倚我，目睭看佇這个phâng菜的人，共我講。查某囝，我想佇遐彼个大漢給仕káⁿ會接納耶穌基督。我捌常常佮伊談論，論伊的靈魂的事」。 我為著計畫這个大的集會，我的無閒差不多親...

[1927-6 芥菜子 文類-散文 作者-偕叡廉/Kai Jōe-liâm]  (3)
活活埋 [ oa̍h-oa̍h tâi ]
活活埋 Nî牧師去佇印度傳教濟濟年久。轉去英國的時，一位朋友對伊講，Nî牧師你佇印度的時常常拄著風險的事，請你講淡薄分阮聽。Nî牧師講，好，我講淡薄。我佇印度的時，捌踮佇喜馬拉山的山跤。佇彼所在有不止濟西藏人帶物來táu換，因為西藏是印度的隔壁國。我也學淡薄西藏的土音，後來紲會曉傳道理予in遮的人聽。遮个人平素是佛教，不止對重西藏的活佛。 有一日我tú-teh傳道理的時，忽然聽見一个西藏人teh叫我。伊講伊的老爸破病真傷重teh欲死，愛我緊去安慰伊，紲傳主的福音予in聽。我就佮伊做陣去。佇路中有4个西藏人也佮我做陣行。到阮入佇西藏國的地界，這幾人隨時出手共我掠，紲用索仔縛我。後來拖我...

[1927-6 芥菜子 文類-散文 作者-陳瓊琚/Tân Khêng-ku]  (3)
論佇家庭中祈禱的力 [ Lūn tī Ka-têng-tiong Kî-tó ê La̍t ]
論佇家庭中祈禱的力 論做老母的人彼个責任實在是真大。所以若無得著上主的幫贊，的確無向望會成就做老母彼个重大的使命。上帝佇耶利米33：3，有應允講，「你求我，我的確應，指示你本事，神的奧妙袂測度，恁未捌聽見」。所以親像teh指揮大家族的老母，有時的確有彼款盡oh得辨理的家內事，所以做老母的人的確著欠用料理家內，得當的才情。因為有時著用智識、吞忍、疼痛佮同情等等，就是照彼時彼時所著欠用的法度，因為有是定著會拄著真oh得設法的所在。親像佇這款oh設法的時陣，老母心肝著清靜，也著謹慎本身的舉止行動，閣著不時用對主來祈禱，因為伊是gâu體貼軟弱的，gâu幫贊人的，閣是gâu 慰安佮gâu賞賜智識予人...

[1927-6 芥菜子 文類-散文 作者-雪峰逸嵐/Soat-hong Iat-lâm]  (3)
兒童欄上帝的guâ [ 兒童欄 Siōng-tè ê gâu ]
兒童欄 上帝的 gâu。 (雪峰逸嵐) 通疼的囡仔兄、囡仔姊。我佇舊年11月第 10號，有佮恁講一項事，恁會記得袂？若袂記得，著hian第 10號的 「芥菜子」就連鞭會想著，就是智識的源頭，我有講欲閣講予恁聽因為有濟濟代誌，也去廈門，閣過來猶原未有時間通kia̍h筆，總是真掛心，對恁真失禮，今無要緊，請赦免，chím-moá欲閣佮恁講lah。 今欲佮恁講啥物？請你拜託恁阿娘，恁阿姊讀15號的本報。「造化的奧妙」予恁聽，紲解說較淺較明，恁才聽會曉，(也請有心佇兒童宗教教育的爸母，歡喜佮恁的囝兒談論)。 囡仔兄、囡仔姊。恁信mah？敢有影萬物是上帝創造--的？有人講，萬物是盤古 kia...

[1927-6 芥菜子 文類-散文 作者-明有德/Bêng Iú-tek]  (2)
聖哉。聖哉。聖哉！ [ Sèng-chài. Sèng-chài. Sèng-chài! ]
聖哉。聖哉。聖哉！ 這首詩是R.Heber所作的。伊是英國人，出世佇1783，卒業牛津(Oxfort)大學。伊做囡仔的時真gâu做詩。伊做詩到一世人。伊所做的較常是聖詩。伊佇英國的一所在做牧師16年久。做牧師的時伊真欣慕愛去印度。佇英國的時，伊不時看印度的地圖，想愛蹛遐通四界看遐的人的狀況。40 歲的時伊有受一个kam-tok牧師的命令，去印度的 Calcutta做遐的 kam-tok。3年久伊不時出外探教會。伊真熱心做主的工。有一日伊做工真thiám，轉去厝ni̍h 的時入去浴間洗身軀，一點鐘後，一个朋友來揣伊，總是看伊已經佇浴間內過往。 佇咱的聖詩的中間，兩三首是伊所做--的。這...

[1927-6 芥菜子 文類-散文 作者-張基全/Tiuⁿ Ki-choân]  (3)
砂糖製造工業 [ Soa-thn̂g chè-chō kang-gia̍p ]
砂糖製造工業 (張基全) 糖的歷史：-古早人欲得著甜的味，是對食逐款的果子佮食蜂蜜來得著，了後才知影講對甘蔗會通得著糖。 今到底這項甘蔗第一起頭是佇啥物所在發生，咱無確實的證據歷史通予咱知。有人傳說講是中國第一早有，總是照歷史所記載。Herodotus (ロドタスヘ)時代就是主前327年亞力山大王拍印度國的時東印度就有the種甘蔗，總是彼時種甘蔗是欲做神佛的祭物，抑是做藥，抑是做食的路用，猶袂曉製糖的法度。到紀元 500外年的時才會曉製糖，所以有人講印度國是甘蔗佮糖的起源地，後來傳去波斯阿拉伯，彼時伊的名是叫做Saccharum (サツカラム)後來有運去希臘、羅馬，彼時是叫做印度鹽，價...

[1927-6 芥菜子 文類-散文 作者-柯設偕/Koa Siat-kai]  (1)
台灣的山佮溪 [ Tâi-oân ê soaⁿ kap khoe ]
台灣的山佮溪 佇台灣，上一萬(10000) 尺以上的山有48 个。 這tia̍p袂攏總寫遐的名佇遮；總是愛寫幾若个。 新高山 13075 尺 Chhù高山 12972 尺 秀姑巒山 12650 尺 Má-pho͘-lah-su山 12560 尺 南湖大山 12531 尺 實在佇咱台灣有真懸的山。 也台灣的溪，也是真濟條。 獨水溪 42.里(日本里) 下淡水溪 39.7里 曾文溪 33.7里 淡水河 33.1里 大甲溪 30.里 咱台灣的山水通講袂bái，不止有通呵咾...

[1927-6 芥菜子 文類-散文 作者-陳清忠/Tân Chheng-tiong ]  (2)
一滴一滴的水 [ Chi̍t tih chi̍t tih ê Chuí ]
「一滴一滴的水」 (31) 一百二十歲的長壽法。 某出名的博士，研究人日常的生活佮歲壽的關係，發表講，人若向望愛食到一百二十歲，著嚴守下面所排這幾項，就會達目的：- 1、喘氣著對鼻空。 2、睏的時窗仔門著攏開。 3、逐日bín兩擺喙齒。 4、毋通lim傷濟、食傷濟。 5、逐日著洗浴。 6、每日著例行運動。 7、逐日著兩擺腹肚枵。 8、社務毋通帶轉來厝裡辦。 9、著笑著求好笑的事。 10、無論做啥物事，毋通過頭。 11、對生活著想爽快。毋通貧惰。 12、薰，就毋通食。 13、日常倚著跤手、身邊的物著顧清氣相。 14、衫著照厝內、厝外，應時候來穿。...

[1927-7 芥菜子 文類-散文 作者-偕叡廉/Kai Jōe-liâm]  (1)
三个宣教師 [ Saⁿ ê Soan-kàu-su ]
三个宣教師 百外年前有三个英國的宣教師去佇印度設教，就是Ka-lí、Hoâ，佮Má-sa先生(Careg，Ward，Manhman)。這三人立約講in逐日所做若有毋著的所在到日暗著對大家歡喜認，閣in欲將in所有的全部獻予上帝，做伊的聖會的路用。 雖然拄著濟濟款的窘逐、危險、病痛，佮試煉，in也無相離開，反轉嚴守in所入的約。 Ka-lī 先生會講30外款的腔口。伊有用30款的土音來譯新、舊約聖經。這款的才情，世界oh得揣。若是Ka-lī先生gâu譯聖經，Hoâ先生gâu設法印冊，所趁的錢合共有¥ 80,000，iáu-kú伊將所趁的金照約，全部獻予上帝。In有建築一間學校彼時...