[1937-4 台灣教會公報 文類-散文 作者-蕭樂善/Siau Lo̍k-siān]
信仰的公園 [ Sìn-gióng ê Kong-hn̂g ]
信仰的公園 蕭樂善 1937年4月625期 22-23 1.「予人的比對人提的較有福氣」(行傳20：35)。世間人攏是愛經驗對人得著的歡喜。總是上帝所予人第一大的歡喜是囥佇予人。伊有歡喜伊實在有得著。 2.進化論的Tàn-lí-bûn ，佇1883有訪問Tierra del Fuego 。看彼位的人非常無開化，宛然親像厝內所飼的雞仔；總是佇36年後伊閣去遐的時，看見大的變化，伊不止gông-ngia̍h。彼个變化就是對福音。伊才知，福音的力比自然進化的力加非常大。伊就寫批予倫敦宣道會講，「恁若揀我做恁的名譽會員，我是真榮光。批內我寄25磅的金，愛做宣道會的路用」...

[1937-4 台灣教會公報 文類-散文 作者-蔡受恩/Chhoà Siū-un]
教會的反省 [ Kàu-hoē ê hoán-séng ]
教會的反省 蔡受恩 1937年4月625期 21-22 反省的教會，就是做咱咧欲向前的準備，也是發展的出發。近來教會有不止受奮興的色彩，真通感謝主。 雖是徛佇這个奮興的時期，猶過魔鬼咧做工欲搶提咱。所以著反省甚物時，是魔鬼的機會，對怎樣咱的教會未出發到佇復興的地點。請相及反省數項來做咱的警戒。 1. 嫉妒分爭。I林3：3-15。看哥林多教會的紛爭，予保羅真掛慮。In是用人做中心。有人講阮是屬保羅，有的講阮屬亞波羅，真可憐，in毋知，in受召是對基督，也毋知in的教會是基督的。In成群結黨，顧家己的地盤，擁護私意的人。咱教會有按呢無？若按呢袂通出發到佇奮興的地...

[1937-5 台灣教會公報 文類-散文 作者--/-]
基督的教會 [ Ki-tok ê Kàu-hoē ]
基督的教會 1937年5月626期 1-3 基督佇世間的時代，見若猶太人所蹛的地方，攏有in的會堂。In佇會堂內敬拜上帝，讀舊約的聖經佮咱現在的禮拜堂差不多siāng款的路用。論到「教會」。(原文意思是「上帝所揀召出來的人，所聚集的會」)。這兩字，佇新約聖冊有兩項的意義：─ (1)是指一定--的：親像耶路撒冷的教會。腓立比的教會。羅馬的教會彼款。就是指一間的教會：佇新約真濟按呢記。 (2)是指無一定--的：親像行傳14：23，「逐个教會」；2帖撒羅尼迦1：4，「佇上帝遮的教會」；羅馬16：4，「外邦的眾教會。」又閣以弗所批內的意思，是天頂地上一切的基督徒，攏集中佇...

[1937-5 台灣教會公報 文類-散文 作者-許有才/Khó͘ Iú-châi]
傳教者所毋通--的 [ Thoân-kàu-chiá Só͘ m̄-thang--ê ]
傳教者所毋通--的 許有才 抄譯 1937年5月626期 6-7 傳教師的異動已經好勢，教會眾項事對遮起，通向望順調進展。下面的文，本人讀了不止有受著勉勵，這時抄譯佇遮，獻做同僚者他山的幫助，拍算是有合佇時宜。 1. 毋通佮舊任地的會友繼續通訊。反轉著苦勸in，凡事佮新任的傳教師參詳。 2. 毋通插舊任地的會友的事。雖然有人來拜託，也毋通。 3. 毋通隨便嫌新任地的教勢。檢采會嫌著前任者。譬喻講，「這个教會真衰微」。抑是報告講，「Taⁿ直直咧進步啦！」。 4. 毋通傷引起家己的家族的事。親像講，「我的婦人人......」抑是「我的囡仔......」...

[1937-5 台灣教會公報 文類-散文 作者-陳金然/Tân Kim-jiân]
疼的創造 [ Thiàⁿ ê Chhòng-chō ]
疼的創造 陳金然 1937年5月626期 7-9 咱知雞卵摃破，只有卵仁佮卵清nā-tiāⁿ，攏無頭無面，總是雞母用疼痛的翼來孵燒伊，就漸漸變化，到20日足，就有媠媠通疼古錐的雞仔囝走出--來！宇宙的源起頭也是渾沌烏暗，若是上帝的疼來共伊孵-sio，就有秩序(創1：2)。按呢這个宇宙是對烏暗成光明，對絕望變成有向望。日落西山啦！雖然是烏烏暗暗，總是咱的新紀元也到啦！因為歡喜，光明的早起來啦！所以講，「有ê-hng，有早起啦」(創1：5，8，12，19，23，31)。論宇宙的起源有偌濟的學說，咱不管伊，因為咱的聖經所要緊--的，是人類得救的歷史啦！所記，就是上帝創造人，完...

[1937-5 台灣教會公報 文類-散文 作者-許水露/Khó͘ Chuí-lō͘]
六十六卷的聖冊 [ La̍k-cha̍p-la̍k koàn ê Sèng-chheh ]
六十六卷的聖冊 許水露 (接4月第13面) 1937年5月626期 9-10 第7講：第6卷，約書亞記。 背景：B. C. 1451─1427，共26年久的事情攏記載佇本書。聖經中歷史的冊，計共12本。第1本，就是約書亞記。「約書亞」的意思，就是「救主，」佮新約希利尼話的「耶穌」siāng意思。所以約書亞通代表耶穌。上帝的兒女犯罪，對律法袂得入迦南地；總是對靠耶穌的救恩，才會得進入迦南地。 I. 本書的著者=有兩說。 1) Í-sū-lat，抑是撒母耳寫--的(24：31)。 2)除了24：29─33的以外。攏是約書亞寫--的(24：26...

[1937-5 台灣教會公報 文類-散文 作者-雪峰逸嵐/Soat-hong Iat-lâm]
路得記的研究 [ Lō͘-tek-kì ê Gián-kiù ]
路得記的研究 雪峰逸嵐 (接4月第9面) 1937年5月626期 10-11 7節：「伊就對徛起的所在出去，兩个新婦佮伊去，行路欲倒去猶大地。」人當覺悟的時看世界的一切攏是空。拿俄米佇這時已經醒，看摩押攏是空虛，無通安慰，無通安歇，寧可踮上帝所祝福的猶大地做這乞食，毋願踮摩押做富翁。(到這霎實在也無富翁通閣做啦)所以就決意連鞭離開摩押啦。人欲脫離罪惡的把縛也著決意，連鞭(=即時)離開，才會用得。拿俄米這時親像聽見主的聲音講，「起來啊！去啊！！遮毋是恁安歇的所在。」(彌迦 2：10)。「恁著離開--伊，離開伊，對遮出來，拌去塵埃，起來坐，敁開頷頸的鎖鏈。」(以...

[1937-5 台灣教會公報 文類-散文 作者-吳義勇/Gô͘ Gī-ióng]
著傳基督佮伊的十字架 [ Tio̍h Thoân Ki-tok kap Si̍p-jī-kè ]
著傳基督佮伊的十字架 吳義勇 1937年5月626期 11-14 上帝佮人的中間只有一本冊，會予人捌伊，也只有一个中保，予人對伊來親近上帝。聖經是上帝寫成的冊，耶穌是對上帝的道來成--的，耶穌講，恁研究聖經共我做干證的，就是這本聖經。咱做信徒的人最要緊，就是愛知捌上帝佮耶穌。保羅佇哥林多前書2：2有講，「因為我決斷佇恁中間毋知別項，只有知耶穌基督釘十字架nā-tiāⁿ」。保羅是真博學的人，伊原本也是知影真濟項的代誌，毋過伊為著救人的事，所以毋講別物，只有講耶穌基督釘十字架的道理nā-tiāⁿ。咱做傳道理的人，所著知的也是這點，一生所著傳的也是佇這點，可惜人知影真...

[1937-6 台灣教會公報 文類-散文 作者--/-]
傳道的精神 [ Thoân-tō ê Cheng-sîn ]
傳道的精神 1937年6月627期 1-2 「我傳伊，用逐樣的智慧苦勸逐人，教示逐人欲獻逐人踮佇基督來完全。為著這个，我著磨，照伊出力行佇我內面的功用來爭戰」(歌羅西1：28，29)。 近來逐教會信徒，對佈道的工作不止熱，這真好。總是著會記得，這若干焦出佇人的活動，結局就無甚物效果佇咧。所以鄙人深深向望列位，將早保羅先生熱烈的傳道精神，大復興佇咱的中間。 I. 傳道的題目。 「阮傳伊」：「伊」，就是咧指頂面27節，「就是基督踮佇恁，做榮光的向望--的」。雖然大宣傳深遠的教理，高潔的倫理道德訓，也袂通救人的靈魂。咱所著傳--的，只有是基督本身。總是毋是干焦用喙...

[1937-6 台灣教會公報 文類-散文 作者-許水露/Khó͘ Chuí-lō͘]
六十六卷的聖冊 [ La̍k-cha̍p-la̍k koàn ê Sèng-chheh ]
六十六卷的聖冊 許水露 (接4月第10面) 1937年6月627期 3-4 VIII. 本書的分段。 本書攏共有24章，為著便宜上分做4段。 第I大：深入迦南(1：─5：)。 1. 強心壯志(1：)。 1)約書亞受任命做司令長官(1：1─9)。 2)準備入迦南地(1：10─18)。 2. 信心的行為(2：)。 1)佇什亭差遣兩个探偵(2：1─10)兩个探偵到耶利哥城，入喇合的家。耶利哥城代表世界，喇合代表罪魁。上帝佇罪魁的身上顯明伊的榮光。喇合有3項可取：─ (1)聽主的聲做代誌。 (2)深知上帝的大權能。 (3...

[1937-6 台灣教會公報 文類-散文 作者-雪峰逸嵐/Soat-hong Iat-lâm]
路得記的研究 [ Lō͘-tek-kì ê Gián-kiù ]
路得記的研究 雪峰逸嵐 (接5月第10面) 1937年6月627期 4-5 這篇的祝詞有應驗，抑無？若將Gô͘-jíⁿ-pa來想伊的結果。頭一擺毋知頭來嫁予外國人，閣破病，閣散凶，死了紲無通食。Taⁿ第二擺敢欲刁故意mah？我想伊欲探聽有搖椅，有懸樓，有田園，會穿洋服，攑suh-咧-kih--的，才欲嫁啦；又閣伊的名是諂媚，所以也會快出身才著(屬世--的)，按呢就有應驗啦。路得lè？閣較好。看落去就知，予咱通知靠上帝的祝福，毋是空空(參考創世記49：)。 Ná-o-bí佇這時閣共in唚喙相辭，in就出聲啼哭。佇這時的啼哭，通講是真情，真意的啼哭；大家遐疼心，新婦遐孝順...

[1937-6 台灣教會公報 文類-散文 作者-許有才/Khó͘ Iú-châi]
稱基督做主 [ Chheng Ki-tok chò Chú ]
稱基督做主 許有才 1937年6月627期 6 耶穌講，「見若稱呼我講，主啊，主啊的，無一盡入天國。」稱呼若是佇喙裡若-tiāⁿ，佇主的面前無通受接納。咱咧講主啊，主啊，是著對真實的心底衝出--來，有充滿信，愛，的內容佮敬，服，的心tek態度(心的態度)，才通向望主的 祝福。試分兩項講較明：─ 第1。喙咧稱呼「主啊」，就是著佇心內有深信耶穌基督，已經為著咱做完全挽回的祭物；替咱受死，對死人中上帝予伊閣活；因為上帝予伊閣活，通知上帝有歡喜監納這个祭祀。所以基督為著咱有成贖罪的功勞。Taⁿ咱對信伊，脫離罪的死無，白白稱做義，做上帝的囝兒，通承接永遠活；總講，就是信耶...

[1937-6 台灣教會公報 文類-散文 作者-陳金然/Tân Kim-jiân]
你佇toh-loh？ [ Lí tī toh-lo̍h ? ]
你佇toh-lo̍h？ (創 3：9) 陳金然 1937年6月627期 6-8 民報連載小說，「凌辱之道」，所描寫許約翰因為失戀，紲自暴自棄，墮落，行衛不明，不知去向，總是伊的老母逐時數念伊；紲致病，到欲死的時也猶咧叫「約翰，你佇toh-lo̍h？」死目毋願瞌，咧揣伊的囝。我想路15章，彼个放蕩子的老母穩當佮這个相siāng症頭來早過世，所以賰伊的老爸咧瞭望「我的囝，你佇toh-lo̍h？」leh！這攏有表明疼囝的情有偌切，偌深。Taⁿ上帝因為人類墮落，犯罪家己覕咧，走遠遠，毋敢見上帝。伊就出聲來揣彼人講，「你佇toh-lo̍h？」 佇這時來想彼个情境：「........

[1937-6 台灣教會公報 文類-散文 作者--/-]
雜錄 [ Cha̍p-lio̍k ]
雜錄 1937年6月627期 8-11 I. 數念梅牧師 劉主安 數年前我常常捌佮林燕臣牧師禮拜日去草地的教會禮拜。佇車內，抑是咧等車的時陣，我常常捌聽著林牧師講，早梅牧師佇台灣的時真熱心佈道，摃鼓，摃鑼，歕ラツバ，傳道理佇逐所在，可惜因為台灣的氣候無合伊的身體，致到袂通閣再來。 三年半前，我捌一擺chhoā學生去旅行，頭一擺到草屯，看見遐一間大的禮拜堂。彼時有對郭朝成牧師聽著講，「這間教會是對早梅牧師佇遮佈道所結的果子」。 閣我前佇女學咧做工的時，捌幾若擺聽著一位的先生咧數念梅牧師，牧師娘佮in的克己，大為著學校大援助的代誌。 我本身毋捌見著梅牧師。總是平...

[1937-6 台灣教會公報 文類-散文 作者-駱先春/Lo̍k Sian-chhun]
肉體內有刺(B) [ Jio̍k-thé-lāi ū chhì ]
「肉體內有刺」(B) 接4月號23面 駱先春 1937年6月627期 23-26 Taⁿ論「肉體有刺」，有真濟的說佇咧，來研究遮的是不止心適的事。有的是對空想來生--出--的，有的檢采會信-得；總是無一說是確實性佇咧。 Taⁿ愛分做3大項來論，就是：(I)肉體的病疼。(II)外部的困難。(III)心神上的試煉。 I. 肉體的病疼。 無論甚物人，伊的身軀若有破病，抑是無拄好，註釋家共伊號做肉體內的刺。譬喻親像頭殼疼，耳仔疼，青盲，消化不良，羊眩，憂鬱病等，總是較有關係--的，就是眼炎，羊眩，頭殼疼。 (1)急性的眼炎。 這款的病，佇東洋真時行，特...

[1937-7 台灣教會公報 文類-散文 作者--/-]
長執的使命 [ Tióng Chip ê Sù-bēng ]
長執的使命 1937年7月628期 1-2 I. 尊重閣嚴守聖日的禮拜。 長執為著佇信仰tek欲做眾信徒的模範，頭一項著尊重閣嚴守聖日的禮拜。自然聖日以外的集會，也著關心；總是特別佇聖日的禮拜著愛出席。若無著當值的長執，較好著坐進前，替牧師祈禱，求聖神幫贊。 II. 有敬虔的宗教經驗。 時時愛讀聖經佮祈禱。著家己警醒，毋通掠做咱做當職--的，是這个已經卒業的信者啦。聖經的研究會，抑是早天的祈禱會，著撥工出席。 III. 盡力傳道理。 卻毋是講著擔當親像傳教師彼款的任務。佇你的職業抑是交陪朋友，會通做個人傳道的工程。將你的家庭做傳道所抑主日學的教室，是真...

[1937-7 台灣教會公報 文類-散文 作者-雪峰逸嵐/Soat-hong Iat-lâm]
路得記的研究 [ Lō͘-tek-kì ê Gián-kiù ]
路得記的研究 雪峰逸嵐 (接6月第5面) 1937年7月628期 4-6 4. 失敗的答案 14節：「In閣出聲哭；俄珥巴佮大家唚喙(=相辭)，獨獨路德佮伊放袂離」。佇這時的啼哭，心理就無siāng啦。路得的哭，是同情大家，決定毋甘離開的哭。俄珥巴的哭，是勸欲倒轉去的心理的哭；因為伊的心已經振動，試驗的問題佇伊的心內咧拍算盤，無決定的心理通應。所有的答案；就是離開大家倒轉去。佇這站咱請來想俄珥巴的靈程是啥款？伊起頭也是真好；綴大家佮同姒相佮經過患難，苦痛，艱難，悲哀的生活，無有一屑仔的安慰快樂。代先死丈夫，後來死小叔，無翁，無囝。三个守寡的大家新婦，經過淒慘苦痛的...

[1937-7 台灣教會公報 文類-散文 作者-許水露/Khó͘ Chuí-lō͘]
六十六卷的聖冊 [ La̍k-cha̍p-la̍k koàn ê Sèng-chheh ]
六十六卷的聖冊 許水露 (接6月第4面) 1937年7月628期 6-8 第8講：第7卷，士師記。 背景：對約書亞過身了後，到掃羅受設立做以色列王，計共330年久，上帝有揀拄好的人佇逐時代來治理以色列百姓。佇這330年久，有13个士師相接紲來治理以色列百姓，in的事情攏記載佇士師記。 I. 本書的著者=撒母耳寫的。 II. 本書著作的年代=B. C. 1100-1096年。 是以色列國君主政體建設前寫--的。因為本書最後4章共有4擺寫「當時以色列人無王」。(17：6，18：1，19；1，21：25)。 III. 本書著作的場所。 大約佇蘇弗...

[1937-7 台灣教會公報 文類-散文 作者--/-]
論說：請聽！！！ [ Lūn-soat: Chhiáⁿ thiaⁿ!!! ]
請聽！！ (嘉中：記者) 1937年7月628期 10-11 聽！聽！聽！請聽A. D. 1865年6月16號，馬醫生，杜牧師in大家頭擺佇台南市看西街咧行醫，傳教的聲。閣無久，台南市民僥疑，出字白，誣賴大擾亂，攻擊禮拜堂的聲。以外佇後來有偌濟傳教師，長執，熱心的會友，受人舂，拍，趕逐的聲。In佇暗黑的場面，紲救欺負in的人。這个聲，咱今仔日真欣羨。 聽！聽！聽！請聽今日社會咧呵咾教會病院的仁慈博愛。教會育嬰事業佇社會咧指導，以及佇教界實際咧活動的眾傳教師，長執，主日學教員，佈道隊。In敢無濟濟是親像奶母咧育嬰仔予伊睏。 每年6月16號，是南部設教的紀念日。感謝天爸的恩典，...

[1937-7 台灣教會公報 文類-散文 作者-賴仁聲/Loā Jîn-seng]
雜錄：澎湖教聲 [ Cha̍p-lio̍k: Phêⁿ-ô͘ Kàu-siaⁿ ]
雜錄 1937年7月628期 11-14 I. 澎湖教聲。 恭敬請安眾兄姊，這時我愛將5月澎湖的教勢報恁知。總是我愛求恁諒解兩項：- 1. 所寫是親像用我做中心來寫；親像我有做濟濟工，其實毋是。是我的同僚in蹛佇瓦硐，花宅，大事遐的細細的島嶼；是真犧牲，是真勞碌。若是我是定家己見笑，我踮媽宮是無輸踮台灣的大都市，所以攏無犧牲。 2. 我這時咧做工是親像真熱心。總是這是熱天，若到入9月面起到明年的3月，阮是真無機會通做工。因為彼時有大風；in遮的人叫做戇風，親像風颱透袂恬。所以這時加做淡薄工也無通感心。 Taⁿ我將5月--的，記佇遮：- 初4日：佮...