[1933-12 台灣教會公報 文類-散文 作者-H. T. S./-]
聲樂餘談 [ Seng-ga̍k Û-tâm ]
聲樂餘談 1933.12 (第585卷) P.19 (H.T.S) (接前月21面) 4、欲予伊有真好的表情，理想著懸，欲予伊實現，就無惜努力；著會完全支配自己的舒適力 (思想，超濟的力)，為著按呢，也著研究心理學。前事(情緒就是真好的感情)著有豐富，著有雅純(雅醇)，若有機會著研究姊妹藝術(姉妹藝術)，古今名人的傳記著讀，來看in的跤跡，做你的chhoā路。 5、聲學家對一方面的意事來看，也是著做詩人(詩人)。常常想詩，感激佇詩，有詩的生活才會用得。你的身邊毋若著有詩的空氣。詩人的理想就是繪畫的(繪畫的)佮音樂的(音樂的)。總是會達到佇這个理想的人真少。...

[1933-12 台灣教會公報/芥菜子 文類-散文 作者-柯設偕/Koa Siat-kai]
咱的信經 [ Lán ê Sìn-keng ]
咱的信經 柯設偕 1933.12 (芥菜子第95號) p.23 這擺建成同會成立禮拜式的順序的中間，有一項不止特色，就是佇禮拜的時，會眾有一同讀「信經」。 (請讀「建成同會成立禮拜式」彼篇)，紲將這个「信經」做建成同會的目標。 這个「信經」有應佇咱所咧用的聖詩的頭前。(總是其實咱真罕得讀)。 這是咱的 「信經」是表明宣明咱的信仰。 無論啥物團體，攏有伊的主張目標。所以咱教會應該著有咱的「信經」。 今咱這个信經，就是按呢： 信經 我信全能è父上帝，創造天，地的主宰。 閣信伊獨生的囝，咱的主耶穌基督。伊對聖神的官能投胎，對在室女瑪利亞出世；佇Pún...

[1934-1 台灣教會公報 文類-散文 作者--/-]
新年的雜感 [ Sin-nî ê cha̍p-kám ]
新年的雜感 (主筆) 1934.1，no.586，pp.1-2 　一年過一年，日子真正緊！啊！1933年已經做伊去，出在你怎樣挽留--伊，伊也無欲閣倒轉！佳哉，有新的1934年，好的光陰，接續來。當佇這个送舊迎新的時候，袂禁得生出悲傷佮歡喜的感想佇咧。 　所通悲傷--的是甚物？就是佇咱所過了的時日，無論你是成功抑失敗，殷勤á貧憚；也無論你是有光明閣純潔的人格，抑是有驚惶oh得脫離的歹習慣；啊！無情的機會，一直對你的面前親像箭cho̍h--過去，永遠無閣來。又閣佇咱活蹛世間的時期，敢毋是減少一年去mah？佇咱停睏的期日，敢毋是較近一年mah？ 　所通歡喜--的是甚物？因為咱閣加一个新年...

[1934-1 台灣教會公報 文類-散文 作者-柯設偕/Koa Siat-kai]
聖經做中心 [ Sèng-keng choè tiong-sim ]
聖經做中心 (柯設偕) 1934.1，no.586，p.26 　聖經是上帝所啟示--的，就是上帝的話。 　因為按呢，所以聖經是盤過別等號世間的宗教的經典真hn̄g。 　基督教自然是著用聖經做中心，基督徒自然是著用聖經做信仰的標準。這是自然--的。 　毋kú雖然是講基督教，雖然是講基督徒，毋kú也有彼款無用聖經做中心，用人做中心--的。所以彼款毋是真的基督教，毋是真的基督徒lah。 　人嫌天主教毋著，是講in (天主教)聖經以外有閣加添濟濟項的異端，khiàn損。所以無照聖經，也加濟濟款聖經以外的事佇teh。因為按呢，天主教聖經以外有加添別款的要素佇teh，所以咱(新教，Prot...

[1934-1 台灣教會公報 文類-散文 作者-陳鳩水/Tân Khiu-suí]
家庭講座 [ Ka-têng Káng-chō ]
家庭講座 台灣小兒的體格，體質改善佮奶兒營養法。 (陳鳩水) 1934.1，no.586，pp.10 　佇頂月的本報，我有佇「無感覺的寶貝」提倡囡仔著予in受日光的照射，佮予in食合理閣有完全的物。 　論這个合理閣完全的食物問題，亦著斟酌咱台灣人經濟的，抑是社會的關係是真為難，毋kú是真要緊，有大關係佇台灣小兒的體格，體質的改善佮台灣同胞的興亡佇teh！所以無惜我的頇慢，將我小小的經驗佮佇文獻(文献)所得著的材料來論淡薄，予眾兄姊做參考。 猶未入本論的代先，愛來看台灣人的死亡狀勢。以下大部分是對台灣總督府發行的臺灣衛生要覽引用來--的。 種族佮死亡率 昭和元年起，到昭和...

[1934-1 台灣教會公報 文類-散文 作者-林茂生/Lîm Bō͘-seng]
新台灣話的陳列館 [ Sin Tâi-oân-oē ê tîn-liat-koán ]
新台灣話的陳列館 1934. 01 586卷 p. 11 (林茂生) àm-hō (暗號)：這句話自來台灣原本就有，是用做「私奇約束的記號的意思；這就是國語的 「aikotoba」(= password)。總是近來有對國語閣傳入一个新的意義：就是做電報的暗號咧用：就是國語的 「ango」(= a cipher；a code)。對按呢也有生出複合名詞：親像，暗號電報( = ango denpo = a cipher telegram；a code telegram)。 私用暗號(= shiyo ango = a private code)。文例：請你拍暗號的電報予我。( =...

[1934-1 台灣教會公報 文類-散文 作者-陳Chiū-lîm/Tân Chiū-lîm]
信，會看著上帝的榮光 [ Sìn, ē khoàⁿ-tio̍h Siōng-tè ê êng-kng ]
信，會看著上帝的榮光 (赤水：陳Chiū-lîm記) 1934.1，no.586，pp.17 昭和7年2月，家母病傷重，請醫生食藥有較好。後來起別症，袂行。醫生用電氣墊，注射，後來會行。不幸閣起症頭，就是腰子病，肝病，腹肚較懸心肝，全身汗水，袂行，袂坐。 啊！74歲的老人，來拄著這號病，淒慘用筆袂通形容。醫生講，老人發這號症，較oh好；吩咐毋通食油臊。對4月初到5月初，直直食藥無較好。家母志願毋食藥，欲去拜堂請主督官共伊祈禱，死活由在主。我就照伊的話，予伊蹛拜堂。 　五月9號，去拜堂。主督共講，「你ê年歲赫濟，毋通直直求欲蹛世間，著向望天堂的福氣較好，主若歡喜恩典是真好，伊若...

[1934-1 台灣教會公報 文類-散文 作者-柯設偕/Koa Siat-kai]
盧An-ná過世 [ Lô͘ An-ná Kè-sì ]
盧An-ná過世 (柯設偕) 1934.1，no.586，pp.28 盧An-ná (Mrs.aⁿd Ross)佇本年9月6日，有受上帝揀召過世，享受85歲。盧An-ná是偕先生娘的老母，也佇無幾年前，佇70歲的時有來台灣，踮佇伊的查某囝-就是偕先生娘的厝，年半久，也佇彼中間，伊有教育宣教師的囝兒，(小可親像學校的款)。 　閣伊的冊，有一本捌翻譯白話字-就是陳靈通先生所翻譯彼本「上帝的戰甲。」所以佮咱台灣的教會有緣故佇teh，愛寫淡薄伊的傳。 盧An-ná，佇1848年出世佇英國。老父姓中堅，是牧師(Rev. J. Duncun)，也伊是第二查某囝。也伊6歲的時，in...

[1934-1 台灣教會公報 文類-散文 作者-楊世註/Iûⁿ Sè-chù]
責任思想 [ Chek-jīm Su-siúⁿ ]
責任思想 (編輯部員：楊世註) (紲接10月16面) 1934.1，no.586，pp.17-18 III. 對人。對親到疏，對近到遠：- (1) 著傳主的福音予in，予in回心轉意，就是重頭生。 看報的男女同胞！請想咱所聽著，所teh傳--的，是甚物道理？儒，道，釋的道理，引起傷濟，真拍損時間。M̄-kú若干旦講拜上帝的事真濟;敢毋是變做回回教佮猶太教。回回教，猶太教甚物路用？雖然：-(a)共人毋通拜午上。 (b)著拜上帝。 (c)著有倫理。 (d)著比捌人較有智識。注意！回回教是基督教的對敵：十字軍的交戰，就是in。猶太教閣較是基督的對敵！可傷啊：害死基督，正是in。 ...

[1934-2 台灣教會公報 文類-散文 作者-吳天命/Gô͘ Thian-bēng]
牧會者著怎樣？ [ Bok7-hoē-chiá tio̍h cháiⁿ-iūⁿ? ]
牧會者著怎樣？ (吳天命) 1934.2，no.587，pp.27-29 新年又閣到lah，光陰真正緊，回顧咱的做工，感覺濟濟無進步的所在，chham-khuì的所在袂少。現代佇逐方面都teh叫喊非常時，攏teh體驗揣活路中的苦痛。基督教方面，神學方面，教會方面攏有遇著危機。在咱台灣也是有種種的悲哀現象，teh喚起咱教會著出力拍拚的所在。我斷言，基督教會(就是基督的代理者)，就是現代世人的救主，台灣教會就是台灣危機的救者。按呢咱的責任kiám毋是非常大。因為咱佇教會teh做工，就是做基督救恩的代行者，咱若無盡職，基督欲對按呢受著見笑，世人欲對按呢失落得救的好機會。所以佇這个新年，我大...

[1934-2 台灣教會公報 文類-散文 作者-林照/Lîm Chiàu]
讀聖經 [ Tha̍k Sèng-keng ]
讀聖經 (林照) 1934.2，no.587，pp.4 　聖經干證耶穌是基督，是救主(行 18：28；翰 5：39)。 　就是救人靈魂，予人重頭生的道理(雅 1：21；1比1：23)。所以見若愛得著救佮新生命的人，著讀聖經。 　聖經是咱活命的米糧(太4：4)，滋養的要素(1比2：2)；所以愛活命活潑長大--的，著讀聖經。 　聖經是予人好品行，人格完全(II提3：16，17)；所以愛有人格懸的人，著讀聖經。 　聖經是咱腳前的燈，路裡的光(詩篇119：105)；所以欲佇這烏暗的世間無跋倒--的，著讀聖經。 　聖經是咱刣對敵的寶劍(弗6：17)，所以欲刣贏魔鬼--的，著讀聖經。 　...

[1934-2 台灣教會公報 文類-散文 作者-賴仁聲/Loā Jîn-seng]
著注神看耶穌 [ Tio̍h Chú-sîn khoàⁿ Iâ-so͘ ]
著注神看耶穌 (賴仁聲) 1934. 2，no. 587，pp. 4-5 這句話，是保羅佇希伯來12章第2節所講的話。照聽是平常，總是對佇我有真大的感銘，所以我這霎試寫幾句來做眾所疼的兄姊的參考：- 這句聖經句，你我大家真熟，thái會予我特別深刻，生起大的趣味，紲定記佇心內？原因是按呢：- 我本是佇咱教會中做真受恩，予先輩的指導，做主的工久久，佇咱的教會的人。欲怎樣講？彼時20外歲，通講是為著血氣方剛好動；閣一方面，也是為追揣真理，愛向望做較有利益的工，就忽略眾先生佮好朋友的苦勸，斷然離開本會，去聖潔教會做工，建設苑里，台中兩位的聖潔教會。後來任佳里的聖潔教會半年久，忽然婦人人拄著...

[1934-2 台灣教會公報 文類-散文 作者-林茂生/Lîm Bō͘-seng]
新台灣話的陳列館 [ Sin Tâi-oân oē ê Tîn-lia̍t-koán ]
新台灣話的陳列館 (林茂生) 1934.2，no.587，pp.6 Bâi-khûn，抑是Bâi-khún(黴菌)：極小細的活物，匿佇植物的中間，會生湠；若匿佇動物的內面，會做有路用的物，也有時會致到起破病。這句話，是對國語的「baikin」來，是對英語的「bacterium」(複數：「bacteria」)來直譯--的。舊來有叫做「微生物」，就是像這个意思。也有時叫做「sè-khûn」，攏是相同。民國猶原有teh用。 　Bāng-lêng(萬能)：逐項會；無所毋會；萬權能；全能的意思。對國語的「baⁿo」來，佮英語的「omnipotent」，「almighty」相當。民國猶原有te...

[1934-2 台灣教會公報 文類-散文 作者-周Se̍k-lîn/Chiu Se̍k-lîn]
說教：入上帝國 [ Soat-kàu: Ji̍p Siōng-tè kok ]
入上帝國 (馬太19：16-30) (周Se̍k-lîn) 1934.2，no.587，pp.8 耶穌講，富人入上帝的國是比駱駝穿過針鼻較為難。學生聽了著生驚。總是對彼霎以來，綴耶穌的人就曉悟耶穌所講的，實在是真實無錯。「針鼻」減采是teh指早猶太國的城市欲入城的所在有一個城門，彼中間有一個叫做針鼻，到欲暗大門關起來，駱駝較慢入城，就著穿過彼个針鼻，真歹入，尻脊骿佮腹肚邊減采著lè到liù皮也無的確。所以若想財產的影響到佇人的品性，詳細來研究，就耶穌講駱駝穿過針鼻比富人入上帝的國猶較快，這个意思不止深長，予咱會確信實在是按呢。換話來講，人若是有錢財，有厝宅，有田園，自按呢欲來去入上...

[1934-2 台灣教會公報 文類-散文 作者-陳鳩水/Tân Khiu-suí]
家庭講座 [ Ka-têng Káng-chō ]
家庭講座 台灣小兒的體格，體質改善佮奶兒營養法 (陳鳩水) (接前號第10面) 1934.2，no.587，pp.9-10 論日本的奶兒，是總死亡的較無1/4 (23.4%)，若合幼兒濫做伙算，是37.1%。所以台灣人有加in 13% (1割3分)較懸。特別著注意--的，是最近5年間佇日本內地的奶幼兒死亡，每年漸漸有較減少；總是台灣人有漸漸小可加添。這个代誌毋是會用得簡單看做無要緊佇teh，是著做社會問題，亦是著做老母佮囡仔的保健問題來提倡才應該。 閣一方面，台灣人的出生率是1,000：45，有比日本內地1,000人加10人的濟。所以通講台灣人濟生，亦濟死。論生佮死捷捷拄著...

[1934-2 台灣教會公報 文類-散文 作者-劉華義/Lâu Hoâ-gī]
讀冊感想 [ Tha̍k-chheh kám-sióng ]
讀冊感想 (劉華義) 1934.2，no.587，pp.10-11 佇舊年的夏季，佇咱台灣的宗教界有出版一本冊，叫做「平民的基督傳。」就是高德章先生用伊的全精神勞碌來翻譯--的。 佇今仔日的世界，有一項大的事實佇teh；就是世界的人有漸漸teh欣慕愛就近耶穌。無論是科學家，是博士，是一般的平民攏有歡喜仆拜佇伊的面前，來承受伊高尚的教示，也愛徹底來深捌伊的人格。為著這款，宗教心覺醒的人的路用，佇教界有濟濟先生攑筆，用祈禱佮in的信仰體驗來發表耶穌的傳記。實在有濟濟人對遮的來捌耶穌基督。 咱台灣對早早就大欠用這款的冊。到佇今年才有通達咱的希望。咱通講這本的出版，就是做咱台灣宗教界的福...

[1934-3 台灣教會公報 文類-散文 作者-賴仁聲/Loā Jîn-seng]
著注神看耶穌 [ Tio̍h chù-sîn khoàⁿ Iâ-so͘ ]
著注神看耶穌 (賴仁聲) (接 2月5面) 1934.3，no.588，pp.6-7 三年前，捌來台灣的中田監督的囝，中田羽後--氏，就離開聖潔會。羽後所，原是美以美會的人。到今年，連心腹的教授也變，通講聖潔會的前途卑觀。量必台灣的聖潔會也大受影響。 我寫遮的，請看報的兄姊，毋通想講我離開聖潔會，才刁持愛講in的歹話，毋是歹話，因為我無艱苦，我向望咱大家攏同心來替in祈禱。 In定teh展，講in的獻金每年30外萬；受洗禮者，每年加算千人。無拍算會來拄著按呢，著共伊想講in猶原平平佇主的名來設立的教會，來拄著彼款破裂，實在是咱基督教界的恥辱。 前年有一派叫做「真....

[1934-3 台灣教會公報 文類-散文 作者-鄧uî-chèng/Tēng uî-chèng]
基督教的貧富觀 [ Ki-tok-kàu ê Pîn-hù koan ]
基督教的貧富觀 (鄧uî-chèng) 1934.3，no.588，pp.7 世間人所teh講的貧富，是屬佇世間的物質的總稱呼。所以世間人無論貧富，對這个物質觀念心不止重，對重親像人第一要緊的性命根一般樣。毋若是個人，就家庭，社會，國家閣較是按呢，無論欲做甚物也是錢做第一有實力。人人為著這个物質致到爭利，奪權，人命喪失，生出慘淡的事也袂少。人若求好額到毋知飽，就人情義理也無teh想，致到用不正當的手段生出投機事業，受賄事件，詐欺，取財，其他種種是按呢的原因lah！俗語講，「金錢是世間人的對敵」，實在是有合佇今仔日的現狀lah！今仔日的時勢到這款，毋知欲用甚物法度來解決這款的su-tiau...

[1934-3 台灣教會公報 文類-散文 作者-林茂生/Lîm Bō͘-seng]
新台灣話的陳列館 [ Sin Tâi-oân-oē ê Tîn-lia̍t-koán ]
新台灣話的陳列館 (林茂生) 1934.3，no.588，pp.10 Piān-lī (便利)：就是「利便」的意思。對國語的「benri」來，佮英語的「convenient」相當。文例：若按呢予你較「piān-lī」(So shitara kimi no tame ni isso 「benri」da = That betters suits yo͘r convenience)。這句話，民國猶原有teh用，源頭是對漢文來--的：親像[戰國策] 蔡澤曰，夫人生百體堅强，手足便利，耳目聰明，而心聖智，豈非士之所願與。 Pia̍t-ku (Pia̍t-ki) (別居) ：翁某對法律上來...

[1934-3 台灣教會公報 文類-散文 作者-周Se̍k-lîn/Chiu Se̍k-lîn]
兄弟愛的交陪 [ Hiaⁿ-tī ài ê kau-poê ]
兄弟愛的交陪 (行傳2：42) (周Se̍k-lîn) 1934.3，no.588，pp.11-12 使徒行傳第2章的尾仔有記聖神降臨的大事件的了後，用新新的結合來成立的最初的基督教會的生活款，用真媠的筆緻來記明不止有要領。 第1，「常常專務使徒的教示。」當時猶未有聖冊，減采有文書nā-tiāⁿ，耶穌的直弟子 (耶穌直接，招的學生)受揀選做指導者，來相佮談論遐的連眠夢中也無袂記得的耶穌的言行，以及使徒所體驗福音的真理來相佮研究，愈成長佇上帝的恩惠。 第2，「相佮交陪。」就是表明信者同志的真堅固的兄弟愛的實行。這个兄弟愛成做一个儀式=第3，「Peh餅.」就是信者的家，有家...