[1915-8 台灣教會報 文類-散文 作者-胡紹芳/Ô͘ Siāu-hong]
論科學 [ Lūn Kho-ha̍k ]
論科學。 1915.8，no.365，pp.10 國語，算術，漢文，修身，理科，地理，作文，習字，唱歌，畫圖，體操，羅馬字chiah的。 論寄宿社本然是臨時--的，所以著用蠓罩，taⁿ閣改良用鐵網做窗，予蠓袂得入，又閣較通風，學生就穩當較快活。 論伙食是寄宿生大家做伙食，照開逐月日每人著偌濟，本然較少人有較傷重，taⁿ若較濟人就穩當較省。 列位的兄弟恁若歡喜通送恁的子姪來，毋免驚無人顧，有先生佇身軀邊，毋免驚破病，醫館佇對面無偌遠，毋免驚無綴睏，房間真濟，毋免驚pû oe-á有人teh煮便便。實在逐項真利便。 向望列位若有欲送恁的子姪來通量早寫批予遮的牧師要緊佇西曆8月20日開...

[1918-10 台灣教會報 文類-散文 作者-羅乾益/Lô Khiân-ek]
衛生佮厝 [ oē-seng kap Chhù ]
衛生kap厝1918.10 403卷 p.7(羅乾益記。)衛生有幾若款，從中來講起厝亦有不止大要緊ê所在。厝是人企起ê所在，若無抵好就人tiàm hit個厝，身體常常boē平安。本地人ê厝較濟窗仔佮門真細，koh日時日光照boē著，暝--時門戶koh關密，就連一點仔空氣也boē得流通。Hit 個空氣ê中間有幾若項tī--teh，就是酸素 佮chí-sò͘ 佮炭氣，三項ê中間酸素佮chí-sò͘是第一濟。這兩種是無形式，無味素ê氣。地面逐項ê動物抑是植 物若無倚靠這個氣就無活命。所以人著常常補吸新鮮ê空氣入到肺ê所在，就人會振起精神。Hit個炭氣是有毒，若有好ê空氣，炭氣就較少，酸素就較濟。人所...

[1921-9 台南府城教會報 文類-散文 作者-羅乾益/Lô Khiân-ek]
今仔日 [ Kin-á-ji̍t ]
今仔日1921.09 438卷 p.6(羅乾益譯。)今仔日是你所有，亦是你所做，比並你無半項，你無做甚物，就親像攏無今仔日；今仔日就是歡喜，就是工，就是生活。昨昏m̄ 免看做問題，因為已經過去；明仔再也m̄ 免掠做問題，因為iáu-bē到。今仔日上要緊的日，今仔日有機會，因án-ni著致意來趁，無論甚物機會。今仔日來笑，今仔日著有好膽，今仔日著有歡喜，今仔日就是你的日。Tī今仔日世間逐項漸漸teh 換，今仔日你thang koh越頭，koh反悔；今仔日你thang用昨昏所學的，今仔日thang得著活命的生活。第一要緊，今仔日m̄ 免驚，koh攏m̄ 免掛慮，hō͘無要緊的事攏bô-lô溶溶去；...

[1918-10 台灣教會報 文類-散文 作者-黃俟命/N̂g Sū-bēng]
家庭族譜 [ Ka-têng Cho̍k-phó͘ ]
家庭族譜1918.10 403卷 p.12(黃俟命記)。咱若入無聽道理ê 人ê 家，就liâm-piⁿ會看見in ê 廳堂有濟濟木主，寫in 祖公父母ê 名，佮簡簡ê 來歷世系。可惜in 對重過頭，續用chiah-ê 來跪拜敬奉，為著án-ni就信主ê 人有除去。因為咱ê 聖教有教示人m̄-thang做像跪拜，總是咱kan-ta攏除去，祖公父母ê來歷世系咱攏m̄ 知，也無地thang 查考，án-ni也是無抵好。近來有人翕序大人ê 相來做紀念；m̄-kú濟濟無利便thang 翕相。 Koh 若kan-ta相，無略仔記載伊ê 來歷、世系，過兩三代也是攏m̄ 知。 Tī 幾若年前有一人名叫王金龍，...

[1937-12 台灣教會公報 文類-散文 作者-黃俟命/N̂g Sū-bēng]
主日學聲 [ Chú-ji̍t-o̍h Siaⁿ ]
主日學聲 1937年12月633期 8 同著磨佇主日學的兄弟姊妹平安。 南部大會常常數念恁列位佇逐所在，年，月，禮拜過禮拜，不休咧做工，託主日學部會來做恁的朋友，來幫贊恁。可惜遮的部會員頇顢，對恁袂通貢獻甚物，總是阮體大會的意思，數念恁不休的工作。常常替恁祈禱，願主施恩贊恁，予恁佇流目屎的掖種，得著歡喜的收成。 佇10月號公報咧評論主日學的事，濟濟有心佇主日學的人，讀了吐氣餒志，僥疑所做的工。阮部會的有聚集研究這个問題，到尾就知彼个記者是看冊讀別所在的感想，紲抾來講咱台灣的事。 請恁毋通為著按呢做窒礙：(1)有利益。雖然咱現時無彼號事，猶過是親像俗語講，前車既覆，後...

[1937-3 台灣教會公報 文類-散文 作者-黃俟命/N̂g Sū-bēng]
雜錄 [ Chap3-lio̍k ]
雜錄 1937年3月624期 7-11 (黃俟命) I. 宣道會的消息。 列位疼主的兄弟姊妹同鑒。 咱每擺坐主的桌，數念主的了後就獻金來做宣道會的路用。主講，「恁的財寶佇遐，恁的心也欲佇遐。」我有聽見濟濟人講，「宣道會有做甚物？阮攏毋知」。我聽這句話，家己真見笑。所以佇舊年12月28號，冒險過去澎湖(因為這个時期過去澎湖真無利便，有時會予風湧關咧幾若十日)。感謝阿爸爸上帝，有chhoā我過海，到逐个教會攏有巡--著，閣毋免予風湧關--著，逐所在照所預定的時日就清楚，到正月11號，就到台南赴新樓醫館一週年的祝賀會。Taⁿ我將所經過逐教會最近的教勢，報列位知：- 1. 瓦硐教...

[1914-6 台灣教會報 文類-散文 作者-黃俟命/N̂g Sū-bēng]
彰化主日學 [ Chiang-hoà Chú-ji̍t-o̍h ]
彰化主日學。 黃俟命 1914.6，no.351，pp.4 彰化教會佇5年前就有設主日學。彼時學生少少，若是教的人盡力鼓舞，後來學生漸漸加添。總是學生濟濟是教會外的人的囝。彼時較常teh教的先生是林振聲。到佇舊年5月間有閣請10外个先生來教，選舉蘭醫生娘做校長；紲組織一个教員會，對按呢濟濟代誌設備較好勢。現時學生有120外人；這內面會讀聖冊--ê有55个，其餘是讀詩佮字母。 每禮拜頂晡合做伙教詩調，佮萬國主日學課的尪仔圖；下晡是分班，教聖冊，詩佮字母。本然教場是佇禮拜堂；因為有濟濟袂安靜，後來蘭醫生歡喜將醫館的間借阮用，對按呢會得通予每班的學生得著聚集佇一所在，安靜來受教示是真好。...

[1917-8 台灣教會報 文類-散文 作者-楊連福/Iûⁿ Liân-hok]
戇湯 [ Gōng Thng ]
戇湯1917.08 389卷 p.7-11(楊連福半譯)。酒最害就是古早kap現今ê人所明知。現今ê人逐個會曉鴉片做害，會hō͘人傾家蕩產，會hō͘ 人ê人格趨下。看鴉片做囚仇物kap毒藥相同。殊不知酒ê做害kap鴉片不輸上下。現時人叫酒做戇湯，無 m̄ 是知人若食酒，雖然能達，iáu-kú hō͘ 酒性壓制ê時就變成愚蠢，無廉恥，粗俗，所以才號酒做憨酒。M̄-kú人teh叫伊做戇湯，反轉常常kap戇湯分bē離。若是án-ni 敢是酒teh憨，愚見扑算是人憨。因為酒若是戇湯，就食ê人的確是憨人。 今為著酒ê事，照鄙人所知kap對別位所得著ê大略寄幾句tī 下底，向望看著ê君子無棄嫌來相kap斟...

[1911-7 台南府城教會報 文類-散文 作者-穆清潔/Bo̍k Chheng-kiat]
魁儡反亂 [ Ka-lé Hoán-loān ]
傀儡反叛(穆清潔記--ê.)1911.07 316卷 P.62 佇幾nā日前傀儡山 Tó-ku-hu̍t ê 衙門 hō͘ But-lái ê 傀儡攻，人無損傷，衙門予in燒去；也濟濟擺予in攻。後來hiah ê日本人就來Kháu-siā-á。 佇今仔日，新曆6月24號，大社 ê 支廳長，警部保，佮1个巡察，以及警部 ê 囝，共4名，佇遐予傀儡刣死。警部 ê 某佇 Kháu-siā-á猶佇teh。 Ê昏阮遮亂chhau-chhau，阮ê心肝pho̍k-pho̍k chhéng，毛管giâ幾若寸；心內不止無平安。有召規區ê壯丁透暝 欲去Kháu-siā-á. 佇遐猶有日本巡察1名，台灣巡察 1...

[1911-5 台南府城教會報 文類-散文 作者-陳春和/Tân Chhun-hô]
北港 [ Pak-káng ]
北港(陳春和記ê)1911.05 314 卷 p.43-44 捌聽見世間有濟濟出名聲ê所在。怎樣會出名？卻有幾若項ê因端。因為國若出名，較常是對彼國內所出ê物件。親像美國ê 金山所出名--ê就是金。在早ê 巴別出名ê就是大塔。以弗所有出名亞底米ê廟。耶路撒冷有出名所羅門 ê殿堂。Taⁿ佇台灣ê北港第一出名--ê就是媽祖。論佛ê代誌世界逐國有；逐國有逐款ê 佛，有ê大sian，有ê細sian。親像巴比倫Thó͘-lat平埔 ê金像，抑是日本國佛廟ê銅像這thang講是大仙 ê 佛；其餘親像清國，印度以及台灣有種種ê 佛算bē了講bē盡。Taⁿ 北港雖然m̄是親像hiah-ê，總是我beh講淡薄。...

[1910-10 台南府城教會報 文類-散文 作者-馬醫生/Má I-seng]
寒熱論 [ Koâⁿ-jia̍t Lūn ]
寒熱論1910.10 307卷 p.80-82(馬醫生記--ê.)(接前張第72面。)照我teh 講這號熱病是tuì 蚊咬才起，若無蚊的確bē án-ne。今著想看有甚mih方法thang來持防伊。卻有幾若個法度；中央會分別2款；頭一款就是著阻擋蚊hō͘ 伊bē-tit近倚咱 ê 身軀；koh一款著滅無生蚊ê 所在，hō͘ 蚊攏無。若beh 阻擋蚊m̄ hō͘伊近倚身軀，尚好ê 法度著歸間厝圍鐵網仔紗；若用這個法，雖然1半隻蚊有時會入來，iáu-kú 較大面m̄是hit號有毒ê 蚊，若有hō͘ 伊咬著也bē 起寒熱。 可惜這個法度，著開真濟錢，驚了人做bē到。總--是若圍一二間 ê 房也是有路...

[1910-9 台南府城教會報 文類-散文 作者-馬醫生/Má I-seng]
寒熱論 [ Koâⁿ-jia̍t Lūn ]
寒熱論1910.09 306卷 p.72-73(馬醫生記--ê.)(接前張第66面。)這號代誌就較詳細講。人ê 血有血珠也有血lûn。血lûn也有2款，就是白血lûn kap 紅血lûn。若看tu 著寒熱 ê 人ê 血，著用顯微鏡來看，才會看著紅血lûn有--ê kap 平常 ê 紅血lûn淡薄增差，就是tī hit 中間有1 粒1 粒圓圓，看了真gâu 振動ê 款，chiah ê 就是寒熱ê 毒珠。Chiah ê 毒珠漸漸發較大到攏無看見紅血lûn,kan-ta 看見毒珠nā-tiāⁿ。M̄-nā án-ne koh 變盡大 ê時陣內面會分做濟濟細粒，有時7、8 個，有時 20 外個。到ch...

[1910-8 台南府城教會報 文類-散文 作者-馬醫生/Má I-seng]
寒熱論 [ Koâⁿ-jia̍t Lūn ]
寒熱論1910.08 305 koàn p.65-66(馬醫生記--ê.)無幾年前，這個寒熱ê 病醫生攏m̄知影àn-choáⁿ起。有--ê teh扑算是食無清氣ê 水，有--ê teh扑算是tuì tâm 濕ê 地發起來，有--ê teh扑算是tuì 曝著日才起，總--是無人的確知。今論這號病阮不止知影，比萬項病較詳細知。卻是真濟醫生同一樣teh 驗hit個病症才知，總--是in中間有一個較 gâu想 --ê,就是hiàng時有bat toà tī 旗後名叫萬醫生﹙Manson﹚。伊teh看起寒熱 ê人ê 血lûn內有真細ê毒珠，好人 ê 血lûn無án-ne-seⁿ。總--是差不多像hit...

[1910-7 台南府城教會報 文類-散文 作者-廖三重/Liāu Sam-tiōng]
基督教ê偉大 [ Ki-tok-kàu ê Uí-tāi ]
基督教ê偉大1910.07 304卷 p.57(廖三重翻譯。)(接前張第40面。)以上是基督教主義，現今實行tī 世界。看最近 100 年間基督教 ê 活動koh較 thang 驚--著：-- 親像設主日學；外國宣教ê事業；青年會；救世軍；共勵會；禁酒會；改良監獄；保護出監人；救濟貧民；其餘向望 改良社會 ê 宗教運動；計謀做世界 ê 福氣hiah ê 事照現今ê 實情是人人所知。主 ê 祈禱文講：「你ê 國臨到」，今確實有teh應驗。 總--是beh 總結來論，著將攏總事情來參考，若ài 明基督教偉大 ê性質：kan-ta 將基督 ê 品性，伊ê 事業kap事業ê 外部所顯明ê,beh來齊知...

[1910-5 台南府城教會報 文類-散文 作者-廖三重/Liāu Sam-tiōng]
基督教ê偉大 [ Ki-tok kàu ê Uí-tāi ]
基督教ê偉大1910.05 302卷 p.40-41(廖三重翻譯。)神學博士鵜崎﹙Uzaki﹚講：基督教是掠拯救人類做目的，贏過平常 ê 宗教；伊ê 起源發達kap感化感化 tī 天下ê 來歷無一號教thang kap伊比並。基督教m̄是講鬼話抑小說；是確實 ê歷史有憑據 ê 實事。Tī基督教有tuì 2000年間人ê講究kap 進步所證明ê記錄tī -teh。阮chiah-ê 講這個教贏過平常，m̄是sai-khia ê意見，是有內外ê 事teh干證。今我扑算ài 將歷史上ê 事情做根本來論基督教偉大ê 所以然。 講起基督教偉大ê 第一要端就是教祖 ê 人品。論基督 ê 人pān已經有定著ê...

[1910-6 台南府城教會報 文類-散文 作者-廖三重/Liāu Sam-tiōng]
基督教ê偉大 [ Ki-tok-kàu ê Uí-tāi ]
基督教ê偉大1910.06 303卷 p.47-49(廖三重翻譯。)(接前張第40面。)東西 ê 賢人哲士所thang可取--ê,就是鼓舞勇猛 ê心盡力來閃避罪惡。總--是基督道德 ê 品性是完全瑕痕，m̄-bat有犯罪，也m̄-bat認有罪惡；就雖是著悔悟著赦罪，hit號ê 想念也無；反轉好膽公言有赦人罪 ê 權。親像這款ê 品性 tī 人間ê 歷史boē bat有看見；又koh也無人浮漂 ê 心。 Kiam -chhai 有人beh講，基督雖然知叫有罪，iáu-kú為著別項目的騙家己，誇口講nā -tiāⁿ。總--是無論tuì tó位看是好人無錯ê 基督，kan-ta 這項事來改做，到底b...

[1915-10 台灣教會報 文類-散文 作者-何希仁/Hô Hi-jîn]
福氣 [ Hok-khì ]
福氣 (何希仁記--ê)。 (接9月1面)。 1915.10，no.367，pp.1-2 按怎樣食酒的人真危險？因為食酒會致到陷落罪的深堀，少年家大家相招講，「著來去花街柳巷thit-thô，才有福氣。」古早的成語有講，「萬惡淫為首；」這條死路毋通行。chiah的酒樓菜店歹囝間是魔鬼所設。魔鬼是chī-tsuī？魔鬼是鬼王。魔鬼佮上帝做對敵。見若上帝愛人好，魔鬼就佮伊反對。上帝愛人好，若是魔鬼愛害人。魔鬼的計策不等第，魔鬼用外皮真媠迷目害人到死無。少年人淺見看佇外皮的?，毋知私慾是用快樂好看予人袂記得後來的災禍，親像唐明皇teh遊月宮，無偌久破病îⁿ纏到袂講得。遐的歹囝間kiám毋...

[1915-9 台灣教會報 文類-散文 作者-何希仁/Hô Hi-jîn]
福氣 [ Hok-khì ]
福氣 (何希仁記的)。 1915.9，no.366，pp.1-3 這就是你我所愛。無論皇帝乞食，富人sòng-hiong，老人少年，ta-po͘ tsa-bó͘，無毋是愛求伊所掠做是福氣。M̄-kú論福氣咱著分別。也有真實佮假佯的福氣。無張無持就會致到用真掠做假，用虛掠做實。親像Sek-sî Hiân-bûn捌講，「Su hông jîn put jîn。」捌有人假做仁愛，其實是利益本身愛好名聲，佮顧家己就是仁愛的對反。雖然按呢假佯來做，iáu-kú予人看親像仁愛一樣。福氣猶原著按呢來分別。捌有人佇曠野行毋著路，四界流，oaiⁿ-oaiⁿ踅，喙乾到欲死，因為攏無水通啉。忽然間遠遠看見親像...

[1915-8 台灣教會報 文類-散文 作者-何希仁/Hô Hi-jîn]
歐洲戰爭的講和袂 [ Au-chiu Chiàn-cheng ê Káng-hô bē ]
歐洲戰爭會講和袂？ 1915.8，no.365，pp.9-10 真濟人講這句是毋知chiah的大國為甚麼事teh交戰。現今台灣人看新聞，偌濟人損傷，toh一國贏，toh一國輸，飛行機飛到啥所在放爆裂彈，有時贏，有時輸，報到jû chhiáng-chhiáng，看報佮聽的人也是按呢。閣謠言英國人欲轉去做義務兵，欲保護伊的親人某囝，講chiah的戇話。也有講德國20年久teh備辦欲交戰，囤銃藥，用伊的才調來發明害人的家私，是真gâu，真khiàng。若是做野獸卻會講得是gâu。若是做人反轉是野蠻。頂面所講chiah的話其中也通好笑，也通可憐。 交戰的題目是大。通講是為著義理，為著救人來戰爭。...

[1915-8 台灣教會報 文類-散文 作者-何希仁/Hô Hi-jîn]
以利亞上天 [ Í-lī-a chiūⁿ Thiⁿ ]
以利亞上天。 II 王 1-18 (何希仁記--的)。 1915.7，no.364，pp.1-2 以利亞知影無偌久上帝欲召伊倒轉去天--裡。愛佮伊的學生相離別，就招以利沙佮伊做陣去巡幾若間的學校。早時神學校設佇幾若位，學生蹛佇遐逐个有伊的事業。有的做木工，有的剉柴，有的作田，有的拍鐵，兼讀冊研究神學。做先生著愛去巡，佮in交陪紲開講上帝奧妙的道理。以利亞的時陣學校有設立佇Ka-bi̍t山，Kiat-kap，伯特利，耶利哥chiah 的所在攏有。略仔會比得孔子，孟子招學生做陣出門周遊四方教示百姓，諫諍皇帝。 以利沙佮以利亞比chiah 的眾學生較親密。以利亞招伊出門，親像後來保羅招提摩...